જામનગર જિલ્લામાં આ વર્ષે ૧૬ પશુદવાખાનાના નિર્માણકાર્યો હાથ ધરાશેઃ કૃષિમંત્રી રાઘવજી પટેલ

Author: નોબત સમાચાર

જામનગર જિલ્લામાં આ વર્ષે ૧૬ પશુદવાખાનાના નિર્માણકાર્યો હાથ ધરાશેઃ કૃષિમંત્રી રાઘવજી પટેલ

મોરકંડામાં રૂ. ૧.૧૦ કરોડના ખર્ચે બનનાર પશુ દવાખાનાનું ખાતમુહૂર્ત

જામનગર તા. ૧૩: વિકાસ સપ્તાહની ઉજવણી હેઠળ જામનગરના મોરકંડા ગામે કૃષિમંત્રી રાઘવજીભાઈ પટેલે રૂ. ૧.૧૦ કરોડના ખર્ચે નિર્મિત થનાર પશુ દવાખાનાનું ખાતમુહૂર્ત કર્યુ હતું. તેમણે કહ્યું હતું કે, જામનગર જિલ્લામાં ચાલુ વર્ષે નવા ૧૬ પશુ દવાખાનાઓનું નિર્માણ કાર્ય હાથ ધરાશે. પશુપાલન ખેડૂતોને નિયમિત આવક પૂરી પાડી આર્થિક રીતે સમૃદ્ધ થવામાં મદદરૂ.પ થાય છે.

વિકાસ સપ્તાહની ઉજવણીના ભાગરૂ.પે રાજ્યના કૃષિ, પશુપાલન, નિર્માણ વિભાગના મંત્રી શ્રી રાઘવજીભાઈ પટેલના હસ્તે જામનગર તાલુકાના મોરકંડામાં રૂ..૧.૧૦ કરોડના ખર્ચે નિર્મિત થનાર અદ્યતન પશુ દવાખાનાનું ખાતમુહૂર્ત કરવામાં આવ્યું હતું.

આ પ્રસંગે તેમણે જણાવ્યું હતું કે, પશુ સારવારની સુવિધાઓ સ્થાનિક કક્ષાએ જ ઉપલબ્ધ થાય તે માટે વડાપ્રધાન નરેન્દ્ર મોદી જ્યારે ગુજરાત રાજ્યના મુખ્યમંત્રી હતા, ત્યારથી જ આપણા મહામૂલા પશુધનની કાળજી લેવા માટે તેઓએ અનેક કલ્યાણકારી યોજનાઓ અમલમાં મૂકી હતી. જેમાં પશુ આરોગ્ય મેળા, પશુ દવાખાના, પશુ આર્થિક સહાય અને એનિમલ એમ્બ્યુલન્સ જેવી સુવિધાઓનો સમાવેશ થાય છે. આગામી સમયમાં રાજ્ય સરકાર દ્વારા એક હજાર નવા પશુ દવાખાના સ્થાપવાનો નિર્ણય લેવાયો છે. જેના ભાગરૂ.પે, જામનગર જિલ્લામાં પણ ચાલુ વર્ષે નવા ૧૬ પશુ દવાખાનાઓનું નિર્માણ કાર્ય હાથ ધરવામાં આવશે.

ગ્રામજનો સાથે સંવાદ પશુપાલન એ માત્ર કૃષિનો સહાયક વ્યવસાય નથી, પરંતુ તે ખેડૂતોને નવી અને નિયમિત આવક પૂરી પાડીને આર્થિક રીતે સમૃદ્ધ થવામાં મદદરૂ.પ બને છે. તેમ જણાવી તેમણે સેક્સ્ડ સિમેન ટેકનોલોજી અને દૂધ મંડળીઓ જેવી પશુપાલન સંબંધિત અગત્યની યોજનાઓની વિસ્તૃત જાણકારી આપી ગ્રામજનોને તેનો મહત્તમ લાભ લેવા પ્રોત્સાહિત કર્યા હતા.

આ પ્રસંગે હાપા માર્કેટિંગ યાર્ડના ચેરમેન મુકુંદ સભાયા, જિલ્લા વિકાસ અધિકારી અંકિત પન્નુ, અગ્રણી વિનુભાઈ ભંડેરી, ગિરિરાજસિંહ જાડેજા, નાયબ પશુપાલન નિયામક તેજસ શુક્લ, સરપંચ ભનુભાઈ ચૌહાણ, ભરતભાઇ સોનાગરા, પ્રવીણભાઈ કટેશિયા સહિત બહોળી સંખ્યામાં ગ્રામજનો ઉપસ્થિત રહૃાા હતા.

જો આપને આ પોસ્ટ ગમી હોય તો શેર કરો...