જામનગરના પાર્વતી દેવી વિદ્યા મંદિરના વિદ્યાર્થીઓ ધો. ૧૦ ની પરીક્ષામાં ઝળહળ્યા

Author: નોબત સમાચાર

જામનગરના પાર્વતી દેવી વિદ્યા મંદિરના વિદ્યાર્થીઓ ધો. ૧૦ ની પરીક્ષામાં ઝળહળ્યા

શાળાએ ઉત્કૃષ્ટ પરિણામોની દાયકાઓની પરંપરા જાળવી

જામનગરની પાર્વતીદેવી વિદ્યા મંદિર અને શાસ્ત્રી ત્ર્યમ્બકરામ હાઈસ્કૂલનું ગુજરાત બોર્ડનું ઝળહળતું પરિણામ આવ્યું છે. હાઈસ્કૂલના ૬ વિદ્યાર્થીઓએ એવન-ગ્રેડ મેળવ્યો છે. શાળાનું ૮ર% પરિણામ આવ્યું છે.

ભાવિન નકુમનું સપનું છે ડોક્ટર બનવાનું

શાસ્ત્રી ત્ર્યંબકરામ હાઈસ્કૂલના વિદ્યાર્થી ભાવિન નકુમે ધો. ૧૦ ની પરીક્ષામાં ૯૩% ગુણ સાથે ૯૮.પપ પી.આર. તથા એવન ગ્રેડ મેળવી ઉજ્જવળ કારકીર્દિ તરફ આગેકૂચ કરી છે. ભાવિનના પિતા લક્ષ્મણભાઈ શ્રમિક છે, જ્યારે માતા ધર્મિષ્ઠાબેન ગૃહિણી છે. ક્રિકેટનો શોખ ધરાવતો ભાવિન પાઠ્યપુસ્તક આધારિત અધ્યયનને પ્રાધાન્ય આપી સફળતા મેળવી હોવાનું જણાવી આચાર્ય ઓમભાઈ શાસ્ત્રી તથા પ્રિતીબેન શાસ્ત્રી તથા શિક્ષક ધવલ ડાંગર સહિતના ગુરૂજનોનો ઋણ સ્વીકાર કરે છે. ભાવિન વિજ્ઞાન પ્રવાહમાં ઉચ્ચ અભ્યાસ કરી ડોક્ટર બનવાનું સપનું ધરાવે છે.

જાનવી મોનાણીનું એન્જિનિયર બનવાનું લક્ષ્ય

જાનવી મોનાણીએ ધો. ૧૦ માં ૯ર.૮૩% ગુણ સાથે ૯૮.૩૬ પી.આર. અને એવન ગ્રેડ મેળવી પરિવાર તથા સ્કૂલનું ગૌરવ વધાર્યુ છે. જાનવીના પિતા ભાવીનભાઈ બિઝનેસમેન છે તથા માતા દિનાબેન ગૃહિણી છે. સંગીતનો શોખ ધરાવતી જાનવી ગુરૂજનોના સચોટ માર્ગદર્શન અને નિયમિત ત્રણ કલાક વાચનથી સફળતા મેળવી હોવાનું જણાવી એન્જિનિયર બનવાની અભિલાષા વ્યક્ત કરેલ છે.

મીરાબા જાડેજા ડોક્ટર બનવા પ્રતિબદ્ધ

મીરાબા જાડેજાએ ધો. ૧૦ માં ૯ર% ગુણ સાથે ૯૮.૦પ પી.આર. અને એવન-ગ્રેડ મેળવ્યો છે. તેણીના પિતા ભગીરથસિંહ દુકાન ચલાવે છે. જ્યારે માતા નીતાબા ગૃહિણી છે. પોતાની સફળતા માટે મીરાબા શિક્ષક ચંદ્રેશભાઈ સોનછાત્રાના માર્ગદર્શનનો ઋણ સ્વીકાર કરે છે. બેડમિન્ટન રમવાનો શોખ ધરાવતા મીરાબા ડોક્ટર બનવા સંકલ્પબદ્ધ છે.

એન્જલ પીઠડીયા તબીબી ક્ષેત્રે કારકીર્દિ બનાવવા ઉત્સુક

ધો. ૧૦ માં ૯૧% ગુણ તથા ૯૭.૧પ પી.આર. સાથે એવન ગ્રેડ મેળવનાર એન્જલ પીઠડીયાને વાંચન અને સતત અભ્યાસનો જ શોખ હોવાથી સહજતાથી સફળતા મળી છે. એન્જલના પિતા વિશાલભાઈ વેપારી છે તથા માતા પુનિતાબેન ગૃહઉદ્યોગ ચલાવે છે. સર્વે ગુરૂજનોનો ઋણ સ્વીકાર કરી એન્જલ ડોક્ટર બનવાનો સંકલ્પ અભિવ્યક્ત કરે છે.

નજીબા તૈલીને પણ તબીબ બનવાની તમન્ના

નજીબા સલીમભાઈ તૈલીએ ધો. ૧૦ માં ૯૦.૮૩% ગુણ તથા ૯૭.ર પી.આર. સાથે એવન ગ્રેડ મેળવી ઉજ્જવળ કારકીર્દિ નિશ્ચિત કરી છે. નજીબાના માતા સબાનાબેન ગૃહ ઉદ્યોગ ચલાવે છે. નજીબાને પ્રાકૃતિક વાતાવરણમાં ફરવાનો શોખ છે. નિયમિત વાચનથી સફળતા મેળવવાનું જણાવી નજીબા ડોક્ટર બનવાની મહેચ્છા અભિવ્યક્ત કરે છે.

ગોપાલ રામનાણીને બનવું છે એન્જિનિયર

ગોપાલ પ્રેમભાઈ રામનાણીએ ધો. ૧૦ માં ૯ર% ગુણ તથા ૯૮.ર૭ પી.આર. મેળવેલ છે. સાથે એવન ગ્રેડ મેળવી પરિવારનું ગૌરવ વધાર્યુ છે. ચંદ્રેશના માતા જશોદાબેન ગૃહ ઉદ્યોગ ચલાવે છે.

ગોપાલ ચંદ્રેશ સોનછાત્રા, કિશોર સરવૈયા, પ્રિતીબેન શાસ્ત્રી સહિતના ગુરૂજનોના ઋણ સ્વીકાર કરે છે. ક્રિકેટનો શોખ ધરાવતા ચંદ્રેશનું લક્ષ્ય એન્જિનિયર બનવાનું છે.

જો આપને આ પોસ્ટ ગમી હોય તો શેર કરો...