Author: નોબત સમાચાર
દુષ્કર્મ ગુજારવાના ગુન્હામાં જામીનમુક્ત થવા આરોપીએ કરેલી અરજી પરત ખેંચી
હાઈકોર્ટમાં રજૂ થઈ હતી જામીન અરજીઃ
જામનગર તા. ૧૧ઃ ધ્રોલ પંથકની એક સગીરા પર દુષ્કર્મ ગુજારવાના ગુન્હામાં જેલહવાલે થયેલા આરોપીએ જામનગરની કોર્ટમાં નામંજૂર થયેલી જામીન અરજી પછી હાઈકોર્ટમાં જામીન અરજી રજૂ કરી હતી. તે અરજી મૂળ ફરિયાદીના વકીલની દલીલોના પગલે પરત ખેંચવાની ફરજ પડી છે.
ધ્રોલ પોલીસ મથકમાં થોડા સમય પહેલાં એક વ્યક્તિએ પોતાની સોળ વર્ષની સગીર પુત્રીનું બાબુ વાલાભાઈ જખાણીયા નામના શખ્સે અપહરણ કરી અલગ અલગ સ્થળે લઈ જઈ દુષ્કર્મ ગુજાર્યાની ફરિયાદ નોંધાવી હતી. પોલીસે પોક્સો એક્ટ સહિતની કલમો હેઠળ ગુન્હો નોંધી બાબુ વાલાભાઈની ધરપકડ કરી હતી.
જેલહવાલે થયેલા આ આરોપીએ પોતાની વિરૂ.દ્ધનું ચાર્જશીટ રજૂ થયા પછી જામીન મુકત થવા જામનગરની ખાસ પોક્સો અદાલતમાં અરજી કરી હતી. તે અરજી અદાલતે રદ્દ કરી નાખતા બાબુ વાલાભાઈએ તે હુકમ સામે ગુજરાત હાઈકોર્ટમાં જામીન અરજી રજૂ કરી હતી. તે અરજી અન્વયે મૂળ ફરિયાદીના વકીલ મોહસીન ગોરી, ટી.બી. કારીયાએ કરેલી દલીલો સાંભળ્યા પછી આરોપી પક્ષે હાઈકોર્ટમાંથી તે અરજી પરત ખેંચી લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
