ખંભાળીયાની સરકારી હોસ્પિટલ સામેનું આમરણાંત ઉપવાસ આંદોલન સમેટાયું

ખંભાળીયા તા. ૮ઃ ખંભાળીયાની સરકારી હોસ્પિટલમાં ડોક્ટરો તથા સ્ટાફથી ઘણી જગ્યાઓ લાંબા સમયથી ખાલી હોય પ્રજાને ભારે પરેશાની ભોગવવી પડી રહી છે. આ જગ્યાઓ ભરવાની માંગણી સાથે ખંભાળીયાના અગ્રણી મામદહુસેન ભગાડ, કિરણબેન સરપાડીયા, તથા અન્ય લોકો દ્વારા આમરણાંત ઉપવાસ આંદોલન શરૃ કરવામાં આવ્યું હતું. તા. ૬-૧૧-૧૯થી શરૃ કરવામાં આંદોલનમાં એક ઉપવાસની તબીયત લથડતા તેને હોસ્પિટલમાં ખસેડાયા હતા. આ સમસ્યા તથા આમરણાંત ઉપવાસ આંદોલનની જાણ રાજ્ય કક્ષાના મંત્રી હકુભા જાડેજાને થતા તેમણે આંદોલનકર્તા અગ્રણીઓને આપતા આ આંદોલન સમેટી લેવામાં આવ્યું છે. હકુભા જાડેજાના પ્રતિનિધિ તરીકે જિ.પં.પ્રમુખ પી.એસ.જાડેજા તથા ચંદ્રસિંહ જાડેજા, મયુરભાઈ ગઢવીના હસ્તે ઉપવાસીઓને પારણા કરાવવામાં આવ્યા હતા.

close
Nobat Subscription