Author: નોબત સમાચાર
યુવાન પર છરીથી હુમલો કરવાના આરોપમાં ઝડપાયેલા આરોપીની જામીન અરજી નામંજૂર
દોઢ મહિના પહેલાં યુવાનને હુલાવાઈ હતી છરીઃ
જામનગર તા. ૧૩: જામનગરના સાધના કોલોની વિસ્તાર પાસે દોઢેક મહિના પહેલાં એક યુવાન પર છરીથી હુમલો કરાયો હતો. આ યુવાનની માનેલી બહેન ફરવા જતા આ યુવાને તેના પિતાને ફોન કરીને જાણ કરી હતી. તે મુદ્દે હુમલો થયો હતો. ઝડપાયેલા આરોપીએ જામીનમુક્ત થવા કરેલી અરજી અદાલતે નકારી છે.
જામનગરમાં સાધના કોલોનીમાં રહેતા કરણ દિલીપભાઈ ભટ્ટી નામના યુવાન ગઈ તા.ર૧ ઓગસ્ટના દિને પોતાના ઘરે જતા હતા ત્યારે માર્ગમાં તેઓની માનેલી બહેન સુનિતા તથા કેયુર શુકલ રસ્તા પર વાત કરતા હતા. ત્યાં પહોંચેલા કરણ પર અચાનક છરી વડે કેયુર શુકલે હુમલો કરી દીધો હતો. એક ઘા છાતીમાં કરણને વાગી ગયો હતો.
અગાઉ સુનિતા ફરવા ગઈ હતી. તેની જાણ કરણે ફોન કરીને તેના પિતાને કરી હતી તેનો ખાર રાખી કેયુરે હુમલો કર્યાનું ફરિયાદમાં જણાવાયું હતું. પોલીસે કેયુર હીતેશ શુકલ, સુનિતા મનજી કાતરીયા સામે ગુન્હો નોંધી બંનેની ધરપકડ કરી હતી. આરોપી કેયુરે જામીનમુક્ત થવા અદાલતમાં અરજી કરતા મૂળ ફરિયાદીના વકીલ રાજેશ ગોસાઈ તથા સરકારી વકીલ રાજેશ વશીયરની દલીલો ગ્રાહ્ય રાખી અદાલતે આરોપીની જામીન અરજી નામંજૂર કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
