Author: નોબત સમાચાર
કાલાવડ પાસે રેતી ભરેલુ ડમ્પર રોડ પર ઠાલવી ત્રણ શખ્સ નાસી ગયા
ફરજ રૂકાવટની ખાણખનીજના અધિકારીની ફરિયાદઃ
જામનગર તા.ર૮ : કાલાવડ-રાજકોટ ધોરીમાર્ગ પર શનિવારે ખાણખનીજ વિભાગની ટીમે રેતી ભરેલુ એક ડમ્પર પકડી પાડ્યું હતું. તે ડમ્પર સીઝ કરવા માટે વે બ્રિજ તરફ વજન કરાવવા લઈ જવાતું હતું ત્યારે મોટરમાં ધસી આવેલા બે શખ્સે ખાણ ખનીજના સિકયુરિટી ગાર્ડને ગાળો ભાંડી રોડ પર જ રેતી ઠાલવી દીધી હતી. એક અધિકારીએ ફરજ રૂકાવટની ફરિયાદ નોંધાવી છે.
કાલાવડ પંથકમાં શનિવારે ખાણખનીજ વિભાગ દ્વારા કરવામાં આવી રહેલા પેેટ્રોલિંગ દરમિયાન કાલાવડ રાજકોટ હાઈવે પરથી જીજે-૩-ડીવાય ૪૫૬ નંબરનું એક ડમ્પર રોકી તેની તલાશી લેવાતા આ ડમ્પરમાં રેતી ભરેલી હોવાનું જણાઈ આવ્યું હતું. રેતી અંગે તેના ડ્રાઈવર ની પૂછપરછ કરાતા પછી તે ડમ્પર સીઝ કરવા માટે કાર્યવાહી કરાઈ રહી હતી.
તે દરમિયાન ડમ્પરને વજન કાંટા પર લઈ જવા માટે સુચના અપાઈ હતી અને દેવાંગી વે-બ્રિજ નામના વજન કાંટા તરફ ડમ્પરને દોરી જવાતું હતું. ત્યારે સ્વીફટ મોટરમાં બે શખ્સ ધસી આવ્યા હતા. આ શખ્સોએ તે ડમ્પરને રોકાવ્યા પછી ડમ્પરમાં સાથે રહેલા ખાણખનીજના સિક્યુરિટી ગાર્ડ વિજયસિંહને ગાળો ભાંડી ધમકી આપ્યા પછી ડમ્પરમાંથી રોડ પર રેતી ઠાલવી દીધી હતી અને તે પછી આ શખ્સો ડમ્પરચાલકને સાથે રાખી નાસી ગયા હતા.
આ બાબતની ખાણ ખનીજ વિભાગના અધિકારી આનંદ ખીમાભાઈ ગાધેએ કાલાવડ શહેર પોલીસ સ્ટેશનમાં ફરિયાદ નોંધાવી છે. પોલીસે ફરજમાં રૂકાવટ સહિતની કલમો હેઠળ ત્રણ અજાણ્યા શખ્સ સામે ગુન્હો નોંધી તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
