Author: નોબત સમાચાર
દ્વારકા જિલ્લાની લેબર કોર્ટ હજુ પણ જામનગરમાં!
નવો જિલ્લો બન્યાને ૧૩ વર્ષ થયા છતાં
ખંભાળિયા તા. ર૧: દ્વારકા જિલ્લો બન્યાને તેર વર્ષ થયા પણ લેબર કોર્ટ હજુ પણ જામનગરમાં જ છે... ગ્રાહક સુરક્ષા અદાલત પણ નથી.
દેવભૂમિ દ્વારકા જિલ્લો ર૦૧૩ માં બન્યાને તેર વર્ષ થવા છતાં છેવાડાનો અને પછાત જિલ્લો હોય તથા અહીં કેટલીયે સવલતો ના મળતી હોય તેમ જિલ્લામાં ગ્રાહક સુરક્ષા અદાલત નથી તેમજ નવો જિલ્લો બન્યાને તેર વર્ષ થયા છતાં અહીં લેબરકોર્ટ જ નથી.
મજૂરોને પોતાના હક્ક-હિસ્સા કે ફરિયાદ માટે આજની તારીખે જામનગર જવું પડે છે તથા જામનગર કેસ કર્યા પછી પણ ધક્કા જામનગરના જ ખાવા ના.
હાલ દ્વારકા જિલ્લા કોર્ટમાં ઢગલાબંધ જગ્યા ખાલી છે તથા જુની કોર્ટના બિલ્ડીંગમાં પણ વિશાળ જગ્યા ખાલી છે જ્યાં લેબરકોર્ટનો સમાવેશ થઈ જાય, પણ અહીં કોર્ટ શરૂ થતી જ નથી શું રાજ્ય સરકારના કાનૂની વિભાગને દ્વારકા જિલ્લાની ખબર નહીં હોય? તેવું પણ કટાક્ષમાં કહેવાઈ રહ્યું છે.
તેર તેર વર્ષથી નવો જિલ્લો થવા છતાં લોકોને ખૂબ જ ઉપયોગી તથા મહત્ત્વની ગ્રાહક સુરક્ષા કોર્ટ તથા લેબર કોર્ટ ના હોય, ગ્રાહકોની ફરિયાદો તથા મજૂર કામદારો ફરિયાદો માટે જામનગર લાંબા થતા છેતરાયેલા ગ્રાહકો તથા શોષણ પામેલા કામદારો, મજૂરો સરકારી તંત્રની આકરી ટીકા કરી ખર્ચા કરી જામનગર જાય છે. તાજેતરમાં દ્વારકા જિલ્લામાં ૩પ હજાર કરોડના વાઈબ્રન્ટમાં એમ.ઓ.યુ. થતા કામદારો વધશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
