મોદી સરકાર શૂન્ય જીએસટીનો વ્યાપ વધારે તેવા સંકેતોઃ કાઉન્સીલ કરશે ઘોષણા

Author: નોબત સમાચાર

મોદી સરકાર શૂન્ય જીએસટીનો વ્યાપ વધારે તેવા સંકેતોઃ કાઉન્સીલ કરશે ઘોષણા

રોટલી, પરાઠા, શિક્ષણ સામગ્રી, હાથશાળ ઉત્પાદનો અંગે વિચારણા

નવી દિલ્હી તા.૨૮: આગામી ૩-૪ સપ્ટેમ્બરના યોજાનારી જીએસટી કાઉન્સિલની બેઠકમાં સરકાર ઘણી રોજિંદી વસ્તુઓને શૂન્ય સ્લેબમાં આવે તેવી શકયતા જણાવાઈ રહી છે. શિક્ષણ સંબંધિત બધી વસ્તુઓને પણ જીએસટીમાંથી મુકિત આપવાની તૈયારી કરવામાં આવી રહી છે. હાથશાળ ઉત્પાદનો પર મુકિત ચાલુ રહી શકે છે. પરાઠા અને પનીર, રોટલીને પણ જીએસટીમાંથી મૂકિત મળી શકે છે.

વડાપ્રધાન નરેન્દ્ર મોદીએ મોદીએ ૧૫ ઓગસ્ટના લાલ કિલ્લાની પ્રાચીરથી જીએસટી સુધારાની જાહેરાત કરી હતી અને કહૃાું હતું કે આ સુધારા દિવાળી પહેલા લાગુ કરી શકાય છે.

હવે જીએસટી કાઉન્સિલની બેઠક આવતા અઠવાડિયે યોજાવા જઈ રહી છે અને તે પહેલાં જીએસટી સ્લેબમાં ફેરફાર અંગે એક મોટું અપડેટ આવ્યું છે. આ મુજબ, બેઠકમાં, સરકાર શૂન્ય જીએસટી સ્લેબનો વ્યાપ વધારી શકે છે અને તેમાં ઘણી રોજિંદી આવશ્યક વસ્તુઓનો સમાવેશ કરી શકે છે, જે અત્યાર સુધી ૫% અને ૧૮% જીએસટીના વ્યાપમાં આવતી હતી. રિપોર્ટ અનુસાર, આ વસ્તુઓમાં મુખ્યત્વે ખાદ્ય ઉત્પાદનોનો સમાવેશ થશે, જેમાં શ્ણ્વ્ દૂધ, પ્રી-પેકેજ્ડ પનીર, પિઝા બ્રેડ અને રોટલી શૂન્ય જીએસટી સ્લેબમાં લાવી શકાય છે.

એક અંગ્રજી અખબારના રિપોર્ટ અનુસાર, યાદીમાં ઘણી અન્ય વસ્તુઓનો સમાવેશ થાય છે, જેને શૂન્ય સ્લેબમાં લાવવાની તૈયારી કરવામાં આવી રહી છે. રેડી ટુ ઈટ રોટલી સાથે, પરાઠાનો પણ સમાવેશ થઈ શકે છે, જેના પર અત્યાર સુધી ૧૮% જીએસટી લાગુ છે. પરંતુ સરકાર તેના દરોને તર્કસંગત બનાવવાની તૈયારી કરી રહી છે અને મંત્રીઓના જૂથના પ્રસ્તાવ મુજબ, તેને શૂન્ય દર હેઠળ લાવવામાં આવશે. ખાદ્ય ઉત્પાદનોની સાથે, શિક્ષણ સંબંધિત વસ્તુઓ પણ સસ્તી થઈ શકે છે અને હાલમાં તેના પર લાગુ જીએસટી પણ શૂન્ય થઈ શકે છે.

શિક્ષણ સંબંધિત બધી વસ્તુઓને પણ જીએસટીમાંથી મુક્તિ આપવાની તૈયારી કરવામાં આવી રહી છે. જો રિપોર્ટ પર વિશ્વાસ કરવામાં આવે તો, કાઉન્સિલની બેઠકમાં, નકશા, પાણી સર્વે ચાર્ટ, એટલાસ, દિવાલ નકશા, ગ્લોબ્સ, છાપેલા શૈક્ષણિક ચાર્ટ, પેન્સિલ-શાર્પનર્સ તેમજ પ્રેક્ટિસ બુક્સ, ગ્રાફ બુક્સ અને લેબોરેટરી નોટબુક્સને જીએસટીમાંથી મુક્તિ આપવામાં આવે તેવી શક્યતા છે, જેના પર હાલમાં ૧૨% ના દરે કર લાગુ પડે છે.

શૂન્ય સ્લેબમાં નવી વસ્તુઓનો સમાવેશ કરવા સાથે, જીએસટી દરને તર્કસંગત બનાવવા માટે રચાયેલા મંત્રીઓના જૂથ (જીઓએમ) એ પણ ભલામણ કરી છે કે હાથશાળ ઉત્પાદનો અને કાચા રેશમ પર જીએસટી મુક્તિ ચાલુ રહે, જે દેશમાં આ ક્ષેત્ર સાથે સંકળાયેલા કારીગરો અને નાના વણકર માટે રાહત હશે. વાસ્તવમાં, મૂળમાં તેમના પર ૫% જીએસટી લાદવાનું વિચારવામાં આવ્યું હતું.

આ ઉપરાંત, ફિટમેન્ટ કમિટીએ પ્રસ્તાવ મૂક્યો છે કે માખણ, કન્ડેન્સ્ડ મિલ્ક, જામ, મશરૂમ્સ, ખજૂર, સૂકા ફળો અને નમકીન જેવા ઉત્પાદનોને વર્તમાન ૧૨% જીએસટી સ્લેબમાંથી દૂર કરીને ફક્ત ૫% કરવા જોઈએ. આ મામલા સાથે સંકળાયેલા સુત્રોેનું કહેવું છે કે આ પગલું સરકારના જીએસટી સ્લેબની સંખ્યા ઘટાડીને અને શ્રેણીઓ સંબંધિત હાલના વિવાદોને ઉકેલીને પરોક્ષ કર માળખાને તર્કસંગત બનાવવાના વ્યાપક પ્રયાસનો એક ભાગ છે. તેમણે કહૃાું કે શૂન્ય જીએસટી સ્લેબનો વિસ્તાર કરીને, સામાન્ય પરિવારો અને વિદ્યાર્થીઓને નક્કર રાહત મળવાની અપેક્ષા છે. જો કે, આ ભલામણો પર અંતિમ નિર્ણય આવતા અઠવાડિયે દિલ્હીમાં યોજાનારી ૫૬મી જીએસટી કાઉન્સિલની બેઠકમાં લેવામાં આવશે, જે ૩-૪ સપ્ટેમ્બરના રોજ યોજાઈ શકે છે.

જો આપને આ પોસ્ટ ગમી હોય તો શેર કરો...