Author: નોબત સમાચાર
હાપા માર્કેટીંગ યાર્ડ માર્ગે નવનિર્મિત ઓવરબ્રિજનું બાળકીના હસ્તે કોંગ્રેસે કરાવી નાખ્યું લોકાર્પણ!
દોઢ મહિનાથી તૈયાર છતાં ઉદ્ઘાટન નહીં થતાં
જામનગર તા. ૧પઃ જામનગરમાં મહાનગર પાલિકા દ્વારા હાપા માર્કેટ યાર્ડ પાસે બનાવાયેલ ઓવરબ્રિજ તૈયાર હોવા છતાં તેને ખુલ્લો મૂકવામાં નહીં આવતા આજે કોંગ્રેસ દ્વારા આશ્ચર્યજનક કાર્યક્રમના ભાગ રૂપે આ બ્રિજનું લોકાર્પણ કરી નાખવામાં આવ્યું હતું.
મહાનગરપાલિકાએ કરોડો રૂપિયાના ખર્ચે હાપા માર્કેટયાર્ડ માર્ગે આવેલ બ્રિજનું નિર્માણ કરવામાં આવ્યું હતું, જે બ્રિજ દોઢેક માસથી તૈયાર થઈ ગયો છે, પરંતુ આ બ્રિજનું લોકાર્પણ કરવામાં આવતું ન હતું.
આજે જામનગર મહાનગર પાલિકાના વિપક્ષના નેતા ધવલ નંદાની આગેવાની હેઠળ આ બ્રિજનું લોકાર્પણ કરી નાખવામાં આવ્યું હતું. એક બાળકીના હસ્તે રિબિન કપાવી બ્રિજ ખુલ્લો મૂકવામાં આવ્યો હતો, જ્યારે બ્રીજમાં મૂકવામાં આવેલી આડશો પણ દૂર ખસેડી નાખવામાં આવી હતી.
આ બનાવની જાણ થતા જ તુરત જ પોલીસ કાફલો દોડી આવ્યો હતો, અને અવર-જવર માટે બંધ કરી દીધો હતો. આમ કોંગ્રેસના આશ્ચર્યજનક કાર્યક્રમથી દોડધામ મચી જવા પામી હતી.
આ કાર્યક્રમમાં મહાનગર પાલિકાના વિપક્ષના નેતા ધવલ નંદા, પ્રદેશ કોંગ્રેસના મહિલા અગ્રણી સહારાબેન મકવાણા, કોર્પોરેટર કાસમભાઈ જોખિયા, આનંદ ગોહિલ સહિતનાઓ જોડાયા હતાં.
આ બ્રિજમાં રોડની વચ્ચે સફેદ પટા લગાવાયા છે. તેને હાથેથી ઉખેડવાનો પ્રયાસ કરતા તે ઉખડી ગયા હતાં એટલે કે કામગીરી નબળી થતી હોવાનું પણ કોંગ્રેસની તપાસમાં ખૂલવા પામ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
