Author: નોબત સમાચાર
દોડી જતી મોટરનું સ્ટીયરીંગ લોક થતાં થાંભલા સાથે ટક્કરઃ જાનહાની ટળી
હાબરડી પાટીયા પાસે રોડ ક્રોસ કરતા યુવકને ઠોકરઃ
ખંભાળિયા તા.ર૮ : ખંભાળિયાથી દ્વારકા વચ્ચેના રોડ પર ચરકલા પાસે ગઈરાત્રે એક ઈકો મોટરનું સ્ટીયરીંગ લોક થઈ જતાં રોડ ઉતરી જઈ આ મોટર વીજ થાંભલા સાથે ટકરાઈ પડી હતી. તેના ડ્રાઈવરને કે મુસાફરને ઈજા થઈ નથી. જ્યારે હાબરડી પાટીયા પાસે રોડ ક્રોસ કરતા યુવાનને અજાણી મોટર ઠોકર મારીને નાસી ગઈ છે.
ખંભાળિયા-દ્વારકા માર્ગ પર ચરકલા રોડ પરથી ગઈ રાત્રે દોડી જતી એક ઈકો મોટરનું ટેકનિકલ ક્ષતિના કારણે અચાનક સ્ટીયરીંગ લોક થઈ જતાં આ મોટર રોડ પરથી ઉતરી જઈ નજીકમાં આવેલા વીજ થાંભલા સાથે ટકરાઈ પડી હતી. આ અકસ્માતમાં સદ્ભાગ્યે કોઈ જાનહાની થઈ નથી.
કલ્યાણપુર તાલુકાના જુવાનપર ગામના રમેશભાઈ ભોજાભાઈ નકુમના પુત્ર ગયા ગુરૂવારે સવારે હાબરડી ગામના પાટીયા પાસે રોડ ક્રોસ કરતા હતા ત્યારે એક અજાણી મોટર તેઓને ઠોકર મારીને નાસી ગઈ હતી. માથા તેમજ આંખમાં ગંભીર ઈજા પામેલા આ યુવાનને સારવાર માટે ખસેડવામાં આવ્યા છે. કલ્યાણપુર પોલીસ મથકમાં રમેશભાઈએ ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
