Author: નોબત સમાચાર
લાંબામાં ર૮ ટન રેતી સાથે ઝડપાયેલા બે શખ્સને ખનીજચોરીના કેસમાં થઈ સજા
અદાલતે ત્રણ-ત્રણ વર્ષની કેદ-દંડ ફટકાર્યાઃ
જામનગર તા. ૨: કલ્યાણપુરના લાંબા પંથકમાંથી છ વર્ષ પહેલાં બે શખ્સ દરિયાઈ રેતી ટ્રકમાં ભરીને જતા મળી આવ્યા હતા. અંદાજે ર૮ ટનથી વધુ આ રેતી અંગે ખનીજચોરીનો ગુન્હો નોંધાયો હતો. આ કેસમાં બંને આરોપીને ત્રણ-ત્રણ વર્ષની સખત કેદ અને રોકડનો દંડ ફટકારાયા છે.
દેવભૂમિ દ્વારકા જિલ્લાના કલ્યાણપુર તાલુકામાં ગઈ તા.૧૯-૭-૧૯ના દિને પ્રાંત અધિકારીની ટીમ દ્વારા કરવામાં આવી રહેલા પેટ્રોલિંગમાં લાંબા ગામના ચિરોડી વાડી વિસ્તારમાં રહેતા રામદેભાઈ માલદેભાઈ ભાંગરા નામના આસામી પોતાના ટ્રકમાં ૧૪ ટનથી વધુ રેચી ભરીને જતા મળી આવ્યા હતા. જ્યારે આલાભાઈ લાખાભાઈ ભાંગરા પર ૧૪ ટન રેતી ભરીને ટ્રકમાં જતા ઝડપાઈ ગયા હતા.
આ બંને વ્યક્તિઓ પાસે રોયલ્ટી સહિતના કાગળો જોવા માંગવામાં આવતા ખનીજચોરી ખૂલી હતી. તેથી બંને વ્યક્તિ સામે પોલીસમાં ફરિયાદ નોંધાવવામાં આવી હતી. આ કેસ ચાલી જતાં ખંભાળિયા સ્થિત ખાસ અદાલતે આરોપી રામદે માલદેભાઈ અને આલા લાખાભાઈ ભાંગરાને ત્રણ-ત્રણ વર્ષની સખત કેદ અને કુલ રૂ.૬૦ હજારનો દંડ ફટકાર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
