સહોદય સૌરાષ્ટ્ર ઈન્ટર સ્કૂલ એથ્લેટિક ચેમ્પિયનશીપ યોજાઈઃ મેડલ-ટ્રોફી એનાયત

Author: નોબત સમાચાર

સહોદય સૌરાષ્ટ્ર ઈન્ટર સ્કૂલ એથ્લેટિક ચેમ્પિયનશીપ યોજાઈઃ મેડલ-ટ્રોફી એનાયત

જામનગરની બાલાચડી સૈનિક શાળા દ્વારા

જામનગર તા. ૧૩: સૈનિક સ્કૂલ બાલાચડી, જામનગર દ્વારા સહોદય સૌરાષ્ટ્ર ઈન્ટર સ્કૂલ એથ્લેટિક ચેમ્પિયનશીપ ૨૦૨૫-૨૬નું આયોજન કરવામાં આવ્યું હતું.

સૈનિક સ્કૂલ બાલાચડી, જામનગર દ્વારા ૨૭ સપ્ટેમ્બર ૨૦૨૫ના 'સહોદય સૌરાષ્ટ્ર ઇન્ટર સ્કૂલ એથ્લેટિક ચેમ્પિયનશીપ ૨૦૨૫-૨૬'નું આયોજન કરવામાં આવ્યું હતું.

આ એક મેગા સ્પોર્ટ્સ ઇવેન્ટ હતી જેમાં સૌરાષ્ટ્ર ક્ષેત્રની નવ શાળાઓ - દિલ્હી પબ્લિક સ્કૂલ જામનગર, જય ઇન્ટરનેશનલ સ્કૂલ, જેપી મોદી સ્કૂલ વસઈ, એસડીસીસીએલ પબ્લિક સ્કૂલ, શ્રી સરસ્વતી વિદ્યા મંદિર ઇંગ્લિશ સ્કૂલ, લોકપ્રિયા પ્રોવિડેન્શિયા ઇન્ટરનેશનલ સ્કૂલ, સંસ્કાર ઇન્ટરનેશનલ સ્કૂલ, નંદ વિદ્યા નિકેતન અને યજમાન સ્કૂલે, સ્કૂલ એથ્લેટિક ગ્રાઉન્ડ પર તમામ ટ્રેક એન્ડ ફિલ્ડ ઇવેન્ટ્સમાં ભાગ લીધો હતો.

નંદ વિદ્યા નિકેતને ઓવરઓલ ચેમ્પિયનશિપ ટ્રોફી જીતી જ્યારે સૈનિક સ્કૂલ બાલાચડી અને સંસ્કાર ઇન્ટરનેશનલ સ્કૂલે અનુક્રમે બીજા અને ત્રીજા સ્થાન મેળવ્યું.

નંદ વિદ્યા નિકેતનની સોમ્ય કલારિયા અને મમતા અનુક્રમે અંડર-૧૭ છોકરાઓ અને અંડર-૧૭ છોકરીઓની શ્રેણીમાં 'શ્રેષ્ઠ ખેલાડી' જાહેર થયા. જ્યારે અંડર-૧૪ છોકરાઓ અને અંડર-૧૪ છોકરીઓની શ્રેણીમાં 'શ્રેષ્ઠ ખેલાડી'નો એવોર્ડ સૈનિક સ્કૂલ બાલાચડીના કેડેટ સૌરવ કુમાર અને નંદ વિદ્યા નિકેતનની દર્શિની સારદાને અનુક્રમે આપવામાં આવ્યો.

દિવસભર ચાલેલા કાર્યક્રમ દરમિયાન બધા સહભાગીઓએ સ્પર્ધાત્મક ભાવના અને ખેલદિલીનું પ્રદર્શન કર્યું અને ભાગ લેનારા સ્ટાફ અને વિદ્યાર્થીઓને તેમના વિચારો, જ્ઞાન, સંસ્કૃતિ અને શ્રેષ્ઠ પ્રથાઓ એકબીજા સાથે શેર કરવા માટે એક પ્લેટફોર્મ પૂરું પાડ્યું.

સૈનિક સ્કૂલ બાલાચડીના આચાર્ય કર્નલ શ્રેયશ મહેતાએ વિજેતાઓને ટ્રોફી, પ્રમાણપત્રો અને મેડલ એનાયત કર્યા. તેમણે આવા અદ્ભુત કાર્યક્રમનું સફળતાપૂર્વક આયોજન કરવા બદલ સ્ટાફના સભ્યોની પ્રશંસા કરી.

આ પ્રસંગે વહીવટી અધિકારી લેફ્ટનન્ટ કમાન્ડર હરિરામ પુનિયા, સ્ક્વોડ્રન લીડર રાકેશ તિવારી, વાઇસ પ્રિન્સિપાલ અને સ્ટાફના સભ્યો હાજર રહૃાા હતા.

જો આપને આ પોસ્ટ ગમી હોય તો શેર કરો...