Author: નોબત સમાચાર
જામનગરમાં બીઓબીના એટીએમ કેબિનમાં બે કૂતરાઓનો કબજોઃ એ.સી.માં આરામ !
શ્વાનોને અપાયો સિક્યોરિટીનો કોન્ટ્રાક્ટ !
જામનગર તા. ૨૬: જામનગર શહેરના ધમધમતા રણજીત રોડ પર આવેલ 'બેંક ઓફ બરોડા'ના એટીએમ રૂમમાં ગત રાત્રે બે શ્વાનો ઘૂસી ગયા હતા. અને સતત ત્રણ કલાક સુધી શ્વાનોએ એટીએમ પર કબ્જો જમાવ્યો હતો. સિક્યુરિટી ગાર્ડ કે અન્ય કોઈ હાજર ન હતું, અને બે શ્વાનનો કબ્જો હોવાના કારણે નાણા ઉપાડવા માટે આવનારા લોકો ભયભીત બન્યા હતા, અને આ સ્ટ્રીટ ડોગની હાજરીમાં એટીએમમાંથી પૈસા ઉપાડવા પણ કઈ રીતે, તેવો સવાલ થઈ પડયો હતો. પરંતુ જોખમ ઉઠાવીને સ્ટ્રીટ ડોગની ઊંઘમાં કોઈ ખલેલ ન પહોંચે તેમ વિના અવાજે નાણા ઉપાડીને કેટલાક લોકોએ બહાર નીકળવા માટેનો પ્રયાસ કર્યો હતો. આ એટીએમમાં સિક્યુરિટી ગાર્ડની કોઈ વ્યવસ્થા છે કે કેમ ! તેવા સવાલો પણ ઉઠ્યા હતા. અને એવો કટાક્ષ પણ થયો હતો કે તાજેતરમાં જ સુપ્રિમકોર્ટ દ્વારા સ્ટ્રીટ ડોગની ફેવરમાં ચૂકાદો આપ્યો છે, ત્યારે બેંક દ્વારા પણ આવી કોઈ નવી સુરક્ષા પ્રણાલી તો નથી અપનાવીને કે, સિક્યુરિટી ગાર્ડના બદલામાં આ વ્યવસ્થા કરી દેવામાં આવે, અને રાત્રિ દરમ્યાન એટીએમ મશીનો ચીટર લોકો અથવા ભેજાબાજોથી સુરક્ષીત રહે, સાથોસાથ સ્ટ્રીટ ડોગને એ.સી.ની ઠંડી હવા પણ મળતી રહે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
