Author: નોબત સમાચાર
જોડિયાના કેશિયા પાસેથી ઝડપાયેલા ટ્રકમાં લઈ જવાતા હતા ૭૫ મુંગા પશુ
ટ્રકમાંથી છરી સાથે એક શખ્સ પકડાયોઃ એક ફરારઃ
જામનગર તા.૨૨ : જોડિયા તાલુકાના કેશીયા ગામના પાટીયા પાસેથી ગઈકાલે સવારે એક ટ્રકમાં ઠસોઠસ ભરીને લઈ જવાતા ભેંસ વર્ગના ૭૫ પાડાને જીવદયા પ્રેમી તથા પોલીસે મુક્ત કરાવ્યા છે. તે પશુઓને લઈ જતા ભુજના શખ્સની ધરપકડ કરાઈ છે તેની સાથે રહેલો શખ્સ પોબારા ભણી ગયો છે. ટ્રકમાંથી છરી મળી છે.
જોડિયા તાલુકાના કેશીયા ગામના પાટીયા પાસેથી એક ટ્રકમાં ભેંસ સહિતના મુંગા પશુ ઠસોઠસ ભરીને લઈ જવામાં આવી રહ્યા હોવાની બાતમી રાજકોટના કૃપા ફાઉન્ડેશન-જીવદયા સંસ્થાના જયેન્દ્ર અનિલભાઈ ચંદવાણીયાને મળતા તેઓએ પોલીસને જાણ કરી હતી અને અન્ય જીવદયા પ્રેમીઓને સાથે રાખી કેશીયા તરફ પ્રયાણ કર્યું હતું.
ત્યાં રાખવામાં આવેલી વોચ દરમિયાન સવારે સાડા ચારેક વાગ્યે ત્યાંથી પસાર થયેલા જીજે-૪-એકસ ૭૧૪૪ નંબરના ટ્રકને રોકી લેવામાં આવ્યો હતો. તે ટ્રકની તલાશી લેવાતા ભેંસ વર્ગના ૭૫ પાડા તેમાંથી મળી આવ્યા હતા. આ મુંગા પશુઓને પાણી તેમજ ચારો મળી શકે તે પ્રકારની વ્યવસ્થા કર્યા વગર જ લઈ જવાતા હોય. પોલીસે તે પશુને મુક્ત કરાવી રૂ.૬ લાખનો ટ્રક કબજે કર્યાે છે.
આ ટ્રકમાંથી પોલીસને એક છરી પણ મળી આવી છે. ટ્રક ચલાવીને જઈ રહેલા ભુજના ઢોરી ગામના અસગરશા ઈસબ શા શેખ નામના શખ્સની ધરપકડ કરાઈ છે. તેની સાથે રહેલો દિલાવર અબ્દુલ પઠાણ નામનો શખ્સ નાસી ગયો છે. જયેન્દ્રભાઈએ ખુદ ફરિયાદી બની બંને શખ્સ સામે જોડિયા પોલીસ સ્ટેશનમાં પશુ પ્રત્યે ઘાતકીપણું આચરવા અંગેના કાયદા તથા બીએનએસ અને જીપી એક્ટની કલમ હેઠળ ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
