Author: નોબત સમાચાર
ગુજરાત સમસ્ત બ્રહ્મસમાજ જામનગર દ્વારા આઠમા સમૂહ લગ્નોત્સવનું આયોજન
ગઢવી સમાજની વાડીમાં તા. ર૯ અને ૩૦ એપ્રિલે
જામનગર તા. ર૮: શ્રી ગુજરાત સમસ્ત બ્રહ્મસમાજ જામનગર દ્વારા આઠમા સમૂહ લગ્નોત્સવનું ભવ્ય આયોજન આગામી તા. ર૯ તથા તા. ૩૦ એપ્રિલના ગઢવી સમાજની વાડી, ગુલાબનગર રેલવે ઓવરબ્રીજ પાસે, ગોકુલ હોન્ડાના શો-રૂમ પાછળ, જામનગરમાં કરવામાં આવ્યું છે. જેમાં સાત જેટલા વરવધૂઓ લગ્નગ્રંથીથી જોડાશે.
આ સમૂહ લગ્નોત્સવમાં તા. ર૯ ના સાંજે ૪ વાગ્યે મંડપ મુહૂર્ત, સાંજે ૬ વાગ્યે સાંજીના ગીત, ૬-૩૦ વાગ્યે પીઠી અને રાત્રે ૮ વાગ્યે દાંડિયારાસ તથા ત્યારપછી ભોજન સમારંભ યોજાશે. તા. ૩૦ એપ્રિલના સવારે ૬ વાગ્યે જાનનું આગમન થશે અને સવારે ૧૦-૩૦ વાગ્યે હસ્તમેળાપ કરાવવામાં આવશે. ૧ર વાગ્યે સન્માન સમારોહ તથા ૧ વાગ્યે મહાપ્રસાદ તેમજ બપોરે ર વાગ્યે જાનવિદાય યોજાશે.
આ સમારંભમાં રાજ્યના કેબિનેટ મંત્રી મૂળુભાઈ બેરા, સાંસદ પૂનમબેન માડમ, ધારાસભ્યો રિવાબા જાડેજા, દિવ્યેશભાઈ અકબરી, ભાજપ શહેર પ્રમુખ બીનાબેન કોઠારી, પૂર્વ રાજ્યમંત્રી ધર્મેન્દ્રસિંહ જાડેજા, જામનગર ડિસ્ટ્રીક્ટ કો.ઓપ. બેંકના ચેરમેન અને લોહાણા સમાજના અગ્રણી જીતુભાઈ લાલ, પૂર્વ મહેસુલ મંત્રી રાજેન્દ્રભાઈ ત્રિવેદી, સ્વામિનારાયણ ટ્રાન્સપોર્ટવાળા ભીખુભા એચ. વાઢેર મહેમાનપદે ઉપસ્થિત રહેશે.
આ સમૂહ લગ્નોત્સવમાં પડાણાના મુકેશભાઈ નાકર, જામનગરના સોનાબેન દવે અને અશોકભાઈ દવે, દરેડ તક્ષશિલા પરિવારના ગૌરવભાઈ વ્યાસ, જામજોધપુર અને ભાણવડ બ્રહ્મસમાજ, નવાગામ ધર્મેન્દ્રસિંહ સોઢા, જામનગરના શૈલેષભાઈ માઢક કન્યાઓને કરિયાવર આપશે તેમજ હાપાના હર્ષદભાઈ ગોવિંદભાઈ વ્યાસ તરફથી બુધવારે મહાપ્રસાદ અને નિર્મળાબેન તથા જયંતિભાઈ ભરાડ તરફથી મંગળવારે નાસ્તો અપાશે.
આ સમૂહલગ્નોત્સવને સફળ બનાવવા સર્વશ્રી મનોજભાઈ જોષી, હર્ષદભાઈ વ્યાસ, જીમીભાઈ ભરાડ, ભરતભાઈ જોષી, કમલેશભાઈ પંડ્યા મોન્ટુભાઈ વ્યાસ, પાર્થ વ્યાસ, હિરેન સાતા, જીતુભાઈ વ્યાસ, વિ૫ુલાબેન કપટા, ધ્વનીશ જોષી, શિવમ્ જોષી, શિતલ ખેતિયા, અપેક્ષા જોષી, ધીરૂભાઈ મહેતા, દિપક વ્યાસ, નિલેશ પંડ્યા, જયેશ જોષી, તુષાર જોષી, કુલદિપ ભરાડ વિગેરે જહેમત ઊઠાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
