Author: નોબત સમાચાર
જાણો રપ ઓગસ્ટ થી ૩૧ ઓગસ્ટ ૨૦૨૫ સુધીનું સાપ્તાહિક રાશિફળ
વૃષભ સહીત બે રાશિને આવનારા સપ્તાહમાં નાણાભીડ રહે, કામમાં સાવધાની રાખવી
Aries (મેષ: અ-લ-ઈ)
તમારા માટે પરિવર્તનશીલ સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન સમય અને સંજોગો આપના પક્ષમાં રહેતા જણાય. વ્યાપાર-વ્યવસાય ક્ષેત્રે આકસ્મિક લાભ પ્રાપ્ત થઈ શકે તેમ જણાય છે. સ્વાસ્થ્ય બાબતે કોઈ સમસ્યા હશે તો તેમાં ધીમી ગતિએ સુધારો જોવા મળે. ગૃહસ્થ જીવનમાં વાતાવરણ ઉગ્ર બની શકે છે, વાણી ઉપર સંયમ રાખવો શ્રેષ્ઠ રહેશે. જમીન-મકાનના પડતર પ્રશ્નોનો નિકાલ લાવવામાં સફળતા મળે. તા. રપ થી ર૮ શુભ ફળદાયી. તા. ર૯ થી ૩૧ તણાવ રહે.
Taurus (વૃષભ: બ-વ-ઉ)
આપના માટે સામાજિક કાર્યો કરાવનારો સમય સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન આપના દ્વારા કોઈ મોટું કાર્ય સંપન્ન થાય, જેના કારણે આપની માન-પ્રતિષ્ઠા-આબરૂમાં ઉત્તરોત્તર વૃદ્ધિ થતી જણાય. મોજશોખ પાછળ નાણાનો વ્યય શક્ય બને. ધંધા-વ્યવસાય-નોકરીમાં પ્રગતિ-ઉન્નતિ જોવા મળે. સંતાનના અભ્યાસ અને આરોગ્ય બાબતે ચિંતા રહ્યા કરે. યાત્રા-પ્રવાસનું આયોજન શક્ય બને. મિત્રોનો સાથ-સહકાર મળે. તા. રપ થી ર૮ વ્યસ્તતા રહે. તા. ર૯ થી ૩૧ પ્રવાસ.
Gemini (મિથુન: ક-છ-ધ)
તમારા માટે મહત્ત્વના કાર્યોમાં સાવધાની રાખવાની સલાહ આપતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપ આપના અગત્યના નિર્ણય લેવામાં થાપ ખાઈ શકો છો. હકીકત અને કલ્પના વચ્ચે અટકાવતા જણાવ. આર્થિક રોકાણ તથા મિલકતની ખરીદીમાં સાવચેત રહેવું. સ્વાસ્થ્ય સુખાકારી સારી રહેવા પામે. પારિવારિક ક્ષેત્રે વડીલ વર્ગ, માતા-પિતા તરફથી સહકાર તથા સ્નેહ પ્રાપ્ત કરી શકશો. સંતાન અંગે ચિંતા હશે તો દૂર થશે. તા. રપ થી ર૮ આરોગ્ય સુધરે. તા. ર૯ થી ૩૧ સંભાળવું.
Cancer (કર્ક: ડ-હ)
આપના માટે તબિયત સાચવવાની સલાહ આપતું સપ્તાહ શરૂ થવા જાય છે. આ સપ્તાહના દિવસો દરમિયાન આરોગ્ય આપનું સાથ છોડતું જણાય. સ્વાસ્થ્ય અંગે તકેદારી રાખવી આવશ્યક બની રહે અન્યથા ડોક્ટરની ફરજિયાત મુલાકાતે જવું પડી શકે છે. વેપારી વર્ગને નવી ધંધાકીય ખરીદી શક્ય બને. સામાજિક ક્ષેત્રે ગુમાવેલી નામના-કીર્તિ પરત મેળવી શકશો. ભાઈ-બંધુ સાથે કોઈ વિવાદ હશે તો તેનો સુખદ નિકાલ લાવી શકશો. મિત્રથી લાભ થાય. તા. રપ થી ર૮ સ્વાસ્થ્ય સાચવવું. તા. ર૯ થી ૩૧ માન-સન્માન.
Leo (સિંહ: મ-ટ)
તમારા માટે વાદ-વિવાદથી દૂર રહેવાની સલાહ આપતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપની માનસિક સ્થિતિ ત્રસ્ત બનતી જણાય. ઘર-પરિવારમાં નજીકના સંબંધો વણસતા જણાય. ક્ષમા કરવાની ભાવના કેળવશો તો મહદ્અંશે ફાયદામાં રહેશો. વ્યવસાય ક્ષેત્રે કોઈ નવી તક હાથમાં આવી શકે. ધાર્યો લાભ પ્રાપ્ત થતા આર્થિક સ્થિતિ મજબૂત બનતી જણાય. સામાજિક જીવનમાં મિલન-મુલાકાતના પ્રસંગો બને. સ્વાસ્થ્ય્ બાબતે કાળજી રાખવી. તા. રપ થી ર૮ વ્યાવસાયિક લાભ. તા. ર૯ થી ૩૧ બોલાચાલી ટાળવી.
Virgo (કન્યા: પ-ઠ-ણ)
આપના માટે તડકા-છાંયા જેવી પરિસ્થિતિનું નિર્માણ કરનારૂ સપ્તાહ શરૂ થવા જાય છે. આ સપ્તાહના દિવસો દરમિયાન કોઈ મહત્ત્વની કે નજીકની વ્યક્તિ સાથે બોલાચાલી થાય, જેના કારણે આપનું મન વિક્ષિપ્ત થઈ જાય. નાણાકીય બાબતે આપનું પૂરૃં ધ્યાન આર્થિક બાબતો પર રહેશે. આર્થિક લાભ મળવાની પૂર્ણ શક્યતાઓ જણાય છે. વ્યાપાર-ધંધામાં તેજીના દર્શન થાય. સામાજિક ક્ષેત્રે શત્રુ વિરોધીઓથી સાવચેત રહેવું. સ્વાસ્થ્ય સુખાકારી સારી રહે. તા. રપ થી ર૮ આર્થિક લાભ. તા. ર૯ થી ૩૧ સ્વાસ્થ્ય સુધરે.
Libra (તુલા: ર-ત)
આપના માટે માન-સન્માનમાં વૃદ્ધિ અપાવનારો સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપને સામાજિક-રાજકીય ક્ષેત્રે માન-પ્રતિષ્ઠામાં વધારો થતો જણાય. આપની લોકપ્રિયતામાં વૃદ્ધિ થતી જોવા મળે. નાણાકીય સ્થિતિ સદ્ધર બને. શત્રુ વિરોધીઓ ઉપર વિજય મેળવી શકશો. સ્વાસ્થ્ય બાબતે આહાર-વિહારમાં તકેદારી રાખવી અનિવાર્ય બની રહે. ગૃહસ્થ જીવનમાં વાતાવરણ મધ્યમ રહે. સંતાન તરફથી શુભ સમાચાર પ્રાપ્ત થાય. તા. રપ થી ર૮ સ્વાસ્થ્ય સંભાળવું. તા. ર૯ થી ૩૧ માન-સન્માન.
Scorpio (વૃશ્ચિક: ન-ય)
તમારા માટે સંભાળ તથા શાંતિથી કાર્ય કરવાની સલાહ આપતું સપ્તાહ શરૂ થવા જાય છે. આ સપ્તાહના દિવસો દરમિયાન નાણાકીય ક્ષેત્રે નાની-મોટી ઉથલ-પાથલ થવાની પૂર્ણ શક્યતા રહે. લોભામણી તથા લાલચભરી વાતોથી અળગા રહેવું. રાજકીય પ્રવૃત્તિ સાથે સંકળાયેલા જાતકોએ વિશેષ ધ્યાન રાખવું. ઘર-પરિવારમાં વાતાવરણ શાંત તથા સુખમય રહે. સંતાન તરફથી શુભ સમાચાર પ્રાપ્ત થાય. ધાર્મિક કાર્યો કે માંગલિક કાર્યોમાં સહભાગી થવાનો અવસર પ્રાપ્ત થાય. તા. રપ થી ર૮ શુભ. તા. ર૯ થી ૩૧ સંભાળ રાખવી.
Sagittarius (ધન: ભ-ધ-ફ-ઢ)
આપના માટે મધ્યમ પ્રકારનો સમય સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન વ્યાપાર-ધંધામાં વાતાવરણ શુષ્ક જણાય. આર્થિક બાબતે નાણાકીય તંગી સ્પષ્ટ વર્તાય. હાલ મોટા આર્થિક રોકાણને મુલતવી રાખવા યોગ્ય જણાય છે. આરોગ્ય સુખાકારી ઉત્તમ રહે. જુના રોગોમાંથી મુક્તિ મળતા રાહતનો અનુભવ થાય. સાંસારિક જીવનમાં એકમેકનો સાથ-સહકાર મળી રહે. રાજકીય પ્રવૃત્તિ સાથે સંકળાયેલા જાતકો માટે સમય કષ્ટદાયી પૂરવાર થાય. તા. રપ થી ર૮ નાણાભીડ. તા. ર૯ થી ૩૧ સામાન્ય.
Capricorn (મકર: ખ-જ)
તમારા માટે સુખમય પરિસ્થિતિનું નિર્માણ કરતું સપ્તાહ શરૂ થવા જાય છે. આ સપ્તાહના દિવસો દરમિયાન લાંબા સમયથી ચાલતી તકલીફોમાંથી બહાર આવવાના રસ્તા મળે. નાણાકીય સ્થિતિ મજબૂત બનતા માનસિક રાહતનો અનુભવ થાય. આરોગ્ય બાબતે તકેદારી રાખવી. નોકરિયાત વર્ગને કામના બદલામાં પ્રશંસા-વખાણ સાંભળવા મળે. વિદ્યાર્થીઓ માટે ઈચ્છિત ફળ મેળવવા મહેનત કરવી પડે. યાત્રા-પ્રવાસનું આયોજન શક્ય બને. તા. રપ થી ર૮ સુખદ. તા. ર૯ થી ૩૧ આરોગ્ય સાચવવું.
Aquarius (કુંભ: ગ-શ-સ)
આપના માટે ધંધો-વ્યવસાય ક્ષેત્રે લાભ અપાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન વ્યાપાર-ધંધા ક્ષેત્રે લાંબા સમયથી ચાલી આવતી મંદીની અસરમાંથી મુક્તિ મેળવી શકશો. ધાર્યો લાભ પ્રાપ્ત થતા ઉત્સાહમાં વધારો થતો જોવા મળે. નાણાકીય સ્ત્રોતો મેળવવાનો માર્ગ મોકળો થતો જણાય. ગૃહસ્થ જીવનમાં વાતાવરણ ડામાડોળ થતું જણાય. પરસ્પર અહ્મનો ટકરાવ થતો જણાય. જમીન-મકાન-રહેઠાણને લગતા પ્રશ્નો હશે તો તેનો નિકાલ લાવી શકશો. તા. રપ થી ર૮ વિવાદ ટાળવા. તા. ર૯ થી ૩૧ સફળતા.
Pisces (મીન: દ-ચ-ઝ-થ)
તમારા માટે માનસિક શાંતિનો અનુભવ કરાવનારો સમયે સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપની માનસિક સ્થિતિ પ્રસન્નતાભરી રહેવા પામે. સમય પરિવારજનો સાથે આનંદપૂર્વક પસાર થાય. ભૌતિક સુખ-સગવડના, ભોગ-વિલાસના સાધનો પાછળ સમય અને નાણાનો વ્યય થતો જણાય. વ્યાપાર-વ્યવસાયમાં મંદીના દર્શન થાય. ધાર્યો લાભ મેળવવા હજુ યોગ્ય સમયની રાહ જોવી પડે. સાંસારિક જીવનમાં એક-મેકનો સાથ-સંગાથ મળી રહે. તા. રપ થી ર૮ આનંદિત. તા. ર૯ થી ૩૧ લાભદાયી.
અન્ય સમાચારો
