Author: નોબત સમાચાર
મોટી રાફુદળમાં ભાયુભાગના કૂવાના પ્રશ્ને એક યુવાન પર બે પિતરાઈએ કર્યાે હલ્લો
કુહાડી-લાકડીથી માર માર્યાની ફરિયાદઃ
જામનગર તા. ૯: લાલપુરના મોટી રાફુદળ ગામના એક યુવાને પોતાના ખેતરમાં આવેલા ભાયુભાગના કૂવામાંથી પાણી કાઢી ઉભા પાકને પહોંચાડતા ત્યાં ધસી આવેલા બે પિતરાઈએ અમને પૂછયા વગર પાણી કેમ વાળ્યું તેમ કહી કુહાડી, લાકડીથી હુમલો કરી માર માર્યાે હતો.
લાલપુરના મોટી રાફુદળ ગામના બશીરભાઈ સુવાલીભાઈ બેગ નામના આસામી તથા તેમના પરિવારના ઈબ્રાહીમ કાસમભાઈ બેગ વચ્ચે ભાગીદારીમાં પાણીનો કૂવો મોટી રાફુદળની ઉગમણી સીમમાં બશીરભાઈ બેગના ખેતરમાં આવેલો છે.
ગઈકાલે સવારે બશીરભાઈ પોતાના ખેતરમાં ગયા પછી કૂવામાંથી પાણી ઉલેચી ઉભા પાકને પાણી પહોંચાડતા હતા ત્યારે ઈબ્રાહીમ કાસમ તથા ઉમર કાસમ બેગ ધસી આવ્યા હતા. આ શખ્સોએ અમને પૂછ્યા વગર પાણી કેમ વાળશ તેમ કહી ઝઘડો શરૂ કર્યાે હતો. આ શખ્સોએ કુહાડી તથા ધોકાથી હુમલો કરી બશીર બેગને માર મારતા ફ્રેક્ચર સહિતની ઈજા પામેલા બશીરભાઈને સારવારમાં ખસેડવામાં આવ્યા છે. પોલીસે તેઓની ફરિયાદ પરથી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
