Author: નોબત સમાચાર
હર ઘર તિરંગા કાર્યક્રમ હેઠળ ઘેર-ઘેર તિરંગા પહોંચ્યા છે ખરા...?
૫૦ લાખનું ટેન્ડરઃ રાબેતા મુજબ ભાજપના નેતાને કોન્ટ્રાક્ટ...!
જામનગર તા. ૧૪: હર ઘર તિરંગાનું આ વર્ષે પણ જામનગર મહાનગરપાલિકાએ આયોજન કર્યું છે, જેમાં રાષ્ટ્રધ્વજ વિતરણ કરવા મહાનગરપાલિકાએ ૫૦ લાખનું ટેન્ડર બહાર પાડ્યું હતું, જે કામ રાબેતા મુજબ ભાજપના હોદ્દેદારને મળ્યું છે. જો કે, તમામ ઘરે આવા ધ્વજ પહોંચ્યા નથી તે પણ હકિકત છે.
જામનગર મહાનગર પાલિકા દ્વારા હર ઘર તિરંગા કાર્યક્રમ માટે ટેન્ડર પ્રસિદ્ધ કરવામાં આવ્યા પછી ટેન્ડરની શરતોની અનુકુળતા મુજબ આ કામનો કોન્ટ્રાકટ ભાજપના હોદ્દેદારને મળ્યો હતો. જે (કોન્ટ્રાકટરના કહેવા મુજબ) રાષ્ટ્રધ્વજ સરકાર દ્વારા આપવામાં આવશે અતે તે માટેની લાકડી કોન્ટ્રાકટરે આપવાની રહેશે, તે મુજબ કોન્ટ્રાકટરે અત્યાર સુધીમાં સવા લાખ નંગ લાકડી મહાનગરપાલિકાને સોંપી દીધી છે તેવું જાહેર થયું છે. એટલે કે નગરમાં આજ સુધીમાં સવા લાખ રાષ્ટ્રધ્વજનું વિતરણ થઈ ચુક્યું હશે તેમ માનવું રહ્યું. કારણ કે આવતીકાલે તો ૧૫મી ઓગષ્ટ છે.
ગત વર્ષે પણ મહાનગર પાલિકાએ આશરે રૂ. ૨૮ લાખની રકમનું ચુકવણુ કર્યું હતું. આ વર્ષે પણ તગડી રકમ ખર્ચ કરવામાં આવશે.
જો કે, આ બાબત અલગ છે કે આવું કામ ભાજપના માનિતા હોદ્દેદાર સીવાય કોઈને ફાળવતું નહીં હોય.
હવે જોવાનું એ રહે છે કે લાખોના ખર્ચ પછી દરેકના ઘરે તિરંગા પહોંચ્યા છે કે કેમ?
જો કે, મળતી માહિતી મુજબ દરેક વોર્ડ પ્રમાણે ફાળવણી કરવામાં આવી રહી હોવાનું જાણવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
