Author: નોબત સમાચાર
મજૂર મોકલવાની વાત કરી ખેડૂત તથા કોન્ટ્રાક્ટર સાથે છેતરપિંડીઃ શખ્સ ઝબ્બે
દાહોદના લીમખેડામાંથી સાયબર ક્રાઈમ પોલીસે દબોચ્યોઃ
જામનગર તા.ર૩ ઃ દેવભૂમિ દ્વારકા જિલ્લાના ખેડૂતો તથા કોન્ટ્રાક્ટરોને કામ માટે મજૂર મોકલવાની વાત કરી પૈસા પડાવાતા હોવાની ફરિયાદ થયા પછી સાયબર ક્રાઈમ પોલીસે શરૃ કરેલી તપાસમાં દાહોદના લીમખેડામાંથી એક શખ્સ ઝડપાયો છે. તેણે ઠગાઈ કર્યાની કબૂલાત આપી છે.
દેવભૂમિ દ્વારકા જિલ્લામાં ખેડૂતો તેમજ કોન્ટ્રાક્ટરોને ખેતીકામ અને કડિયાકામ માટે મજૂરો મોકલી આપવાનું કહી ઠગાઈ કરાતી હોવાની વિગતો પોલીસ સમક્ષ આવી હતી. તે વિગતના આધારે સાયબર ક્રાઈમ પોલીસ સ્ટેશનને તપાસ કરવા એસપી નિતેશ પાંડેયે સૂચના આપી હતી.
સૂચનાના પગલે શરૃ કરાયેલી તપાસ દરમિયાન કલ્યાણપુર તાલુકાના સણોસરી ગામના વાડી વિસ્તારમાં રહેતા જીવાભાઈ જુઠાભાઈ ચાવડાએ ફરિયાદ નોંધાવી તેમાં જણાવ્યું હતું કે, તેઓને ગઈ તા.૧૭-૧૧-૨૪ ના દિવસે કોલ આવ્યો હતો. જેમાં સામા છેડે રહેલા વ્યક્તિ દ્વારા ખેતીકામ માટે મજૂર મોકલવાનું કહી રૃા.૨૬૮૭૦ ઓનલાઈન પડાવી લીધા હતા તે ગુન્હો નોંધી પીઆઈ વી.કે. કોઠીયા તથા સ્ટાફે ટેકનિકલ એનાલિસિસ શરૃ કર્યું હતું. જેમાં દાહોદના લીમખેડા ગામ સુધી તપાસનો દૌર પહોંચ્યો હતો. ત્યાંથી પંચમહાલ જિલ્લાના મોરવા હડફ તાલુકાના ચાંદપુર ગામનો પુષ્પેન્દ્ર પ્રકાશભાઈ પટેલ નામનો શખ્સ મળી આવ્યો હતો. આ શખ્સે ઉપરોકત ગુન્હાની કબૂલાત આપી છે.
ધો.૮ સુધી અભ્યાસ કરનાર આ શખ્સે કેટલાક ખેડૂતો તથા કોન્ટ્રાક્ટરના મોબાઈલ નંબર મેળવી મજૂર મોકલવા માટે કામ કરતો હોવાનું કહી મજૂરોનો ટિકિટ ચાર્જ, જમવાનો ખર્ચ વગેરે સામે ઓનલાઈન પૈસા ટ્રાન્સફર કરાવી લીધા પછી મજૂર નહીં મોકલી છેતરપિંડી આચર્યાનું કબૂલ્યું છે. તેની સામે આ વર્ષમાં પણ સાયબર ક્રાઈમ પોલીસ સ્ટેશનમાં બીજો એક ગુન્હો નોંધાયો હોવાનું બહાર આવ્યું છે. તેની પાસેથી જુદી જુદી બેંકના નવ એટીએમ કાર્ડ, એક મોબાઈલ, બે સીમકાર્ડ કબજે કરવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
