Author: નોબત સમાચાર
ખંભાળિયા નગરપાલિકા કે શહેરમાં વર્ષોથી ફૂડ એન્ડ ડ્રગ ઈન્સ્પેક્ટર જ નથી!
સરકારી તંત્રનો બેદરકાર વહીવટઃ
ખંભાળિયા તા. ૧૩: દ્વારકા જિલ્લો બન્યાને બાર વર્ષ પૂરા થઈ ગયા પણ અહીં જિલ્લા કલેક્ટર, જિલ્લા પોલીસ વડા, જિલ્લા વિકાસ અધિકારી જેવા જિલ્લા કક્ષાના તમામ અધિકારીઓ ભલે હોય, પણ પ્રજાની સુરક્ષા સલામતી આરોગ્યનું ધ્યાન રાખવા અત્યંત જરૂરી ફૂડ એન્ડ ડ્રગ્સ ઈન્સ્પેક્ટરની જગ્યા પર પાલિકામાં વર્ષોથી કોઈ નથી.
હાલ ભેળસેળ સમગ્ર રાજ્યમાં વધી ગઈ છે તેમ મસાલા હળદર, મરચાની ભૂક્કી, મીક્સ તેલ કરવા, મીઠાઈઓમાં રંગોમાં ભેળસેળ, ખાદ્યતેલોમાંથી ફરસાણ બનાવવામાં ભેળસેળ વ્યાપક થાય છે, જ્યારે સમગ્ર દ્વારકા જિલ્લામાં કોઈ આ બાબતે તપાસનાર જ ના હોય અનેક લાલચું ધંધાર્થીઓ વટથી લોકોના આરોગ્ય સાથે ચેડા કરે છે, તો તોલમાપ ખાતાની કચેરી છે, પણ જાણે 'બોણી'નું કામ કરતા હોય તેમ ભાગ્યે જ ચેકીંગ થાય છે કે ભાગ્યે જ કોઈ કેસ થતા હોય, લોકોના આરોગ્ય તથા તેમના હક્કો સાથે જાણે ચેડા થાય છે.!!
નવાઈની વાત એ છે કે, હમણા દિવાળી નજીક આવશે કે તુરત જ જામનગરથી ફૂડ એન્ડ ડ્રગ્સના અધિકારીઓનું ચેકીંગ (રાબેતા મુજબ) થશે તહેવારો છે ને.!!
તો માત્ર તહેવારોમાં જ ચેકીંગ બાકી આખું વર્ષ આખા જિલ્લાની જનતા રામભરોસે. જિલ્લામાં ડ્રગ્સ અને ફૂડ ઈન્સ્પેક્ટરની વર્ષોથી ખાલી જગ્યા એ સરકારી તંત્રના બેદરકાર વહીવટનું ઉત્તમ ઉદાહરણ મનાય રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
