Author: નોબત સમાચાર
ગ્રેઈન માર્કેટમાં ટ્રક દૂર રાખવાનું કહેતા મજૂરો પર છ શખ્સ દ્વારા કરાયો હુમલો
ધારીયુ, પાઈપ, ટોમીથી માર માર્યાેઃ
જામનગર તા. ૧૨ઃ જામનગરના ગ્રેઈન માર્કેટ વિસ્તારમાં ગઈકાલે બપોરે ઘઉં ઉતારતા મજૂરોએ એક ટ્રક દૂર રાખવાનું કહેતા ટ્રકચાલક-ક્લિનર સહિત છ શખ્સે પાઈપ, ટોમી, ધારીયાથી હુમલો કરી માર માર્યાે હતો.
જામનગરના ગુલાબનગર રોડ પર આવેલા આદિત્ય પાર્કમાં રહેતા મહેબુબ રફીકભાઈ જખરા નામના શ્રમિક તથા તેના બનેવી અને મોટાભાઈ ગઈકાલે બપોરે ગ્રેઈન માર્કેટમાં પાછળના રોડ પર એક દુકાન પાસે ટ્રકમાંથી ઘઉં ઉતારતા હતા. આ વેળાએ એક અજાણ્યો ટ્રક ત્યાં આવ્યો હતો અને ઉપરોક્ત મજૂરોને આડો આવે તે રીતે રાખી દેવામાં આવ્યો હતો.
આ ટ્રકના ચાલકને મહેબુબે ટ્રક આગળ લઈ લેવાનું કહેતા ઉશ્કેરાયેલા ડ્રાઈવર તથા ક્લિનર ગાળો ભાંડવા લાગ્યા હતા ત્યારે જ આવી ગયેલા મહેબુબના ભાઈ તથા બનેવીએ ગાળો ન બોલવાનું કહેતા વલીમામદ સફીયા નામનો શખ્સ ધારીયુ લઈને આવ્યો હતો. જ્યારે અજાણ્યા ટ્રક ડ્રાઈવરે ટોમી કાઢી હતી. આ શખ્સોએ હુમલો કર્યાે ત્યારે અજીઝ સફીયા, જાફર સફીયા, અલારખા સફીયા પાઈપથી તૂટી પડ્યા હતા. આ હુમલામાં મહેબુબના ભાઈ તથા બનેવીને ઈજા થઈ છે. સિટી બી ડિવિઝનમાં તેની ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
