Author: નોબત સમાચાર
બેરાજાના મહિલા સરપંચના પતિ વતી લાંચ લેતાં ઝડપાયેલા શખ્સના જામીન નામંજૂર
એકાદ મહિના પહેલાં ગોઠવાયું હતું છટકુઃ
જામનગર તા. ૧૫: કાલાવડના ભલસાણ બેરાજા ગામ પાસે લીઝ પર ચલાવતા એક આસામી પાસે બેરાજા ગામના મહિલા સરપંચના પતિએ રૂ.૭પ હજારની લાંચ માંગી હોવાની ફરિયાદ એસીબીમાં થઈ હતી. તે રકમ સ્વીકારવા આવેલા વચેટીયા સહિત સરપંચ પતિની પણ ધરપકડ કરાઈ હતી. આરોપી પૈકીના વચેટીયાએ જામીન મુક્ત થવા કરેલી અરજી અદાલતે નામંજૂર રાખી છે.
કાલાવડ તાલુકાના ભલસાણ બેરાજા ગામમાં એક ખાણ લીઝ ઉપર મેળવનાર એક આસામીને બેરાજા ગ્રામ પંચાયત કચેરી દ્વારા હેરાનગતિ કરવામાં ન આવે તે માટે મહિલા સરપંચના પતિ દિનેશ વેજાભાઈ જેપાર દ્વારા રૂ.૭પ હજારની લાંચ માંગી હતી. તેની ફરિયાદ એસીબીમાં કરાઈ હતી.
તે પછી ગઈ તા.૧૯ સપ્ટેમ્બરના દિને છટકુ ગોઠવાયું હતું. જેમાં ધુતારપરના પાટીયા પાસે દિનેશ જેપાર વતી હમીર દેવરાજ સોલંકી નામનો શખ્સ પૈસા લેવા આવ્યો હતો. તેણે એસીબી ટીમે દબોચી લઈ દિનેશ જેપારની પણ ધરપકડ કરી હતી. જેલહવાલે થયેલા બંને આરોપી પૈકીના હમીર દેવરાજ સોલંકીએ જામીન મુક્ત થવા અદાલતમાં અરજી કરી હતી. અદાલતે સરકારી વકીલ હેમેન્દ્ર મહેતા તથા મૂળ ફરિયાદીના વકીલ હરીશ ગોહિલ, શ્યામ રાજદેવની દલીલો ગ્રાહ્ય રાખી આરોપીની જામીન અરજી નામંજૂર કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
