Author: નોબત સમાચાર
પાન-મસાલાની ઉધાર લીધેલી પડીકીના મામલે યુવાનને ધોકાવાયો
ત્રણ શખ્સે મોટરમાં અપહરણ કરી હડધૂત કર્યાે:
જામનગર તા. ૨૯: જામનગર તાલુકાના ધુતારપર ગામના એક યુવાને ઉધારમાં લીધેલી પાન-મસાલાની પડીકીના મામલે ત્રણ શખ્સે ધારીયા, પાઈપથી હુમલો કરી મોટરમાં અપહરણ કર્યા પછી ગાળો ભાંડી ગામના ચોકમાં લઈ જઈ હડધૂત કરતા પોલીસમાં ફરિયાદ કરાઈ છે.
જામનગર તાલુકાના ધુતારપર ગામમાં રહેતા મયુર મોહનભાઈ રાઠોડ નામના યુવાને ગામમાં આવેલી રસીદ મેરૂભાઈ વડેચાની દુકાનેથી પાન મસાલાની પડીકી ઉધારમાં લીધી હતી. તેના પૈસાની ગૌતમ નામના શખ્સે ઉઘરાણી કરતા મયુરે તારી દુકાન ક્યા છે તેમ પૂછતા મનદુખ થયું હતું.
ત્યારપછી ગઈકાલે સાંજે મયુરના ઘર પાસે મોટરમાં ધસી આવેલા રસીદ વડેચા, મયુર ઉર્ફે રઘા પરમાર, જયદીપ મારાજ નામના ત્રણ શખ્સે મયુર રાઠોડને બહાર બોલાવી જ્ઞાતિ પ્રત્યે હડધૂત કરી ગાળો ભાંડવા ઉપરાંત રસીદે પાઈપ ફટકાર્યાે હતો. રઘાએ ધારીયાથી હુમલો કર્યાે હતો અને જયદીપે પ્લાસ્ટિકનો પાઈપ માર્યાે હતો. ત્યારપછી આ શખ્સોએ બળજબરીથી મયુર રાઠોડને મોટરમાં નાખી તેનું અપહરણ કરી ગામના ચોકમાં લઈ જઈ અપમાનિત કરવા ઉપરાંત ફરીથી માર માર્યાે હતો. પંચકોશી એ ડિવિઝનમાં મયુર રાઠોડે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
