Author: નોબત સમાચાર
પિતાએ બાઈક આપવાની ના પાડતા માઠું લાગી આવતા પુત્રની આત્મહત્યા
ઝેરી દવા પી જિંદગીનો અંત આણી લીધોઃ
જામનગર તા.ર૮ : જોડિયા તાલુકાના બાલંભા ગામમાં રહેતા એક યુવાને પોતાના પિતા પાસે બાઈકની માગણી કરતા અને પિતાએ બાઈક આપવાની ના પાડતા માઠું લાગી આવતા આ યુવાને ઝેરી દવા પી લઈ જિંદગીનો અંત આણ્યો છે.
જોડિયા તાલુકાના બાલંભા ગામમાં આવેલા શાંતિનગરમાં રહેતા ગુલાબ દયાળજીભાઈ સોલંકી નામના ૨૧ વર્ષના દેવીપુજક યુવાને શનિવારે સાંજે હીરાભાઈ નામના આસામીના વાડા પાસે જઈ કોઈ ઝેરી દવા પી લીધી હતી. જેની જાણ થતા આ યુવાનને બેશુદ્ધ હાલતમાં સારવાર માટે જોડિયાની સરકારી હોસ્પિટલમાં ખસેડવામાં આવ્યા હતા જ્યાં ફરજ પરના તબીબે આ યુવાનને ચકાસ્યા પછી મૃત્યુ પામેલા જાહેર કર્યા હતા.
મૃતકના પિતા દયાળજી ભાઈ કાકુભાઈ સોલંકીએ પોલીસને જાણ કરી છે. પોલીસે તેઓનું નિવેદન નોંધ્યું છે. જેમાં તેઓએ જણાવ્યા મુજબ તેમના પુત્ર ગુલાબ ભાઈએ પિતા પાસે મોટર સાયકલ લઈ જવાની પરવાનગી માંગી હતી પરંતુ પિતાએ બાઈક આપવાની ના પાડતા તેનું માઠું લાગી આવવાથી આ યુવાને ઝેરી દવા પી લીધી હતી. પોલીસે નિવેદનની નોંધ કરી વધુ કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
