Author: નોબત સમાચાર
જી.જી. હોસ્પિટલમાં રાજ્યના આરોગ્ય કમિશનર હર્ષદ પટેલની અધ્યક્ષતામાં બેઠકઃ જરૂરી સૂચનો
મેયર-ધારાસભ્યો સહિતના આગેવાનો સાથે ચર્ચાઃ
જામનગર તા. પઃ જામનગરની જી.જી. હોસ્પિટલમાં ગઈકાલે રાજ્યના આરોગ્ય કમિશનર દ્વારા મુલાકાત કરી બેઠક યોજવામાં આવી હતી. સાથોસાથ રોગી કલ્યાણ સમિતિની બેઠક પણ યોજવામાં આવી હતી. હોસ્પિટલમાં જરૂરિયાતના અનેક કામોને આરોગ્ય કમિશનરે મંજુરી આપી હતી.
રાજ્યના આરોગ્ય કમિશનર હર્ષદ પટેલ ગઈકાલે જામનગર આવ્યા હતાં. તેમણે મેડિકલ કોલેજમાં કોન્ફરન્સ હોલમાં બેઠક પણ યોજી હતી. સાથોસાથ રોગી કલ્યાણ સમિતિની બેઠક યોજી હતી.
આ બેઠકમાં મેયર વિનોદ ખીમસૂર્યા, ધારાસભ્યો દિવ્યેશભાઈ અકબરી, રિવાબા જાડેજા, મેઘજીભાઈ ચાવડા, રોગી કલ્યાણ સમિતિના સભ્યો, ભાજપ પ્રમુખો, મેડિકલ કોલેજના ડીન ડો. નંદીનીબેન દેસાઈ, જી.જી. હોસ્પિટલના તબીબી અધિક્ષક ડો. દિપક તિવારી સહિતનાઓ ઉપસ્થિત રહ્યા હતાં. ખાસ કરીને નાણાકીય સગવડતા અંગે રજૂઆતો થતા તેમને હકારાત્મક અભિગમ અપનાવી જરૂરી કામગીરીની ખાત્રી આપી હતી.
જી.જી. હોસ્પિટલમાં સુપર સ્પેશિયાલિસ્ટની સેવા અંગે ડોક્ટરો ઉપલબ્ધ છે, પરંતુ જરૂરી સાધનોની જરૂરિયાત હોવાની માગણી મૂકવામાં આવતા તેમણે મંજુરી માટે સાનુકૂળ જવાબ આપ્યો હતો. ઉપરાંત કેન્સરના દર્દીઓ માટે કન્સલ્ટન્ટ, વર્ગ-૪ ની ખૂટતી જગ્યામાં નિમણૂક અને ખાસ કરીને સિક્યોરીટી બાબતે ખાસ વ્યવસ્થાની જાહેરાત કરી હતી.
આરોગ્ય કમિશનરે હોસ્પિટલના નવા બાંધકામવાળી જગ્યાની મુલાકાત પણ કરી હતી અને પીઆઈયુ સ્ટાફને જરૂરી સૂચના આપી હતી. એકંદરે આ બેઠક મહદ્અંશે સફળ રહી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
