Author: નોબત સમાચાર
ખંભાળીયામાં કોંગ્રેસ દ્વારા યોજાઈ વોટ ચોરી અંગે મશાલયાત્રા
રાજ્યસભાના સાંસદ શક્તિસિંહ ગોહિલની આગેવાનીમાં
ખંભાળીયા તા. ૨૧: સમગ્ર દેશમાં કોંગ્રેસ દ્વારા વોટ ચોરી સંદર્ભે ભાજપના સત્તાધારી પક્ષને ઘેરવા વિવિધ કાર્યક્રમો થઈ રહ્યા છે. જ્યારે દ્વારકા જિલ્લા કોંગ્રેસ સમિતિ દ્વારા ખંભાળીયામાં સાંસદ શક્તિસિંહ ગોહિલની આગેવાનીમાં મશાલયાત્રા કાઢીને વિરોધ વ્યક્ત થયો હતો.
સળગતી મશાલ હાથમાં લઈને શક્તિસિંહ સાથે જિલ્લા કોંગ્રેસ પ્રમુખ પાલભાઈ આંબલીયા, અગ્રણીઓ, પૂર્વ મંત્રી ડો. રણમલભાઈ વારોતરીયા, ભીખુભાઈ વારોતરીયા વગેરે જોડાયા હતા. મશાલરેલી પહેલા યોગકેન્દ્રમાં અગ્રણી શક્તિસિંહ ગોહિલ દ્વારા બેઠક યોજી ને આગેવાનો સાથે ચર્ચા કરીને યુવાનોને કોંગ્રેસમાં જોડાવા હાકલ કરી હતી. ગુજરાતમાં હાલની સ્થિતિ વિશે આકરી ટિકા કરીને ગુજરાતમાં પેપર ફૂટે, વિદ્યાર્થીઓ-બેકારો આંદોલનો કરે, શિક્ષકો, આંગણવાડી કર્મી, આરોગ્ય કર્મી લડત કરે, ખેડૂતોને પાક વીમા ન મળે, જમીન માપણી માટે લડત કરવી પડે, છતાં સરકારના પેટનું પાણી હલતું નથી. કેમ કે સરકાર જ વોટ ચોરી કરીને બને છે. તેમને મતનો ભય જ નથી. ગુજરાતના યુવાનોએ વોટ ચોરી સામેની લડતમાં જોડાવું જોઈએ...
જિલ્લા પ્રમુખ પાલભાઈ આંબલીયાએ જિલ્લામાં યુવાનો, ખેડૂતો, મહિલાઓ, પીડિતો સાથેની લડતમાં લોકોના પ્રશ્નો ઉઠાવવાના આંદોલનમાં કોંગ્રેસના દરેક સિપાઈને જોડાવા હાકલ કરી વોટ ચોરો સામે લડત કરવા જણાવી લોકોને જાગૃત કર્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
