Author: નોબત સમાચાર
પિતરાઈ ભાઈએ લીધેલી રકમની ઉઘરાણી કરી ચાર શખ્સે એક યુવાનને ધોકાવ્યો
વચ્ચેથી વારો લેવાનું કહી વાણંદ યુવાનને માર માર્યો
જામનગર તા. ૧૫: જામનગરના એક યુવાનના પિતરાઈએ રૂ. દસ લાખ ઉછીના લઈ પોબારા ભણી લીધા પછી આ યુવાનને ચાર શખ્સે ઉઘરાણી કરી ધોકાવી નાખ્યો હતો. જયારે વચ્ચેથી વારો લેવાનું કહી એક વાણંદ યુવાનને ગુલાબનગરના શખ્સે માર માર્યો હતો. પોલીસે ગુન્હો નોંધી આરોપીઓની શોધ શરૂ કરી છે.
જામનગરના સત્યમ કોલોની વિસ્તારમાં ઓશવાળ કોલોની -૨ માં વસવાટ કરતા કૃષાલ બકુલભાઈ પેઢડીયા નામના યુવાન ગઈકાલે સવારે કનસુમરા નજીક સાંંઢીયાપુલ પાસે હતા ત્યારે એક મોટર તથા બાઈકમાં રજાક ખફી અને ત્રણ અજાણ્યા શખ્સ ધસી આવ્યા હતા.
થોડા સમય પહેલા કૃષાલના કાકાના દીકરા બ્રિજેશ વિનોદરાય પેઢડીયાએ રૂ. દસ લાખ હર્ષદમીલની ચાલીવાળા રજાક ખફી પાસેથી હાથ ઉછીના લીધા હતા. તે રકમ આપ્યા વગર જ બ્રિજેશ ક્યાંક ચાલ્યો ગયો હતો. તે રકમની ગઈકાલે આ શખ્સોએ ઉઘરાણી કરી હતી.
તે રકમ બ્રિજેશ પાસેથી લેવાનું કહેતા કૃષાલ પર પાઈપ વડેે હૂમલો કરી ચારે શખ્શે માર માર્યો હતો. ફ્રેકચર સહિતની ઈજા પામેલા કૃષાલને દવાખાને ખસેડવામાં આવ્યો છે. પોલીસે તેની ફરિયાદ પરથી ગુન્હો નોંધી આરોપીઓની શોધ શરૂ કરી છે.
જામનગરના રાજપાર્ક નજીક રમણપાર્કમાં રહેતા રોનક રાજેશભાઈ અઘેડા નામના વાણંદ યુવાન શનિવારે રાત્રે વિભાપર રોડ પર ભાર્ગવ કોમ્પ્લેકસમાં બીગ બોસ બ્યુટી સલૂનમાં એક ગ્રાહકનું કામ કરતા હતા.
આ વેળાએ ત્યાં આવેલા ગુલાબનગરવાળા જાવીદ ખીરાએ મારે દાઢી કરાવવી છે તેમ કહી વચ્ચેથી વારો લેવાનું કહેતા રોનકે તેમ કરવાની ના પાડી હતી. આથી ગાળો ભાંડી જાવીદ ખીરાએ ઢીકાપાટુથી માર માર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
