જોડીયાની હુન્નર શાળામાં શ્રી શક્તિદળ સેવા ટ્રસ્ટ દ્વારા ૪૦ પંખાની ભેટ

Author: નોબત સમાચાર

જોડીયાની હુન્નર શાળામાં શ્રી શક્તિદળ સેવા ટ્રસ્ટ દ્વારા ૪૦ પંખાની ભેટ

અનમોલ દુઆયેં લગતી હૈ, સેવા હી અસલી 'શક્તિ' હૈ

જામનગર જિલ્લાના જોડીયામાં આવેલી અને છેલ્લા ઘણાં દાયકાઓથી કાર્યરત એવી શેઠ કાકુભાઇ જીવણદાસ સ્ત્રી હુન્નર શાળામાં વર્ષોથી વિવિધ સેવાકીય પ્રવૃતિઓને સમર્પિત જામનગરની સંસ્થા શ્રી શક્તિ દળ સેવા ટ્રસ્ટ દ્વારા હાલમાં ૪૦ જેટલા પંખાઓ (સિલિંગ ફેન)ની ભેટ આપવામાં આવી હતી તથા શાળાની વિદ્યાર્થીઓને નોટબુકનું વિતરણ સહિતની સેવા પ્રવૃત્તિઓ કરવામાં આવી હતી.

શક્તિ દળ સેવા ટ્રસ્ટના પ્રમુખ પ્રદીપભાઇ માધવાણીના પ્રેરક માર્ગદર્શનમાં કાર્યવાહક પ્રમુખ દર્શકભાઇ માધવાણી, મંત્રી ગીતાબેન સાવલા, હસમુખભાઇ પડીઆ, દિલીપભાઇ સાવલા, પરેશભાઇ રૂપારેલ, કિર્તીબેન માધવાણી સહિતના હોદેદારોએ જોડિયા સ્થિત હુન્નર શાળાની મુલાકાત લીધી હતી.

આ તકે હુન્નર શાળાના ટ્રસ્ટી પાર્થભાઇ સુખપરીયા, માધવ સુખપરીયા, સ્થાનિક ટ્રસ્ટી અશોકભાઇ વર્મા તેમજ શાળાની વિદ્યાર્થીનીઓ દ્વારા શક્તિ દળના હોદેદારો-સભ્યોનું ભારતીય સંસ્કૃતિ મુજબ જાજરમાન સ્વાગત-અભિવાદન કરાયું હતું અને ત્યારપછી વડીલ ભરતભાઇ સુખપરીયાના માર્ગદર્શનમાં થયેલ સંસ્થાની પ્રગતિનો ચિતાર રજૂ કરવાની સાથે જ સ્વર્ગસ્થ ધીરૂભાઇ શેઠના અમૂલ્ય પ્રદાનનું પણ પુણ્ય સ્મરણ કરવામાં આવ્યું હતું.

જામનગરની પ્રસિધ્ધ અને ઘણાં વર્ષોથી અવિરત વિવિધ સેવાકાર્યોમાં કાર્યરત એવી સંસ્થા શ્રી શક્તિ દળ સેવા ટ્રસ્ટ દ્વારા જોડીયાની પ્રસિધ્ધ હુન્નર શાળાને કુલ ૪૦ પંખા (સિલિંગ ફેન) અર્પણ કરવામાં આવ્યા હતા. જેમાં ૧૦ પંખાની ભેટ માટે જામનગરના રહેવાસી ઇન્દુબેન સુભાષભાઇ વિઠ્ઠલાણી તરફથી આર્થિક સહયોગ પ્રાપ્ત થયો હતો. ઉપરાંત શક્તિ દળ સંસ્થાના હોદેદારોના હસ્તે હુન્નર શાળાની વિદ્યાર્થીનીઓ નોટબુકનું વિતરણ પણ કરવામાં આવ્યું હતું.

લાભાર્થી સંસ્થા શેઠ કાકુભાઇ જીવણદાસ સ્ત્રી હુન્નર શાળાના ટ્રસ્ટીઓ, સંચાલકોેએ શક્તિદળના આગેવાનોનો આભાર માની સંસ્થાની સેવા પ્રવૃત્તિઓને બિરદાવી હતી.

જો આપને આ પોસ્ટ ગમી હોય તો શેર કરો...