Author: નોબત સમાચાર
ખંભાળીયામાં મહિલાલક્ષી કાયદાઓ અંતર્ગત જાગૃતિ કાર્યક્રમઃ પોષણયુક્ત આહાર માર્ગદર્શન
જિલ્લા મહિલા અને બાળ અધિકારીની કચેરી દ્વારા
ખંભાળીયા તા. ૧૫: દેવભૂમિ દ્વારકા જિલ્લા મહિલા અને બાળ વિકાસ કચેરી દ્વારા મહિલાઓએ અને બાળકોના કાયદાઓ અને તેમના કલ્યાણકારી યોજનાઓના પ્રચાર-પ્રસાર માટે વિશેષ જાગૃતિ અભિયાન શરૂ કરવામાં આવ્યું છે. જે અંતર્ગત ખંભાળીયા તાલુકાની અગસ્ત્ય ઈન્ટરનેશનલ સ્કૂલ અને દા.સું. કન્યા શાળામાં જાગૃતિ કાર્યક્રમનું આયોજન કરવામાં આવ્યું હતું.
આ કાર્યક્રમમાં શાળાની વિદ્યાર્થિનીઓને પોક્સો એક્ટ. ગુડ ટચ-બેડ ટચ, જાતિય સતામણી માટે ૧૦૯૮ હેલ્પલાઈન વગેરેથી માહિતગાર કરવામાં આવ્યા હતા. ઉપરાંત, અંગત સ્વચ્છતા અને પોષણયુક્ત આહાર અંગે માર્ગદર્શન આપવામાં આવ્યું હતું. વધુમાં મહિલાઓના કલ્યાણ અને સુરક્ષા માટેની વિવિધ યોજનાઓ જેવી કે મહિલા હેલ્પલાઈન ૧૮૧, સખી વન સ્ટોપ સેન્ટર, બેટી બચાઓ બેટી પઢાઓ વગેરેની જાણકારી આપવામાં આવી હતી.
આ કાર્યક્રમમાં સંકલ્પ હબ ઓફ એમ્પાવરમેન્ટના ડિસ્ટ્રિકટ મિશન કોઓર્ડીનેટર, જેન્ડર સ્પેશિયાલિસ્ટ, વન સ્ટોપ સેન્ટરના કેન્દ્ર સંચાલક તેમજ શાળાના શિક્ષકો અને વિદ્યાર્થીઓ હાજર રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
