સોરઠિયા પ્રજાપતિ જ્ઞાતિના વિદ્યાર્થીઓ બોર્ડની પરીક્ષામાં ઝળક્યા

Author: નોબત સમાચાર

સોરઠિયા પ્રજાપતિ જ્ઞાતિના વિદ્યાર્થીઓ બોર્ડની પરીક્ષામાં ઝળક્યા

જામનગર સોરઠિયા પ્રજાપતિ જ્ઞાતિના વિદ્યાર્થીઓએ ધો. ૧૦-૧ર ની પરીક્ષામાં ઝળહળતી સફળતા પ્રાપ્ત કરીને જ્ઞાતિનું ગૌરવ વધાર્યું છે.

નીલ વેગડે ધો. ૧૦ મા ૯૬.૮૩ ટકા મેળવ્યા

નીલ વેગડએ ધો. ૧૦ ની પરીક્ષામાં સખત મહેનત કરીને ૯૬.૮૩ ટકા અને ૯૯.૬૮ પી.આર. સાથે એ-વન ગ્રેડ પ્રાપ્ત કર્યો છે. પરીક્ષામાં વધુ ગુણ મેળવવા માટે નીલ દરરોજ નિયમિત રીતે ૪ થી પ કલાક અભ્યાસ કરતો હતો. અભ્યાસ ઉપરાંત ક્રિકેટમાં રસ ધરાવનાર નીલ આગળ સાયન્સ-એ ગ્રુપનો અભ્યાસ કરવા માગે છે.

રૃતવાનું વિજ્ઞાન પ્રવાહમાં અભ્યાસનું સ્વપ્ન

રૃતવા સંજય શીંગડિયાએ એસ.એસ.સી. પરીક્ષામાં ૯૧ ટકા અને ૯૦.ર૦ પી.આર. સાથે એ-વન ગ્રેડ પ્રાપ્ત કર્યો છે. પિતા બિઝનેસમેન છે. રૃતવાને અભ્યાસ ઉપરાંત ચિત્રમાં રૃચિ છે. રૃતવા આગળ વિજ્ઞાન પ્રવાહમાં એ ગ્રુપમાં અભ્યાસ કરવા માગે છે.

ડ્રાઈવીંગ કરનાર પિતાની પુત્રી નેન્સીનું સીએ બનવાનું લક્ષ્ય

નેન્સી ધોકિયાએ ધો. ૧૦ ની પરીક્ષામાં ૮૪ ટકા સાથે ૯૦.૧પ પી.આર. પ્રાપ્ત કર્યા છે. પરીક્ષામાં સારા ગુણ મેળવવા તેણી દરરોજ ૬ કલાક અભ્યાસ કરતી હતી. પિતા અશોકભાઈ ડ્રાઈવીંગનું કામ કરે છે. માતા રીનાબેન ગૃહિણી છે. ડ્રોઈંગમાં રૃચિ ધરાવનાર નેન્સી ધો. ૧૧ અને ૧ર મા કોમર્સ કરી સી.એ. બનવા માગે છે.

મૈત્રીની બેન્કીંગ ક્ષેત્રમાં રૃચિ

મૈત્રી ફટાણિયાએ ધો. ૧૦ ની પરીક્ષામાં ૯૦ ટકા સાથે ૯૬.૩૦ પી.આર. મેળવ્યા છે. પરીક્ષામાં ઊંચ ગુણાંક સાથે સફળતા મળે તે માટે મૈત્રી દરરોજ ૪ થી પ કલાક અભ્યાસ કરતી હતી. સંગીતમાં રૃચિ ધરાવનાર મૈત્રી બેન્કીંગ ક્ષેત્રમાં જવા માગે છે.

બંસીની ડોક્ટર બનવાની તમન્ના

બંસી મંડોરાએ એસ.એસ.સી.ની પરીક્ષામાં ૮૯.૧૭ ટકા સાથે ૯પ.૬૭ પી.આર. મેળવ્યા છે. પિતા દિનેશભાઈ સુથાર કામ કરે છે. વાચનમાં રૃચિ ધરાવનાર બંસી આગળ અભ્યાસ કરીને ડોક્ટર બનીને માનવ સેવા કરવા માગે છે.

તુલસીને ડોકટર બનવું છે

તુલસી જગતિયાએ એચ.એસ.સી. પરીક્ષામાં ૮૭.૪ ટકા પ્રાપ્ત કર્યા છે. તુલસીએ જવાહર નવોદય વિદ્યાલય-જામનગરમાં અભ્યાસ કર્યો છે. તુલસીને અભ્યાસ ઉપરાંત ટ્રાવેલીંગ કરવું ગમે છે. તુલસી આગળ એમબીબીએસ અને એમડીનો અભ્યાસ કરવા માગે છે.

જો આપને આ પોસ્ટ ગમી હોય તો શેર કરો...