Author: નોબત સમાચાર
ભાણવડના બરડા ડુંગરમાં દેશી દારૂની બે ભઠ્ઠી પર પોલીસ ત્રાટકીઃ ૪૪૦૦ લીટર આથો મળ્યો
રૂ.૧ લાખ ૧૦ હજારનો આથો કબજે કરાયોઃ
જામનગર તા. ૧: ભાણવડના બરડા ડુંગરમાં ગઈકાલે સ્થાનિક પોલીસે કરેલા કોમ્બિંગમાં વાગડીયાનેસ પાસેથી બે શખ્સની મનાતી દેશી દારૂની ભઠ્ઠી ઝડપાઈ ગઈ હતી. સ્થળ પરથી રૂ.૧ લાખ ઉપરાંતનો ૪૪૦૦ લીટર આથો કબજે કરી લેવાયો છે.
દેવભૂમિ દ્વારકા જિલ્લાના ભાણવડ તાલુકાના બરડા ડુંગરમાં દેશી દારૂની ભઠ્ઠીઓ ધમધમતી હોવાની બાતમી પરથી ગઈકાલે ભાણવડ પોલીસ સ્ટેશનના પીઆઈ કે.બી. રાજવી તથા પીએસઆઈ પી.જે. ખાંટ અને સ્ટાફે કોમ્બિંગ કર્યું હતું.
બરડા ડુંગરમાં વાગડીયાનેસથી વનરાવન નેસ તરફ જવાના રસ્તા પર પાણીના વોકળા પાસે જયેશ કારાભાઈ રબારી નામના ધામણીનેસના શખ્સની મનાતી દેશી દારૂની ભઠ્ઠી મળી આવી હતી. સ્થળ પરથી ૨૪૦૦ લીટર આથો કબજે કરાયો છે. જયારે ભરત પરબતભાઈ મોરી ઉર્ફે મેરૂ નામના રાણપર ગામના શખ્સની મનાતી ભઠ્ઠી પરથી ૨૦૦૦ લીટર આથો કબજે કરી લેવામાં આવ્યો છે. કુલ રૂ.૧ લાખ ૧૦ હજારની કિંમતના ૪૪૦૦ લીટર આથાને ઝબ્બે લઈ પોલીસે જયેશ તથા ભરતના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
