Author: નોબત સમાચાર
ભોગાત પાસે હિટ એન્ડ રનનો બનાવ રોડ ક્રોસ કરતા મહિલાનું અકસ્માતે મૃત્યુ
ટુંપણી ગામ પાસે બાઈકને મોટરની ટક્કરઃ બેને ઈજાઃ
જામનગર તા.ર૮ : ખંભાળિયાથી દ્વારકા વચ્ચેના ધોરીમાર્ગ પર ભોગાત ગામ પાસે એક કંપનીના દરવાજા નજીક શુક્રવારે રાત્રે શ્રમિક મહિલાને અજાણ્યું વાહન ટક્કર મારીને નાસી ગયું છે. ઘવાયેલા મહિલાનું મૃત્યુ નિપજ્યું છે. પોલીસે હિટ એન્ડ રનના આ બનાવની તપાસ શરૂ કરી છે.
કલ્યાણપુર તાલુકાના સતાપર ગામમાં ગોવિંદભાઈ પોસ્તરીયા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશ રાજ્યના ધાર જિલ્લાના સીતાપુરી ગામના વતની લલીતાબેન મુકુટભાઈ ચૌહાણ નામના મહિલા શુક્રવારે રાત્રે નવેક વાગ્યે ભોગાત ગામ પાસે ક્રેઈન ઈન્ડિયા કંપનીના દરવાજા પાસેથી જતા હતા ત્યારે એક અજાણ્યું વાહન ધસી આવ્યું હતું. તેના ચાલકે લલીતાબેન ને ઠોકર મારી દેતા રોડ પર જોશભેર પછડાયેલા આ મહિલાને માથા, મ્હોં તથા હાથમાં ઈજા થઈ હતી. આ મહિલાનું મૃત્યુ નિપજ્યું છે. અકસ્માત સર્જી આ વાહન નાસી ગયું છે.
આ બાબતની મૂળ મધ્ય પ્રદેશના વતની અને હાલમાં સતાપર ગામમાં પરબતભાઈ વારોતરીયા નામના ખેડૂતના ખેતરમાં મજૂરીકામ કરતા ગબ્બર આનંદસિંગ વાસ્કેલે પોલીસમાં ફરિયાદ નોંધાવી છે. હિટ એન્ડ રનના આ બનાવની કલ્યાણપુર પોલીસે તપાસ શરૂ કરી છે.
દ્વારકાની જલારામ સોસાયટીમાં રહેતા દિલીપ ભાઈ ભીમાભાઈ કોરડીયા તથા અન્ય એક યુવાન ગઈ તા.ર૯ની બપોરે બાઈક પર ગુરગઢ તરફ જતા હતા ત્યારે આંબલીયારા ચોકડી નજીક જીજે-૧૨-એફએ ૮૧૨૮ નંબરની મોટરે બાઈકને ટક્કર મારતા બંને યુવાનને ઈજા થઈ છે. દ્વારકા પોલીસ સ્ટેશનમાં દિલીપભાઈએ રાવ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
