Author: નોબત સમાચાર
ખેતરમાંથી નીકળતા રસ્તાના પ્રશ્ને નરમાણામાં ખેડૂત પર ત્રણ તૂટી પડ્યા
અગાઉની બોલાચાલીના મુદ્દે પ્રદર્શન મેદાનમાં છરી હુલાવીઃ
જામનગર તા.ર૮ : જામજોધપુર તાલુકાના નરમાણા ગામમાં એક ખેતરમાંથી નીકળતા બીજા ખેડૂતના રસ્તાના મુદ્દે ત્રણ શખ્સે શુક્રવારે હુમલો કર્યાે હતો. જ્યારે અગાઉની માથાકૂટનો ખાર રાખી શનિવારે સાંજે પ્રદર્શન મેદાનમાં એક યુવાનને છરી ઝીંકી દેવામાં આવી હતી.
જામજોધપુર તાલુકાના નરમાણા ગામમાં રહેતા દશરથસિંહ નટુભા જાડેજા નામના ખેડૂતના ખેતરે જવાનો રસ્તો ત્યાં હરદેવસિંહ રતુભા જાડેજાના ખેતરમાંથી પસાર થતો હોય આ રસ્તાના પ્રશ્ને બંને વચ્ચે બોલાચાલી થયા પછી મનદુખ ઉભુ થયું હતું.
દરમિયાન શુક્રવારે તે રસ્તા પરથી નીકળતા અગાઉ થયેલી બોલાચાલીનો ખાર રાખી હરદેવસિંહ રતુભા તથા તેના ભાઈ રવિરાજસિંહ રતુભા જાડેજા અને તેમના ખેતરમાં મજૂરીકામ કરતા મધ્યપ્રદેશ રાજ્યના લાલાભાઈ નામના ત્રણ શખ્સે હુમલો કર્યો હતો.
આ શખ્સોએ લાકડી તેમજ ત્યાં પડેલું માટીનું ઢેફુ ઉપાડીને હુમલો કરી દીધો હતો આ વેળાએ વચ્ચે પડનાર ધ્રુવસિંહ તથા વિક્રમસિંહને પણ ઈજા પહોંચાડી હતી. જાનથી મારી નાખવાની ધમકી અપાતા આ બાબતની શેઠ વડાળા પોલીસ મથકમાં દશરથસિંહે ફરિયાદ કરી છે.
જામનગરના કાલાવડ નાકા બહાર આવેલા મોરકંડા રોડ પર રબારી પાર્કની શેરી નંબર સાતમાં રહેતા ગુલામભાઈ હાજીભાઈ શેખ નામના યુવાનને બેએક વર્ષ પહેલા રાજકોટના શાપરમાં રહેતા અર્જુનસિંહ વિજયસિંહ સોઢા સાથે ફોનમાં કોઈ બાબતે ગાળાગાળી થઈ હતી તે બાબતની ગુલામભાઈએ પોલીસમાં અરજી કરી હતી.
આ બાબતનો ખાર રાખી શનિવારે સાંજે જ્યારે ગુલામભાઈ સાત રસ્તા નજીક પ્રદર્શન મેદાનમાં હતા ત્યારે ત્યાં ધસી આવેલા અર્જુનસિંહ સોઢા અને જામનગરના લાલ ખાણમાં રહેતા અલ્તાફ જુમા ગોધાવીયા નામના બે શખ્સે બોલાચાલી શરૂ કરી હતી. આ વેળાએ અર્જુનસિંહે પોતાની પાસે રહેલી છરી બહાર કાઢી હુમલો કર્યો હતો અને ગુલામ ભાઈને માથાના ભાગે છરી ઝીંકી દેતા તેઓ ઢળી પડ્યા હતા. ઢીકાપાટુથી માર મારી બંને શખ્સ જાનથી મારી નાખવાની ધમકી આપી નાસી ગયા હતા. સિટી એ ડિવિઝન પોલીસમાં તેની રાવ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
