Advertisement
Author: નોબત સમાચાર

ખાનગી કંપનીના સોલાર પ્લાન્ટના સ્થળે શ્રમિક પર કોલમ પડતાં ગંભીર ઈજાથી મૃત્યુ

લોખંડનો કોલમ સંતુલન ગૂમાવીને ત્રાટક્યોઃ

                                                                                                                                                                                                      

જામનગર તા. ૨૯: લાલપુરના કાનાછીકારી ગામની સીમમાં ઉભા થતા સોલાર પ્લાન્ટના કામના સ્થળે ગઈકાલે સવારે પંજાબના એક શ્રમિક પર લોખંડનો કોલમ અસંતુલિત થઈ પડ્યા પછી ગંભીર ઈજા પામેલા આ યુવાનનું મૃત્યુ નિપજ્યું છે.

લાલપુર તાલુકાના કાનાછીકારી ગામની સીમમાં ખાનગી કંપની દ્વારા ઉભા કરવામાં આવી રહેલા સોલાર પ્લાન્ટમાં કામ માટે આવેલા પંજાબ રાજ્યના ગુરૂદાસપુર જિલ્લાના ડકોહા ગામના વતની બલવીન્દરસિંગ જગીરસિંગ (ઉ.વ.૩૭) નામના શીખ યુવાન ગઈકાલે સવારે ચાલી રહેલા કોલમ ઉભા કરવાના કામ પર ફોરમેન તરીકે ફરજ બજાવતા હતા.

આ વેળાએ લોખંડનો કોલમ સંતુલન ગૂમાવીને બલવીન્દરસિંગ પર પડ્યો હતો. જેના કારણે પડખા તથા પગમાં આ યુવાનને ગંભીર ઈજા થઈ હતી. સારવારમાં ખસેડાયેલા બલવીન્દરસિંગનું મૃત્યુ નિપજ્યું છે. તેના સાથી કર્મચારી સંદીપ જયસીંગે પોલીસને જાણ કરી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh