Author: નોબત સમાચાર
જિલ્લા સેવાસદનના માર્ગે સ્ટ્રીટલાઈટો એક વર્ષથી બંધ... ''દિવા તળે અંધારૂ''
જ્યાંથી આખું જિલ્લાતંત્ર દરરોજ પસાર થાય છે તે...
ખંભાળિયા તા. ર૬: જિલ્લા કક્ષાના વડા અહીંથી નીકળે છે, દેવભૂમિ દ્વારકા જિલ્લાના સેવા સદન જતા રસ્તા પર એક વર્ષથી સ્ટ્રીટ લાઈટો બંધ છે, છતાં તંત્રના પેટનું પાણી હલતું નથી.
દેવભૂમિ દ્વારકા જિલ્લામાં જામનગર હાઈ-વે પાસે દલવાડી હોટલ પાસેથી જિલ્લા સેવા સદન જતો રસ્તો આવેલો છે.
આ રસ્તો અગાઉ જુનો જર્જરિત હતો તે નવો બનાવાયો તે પછી એકાદ વર્ષથી અહીં સ્ટ્રીટ લાઈટો બન્ને તરફ નાખવામાં આવી છે, પણ એક વર્ષથી સ્ટ્રીટ લાઈટો શોભાના ગાંઠિયાની જેમ બંધ જ છે, ચાલુ જ થઈ નથી.
એમ કહેવાય છે કે આ સ્ટ્રીટ લાઈટની જવાબદારી પાલિકા તંત્રની છે. આ ધરમપુર વિસ્તારની છે. તેથી ધરમપુર પંચાયતની છે અને ધરમપુર પંચાયત હાથ ઊંચા કરી દે છે કે નગરપાલિકાની છે?!
નવાઈની વાત એ છે કે આ જિલ્લા સેવા સદનનો દલવાડી હોટલથી સેવા સદન સુધીના રસ્તા પર સેવા સદનમાં કામ કરતી ત્રણેય મુખ્ય કચેરીઓ જિલ્લા કલેક્ટર, જિલ્લા પોલીસ વડા, જિલ્લા વિકાસ અધિકારી સહિતના અધિકારીઓ અહીંથી રોજ નીકળે છે, છતાં લાઈટો વર્ષથી બંધ છે.
આ કચેરીઓ તો સાંજે બંધ થઈ જાય પણ તેની જ સામે સરકારી ક્વાર્ટર છે જેમાં મોટી સંખ્યામાં કર્મચારીઓ કુટુંબો સાથે રહે છે તેમની વિકટ સ્થિતિ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
