Author: નોબત સમાચાર
હોટલે ચા પીવા ગયેલા બે યુવાન પર ત્રણ શખ્સનો હુમલોઃ
ગાળો ન બોલવાનું કહેતા કરાયો તાવીથાથી પ્રહારઃ
જામનગર તા. ૧૮: જામનગરના ખોડિયાર કોલોની વિસ્તારમાં આવેલી નિલકમલ સોસાયટીની ચોકડી પાસે હોટલે ચા પીવા ગયેલા બે યુવાન પર ત્યાં હાજર ત્રણ શખ્સે ગાળો ભાંડી હુમલો કરવા ઉપરાંત એક શખ્સે માથામાં તવીથો મારી હેમરેજ કરી નાખ્યાની પોલીસમાં ફરિયાદ કરાઈ છે.
જામનગરના ગાંધીનગર નજીકના પુનિતનગરમાં વસવાટ કરતા અને મંડપ સર્વિસનું કામ કરતા શક્તિસિંહ વિભાજી જાડેજા ઉર્ફે સંજય અને તેના માસીયાઈ ભાઈ જયપાલસિંહ ગઈકાલે સાંજે ખોડિયાર કોલોની સામે આવેલી નિલકમલ સોસાયટી નજીક મૂકવામાં આવેલો એક મંડપ કાઢવા માટે ગયા પછી મંડપ કાઢીને નિલકમલ સોસાયટીની ચોકડી નજીક એક હોટલ પાસે ચા પીવા પહોંચ્યા હતા.
આ વેળાએ ત્યાં મીત સંજયભાઈ સોયગામા, તુષાર બારોટ, જયપાલ નામના ત્રણ વ્યક્તિ કોઈની સાથે માથાકૂટ કરતા હતા. આ વેળાએ શક્તિસિંહ તથા જયપાલસિંહ પણ માથાકૂટ કરવા આવ્યા છે તેમ માની ઉપરોક્ત ત્રણેય શખ્સે તેઓને ગાળો ભાંડી હતી. તેથી શક્તિસિંહે કેમ ગાળો બોલો છો તેમ કહેતા તુષાર તથા જયપાલ ઢીકાપાટુથી તૂટી પડ્યા હતા અને મીત સોયગામા ત્યાં આવેલી હોટલમાંથી તવીથો લઈને આવ્યો હતો અને તેણે શક્તિસિંહના માથામાં ફટકાર્યાે હતો.
માથામાં ઈજા સાથે શક્તિસિંહને હોસ્પિટલમાં ખસેડવામાં આવ્યા છે. જ્યાં તેઓને હેમરેજ થયાનું જાહેર થયું છે. સિટી સી ડિવિઝન પોલીસ સ્ટેશનમાં તેઓએ મીત, તુષાર, જયપાલ સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
