Author: નોબત સમાચાર
જામનગરના દીવલા ડોન સામે ગુન્હો નોંધાયોઃ ધરપકડ
બળજબરીપૂર્વક મકાન ખાલી કરાવવા ઘરમાં તોડફોડઃ
જામનગર તા ૨૬: જામનગરના કુખ્યાત દીવલા ડોન સામે પટેલ કોલોની શેરી નંબર ૯ માં રહેતી એક મહિલાનું મકાન બળજબરી પૂર્વક ખાલી કરાવવા માટે ઘરમાં ઘૂસી જઇ તોડફોડ કર્યાની અને ૫૦,૦૦૦ ની માંગણી કર્યાની ફરિયાદ પોલીસમાં નોંધાવાઇ હતી, જે ગુન્હામાં આરોપી દીવલા ડોનની ધરપકડ કરવામાં આવી છે.
જામનગરમાં પટેલ કોલોનીમાં રહેતા વર્ષાબેને પોલીસ મથકમાં આરોપી દીવ્યરાજસિંહ ઉર્ફે દીવલા ડોન તેમજ બળભદ્રસિંહ જાડેજા, એક અજાણ્યો માણસ અને નિર્મળસિંહ નામના વકીલ સામે ફરિયાદ નોંધાવી હતી.
પોલીસ ફરિયાદમાં જાહેર કરાયા અનુસાર ફરિયાદી મહિલાનું મકાન બળજબરીપૂર્વક ખાલી કરાવવા માટે ગત તા. ૬-૮-૨૦૨૫ ના સવારના દીવલો ડોન તેના સાગરીતો સાથે મકાનમાં ઘૂસી આવ્યો હતો, અને કાચ, ટેબલ ફેન વગેરેમાં તોડફોડ કરી નુકસાન પહોંચાડ્યું હતું. તેમજ ધાક ધમકી આપી ૫૦,૦૦૦ રૂૂપિયાની માંગણી કરી હતી, અને આ મકાન ખાલી કરીને નિર્મળસિંહ વકીલને આપી દેવાનું છે, તેમ કહી ધમકી આપી હતી.
આખરે આ મામલે પોલીસ માં ફરિયાદ નોંધાવાઇ હતી. જેના અનુસંધાને પીએસઆઇ જે. પી. સોઢા અને તેઓ ની ટીમે આરોપી દીવલા ડોન, વગેરે સામે ગુન્હો નોંધ્યો હતો.
તે દરમિયાન ગઈકાલે મુખ્ય આરોપી દીવલા ડોનની પોલીસ દ્વારા ધરપકડ કરમાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
