ફ્લેશબેક - ૨૦૨૩
પ્રકૃતિ અને પોલિટિકલ ક્ષેત્રે પલટાતા પવનો, પરિવર્તન અને પુનરાવર્તનના પચરંગી પ્રજ્જવલન સંગાથે
પ્રકૃતિ અને પોલિટિકલ ક્ષેત્રે પૂરા થયેલા વર્ષે પવનો પલટાયા હોય તેમ ઘણાં દેશોમાં વિનાશક પ્રાકૃતિક આપદાઓ આવી, પોલિટિકલ ક્ષેત્રે પણ દેશમાં ઘણાં પરિવર્તનો થયા, પુનરાવર્તનો પણ થયા. આપણા રાજ્યમાં પણ નોંધપાત્ર ઘટનાઓ બની અને ઘણાં મહત્ત્વપૂર્ણ મહાનુભાવોના નિધન પણ થયા તેને ગાગરના સાગરની જેમ અમે સંક્ષિપ્તમાં પ્રસ્તુત કરવાનો પ્રયાસ કર્યો છે.
રાષ્ટ્રીય
સંસદની સુરક્ષામાં સેંધ
દેશમાં પાંચ રાજ્યોમાં વિધાનસભાની ચૂંટીઓ થઈ. ત્રણ રાજ્યોમાં ભાજપ, એક રાજ્યમાં કોંગ્રેસ અને એક રાજ્યમાં ઝોરમ પિપલ્સ મૂવમેન્ટ નામની નવી પ્રાદેશિક પાર્ટીની જીત થઈ. રાજસ્થાનમાં ભજનલાલ શર્મા, છત્તીસગઢમાં વિષ્ણુદેવ સાય, મધ્યપ્રદેશમાં મહેશ યાદવ, તેલંગાણામાં રેવંત રેડ્ડી અને મિઝોરમમાં લાલદુહોમા મુખ્યમંત્રી બન્યા. વર્ષના અંતે સંસદના શિયાળુ સત્રમાં ધમાલ વચ્ચે ૧૪૬ સાંસદોને સસ્પેન્ડ કરાયા, અને તે પહેલા સંસદની સુરક્ષાને સેંધ લગાડીને બે યુવકો ગૃહમાં ઘૂસી ગયા અને કલરસ્ટીકથી ધૂમાડો કર્યો, તો બે જણાએ સંસદની બહાર આ જ પ્રકારની હરકત કરતા આ મુદ્દો હવે વર્ષ-ર૦ર૪ ની ચૂંટણીમાં વિપક્ષોના પ્રચારનો મુખ્ય મુદ્દો થવા જઈ રહ્યો છે. ઉપરાષ્ટ્રપતિ જગદીપ ધનખડની મીમીક્રીનો મુદ્દો પણ ચર્ચાસ્પદ બન્યો છે.
ઈન્ડિયા ગઠબંધન
ડિસેમ્બરમાં વિપક્ષી ગઠબંધન ઈન્ડિયાની ચોથી બેઠકમાં સીટશેરીંગ તથા વર્ષ-ર૦ર૪ ની લોકસભાની ચૂંટણીમાં ભાજપને હરાવીને કેન્દ્રમાંથી મોદી સરકારને વિદાય આપવાનો નિર્ધાર કરાયો અને તદ્વિષયક ચર્ચા-પરામર્શ થયો. કોંગ્રેસે તેના સ્થાપના દિન ર૮ મી ડિસેમબરમાં ચૂંટણી પ્રચારની બ્યુગલ ફૂંકવાની ઘોષણા કરી તો ભાજપે પણ બે દિવસીય રાજકીય કક્ષાનું અધિવેશન યોજીને ચૂંટણી પ્રચારની વ્યૂહરચના કરી, 'આપ'ના કેજરીવાલને ઈ.ડી.ના બે સમન્સ પાઠવાયા. તેઓ વિપશ્યના કરવા માટે દક્ષિણ ભારતમાં ગયા.
ચર્ચાસ્પદ મુદ્દા
દેશમાં વર્ષ-ર૦ર૩ ના પ્રારંભથી બનેલી ઘણી ઘટનાઓ ચર્ચામાં રહી, તો કુદરતી-માનવસર્જિત આફતો પણ ઘણી બની. વર્ષ દરમિયાન કેન્દ્ર સરકારે ઘણી નવી યોજનાઓ જાહેર કરી અને નવા કાનૂનો પણ સંસદમાં મંજુર કરાવ્યા. ખાસ કરીને આઈ.પી.સી., સીઆરપીસી અને એવિડેન્સ એક્ટના સ્થાને તદ્ન ત્રણ નવા કાયદાઓ બનાવ્યા, જેની ખૂબ ચર્ચા થઈ. વર્ષ દરમિયાન હિન્ડનબર્ગ રિસર્ચ ફર્મનો અહેવાલ ખૂબ ચર્ચાયો અને રાહુલ ગાંધીએ આ મુદ્દે અદાણીને સાંકળીને મોદી સરકાર પર તડાપીટ બોલાવી. કેટલાક પોલિટિકલ આંદોલનો થયા, તો કેટલાક જનઆંદોલનો પણ થયા. આરબીઆઈએ વર્ષના પ્રારંભે રેપોરેટ વધાર્યો, પરંતુ એકંદરે વર્ષ દરમિયાન સ્થિરતા જાળવી.
કેન્દ્રિય એજન્સીઓની કાર્યવાહી અને ભ્રષ્ટાચાર
વર્ષ દરમિયાન આઈટી, સીબીઆઈ, ઈડી, એનઆઈએ, કસ્ટમ્સ અને અન્ય કેન્દ્રિય એજન્સીઓ દ્વારા ઠેર ઠેર દરોડા પડતા રહ્યા, જેને લઈને વિપક્ષો મોદી સરકાર દ્વારા દુરૂપયોગ કરીને વિરોધનો અવાજ કચડવાનો આક્ષેપ કરતા રહ્યા છે, તો કેન્દ્ર સરકાર તેને નકારી રહી છે, જો કે ઝારખંડના સંસદસભ્ય અને તેને સંબંધિત સ્થળોમાંથી ૩પ૦ કરોડ રૂપિયાની રોકડ મળી આવી, તે મુદ્દો ઘણો જ ચર્ચાસ્પદ બન્યો. સાહુએ ચોખવટ કરી કે આ નાણા તેની કંપની તથા અન્ય લોકોના પણ છે. જેનો હિસાબ તે આપશે. આ નાણા સાથે કોંગ્રેસને કાંઈ લેવા-દેવા નથી, જો કે ભાજપે આ નાણા વર્ષ-ર૦ર૪ ની ચૂંટણીમાં કોંગ્રેસ વાપરવાની હતી, તેવા આક્ષેપો કર્યા... આ મુદ્દો પણ હવે ચૂંટણીપ્રચારમાં જોરશોરથી પડઘાશે.
શેરબજાર
વર્ષ દરમિયાન શેરબજારમાં ઉતાર-ચઢાવ થતા રહ્યા, પરંતુ એકંદરે શેરબજાર તેજીમાં રહ્યું. ડિસેમ્બરમાં પણ ઐતિહાસિક સપાટીએ શેરબજાર પહોંચ્યું તો સોનું-ચાંદી વગેરેમાં પણ એકંદરે તેજી રહી.
રેવડી કલ્ચર
વર્ષ દરમિયાન ગેસના ભાવોમાં ઉતાર-ચઢાવ થતા રહ્યા. ચૂંટણી ટાણે ભાજપ-કોંગ્રેસે ગેસનો બાટલો સસ્તો કરવાના વાયદા કર્યા હતાં, અને ઘણી લોકલોભામણી જાહેરાતો કરી હતી. 'રેવડી' કલ્ચરની ચર્ચા તો સડકથી સંસદ અને અદાલતો સુધી પહોંચી હતી, તો દેશના વિવિધ વિસ્તારોમાં કિસાન આંદોલનની ચર્ચા થતી રહી હતી.
'પનોતી' પ્રકરણના પ્રત્યાઘાતો-વિકાસ પ્રોજેક્ટો
અમદાવાદના મોદી સ્ટેડિયમમાં ભારત-ઓસ્ટ્રેલિયા વચ્ચે વર્લ્ડકપ ઓડીઆઈની ફાયનલમાં ભારત હાર્યું, તે પહેલા ટીમ ઈન્ડિયા ટુર્નામેન્ટની એક પણ મેચ હારી નહોતી, તેથી દેશભરમાં નિરાશા ફેલાઈ. આ મેચમાં ભારતના વડાપ્રધાન તથા ઓસ્ટ્રેલિયાના નાયબ વડાપ્રધાન હાજર રહ્યા હતાં. આ પરાજયને ટાંકીને રાહુલ ગાંધીએ 'પનોતી' શબ્દપ્રયોગ કર્યો, તેની પણ ખૂબ ચર્ચા થઈ અને પાંચ રાજ્યની વિધાનસભાની ચૂંટણીમાં પણ તેની ગૂંજ સંભળાઈ. મહારાષ્ટ્રમાં એન.સી.પી. અને શિવસેનાના બબ્બે જુથો પરસ્પર અથડાતા રહ્યા.
દેશમાં વિવિધ પ્રસંગો, કૃષ્ણ-ઋક્ષ્મણી વિવાહ, મીરાબાઈની પરપ મી જયંતી, જલારામ જયંતી, તમિલ-કાશી સમારોહ, ચરણસિંહની પ્રતિમાનું અનાવરણ, શિવાજી મહારાણા પ્રતાપ સહિતના મહાનુભાવોની પ્રતિમાનું અનાવરણ તથા મેગા વિકાસ પ્રોજેક્ટોના ખાતમુહૂર્ત-લોકાર્પણો ખૂબ જ ચર્ચામાં રહ્યા. હવે રર મી જાન્યુઆરીના અયોધ્યામાં ભવ્ય રામમંદિરનો પ્રાણપ્રતિષ્ઠા મહોત્સવ યોજાવાનો છે, તેની જબરદસ્ત ચર્ચા છે. દ્વારકામાં પ૦ હજાર આહિરાણીઓનો રાસ પણ વૈશ્વિક ખ્યાતિ પામ્યો છે.
વર્ષ દરમિયાન દરિયાઈ પટ્ટી પર ડિમોલીશન ઉપરાંત શહેરો-યાત્રાધામોમાં ડિમોલીશનની પ્રવૃત્તિ થતી રહી, તો દ્વારકા સહિતના યાત્રાધામોમાં મંદિર સંકુલના વિકાસ માટે જમીન સંપાદન હેઠળ મોટાપાયે ડિમોલીશનની સંભાવનાઓ પણ દર્શાવાઈ રહી છે. ઓખાને બેટદ્વારકા સાથે જોડતો બ્રિજ પૂરો થવાની તૈયારીમાં છે, અને જામનગરમાં સૌરાષ્ટ્રનો સૌથી લાંબો શહેરનો આંતરિક ફ્લાયઓવર બ્રિજ પણ ઝડપભેર નિર્માણ પામી રહ્યો છે. તીર્થસ્થાનો-રેલવે સ્ટેશનો, સરકારી સંકુલોના સફાઈ અભિયાનો પણ ચાલી રહ્યા છે.
કોરોનાની ઉમંગભેર ઉજવણી પછી ભયાનક ઘટનાઓ
કોરોનાની વિદાય પછી લોકો અને આ વર્ષે તમામ તહેવારો, શ્રાવણી મેળાઓ તથા પારિવારિક પ્રસંગો મન ભરીને માણ્યા હતાં, જો કે કોરોનાએ પુનઃ ફૂંફાડો મારતા થોડી ચિંતા પણ જાગી છે. દેશમાં વિવિધ પ્રાકૃતિક આફતો, અતિવૃષ્ટિ, પૂર, આકાશી વીજળી, ભૂકંપ, વાવાઝોડા વગેરેએ પણ વિનાશ વેર્યો અને ઘણાં લોકોના જીવ લીધા. આ વર્ષ કમોસમી વરસાદે પણ ઘણું નુક્સાન કર્યું. ઓડિશાની ટ્રેન દુર્ઘટનામાં ઘણાંના જીવ ગયા.
વૈશ્વિક કક્ષાએ ભારતની ચર્ચા
દેશની વિકસતી અર્થવ્યવસ્થા, જી-ર૦ નું સફળ સંચાલન, વૈશ્વિક સ્તરે ભારતની વધતી જતી પ્રતિભા, પાકિસ્તાન અને ચીનની સરહદી ભેદી પ્રવૃત્તિઓ, આતંકી અને નક્સલી ઘટનાઓ, તથા દેશની વિદેશનીતિને લઈને શાસક પક્ષના દાવાઓ સામે વિપક્ષો દ્વારા આલોચના થતી રહી છે. કેજરીવાલનો શિશમહેલ પણ ખૂબ જ ચર્ચામાં રહ્યો, તો સિસોદિયા-સંજયસિંહનો જેલવાસ વિવાદાસ્પદ રહ્યો.
સિદ્ધિઓની ગરિમા
આ વર્ષે ચંદ્રયાન-૩ ની સફળતા સહિત ઈસરોના અંતરીક્ષ કાર્યક્રમોની સફળતાએ દેશનું ગૌરવ વધાર્યું, તો આદિત્ય મિશને પણ સમગ્ર વિશ્વનું ધ્યાન ખેંચ્યું. દેશમાં સંખ્યાબંધ વંદેભારત ટ્રેનો સહિતની ઝડપી રેલવે સેવાઓ ચાલુ થઈ.
મહત્ત્વના અદાલતી ફેંસલાઓ
વર્ષ દરમિયાન અદાલતોના ઘણાં ફેંસલાઓ પણ ચર્ચામાં રહ્યા. જમ્મુ-કાશ્મીરમાંથી કલમ-૩૭૦ હટાવાઈ, તેને સુપ્રિમ કોર્ટે બંધારણીય ગણાવી, કેટલીક બાબતોમાં સરકારી નિર્ણયોમાં હસ્તક્ષેપ કરવાનો સુપ્રિમ કોર્ટે ઈન્કાર કર્યો. સમલેંગિક લગ્નોને માન્યતા આપવાનો સુપ્રિમ કોર્ટે ઈનકાર કર્યો. દિલ્હીમાં એલ.જી.ને સર્વોપરિ નહીં ગણવાના અદાલતના ફેંસલા પછી કેન્દ્ર સરકારને દિલ્હી વિધેયક સંસદમાં પસાર કરાવવું પડ્યું. એક દેશ-એક ચૂંટણીના મુદ્દે પૂર્વ રાષ્ટ્રપતિ રામનાથ કોવિંદના અધ્યક્ષસ્થાને કમિટી રચાઈ.
વૈશ્વિક મુદ્દાઓ અને ભારતની નીતિ
ભારત-કેનેડા વચ્ચે સંબંધો બગડ્યા. પરસ્પર ડિપ્લોમેટ્સની હકાલપટ્ટી કરાઈ. અમેરિકાએ કેનેડાની તરફેણ કરી. રશિયા-યુક્રેનના મુદ્દે ભારત તટસ્થ રહ્યું. પ્રારંભમાં ઈઝરાયેલને ટેકો આપ્યા પછી ભારતે પેલેસ્ટાઈનને પણ રાહત સામગ્રી મોકલી. ચીન-પાકિસ્તાનના મુદ્દે ભારતની વિદેશનીતિ યથાવત્ રહી, જ્યારે પીઓકેના મુદ્દે ભારતે પૂનરોચ્ચાર કર્યો કે પીઓકે સહિતના જમ્મુ-કાશ્મીર-લદ્દાખ ભારતના અભિન અંગો છે.
ગુજરાત
કુદરતી-માનવસર્જિત આફતો
ગુજરાતમાં પણ માવઠાં, પૂર, અતિવૃષ્ટિ જેવી પ્રાકૃતિક અને ગમખ્વાર અકસ્માતો જેવી માનવસર્જિત આફતોએ વર્ષ દરમિયાન ઘણું નુક્સાન કર્યું અને હવે કોરોનાએ ફરીથી માથું ઊંચક્યું છે. વર્ષ દરમિયાન રાજ્યમાં રાજકીય ક્ષેત્રે પણ ઉથલપાથલ થતી રહી, તો નકલી સીરપ પીવાથી કેટલાક મૃત્યુ થયા.
નોંધપાત્ર ઘટનાઓ-આદલતી આદેશો
ગુજરાતના ૪૮ રેલવે સ્ટેશનો પર પ૧ આઉટલેટ મૂકાયા. લોહાણા મહાપરિષદની વૈશ્વિક કક્ષાની બેઠક જામનગરમાં યોજાઈ. ગાંધીનગરમાં જી-ર૦ ના કાર્યક્રમો ઉપરાંત તાજેતરમાં જ ઈન્ટરનેશનલ એસોસિએશન ઓફ પોલીસ એકેડેમીની ૧ર મી કોન્ફરન્સ યોજાઈ, જેમાં ૩૧ દેશો જોડાયા. વર્ષ દરમિયાન જુદા જુદા કાર્યક્રમોમાં વડાપ્રધાન નરેન્દ્ર મોદીની ઉપસ્થિતિ રહી તથા મેગા વિકાસ પ્રોજેક્ટોના લોકાર્પણો-ખાતમુહૂર્તો પણ થયા. રખડતા ઢોરના મુદ્દે ગુજરાત હાઈકોર્ટે અવારનવાર રાજ્ય સરકાર અને તંત્રો તથા અમદાવાદ મ્યુનિ. કોર્પોરેશનને તતડાવ્યા, પછી કેટલાક પગલાં લેવાયા. આ વર્ષે હાર્ટએટેકથી યુવાવય સહિતના લોકોના તત્કાળ મૃત્યુનો સીલસીલો વધ્યો અને તેના કારણે જ નવરાત્રિમાં ગરબાના સ્થળે મેડિકલ ટીમો તૈનાત રખાઈ. આ વર્ષે ચોમાસામાં પણ ભારે વરસાદ થયો અને માવઠાં થયા, તો કેટલાક સ્થળે કરા પણ પડ્યા. ખેતીપાકને નુક્સાન થયું તો તેની સામે રાહત અને વળતરની ઘોષણાઓ જાહેર થઈ. બળવબળતા ઉનાળા વચ્ચે પણ પાણીની વ્યવસ્થા એકંદરે જળવાઈ રહી, પરંતુ કેટલાક સ્થળે ફરિયાદો પણ ઊઠી, જેનું નિવારણ તત્કાળ કરવું પડ્યું. વિપક્ષો દ્વારા વિધાનસભા અને સડકો પર વિવિધ મુદ્દે વિરોધ ઊઠાવાતો રહ્યો અને રેલીઓ-પ્રદર્શનો-દેખાવો પણ થયા.
જામનગરનું નવું નેતૃત્વ
જામનગર મહાનગરપાલિકાના મેયરને અઢી વર્ષની મુદ્ત પૂરી થતા નવા મેયર તરીકે વિનોદભાઈ ખીમસૂર્યા નિમાયા. તે પહેલાના મેયર સાથે સાંસદ, ધારાસભ્યનો જાહેર વિવાદ ચર્ચાયા પછી પક્ષીય હસ્તક્ષેપ પછી સમી ગયો હતો. ડે. મેયર તરીકે ક્રિષ્નાબેન સોઢા, સ્ટેન્ડીંગ કમિટીના ચેરમેન તરીકે નિલેશ કગથરા, શાસક પક્ષના નેતા આશિષ જોષી અને દંડક તરીકે કેતન નાખવા નિમાયા. મોદી માનહાનિ કેસમાં રાહુલ ગાંધીને બે વર્ષની સજા થઈ. સંસદસભ્યનું પદ છીનવાયું અને સુપ્રિમ કોર્ટે સ્ટે આપ્યા પછી પુનઃ બહાલ થયું.
હીટ એન્ડ રન
અમદાવાદમાં ઈસ્કોન બ્રીજ પર તથ્ય પટેલની કારે નવ જણાને કચડી નાંખ્યા પછી બાપ-દીકરો જેલમાં ગયા. આ પ્રકરણ ઘણું જ ચર્ચાસ્પદ બન્યું.
ન્યાયતંત્રનો દંડો
ગુજરાતને બીજા મહિલા ચીફ જસ્ટિસ મળ્યા અને સુનિતાબેન અગ્રવાલની નિમણૂક થઈ. ઘણાં અદાલતી ચૂકાદાઓ તથા ટિપ્પણીઓ દ્વારા રાજ્ય સરકારના તંત્રોને રાજ્યમાં દોડતા કર્યા. બાર એસોસિએશનોની રાજ્યવ્યાપી ચૂંટણીઓ થઈ. સીંગદાણા કેસમાં પૂર્વમંત્રી વિપુલ ચૌધરી સહિત ૧પ દોષિતોને ૭ વર્ષની સજા થઈ.
યાત્રિકોની ભીડ-સાંસ્કૃતિક કાર્યક્રમો
ગુજરાતમાં વિશ્વ યોગદિને ૧.ર૦ કરોડથી વધુ લોકોએ સામૂહિક યોગા કર્યા. રાજ્યમાં વખતોવખત સાંસ્કૃતિક કાર્યક્રમો યોજાતા રહ્યા. આ વખતે જન્માષ્ટમી, દિવાળી વેકેશનો તથા નાતાલના વેકેશનમાં યાત્રાધામોમાં યાત્રિકોની ભારે ભીડ રહી અને લોકો પ્રવાસ કરવા નીકળી પડતા તમામ હોટેલો-ગેસ્ટહાઉસ તથા ટ્રાવેલીંગના વાહનો ભરચક્ક રહ્યા અને રેલવે-બસડેપો-એરપોર્ટ ધમધમતા રહ્યા. રાજ્યના માહિતી ખાતાએ શ્રેષ્ઠ એવોર્ડ સહિત ૧૮૧ પારિતોષિક એનાયત કર્યા.
શાસન-પ્રશાસન અને જનફરિયાદો
ગુજરાતમાં શાસનને લગતી કેટલીક ફરિયાદો પણ ઊઠતી રહી. વિવિધ વિભાગોના સર્વરો ડાઉન થતાં મહત્ત્વપૂર્ણ સરકારી સેવાઓ ખોરવાતી રહી. શાળાઓની તપાસણી દરમિયાન એક આઈ.એ.એસ. અધિકારી ધવલ પટેલે જ રાજ્યના કેટલાક જિલ્લાઓમાં કંગાળ પ્રાથમિક સરકારી શિક્ષણની પોલ ખોલી નાંખતા તેના દેશવ્યાપી પડઘા પડ્યા. કેટલાક જિલ્લાઓમાંથી ભ્રષ્ટાચારની ફરિયાદો આવતી રહી, તો એલસીબી દ્વારા કેટલાક લાંચિયા અધિકારીઓ તથા પદાધિકારીઓને રંગે હાથ ઝડપી લેવાયા. ગુજરાતની તમામ શાળાઓમાં ગુજરાતી વિષય ફરજિયાત કરી દેવાયો.
રાજ્યમાં ક્રાઈમ-સાયબર ક્રાઈમ ક્ષેત્રે સફળતાઓ
ગુજરાત એ.ટી.એસ. દ્વારા અલકાયદાના સક્રિય આતંકી જુથનો પર્દાફાશ કર્યો અને બે બાંગલાદેશીઓ સહિત કેટલાક શખ્સોને દબોચી લીધા. રાજ્યમાં સાયબર ક્રાઈમના પણ ઘણાં કેસ નોંધાયા અને આત્મહત્યાના વધતા બનાવોએ પણ ચિંતા વધારી. લોકસાહિત્યકાર ખાવડની ધરપકડ અને જામીનનું પ્રકરણ ચર્ચામાં રહ્યું. મોરબી દુર્ઘટનાના મૃતકોના પરિવારોને દસ-દસ લાખનું વળતર ચૂકવવા હાઈકોર્ટે આદેશ કર્યો, અને તેના આરોપી જયેશ પટેલના જામીન મંજુર થયા નહીં. જામનગરમાં સાધના કોલોનીમાં જર્જરીત ઈમારત ધરાશાયી થતા ત્રણ મૃત્યુ થયા તથા આગ-અકસ્માતની ઘટનાઓ પણ બની.
ઈન્ટરનેશનલ
યુદ્ધો-સંઘર્ષો-ઉથલપાથલ
વર્ષ ર૦ર૩ નું વર્ષ આંતરરાષ્ટ્રીય ક્ષેત્રે પણ ઘણું જ ઉથલપાથલવાળું રહ્યું. અત્યારે ઈઝરાયેલ-હમાસ વચ્ચે ભીષણ યુદ્ધ ચાલી રહ્યું છે, અને રશિયા-યુક્રેન યુદ્ધ પણ લાંબા સમયથી ચાલુ છે. તે ઉપરાંત ઈરાન-અમેરિકા વચ્ચે તંગદિલી, ભારત-કેનેડાના બગડેલા સંબંધો, ઉ. કોરિયાના માથાફરેલા તાનાશાહ કીમ જોનની પુનઃ સક્રિયતા, પડોશી દેશ પાકિસ્તાનમાં આંતરિક ગૃહ યુદ્ધ જેવી સ્થિતિ, જમ્મુ-કાશ્મીરમાં ફરી આતંકી હુમલાની શરૂઆત, મ્યાનમારમાં આંતરિક ડખ્ખો, ચીન-તાઈવાન તંગદિલી અને લાલ સમુદ્રમાં હુતી ચાંચિયાઓના વ્યાપારિક વહાણો પર આક્રમણ વગેરે સંઘર્ષો ચાલી રહ્યા છે.
જી-ર૦ ની ગૌરવગાથા-વિદેશનીતિ
ભારતમાં જી-ર૦ નું આયોજન અને સમાપન વર્ષ ર૦ર૩ માં વર્ષભર વિશ્વની ચર્ચાના કેન્દ્રમાં રહ્યા. અન્ડરવર્લ્ડ ડોન દાઉદ ઈબ્રાહીમને ઝેર અપાતા કરાંચીની હોસ્પિટલમાં દાખલ કરાયો હોવાના અહેવાલો ગ્લોબલ બન્યા છે. ગુજરાત ગરબાને આંતરરાષ્ટ્રીય સાંસ્કૃતિક વારસામાં ગણાતા દેશનું ગૌરવ વિશ્વમાં વધ્યું છે. પંજાબી ગેંગસ્ટર સુખા દુન્નાકેની કેનેડામાં ગોળી મારીને હત્યા કરી દેવાઈ છે. ભારત અને કેનેડા વચ્ચે સંબંધોમાં તંગદિલી છતા કેટલાક વ્યવહારો યથાવત્ રહ્યા છે, જો કે ભારતની નવી વિદેશનીતિ પણ ચર્ચાના કેન્દ્રમાં છે.
ગમખ્વાર અકસ્માતો-દુર્ઘટનાઓ
ઈરાકના મેરેજ હોલમાં આગ લાગતા ૧૦૦ થી વધુ લોકોના મૃત્યુ થયા. તે પહેલા જ્હોનિસબર્ગમાં બહુમાળી ભવનમાં આગ લાગતા ૬૦ લોકોના મૃત્યુ થયા હતાં. નેપાળમાં બસ ગબડી જતા ૬ ભારતીયો સહિત ૭ લોકોના મૃત્યુ થયા હતાં. તે પહેલા મિઝોરમમાં નિર્માણાધિન રેલવે બ્રીજ તૂટી પડતા ૧૭ શ્રમિકોના મૃત્યુ થયા હતાં. ઉત્તર કાશીમાં સુરંગ ધસી પડ્યા પછી ચામત્કારિક રીતે ૪૧ શ્રમિકોને બચાવી લેવાયા, તે ઘટના ગ્લોબલ બની હતી.
પડોશી દેશમાં હલચલ
પાકિસ્તાનમાં ઓગસ્ટમાં સંસદનું વિસર્જન થયા પછી ચૂંટણી જાહેર થઈ છે, તો પૂર્વ પી.એમ. ઈમરાનખાન ભ્રષ્ટાચારના આરોપમાં જેલમાં છે. પૂર્વ પી.એમ. નવાઝ શરીફ ફરીથી પી.એમ. બનવા થનગની રહ્યા છે, તો કાર્યવાહક પી.એમ. કાકરે તાજેતરમાં પીઓકે અને જમ્મુ-કાશ્મીરનું નિવેદન કર્યા પછી ચર્ચામાં છે.
પ્રકીર્ણ ઘટનાઓ
અમેરિકાની ટાઈટન કેપ્સ્યુલની જળસમાધિ અને ટાઈટેનિક જોવા ગયેલા પાંચ અબજોપતિઓના મૃત્યુ થતા અરેરાટી પ્રસરી હતી, તો ચીને પોતે જ બીછાવેલી જાળમાં તેમની જ સબમરીન ફસાઈ જતા એના જ સૈનિકોના થયેલા મૃત્યુ ગ્લોબલ ચર્ચાનું કેન્દ્ર બન્યા હતાં. તે ઉપરાંત અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ સામેના અદાલતી આદેશના કારણે તેઓ હવે રાષ્ટ્રપતિપદની ચૂંટણી નહીં લડી શકે, તેવા અહેવાલો પણ ગ્લોબલ બન્યા છે. ભારતે યુક્રેન, પેલેસ્ટાઈન, સુદાન વગેરે સ્થળે ફસાયેલ ભારતીયો સહિત વિવિધ દેશોના નાગરિકોને પરત લાવવા ચલાવેલા અભિયાનો ચર્ચામાં રહ્યા છે, કેનેડામાં ખાલિસ્તાનવાદીઓને મળતું રક્ષણ પણ ચર્ચામાં રહ્યું છે. માર્ચ મહિનામાં બ્રિટનમાં પાકિસ્તાની સમર્થકોએ ભારતનો તિરંગો નીચે ઉતારતા ભારતના જોરદાર વિરોધ પછી બ્રિટને પગલાં લીધા હતાં.
બ્રિટનના પી.એમ. ઋષિ સુનક પોતે હિન્દુ ભારતીય હોવાનું ગૌરવ અનુભવતા હોવાના અહેવાલો તથા રાહુલ ગાંધીએ વિદેશી ધરતી પરથી કરેલા કેટલાક ઘટસ્ફોટ પણ ગ્લોબલ બન્યા હતાં, તો ઓસ્કાર એવોર્ડનો મુદ્દો ભારતની સંસદમાં પણ ગૂંજ્યો હતો. ફેબ્રુઆરીમાં શ્રીલંકાની ચૂંટણી મોકુફ રહેવા પાછળનું કારણ ચર્ચાસ્પદ બન્યું હતું. કાગળના અભાવે બેલેટ પેપર છપાયા નહીં હોવાથી ત્યાં ચૂંટણી મોકુફ રહી હતી!
વર્ષ-ર૦ર૩ માં થયેલા નિધન
બિહારના સહપ્રભારી, ગુજરાત ભાજપના નેતા, પૂર્વ ધારાસભ્ય સુનિલ ઓઝા, અભિનેતા ગુફી પેન્ટલ ઉપરાંત સતિષ કૌશિક, સુમિત્રા સેન, પ્રદીપ સરકાર, મિર્ઝા ગાલીબ, રાજનેતાઓ ઓમાનચાંડી, કેસરીનાથ ત્રિપાઠી, શાંતિભૂષણ, ઉદ્યોગ-વ્યાપાર ક્ષેત્રના દિગ્ગજો કેશવ મહિન્દ્રા, વાઘબકરીના એક્ઝિ. ડિરેક્ટર પરાગ દેસાઈ, ઈસરોના વૈજ્ઞાનિક એલ. વલારમથ્થી, પાકિસ્તાનના પૂર્વ રાષ્ટ્રપતિ પરવેઝ મુશર્રફનું પૂરા થયેલા વર્ષે નિધન થયું હતું. તે ઉપરાંત ગુજરાતના પ્રખ્યાત ગુજરાતી ભજનિક લક્ષ્મણ બારોટ, ઉપરાંત ઉદ્યોગપતિ ચેતન ટાકોદરા, ભાટિયાના પત્રકાર દિનેશ કાનાણી, જામનગરના ડો. ગૌરવ ગાંધી, ખંભાળિયાના પત્રકાર, નેતા સુભાષ પોપટ વગેરેનું નિધન થયું છે.
ખેલ જગત
વન-ડે વર્લ્ડકપની તમામ લીગ મેચોમાં ટોપ પર રહીને સેમિફાઈનલમાં પણ દમદાર વિજય હાંસલ કર્યા પછી અમદાવાદના નરેન્દ્ર મોદી સ્ટેડિયમમાં ટીમ ઈન્ડિયા ફાઈનલમાં હારી ગઈ, તે ભારતીય ક્રિકેટપ્રેમીઓ માટે સૌથી નિરાશાજનક ઘટના હતી, પરંતુ મહિલા ક્રિકેટ, કબડ્ડી અને એથ્લેટ્સ-પેરા એથ્લેટ્સ દ્વારા મેળવાયેલી સિદ્ધિઓએ ગૌરવ પણ અપાવ્યું. તે પહેલા આઈપીએલની ચર્ચા હતી અને આગામી આઈપીએલ ટુર્નામેન્ટ માટે ખેલાડીઓની હરાજી પણ થવા લાગી છે. હવે તો દસ-દસ ઓવરની નવી ટુર્નામેન્ટની જાહેરાત પણ બીસીસીઆઈ એ કરી છે. વર્ષ દરમિયાન કુસ્તીબાજોની ચર્ચા તથા વિવાદ ચાલતા રહ્યા અને એક વખત ફરીથી કુસ્તીબાજોએ એવોર્ડવાપસી કરતા મોદી સરકારે રેસલીંગ ફેડરેશન ઓફ ઈન્ડિયા એટલે કે ડબલ્યુએફઆઈને જ બરતરફ કરી દેતા નવો વિવાદ જાગ્યો છે. આ વિવાદાસ્પદ પ્રકરણમાં સાંસદ બ્રિજભૂષણસિંહે કુસ્તીમાંથી નિવૃત્તિ જાહેર કરી દીધી. બીજી તરફ તેના નજીકના ગણાતા સંજયસિંહ પ્રમુખપદે ચૂંટાતા બજરંગ પુનિયાએ પદ્મશ્રી પરત કર્યું અને સાક્ષી મલ્લિકે ભાવનાત્મક પ્રત્યાઘાતો આપ્યા. હવે કેન્દ્ર સરકારના કદમ સાથે નવા પ્રમુખે લીગલ એક્સનની ચીમકી પણ આપી હતી.
ડુપ્લીકેટ્સનો દબદબો-નકલીનો રાફડો
સિસ્ટમ અને તંત્રોમાં ચાલતી પોલંપોલનો લાભ લઈને ઘણાં લોકો ડુપ્લીકેટ બનીને લાભ લઈ રહ્ છે. સૌરાષ્ટ્ર યુનિવર્સિટીમાં કેન્દ્રિય એજન્સીઓના ત્રણ નકલી અધિકારીઓ તાજેતરમાં જ પકડાયા છે. પીએમઓના નકલી અધિકારી તરીકે કિરણ પટેલ ઝડપાયો, તે પછી તો ડુપ્લીકેટ્સનો જાણે રાફડો ફાટ્યો હોય તેવા અહેવાલો આવવા લાગ્યા હતાં, તો નકલી ઘી-દૂધ-તેલ-ખાદ્ય પદાર્થો અને પીણાઓ પછી આખેઆખી સરકારી કચેરી અને ટોલનાકું પણ નકલી ઝડપાતા ચકચાર મચી ગઈ હતી. નકલી દસ્તાવેજો, નકલી માર્કશીટો, નકલી પ્રમાણપત્રો, નકલી ડીગ્રી, નકલી કફ સીરપ, નકલી ચલણી નોટો, નકલી દવાઓ, નકલી એજન્ટો, નકલી સીમકાર્ડ, નકલી દારૂ, નકલી પાસપોર્ટ, નકલી રબ્બર સ્ટેમ્પ, નકલી જ્વેલરી પણ ચર્ચાસ્પદ છે અને નકલી કંપનીઓની જાણે બોલબાલા છે. હવે આ નકલીની વણજાર વણથંભી રહેશે તો કોનો ભરોસો કરવો અને કોને શંકાસ્પદ ગણવા તેવા સવાલો પણ ઊઠી રહ્યા છે.
આલેખન વિનોદ કોટેચા
ઓકટોબર
- હાપા-બિલાસપુર તથા ઓખા-નાથદ્વારા ટ્રેનમાં એલએચબી રેંકનું સાંસદના હસ્તે પ્રસ્થાન.
- સીદસરમાં યોજાયેલી ત્રિદિવસીય મહોત્સવમાં મુખ્યમંત્રીએ ઉપસ્થિત રહીને ઉદ્દબોધન કર્યું. સેવાકાર્યોને બિરદાવ્યા.
- શ્રી શક્તિદળ સેવા ટ્રસ્ટ તથા લાયન્સ (કવીન્સ, કીંગ્સ)ના સંયુકત ઉપક્રમે જામનગરમાં જરૃરિયાતમંદ ૪૦ પરિવારને રાશનકીટનું વિતરણ.
- દ્વારકા સાયબર ક્રાઈમ સેલનું સાયબર કોચ એવોર્ડથી સન્માન.
- નગરમાં મેયર-ચેરમેને રિક્ષામાં જઈને સફાઈ કામગીરીનું રાત્રે સરપ્રાઈઝ ચેકીંગ કર્યું.
- ધુંવાવના ર૧ ખેડૂતો પાસેથી જમીન આંચકી લેનાર સહારા ઈન્ડિયા કંપની સામે લેન્ડ ગ્રેબિંગ નોંધવા રજુઆત.
- જામનગરમાં શહીદ વીર રમેશભાઈ જોગલના ઘરેથી નીકળી અમૃત કળશ યાત્રાઃ નગરજનો જોડાયા.
- દાઉદી વ્હોરા સમાજના સર્વોચ્ચ ધર્મગુરૃનું જામનગરમાં આગમન.
- લોકકલા ક્ષેત્રમાં યશવંતભાઈ ગઢવી તથા નૃત્ય ક્ષેત્રમાં મહેન્દ્રભાઈ આણદાણીને ગુજરાત ગૌરવ પુરસ્કાર એનાયત.
- ન્યુ સાધના કોલોની એલઆઈજી-ર૬૪ ના ફલેટધારકો અમૂક માંગણીઓ સાથે રી-ડેવલપમેન્ટ માટે તૈયાર.
- દ્વારકા જિલ્લામાં રૃા. ૯૧૪ કરોડનું ઈન્વેસ્ટમેન્ટ થશે. એમઓયુ થયા.
- જામનગરમાં પ્રણામી સંપ્રદાયના પ્રાણનાથજી મહારાજના ૪૦પ માં પ્રાકટ્ય મહોત્સવનો આસ્થાભેર શુભારંભ.
- જામનગરના માત્ર ૧૩ વર્ષના કિશોરનું હાર્ટ એટેકથી મૃત્યુ.
- જામનગરમાં પાનની ત્રણ દુકાનમાંથી નશાયુકત પીણાની ૯૪૮ બોટલ ક્બજે.
- દરેડમાંથી પ૪૦૦ બોટલ દારૃ ઝડપાઈ જવાના પ્રકરણમાં પંચકોશી બી ડિવિઝનના ફોજદારને સસ્પેન્શન.
- વાઈબ્રન્ટ જામનગર કાર્યક્રમમાં વિવિધ કંપનીઓ વચ્ચે રૃા. ૩ર૩૬ કરોડના ૪૯ એમઓયુ.
- જામનગરમાં બનતા સૌરાષ્ટ્રના સૌથી લાંબા ફલાય ઓવરબ્રીજનું કામનું સ્ટે. ચેરમેન કર્યું. નિરીક્ષણઃ મેયર સહિતના હોદ્દેદારોને હાજર ન રાખતા તર્ક-વિતર્ક.
- જામનગરના ડો. કરિશ્મા નારવાણીની ગુજરાત સરકાર પ્રક્ટિસનર્સ રજીસ્ટ્રેશન બોર્ડમાં નિમણૂક.
- જામનગર જિલ્લામાં અર્વાચીન-પ્રાચીન ગરબીઓના ર૬ સ્થળે ૧૦૮ રહી તહેનાત.
- ક્રિકેટ વર્લ્ડ કપમાં પાક, સામે ભારતના ભવ્ય વિજયના વધામણાં ઃ તિરંગો ફરકાવી ફટાકડા ફોડ્યા.
- જૈન સમાજના મોભી, દાનવીર, શિક્ષણકાર ભાનુભાઈ દોશીનું નિધન.
- જામ્યુકોને રૃા. ૪૩ર કરોડ વિકાસ કામો માટે અપાશે સીએમ ભૂપેન્દ્ર પટેલની ભેટ.
- જામનગરના નવરાત્રિ ઉત્સવોમાં સુપ્રસિદ્ધ સ્ટાર આયુષ્માન ખુરાનાએ ખેલૈયાઓને મોજ કરાવી.
- ગોકુલનગરમાં દુકાનમાંથી ભેળસેળયુકત શંકાસ્પદ ઘી નો ૩પ કિલોનો જથ્થો કબ્જે.
- જામનગરની પ્રસિદ્ધ અરવિંદ એન્ડ કું. શીપીંગ એજન્સી નેશનલ સ્ટોક એકસચેન્જના ટોપ ટેનમાં ઃ ગુજરાતમાં દ્વિતીય.
- જામનગરમાં સિનેસ્ટાર વરૃણ ધવને વિવિધ નવરાત્રિ મહોત્સવમાં ખેલૈયાએ સાથે કરી ભારે જમાવટ.
- ધ્રોલના હજામચોરામાં અંધાશ્રદ્ધાના કારણે ભાઈ-બહેને નાની બહેનની હત્યા કરી.
- લીમડાલેનમાં ૬૪ વર્ષથી ભારત માતા-આદર્શ ગરબીમાં ઐતિહાસિક વેશભૂષાનુ આકર્ષણ.
- સૈનિક ભવન પાસે રેલવે ફાટક પર ઓવરબ્રીજ માટે રૃા. ૩૯.૬૪ કરોડ મંજુર.
- બેટી બચાવો, બેટી પઢાવો, અભિયાન સાથે રંગતાળી ગ્રુપ આયોજીત સહિયર નવરાત્રિ મહોત્સવમાં જમાવટ.
- નોબતના નાદ સાથે છંદ ગાયન વડે જલાની જારની પ્રાચીન ગરબીમાં ઈશ્વર વિવાહ યોજાયા.
- જામનગરના હેડ કવાર્ટરમાં પોલીસ વિભાગ દ્વારા શસ્ત્રપૂજન.
- જામનગરમાં પ્રદર્શન ગ્રાઉન્ડમાં રાવણ દહન સાથે ગૂંજયો ધર્મના વિજયનો નાદ.
- જામજોધપુર માર્કેટ યાર્ડમાં ભાજપ પ્રેરીત પેનલ વિજેતા.
- ચેલાના એસઆરપી જવાનો દ્વારા જામનગરમાં માર્ચ પાસ્ટ.
- દ્વારકામાં એબીવીપી દ્વારા ર૧પ૧ ફુટ લાંબા રાષ્ટ્રધ્વજ સાથે ફલેગ માર્ચ.
નવેમ્બર
- જામ્યુકોએ એક જ દિવસમાં રસ્તે રઝળતા વધુ ૪૦ ઢોર પકડ્યા.
- ધ્રોલ માર્કેટ યાર્ડની ચૂંટણી બિનહરીફ થઈ.
- કમિશન વધારાની માંગ સાથે હાલાર સહિત સમગ્ર ગુજરાતમાં સસ્તા અનાજના દુકાનદારોની હડતાલ.
- જામનગરમાં રિવર ફ્રન્ટ યોજના માટે તંત્ર દ્વારા પ્રાથમિક તૈયારીઓ શરૃઃ ધારાસભ્ય રિવાબા જાડેજાની સફળ રજુઆત.
- જામ્યુકોની સ્ટે. કમિટીની બેઠકમાં રૃા. ૯પ લાખના ખર્ચને મંજુરી.
- ફિલ્મ અભિનેત્રી કંગના રનૌતનું જામનગરમાં આગમન.
- ધારાસભ્ય રિવાબા જાડેજા દ્વારા ૭૮ જામનગર વિધાનસભા મત વિસ્તારની ર૦૦૦૦ થી વધુ બાળાઓને લ્હાણીઓનું વિતરણ.
- રાજ્યકક્ષાની ગ્રીપ સમિટ-ર૦ર૩ માં જી.જી. હોસ્પિટલ મેડિકલ કોલેજના કેન્દ્રને બેસ્ટ પ્રેકટીસ રનરઅપ એવોર્ડ.
- રૃા. ર૦૦ કરોડના સોપારી દાણચોરી પ્રકરણમાં જામનગરના એક સહિત બે વેપારીની ધરપકડ.
- જામનગરમાં દ્વારકા શારદાપીઠના ગાદીપતિ જગદ્ગુરૃ શંકરાચાર્ય સદાનંદ સરસ્વતીજી મહારાજનું આગમન.
- દ્વારકામાં કેટલીક હોટલોની બનાવટી સાઈટ બનાવી ઠગાઈ આચરતા શખ્સની લખનૌમાંથી અટકાયત કરાઈ.
- જામનગર જિલ્લામાં ૧૦ સ્થળે જિલ્લા પંચાયત પ્રમુખના હસ્તે અન્નપૂર્ણા કેન્દ્રનો પ્રારંભ.
- ઈટરા દ્વારા ધન્વન્તરિ ગ્રાઉન્ડમાં યોજાયો નેવીબેન્ડનો સંગીત સુરાવલીનો કાર્યક્રમ.
- છોટીકાશી સહિત હાલારમાં હર્ષોલ્લાસ સાથે દીપોત્સવી પર્વની ધમાકેદાર ઉજવણીઃ અદ્દભુત દૃશ્યો.
- જામનગરમાં ફટાકડાના ધડાકા વચ્ચે ૩૩ સ્થળે આગ લાગી.
- શ્રી શક્તિદળ સેવા ટ્રસ્ટ દ્વારા જરૃરિયાતમંદ ર૦ પરિવારને અનાજ કીટનું વિતરણ.
- સુભાષ શાક માર્કેટમાં આગથી શાકના ગાલા થયા ખાખ.
- પ્રદર્શન ગ્રાઉન્ડમાં લોહાણા જ્ઞાતિનું જય જલિયાણના નાદ સાથે યોજાયું સમૂહભોજન.
- નગરમાં પૂ.જલારામબાપાની જન્મજયંતી પ્રસંગે ઓસમાણ મીરનો ભવ્ય લોકડાયરો.
- જલારામ જયંતી નિમિત્તે હાપાના જલારામ મંદિરે મહાઆરતી-મહાપ્રસાદ યોજાયો.
- ખંભાળીયામાં જલારામ જયંતીની ભવ્ય ઉજવણી ઃ વિશાળ શોભાયાત્રાનું ઠેર ઠેર સ્વાગત.
- આઈએનએસ-વાલસુરા દ્વારા હાફ મેરેથોનઃ ર૦૦૦ લોકો જોડાયા.
- રીપેરીંગના નામે સુદામા સેતુ બંધઃ તંત્ર ઘોર નિદ્રામાં.
- જામનગરમાં દીક્ષાર્થીના વરસીદાન વરઘોડામાં મોટી સંખ્યામાં ભાવિકો-જૈનતરો જોડાયા.
- જામનગરમાં નવી લોહાણા મહાજનવાડી માટે રૃા. ૧.૧૧ કરોડની સખાવત આપશે લાલ પરિવારઃ અશોકભાઈ લાલ દ્વારા જાહેરાત.
- હાલારમાં હળવા ઝાપટાથી સવા ઈંચ કમોસમી વરસાદઃ આકાશી વીજળીથી બાળકનું મૃત્યુ.
- જામનગરમાં સંવિધાન દિવસની કરાઈ ઉજવણીઃ શહેર ભાજપ દ્વારા સંવિધાન ગૌરવ યાત્રા.
- જૈન વિજય ફરસાણના સંચાલકનું યુવાવયે નિધન થતા છવાયો શોક.
ડિસેમ્બર
- જામનગરમાં મુંબઈ-દિલ્હી કક્ષાના ધ રોયલ સ્ટુડિયોનો પ્રારંભઃ સૌરાષ્ટ્રનું પ્રથમ આધુનિક બુટિક.
- ધ્રોલના હમાપરમાં ઘેલ નદી પર ૭.૬ર કરોડના ખર્ચે વીજ બ્રિજ બનાવાશે. ઃ મંજુરી મળી.
- જામનગરમાં લોહાણા મહાપરિષદના અધ્યક્ષ-મહિલા પાંખના અધ્યક્ષાનું આગમનઃ સ્વાગત કરાયું.
- બજાજ ફાયનાન્સે જાહેરમાં ન્યુસન્સ ફેલાવતા મનપાએ ફટકાર્યો રૃા. ૧૦,૦૦૦નો દંડ.
- દરિયાઈ જીવસૃષ્ટિથી ભરપુર પીરોટન ટાપુ પ્રવાસીઓથી ધમધમશેઃ આંતરરાષ્ટ્રીય સલાહકારની કરાઈ નિમણૂંક
- ગુજરાત પ્રદેશ એબીવીપીના પ્રદેશ મંત્રી તરીકે જામનગરના સમર્થ ભટ્ટની નિયુક્તિ.
- જામનગરના આંગણે લોહાણા મહાપરિષદની સપ્તમી કારોબારી સમિતિની બેઠક યોજાઈ.
- સમસ્ત હાલાર લોહાણા સમાજના પ્રમુખ તરીકે જીતુભાઈ લાલની નિયુક્તિ.
- જામનગરની ઠેબા ચોકડી પાસે વન્યજીવોની સારવાર માટેનું પ્રાઈમરી સેન્ટરનું લોકાર્પણ.
- શ્રી મોટી હવેલીના ચિ.પૂ.શ્યામા રાજા બેટીજીના શુભ વિવાહ પ્રસ્તાવ અંતર્ગત બડી સગાઈ સંપન્ન.
- જામનગરના આંગણે લોહાણા મહાપરિષદની બે દિવસીય કારોબારીમાં લેવાયા મહત્ત્વપૂર્ણ નિર્ણયો.
- ગુજરાતના ગરબાને મળી વૈશ્વિક ઓળખઃ જામનગરમાં પણ યોજાયો કાર્યક્રમ.
- કાલાવડના આણંદપર ગામમાં રૃા. ૯પ લાખની રોકડની ચોરી.
- ખંભાળીયા-ભાણવડમાંથી ઝડપાયેલ દારૃની ૪૩૮૭ બોટલનો નાશ કરાયો.
- જામનગરમાં ૪૦૦૦ શિક્ષકોને અપાઈ સીપીઆરની તાલીમ.
- આણંદપરની રૃા. ૯પ લાખની ચોરીનો ભેદ ખૂલ્યો. પાડોશમાં દુકાન ધરાવતો શખ્સ ઝબ્બે.
- જામનગરમાં ભાજપ દ્વારા કોંગ્રેસના ભ્રષ્ટાચારના વિરોધમાં પ્રદર્શન.
- રિલાયન્સ દ્વારા નિર્મિત પડાણાથી ચંગા સુધીનો ૩૦ કિ.મી. સુધીનો લાંબો માર્ગ સાંસદ-મંત્રીના હસ્તે સરકારને સુપરત.
- જામનગરમાં સૌથી વિશાળ અને રાજ્ય કક્ષાના પ્રોપર્ટી શો-હોમ ડેકોરાનું આયોજન.
- જામનગરની શ્રી દયારામ ફ્રી લાયબ્રેરીનો શતાબ્દી વર્ષમાં મંગલ પ્રવેશ.
- જામ્યુકો સાથે ફેઈસ-ર અને ૩ ના વિસ્તાર વિકાસ માટે થયા કરારઃ ૭પ ટકા આવક ત્યાં જ ખર્ચાશે.
- જામનગર જિલ્લાને મળી પાંચ મોબાઈલ પશુવાનઃ કૃષિમંત્રીએ આપી લીલીઝંડી.
- જામનગરના બાર એસો.ના હોદ્દેદારો માટે કરાયું મતદાન.
- જામનગરની ગવર્મેન્ટ ડેન્ટલ કોલેજ અને હોસ્પિટલને આઈએસપી દ્વારા રાષ્ટ્રીય કક્ષાનો એવોર્ડ એનાયત.
- ખંભાળીયામાં ૧ર૦ વર્ષ જુના કેનેડી પુલના સ્થાને રપ.૬પ કરોડના ખર્ચે ફલાય ઓવરબ્રીજ બનશે.
- જામનગર બાર એસો. ના પ્રમુખ પદે સતત ૧૦ મી વખત ભરતભાઈ સુવા ચૂંટાયા.
- જામનગરના વિકાસ માટે રૃા. ૧૦૦૦ કરોડની પ્રિ-વાઈબ્રન્ટ સમિટ મારફત માંગણી.
- સચાણાનું શીપ બ્રેકીંગ યાર્ડ, બંધ થયા પછી ૧ર મા વરસે પુનઃ ધમધમ્યું.
- જામનગરમાં લોકરક્ષક દળના ૧૬૦ તાલીમાર્થીનો દીક્ષાંત પરેડ સમારોહ.
- જી.જી. હોસ્પિટલથી અંબર જંકશન તરફ જવાનો માર્ગ ર૦ દિવસ માટે બંધ કરાયોઃ ભયંકર ટ્રાફિક જામ.
- રૃા. ૬૭ કરોડની જીએસટીની ચોરીના આક્ષેપમાં જામનગરના કારખાનેદારની ધરપકડ.
- જામનગરના પ્રખ્યાત જયોતિષાચાર્ય નિલેશ લલિતચંદ્ર વ્યાસને જયોતિષ મહારથી એવોર્ડ એનાયત.
- જામજોધપુર માર્કેટીંગ યાર્ડના પ્રમુખપદે બ્રિજરાજસિંહ જાડેજાની પુનઃ વરણી.
- નગરના જાણીતા ઓર્થોપેડીક સર્જન ડો. કે.એસ. માહેશ્વરીને નેશનલ પ્રેસિડેન્ટ એપ્રિશિએશન એવોર્ડ એનાયત કરાશે.
- જોડિયાના ગીતા વિદ્યાલયમાં પૂ. મોરારીબાપુના પાવન સાનિધ્યમાં ગીતા જયંતી મહોત્સવની ઉજવણી.
- જામ્યુકોના ડીએમસી તરીકે વાય.ડી. ગોહિલે ચાર્જ સંભાળ્યો.
- જામનગરના સેક્રેડ હાર્ટ ચર્ચમાં સમૂહ પ્રાર્થના તેમજ જીસસ ક્રાઈસ્ટના જન્મોત્સવના વધામણા.
- દ્વારકામાં સબમરીન દ્વારા ડૂબેલી દ્વારકામાં કરાવાશે દર્શન, રાજ્ય સરકારે મઝગાંવ શિપ યાર્ડ સાથે કર્યા એમઓયુ.
- જામ્યુકોના ઉપક્રમે મેરેથોન 'રન ફોર ફન' સ્પર્ધામાં મોટી સંખ્યામાં નગરજનો દોડ્યા.
- લાલપુર બાર એસો. ના હોદ્દેદારોની ચૂંટણી સંપન્નઃ રોહીત કરંગીયા ફરી બન્યા પ્રમુખ.
- જામનગરની બ્રિલિયન્ટ ગ્રુપ ઓફ સ્કૂલને ઈન્ટરનેશનલ ફેમ એવોર્ડ એનાયત.
- જામનગરના આંગણે બૃહસ્પતિ મહા સોમયજ્ઞ સાથે વિષ્ણુગોપાલ મહાયાગનું આયોજનઃ લાલ પરિવાર દ્વારા અભૂતપૂર્વ ધર્મકાર્ય.
- અલોહાની રાષ્ટ્રીયકક્ષાની મહાગણિત સ્પર્ધામાં નગરની ત્રિમૂર્તિ એકેડેમી સેન્ટરના વિદ્યાર્થીઓએ એવોર્ડની હારમાળા સર્જી.
- ઈન્ડિયા ન્યૂઝ બિઝનેસ ચેનલ-દિલ્હી દ્વારા જામનગરના યુવા સ્ટોક એનાલીસ્ટ નિખિલભાઈ ભટ્ટને 'બેસ્ટ રિસર્ચ એનાલીસ્ટ' એવોર્ડ એનાયત.
- દ્વારકાના નંદનવનમાં ભાતીગળ વેશભુષામાં પ૦ હજાર આહિરાણીનો મહારાસઃ શ્રદ્ધાના ઘોડાપૂર.
- જામનગરમાં ઉદ્યોગકારોને મેટલ ટેસ્ટિંગ માટે પ૦ લાખના ખર્ચે નિર્મિત અત્યાધુનિક મેટાલેબની સુવિધા ઉપલબ્ધ.
- જામનગરના યુવા ઉદ્યોગપતિ દ્વારા બનાવાયેલી રૃા. ૧.૯૦ લાખની પેન અયોધ્યા પહોંચશે.
જુલાઈ
- જામનગર જિલ્લામાં વરસાદી કહેરમાં પાંચ માનવ જિંદગી ડૂબી જતા હાહાકાર.
- કલ્યાણપુરના કેનેડીની દુકાનમાંથી મળી આવી કેફી પીણાની ૧૬૦૮ બોટલ.
- જામનગરમાં ૧૩ ઇંચ વરસાદઃ સાડા ત્રણસોનું સ્થળાંતર
- રણજીતસાગર ઓવરફલો થતા ડેમ ઉપર માનવ મહેરામણ ઉમટ્યો.
- જામનગરમાં ભારે વરસાદના અસરગ્રસ્તોની મુલાકાત લઈ સીએમ ભૂપેન્દ્રભાઈ પટેલે નાગરિકોના રૂબરૂ ખબર-અંતર પૂછ્યા.
- દ્વારકા-ગોપનાથ-વેરાવળની દીવાદાંડીઓ બની પર્યટન સ્થળઃ કેન્દ્રીય મંત્રી દ્વારા ઉદ્દઘાટન.
- કેન્દ્રીય વન પર્યાવરણ મંત્રી ભૂપેન્દ્ર યાદવે જગતમંદિરમાં દ્વારકાધીશના દર્શન કર્યા.
- જામનગરના દરેડમાં વીજધાંધીયાથી ત્રસ્ત કારખાનેદારોનો વીજ કચેરીએ ઘેરાવ.
- દ્વારકાના સિટી તલાટી સામે મહિલા સ્વાતંત્ર્ય સેનાનીના પરિવારે ઉપવાસ-આંદોલનની ચીમકી આપતા ખળભળાટ.
- જામનગરના મરીન નેશનલ પાર્કમાં ૩પ૦૦ એકરમાં મેન્ગ્રુવ્સ જંગલના નિર્માણ માટે રિલાયન્સ ઈન્ડસ્ટ્રીઝ દ્વારા રાજ્ય સરકાર સાથે કરાર.
- જામનગરની ભાગોળે રિસોર્ટમાંથી ઝડપાયો હાઈપ્રોફાઈલ જુગારઃ સવા નવ લાખનો મુદ્દામાલ.
- કાલાવડ ઃ કસ્ટોડિયલ ટોર્ચર મામલે ૩ પોલીસ, બે વીજ અધિકારી સામે એફઆઈઆર.
- ખોજાબેરાજાની સીમમાં દારૂના કટીંગ વેળાએ પ્રગટી પોલીસઃ ૪પ૬૪ બોટલ કબ્જે.
- ધ્રોલમાં આધારકાર્ડના કેન્દ્ર ૪૦ દિવસથી બંધ રહેતા લોકોને હાલાકી.
- જામનગરની સરકારી હોસ્પિટલ દર્દીઓથી ઉભરાઈઃ બીમારીનો વિસ્ફોટ.
- જગતમંદિરે દર્શનાર્થીઓને ભારતીય સંસ્કૃતિ મુજબ પહેરવેશ ધારણ કરવા અનુરોધ.
- વાવાઝોડા પછી ખંભાળીયા-ભાણવડ પંથકના ખેતીના ૩૩૮૦૦ વીજ જોડાણ પુનઃ કાર્યરત.
- પોલીસ કચેરીઓ પાસે આંદોલન કરવા સામે પ્રતિબંધ મૂકાયો.
- બાયો મેડિકલ વેસ્ટ જાહેરમાં નિકાલ કરતા જામનગરની ઓશવાળ હોસ્પિટલને રૃા. પાંચ હજારનો દંડ ફટકારાયો.
- બાજરા સંશોધન કેન્દ્ર, જામનગરને વર્ષ ર૦રર-ર૩ નો બેસ્ટ પરફોર્મિંગ એવોર્ડ.
- દ્વારકા જિલ્લાના એલસીબીના પી.આઈ. પીએસઆઈને રાજ્યના ગૃહમંત્રીના હસ્તે શૌર્ય સન્માન એવોર્ડ એનાયત.
- જામનગરની સાધના કોલોની દુર્ઘટનાના મૃતકોના પરિવાર-ઈજાગ્રસ્તોને મળશે ૧૪.પ૦ લાખની સહાય.
- જામનગર જિલ્લાને મળ્યો કેન્દ્ર સરકારનો ભૂમિ સન્માન એવોર્ડ.
- સીદસર પાસેનો રાજાશાહી સમયનો પુલ કડડભૂસ... પાણીના પ્રવાહમાં તણાયો.
- સસોઈ ડેમ થયો ઓવરફલો.
- જામનગર મહાનગરપાલિકાના વિકાસ કામો માટે મુખ્યમંત્રીના હસ્તે રૃા. ૪૬ કરોડની ફાળવણી.
- દ્વારકામાં અનરાધાર સાડા નવ, ખંભાળીયામાં પોણા નવ ઈંચ, ધ્રોલ-જામજોધપુરમાં ૪-૪ ઈંચ વરસાદ.
- ધ્રોલ માર્કેટીંગ યાર્ડમાં ચોરી કરનાર બેની પોણા આઠ લાખ રોકડા સાથે અટકાયત.
- નગરની રંગમતી નદી પર રૃા. ૩.૩૯ કરોડના ખર્ચે ખાનગી ધોરણે બ્રીજ બનાવવાની દરખાસ્ત મંજુર.
ઓગસ્ટ
- 'છોટીકાશી'ના શ્રી બાલા હનુમાન મંદિરની અખંડ રામધૂનનો ૬૦ મા વર્ષમાં મંગલ પ્રવેશઃ મહાઆરતી-વિશેષ રામધૂન યોજાઈ
- જામનગરમાં કાલાવડ નાકા બહાર મનપા દ્વારા ઓપરેશન ડિમોલીશનઃ સ્થાનિક કોર્પોરેટર ધસી ગયાઃ ઉગ્ર વિરોધ
- કાલાવડમાંથી ઝડપાયો હાઈપ્રોફાઈલ જુગારઃ રૃા. ૩૩ લાખ ઉપરાંતનો મુદ્દામાલ જપ્ત
- ંધ્રોળના હાડાટોડામાં શહીદ રવિન્દ્રસિંહ જાડેજાના માન-સન્માન સાથે કરાયા અંતિમસંસ્કાર
- જામનગર પત્રકાર મંડળના સભ્યોના સંતાનોને બિરદાવવા સરસ્વતી સન્માન સમારોહ
- વાવાઝોડાથી થયેલ નુક્સાનીના અંદાજ માટે જામનગર જિલ્લાના વિવિધ વિસ્તારોની મુલાકાતે ચાર સભ્યોની કેન્દ્રિય ટીમઃ નુક્સાનીનો સર્વે કરાયો
- વિશા ઓશવાળ બોર્ડિંગમાં વિદ્યાર્થી સાથે રેગીંગ કરાયાની રજૂઆતથી ખળભળાટ
- રિલાયન્સ ઈન્ડસ્ટ્રીઝ દ્વારા જામનગર-દ્વારકા સહિત ત્રણ જિલ્લામાં ઉત્તમ કક્ષાના અમૃત સરોવરો વિક્સાવાયા
- બિપોરજોય વાવાઝોડાથી થયેલ નુક્સાનનો અંદાજ કાઢવા કેન્દ્રિય ટીમ દ્વારકા જિલ્લાની મુલાકાતે
- જામનગરમાં કોર્પોરેટરોના સહી-સિક્કાવાળા કોરા આવકના દાખલા વેંચવાનું કૌભાંડ
- કલ્યાણપુર તાલુકાની સગીરા પર દુષ્કર્મ ગુજારી ગર્ભવતી બનાવી દેનાર શખ્સને ર૦ વર્ષની કેદ
- જામનગરમાંથી સીજીએસટી હેઠળ સરકારને ત્રિમાસિક ગાળામાં થઈ રૃા. ૬૭૩ કરોડની આવક
- ભાણખોખરી ગામના પાટિયા પાસેથી કેફી પીણાનો ગંજાવર જથ્થો ઝડપાયોઃ ગોડાઉનમાંથી ૧પ,૦૦૦ બોટલ કબજે
- નેશનલ એકેડિશન બોર્ડ ઓફ હિસ્પિટલ્સ એન્ડ હેલ્થ કેરની ટીમનું જામનગરમાં આગમનઃ સરકારી ડેન્ટલ કોલેજ-હોસ્પિટલમાં દર્દીઓને અપાતી સુવિધાઓ-માપદંડોની કરી ચકાસણી
- જામનગરમાં જર્જરિત ૧૪૦૪ આવાસોના સ્થાને નવા મોટા ફ્લેટ મફત અપાશેઃ હાલના ફ્લેટધારકોને મોટી રાહત
- નયારા રિફાઈનરીમાં સ્ટીમ લાઈનમાં ક્લિનિંગ વખતે પાઈપલાઈન ફાટતા સાત શ્રમિક દાઝ્યા
- જામનગરના કારખાનેદાર સાથે યુપીના બે આસામીની રૃા. ર૩ લાખની ઠગાઈ
- જામનગરની અગ્રણી નવાનગર બેંકના ચેરમેન-વાઈસ ચેરમેનની સર્વાનુમત્તે વરણી
- જામનગરમાં મનપા દ્વારા કોમર્શિયલ પ્રોપર્ટી ટેક્સમાં અસહ્ય ભાવ વધારા સામે વેપારી મહામંડળે નોંધાવ્યો વિરોધ
- જામ્યુકો દ્વારા પ્રોપર્ટી ટેક્સમાં કરાયેલ ૪૦૦ ટકા સુધીના વધારા સામે રોષઃ ચેમ્બરમાં મળી બેઠક
- જામનગરની અગ્રણી સહકારી બેંક નવાનગર કો.ઓ. બેંકની ૪પ મી વાર્ષિક સાધારણ સભા યોજાઈઃ કાર્યકારી નફો રપ.૦૭ કરોડ
- ખંભાળિયા પાલિકાની ડોર-ટુ-ડોર કચરા કલેક્શનની 'તઘલખી' યોજના પાછળ વર્ષે રૃા. ૧ કરોડ વેડફાયા
- દ્વારકામાં પૂ. રમેશભાઈ ઓઝાની શ્રીમદ્ ભાગવત સપ્તાહનો પ્રારંભ
- સમર્પણ-દિગ્જામમીલ રીંગ રોડ પર ગેરકાયદે બાંધકામો પર ફર્યું મનપાનું બુલડોઝરઃ ૧૧ દુકાનની પાડતોડ
- રાષ્ટ્રીય કક્ષાએ જામનગરના પોલીસ અધિકારી એચ.પી. ઝાલાને ઈન્વેસ્ટિગેશનમાં શ્રેષ્ઠતાનો મેડલ એનાયત
- અમેરિકાની દંપતીએ જામનગરની બાળકીને દત્તક લીધી
- એલસીબીના પીએસઆઈ બી.એમ. દેવમુરારીને રાષ્ટ્રપતિ એવોર્ડ એનાયત
- દ્વારકામાં ઉજવાયું જિલ્લા કક્ષાનું સ્વતંંત્ર્ય પર્વઃ કલેક્ટરના હસ્તે ધ્વજવંદન
- લાલપુરમાં જામનગર જિલ્લા કક્ષાના સ્વાતંત્ર્ય પર્વની ઉજવણીઃ કલેક્ટરના હસ્તે ધ્વજવંદન
- જામનગરની મેડિકલ કોલેજમાં રેગિંગની ફરિયાદથી દોડધામ
- ધારાસભ્ય રિવાબા જાડેજાએ બીનાબેન કોઠારીને કહ્યું, 'ઔકાતમાં રહો, વધુ સ્માર્ટ ન બનો'ઃ 'મારી માટી, મારો દેશ' કાર્યક્રમમાં જ સપાટી પર આવ્યો ભાજપનો જુથવાદ
- જામનગર શહેર ભાજપ પ્રમુખ સમક્ષ મેયર બીનાબેન કોઠારીના પરિવારે રિવાબા જાડેજા સામે નોંધાવ્યો વિરોધ
- મસીતિયા પાસે રાંધણ ગેસના બાટલામાં ગેરકાયદેસર રીફીલીંગ ઝડપાયુંં
- જામનગરના ૪૮૪ મા સ્થાપના દિનની ઉજવણીઃ સત્તાધીશો દ્વારા ખાંભી પૂજન
- ઝઘડા પછી જામનગરના ભાજપના ત્રણ દિગ્ગજ મહિલા નેતાઓને ગાંધીનગર તેડાવી સમજાવી લેવાયા
- જામનગરના ૪૮૪ મા સ્થાપના દિન નિમિત્તે રાજપૂત સમાજ દ્વારા ખાંભી પૂજન
- ખંભાળિયામાંથી કેફી સિરપના ૪૬૦૮ બોટલ સાથે ર ની અટક
- જામનગરની નવી ડેન્ટલ હોસ્ટેલની શિલાન્યાસ વિધિ સંપન્ન
- જુગારના ર૩ દરોડામાં રર મહિલા સહિત ૬૮ પકડાયા
- પ્રદર્શન ગ્રાઉન્ડમાં શ્રાવણી મેળાનું મેયરશ્રી દ્વારા ઉદ્ઘાટનઃ સાંસદ-ધારાસભ્યની ઉપસ્થિતિ
- પાર્લામેન્ટ્રી સ્ટેન્ડીંગ કમિટીમાં સાંસદ પૂનમબેન માડમને સભ્યપદ મળ્યું
- ૬૯ મો નેશનલ ફિલ્મ એવોર્ડમાં 'છેલ્લો શો'ના બેસ્ટ ચાઈલ્ડ આર્ટિસ્ટ ભાવિન રબારીની પસંદગીમાં નગરના દિગ્દર્શન લલિત જોષીની મહત્ત્વની ભૂમિકા
સપ્ટેમ્બર-ર૦ર૩
- જામ્યુકોમાં મેયર, ડે. મેયર સહિતના નવા હોદ્દેદારોની વરણી માટે ભાજપનો પ્રદેશ કક્ષાના નિરીક્ષકો દ્વારા સેન્સ લેવાની પ્રક્રિયા હાથ ધરાઈ
- જામનગરના કારખાનેદારો સાથે દિલ્હીના શખ્સે ૧૯ લાખની ઠગાઈની રાવ
- જામનગર શહેર-જિલ્લાની સળગતી સમસ્યાને લઈને રાજ્ય સરકારને ઉદ્દેશીને કલેક્ટરને આવેદન અપાયુંઃ પ્રદેશ કોંગ્રેસ પ્રમુખ શક્તિસિંહ ગોહિલના નેતૃત્વમાં વિશાળ બાઈક રેલી નીકળી
- દ્વારકાના શંકરાચાર્ય સ્વામી સદાનંદ સરસ્વતીજીના ૬પ મા જન્મદિનની ભવ્ય ઉજવણીઃ ભાવિકોની ભીડ
- જામનગર કલેક્ટર કચેરી તથા મહેસુલ સેવા સદનના ૧૦૦ મીટરના વિસ્તારમાં આંદોલન-ઉપવાસ-ધરણાં પર બેસવા પર પ્રતિબંધ મૂકાયો
- જામનગર, કાલાવડ, જોડિયા, જામજોધપુરમાં જુગારના ૧૮ દરોડાઃ ૧૩ મહિલા અને ૮૯ પુરુષ પકડાયા
- મયુનિ. કમિશનરે પ્રદર્શન મેદાનના શ્રાવણી મેળામાંથી ગેરકાયદે દબાણ હટાવ્યા
- પડતર પ્રશ્નો ઉકેલવાની માંગ સાથે જામનગરમાં શૈક્ષણિક સંઘ દ્વારા રામધૂનનો કાર્યક્રમ યોજાયો
- ધારાસભ્ય રિવાબા જાડેજાના જન્મદિવસની સેવા કાર્યો સાથે પ્રેરણાદાયક ઉજવણી
- જામનગરમાં ર૯ કરોડના ખર્ચે બનનારી નવી ડેન્ટલ હોસ્ટેલનો સાંસદ પૂનમબેન માડમના હસ્તે શિલાન્યાસ કરાયો
- સુપ્રસિદ્ધ ભજન ગાયક લક્ષ્મણ બારોટનું જામનગરમાં નિધન
- મેડિકલ કોલેજમાં એડમિશન અપાવી દેવાનું કહી રૃા. ૧પ લાખની છેતરપિંડીઃ નગરના જાણીતા હાર્ટ સ્પેશિયાલિસ્ટ ડો. હિમાંશુ પાઢે નોંધાવી ફરિયાદ
- જામનગરમાં એક પ્લોટની સફાઈ માટેનો રૃા. ર૦ લાખના ખર્ચને શંકાસ્પદ મંજુરી
- જામનગરની એમ.પી. શાહ મેડિકલ કોલેજમાં સેન્ટ્રલ એસી રીડિંગ રૂમની મળી સુવિધાઃ રાજ્યમાં પ્રથમ
- જામનગરના સેવાભાવી જાણીતા ઉદ્યોગપતિ મહેશભાઈ રામાણીનું નિધનથી ગમગીની પ્રસરી
- જામનગરમાં લોકમેળાની જમાવટઃ લાખોની જનમેદની ઉમટીઃ રાઈડ્સવાળાઓએ બેફામ ભાવ પડાવ્યા
- જામનગરના મેયર પદે વિનોદ ખીમસૂર્યા, ડે. મેયર પદે ક્રિષ્ના સોઢા બિનહરિફ, સ્ટે. કમિટીના ચેરમેન પદે નિલેશ કગથરા, શાસક પક્ષના નેતા તરીકે આશિષ જોષી અને દંડક તરીકે કેતન નાખવા વરાયા
- ખીરસરાના શિક્ષકે ૧૬ વર્ષની વિદ્યાર્થીની પર ધમકી આપી દુષ્કર્મ ગુજાર્યાની રાવઃ ચકચાર
- જામનગરમાંથી નકલી ઘી બનાવવાનું ઝડપાયું કૌભાંડઃ બે શખ્સની અટકાયત
- નગરના વોર્ડ નં. ૧ર ના નગરસેવક અસલમ ખીલજી સહિત ૭ સામે યુવાનની હત્યાનો પ્રયાસ કરાયાની ફરિયાદ
- જામનગરઃ વિસ્ટા કોન્સોલ્સ કંપની દ્વારા ૭પ શાળાને વિવિધ ઉપયોગી ઉપકરણોની ભેટ અર્પણ
- જામ્યુકોના નવનિયુક્ત પદાધિકારીઓ 'નોબત'ની મુલાકાતે
- દગડું શેઠ ગણેશોત્સવમા એઈટ વન્ડર્સ ગ્રુપ દ્વારા વિશ્વની સૌથી મોટી ર૪.૬ ફૂટની બોલપેન બનાવવાનો પ્રયાસ કરાયો
- લાલપુર-જામજોધપુર તાલુકાના બિસ્માર માર્ગના પ્રશ્ને જંગી રેલી સાથે લાલપુરની પ્રાન્ત કચેરીને તાળાબંધી કરવા જતા ધારાસભ્ય હેમંત ખવાની અટકાયત
- જામનગર-અમદાવાદ સહિત ૯ વંદે ભારત ટ્રેનનો વડાપ્રધાન મોદીના હસ્તે વર્ચ્યુલ શુભારંભ
- જામનગર મનપા દ્વારા નિર્મિત બન્ને કુંડમાં કુલ ૧પ૯૯ મૂર્તિઓનું વિસર્જન
- ઓરિસ્સામાં કોબ્રા કમાંડોમાં ફરજ બજાવતા ભાણવડના ઝારેરા ગામના ર૬ વર્ષિય શહીદ દિલીપભાઈ સોલંકીના 'ગાર્ડ ઓફ ઓનર' સાથે અંતિમસંસ્કાર
એપ્રિલ
- જુના કુંભારવાડામાં શોર્ટ-સર્કીટથી ભભૂકી ભયાનક આગઃ રૂપિયા દશેક લાખના નુકસાનની આકરણી.
- જામનગરમાં રામ નવમી પર્વ નિમિત્તે લોહાણા સમાજ દ્વારા સમૂહ ભોજન સમારોહ.
- જામનગરની નવાનગર કો.ઓપ. બેન્કનો ગ્રોસ નફો રૂા. રપ કરોડને પાર.
- દ્વારકા જિલ્લા કલેકટર તરીકે અશોક વર્મા અને જામનગર જિલ્લાના કલેકટર તરીકે બી.એ.શાહની નિયૂક્તિ.
- જામનગરના વાસ્તુશાસ્ત્રી નરેન્દ્ર ભેંસદડીયાને એશિયા ટોપટેન તથા ગોલ્ડ મેડલ અપાયો.
- નગરના વિધર્મી શખ્સે હિન્દુ નામ ધારણ કરી બે વર્ષ સુધી યુવતી પર ગુજાર્યુ દુષ્કર્મ.
- ભારતીય ક્રિકેટ ટીમના પ્રતિભાશાળી ઓલ રાઉન્ડર ક્રિકેટ સલીમ દુરાનીનું નિધન.
- રાજયપાલ આચાર્ય દેવવ્રતનું દ્વારકાના હેલિપેડ પર સ્વાગત કરાયું.
- આંતર મહાનગરપાલિકા ક્રિકેટ ટુર્નામેન્ટમાં વડોદરાને હરાવી જામનગર મેયર ઈલેવન ચેમ્પિયન.
- આંતરરાષ્ટ્રીય હિન્દુ પરિષદના ડો. પ્રવિણ તોગડીયાનું જામનગરની ભાગોળે ટૂંકું રોકાણ.
- જામનગરના માણેકબાઈ સુખધામ આદર્શ સ્મશાનમાં શ્રીમદ્ રામચંદ્રની પ્રતિમાનું પુનઃ સ્થાપન
- જોડિયામાં આજી નદીના પટમાં ગેરકાયદે ખનન પકડવા પોલીસ-ખાણખનીજ વિભાગના દરોડાઃ રૂા. ૪૮ લાખનો મુદ્દામાલ કબ્જે.
- આઈએનએસ-વાલસુરામાં ઈલેકટ્રીક સ્પેશ્યલાઈઝેશન કોર્સ પાસીંગ આઉટ પરેડ યોજાઈ.
- જામનગરની વિદ્યાર્થીની પર સતત ૮ વર્ષથી દુષ્કૃત્ય ગુજારવાની રાવઃ આચાર્ય સામે નોંધાયો ગુન્હો.
- જામનગરમાં સંરક્ષણમંત્રી રાજનાથસિંહનું ઉષ્માભેર સ્વાગત.
- કોલકાતાથી લખપત ૭પ૦૦ કિ.મી.ની કાર રેલીનું વાલસુરામાં કરાયું ભવ્ય સ્વાગત.
- દ્વારકાધીશ મંદિરના શિખર પર ધ્વજારોહણનું ર૦ર૪ સુધી એડવાન્સ બુકીંગ.
- વિદ્યાર્થીની પર દુષ્કર્મ ગુજારવાના ગુન્હામાં લંપટ આચાર્ય મનિષ બુચની વડોદરામાંથી કરાઈ અટકાયત.
- સૌરાષ્ટ્ર તિમીલ સંગમ કાર્યક્રમ હેઠળ હાલારમાં સૌરાષ્ટ્રીય તમીલોનું આગમન દ્વારકાધીશ તેમજ નાગેશ્વર મહાદેવના દર્શન કરતા સૌરાષ્ટ્રીયન તમીલો.
- જામનગર સ્થિત ગુજરાત આયુ. યુનિ.નો ર૮ મો પદવીદાન સમારંભઃ રાજ્યપાલ આચાર્ય દેવવ્રત તથા મહાનુભાવોના હસ્તે ૭૩૭ વિદ્યાર્થીને પદવીઓ એનાયત.
- રાજ્યના સ્થાપના દિન નિમિત્તે નગરની અનેક સરકારી ઈમારતો રંગબેરંગી રોશનીથી ઝળહળી.
મે
- ગુજરાત ગૌરવ દિને જામનગરમાં આરોગ્ય મંત્રીના હસ્તે રૂા. ૩૦૩ કરોડના વિકાસકાર્યોનું લોકાર્પણ-ખાતમુહૂર્ત
- જામનગરમાં પોલીસ વિભાગ દ્વારા અદ્યતન-પુરાતન શસ્ત્રોનું પ્રદર્શન કરાયું.
- ગુજરાત ગૌરવ દિન નિમિત્તે જામનગર એરપોર્ટ પર રાજ્યપાલ આચાર્ય દેવવ્રત, આરોગ્યમંત્રી ઋષિકેશ પટેલનું આગમનઃ ગાર્ડ ઓફ ઓનર અપાયું.
- જામનગરમાં જિલ્લા પંચાયત સામે શુરવીર મહારાણા પ્રતાપની પ્રતિમાનું અનાવરણ.
- મુસ્લિમ વિદ્યાર્થીઓનું સરાહનીય પગલુંઃ ઈનામમાં મળેલ તમામ રોકડ રકમ ગંગામાતા ટ્રસ્ટને અર્પણ.
- જામનગરમાં ગુજરાત ગૌરવ દિને યોજાયેલી ભવ્ય પોલીસ પરેડની સલામી ઝીલતા રાજ્યપાલ.
- ધો. ૧૦ની નકલી માર્કશીટ બનાવી આપવાનું સલાયામાંથી ઝડપાયું કૌભાંડઃ એકની અટક.
- જામનગરમાં રાજ્યના મુખ્ય પોલીસવડાને અપાયું ગાર્ડ ઓફ ઓનર.
- જામનગરમાં ગુજરાતના ગૌરવને ઉજાગર કરતો ભવ્ય સાંસ્કૃતિક કાર્યક્રમઃ નમોસ્તુતે નવાનગર યોજાયોઃ ૧પ૦ કલાકારને બિરદાવાયા.
- રાજ્યના સ્થાપના દિને જામનગરના ૧૮ પ્રબુદ્ધ નાગરિકને વિવિધ ક્ષેત્રમાં ઉત્કૃષ્ટ કામગીરીને બિરદાવી સન્માનીત કરાયા.
- જામનગર પત્રકાર મંડળના નવા હોદ્દેદારોની સર્વાનુમતે વરણી.
- દ્વારકા જિલ્લાના પોલીસ બેડામાં ફરજ બજાવતા પોલીસ કર્મચારીએ લગ્નની લાલચ આપી યુવતી પર દુષ્કર્મ ગુજાર્યાની રાવથી ખળભળાટ.
- જામ્યુકો સંચાલિત ઢોરના ડબ્બાને મનપાના વિપક્ષી નેતાએ મોતનો ડબ્બો ગણાવ્યોઃ એક મહિનામાં ૬૩ ગાયોના મૃત્યુ.
- ભાણવડના રૂપામોરા ગામ પાસે છકડો પુલ પરથી ખાબકયોઃ ત્રણના મોત, ૮ ને ઈજા.
- 'નોબત'ના મેગા ડ્રો ના પ્રથમ વિજેતાને રૂા. ૧.ર૧ લાખનો ચેક અર્પણ.
- મોટા આસોટામાં મનદુઃખના કારણે બે ગઢવી જૂથ વચ્ચે ખેલાયું સશસ્ત્ર ધીંગાણુંઃ ૧ ની હત્યા.
- સગીરા પર દુષ્કર્મ ગુજારવાના ગુન્હામાં ભાણવડના આરોપીને ફટકરાઈ ર૦ વર્ષની કેદ.
- જામનગરના ઋષભભાઈ અને હેમલબેન શાહે કર્યો દીક્ષાગ્રહણનો સંકલ્પ ઃ વર્ષીદાનની શોભાયાત્રા.
- જામનગરમાં તલાટી-કમ-મંત્રીની પરીક્ષામાં ર૩૮ર૦ પરીક્ષાર્થીઓમાંથી ૧૬૦૬૯ ઉમેદવારો રહ્યા ઉપસ્થિત.
- દ્વારકા જિલ્લામાં ૯૦૦૦ માંથી પ૮૧૭ ઉમેદવારોએ તલાટી-મંત્રીની પરીક્ષા આપી.
- જામનગરમાં વિધર્મી શખ્સે હિન્દુ તરીકે ઓળખ આપી યુવતી પર ગુજાર્યુ દુષ્કર્મ.
- જામનગરની મટન માર્કેટને રાજ્યમાં સૌપ્રથમ મળ્યુ સોલ્ટર હાઉસનું લાયસન્સ.
- લાલપુરના ગોવાણાની સીમમાં મહિલાને ગોંધી રાખી ગુજારાયું દુષ્કર્મ. આરોપી ઝબ્બે.
- ખંભાળીયા રેલવે સ્ટેશનના આધુનિકરણ માટે રૂા. ૯ કરોડ મંજુર.
- ખટીયા પાસે ડિવાઈડર ઠેકીને આવેલી મોટરે સર્જી કરૂણાંતિકાઃ ચારના મૃત્યુ.
- પીએમ મોદીના હસ્તે ૧૯૪૬ કરોડના ખર્ચે નિર્મિત ૪ર૪૪૧ આવાસોનું ઈ-લોકાર્પણઃ જામનગરમાં પ્૪૪ આવાસોનો ડ્રો સાથે લાભાર્થીઓને ચાવી સુપ્રત કરાઈ.
- જામ્યુકોમાં વિવિધ વિભાગોમાં કમિશનર તથા ડીએમસીનું સરપ્રાઈઝ ચેકીંગઃ ગેરહાજર કર્મચારી-અધિકારી પાસે કારણદર્શક ખુલાસા મંગાવાયા.
- જામનગરમાં મુકબધીર સાળી પર દુષ્કર્મ ગુજારનાર બનેવીને ૧૦ વર્ષની સખત કેદની સજા.
- જામનગરમાં જળ વિતરણ વ્યવસ્થાઓ માટે ૧ર૧ કરોડ સહિત રૂા. ૧ર૭.૪૧ કરોડના કામ મંજુર.
- કેન્દ્રીય ગૃહમંત્રી અમિત શાહે કર્યા દ્વારકાધીશના દર્શનઃ શંકરાચાર્ય સદાનંદજીને કર્યા વંદન.
- ગામ નમુનાનો દાખલો કાઢી લાંચ માંગનાર તલાટી-કમ-મંત્રી વતી લાંચ લેનાર વચેટીયો ઝડપાયો.
- લેઉવા પટેલ સમન્વય ટ્રસ્ટ અને સમૂહલગ્ન સમિતિના સમૂહ લગ્નોત્સવમાં ૪૪ દંપતીઓના પ્રભુતામાં પગલા.
- રિલાયન્સ નિપોન લાઈફ ઈન્સ્યુરન્સ સાથે છેતરપિંડી આચરનાર ૭ સામે ફોજદારી.
- સલાયામાં અનિયમિત અને અપૂરતા પાણી વિતરણ સામે પ્રચંડ જનાક્રોશઃ
- જામનગરમાં રેન્જ આઈજીનું આગમનઃ ગાર્ડ ઓફ ઓનર અપાયું.
- પ્રિ-મોન્સૂન કામગીરીમાં મનપાની પોલંપોલનો કાર્યક્રમ યોજી કોંગ્રેસના જેતાઓએ સ્વયં કર્યું નિરીક્ષણ.
- જામનગરમાં લાલપુર બાયપાસ પાસે ઓવરબ્રીજનું કામ શરૂ કરાયું.
- જામનગર જિલ્લા પંચાયતમાં રાતોરાત ર૦૦૦ ફાઈલોની ભેદી ઉઠાંતરીઃ જવાબદાર કોણ ?
- જોડીયા-કાલાવડ પંથકમાં ભારે વરસાદ અને પવનના કારણે ૧પ વીજપોલ ધરાશાયી.
- ખંભાળીયા નજીક દાંતા પાસેથી પોણા બે લાખના ડ્રગ્સ સાથે નગરનો શખ્સ ઝબ્બે.
- જી.જી.હોસ્પિટલની જુની ઈમારત તોડીને રૂા. પ૦૦ કરોડના ખર્ચે નિર્માણ થશે ૧૧પ૦ બેડનું નવું સંકુલઃ વહીવટી મંજુરી મળી.
જૂન
- 'નોબત' દ્વારા આયોજીત ગુજરાત વિધાનસભા ચૂંટણી સ્પર્ધાનું પરિણામ જાહેર
- જિલ્લા પંચાયતની ૧પ૮ર ફાઈલ, રર૦ રજિસ્ટર ચોરાયાની નોંધાવાઈ ફરિયાદ
- લાલપુર, કલ્યાણપુરના ગ્રામ્ય પંથકોમાં રૂા. ૧૮ લાખ ઉપરાંતની ઝડપાઈ વીજચોરી
- સજુબા ગર્લ્સ હાઈસ્કૂલમાં ધાર્મિક સ્થળનું બાંધકામ દૂર કરાયું
- છત્રપતિ શિવાજી મહારાજના રાજ્યાભિષેક દિવસે જામનગરમાં નીકળી શોભાયાત્રા
- જામનગરના હૃદયરોગના નિષ્ણાત તબીબ ડો. ગૌરવ ગાંધીનું હૃદયરોગના હુમલામાં યુવા વયે નિધનઃ શોકઃ અશ્રૂભીની અંતિમ વિદાય
- 'બિપોરજોય' વાવાઝોડાના પગલે હાલારના બંદરો પર લગાવાયું બે નંબરનું સિગ્નલ
- વિશ્વ પર્યાવરણ દિને હિન્દુ મોક્ષ મંદિરમાં જામનગર પત્રકાર મંડળ દ્વારા પ૦ જેટલા વૃક્ષોનું કરાયું વાવેતર.
- સાત રસ્તા સર્કલ પર ઓવરબ્રીજની કામગીરીનો પ્રારંભ
- જામનગર જિ.પં.ના કર્મચારીએ દ્વારકામાં આચાર્યું રૂા. ૬૮ લાખનું કૌભાંડ
- જામનગરમાં યોગ સમરના કેમ્પમાં પ૩૮ બાળકોએ કર્યા યોગ
- વિશ્વ પર્યાવરણ દિને દ્વારકામાં જિલ્લા કક્ષાની ઉજવણી દરમિયાન નગરમાં કરાયું ચેરના વૃક્ષોનું વાવેતર
- જામનગર સહિત મહાનગરોની પ્રિ-મોન્સુન કામગીરી અંગે મ્યુનિ. કમિ.નો ક્લાસ લેતા મુખ્યમંત્રી ભૂપેન્દ્ર પટેલ
- જી.જી. હોસ્પિટલની સામેની દુકાનોના ગેરકાયદે ઓટલા હટાવાયા
- ગુજરાત આયુ. યુનિવર્સિટીના કાર્યવાહક કુલસચિવ પદે ડો. અશોક ચાવડાની નિમણૂક
- વાવાઝોડની અસરઃ યાત્રાધામ હર્ષદના રસ્તા ઉપર ફરી વળ્યા દરિયાના પાણી
- સંભવિત વાવાઝોડાને લઈને ગૃહરાજ્યમંત્રી હર્ષ સંઘવીએ દ્વારકા જિલ્લામાં તૈયારીઓની કરી સમીક્ષા
- જામનગરમાં બિપોરજોય વાવાઝોડાની આગોતરી અસરઃ અનેક વૃક્ષો ધરાશાયીઃ ફાયર બ્રિગેડ કામે લાગ્યુંઃ ૩૦૯ થાંભલા અને ૧પ ટ્રાન્સફોર્મર ધરાશાયીઃ ૬૩.૪૩ લાખનું નુક્સાન
- વાવાઝોડાના પગલે દ્વારકાના દરિયામાં કરન્ટઃ ૧પ થી ર૦ ફૂટ ઊંચા મોજાં ઉછળ્યા
- વાવાઝોડું નજીક આવતા જામનગર-ઓખામાં લાગ્યું ૧૦ નંબરનું સિગ્નલ રેડ એલર્ટઃ દ્વારકા જિલ્લામાં ૪૭૦૦ થી વધુ અને જામનગર જિલ્લામાં ૮પ૦૦ લોકોનું સ્થળાંતર
- વાવાઝોડાના આગમન પહેલા નગરમાં હોર્ડિંગ્સ તથા સાત રસ્તા સર્કલ સહિતના સ્થળે પતરાની આડશ હટાવાઈ
- જુના રેલવે સ્ટેશનના અતિ જર્જરીત ખંઢેરના કમઠાણ ઉપર અંતે બુલડોઝર ફર્યું
- વાવાઝોડાના કારણે વાતાવરણમાં પલટોઃ પવન સાથે વરસાદ શરૃઃ ખંભાળિયા-ભાણવડ તાલુકામાં ૩૬૦૦ થી વધુ લોકોને સેલ્ટર હોલમાં આશ્રય અપાયો
- પવનના કારણે ખંભાળિયા તથા આસપાસના વિસ્તારોમાં ૪૦૦૦ મોટા વૃક્ષો ધરાશાયી
- વાવાઝોડાના કારણે દ્વારકા જિલ્લામાં ૩૦૦૦ વીજ થાંભલા ધરાશાયીઃ બાર ૬૬ કેવી સબસ્ટેશન ઠપ્પઃ વીજ તંત્રને ભારે નુક્સાન
- જામનગરમાં ભારે પવન સાથે વરસાદઃ અનેક વૃક્ષો-વીજ થાંભલાઓ ધરાશાયી
- હાલારમાં બિપોરજોય ઈફેક્ટઃ તોફાની પવન સાથે પાંચ ઈંચ જેટલો વરસાદ
- જામનગરનું જનરલ બોર્ડ હો-હો-દેકારા વચ્ચે આટોપી લેવાયુંઃ ૭૦ લાખની કટકીનો આક્ષેપ
- વાવાઝોડાનું સંકટ ટળતા રાજ્યમંત્રીએ જગતમંદિરે કર્યું નૂતન ધ્વજારોહણ
- દ્વારકા-ચરકલા માર્ગ જળબંબાકારઃ વૃક્ષો-વીજપોલ્સ-વાયરો વેરવિખેરઃ વાવાઝોડાની વિનાશલીલા
- જગતમંદિરને ધોરીમાર્ગ સાથે જોડતા ધીરૂભાઈ અંબાણી માર્ગે વૃક્ષ-પીંજરાઓ ધ્વસ્ત
- બિપોરજોય વાવાઝોડાના કારણે દ્વારકાનું રૂપેણ બંદર બરબાદ
- લાલપુરના રંગપર પાસે રૂા. ર૦ લાખની લૂંટની ફરિયાદ નકલી નકલી નોકરી, ફરિયાદીએ ઘડી હતી વાર્તાઃ રૂા. ૧૦ લાખ કબજે
- વાવાઝોડાના પગલે ઓખા પોર્ટના મોરીબંદર-આર.કે. ડાલ્ડા બંદરનું ઈન્ફ્રાસ્ટ્રક્ચર ખેદાન-મેદાન
- જામનગરમાં 'વિશ્વ યોગ' દિને સાડી પરિધાન કરીને વોકેથોન યોજાઈ
- સાધના કોલોનીમાં જર્જરીત ઈમારતનો હિસ્સો ધસી પડ્યોઃ ત્રણના મૃત્યુઃ મૃતકોની સ્મશાન યાત્રાઃ પરિવાર હિબકે ચડ્યો
- વરસાદના પગલે જામનગરમાં સૌ પ્રથમ સપડા ડેમ ઓવરફ્લો, નગરની જીવાદોરી સમાન રણજીતસાગર ડેમ ઓવરફ્લો
- રણમલ તળાવમાં નવા નીરની આવકથી નગરજનોમાં હરખની હેલીઃ બે જગ્યાએથી તળાવની દીવાલ પાણીમાં ધસી પડી
- જામનગરમાં ૧ર કલાકમાં ૮ ઈંચ વરસાદથી જળબંબાકારઃ વરસાદી કહેરમાં પાંચ માનવ જિંદગી ડૂબી જતા હાહાકાર
જાન્યુઆરી-ર૦ર૩
જામનગરમાં ચતુર્ભુજ સ્વરૂપ શ્રી મદન મોહન પ્રભુજીની ભવ્ય શોભાયાત્રા-છપ્પનભોગ મહોત્સવ.
વર્ષની આખરી રાત્રે નશાની હાલતમાં ઝુમતા ર૪ સામે નોંધાયો દારૂબંધી ભંગનો ગુન્હો.
જામનગર મનપામાં વિપક્ષના નેતા તરીકે કોંગ્રેસના ધવલ નંદા અને ઉપનેતા તરીકે બસપાના રાહુલ બોરીચાની સર્વાનુમતે વરણી.
જગત મંદિરની સુરક્ષા વ્યવસ્થાની વાતો વચ્ચે શિખર પર ચઢેલી વ્યક્તિઓના ફોટા વાયરલ.
'નાસા' દ્વારા આસિ. સાયન્ટીસ્ટ તરીકે પસંદગી પામનાર નગરની આદર્શ પ્રા.શાળાની વિદ્યાર્થીની જુવેરીયા પરમારનું સન્માન.
સુપ્રજા-ર૦ર૩ સેમિનારમાં ૧૭૦ ફેકલ્ટીના રિસર્ચ પેપર રજુ.
જામ્યુકોની સ્ટેન્ડીંગ કમિટીમાં રંગમતી નદી પર રીવરબ્રીજ-ચેકડેમ તથા રીટેઈનીંગ વોલ માટે પ.૮૬ કરોડ મંજુર.
મેઘપર પોલીસે ૭૦ લાખના દારૂના જથ્થાનો કર્યો નાશ.
જામનગરના નૃત્યાંગના અને ઈન્ટરનેશનલ ડાન્સ ફેસ્ટિવલમાં નિર્ણાક રાજશ્રીબા સોઢાને નૃત્યાંગના એવોર્ડ એનાયત.
જામનગરના સુપ્રસિદ્ધ ભજનીક શક્તિદાન ઈસરાણીનું નિધન.
જામનગરમાં ૭ જેટલી પેઢીઓમાં જીએસટીના દરોડાઃ તપાસનો ધમધમાટ.
આઈસલેન્ડ યુનિ. અને યુનેસ્કો દ્વારા ચલાવાતા જીઈએસટી પ્રોગ્રામ હેઠળ પસંદગી પામનારી મૂળ જામનગરની અદિતી રિંડાણી પ્રથમ ગુજરાતી બની.
સ્વ. એચ.આર. માડમ મેમોરિયલ ટ્રસ્ટની અન્ડર-૧૭ બહેનોની ટીમ સૌરાષ્ટ્ર ઝોન ફૂટબોલ ટુર્નામેન્ટમાં ચેમ્પિયન.
જામનગરમાં સુરી નામના રાષ્ટ્રપતિનું આગમનઃ રાજયમંત્રી-મેયર સહીતના મહાનુભાવો દ્વારા સ્વાગત.
ખંભાળીયા પોલીસે ૩૩ લાખના દારૂ પર બુલડોઝર ફેરવી દીધું.
પોલેન્ડ સ્થિત ભારતીય રાજદૂત નગ્મા મલિકે જામસાહેબ શત્રુશલ્યસિંહજીની શુભેચ્છા મુલાકાત લીધી.
ગૌ સેવા સંવર્ધન અને પ્રાણી રક્ષા માટે આયુર્વેદ યુનિ.ના પૂર્વ પ્રિન્સીપાલ ડો. હિતેશ જાનીને અહિંસા એવોર્ડ એનાયત.
જામનગરમાં લેઉવા પટેલ સમાજ દ્વારા સન્માન સમારોહ-સમૂહ ભોજન-ઐતિહાસિક ૧૧ કરોડનું દાન એકત્ર.
વ્યાજંકવાદીઓ સામે પીડિતોની વ્યથા સાંભળવા જનસભાઃ જિલ્લા પોલીસવડા, સિટી ડિવાયએસપીએ અરજીઓ અન્વયે તપાસની ખાતરી આપી.
જામનગરમાં લેન્ડ કરાયેલા રશિયાના પ્લેનમાં બોમ્બ હોવાની આશંકા કરી નિર્મુળ.
દ્વારકામાં આંતરરાષ્ટ્રીય પતંગ મહોત્સવનું સાંસદ પૂનમબેન માડમના હસ્તે ઉદ્ઘાટન
જામનગર, જામજોધપુર તથા લાલપુરમાં મહિલા સહિત ૧૬ સામે વ્યાજ ખોરીની ફરિયાદ.
ધ્રોલના રાજપરામાં એક અઠવાડિયામાં ૧૪ર જેટલા ઘેટા-બકરાના મૃત્યુથી માલધારીઓમાં ચિંતા.
જામનગરમાં સિઝનનું સૌથી ઓછું તાપમાન ૭.પ ડિગ્રી.
રેન્જ આઈજીના વિશેષ લોકદરબારમાં વ્યાજખોરીની દોઢ ડઝનથી વધુ અરજી આવી.
નગરના આસામીએ રૂા. ૧પ લાખ સામે રૂા. ૬૩ લાખ આપવા વેચી નાખી ફેકટરી. ૩ મહિલા અને ૧૩ શખ્સ સામે નોંધાયા વ્યાજખોરીના સાત ગુન્હા.
જામનગરના ધારાસભ્ય દિવ્યેશભાઈ અકબરીએ પોતાના જન્મ દિવસ તથા મકરસંક્રાંતિની ઉજવણી નિમિત્તે રપ૧ કુપોષિત બાળકોને દત્તક લીધાઃ રકતદાન કેમ્પમાં ૩૬પ બોટલ રકત એકત્ર થયું.
હાપામાં જલારામ બાપાના મંદિરે ૧૧૧ પ્રકારના રોટલાનો અન્નકોટ.
નગરમાં ૩ આતંકવાદી સાથેની મોટર ઝડપાઈ, હથિયાર-બોમ્બ કબજેઃ રેન્જ આઈજીની ઉપસ્થિતિમાં મોકડ્રીલ.
કજુરડામાંથી દારૂની ર૩૧૬ બોટલ ઝડપાઈ ઃ એકની અટક.
ખંભાળીયાની અનુસૂચિત જાતિની યુવતી પર દુષ્કર્મના ગુન્હામાં એક શખ્સને આજીવન કેદની સજા.
સૌરાષ્ટ્ર યુનિ.ના પદવીદાન સમારોહમાં જામનગરની મેડિકલ કોલેજના આનંદ તાન્યાને ૧૦ અને વડાલિયા અક્ષતને ત્રણ ગોલ્ડ મેડલ.
ડેન્ટલ તથા ફિઝીયોથેરાપી સેન્ટર માટે મહિલા બેંકના એમ.ડી. શેતલબેન શેઠ દ્વારા રૂા. ૧૯ લાખનું અનુદાન.
જામનગરમાં આવકવેરા ખાતુંઃ ઈનાયત મુસા એન્ડ કંપનીમાં હાથ ધરાયું સર્ચ ઓપરેશન.
ડો. મુનિશ્રી દિપરત્ન સાગરજી મ.સા.ને શ્રૃતસ્થવીર પદવી એનાયત.
ભૂચરમોરીમાં જામનગર જિલ્લાના પ્રજાસત્તાક પર્વમાં પ્રવાસન મંત્રી મૂળુભાઈ બેરાએ ફરકાવ્યો તિરંગો.
જામ ખંભાળીયામાં જીવીજે હાઈસ્કૂલના હેરીટેઝ બિલ્ડીંગનું રૂા. પ.૬૭ કરોડના ખર્ચે થશે નિર્માણ.
જામ્યુકોની સ્ટે. કમિટીમાં રૂા. ર.૪૯ કરોડના દરખાસ્તો મંજુર.
પંચાયતની કલાર્કની પરીક્ષાનું પેપર ફુટી જતાં પરીક્ષા રદઃ ઉમેદવારોએ કર્યો હોબાળો.
ગુજરાત લલિતકલા અકાદમી દ્વારા શિવરાજપુર બીચમાં રેતશિલ્પ મહોત્સવ.
જામનગરની ૭, ૧૦,રપ,ર૬ અને ર૭ નંબરની ટીપી સ્કીમને સર્વાનુમતે મંજુરી.
જામ્યુકોનું વર્ષ ર૦ર૩-ર૪ નું રૂા. ૧૦૭૯ કરોડનું ડ્રાફટ બજેટ રજૂ.
ફેબ્રુઆરી-ર૦ર૩
કલ્યાણપુર તાલુકામાંથી ૧૮ લાખની વીજચોરી પકડાઈ.
જામનગરમાં લાયસન્સ વગર ચાલતી ચિકન-મટનની ૪ર શોપ સીલ કરાઈ.
ડીજીપીએ ગાંધીનગરમાં બેસ્ટ પોકેટ કોપ એવોર્ડથી જામનગરની એલસીબીની ટીમને સન્માનીત કરી.
હવાઈ ચોકમાં રાત્રે ફોજદારે લાકડીના ઘા કરતા વેપારીઓમાં રોષઃ દુકાનો બંધ કરાઈ.
જામનગર જિલ્લામાં ૩૭ ગામો માટે નવી વિતરણ યોજનાને નલ સે જલ યોજનાની બેઠકમાં બહાલી.
જામનગરના રણજીતનગરમાં ઝડપાઈ નશાકારક કેફી પીણાની ૪૬૮ બોટલ.
વ્યાજખોરીના દુષણને ડામવા જામનગર સહિત પાંચ જિલ્લામાં પોલીસે કરી પરિણામલક્ષી કાર્યવાહી ઃ દ્વારકામાં ર૩ ની અને નગરના ૩૬ વ્યાજખોરોની ધરકપકડ ઃ ૧૩ જેલહવાલે કરાયા.
હિસાબના ગોટાળા બદલ સચાણાના સરપંચને સસ્પેન્ડ કરાયા.
નગરમાં પ્રધાનમંત્રી આવાસ યોજનાના ૮૧ લાભાર્થીની ફલેટ ફાળવણી રદ.
ડબલ જંત્રી સામે દ્વારકા બાર એસોસિએશને દર્શાવ્યો વિરોધ.
જામનગરના જોલી બંગલા વિસ્તારમાં સ્પાના ઓઠા હેઠળ ધમધમતા કુટણખાના પર એલસીબી ત્રાટકી.
જામ્યુકોની સ્ટેન્ડિંગ કમિટીએ રૂા. પર કરોડના કરવેરામાં આપી અડધો અડધ રાહત.
વિમેન્સ આઈપીએલ હરાજીની યાદીમાં જામનગરની બે ખેલાડીઓનો સમાવેશ.
નગરની જી.જી.હોસ્પિટલમાં નશામુકત ઉપચાર કેન્દ્રનું કેન્દ્રીય મંત્રીઓના હસ્તે વર્ચ્યુલ લોકાર્પણ.
દ્વારકા જિલ્લાની ત્રણ દિવાદાંડીને પ્રવાસન સ્થળ તરીકે વિકસાવાશે. કેન્દ્ર સરકાર.
ઓડિટ રિપોર્ટમાં કસૂરવાર જણાયેલા જામનગર જિલ્લા સરકારી બેંકના છ કર્મચારીઓની નોકીરમાંથી હકાલપટ્ટી.
દ્વારકા જિલ્લા ભાજપના પ્રમુખ તરીકે યુવા અગ્રણી મયુરભાઈ રામભાઈ ગઢવી નિમાયા.
જામનગરથી નજીક લાલપુર ચોકડી પાસે રંગમતિ નદી ઉપર ગેરકાયદે બની રહેલા પુલનું બાંધકામ મ્યુ. કમિશનરના મૌખીક આદેશથી બંધ કરાયુંઃ 'નોબત'ના અહેવાલનો પડઘો.
સેવાભાવિ રઘુવંશી ડો. અતુલ ચગની આત્મહત્યા સંદર્ભે જામનગર લોહાણા મહાજનની મૌન રેલી નીકળી.
ફલ્લામાં હિંસક પ્રાણીએ ૧૪ ઘેટાં-બકરા ફાડી ખાધાઃ તંત્ર દોડયું.
જામનગરના વતની સોનીયાબેન ગોકાણીએ ગુજરાત હાઈકોર્ટના ચીફ જસ્ટીસ તરીકે શપથ લીધા.
મક્કા મદીના જવા ઈચ્છતા નગરના આસામી સાથે રૂા. ૧૦ લાખની છેતરપિંડી.
ખંભાળીયાઃ રૂા. રપ કરોડના ખર્ચે નિર્માણાધીન નવી હોસ્પિટલનું રાજ્યમંત્રી મૂળુભાઈ બેરાના હસ્તે ભૂમિપૂજન.
દ્વારકામાં બાવન જિનાલયનો પ્રારંભ.
ખંભાળીયામાં ૧૦૦ વર્ષ જુની વરણાંગીનું પ્રસ્થાનઃ ભૂદેવો દ્વારા ખુલ્લા પગે નગરભ્રમણ.
ભાદરા પાટિયા પાસે પોલીસ પર સ્કોર્પિયો ચઢાવવાનો પ્રયાસ ઃ પોલીસ દ્વારા ૩ રાઉન્ડ ફાયરિંગ, બન્ને શખ્સોની ફિલ્મી ઢબે ધરપકડ.
જામ્યુકોનું રૂા. ૧૦૮૦ કરોડનું વર્ષ ર૦ર૩-ર૪નું બજેટ રજુઃ ભારે હોબાળો.
જામનગરમાં ભૂજિયા કોઠા હેઠળની ૭ દુકાનો ખાલી કરાવાઈઃ કબ્જો સુપ્રત.
જામનગરના ખાનગી પેઢીના અધિકારી સાથે રૂા. ૧ કરોડ ઉપરાંતની ઓનલાઈન ઠગાઈ.
લતીપરમાં નશાકારક કેફી પીણાની ૮૯૦ બોટલ સાથે એક શખ્સ ઝબ્બે.
દ્વારકાના જગતમંદિર અને પરિસરના વિકાસ માટે યાત્રાધામ કોરિડોરનો પ્રસ્તાવ.
માર્ચ-ર૦ર૩
દ્વારકામાં બીઓબીનું એટીએમ તોડી દસેક લાખની ચોરી.
હરિદ્વારમાં ગાગીયા પરિવારના નામે ઈન્ડિયન ટ્રેડિશનલ બુક ઓફ રેકોર્ડ.
બર્ધનચોક-શાકમાર્કેટ વિસ્તારમાંથી ફેરિયા-પથારાવાળાને હટાવવા મેયર ખુદ મેદાનમાં.
જામનગર જિલ્લામાં ક્ષયના નવા કેસોમાં ઘટાડો થતાં રાષ્ટ્રીય કક્ષાએ સિલ્વર મેડલ મળ્યો.
જામનગરના સાંધ્ય દૈનિક 'નોબત'ની વાર્ષિક લવાજમ યોજનાનો મીની અને મેગા ડ્રો પારદર્શક રીતે સંપન્ન.
'નોબત'ની વર્ષ ર૦ર૩-ર૪ની આકર્ષક વાર્ષિક લવાજમ યોજનાનું ધમાકેદાર લોન્ચીંગ.
જી.જી. હોસ્પિટલને મળી રૂા. ૧૩ કરોડના આધુનિક એમઆરઆઈ મશીનની સુવિધા.
જામનગરમાં આશરે ર૦ કરોડનું બોગસ બિલિંગ કૌભાંડ ઝડપાયું.
રૂા. ૬ લાખના મેફેડ્રોન ડ્રગ્સ સાથે નગરનું દંપતિ ઝડપાયું.
જામનગરમાં ગુજસીટોકના બે આરોપીની રૂપિયા સવા ત્રણ કરોડની મિલકત ટાંચમાં લેવાઈ.
જમીનની હરાજી અંગે જિલ્લા પંચાયતના ઉપપ્રમુખે અનેક સવાલો ઉઠાવતા ચર્ચા પ્રસરી, 'જાડા'ની જમીનનો વિવાદ વધુ વકર્યો.
જામનગર મ્યુનિ. કમિશનર વિજયકુમાર ખરાડીની અચાનક બદલી થતાં ચર્ચા જાગી.
કલ્યાણપુરના હર્ષદ-ગાંધવી, નાવદ્રા તથા ભોગાતમાં પર૦ દબાણો તોડી પડાયા.
ઉલટા પગે ૬૦૦ કિમીની પદયાત્રા પૂરી કરીને દ્વારકા પહોંચ્યા વૃદ્ધ ભાવિક, વાલાભાઈ ગઢવી, ઠેર-ઠેર સ્વાગત.
કલ્યાણપુરના નાવદ્રામાં ગેરકાયદે દબાણો અને ૯૮ બાંધકામને તોડી પડાયા.
હર્ષદમાં ઓપરેશન ડિમોલિશનની પૂર્ણાહુતિઃ પોણા પાંચ કરોડની જમીન થઈ ખુલ્લી.
જામનગર જિલ્લા પંચાયતમાં વિપક્ષના હલ્લાબોલ પછી રૂા. ૮,૦૭,૬પ,૮ર૪ નું અંદાજપત્ર મંજુર.
દેવભૂમિ દ્વારકાના લક્ષ્મીનારાયણ નવકુંડી મહાયજ્ઞમાં મુખ્યમંત્રી ભૂપેન્દ્રભાઈ પટેલે પ્રાર્થના સાથે આપી આહુતિ.
જામનગરમાં ૧પ૧ નવી એસ.ટી. બસોનું લોકાર્પણ.
ઓખાના દરિયામાંથી ઝડપાયેલા ડ્રગ્સ સાથેના પાંચ ઈરાનની કડક પૂછપરછ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો