Author: નોબત સમાચાર
દરેડ જીઆઈડીસી ફેસ-૩માં ઝૂંપડામાંથી મળી દેશીની ભઠ્ઠીઃ હજાર લીટર આથો જપ્ત
અન્ય ત્રણ સ્થળેથી પણ દેશી દારૂની ભઠ્ઠી પકડાઈઃ
જામનગર તા. ૨૭: જામનગરના દરેડ જીઆઈડીસી ફેસ-૩માં એક ઝૂંપડામાંથી પોલીસે દેશી દારૂની ભઠ્ઠી કબજે કરી છે. સ્થળ પરથી એક હજાર લીટર આથો મળી આવ્યો છે. ઉપરાંત કાલાવડના બાલંભડી ડેમ તેમજ નગરના વુલન મીલ નજીક બાવરીવાસ પાસે બે ઝૂંપડામાંથી પણ દેશી દારૂની ભઠ્ઠી પકડાઈ ગઈ છે.
જામનગરના દરેડ જીઆઈડીસી ફેસ-૩માં શિવ કોમ્પલેક્ષ નજીક ખુલ્લા પ્લોટમાં સંજય રમેશભાઈ કંબોયા નામના મોખાણાના શખ્સના ઝૂંપડામાંથી ગઈકાલે પંચકોશી બી ડિવિઝન પોલીસે દેશી દારૂની ભઠ્ઠી પકડી પાડી છે. સ્થળ પરથી એક હજાર આથો અને ભઠ્ઠીના સાધનો કબજે કરાયા છે. સંજય કંબોયા નાસી ગયો છે.
કાલાવડના બાલંભડી ડેમ નજીક નદીના કાંઠે બાવળની કાટમાંથી પોલીસે પ્રભાત હરસુખભાઈ મકવાણાની દેશી દારૂ બનાવવાની ભઠ્ઠી પકડી પાડી છે. ત્યાંથી ૪૦૦ લીટર આથો, ભઠ્ઠીના સાધનો ઝબ્બે લેવામાં આવ્યા છે.
જામનગરના વુલન મીલ નજીક બાવરીવાસમાં લીલાબેન લક્ષ્મણભાઈ ડાભીના ઝૂંપડામાંથી ભઠ્ઠી ઝડપાઈ છે. એંસી લીટર આથો, પંદર લીટર તૈયાર દારૂ, સાધનો કબજે કરી લેવાયા છે. ત્યાં આવેલા નીતાબેન રાજાભાઈ કોળીના ઝૂંપડામાંથી પણ ભઠ્ઠી સાંપડી છે. એંસી લીટર આથો, દસ લીટર તૈયાર દારૂ, ભઠ્ઠીના સાધનો કબજે કરી પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
