Author: નોબત સમાચાર
એલસીબીએ ફિલ્મી ઢબે પીછો કરી મોટરમાંથી પકડ્યો દેશીનો જથ્થો
ખંભાળિયામાંથી બીયરના ૫૪ ટીન પકડાયાઃ
જામનગર તા.ર૮ : દ્વારકા એલસીબીએ એક મોટરનો ફિલ્મી ઢબે પીછો કર્યા પછી તે મોટરમાંથી ઉતરીને તેનો ચાલક નાસી ગયો હતો. મોટરમાંથી ૭૦૦ લીટર દેશી દારૂ ઝડપાયો છે. ખંભાળિયામાં મોટરમાંથી બીયરના ૫૪ ટીન સાથે એક શખ્સની ધરપકડ કરાઈ છે.
ખંભાળિયા પાસે દ્વારકા એલસીબીના સ્ટાફ દ્વારા કરવામાં આવી રહેલા પેટ્રોલિંગ દરમિયાન દલવાડી હોટલ તરફ ઓવર બ્રિજ પાસેથી જીજે-પ-જેએસ ૨૪૫૩ નંબરની મોટર પસાર થઈ હતી. તેને રોકવાનો ઈશારો કરાયો હોવા છતાં મોટર નાસી ગઈ હતી.
પોલીસે તેનો ફિલ્મી ઢબે પીછો શરૂ કર્યા પછી મોટર ઉભી રાખી તેનો ચાલક નાસી ગયો હતો. મોટરમાંથી પોલીસે ૭૦૦ લીટર દેશી દારૂ કબજે કર્યાે છે અને મોટરમાંથી બે નંબર પ્લેટ પણ મળી આવી છે. મોટરના ચાલકની એલસીબી દ્વારા શોધખોળ હાથ ધરવામાં આવી છે.
ખંભાળિયાના શક્તિનગર પાસે પ્રજાપતિની વાડી નજીક એક મોટરમાં લઈ જવાતી બીયરની ૫૪ બોટલ પોલીસે કબજે કરી છે. મોટર તથા ટીન સાથે દિલીપ જેતુભાઈ ભીલ નામના શખ્સની ધરપકડ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
