Author: નોબત સમાચાર
રાહુલ ગાંધી આજે ગુજરાતમાંઃ જિલ્લા કોંગ્રેસ પ્રમુખોના ટ્રેનિંગ કેમ્પમાં સંબોધન
ગુજરાત વિધાનસભાની ચૂંટણી જીતવા કોંગ્રેસની કવાયતઃ
જૂનાગઢ તા. ૧રઃ વિરોધ પક્ષના નેતા અને કોંગી દિગ્ગજ રાહુલ ગાંધીને જૂનાગઢમાં ચાલી રહેલા કોંગ્રેસના ટ્રેનિંગ કેમ્પનો કાર્યક્રમ હેઠળ કોંગીજનોમાં ઉત્સાહ જોવા મળી રહ્યો છે.
છેલ્લા ત્રીસેક વર્ષથી ગુજરાતમાં કોંગ્રેસ સત્તાથી દૂર રહી છે. તે જોતા મોદી-શાહના હોમ સ્ટેટ ગુજરાતમાં વિધાનસભાની ચૂંટણી જીતવા કોંગ્રેસ હાઈકમાન્ડ સક્રિય બન્યું છે. સંગઠનને તળિયા સ્તરે મજબૂત બનાવવા શિબિર યોજાઈ છે, ત્યારે નવનિયુક્ત જિલ્લા પ્રમુખોને માર્ગદર્શન આપવા રાહુલ ગાંધી ગુજરાતની મુલાકાતે આવી રહ્યા હોવાની પહેલેથી જ જાહેરાત થઈ હતી.
ઉલ્લેખનિય છે કે, જૂનાગઢમાં જિલ્લા પ્રમુખોની શિબિરમાં સંગઠનને તળિયાના સ્તરે મજબૂત કરવા વ્યૂહરચના ઘડાશે. હવે પ્રદેશના નેતાઓ કરતા જિલ્લા પ્રમુખોને વધુ મહત્ત્વ આપવા નક્કી કરાયું છે. હાઈકમાન્ડે પાયલોટ પ્રોજેક્ટ અમલી બનાવી ગુજરાતમાં કોંગ્રેસના સંગઠનને નવો ઓપ અપાઈ રહ્યો છે. કોંગ્રેસ હાઈકમાન્ડે આ વખતે વિધાનસભાની ચૂંટણીમાં સારો દેખાવ કરે તે માટે અત્યારથી એડીચોટીનું જોર લગાવ્યું છે. એવું પણ નક્કી કરાયું છે કે, ટોચના કેન્દ્રિય નેતાઓ ચૂંટણી નજીક આવતા ગુજરાતમાં અડિંગો જમાવશે.
લોકસભામાં વિપક્ષના નેતા અને કોંગી દિગ્ગજ રાહુલ ગાંધી આજે કેશોદ એરપોર્ટથી તેઓ સીધા જૂનાગઢ પહોંચીને જિલ્લા કોંગ્રેસ પ્રમુખોનો ૧૦ દિવસીય ટ્રેનિંગ કેમ્પમાં પક્ષને વધુ મજબૂત કેવી રીતે કરી શકાય, વર્તમાન રાજકીય પરિસ્થિતિમાં લોકોના પ્રાણ પ્રશ્નો ઉજાગર કરી કેવી રીતે ઉકેલી શકાય તે માટે માર્ગદર્શન આપ્યા પછી સાંજે પોરબંદરથી દિલ્હી જવા રવાના થશે. ગુજરાત કોંગ્રેસમાં નવા પ્રાણ ફૂંકવા માટે રાહુલ ગાંધીએ ગુજરાતના આંટાફેરા વધાર્યા છે, અને અન્ય કોંગી દિગ્ગજો પણ ગુજરાતમાં વધુને વધુ પ્રવાસે આવી રહ્યા હોવાનું જાણવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
