Author: નોબત સમાચાર
સાસુને પુત્રવધૂ સહિત ચાર મહિલાએ માર મારી છૂટુ કરી દેવાની આપી ધમકી
સાસરે કપડા લેવા આવેલી વહુએ કર્યું પરાક્રમઃ
જામનગર તા. ૧૪: જામનગરના એક વૃદ્ધાને રિસામણે ચાલી ગયેલી પુત્રવધૂ અને તેની સાથે આવેલી ત્રણ મહિલાએ ફડાકો ઝીંકી છૂટુ કરી દેવાની ધમકી આપતા પોલીસમાં ફરિયાદ કરાઈ છે. આ મહિલાના પુત્રને પણ ચારેય મહિલાએ માર મારી ગાળો ભાંડી છૂટુ કરી દેવાની ધમકી આપી હતી.
જામનગરના નવાગામ ઘેડ વિસ્તારમાં આવેલી ઈન્દિરા કોલોનીમાં રહેતા ભારતીબેન બાવચંદ વઢવાણી (ઉ.વ.૬પ) નામના વૃદ્ધા મંગળવારે સાંજે પોતાના ઘરે હતા ત્યારે તેમની પુત્રવધૂ પાયલ ધર્મેશ વઢવાણી તથા ભગવતીબેન, ભૂમિબેન, ગીતાબેન ધસી આવ્યા હતા.
થોડા દિવસથી પાયલબેન રિસામણે ચાલ્યા ગયા હતા. તે પછી મંગળવારે પોતાના પિયરીયા સાથે આ યુવતી સાસરે કપડા લેવા આવ્યા હતા. આ વેળાએ તેઓએ સાસુ ભારતીબેનને મારે છૂટુ કરવું છે તેમ કહેતા અને ભારતીબેને ના પાડતા ઉશ્કેરાયેલા પુત્રવધૂએ સાસુને ફડાકો ઝીકયો હતો અને તે પછી ભગવતીબેન, ભૂમિ તથા ગીતાએ મુંઢ માર માર્યાે હતો. વચ્ચે પડનાર ભારતીબેનના પુત્ર ધર્મેશને પણ માર મારી આ વ્યક્તિઓએ ગાળો ભાંડી હતી અને છૂટુ કરી દેજો નહીં તો જાનથી મારી નાખીશું તેવી ધમકી આપી ભારતીબેનના વાળ પકડી લીધા હતા.
આ બાબતની સિટી બી ડિવિઝન પોલીસ સ્ટેશનમાં ભારતીબેને ફરિયાદ નોંધાવી છે. પોલીસે પુત્રવધૂ સહિત ચારેય મહિલાઓ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
