Author: નોબત સમાચાર
જામનગરના નાની ખાવડી ગામમાં યુવાન પર પાઈપ વડે હુમલો કરવા અંગે ત્રણ સામે ફરિયાદ
ભાઈના પ્રેમ પ્રકરણના કારણે કરાયો હુમલોઃ
જામનગર તા. ૧૬ઃ જામનગરના મુંગણી ગામના એક યુવાને પ્રણેક મહિના પહેલાં એક પરિણીતા સાથે પ્રેમસંબંધ બંધાતા તેની સાથે મૈત્રીકરાર કર્યા હતા. તે બાબતનો ખાર રાખી આ યુવાનના ભાઈ પર ગઈકાલે એક મહિલા સહિત ત્રણે છરી-પાઈપથી હુમલો કર્યાે હતો.
જામનગર તાલુકાના સિક્કા નજીક આવેલા મુંગણી ગામમાં રહેતા હરપાલસિંહ જીતેન્દ્રસિંહ કયોર નામના યુવાનના ભાઈ મહિપાલસિંહને મુંગણી ગામના જ સંજયસિંહ કેરની પત્ની સાથે પ્રેમસંબંધ બંધાતા આ બંને વ્યક્તિ ત્રણેક મહિના પહેલા નાસી ગયા હતા.
તે પછી બંનેએ મૈત્રીકરાર કરી લીધા હતા. આ બાબતથી સંજયસિંહ સહિતના વ્યક્તિ ઉશ્કેરાયા હતા. તે દરમિયાન ગઈકાલે બપોરે નાની ખાવડી ગામની ગોળાઈમાં હરપાલસિંહને જીજે-૧૦-બીઆર ૮૦૭૫ નંબરની સ્વીફટ મોટરમાં આવેલા સિદ્ધરાજસિંગ કંચવા, તેના માતા ઈન્દુબા અને સંજયસિંહે આંતરી લઈ હુમલો કર્યાે હતો.
આ વ્યક્તિ પૈકીના સિદ્ધરાજસિંહે છરીથી હુમલો કર્યાે હતો અને સંજયે પાઈપ ફટકાર્યાે હતો. ઈન્દુબાએ ફડાકા ઝીંકયા હતા. જાનથી મારી નાખવાની ધમકી આપી ત્રણેય વ્યક્તિ ચાલ્યા ગયા હતા. સિક્કા પોલીસ મથકમાં હરપાલસિંહે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
