Author: નોબત સમાચાર
જામનગરમાં રાજકોટના યુવાન પર થયેલા હુમલાના સીસીટીવી ફૂટેજ થયા વાયરલ
દસેક દિવસ પહેલાં છ શખ્સે કર્યાે હતો હલ્લોઃ
જામનગર તા. ૫: જામનગરના બાઈની વાડી વિસ્તારમાં દસેક દિવસ પહેલાં રાત્રિના સમયે રાજકોટથી આવેલા એક યુવાન પર છ શખ્સે કરેલા હુમલાના બનાવનો વીડિયો વાયરલ થયો છે.
જામનગરના રણજીત સાગર રોડ પર આવેલા બાઈની વાડી વિસ્તારમાં ચૂનાના ભઠ્ઠા પાસે રહેતા મૂળ રાજકોટના વિજય દામજીભાઈ પરમાર સામે અગાઉ ત્યાં જ રહેતા પ્રકાશ જેઠાભાઈ પરમાર નામના શખ્સે પોલીસમાં ફરિયાદ કરી હતી. ત્યારથી બંને વચ્ચે તણખા ઝરતા હતા. તે દરમિયાન ગઈ તા.૨૩ જુલાઈની રાત્રે પ્રકાશ જેઠાભાઈ, કિશોર દિનેશભાઈ, રાજ કિશોરભાઈ, વિમલ દીપકભાઈ, યુવરાજ પ્રકાશભાઈ, ભાવેશ પ્રવીણભાઈ પરમાર નામના છ વ્યક્તિએ પાઈપ, દાંતરડા, ધોકા, સળીયા સાથે વિજયભાઈના ઘરમાં ઘૂસી જઈ હુમલો કર્યાે હતો. જેમાં વિજયભાઈ, કનીબેન, યશવંતભાઈ, દામજીભાઈને ફ્રેક્ચર સહિતની ઈજા થઈ હતી. હુમલાખોર ટોળા સામે વિજયભાઈએ ફરિયાદ નોંધાવી હતી.
ઉપરોક્ત બનાવ વેળાએ ત્યાં મુકવામાં આવેલા સીસીટીવી કેમેરામાં આ બનાવ કેદ થઈ ગયો હતો. તેનો વીડિયો વાયરલ થયો છે. જો કે, હુમલાખોર પક્ષના પ્રકાશ જેઠાભાઈએ વળતી ફરિયાદ નોંધાવી હતી. જેમાં તેઓએ વિજય દાનાભાઈ પરમાર સામે પોલીસમાં ફરિયાદ કરી હતી તેનો ખાર રાખી બુધવારની રાત્રે ગાળો ભાંડી વિજય દાનાભાઈ, નીતિન દેવજીભાઈ જેપાર, દાના રામજીભાઈ પરમાર, યશવંત દાનાભાઈ પરમારે કુહાડીથી હુમલો કરી માર માર્યાે હતો. યશવંતે પાઈપથી હાથમાં ફટકો મારી રૂ. ૧૫ હજારનો મોબાઈલ તોડી નાખવા ઉપરાંત ઈજા પહોંચાડી હતી. પોલીસે તે ફરિયાદ પણ રજીસ્ટરે લીધી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
