Author: નોબત સમાચાર
ઉચાપતની ફરિયાદમાં સમાધાન પેટે અપાયેલો ચેક પરતઃ કોર્ટે કરી સજા
અન્ય એક વેપારીને પણ એક વર્ષની કેદ-દંડઃ
જામનગર તા.ર૮ : જામનગરના એક આસામી સામે ઉચાપતની કરાયેલી ફરિયાદમાં સમાધાન પેટે આપવામાં આવેલો ચેક પરત ફર્યાના કેસમાં અદાલતે આરોપીને એક વર્ષની કેદ ફટકારી છે. જ્યારે અન્ય એક વેપારીને પણ ચેક પરતના કેસમાં કેદ તથા દંડની સજા આપવામાં આવી છે.
જામનગર શહેરમાં હીર એન્ટરપ્રાઈઝ નામની પેઢી ચલાવતા રવિ રમેશચંદ્ર પટેલ પાસેથી હરીયા કોલેજ નજીક વસવાટ કરતા અને રવિ પટેલની ઓફિસમાં કામ કરતા અક્ષય રસીકભાઈ ગડારાએ પેઢીની આવક જાવકના હિસાબ વખતે વેચાણ કરેલા માલની લેણી નીકળતી રકમ રોકડ, ચેકથી મેળવ્યા પછી તે રકમ પેઢીમાં જમા ન કરાવી રૂ.૧૩,૩૯,૨૭૭ મેળવી લીધા હતા.
આથી અક્ષય સામે પોલીસ ફરિયાદ કરાઈ હતી જેમાં અક્ષયે સમાધાન કરી ઉચાપતની રકમ કબૂલ કરી તેની ચૂકવણી માટે રવિ રમેશભાઈના નામનો ચેક આપ્યો હતો. તે ચેક બેંકમાંથી પરત ફરતા કોર્ટમાં ફરિયાદ કરાઈ હતી. આ કેસ ચાલી જતાં અદાલતે આરોપી અક્ષય ગડારાને તકસીરવાન ઠરાવી એક વર્ષની કેદ તથા ચેકની રકમ મુજબનો દંડ ભરપાઈ કરવા હુકમ કર્યાે છે. ફરિયાદી તરફથી વકીલ યજ્ઞેશ પંડયા, મોનલ ચાવડા, દીપક ઉપાધ્યાય, તીર્થ પંડયા રોકાયા હતા.
જામનગરના ભીમરાવ કિશનભાવ ગડશે પાસેથી સાયકલ સ્ટોર ચલાવતા અશ્વિન એમ. વેગડાએ મિત્રતાના દાવે રૂ. ૧,૭૭,૭૮૫ હાથઉછીના મેળવી ચેક આપ્યો હતો. તે ચેક પરત ફર્યાની કરાયેલી ફરિયાદ ચાલી જતાં અદાલતે આરોપી અશ્વિન વેગડાને તકસીરવાન ઠરાવી એક વર્ષની કેદ અને ચેકની રકમ મુજબનો દંડ ફટકાર્યાે છે. ફરિયાદી તરફથી વકીલ ગિરીશ સરવૈયા, ઋષિરાજ જેઠવા તથા અજય ગઢવી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
