Author: નોબત સમાચાર
ભાણવડ પંથકની પરિણીતાનું અપહરણ કરી વિધર્મી શખ્સે અવારનવાર દુષ્કર્મ ગુજાર્યું
ખોટું સરકારી ડોક્યુમેન્ટ ઉભુ કરી લીધાની પણ નોંધાવાઈ ફરિયાદઃ
જામનગર તા. ૭: ભાણવડ તાલુકાના એક ગામમાં લાલપુર તાલુકામાંથી પરણીને આવેલી એક યુવતી સાથે સંપર્ક જાળવી રાખી લાલપુરના એક વિધર્મી શખ્સે અવારનવાર દુષ્કર્મ ગુજાર્યાની પોલીસમાં ફરિયાદ કરાઈ છે. ગયા બુધવારે આ પરિણીતાનું બાઈકમાં અપહરણ કરી હોટલમાં લઈ જઈ વધુ એક વખત દુષ્કર્મ ગુજારાતા તે પરિણીતાએ પોલીસમાં ફરિયાદ નોંધાવી છે.
દેવભૂમિ દ્વારકા જિલ્લાના ભાણવડ તાલુકાના એક ગામમાં રહેતા એક પરિણીતાએ લાલપુરમાં રહેતા સાહીલ ઈબ્રાહીમ સમા નામના શખ્સ સામે વારંવાર દુષ્કૃત્ય ગુજાર્યાની પોલીસમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ જામનગર જિલ્લામાં લાલપુર તાલુકાના એક ગામમાં અગાઉ વસવાટ કરતા યુવતી સાથે સાહીલ સમાનો સંપર્ક થયા પછી આ શખ્સે તેણીને પ્રેમજાળમાં ફસાવી લીધી હતી. વિધર્મીની જાળમાં ફસાઈ ગયેલી આ યુવતીના સમય વિત્યે ભાણવડ તાલુકાના ગામમાં લગ્ન કરવામાં આવ્યા હતા. તે પછી પણ સાહીલ સમાએ તેણીનો ધમકીના આધારે સંપર્ક જાળવી રાખ્યો હતો.
તે દરમિયાન આ મહિલાને ગયા બુધવારે મોટરસાયકલ પર બેસાડી તેણીનું અપહરણ કરી સાહીલ સમા એક હોટલમાં લઈ ગયો હતો જ્યાં બંને વ્યક્તિના ડોક્યુમેન્ટ માંગવામાં આવતા સાહીલે ખોટું સરકારી ડોક્યુમેન્ટ ઉભુ કરી આ પરિણીતા પર એકથી વધુ વખત દુષ્કર્મ ગુજાર્યું હતું. ત્યારપછી પોતાના સાસરિયાના ગામ પરત આવેલી પરિણીતાએ ગઈકાલે ભાણવડ પોલીસ મથકમાં ફરિયાદ નોંધાવી છે. ભાણવડ પોલીસે ગુન્હો નોંધ્યા પછી ડીવાયએસપી વિસ્મય માનસેતાના વડપણ હેઠળ દ્વારકા મંદિર સુરક્ષાના પીએસ આઈ યુ.બી. અખેડે તપાસનો ધમધમાટ શરૂ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
