Author: નોબત સમાચાર
કસ્તુરબા સ્ત્રી વિકાસગૃહમાં રક્ષાબંધન પર્વની ઉજવણી
આ પવિત્ર દિવસે ઉપેક્ષિત બહેનોની મદદ કરીએઃ જીતુ લાલ
જામનગર તા. ૧૩: કસ્તુરબા સ્ત્રી વિકાસ ગૃહ જામનગરમાં રક્ષાબંધન પર્વની ભવ્ય અને ગૌરવપૂર્વક ઉજવણી કરવામાં આવી હતી. આ મંગલ અવસરે 'સંસ્થા બંધુ' તરીકે જામનગર જિલ્લા સહકારી બેંકના ચેરમેન અને જાણીતા સામાજિક અગ્રણી જીતુભાઈ લાલ ઉપસ્થિત રહ્યા હતાં.
કાર્યક્રમમાં શાબ્દિક સ્વાગત અને સંસ્થા બંધુનો પરિચય આપતા સંસ્થાના પ્રમુખ કરશનભાઈ ડાંગરે સૌને પર્વની શુભકામનાઓ પાઠવી. જીતુભાઈ લાલની અનેક સેવાકીય પ્રવૃત્તિઓથી સૌને વાકેફ કર્યા હતાં અને તેમનું સૂત્રમાળાથી સ્વાગત કર્યું હતું. તેમણે સંસ્થા બંધુ તરીકે હજારો બહેનોના આશીર્વાદ મેળવી ખૂબ પ્રગતિ થાય તેવી જીતુભાઈ પ્રત્યે ભાવના વ્યક્ત કરી હતી.
રક્ષાબંધન પર્વ વિશે સંસ્થાના મંત્રી હીરાબેન તન્નાએ પ્રાસંગિક ઉદ્બોધનમાં પર્વનું ઐતિહાસિક અને પૌરાણિક મહત્ત્વ સમજાવ્યું હતું. ત્યારપછી તેમણે સંસ્થા બંધુ જીતુભાઈ લાલને રક્ષાસૂત્ર બાંધીને અંતરના આશિષ પાઠવ્યા હતાં. આ પછી બહેનોએ અન્ય બંધુઓને રક્ષાસૂત્ર બાંધીને શુભેચ્છાઓની આપલે કરી હતી.
જીતુભાઈ લાલે પ્રતિભાવ આપતા જણાવ્યું કે, 'આજના પવિત્ર દિવસે તમામ બહેનોની રક્ષા કરવાનો સંકલ્પ લઈ, સમાજમાં ઉપેક્ષિત બહેનોની જરૂરિયાત મુજબ મદદ કરીએ.'
આ પ્રસંગે સંસ્થાના ટ્રસ્ટી મંડળના સભ્યો, કા.વા. સમિતિના સભ્યો, વિભાગીય વડા તથા સમગ્ર કસ્તુરબા સ્ત્રી વિકાસગૃહ પરિવાર હાજર રહ્યો હતો. કાર્યક્રમને અંતે ભાવિષાબેને આભાર વ્યક્ત કર્યો અને હિનાબેનએ સમગ્ર કાર્યક્રમનું સંચાલન કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
