વાંચન વિશેષ
મિશન લાઈફનું સાત મુખ્ય ક્ષેત્રો પર ફોકસઃ યુનોના પર્યાવરણ સંમેલનમાં મળ્યુ સમર્થન
વિશ્વમાં વધતા જતા ઉષ્ણતામાનની સમસ્યા આજે સૌથી મહત્ત્વપૂર્ણ વૈશ્વિક ચિંતાઓમાંની એક છે, જેના માટે મુખ્યત્વે વિકસિત દેશો દ્વારા વધતાં જતાં ઉત્સર્જનો કારણભૂત છે. ભારત વિશ્વની ૧૭% કરતાં વધુ જનસંખ્યા ધરાવે છે, અને તેમ છતાં વૈશ્વિક ગરમી વિરૂદ્ધની લડાઈમાં મહત્વપૂર્ણ ભૂમિકા ભજવી રહ્યું છે, ઐતિહાસિક કાર્બન ડાયોકસાઈડનું ઉત્સર્જન ભારતમાં ખૂબ ઓછું છે. ૧૮૫૦ થી ૨૦૧૯ સુધીના આંકડાઓ મુજબ, ભારતમાં ૪% કરતાં ઓછું વૈશ્વિક ઉત્સર્જનમાં યોગદાન છે, જ્યારે તેની આખી વિશ્વની જનસંખ્યામાં ૧૭ ટકા જેટલી મજબૂત ભાગીદારી છે.
એક વિકાસશીલ અર્થતંત્ર તરીકે, ભારતનું ગ્રીનહાઉસ ગેસ ઉત્સર્જન વધતું રહે છે, જો કે તે વિકસિત દેશોની સરખામણીમાં ઘણુંઓછું છે. એટલે, વિકાસ અને ગરીબી દૂર કરવા માટેના ધ્યેયોને ધ્યાનમાં રાખતાં ભારતના વૈશ્વિક ગરમી માટેની જવાબદારી મર્યાદિત રહી છે. ખરેખર, ભારતના પ્રતિ વ્યક્તિ ઉત્સર્જન વૈશ્વિક સરેરાશ કરતાં નોંધપાત્ર રીતે ઓછા છે. ૨૦૨૦માં, ભારતના પ્રતિ વ્યક્તિ ઉત્સર્જન ૧.૭૪ ટન સીઓ-ર સમકક્ષ હતું, જે વિકસિત દેશોની જેમ અમેરિકાની (૧૫.૮૪ ટન) અને ચીન (૮.૮૩ ટન) કરતાં ઘણું ઓછું છે. ૨૦૨૩ના આંકડાઓ પ્રમાણે, ભારતમાં પ્રતિ વ્યકિત ગ્રીનહાઉસ ગેસ (જીએચજી) ઉત્સર્જન લગભગ ૨ ટન છે, ચીનમાં તે ૧૧.૧૧ ટન છે અને યુનાઈટેડ સ્ટેટ્સમાં તે ૧૭.૬૧ ટન છે.
ભારતની ક્લાઈમેટ એક્શન માટેની પ્રતિબદ્ધતા વિવિધલક્ષી અને બહુ આયામી છે. આ ક્લાઈમેટ એક્શન કાર્યક્રમો વિવિધ કેન્દ્રીય મંત્રાલયો, વિભાગો અને રાજ્યો દ્વારા અમલમાં છે, અને તેમનાં પર્યાવરણીય લાભો ઊર્જા કાર્યક્ષમતાથી લઈને કચરો ઘટાડવા સુધીનાં ક્ષેત્રોમાં વ્યાપ્ત છે. તેમ છતાં, આ સંકલિત ક્લાઈમેટ એક્શન કાર્યક્રમોના કુલ નાણાંકીય ખર્ચની ગણતરી કરવી હાલ બહુ અઘરી છે, કારણ કે ઘણા પ્રોગ્રામોમાં પર્યાવરણીય લાભો પરોક્ષ હોય છે જેથી તેમને ગણતરીમાં લેવા મુશ્કેલ હોય છે.
ઓગસ્ટ ૨૦૨૨માં, ભારતે ૨૦૨૨માં ભારતે સંયુક્ત રાષ્ટ્ર જલ વાયુ પરિવર્તન માળખામાં સંશોધિત રાષ્ટ્રીય નિર્ધારિત લક્ષ્યો પ્રસ્તુત કર્યાં. તેમાં ભારતમાં ગ્રીન હાઉસ વાયુઓનું ઉત્સર્જન ઘટાડવા માટેનાં લક્ષ્યો રેખાંકિત કરવામાં આવ્યાં છે. વર્ષ ૨૦૩૦ સુધીમાં ખનિજ તેલ સિવાયની ઇંધણ ઊર્જા ક્ષમતા ૫૦% સુધી વધારવી તેવું પ્રમુખ લક્ષ્ય પણ નિર્ધારિત છે. વર્ષ ૨૦૦૫નાં ઉત્સર્જન સ્તરોની તીવ્રતાની સરખામણીમાં ઉત્સર્જનની તીવ્રતામાં ૪૫% ઘટાડો લાવવો, અને કાર્બનને શોષી લે તેવાં કાર્બન સિંક વધારવા માટે ૨.૫ થી ૩ બિલિયન ટન સમકક્ષ ર્ઝ્રં૨ને શોષી લે તેવાં વન અને વૃક્ષ કવર વિક્સિત કરવાની યોજના પણ છે. આ લક્ષ્ય ૨૦૩૦ સુધીમાં હાસિલ કરવાનું ધ્યેય છે.
ભારતની સ્થિર, ટકાઉ અને સમૃદ્ધ જીવનશૈલીમાં બચત, જાળવણી અને સંરક્ષણ પરંપરાગત રીતે અંતર્નિહિત છે, જે અમારી પ્રતિબદ્ધતામાં પરિલક્ષિત થાય છે. મિશન લાઇફ (લાઇફસ્ટાઇલ ફોર એન્વાયરમેન્ટ)માં પણ તેનો સમાવેશ છે. ભારત દ્વારા શરૂ કરાયેલી આ એક એવી વૈશ્વિક પહેલ છે, જેનો ઉદ્દેશ્ય પર્યાવરણ સાથે મૈત્રીપૂર્ણ અભિગમ અને સમજણપૂર્વકના ઉપભોક્તાવાદને પ્રોત્સાહિત કરવાનો છે. મિશન લાઇફ સાત મુખ્ય ક્ષેત્રોમાં ધ્યાન કેન્દ્રિત કરે છેઃ પાણીની બચત, ઊર્જા કાર્યક્ષમતા, કચરો ઘટાડવો, ઇ-કચરાનું સંચાલન, સિંગલ યુઝ પ્લાસ્ટિકને દૂર કરવું, સસ્તી ખાદ્ય વ્યવસ્થાઓ પ્રમોટ કરવી, અને સ્વસ્થ જીવનશૈલીઓ અપનાવવી. સંયુક્ત રાષ્ટ્ર પર્યાવરણ સંમેલન (યુએનઈએ) ના છઠ્ઠા સત્રમાં, સભ્ય દેશોએ ભારતના પ્રસ્તાવિત મિશન લાઇફને અનુમોદન આપ્યું અને ટકાઉ જીવનશૈલીઓ માટેના વચનને સમર્થન આપ્યું.
ભારતીય સરકાર ઘણા પ્રોગ્રામો અને યોજનાઓ મારફતે ક્લાઈમેટ ચેન્જને હરાવવા માટે પ્રતિબદ્ધ છે, જેમાં નેશનલ એક્શન પ્લાન પર ક્લાઈમેટ ચેન્જ સામેલ છે. એનએપીસીસી એ મિશનને સોલાર ઊર્જા, પાણી વ્યવસ્થાપન, ટકાઉ કૃષિ, અને ગ્રીન ઇન્ડિયાના ક્ષેત્રોમાં દર્શાવે છે. આ સંકલિત માળખું ભારતના રાષ્ટ્રીય સ્તરે ક્લાઈમેટ એક્શનનુ માર્ગદર્શન કરે છે. દેશનાં ૩૪ રાજ્યો અને સંઘીય પ્રદેશોએ પણ પોતપોતાની રાજ્ય ક્લાઈમેટ એક્શન યોજના વિકસાવી છે.
જ્યારે ભારત વિકાસ અને પર્યાવરણીય ટકાઉપણા વચ્ચેનું નાજુક સંતુલન જાળવવા માટે આગળ વધી રહ્યું છે, ત્યારે તેના વધતા જતા ક્લાઈમેટ એક્શન પ્રયત્નો વૈશ્વિક સ્તરે પર્યાવરણીય જાળવણી માટે થતા પ્રયાસોમાં મહત્વપૂર્ણ ભૂમિકા ભજવશે.
(આ લેખ મોટાભાગે ભારતના માથાદીઠ ઉત્સર્જન સ્તર વિશે મેં પૂછેલા પ્રશ્નના જવાબમાં રાજ્યસભામાં ૨૦ માર્ચ, ૨૦૨૫ના રજૂ કરાયેલી માહિતી આધારિત છે.)
આલેખન પરિમલ નથવાણી
રિલાયન્સ ઈન્ડસ્ટ્રીઝ લિમિટેડના સિનિયર ગ્રુપ પ્રેસિડેન્ટ અને રાજ્ય સભાના સાંસદ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
લોકોને જાગૃત રહી જીવન સુરક્ષિત બનાવવા અનુરોધ
જામનગર તા. ર૬: જામનગર જિલ્લામાં હિટવેવની અસર વર્તાઈ રહી હોવાથી તેનાથી બચવા માટે સુરક્ષિત રહેવાના પગલાંઓ લેવા જરૂરી છે. માટે લોકોએ હીટવેવથી બચવા માટે શું કરવું અને શું ન કરવું તે માટે નીચે મુજબના પગલાં લેવા જિલ્લા વહીવટી તંત્ર જામનગર તરફથી અનૂરોઘ કરવામાં આવ્યો છે.
હિટવેવથી બચવા શું કરવું...?
સ્થાનિક હવામાનની આગાહી માટે રેડિયો સાંભળો, ટીવી જુઓ તથા અખબાર વાંચો. પુરતું પાણી પીવું તથા ર્ંઇજી, ઘરે બનાવેલા પીણાં જેવા કે લસ્સી, પાકી કેરીનો રસ(કાચી કેરી), લીંબુ પાણી,છાશ વગેરેનો ઉપયોગ કરવો, જે શરીરને ફરીથી હાઈડ્રેટ કરવામાં મદદ કરે છે. હળવા, હળવા રંગના, ઢીલા અને છિદ્રાળુ સુતરાઉ કપડાં પહેરવા. બને તેટલું ઘરની અંદર રહેવું તથા તડકામાં બહાર જતી વખતે ગોગલ્સ, શુઝ અથવા ચપ્પલનો ઉપયોગ કરવો. તમારા માથાને ઢાંકવા માટે કાપડ, ટોપી અથવા છત્રીનો ઉપયોગ કરવો. તમારા ઘરને ઠંડુ રાખો, પડદા, શટર અથવા સનશેડનો ઉપયોગ કરો અને રાત્રી બારીઓ ખોલવી. હિટ સ્ટ્રોક, હીટ રેશ અથવા હીટ કેમ્પ જેવા કે નબળાઈ, ચક્કર આવવાના સંકેતોને ઓળખો. તમે બેભાન અથવા બીમારી અનુભવો છો, તો તરત જ ડોક્ટરને મળો. પ્રાણીઓને છાંયડામાં રાખો અને તેમને પીવા માટે પુષ્કળ પાણી આપો. સગર્ભા, કામદારો અને તબીબી સ્થિતિ ધરાવતા કામદારો પર વધારે ધ્યાન આપવું.
હિટવેવથી બચવા શું ન કરવું
તડકામાં ખાસ કરીને બપોરે ૧૨ થી ૩ વાગ્યાની વચ્ચે બહાર જવાનું ટાળો. ઘાટા, ભારે અથવા ચુસ્ત કપડાં પહેરવાનું ટાળો. જ્યારે બહારનું તાપમાન વધારે હોય ત્યારે સખત પ્રવૃતિઓ ટાળો. બપોરે ૧૨ થી ૩ વાગ્યાની વચ્ચે બહાર કામ કરવાનું ટાળો. ખુલ્લા પગે બહાર ન જાવ. પીક અવર્સ દરમિયાન રસોઈ કરવાનું ટાળો. રસોઈ વિસ્તારને પૂરતા પ્રમાણમાં હવાની અવર-જવર માટે દરવાજા અને બારીઓ ખોલો. બાળકો અથવા પાલતુ પ્રાણીઓને પાર્ક કરેલા વાહનોમાં છોડશો નહીં - કારણકે તેઓ હિટવેવથી પ્રભાવિત થઈ શકે છે. આલ્કોહોલ, ચા, કોફી અને કાર્બોરેટેડ સોફટ ડ્રિકસ ટાળો, જે શરીરને ડીહાઈડ્રેટ કરે છે. ઉચ્ચ પ્રોટીન ખોરાક ટાળો અને વાસી ખોરાક ન ખાઓ. હાલ ઉનાળાની ઋતુમાં હિટવેવથી બચવા લોકોએ આ જાગૃતિના પગલાં લઈ પોતાનું જીવન સુરક્ષિત બનાવવા વહીવટી તંત્ર તરફથી અનુરોધ કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પૂર્ણ પુરૂષોતમ શ્રીકૃષ્ણની રાજધાનીના મહાત્મયને ઝાંખુ કરવાનું કોઈ સંપ્રદાય વિશેષનું ગજું નથી
તાજેતરમાં ચાર ધામ પૈકીનાં એક એવા યાત્રાધામ દ્વારકા લઇને સંપ્રદાય વિશેષનાં પુસ્તકમાં થયેલ વિવાદિત ઉલ્લેખનો સમગ્ર સનાતન હિન્દુ ધર્મમાં વિરોધ થઇ રહૃાો છે અને યાત્રાધામ દ્વારકામાં પણ પ્રચંડ આક્રોશ અને વિરોધનાં સૂરો વહી રહૃાા છે ત્યારે સમગ્ર વિશ્વના અદ્ભુત અને અનન્ય પુસ્તક તરીકે જે સર્વમાન્ય છે એવા શ્રીમદ્ ભગવદ્ ગીતામાં વર્ણવેલા ભગવાન શ્રી કૃષ્ણનાં વિરાટ વિશ્વરૂપ દર્શનને યાદ રાખવું જોઇએ.
શ્રી કૃષ્ણે અર્જુનનો વિષાદ દૂર કરવા વિરાટ વિશ્વરૂપ ધારણ કર્યુ ત્યારે તમામ દેવોનાં રૂપ તેઓમાં જ દેખાયા હતાં. શ્રી કૃષ્ણએ ગીતામાં કહૃાું છે કે તમે જે સ્વરૂપે મને પૂજો હું એ જ સ્વરૂપે તમને પ્રાપ્ત થાવ છું. અર્થાત કોઇપણ દેવની પૂજા કરો એ આખરે તો કૃષ્ણની જ આરાધના છે.
કોઇ સંપ્રદાય વિશેષ ભગવાનને પામવા પોતાનાં પુસ્તકમાં દ્વારકાને બદલે તેમનાં સંપ્રદાયનાં પ્રમુખ સ્થાને જવાનું સૂચવે તો એ સંપ્રદાયનાં મહંતો કે વિદ્ધાનોનાં સંકિર્ણ જ્ઞાન નો જ પુરાવો માની શકાય. ભગવાન શ્રી કૃષ્ણ સર્વ વ્યાપક છે એ ભગવદ ગીતામાં કહૃાું છે એ તો સૂક્ષ્મ અને આધ્યાત્મિક સ્તરનું સત્ય છે પરંતુ સ્થૂળ રૂપમાં પણ ચારધામ પૈકીનું એક ધામ દ્વારકા પાંચ હજાર વર્ષથી વધુ પ્રાચીન ઇતિહાસ ધરાવે છે. જ્યારે તેનાં વિશે સવાલો ઉઠાવનાર સંપ્રદાય વિશેષનો ઉદ્ભવ ૨૦૦-૨૫૦ વર્ષ પહેલા થયો છે, તે સર્વવિદિત છે.
રાજાધિરાજ ભગવાન શ્રી દ્વારકાધીશની રાજધાની દ્વારકાનાં સમુદ્રમાં ડૂબી ગયા પછી શ્રી કૃષ્ણનાં પ્રપૌત્ર વ્રજનાભ દ્વારા જગતમંદિરનું નિર્માણ કરાવવામાં આવ્યુ હોવાનો તથા એ પછી કાળક્રમે શંકરાચાર્યજી દ્વારા મંદિરમાં ભગવાનની મૂર્તિ સ્થાપિત કરવાનો વલ્લભાચાર્યજીનો તથા શારદાપીઠની સ્થાપના સહિતનો હજારો વર્ષોનો ઇતિહાસ છે.જે અંગે દ્વારકા પીઠાધીશ્વર શંકરાચાર્ય સ્વામી શ્રી સદાનંદ સરસ્વતીજી દ્વારા પણ પોતાનાં નિવેદનમાં ઉલ્લેખ કરવામાં આવ્યો છે.
દ્વારકાનાં અનન્ય મહત્ત્વને ધૂમિલ કરી પોતાનાં કે કોઈ સંપ્રદાયની પ્રસિદ્ધિ ચમકાવવાનો વ્યકતિ વિશેષ કે સંપ્રદાય વિશેષનો પ્રયાસ એ સૂર્યને ઝાંખો કહી કોઇ અન્ય જ્યોત કે તેજપૂંજને વધુ પ્રકાશવાન કહેવા જેવી હાસ્યાસ્પદ ચેષ્ટા જ કહી શકાય. દ્વારકાનું મહાત્મય અનેરૂ છે અને રહેશે કારણકે અહી શ્રી કૃષ્ણ રાજાધિરાજ તરીકે ભક્તોને આશીર્વાદ આપે છે.
સમગ્ર વિવાદને લઇને દ્વારકામાં વેપારી આગેવાનો પણ લડાયક મૂડમાં છે ત્યારે આ વિવાદ આગળ શું સ્વરૂપ ધારણ કરશે એ તો સમય જ કહેશે. કદાચ તાજેતરમાં વીરપુર શ્રી જલારામ મંદિર જેવી જ ઘટના બને અને દ્વારકા જગતમંદિરે આવીને સંપ્રદાય વિશેષનાં મહંતો માફી માંગે એવું પણ બની શકે. પરંતુ ભગવાન દ્વારકાધીશની રાજધાની દ્વારકાનાં મહાત્મયને ઘટાડવાનું કે તેનું આંકલન કરવાનું સામર્થ્ય કોઇ પણ વ્યક્તિ વિશેષ કે સંપ્રદાય વિશેષમાં નથી એ જ સર્વોપરી સત્ય છે કારણકે અહીં રાજાધિરાજ સ્વરૂપે બિરાજે છે.
આદિત્ય
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
માનવી, પશુ, પક્ષીઓને લૂ થી કેવી રીતે બચાવી શકાય ? :
હિટ વેવ દરમિયાન નાગરિકો પોતાના આરોગ્ય તથા પશુપક્ષીઓને લૂ થી બચાવવા કેટલાક ઉપાયો અપનાવે તે જરૂરી છે, તે અંગે ડિઝાસ્ટર મેનેજમેન્ટ સેલ દ્વારા ગાઈડલાઈન્સ જાહેર કરી છે.
ગુજરાતમાં આગામી દિવસો દરમ્યાન તાપમાન વધુ રહેવાની શકયતા છે. જેને અનુલક્ષીને નાગરિકો પોતાના આરોગ્ય તથા પશુપક્ષીઓને લૂ થી બચાવવા કેટલાક ઉપાયો અપનાવે તે જરૂરી છે.જિલ્લામાં હિટવેવ અંગેની અસરને ધ્યાને લેતા જાહેર જનતા માટે સાવધાની માટે કેટલાક સૂચનો અનુસરવા ડિસ્ટ્રીકટ ડિઝાસ્ટર મેનેજમેન્ટ સેલ દ્વારા અનુરોધ કરાયો છે.
લૂ ની માહિતી માટે, લૂ થી બચવા આટલું કરો
રેડિયો સાંભળો, ટી.વી જુઓ, હવામાન અંગેના સ્થાનિક સમાચાર માટે વર્તમાન પત્ર વાંચો અથવા હવામાન વિશેની માહિતી આપતી મોબાઇલ એપ્લિકેશન ડાઉનલોડ કરો.તરસ ના લાગી હોય તો પણ પૂરતા પ્રમાણમાં પાણી પીવો.
વાઈ, હ્ય્દય, કીડની કે યકૃત સંબધિ બીમારીથી પીડાતા વ્યક્તિઓ કે જેમને પ્રવાહીની માત્રા ઓછી લેવાની હોય તેમણે તેમજ જેમના શરીરમાં પ્રવાહીનો નિકાલ ઓછો થતો હોય તેમણે પ્રવાહી લેતા પહેલા ડોકટરની સલાહ લેવી.
શરીરમાં પ્રવાહીની માત્રા ઓછી ન થાય તે માટે ઓ.આર.એસ દ્રાવણ અથવા ઘરે બનાવેલા પીણા જેવા કે છાશ, લસ્સી, લીંબુ પાણી, ભાતનુ ઓસામણ, નાળિયેર પાણી વગેરેનો ઉપયોગ કરો.વજન તેમજ રંગમાં હળવા પ્રકારના સૂતરાઉ વસ્ત્રો પહેરો.જો તમે ઘરની બહાર હોવ તો, માથાનો ભાગ કપડા, છત્રી કે ટોપીથી ઢાંકી રાખો.આંખોના રક્ષણ માટે સન ગ્લાસીસ અને ત્વચાના રક્ષણ માટે સન સ્ક્રીન લગાવો.પ્રાથમિક સારવાર માટેની તાલીમ લો. બાળકો, વૃદ્ધો, બીમાર વ્યક્તિ અને વધુ વજન ધરાવતા વ્યક્તિ કે જેઓ લુ ના ભોગ બનવાની સંભાવના વધુ ધરાવે છે.તેમની વિશેષ કાળજી લો.
કામદાર અને નોકરીદાતા માટે શું કરવું ?
કાર્યના સ્થળે પીવાના ઠંડા પાણીની વ્યવસ્થા કરો.તમામ કામદાર માટે આરામની વ્યવસ્થા, શુદ્ધ પાણી, છાસ, ઓ.આર.એસ, બરફના પેક, પ્રાથમિક સારવારની પેટીની વ્યવસ્થા કરો. કાર્ય કરતી વખતે સીધો સૂર્ય પ્રકાશ આવે તેવી સ્થિતિને ટાળો, સખત મહેનતનું કામ દિવસના ઠંડા સમયે ગોઠવો.
બહારની પ્રવુત્તિઓ માટે વિશ્રાંતિ સમય અને તેની સંખ્યા વધારો. જે કામદાર વધુ ગરમી વાળા વિસ્તારમાં કાર્ય કરવા ટેવાયલ નથી તેમને હળવુ તેમજ ઓછી અવધી માટે કામ આપો. સગર્ભા સ્ત્રીઓ તેમજ શારીરિક નબળાઈ ધરાવતા કામદાર ઉપર વિશેષ ધ્યાન આપો.કામદારોને હીટ વેવ એલર્ટ વિશે માહિતગાર કરો.ઢીલા કપડા પહેરો.
આપના કાર્યાલય કે રહેઠાણના સ્થળે આવતા ફેરિયા કે ડિલિવરી માણસને પાણી પીવડાવો, કાર પુલીંગ અથવા તો જાહેર વાહન વ્યવહારના સાધનનો ઉપયોગ કરો.
જો તમને ચક્કર આવતા હોય કે બીમાર હોવ તો તબીબી સલાહ લો
ઘરને શીતળ રાખવા માટે : આટલું કરો
ઘરની દીવાલોને સફેદ રંગથી રંગો.ઘરમાં ઓછા ખર્ચે ઠંડક મેળવવા માટે ફુલ રુફ ટેક્નોલોજી, હવાની અવર જવર માટે ક્રોસ વેંટીલેશન અને થર્મોકુલ ઇન્સ્યુલેશનનો ઉપયોગ કરો. સૂકા ઘાસની ગંજી છત ઉપર રાખો અથવા શાકભાજી પણ ઉગાડી શકો. ઘરની બારીઓ ઉપર સૂર્યપ્રકાશને પરાવર્તિત કરવા માટે એલ્યુમિનિયમ ફોઇલ કવર વાળા પુંઠા લગાવો.ઘેરા રંગના પડદા, બારીઓને રંગીન કાચ લગાવો અથવા સનશેડ લગાવો અને ફક્ત રાત્રે બારીઓ ખોલો.બને ત્યા સુધી નીચેના માળ ઉપર રહો, લીલા રંગના છાપરા, ઈન્ડોર છોડ મકાનને કુદરતી રીતે ઠંડું રાખે છે અને એયર કંડીશનરનો ઉપયોગ ઘટાડે છે અને તેમાથી બહાર નીકળતી વધારાની ગરમીને ઓછી રાખે છે. એયર કંડીશનરનું તાપમાન ૨૪ ડીગ્રી કે તેનાથી વધુ રાખો. આને કારણે તમારૃં વીજળીનું બિલ ઓછું આવશે અને સાથે તમારી સ્વસ્થતાનું પણ ધ્યાન રાખશે. નવા ઘરના બાંધકામ વખતે રાબેતા મુજબની દીવાલને બદલે છીદ્રાળુ દીવાલ ચણતર કરો જે ગરમીને રોક્શે અને વધુ હવાને પરસ્પર થવા દેશે. દીવાલને રંગવા માટે ચુનો અથવા કાદવ જેવી કુદરતી સામગ્રીનો ઉપયોગ કરો.
લુ લાગેલ વ્યક્તિની સારવાર
ભીના કપડાનો ઉપયોગ કરો અથવા તેના માથા પર પાણી રેડો.શરીરમાં પાણીનું પ્રમાણ જળવાઈ રહે તે માટે ઓ.આર.એસ.અથવા લીંબુ સરબત જેવું પ્રવાહી આપો.વ્યક્તિને તાત્કાલિક નજીકના સ્વાસ્થ્ય કેંદ્ર પર લઈ જાવ.જો શરીરનુ તાપમાન એકધારૃં વધતું હોય, માથાનો અસહૃા દુખાવો હોય.ચક્કર આવતા હોય. નબળાઈ હોય, ઉલ્ટી થતી હોય તો તાત્કાલિક એમ્બ્યુલન્સ બોલાવો. હોસ્પિટલમાં દાખલ થાવ.
સ્વાસ્થ્ય જાળવવા શું ન કરવું ?
બપોર ના ૧૨ વાગ્યા થી ૩ વાગ્યા સુધી તડકામાં ન જાવ, જ્યારે તમે બપોરના બહાર હોવ ત્યારે શ્રમ પડે તેવી પ્રવૃત્તિ ન કરો. ઉઘાડા પગે બહાર ન જાવ.રસોડામાં હવાની અવર જવર માટે બારી બારણા ખુલ્લા રાખો. શરીરમાંથી પાણીનું પ્રમાણ ઘટાડે તેવા પીણા જેમકે શરાબ, ચા, કોફી, સોફટ ડ્રીંક્સ ન લો, પ્રોટીનની વધુ માત્રા વાળા, મસાલેદાર, તળેલા, વધુ પડતા મીઠા વાળા આહારને ત્યજો.
કૃષિ વિષયક માર્ગદર્શન
ઉભા પાકને હળવુ તેમજ વારવાર સિંચન કરો. પાક વિકાસની મહત્ત્વના સ્તરે સિંચાઈની માત્રા વધારો. નિંદામણ કરીને જમીનના ભેજનું પ્રમાણ જાળવો. વહેલી સવારે અથવા સાંજે સિંચાઈ કરો. જો તમારો વિસ્તાર હીટ વેવ કે લુ ફુંકાતા પવનમાં આવતો હોય તો સ્પ્રિક્લરથી સિંચાઈ કરો.
પશુપાલકોને માર્ગદર્શન
પશુઓને છાયડામાં રાખો અને તેમને શુદ્ધ અને ઠંડું પાણી પુષ્કળ પ્રમાણમાં આપો. તેમની પાસેથી સવારના ૧૧ વાગ્યાથી બપોરના ૪ વાગ્યા સુધી કામ ન લો. આશ્રય સ્થાનનું તાપમાન ઓછું કરવા માટે તેના છતને ઘાસની ગંજીથી ઢાંકો, અથવા તો છાણ કાદવ અથવા સફેદ રંગથી રંગો. આશ્રય સ્થાનમાં પંખા લગાવો, પાણીનો છટકાવ કરો કે, ફોગસ લગાવો.બહુ જ ગરમી હોય તેવા સંજોગોમાં પાણીનો છટકાવ કરો અથવા પશુને પાણીના હવાડા નજીક લઈ જઈ આહારમાં તેમને લીલો ચારો આપો.પ્રોટીન ચરબી વગરનો આહાર આપો, ખનીજ દ્રવ્ય યુક્ત ખોરાક આપો. જ્યારે બહુ ગરમી ન પડતી હોય એ સમયે ચરાવા લઈ જાવ.મરઘા ઉછેર કેંદ્રમાં પડદા લગાવો અને હવા ઉજાસની યોગ્ય વ્યવસ્થા કરો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મેલેરિયાને નાથવા ઘર આંગણે તુલસીના છોડ રોપોઃ
માનવજાતને પીડનાર અને માનવીની જીવનીય શકિત (વાઈટાલીટી)ને કોરી ખાનાર મેલેરિયાને ઓછો કે નાબુદ કરવાની વિચારણામાં પ્રથમ મચ્છર વિશે વિચારવાનું છે. મચ્છરોનો નાશ એટલે મેલેરીયાનું નિવારણ ?
મચ્છરોનું જીવન પાણીમાં શરૂ થાય છે *જયા પાણી ત્યાં જ મચ્છર'' એ સુત્ર પ્રમાણે આપણા મકાનોની ખાળ, ખાળકુંડી, અને પાણી ભરાઈ રહેવાનાં ખાડા તદ્ સાફ અને પાણી વગરના રાખવા જોઈએ, ખાળના પાણી રસ્તા પર ફેલાઈ ગંદકી ન થાય એની ચોકસાઈ રાખવી જોઈએ. શહેર કે ગામની અંદર કે બહાર નાના મોટા ખાડા હોય છે, તેમાં ચોમાસનું પાણી ભરાઈ રહેવાથી મચ્છરોને ઉછેરવાનું સ્થાન મળી રહે છે. તેથી આવા ખાડાઓ પુરાવી દેવા કે તેમાં સમાયેલાં પાણીનો નિકાલ કરવાની વ્યવસ્થા કરવી જોઈએ. ઘરની આસપાસનું વાતાવરણ સારૂ રહે અને ઘરોની આસપાસ ફાલતું ઘાસ ન હો તો મચ્છરોનો ઉપદ્રવ ખૂબ જ ઓછો થાય છે.
વૈદકશાસ્ત્રનાં જાણકારોના માનવા મુજબ ઘર આંગણે ગાય પાળેલી હોય તો રોગ દાતા મચ્છરોના દંશમાથી માનવીને મુકિત મળે. એક જમાનામાં ગૌ-સેવાનો મહિમા ધર્મ હતો, સાથે સાથે ઘર આંગણે તુલસી ઉછેરવાનો પણ મહિમા હતો. તુલસીના છોડમાંથી પ્રાણવાયુ નીકળે છે. જેથી હવા ચોખ્ખી રહે છે. એવુ કહેવાય છે કે, તુલસી અને તેનાં વર્ગના છોડવાઓ રોપવાથી મચ્છરો દૂર ભાગે છે કે ત્યાંથી અદૃશ્ય થાય છે અને મેલેરિયાનો ફેલાવો ઓછો થાય છે. તેથી મેલેરીયા ગ્રસ્ત ક્ષેત્રમાં ઘરનાં ફાળિયામાં કે આંગણામાં તુલસીના છોડ રોપાવવા જોઈએ.
આયુર્વેદની ચરકસંહિતા, સુશ્રુત સંહિતા, ભાવપ્રકાશ વગેરે મહાન ગ્રંથોમાં વિષમે જવર (મેલેરિયા) થી બચવા માટે શું શું કરવુ જોઈએ, તેનો રોગચાળો ચાલતો હોય ત્યારે કઈ તકેદારી રાખવી, આહાર -વિહારમાં કેવી રીતે સાવધાની રાખવી, ઉપરાંત લસણ, જીરૂ, હરડે વગેરેના સરળ ઘરગથ્થુ ઉપાયો દર્શાવેલા છે. તેમજ મચ્છર વિરોધી ધૂપ-વજ, સરસવ, ગુગળ, લીમડાના પાન વગેરેનું પણ વર્ણન છે. આયુર્વેદ શાસ્ત્રમાં દર્શાવેલા આદેશોનું પાલન કરાય તો ચોકકસ એક દિવસ આદિકાળથી માનવીને પીડનાર અને માનવજાતના આરોગ્યનો મહાન શત્રુ મેલેરિયાનો તાવ અને આ તાવ ફેલાવનાર મચ્છરોને નાથી શકાશે કે કાબુમાં રાખી શકાશે ?.
સંકલનઃ વૈદ્ય ડી.પી. મહેતા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સર્કેડિયન રિધમ મુજબ શરીરની અંદરની ઘડિયાળ મુજબ રોજિંદો શિડ્યુલ ગોઠવાતો હોય છે
શું નિંદર આવવામાં તકલીફ પડે છે? નિંદર મોડી આવે અને ઊઠવામાં મોડા થાય છે? શું દિવસ ભર સુસ્તી લાગે છે? તો તે ડિલેઈડ સ્લીપ ફૈઝ સિન્ડ્રોમના કારણે હોય શકે છે.
આ રોગને સામાન્ય વ્યવહારમાં અનિદ્રા જ કહેવામાં આવે છે પણ તેમાં કારણો અને ઉપાય કરવાથી લાભ થઈ શકે છે. આ રોગમાં રોગી માટે માનસિક અને શારીરિક રીતે પીડાકારક હોય છે અને ટ્રાન્કયુલાઇઝરના ઉપયોગ પછી પણ સમસ્યા રહી શકે છે. ડિલેઇડ સ્લીપ શું છે?
સામાન્ય રીતે વ્યક્તિને ૧૦.૩૦ નિંદર આવવા લાગે અને ૬ વાગ્યાની આસપાસ જાગે જેને સામાન્ય ક્રમ કહે છે. પણ જ્યારે આ ક્રમમાં ફેરફાર થાય અને નિંદરની માત્ર (નિંદરના કલાકમાં ફેરફાર થતો નથી) પણ નિંદર આવવાના સમયમાં ફેરફાર થાય છે એટલે કે નિંદર ૧૦.૩૦ અથવા ૧૧ વાગ્યે આવવાના બદલે ૧૨ અથવા ૧ અથવા ૨ વાગે આવે અને ઊઠવાનો સામે તે જ રીતે મોડો થાય. નિંદરના આ ક્રમનો ફેરફારને ડિલેઇડ સ્લીપ ફૈઝ સિન્ડ્રોમ કહે છે.
નિંદર, ભૂખ, મળ અને મૂત્રની હાજત વિગેરે એક ચોક્કસ પ્રકારના ઘટનાક્રમ પ્રમાણે અને ચોક્કસ સમયે થતા હોય છે જે શરીરની અંદરની ઘડિયાલને આભારી હોય છે જે એક રિધમ પ્રમાણે થતું હોય તેને સર્કેડિયન રિધમ કહે છે.
ડિલેઇડ સ્લીપના કારણો
આ રોગના અનેક કારણો હોય શકે છે જેમાંના અગત્યના કારણોમાં આનુવાંસીક (જીનેટિક વારસાગત), માનસિક તાણ, માનસિક વિકારો (ડિપ્રેશન, એન્ઝાઇટી, વિ.) જ્ઞાન તંતુના વિકારો (સ્ટ્રોક લકવા પછી જોવા મળે શકે), ઉંમર, કામ, વ્યવસાયના પ્રભાવ (શિફ્ટ જોબ, કોમ્પ્યુટર પર કામ કરનારા, વિદેશી કંપનીઓમાં ઓનલાઈન જોબ કરનારા વિ.), મોડે સુધી જાગવાની સતત ટેવ અને વધતી ઉંમર.
ડિલેઇડ સ્લીપના લક્ષણો
આ રોગના લક્ષણોમાં નિંદર આવવામાં મોડું થવું, દિવસ દરમ્યાન ઘેનની અસર રહેવી, કામ કરવામાં તકલીફ પડાવી, ખોરાકના પાચનમાં અનિયમિતતા થવી, પેટની તકલીફ થવી, અને સતત રીતે થતી નિંદરમાં ફેરફાર થવાના પરિણામે સતત માનસિક તાણની અનુભૂતિ થવી જે લાંબા સમયે સ્ટ્રેસના કારણે થતાં રોગો જેમ કે ડાયાબિટીસ, બીપી, હાર્ટ ડી સીઝ, વિગેરે.
શું ડિલેઇડ સ્લીપ અતિ ગંભીર રોગ છે?
આ રોગ માં જીવ નું જોખમ કે ઇર્મજન્સી નથી હોતી પણ જો રોગ લાંબા સમય સુધી તકલીફ આપતો હોય શકે. જેના પ રિણામ ગંભીર હોય શકે જેમ કે લાંબાગાળાના શારીરિક, માનસિક અને ઈમ્યુનોલૉજીક ફેરફાર કરી શકે છે.
ડિલેઇડ સ્લીપ ડીસીઝની
આયુર્વેદમાં સારવાર
આ રોગ સારવાર આયુર્વેદ વિજ્ઞાનમાં છે; આયુર્વેદ ના ગ્રંથો જેવા કે ચરક સંહિતા, સુશ્રુત સંહિતા વિગેરે ગ્રંથો માં રોગનું વિસ્તારપૂર્વક વર્ણન છે તેમ કહેવું અયોગ્ય નથી. રોગની ચિકિત્સા માટે આયુર્વેદ ચિકિત્સક રોગીને તપાસી અને રોગની ચિકિત્સાનું પ્લાન કરે. જેમાં દવાઓ, પંચકર્મ, મૂર્ધતૈલ ચિકિત્સા, આહાર ચિકિત્સા, લાઈફ સ્ટાઈલ ટ્રીટમેન્ટ હોય શકે.
આ રોગમાં વપરાતી મુખ્ય દવાઓમાં સર્પગંધા, બ્રાહ્મી, શંખપુષ્પી, અશ્વગંધા, નિદ્રોદય, જટામાંસી, તગર, ખુરાસાની અજમો, મુખ્ય છે. રોગીની તાસીર, રોગની ગંભીરતા, રોગીનું ટોલરન્સ વિગેરેના આધારે રોગીને દવાઓનો ઉપયોગ કરી શકાય.
ડિલેઇડ સ્લીપ ડીસીઝમાં
ખોરાક અને લાઈફ સ્ટાઈલ
આ રોગ સારવારમાં ખોરાક અને લાઈફ સ્ટાઈલનું વિશેષ મહત્ત્વ છે. ખોરાક માં ફાસ્ટ ફૂડ, પ્રોસેસ્ડ ફૂડ, તળેલો આઠેલો ખોરાક, પચવામાં સમય વધુ લાગતો હોય તેવો ખોરાક, અતિ મસાલાવાળો ખોરાક અને અતિશય માત્રામા લીધેલો ખોરાક રોગ ને વધારી શકે તેથી ન લેવો જોઈએ. તેમાં પણ વિશેષ કરીને સાંજના ખોરાકમાં ઉપરની વસ્તુઓ ન જ લેવી હિતાવહ છે. અમુક લોકો સાંજે મેજર મિલ લેતા હોય છે એટલે કે ડિનર હેવી લેતા હોય છે. જે ભારતીય પરંપરામાં પ્રદોષ સાથે સરખાવી શકાય જેમ પ્રદોષમાં સાંજના સંધ્યાના સમય (જેને પ્રદોષ કાળ પણ કહે છે) તેમાં ખોરાક લેવો જોઈએ (સાંજે ૭ વાગ્યા સુધી).
લાઇફ સ્ટાઈલમાં યોગ્ય ફેરફાર કરવો રોગની શાંતિ માટે અનિવાર્ય છે જેમાં રાત્રે ટીવી જોવું, બહાર ફરવું, ઇલેક્ટ્રોનિક માધ્યમનો અતિ ઉપયોગ વિગેરે ઓછું કરવું જોઈએ. નિંદરની રિધમમાં લાવવા સતત ૩-૪ પખવાડિયા સુધી રાત્રે વહેલા સૂવું, જો નિંદર ના આવે તો ઊંડા શ્વાસ લેવા, માથા-પગ પર માલીસ કરવું, આંખ બંધ કરી ધ્યાન કરવું, યોગ-યોગાસન શ્વસન કરવું વિગેરે.
ડિલેઇડ સ્લીપમાં ચિકિત્સા
કરવી જરૂરી શું કામ છે?
આ રોગ સારવારની જરૂરિયાત ખૂબ જ વધુ છે, રોગ પોતે ભલે જીવલેણ ના હોય પણ તેના પરિણામે ગંભીર માનસિક, શારીરિક, ઈમ્યુનોલૉજીક સમસ્યા, મેટાબોલિક ડીસીઝ થઈ શકે છે તેથી રોગની સારવાર જરૂરી હોય છે. સામાન્ય રીતે જે રોગમાં લાંબા સમય સુધી દવા લેવાની જરૂરી હોય તેમાં કુદરતી ઉપચાર આયુર્વેદનો ઉપયોગ કરવો જ વધુ હિતાવહ માનવામાં આવે છે જે વિશેષ માં.
વધુ માહિતી અને પરામર્શ માટે આયુર્વેદ ચિકિત્સકનો સંપર્ક કરવો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આજે આંતરરાષ્ટ્રીય મહિલા દિવસે જાણીએ નારીના મનની વાતઃ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વિશ્વમાં દર વર્ષે ત્રીજી માર્ચે વિશ્વ વન્યજીવન દિવસ ઉજવાય છે, ત્યારે ગુજરાતમાં થતી પ્રવૃત્તિઓનું વિહંગાવલોકન
ખંભાળિયા તા. ૨૮: ગુજરાતમાં વિવિધ પ્રજાતિઓની અંદાજે ૫.૬૫ લાખથી વધુ વસ્તી નોંધાઈ છે. રાજ્યમાં એશિયાઈ સિંહ, નીલગાય, વાંદરા, કાળીયાર, દિપડા, સાંભર, ચિંકારા, વરૂ, ધુડખર, ડોલ્ફિન, સર્પ જેવા અનેક વન્ય પ્રાણીઓને ભયમુકત વાતાવરણ મળી રહ્યું છે. રાજયમાં વન્ય-જળચર પ્રાણીઓનો સમૃદ્ધ વારસો જળવાયો છે. ગુજરાતમાં એશિયાઈ સિંહની સંખ્યા ૬૭૪થી વધુ નોંધાઈ છે.
ઇકોસિસ્ટમ, લુપ્તપ્રાય વનસ્પતિ, પ્રાણીસૃષ્ટિને બચાવવા અને પર્યાવરણનું જતન કરવા વડાપ્રધાન નરેન્દ્રભાઈ મોદી ગુજરાતના મુખ્યમંત્રી હતા ત્યારથી તેમણે કડક કાયદાઓ, નિયમો અને યોજનાઓ અમલમાં મૂકી છે. જેને મુખ્યમંત્રી ભૂપેન્દ્ર પટેલ સુપેરે આગળ ધપાવી રહૃાા છે. જેના ફળરૂપે છેલ્લા દોઢ દાયકાથી વન્ય પ્રાણીઓ માટે ગુજરાત વધુ સુરક્ષિત રાજ્ય બન્યું છે. આજે ગુજરાતમાં એશિયાઈસિંહ, નીલગાય, વાંદરા, કાળીયાર, દિપડા, સાંભર, ચિંકારા, વરૂ, ઘુડખર, ડોલ્ફિન, સર્પ જેવી વિવિધ પ્રજાતિઓની અંદાજિત ૫.૬૫ લાખથી વધુ વસ્તી નોંધાઈ છે, જે ગુજરાતીઓ માટે ગૌરવ સમાન છે.
ગુજરાત સહિત વિશ્વભરમાં દર વર્ષે તા. ૩ માર્ચના રોજ વિશ્વ વન્યજીવન દિવસ તરીકે ઉજવવામાં આવે છે. જે અંતર્ગત વિશ્વની વન્ય પ્રાણીસૃષ્ટિ અને વનસ્પતિઓ અંગે લોકજાગૃતની સાથે તેમનું સંરક્ષણ-સંવર્ધન થઈ શકે તેવી પ્રવૃત્તિઓ કરવામાં આવે છે.
વન અને પર્યાવરણ મંત્રી મૂળુભાઈ બેરા અને રાજ્ય મંત્રી શ્રી મુકેશ પટેલના માર્ગદર્શનમાં વન વિભાગ સહિત વિવિધ પ્રાણીપ્રેમી સંસ્થાઓ દ્વારા પ્રાણી સંવર્ધન અને સંરક્ષણની પરિણામલક્ષી કામગીરી કરવામાં આવી રહી છે. જેના પરિણામ સ્વરૂપ રાજ્યમાં છેલ્લે વર્ષ ૨૦૨૦માં થયેલી વન્યજીવ વસ્તી ગણતરી મુજબ એશિયાઈ સિંહની સંખ્યા ૬૭૪થી વધુ, જ્યારે વસ્તી અંદાજ - ગણતરી વર્ષ ૨૦૨૩ મુજબ નીલગાય ૨.૨૪ લાખથી વધુ, વાંદરા બે લાખથી વધુ તેમજ જંગલી સુવર અને ચિત્તલ એક લાખથી વધુ જોવા મળ્યા હતા. આ ઉપરાંત ૯,૧૭૦ કાળીયાર, ૮,૨૨૧ સાંભર, ૬,૨૦૮ ચિંકારા, ૨,૨૯૯ શિયાળ, ૨,૨૭૪ દિપડા, ૨,૨૭૨ લોંકડી, ૧,૪૮૪ વણીયર, ૧,૦૦૦થી વધુ ચોશીંગા તેમજ ૨૨૨વરૂ રાજ્યમાં નોંધાયા છે. ઉપરાંત ગત વર્ષ ૨૦૨૪માં યોજાયેલી ગણતરી મુજબ ૭,૬૭૨ જેટલા ઘુડખર, ભારતીય કોબ્રા, કોમન ક્રેટ, રસેલ્સ અને સો-સ્કેલ્ડ વાયપર જેવા ૩૦૦થી વધારે ઝેરી સર્પો અને ૬૮૦ જેટલી ડોલ્ફિન સહિત ગુજરાતમાં કુલ ૫.૬૫ લાખથી વધુ પ્રાણીઓ નોંધાયા છે. જે સમગ્ર રાજ્ય માટે વન્યજીવ પ્રાણી સંરક્ષણ ક્ષેત્રે વિશેષ સિદ્ધિ છે.
રાજ્ય સરકારે હર હંમેશ વન્યજીવ અને સમગ્ર પ્રાણીસૃષ્ટીની ચિંતા કરી અને તેમના જતન માટે અનેક પ્રયાસ કર્યા છે. રાજ્યના જંગલોમાં ઘણા દુલર્ભ અને સંવેદનશીલ પ્રાણીઓ જોવા મળે છે, જેમાં ભારતીય વરૂનો પણ સમાવેશ થાય છે. તાજેતરમાં વન વિભાગ અને ગુજરાત ઇકોલોજીકલ એજ્યુકેશન એન્ડ રિસર્ચ ('ગીર') ફાઉન્ડેશન દ્વારા મહત્વની પહેલ થકી વર્ષ ૨૦૨૩માં રાજ્યમાં વરૂ વસ્તી ગણતરી કરવામાં આવી હતી. જેમાં રાજ્યના ૧૩ જિલ્લામાં અંદાજે ૨૨૨ વરૂ નોંધાયા છે. જેમાં સૌથી વધુ ૮૦ વરૂ ભાવનગર જિલ્લામાં નોંધાયા છે. જ્યારે ૩૯ નર્મદા જિલ્લામાં, ૩૬ બનાસકાંઠામાં, ૧૮ સુરેન્દ્રનગરમાં, ૧૨-૧૨ જામનગર અને મોરબીમાં તેમજ ૦૯ કચ્છ જિલ્લામાં વરૂ જોવા મળ્યા છે. ઉપરાંત પોરબંદર, મહેસાણા, નવસારી, પાટણ, અરવલ્લી અને સુરત જિલ્લામાં પણ વરૂનું અસ્તિત્વ નોંધાયું છે.
દેશમાં એક માત્ર ગુજરાતમાં જોવા મળતા ઘુડખર એ રાજ્યનું ગૌરવ છે. ગુજરાત સરકારના અવિરત પ્રયાસ તેમજ વિવિધ જાગૃતતા અભિયાનોના પરિણામે રાજ્યમાં ૭,૬૭૨ જેટલી ઘુડખરની વસ્તીમાં નોંધાઈ છે, એટલે કે અંદાજે ૨૬.૧૪ ટકાનો વધારો થયો છે. ઘુડખર મુખ્યત્વે રાજ્યના ૬ જિલ્લાઓમાં જોવા મળે છે, જેમાં ૨,૭૦૫ ઘુડખર સૌથી વધુ સુરેન્દ્રનગર જિલ્લામાં વસવાટ કરે છે. જ્યારે ૧,૯૯૩ ઘુડખર કચ્છ જિલ્લામાં, ૧,૬૧૫ પાટણમાં, ૭૧૦ બનાસકાંઠામાં, ૬૪૨ મોરબીમાં તેમજ ૦૭ ઘુડખર અમદાવાદ જિલ્લામાં જોવા મળે છે. ઉલ્લેખનીય છે કે, ઘુડખર વસ્તી ગણતરી અંદાજ મુજબ વર્ષ ૧૯૭૬માં ૭૨૦ ઘુડખર, વર્ષ ૧૯૮૩માં હતી જેમાં વર્ષ ૨૦૨૪માં ઉત્તરોત્તર વધારો થઈને ગુજરાતમાં છેલ્લી ગણતરી મુજબ ૭,૬૭૨ જેટલા ઘુડખર નોંધાયા છે.
ગુજરાત સૌથી લાંબો સમુદ્રી કિનારો ધરાવતો હોવાના લીધે સમૃદ્ધ જળચર પ્રાણી વારસો એટલે કે, અનેક દુર્લભ જળચર પ્રાણીઓ જોવા મળે છે. જેમાં સૌથી સુંદર અને આકર્ષક પ્રાણી છે 'ડોલ્ફિન'. તાજેતરમાં ગુજરાત વન વિભાગ દ્વારા ગુજરાતમાં ડોલ્ફિનની વસ્તી ગણતરી કરવામાં આવી હતી. જળચર - વન્ય જીવ સંરક્ષણ અને સંવર્ધનના વિશેષ પ્રયાસોના પરિણામે ગુજરાતના ૪,૦૮૭ ચો. કિ.મી.ના દરિયાઈ વિસ્તારમાં અંદાજે ૬૮૦ ડોલ્ફિન નોંધાઈ છે. સ્વસ્થ ઇકોસિસ્ટમ માટે ડોલ્ફિન ખુબ જ મહત્વનું જળચર પ્રાણી છે. જે સમુદ્રી ઇકોસિસ્ટમમાં સંતુલન સુનિશ્ચિત કરવામાં પણ મદદ કરે છે. ગુજરાતના દરિયા કિનારે જોવા મળતી ડોલ્ફિન દેશ - વિદેશના પ્રવાસીઓ માટે નવું આકર્ષણ કેન્દ્ર બની છે.
કેન્દ્ર સરકાર દ્વારા કચ્છના બન્ની વિસ્તારમાં 'ચિત્તા કન્ઝર્વેશન બ્રિડીંગ સેન્ટર' પણ તૈયાર કરવા મંજૂરી મળી છે, જેનું કામ હાલ પ્રગતિમાં છે. જે ભવિષ્યમાં ચિત્તાના સંરક્ષણ અને સંવર્ધન માટે અગત્યનો ભાગ ભજવશે.
આ ઉપરાંત વર્લ્ડ હેલ્થ ઓર્ગેનાઈઝેશ - ઉઁર્ંની માર્ગદર્શિકા મુજબ રાજ્યમાં વલસાડ જિલ્લાના ધરમપુરમાં સૌપ્રથમ સર્પ સંશોધન સંસ્થાનની સ્થાપના કરવામાં આવી છે. જ્યાં સર્પદંશને લગતા સંશોધન, નિવારણ, નિદાન, સારવાર, પુનર્વસન તેમજ ગુજરાત અને પડોશી રાજ્યોના મેડિકલ અધિકારીઓને સર્પદંશના ઉપચાર તથા વ્યવસ્થાપન અંગે તાલીમ આપવાની કામગીરી કરવામાં આવે છે. આ સર્પ સંશોધન સંસ્થાનમાં હાલમાં લગભગ ૩૦૦થી વધારે ઝેરી સાપ રખાયા છે, જેની સંખ્યા ભવિષ્યમાં ૩,૦૦૦ સુધી લઈ જવામાં આવશે. અહીં ડબલ્યુએચઓની માર્ગદર્શિકા અનુસાર સાપમાંથી વેનમ કલેક્શનની કામગીરી પણ શરૂ કરવામાં આવી છે. ધરમપુર ખાતેના આ સર્પ સંશોધન સંસ્થાનમાં મુખ્ય ચાર ઝેરી સાપોને રાખવામાં આવે છે. જેમાં ભારતીય કોબ્રા, કોમન ક્રેટ, રસેલ્સ વાયપર અને સો-સ્કેલ્ડ વાયપરનો સમાવેશ થાય છે, એમ વન વિભાગની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
નમઃ શંકરાય ચ મયસ્કરાય ચ નમઃ
વિશ્વમાં ભારત જ એકમાત્ર ધર્મભૂમિ છે. ધર્મગ્લાનિને દૂર કરવા ઈશ્વર ભારત માં જ અવતાર લે છે આનાથી એ સિદ્ધ થાય છે ધર્મ ભારતમાં જ છે. જ્યાં ધર્મ હશે ત્યાં જ તો ગ્લાનિ પણ થશે અને અભ્યુત્થાન પણ થશે. વિશ્વમાં અન્ય જે કોઈ પણ ધર્મ તરીકે ઓળખવામાં આવે છે તે ખરેખર તો અલગ અલગ કાળાંતરે વ્યક્તિવિશેષ દ્વારા પ્રવર્તિત સંપ્રદાય કે પાર્ટીમાત્ર જ છે. ભારત માં પણ જ્યારે ધર્મ અનેક મત મતાંતરો માં વિભકત થઈને સંકીર્ણતા પ્રાપ્ત કરી સ્વયં ને જ ધર્મ નામથી ખ્યાપિત કરવા લાગે છે ત્યારે ઈશ્વર અવતાર ધારણ કરીને આ સંકીર્ણતાને દૂર કરી અભ્યુદય નિઃશ્રેયસકારી ધર્મની શુદ્ધિ કરે છે.
ભારતભૂમિમાં શિવ આરાધના અત્યંત પ્રાચીનકાળથી થતી આવી છે. આદિ શંકરાચાર્ય જ્યારે કાશ્મીરની યાત્રા પર ગયા હતા તે સમયે તે શિવઆરાધનાનું મુખ્ય કેન્દ્ર હતું. આદિ શંકરાચાર્યજીએ બોત્તેર મતોનું ખંડન કરીને અદ્વૈતમતની સ્થાપના કરી. બોત્તેર મતોમાંથી એક શૈવ સંપ્રદાય પણ હતો જેનું ખંડન કરીને આદિગુરૂએ શૈવ સંપ્રદાયનો વિલય પણ અદ્વૈતમતના અંતર્ગત કર્યો. ભારતમાં આજે પણ વિભિન્ન શૈવ સંપ્રદાય અસ્તિત્વમાં છે જે આગમથી સંચાલિત થાય છે. શૈવાગમના અનેક ગ્રંથ કાશ્મીર, દક્ષિણ ભારતમાં મળે છે. આજે દુર્ભાગ્યવશ દક્ષિણભારતના લિંગાયત શૈવ પોતાને હિન્દુ માન્યતાથી અલગ કરી અલપસંખ્યક થઈ ગયા છે. આ હિન્દુ ધર્મને દુર્બળ કરવાનું કાર્ય થયું છે. જો આવી જ રીતે વિભિન્ન સંપ્રદાય પોતપોતાની સ્વતંત્ર સત્તા બનાવવા લાગશે તો આજથી અઢી હજાર વર્ષ પહેલાવાળી પરિસ્થિતિ ફરીથી નિર્મિત થશે માટે આ ચિંતાજનક છે. શૈવ વૈષ્ણવ ભેદ આજે પણ અસ્તિત્વમાં છે.
ગોસ્વામી તુલસીદાસજીના ગ્રંથ રામચરિતમાનસને કારણે ઉત્તરભારતમાં ધર્મનું સંતુલન ટકી રહૃાું છે. રામચરિતમાનસમાં તેમણે શ્રીરામના મુખે કહેવડાવ્યું છે-
ઔરઉ એક ગુપુત મત
સબહી કહઉ કરજોરી ા
સંકર ભજન બીના
નર ભગતિ ન પાવઈ મોરી ાા
પરંતુ દક્ષિણભારતમાં આ વૈષ્ણવવાદ આજે ઉગ્રતા ધારણ કરી રહૃાો છે જે ચિંતાજનક છે. શંકરાચાર્ય પરંપરાને પણ શૈવ દૃષ્ટિકોણથી જોતાં મધ્વ સંપ્રદાય જે રીતે શંકરાચાર્યના પ્રત્યે વિષવમન કરે છે તે તેમના હૃદયની સંકીર્ણતા અને અપરાધિક કૃત્ય છે. શંકરાચાર્ય માત્ર શૈવ નહીં પરંતુ પંચદેવોપાસક હતા. તેમણે શિવ વિષ્ણુ ગણેશ દેવી સૂર્યની ઉપાસનાનો સમાનભાવથી પ્રચાર કર્યો. વેદમાં રૂદ્રાષ્ટાધ્યાયીના નમક ચમક અધ્યાયમાં ભગવાન શિવના વ્યાપક સ્વરૂપનું વર્ણન કરતાં કરતાં કણ કણમાં તેમની વ્યાપ્તિનું ગાન કરવામાં આવ્યું છે. વસ્તુતઃ આ જ વેદ પ્રતિપાદિત શિવ સ્વરૂપ આદિકાળથી ભારતમાં પૂજિત કરવામાં આવી રહૃાું છે નહીં કે સપ્રદાયગત શિવસ્વરૂપ.
ઉપાસનાના મહાપર્વ મહાશિવરાત્રિમાં બહુસંખ્યક ભારતવાસી વેદોક્ત શિવઆરાધના થકી નિઃશ્રેયસ અને અભ્યુદય પ્રાપ્ત કરે છે તો તે આદિ શંકરાચાર્યની પંચદેવોપાસનાનો જ પ્રચાર છે. શિવરાત્રિના યોજાયેલા પાવન અવસર પર ભગવાન ચંદ્રમૌલેશ્વરને ભારતના અભ્યુદયની કામના કરીએ છીએ.
:: આલેખન :: સ્વામી સદાનંદ સરસ્વતી
જગદગુરૂ શંકરાચાર્ય શારદાપીઠ, દ્વારકા (ગુજરાત)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
નગરજનો કંટાળી ગયા છે તેથી હવે ક્યાંક એવો શંખનાદ્ સંભળાશે કે, "સિંહાસન ખાલી કરો, કી જનતા આતી હૈ..."
જામનગરની જી.જી. હોસ્પિટલમાં દર્દીઓની ભીડ વધી રહી છે અને કેસબારીના સ્ટાફ સાથે દર્દીઓ તથા તેના સગાઓનું ઘર્ષણ વધી રહ્યું છે, તેવા અહેવાલો નગરમાં વકરેલા રોગચાળાની તીવ્રતા પૂરવાર કરે છે અને આ રોગચાળો મુખ્યત્વે મચ્છરજન્ય હોવાના તારણો પણ નીકળી રહ્યાછે. જામનગરમાં મચ્છરોનો ઉપદ્રવ એટલો વધ્યો રહ્યો છે કે, તેનાથી ડોરપેક કમરાઓમાં એરકન્ડીશન્ડ માહોલમાં જીવતા ઉચ્ચ અધિકારીઓ, વીઆઈપી, ધનકુબેરો તથા સરકારી અતિથિઓમાં રાત્રિ નિવાસ કરતા મહાનુભાવો પણ ત્રાસી ગયા છે. આ સ્થિતિમાં ગરીબ, મધ્યમ વર્ગિય તથા ઉપર આભ અને નીચે ધરતીની સ્થિતિમાં જીવન ગુજારતા કમનસીબ લોકોની હાલત કેવી થતી હશે, તે સમજી શકાય તેવું છે, ખરૃં કે નહીં?
જામનગર મહાનગરપાલિકાની આરોગ્ય શાખા આરોગ્ય શાખાના સ્ટાફ દ્વારા ડોર-ટુ-ડોર સર્વે કરીને ૪૦૦ થી વધુ તાવ-શરદી-ઉધરસના દર્દીઓ નોંધવામાં આવ્યા હતાં. નગરના ૪૮ હજારથી વધુ ઘરોની મુલાકાત લઈને લોકોને જરૂરી માર્ગદર્શન આપવાની સાથે સાથે ચોખ્ખા પાણીના સંગ્રહમાં ઉત્પન્ન થતા મચ્છરોનો ઉપદ્રવ ઘટાડવા જરૂરી સાફસફાઈ વગેરે સાવચેતીના પગલાં લેવાની સમજ પણ આપવામાં આવી હતી. આરોગ્ય શાખાએ એક અખબારી યાદીમાં કરેલા દાવા મુજબ મચ્છરોના ઉપદ્રવને અંકુશમાં લેવા ફોગીંગ, જંતુનાશક દવાઓનો છંટકાવમાં આવ્યો હતો.
છેલ્લા કેટલાક દિવસોથી મિશ્ર ઋતુના કારણે મચ્યરનો ઉપદ્રવ વધ્યો છે, અને તેના કારણે રોગચાળાનું પ્રમાણ વધવા લાગ્યું છે, ત્યારે ચીલાચાલુ ઢબે કેટલાક કદમ ઊઠાવીને અને તેનો ઢંઢેરો પીટીને તથા નગરજનોને ઉંધા ચશ્મા પહેરાવીને તંત્રો ભલે પોતાની પીઠ થાબડતા હોય, પરંતુ જો નગરમાં રિયાલિટી ચેક કરવામાં આવે તો વાસ્તવિક્તા બહાર આવી જશે કે નગરના કેટલા વિસ્તારોમાં ફોગીંગ થયું છે અને જંતુનાશક દવાઓનો છંટકાવ કરવામાં આવ્યો છે તે....
જો કે, સવાસો જેટલા આરોગ્યકર્મીઓ દ્વારા હજારો ઘરોની ખરેખર મુલાકાત લેવામાં આવી હોય, તો તેની પ્રશંસા પણ થવી જ જોઈએ, પરંતુ રોગચાળો ફેલાયો જ કેમ? ગંદકી વધી જ શા માટે? મચ્છરો અંકુશમાં કેમ નથી આવી રહ્યા? રોગચાળો ફાટી નીકળ્યા પછી ફોગીંગ, દવા છંટકાવના નાટક કરવાના બદલે આ કામગીરી સઘનતાથી કાયમી કમ નથી કરવામાં આવતી? મચ્છર રખડતા ઢોર અને આવારા કૂતરાઓનો ત્રાસ કેમ વધી રહ્યો છે? નગરજનોને પરેશાન કરતી આ મૂળભૂત સમસ્યાઓ હોવા છતાં ફરી ફરીને જો વર્તમાન શાસનને જનાદેશ મળતો હોય, તો તે નગરના વિપક્ષી નેતાઓની પણ નબળાઈ નથી? ....કે પછી પડદા પાછળ કાંઈક બીજું જ રંધાઈ રહ્યું છે, મિલીભગત છે કે પછી તેરી બી ચૂપ... મેરી બી ચૂપ...!!?
ઘણાં વર્ષો પહેલા એક પ્રખ્યાત અભિનેતા જામનગરની મુલાકાતે આવ્યા હતાં, ત્યારે તેમને પણ જામનગરના મચ્છરો એટલા કનડ્યા હતાં કે તેમણે તેનો ઉલ્લેખ કદાચ જાહેરમાં કર્યો હતો, અને તે પછી ટાઉનહોલની તે સમયની હાલતની ચર્ચા પણ અલગથી શરૂ થઈ ગઈ હતી. વર્ષો વીતી ગયા, ઘણી ચૂંટણીઓમાં વાયદા થયા, પરંતુ જામનગરમાં મચ્છર, કૂતરા અને રખડુ ઢોરની સમસ્યા ઘટવાના બદલે વધતી જ રહી, તેનું જવાબદાર કોણ?
જો જામનગરના સત્તાવાળાઓ આ ત્રણેય સમસ્યાઓનું નિવારણ ન કરી શકતા હોય તો તેની સામે અવાજ ઊઠાવવો જ જોઈએ, અને સાથે સાથે આ સમસ્યાઓ નિવારવા માટે થોડા-ઘણાં પણ પ્રયાસો થતા હોય, તો તેની પણ નોંધ લેવી જ પડે. એવું નથી કે જામનગરના સ્થાનિક નેતાઓ કે તંત્રોમાં આ સમસ્યાઓનું નિવારણ કરવાની તાકાત જ નથી, પરંતુ જરૂર માત્ર તેમનામાં પ્રબળ ઈચ્છાશક્તિ જગાવવાની જ છે, નેતાગણ તથા સંબંધિત અધિકારીઓનો અંતરાત્મા જગાડવાની છે, પરંતુ તે જગાવવો કેવી રીતે?... જરા વિચારો... ક્યાંક નગરમાંથી એવો અવાજ ન ઊઠે કે, 'સિંહાસન ખાલી કરો, કી જનતા આતી હૈ...'
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ખુદમાં હોય દમ, તો સફળતા હર કદમ...
વિદ્યાર્થી મિત્રો ધોરણ ૧૦ અને ૧૨ ની પરીક્ષાની તૈયારી કરી રહૃાા હશે તો પરીક્ષા પ્રત્યે ક્યાંક તો ઘણા બધા પ્રશ્નો થતા હશે? કેમ કે ઘણા વિદ્યાર્થીઓ તમારા કરતા નિષ્ફળ જતા હશે જે થવાનું હતું એ થઈ ગયું. હવે બાકીના દિવસો એટલે કે દિવસ રાત ભેગા કરી સફળ થવું છે આ જ લક્ષ્ય સાથે કંઈક કરી બતાવવું છે કંઈક મેળવવું કંઈક બનવું છે તો વિદ્યાર્થી મિત્રો માટે કોઈ સૂચનાઓ, કંઈક ટીપ્સ, કાંઈક અનુભવી ભૂમિકા પ્રસ્તુત છે.
વિદ્યાર્થી મિત્રો... જેમ પરીક્ષા આપતા આવ્યા છે, તેમ જ પરીક્ષા આપવાની છે. માત્ર ફરક એટલો જ છે કે તમે પરીક્ષા જે તે શાળામાં આપતા હતા અને આગળ-પાછળ આજુ-બાજુ તમારા મિત્રો સાથે પરીક્ષા આપતા બસ આમ જ તમારે આ જ રીતે જરાય ગભરાયા વગર અન્ય જગ્યાએ અન્ય શાળા કે કેન્દ્રમાં વિદ્યાર્થી મિત્રો સાથે પરીક્ષા આપવાની છે પણ તમારે અલગ રીતે તૈયારી કરી જવાની છે.
ખુદમાં હોય જો દમ, સફળતા મળે હરદમ...
સિદ્ધિ તેને જઈ વળે, જે પરસેવે નહાય.
આમાં ઉનાળામાં થતા પરસેવે નાહવાની વાત નથી, પણ સફળતાના માર્ગમાં આવતા અવરોધોનો સામનો કરવાની વાત છે. જો હિંમત હાર્યા વિના દરેક પડકારોને ઝીલવામાં આવે તો સિદ્ધિ પ્રાપ્ત થાય છે એમાં બે મત નથી.
જેમ હરણ સુતેલા સિંહના મુખમાં પોતાની મેળે પ્રવેશતું નથી તેમ માત્ર હ્ય્દયની ઈચ્છાથી નહીં પ્રયત્ન કરવાથી જ કાર્યો સિદ્ધ થાય છે.
મારી પરીક્ષાની તૈયારી હું કેમ કરું ?
કંઈ સમજાતું નથી ?
પરીક્ષાની તૈયારી કરવા માટે પહેલા તો તેનો અભ્યાસક્રમને બરાબર વાંચી લેવો. ત્યારબાદ અભ્યાસક્રમમાં આવતા મુખ્ય મુદ્દાઓને મુદ્દાઓમાં મહત્વના શબ્દાવલીઓને પકડવી સમજવી જરૂરી છે. ત્યારપછી આગળના પાંચ વર્ષના પ્રશ્નપત્ર અત્યારે જ જે શાળા કે બજારમાં તૈયાર ઉપલબ્ધ છે તે મેળવવા તેનું વિશ્લેષણ કરવું. -કયા વિભાગમાં કેટલું પુછાય છે? -કેવા પ્રશ્નો આવે છે? -એમસીક્યુ, એક માર્ક, બે માર્ક વગેરે વધારે કેવા પ્રશ્નો આવે છે? -વધારે અગાઉના વર્ષમાં પૂછાયા તે વારંવાર કરવા. તેના જેવા જ અન્ય પ્રશ્નો જવાબ તૈયાર કરવા વગેરે
- અગાઉના પેપર એટલે કે પ્રેક્ટિસ પેપરની તૈયારી કરવી. તેમાં ખૂબ જ સારી રીતે તૈયાર કરવી અને ત્રણ કલાક જે યાદ કરેલું છે તેનો સંપૂર્ણ ઉપયોગ કરી લખવાની પ્રેક્ટિસ કરો. - પરીક્ષાની તૈયારી શરૂ કરી જ દેજો. -સ્વઅધ્યયન અને પુનરાવર્તન પણ કરવું જરૂરી છે. જેથી વાંચેલું વધુ ઝડપથી યાદ રહે અને તે પણ લાંબા ગાળે માટે યાદ રહે...
બોર્ડની પરીક્ષામાં સારા માર્કસ મેળવીને ટોપર બની શકો છો?
- ધોરણ ૧૦ અને ૧૨ ની બોર્ડની પરીક્ષા આગામી સમયમાં શરૂ થશે. આવી સ્થિતિમાં., જો તમે આ સમયગાળામાં સાચા ટાઇમ ટેબલ સાથે પરીક્ષાની તૈયારી પરીક્ષામાં સારા માર્કસ મેળવીને ટોપર બની શકો. આ માટે વહેલી સવારનું વાચન કરવું. વ્યવસ્થિત પૌષ્ટિક ખોરાક લેવો. વ્યવસ્થિત જે-તે વિષયનું કોન્સેપ્ટની સમજ મેળવવી. વિવિધ આઈએમપી ટોપીકની નોંધ કરવી વગેરે કાળજી રાખવી પડે. તે ઉપરાંત વિષય પ્રમાણે સમય નક્કી કરો તે મુજબનું વાંચન કરવું. સાતથી આઠ કલાકની ઊંઘ જરૂર લેવી વાંચવા બેસો તો તેને ક્યારેય અધૂરું ન છોડો સહેલા વિષયોને પહેલા તૈયાર કરવી. અભ્યાસ + ઊંઘ + ભોજન + ઈત્તર પ્રવૃત્તિઓ + આરામ = સફળતા એ સૂત્ર યાદ રાખવુ.
હજુ સુધી બોર્ડની પરીક્ષા માટે યોગ્ય તૈયારી કરી નથી, તો સૌથી પહેલા દિનચર્યાનું ટાઈમ ટેબલ બનાવવું જોઈએ. જો ઓછા સમયમાં સારી તૈયારી કરવી હોય ઓછામાં ઓછા ૬ થી ૧૦ કલાક અભ્યાસ માટે આપવા અભ્યાસના કલાકો પસંદ કરી અને તે મુજબ તમારો ટાઈમ ટેબલ તૈયાર કરી શકાય છે. તમારે બધા વિષયો માટે સમય આપવો પડશે. જેથી દરેક વિષયની તમારી તૈયારી એક સાથે ચાલુ રહે. ટાઈમ ટેબલમાં જે વિષયમાં કુશળ છો તેને ઓછો સમય આપો અને જે વિષયમાં તમને મુશ્કેલી પડી રહી છે તેને વધુ સમય આપો જેથી કરીને તમે તમારા અભ્યાસમાં સંતુલન બનાવી આપવો જોઈએ.
અભ્યાસ અને પરીક્ષાની તૈયારી દરમિયાન માતા-પિતાએ બાળકોને તમારો સમય આપવો જોઈએ. બાળકને બિનજરૂરી દબાણ ન કરો તેને યોગ્ય પ્રેરણા આપો. પરીક્ષા દરમિયાન માતા-પિતાએ તેમના બાળકોને સારી બાબતો જણાવી જોઈએ તેમને સારું કરવા માટે પ્રોત્સાહિત કરવા જોઈએ. માતા પિતા માટે સારી વસ્તુઓ તેમના માટે પાવર બુસ્ટર તરીકે કામ કરે છે તેથી પ્રયાસ કરો કે જો તમારું બાળક પરીક્ષાને લઈને તણાવ લઈ રહૃાું હોય તો તેને સમજાવો. -કેટલાક વાલીઓ તેમના બાળકોને દરેક બાબતમાં અટકાવતા રહે છે અને ખાસ કરીને પરીક્ષા દરમિયાન બાળકો કંઈક કરે તો તેમને ભણવાનું કહે છે તમારા બાળકો પર વિશ્વાસ કરો તેમના પર વધુ પડતો પ્રતિબંધ મૂકી તેના પર દબાણ ન કરો.
તમામ માતા-પિતા યાદ રાખે માર્ક કરતા સંતાન મહત્વનો છે. પરીક્ષાએ વિદ્યાર્થીનું મૂલ્યાંકન નથી પણ એને એ ત્રણ કલાક દરમિયાન આખા વર્ષની મહેનતને કેવી રીતે પેપરમાં ઉતારી એનું મૂલ્યાંકન હોય છે. આ ત્રણ કલાક દરમિયાન દરેક વિદ્યાર્થી અલગ અલગ માનસિક અવસ્થા માંથી પસાર થતા હોય છે.
બોર્ડની પરીક્ષામાં સફળતા નિષ્ફળતા મળે?
સફળતા અને નિષ્ફળતા મળવી એ આપણા હાથમાં નથી એ તો આપણે વર્ષ દરમિયાન કરેલ સંઘર્ષ વાંચન કરેલ મહેનતનું ત્રણ કલાક દરમિયાન કરેલ બેસ્ટ પર્ફોર્મન્સ એ નક્કી કરે છે કે સફળતા નિષ્ફળતા એવું નક્કી જ છે કે સફળતા મળે કદાચ ના પણ મળે તો નિરાશ ન થવું જોઈએ આવતા વર્ષે બોર્ડની પરીક્ષા આપીશું.
અમિતાભ બચ્ચન કોન બનેગા કરોડપતિના સંચાલન વખતે સરસ વાત કહેલી કે સફળતા બધાને સારી લાગે છે પણ સફળતાને કોણ પસંદ કરે છે? સફળતાને કોનો સાથ પસંદ પડે છે? એ પણ જાણવું ખૂબ જ જરૂરી છે બચ્ચનજી કરોડપતિ બનવા આવેલા મિત્રોને સરસ રીતે જણાવે છે કે સફળતા એને પસંદ કરે છે કે જે વિચલિત ના થાય, કોમ્પ્યુટરજી જેને ડરાવી ન શકે, તેને ઉલજાવી ના શકે, ૧૨મો સવાલ જેને ડગાવી ના શકે, અને ૧૩ મો પ્રશ્ન જેને પડકાર ન આપી શકે તેવા ખેલાડીનો ઇંતેજાર હોય છે અને તેવા ખેલાડી જ જીતતા હોય છે માટે કદાચ કહેવાયું હશે કે જીતવાવાળા કંઈક અલગ કામ નથી કરતા પણ જે કંઈ કરે છે તે અલગ ઢંગથી કરે છે.
પરીક્ષાનો ડર દૂર કરવા મેડિટેશન કરો. થોડું તાજી હવામાં ચાલવાનું રાખો. આત્મ વિશ્વાસ કેળવો અંતમાં વર્ષ દરમિયાન તમે જે મહેનત કરી છે એ મહેનત તમને સફળતા સુધી લઈ જવાની છે. પરીક્ષામાં આત્મવિશ્વાસ સૌથી વધારે જરૂરી હોય છે. આત્મવિશ્વાસથી પેપર લખીને સારા માર્કસે ઉત્તીર્ણ થઈને પરિવાર સમાજનું નામ રોશન કરો અને તમને મનગમતી ફિલ્ડમાં એટલે કે તમારે કોમર્સ, આર્ટ્સ, સાયન્સમાં એડમિશન તથા તમને ગમતી કારકિર્દી મળે તેવી પરીક્ષા આપતા ધોરણ ૧૦ અને ૧૨ના તમામ વિદ્યાર્થી મિત્રોને ખૂબ ખૂબ શુભેચ્છાઓ...
રવિ ખેતાણી (જામનગર)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આધુનિક યુગને 'શિક્ષણયુગ' નામ આપી શકાય એવી રીતે ગુજરાતમાં શિક્ષણની ચર્ચાઓ, પરિસંવાદો, સરકારની છાશવારે બદલાતી નીતિઓ, એડમિશન-ડોનેશનની મથામણો, સરકારી શાળામાં ગુણોત્સવો વગેરે અત્યારે અખબારોની હેડલાઈન બની વારે-વારે નજર સામે આવે છે.
આ બધી સમસ્યાઓનું મૂળ છે, આજની શિક્ષણ પ્રણાલી. કે.જી.થી લઈને દરેક વિદ્યાર્થીઓને આપણે જોઈએ એટલે કોઈ બાળક નહીં, મજૂર જતો હોય એમ દફ્તરરૂપી કોથળો ખભે ટાંગીને જતો હોય જાણે ખીંટીએ ગુણી ટીંગાડી હોય અને ખીંટી તૂટું-તૂટું થતી હોય એવું દૃશ્ય લાગે મને તો! અને જેમ જેમ આગળ શિક્ષણ વધે અને વિદ્યાર્થીઓ ધોરણ ૧૦/૧ર બોર્ડના વર્ષ સુધી પહોંચે ત્યાં તો તેઓ 'રેસના ઘોડા'! વાલીઓ, શિક્ષકો, સગા-વહાલાઓ બધા જાણે એની લગામ જુદી જુદી દિશામાં ખેંચતા હોય તેમ વિદ્યાર્થીને મોઢે ફીણ આવી જાય, કમર બેવડી વળી જાય એટલી અપેક્ષાઓના પોટલા!
બોર્ડનું વર્ષ ચાલુ થતા અમુક ઘરમાં તો 'બોર્ડ'મય કાળું ધાકોર જાણે! એમાં પણ પરીક્ષા આવતા સુધી તો એલાન-એ-જંગ... ટી.વી. બંધ, રમતગમત બંધ, મનોરંજન બંધ, મોબાઈલ-કોમ્પ્યુટર બંધ, પાર્ટી-ફંક્શન બંધ, ઘર આખું સજ્જડ બમ.
અમુક વિદ્યાર્થીઓ કોઈપણ પ્રકારનું ટેન્શન લીધા વિના કે કોઈની સલાહ ગણકાર્યા વિના 'જે થાય તે થવા દેવું' એમ માની બિન્દાસ ગમે તે પરિણામ સ્વીકારી લે છે. અમુક વિદ્યાર્થીઓ અતિ હોંશિયાર હોય, મહેનતુ હોય એમને પણ સરવાળે ઓછું ટેન્શન રહે છે, પણ બોર્ડની પરીક્ષાઓમાં જેમનો બુદ્ધિઆંક મધ્યમ હોય તેવા વિદ્યાર્થીઓનો મોટો સમૂહ હોય છે. તેમની મનોવ્યથા સમજવા પ્રયાસ કરવો એ આજના કથળેલા-કલુષિત થયેલા શિક્ષણની દિશા બદલવા સમજવું ખૂબ જરૂરી બન્યું છે.
બોર્ડનું આખું વર્ષ તો ખેંચાયા કરે, પણ વડીલોનું પ્રેશર ક્યારેક એટલું વધી જાય કે બોર્ડની પરીક્ષા વખતે અમુક વિદ્યાર્થીઓ માનસિક રીતે સાવ ભાંગી પડે છે. સાથે સાથે હળવા થવા માટેના આ સમ દરમિયાન ઘણાં આકર્ષણો તરફ તેમનું ધ્યાન ફંટાવા લાગે છે. આ સમયમાં ચાલતા મેરેજ-ફંક્શન્સ, મેચ, હોળી-ધૂળેટીના તહેવારો, શિયાળામાં વધુ થા પ્રવાસ-પિકનિક વગેરે લલચાવનારા આકર્ષણો સામે પુસ્તકોમાં જ માથું રાખવું એ અઘરૂ લાગે છે.
આ બધી વાતો વિદ્યાર્થીઓના આંતરમનમાં ચાલતી રહે છે, ત્યારે ક્યારેક એના હૃદય પાસે કાન માંડીએ તો સંભળાશે કે એનું અંતર પણ બોલે છે.
અમે દિલથી મહેનત કરીએ છીએ, તમે એ જુઓ.
સતત ખીજાવાને બદલે ક્યારેક અમારી હાલત સમજવા પ્રયત્ન કરો તો અમે હળવા રહીશું.
ઘરના વૃક્ષોની જેમ જ અમને પણ તમારા પ્રેમ, અમારા પ્રતિ સમજણ અને આ થોથામાંથી બહાર શ્વાસ લેવા દેવાની માનવતારૂપી ખાતર-પાણીનું સિંચન આપી તમારા બાગના આ ફૂલ-છોડને બોર્ડ નામની બીકથી કરમાવા ન દ્યો.
તમારી અપેક્ષાઓમાં ખરા નહીં ઉતરીએ તો? એ શરમ અને સતત વિચારોથી ગભરામણ અને સંઘર્ષમાં અટવાઈ જઈએ છીએ.
અડધી-અડધી કલાકે અમારા રૂમમાં કોઈને કોઈ બહાના હેઠળ આંટો મારી અમારી પ્રવૃત્તિ પર નજર રાખવાના કિમિયા જોઈ ધ્યાનભંગ થવાની સાથે સાથે ક્યારેક અમારૃં દિલ દુભાય છે કે શું અમે એટલા ભરોસાને લાયક સંતાન નથી?
અમારી પરીક્ષા વખતે તમને ચિંતામાં જોઈ અમે નર્વસ થઈ જઈએ છીએ કે પપ્પાની મહેનતના પૈસા અને મમ્મીના રાતોના ઉજાગરા તેમજ અમારા માટે તમે પણ ટી.વી. બંધ, મનોરંજન બંધ રાખેલ એ બધું વેડફાય નહીં, ત્યારે અમને મન થાય કે આ ફાસ્ટલાઈફમાંથી થોડો સમય કાઢી આપણે બધા સાથે ટી.વી. જોઈએ, ક્યારેક દોસ્તો સાથે રમીએ.
અમારા જમાનાના આ ગ્રંથો જેવડા થોથામાં પુસ્તકિયા કીડા બનાવી એના જ આધારે અમારૂ મૂલ્યાંકન કરી અમને વામન ન બનાવો.
એક વિનંતી મનમાં વારે-વારે બોલાઈ જાય છે કે બીજા કોઈપણ વિદ્યાર્થી સાથે સરખામણી કરી જાહેરમાં અમને ઉતારી ના પાડો પ્લીઝ! અમારા સાથીદારોમાં અમુકને તો માતૃભાષાની સારી ફાવટ હોવા છતાં વાલીની મહત્ત્વાકાંક્ષા અને આગ્રહથી અંગ્રેજી મીડિયમમાં નાખવાને લીધે સારા ગુણ આવી શકતા નથી. એ અમારો વાંક કહેવાય? કહોને પ્લીઝ!
અમો સંજોગોવશાત કદાચ નાપાસ થઈએ કે ઓછા ટકા આવે તો પણ બીજુ ગમે તે જીવનોપયોગી કાર્ય કરી શકીએ એટલી આવડત તો તમે અમારામાં મૂકી જ હશે ને? તો શા માટે તમારો જ ભરોસો તમે ડગાવો છો?
અમો જાણીએ છીએ કે તમારી આ કડકાઈની પાછળ પ્રેમ છૂપાયો છે, પણ તમારી અપેક્ષા સામે ક્યારેક ઘૂંટાઈને મનમાં હજારોવાર મરીએ છીએ. અમુક સાથી વિદ્યાર્થીઓના બોર્ડની પરીક્ષા-પરિણામની બીકથી આપઘાત કરતા જોઈ-સાંભળી અમે પણ હલી જઈએ છીએ.
અમારા અંતરનાદ્ને સાંભળો, સમજો, અમારા મૌન આક્રંદને નબળાઈ ના માનો, તમારા પ્રેમ, વિશ્વાસ અને સમજણથી અમારી તાકાત બનો તો બોર્ડની પરીક્ષા કે જીવનના કોઈપણ ક્ષેત્રમાં અમે તમને નિરાશ નહીં કરીએ કે કોઈપણ અવરોધો ઓળંગવામાં અમને કોઈ ડર રોકી નહીં શકે.
આ અવાજ કઈ એકલ-દોકલ નહીં, મોટાભાગના એવરેજ વિદ્યાર્થીઓનો છે. આજના ગૂંચવાડા ભરેલ શિક્ષણ, અંગ્રેજી શિક્ષણનીતિ અને 'રટ્ટા માર...' પદ્ધતિમાં એટલા ખૂંપી ગયા છીએ કે એ કાદવથી આપણા બાળકો ખરડાઈ છે એવી સરકારી નીતિઓ સામે વિચારશીલ થઈ અવાજ ઊઠાવવાને બદલે એક બિસ્તરાની જેમ આપણા બાળકોને વેનમાં સામાનની જેમ ભરીને, 'તેજસ્વી તારલા બનાવવાના કારખાનાઓમાં (ટ્યૂશન ક્લાસીસ) ધકેલીએ છીએ.'
આ તે કેવી કસોટી, લાગે છે ખાટલે ખોડ મોટી,
વીંઝો છો સિતમની સોટી, આમાં ન આવે જ્ઞાનની હથોટી.
બોર્ડની પરીક્ષાઓ એટલે જાણે સપ્તપદીના સાત વચનો ડગલે અને પગલે જે વિદ્યાર્થીઓનું હીર ચૂસે અને અંતે વિદ્યાર્થી એક ડગલું પણ આગળ ન વધી શકે પણ માનસિક સ્વસ્થતાના સાત સ્તર ખરી પડે!
આપણે શું કરી શકીએ? એવા બળાપાને બદલે આપણે શું ન કરી શકીએ? એમ વિચારી વિદ્યાર્થીઓની તાકાત બનીએ તો માર્ચની બોર્ડની પરીક્ષાઓ પછી મે-જૂનમાં રિઝલ્ટ પછી 'સુસાઈડ-મન્થ' કે 'ડિપ્રેશન-મન્થ' ન બનતા આનંદથી ભીંજવતી શ્રાવણનો 'સરવણિયો-મન્થ' બને!
સપોર્ટીંવ ચોટઃ
બોર્ડ-બોર્ડની બીકથી ના કરો ક્લીન-બોલ્ડ પ્લીઝ
સપોર્ટ બની અમારો અમને બનાવો બોલ્ડ પ્લીઝ
વૈશાલી રાડિયા, જામનગર
પોલીસ દ્વારા પર્યાવરણ પ્રોટેક્શનઃ આવકારદાયક કોન્સેપ્ટ
પોલીસ તંત્રની ભૂમિકા આંતરિક સુરક્ષા વ્યવસ્થા માટે તો મહત્ત્વપૂર્ણ છે જ, પરંતુ કાયદો-વ્યવસ્થા જાળવવાની સાથે સાથે પોલીસતંત્ર દ્વારા અપનાવાઈ રહેલા માનવીય અભિગમો, 'તેરા તુ જ ને અર્પણ' જેવા આયામો, મહિલાઓ-બાળકોની સુરક્ષા-સલામતી પ્રત્યે વધુ જાગૃતિ અને કેટલીક સામાજિક સેવાઓ પછી પર્યાવરણ સુરક્ષાને લઈને પણ પોલીસતંત્ર કેટલાક નવા નવા પ્રોજેક્ટો આદરી રહ્યું છે, તેને લોકોમાંથી પણ સકારાત્મક પ્રતિભાવો સાંપડી રહ્યા છે. પોલીસ દ્વારા પર્યાવરણ પ્રોટેક્શનનો કોન્સેપ્ટ આવકારદાયક છે, અને તેના ભાગરૂપે સામૂહિક વૃક્ષારોપણ અને તેની સાથે સાથે તેના ઉછેરનો સંકલ્પ પણ સરાહનિય છે.
તાજેતરમાં જામનગરમાં પોલીસ હેડક્વાર્ટરમાં રાજકોટના રેન્જ આઈજી અશોક કુમાર યાદવના નેતૃત્વ અને એસ.પી. પ્રેમસુખ ડેલુ તથા વનવિભાગના અધિકારીની ઉપસ્થિતિમાં રપ હજાર વૃક્ષોનું વાવેતર કરાયું હતું. આ સામૂહિક વૃક્ષારોપણની વિશેષતા એ હતી કે વન વિભાગ અને એચડીએફસી બેંકના સહયોગથી પોલીસતંત્રે જામનગરમાં ઓક્સિજન પાર્ક ઊભો કરવાનો ઉદ્દેશ્ય જાહેર કરાયો હતો.
આ કાર્યક્રમ દરમિયાન જણાવાયું કે પોલીસતંત્ર દ્વારા સમગ્ર રેન્જમાં વૃક્ષો ઉછેરવામાં આવી રહ્યા છે. આ અભિગમ હેઠળ માત્ર વૃક્ષારોપણ કરીને કામ પૂરૃં થતું નથી, પરંતુ તેનો ઉછેર પણ થાય છે, તથા ત્રણેક લાખ વૃક્ષોનો ઉછેર થઈ રહ્યો હોવાનું આઈજીએ જણાવ્યું હોવાના અહેવાલો જોતા એમ જણાય છે કે પોલીસતંત્રના આ અભિગમને વ્યાપક જનસહયોગ પણ મળી રહ્યો છે. સામૂહિક રીતે વૃક્ષો ઉછેરવાનું બીડુ ઝડપીને પોલીસતંત્રે એક અતિઉપયોગી અને જનહિતનું અભિયાન આદર્યું છે. સામૂહિક રીતે વૃક્ષો વવાય અને ઉછેરાય, તેનાથી રૂડુ શું?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગાયત્રી શાંતિવન દ્વારકા દ્વારા જનજાગૃતિ પત્રિકાનું વિતરણઃ
આજના યુગમાં હૃદયરોગ, બ્લડપ્રેસર, કેન્સર વગેરેની જેમ ડાયાબિટીસનાં રોગનું પ્રમાણ પણ વધારે જોવા મળે છે. ઘણાં જુનાં કાળથી માનવીને પીડતા અને આખા શરીરનું આરોગ્ય કથળાવતો આ રાજરોગ મધુપ્રમેહ (ડાયાબિટીસ) વિશે આયુર્વેદનાં મહર્ષિ ચરક, સુશ્રુતે રસપ્રદ વર્ણન આયુર્વેદના ગ્રંથોમાં કરેલ છે. જીવનભર પરેશાન કરનારા આવા મહારોગથી બચવા પ્રત્યન કરવો, તે સૌ કોઈની ફરજ છે.
શરીરનું વધારે પડતું વજન વધવા ન દેવું. ચાલી વર્ષની ઉંમર બાદ તો આ બાબતે દરેક વ્યકિતએ સજાગ રહેવું હિતાવહ છે.
આચાર્ય ચરકે મધુપ્રમેહ (ડાયાબિટીસ) થવાનાં મુખ્ય કારણોમાં જણાવ્યું છે કે, ખોરાકમાં પોતાની જીભને વશમાં ન રાખી શકનાર અર્થાત વધારે પડતું ખાનારને અને પગલે ચાલવાનો કંટાળો કરનાર અર્થાત બેઠાડું જીવન જીવવાવાળાને આ રોગ ભરડો લે છે, આ બાબત ધ્યાનમાં રાખવી.
કુટુંબમાં કોઈને આ રોગ છે કે કેમ ? તે જાણી લેવું, જો તે હોય તો પોતે એના ભોગ બનવાની શકયતા ધ્યાનમાં રાખવી. સાવચેતીનાં પગલાં તરીકે વધારે પડતી મીઠાઈ અને વધારે પડતું ન ખાવું, વજનનો વધારો થતો રોકવો, સમયાંતરે લોહી અને પેશાબની તપાસ કરાવવી.
મોડા ઉઠવાની આદત, બપોરે જમ્યા પછીની દિવસની વધુ ઊંઘ, બેઠાડું-આળસું જીવન છોડવું જ રહ્યું.
દરરોજ નિયમિત કસરત કરવી, યોગાસનો કરવા, તેમજ ઝડપથી ચાલવું જરૂરી છે.
વારંવાર મીઠી ચા કે કોફી પીવાનું વ્યસન પણ છોડવું હિતકારક છે.
પચવામાં ભારે, દહીં વગેરે જેવા ચીકણાં પદાર્થો, ગળ્યાં દ્રવ્યો, ઠંડા પદાર્થો, કોલ્ડ્રીંકસ, આઈસ્ક્રીમ વગેરે બહુ વધારે પ્રમાણમાં લેવા નહીં.
કફ પ્રકૃતિવાળી વ્યકિત કફ કરનાર પદાર્થો (જેમ કે વધુ પ્રમાણમાં દૂધ પીવું, વધુ પ્રમાણમાં દહીં ખાવું, ગોળ નાખેલા પદાર્થોનું વધારે સેવન કરવું)નું વધુ પ્રમાણમાં સેવન કરે તો, સુખી-એશ-આરામી વ્યકિત અને સ્વાદપ્રિય તથા ઊંઘણશી વ્યકિત ડાયાબિટીસના સકંજામાં ઝડપથી આવી જાય છે.
પૌષ્ટિક ખોરાક ખાઈ શરીર શ્રમ વિના વેપાર- રોજગાર કરતા સુખી વેપારીઓ, વેપાર ધંધામાં વારંવાર ચિંતા કરી, વ્યાયામ અને હરવું-ફરવું-ચાલવાની કસરત પણ ઓછી કરનાર, તેમજ જુદી-જુદી મહત્વાકાંક્ષાથી ભરેલા અન્ય માણસો કે જે માનસિક રીતે પૂરતો આરામ કરતા નથી, તેઓ સજાગ રહે.!
દૈનિક ખોરાકમાં શકય એટલા વધુ પ્રમાણમાં ખોરાક સાથે સૂકી-લીલી હળદર, મેથી, કારેલા, સૂકા-લીલાં આમળાં, આદુ, હરડે, મામેજવો, રસાયણ ચૂર્ણ, સુદર્શન ચૂર્ણ, સાચું મધ વગેરે લેવાથી ડાયાબિટીસથી બચી શકાય છે. નાના બાળકોને કડવાણી આપવી હિતકારક છે.
ડાયાબિટીસને આગળ વધતો અટકાવવા માટે ખાન-પાન બાબતમાં લોક જાગૃતિ આવશ્કય છે.
બાળકોને થતું ડાયાબિટીસઃ જુવેનાઈલ ડાયાબિટીસ બાળકોની અયોગ્ય રહેણીકરણીને કારણે થાય છે. જંક ફૂડનું જે પશ્ચિમી કલ્ચર બાળકોમાં અપનાવાઈ રહ્યું છે, તેને કારણે તેમના સ્વાસ્થ્યમાં ઘણાં ફેરફાર થાય છે. આ પ્રકારનું ડાયાબિટીસ ઘણીવાર વારસાગત હોય છે, અને કયારેક સ્થૂળતાને કારણે પણ થાય છે.
ડાયાબિટીસના દર્દી માટે અગત્યની ટીપ્સ
આ રોગનાં દર્દી જો ખાવાની બાબતમાં પોતાની જાતને કાબૂમાં રાખી શકે તો ડાયાબિટીસ અંકુશમાં રહે છે.
ડાયાબિટીસથી પીડાતી વ્યકિતએ નિયમિત તેમનું બ્લડ સુગર ચેક કરાવવું અત્યંત આવશ્યક છે.
પોતાના પગની ખાસ સંભાળ રાખવી જરૂરી છે.
નિયમિત યોગાસનો અને કસરત કરવાથી પણ ડાયાબિટીસને અંકુશમાં રાખી શકાય છે.
જો આ રોગની યોગ્ય સારવાર ન લેવામાં આવે તો અંધાપો, હૃદયરોગ, કિડનીની બીમારી જેવા મહારોગને નોતરે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રાષ્ટ્રીય ક્ષય નિર્મુલન કાર્યક્રમ હેઠળ ૧૦૦ દિવસની ખાસ ઝુંબેશ
જામનગરઃ વરવાળા ટી.બી. સેનેટોરિયમ સંચાલિત શ્રી શંકરાચાર્ય જનરલ હોસ્પિટલના આયુર્વેદાચાર્ય વૈદ્ય ડી.પી. મહેતાએ ક્ષયરોગ અંગે જાણકારી સાથે તેને મટાડવાના ઉપાયો અંગે કેટલીક ગાઈડલાઈન આપી છે.
ક્ષય (ટી.બી.)ના રોગને આયુર્વેદમાં 'રાજયક્ષ્મા' કહે છે. આયુર્વેદના ચરકસંહિતા, સુશ્રુત સંહિતા, અષ્ટાંગ હૃદય વગેરે ગ્રંથોમાં આ રોગ અંગે રસપ્રદ વર્ણન જોવા મળે છે. આ રોગનું આક્રમણ માનવ શરીરના કોઈપણ અંગ પર થઈ શકે છે. પરંતુ ભારતમાં મુખ્યત્વે ફેફસાનો ટી.બી.નો રોગ જ થાય છે. વડાપ્રધાને પણ ટી.બી. નાબુદીનું આહ્વાન કર્યું છે.
નશો, ધુમ્રપાન કે તમાકુના વ્યાપક સેવન જેવા જુદા જુદા વ્યસનો, માદક દ્રવ્યોનું વધુ પડતું કે નિયમિત સેવન, હવા-ઉજાસ વિનાનું બંધિયાર અને ગંદકીભર્યું રહેઠાણ, ગીચ વસવાટ, વધારે પડતું કામ, અપૂરતો ખોરાક, નબળું પોષણ, શ્વાસમાં જતાં ધૂળ, ધુમાડો, માનસિક ચિંતા જેવા વિવિધ કારણોથી આરોગ્ય કથળતા રોગ પ્રતિકારક શકિત ઘટવાના કારણે આ રોગ સહેલાઈથી શરીરમાં પ્રવેશી જાય છે. ક્ષય (ટી.બી.)નો રોગ ચેપી છે તેથી સાવચેતી રાખવી જરૂરી છે. ક્ષય રોગમાં શંકાસ્પદ દર્દીઓના ગળાની તપાસ, એકસ-રે, લોહીનું, ગળફાનું પરીક્ષણ વગેરે પદ્ધતિથી ક્ષય રોગનું નિદાન થાય છે. ક્ષયના દર્દીને ક્ષય રોગ વિશે સંપૂર્ણ જાણકારી આપવી જરૂરી છે. તેમને દરરોજ નિયમિત દવાઓ ખાસ કાળજી રાખીને આપવી ખૂબ જ જરૂરી છે. દવાનો કોર્ષ પૂરેપૂરો અને સતત લેવો અનિવાર્ય હોય છે. ક્ષયના દર્દીના પરિવારે પણ ક્ષય અંગેનું પરીક્ષણ સાવચેતી ખાતર કરાવી લેવું જોઈએ.
લાંબા સમયથી આવતો તાવ, ઉધરસ, ગળફા, કયારેક ગળફા સાથે લોહી નીકળવું કે લોહીની ઉલ્ટી થવી, શરીરનું સુકાવું, શરીરનો ઘસારો, વજનનો ઘટાડો, ખૂબ જ અશકિત, હાંફ ચડવી વગેરે પ્રાથમિક લક્ષણો ટી.બી. હોવાની શકયતા દર્શાવે છે. નિયમિત તબીબી તપાસ, વહેલી સવારનો સૂર્યપ્રકાશ, સ્વચ્છ હવાનું વિધિપૂર્વક સેવન, સંયમી જીવન, પૌષ્ટિક ખોરાકનું સેવન તથા નિયમિત દવાનો કોર્ષ પૂરેપૂરો કરવાથી ક્ષય સદંતર મટી શકે છે. ટી.બી.ના નિદાનમાં વિલંબ ન થવો જોઈએ. વહેલું નિદાન અને નિયમિત ઉપચાર ટી.બી.ના દર્દીને ટી.બી.માંથી રોગમુકત કરી શકે છે. કેન્દ્ર સરકાર-રાજય સરકારના આરોગ્ય અને પરિવાર કલ્યાણ વિભાગ તરફથી આ રોગ અંગેના અપાતા સૂચનો કે માર્ગદર્શનનું પાલન કરવું હિતાવહ છે. આ અભિયાનમાં જન ભાગીદારી આવશ્કય છે.
વર્ષ ૨૦૨૫ સુધીમાં ભારતને ટી.બી. મુકત બનાવવના વડાપ્રધાન નરેન્દ્રભાઈ મોદીએ કરેલ નિર્ધારને સાકાર કરવા આપણે સૌ સાથે મળીને આપણો દેશ, શહેર, જિલ્લાને ક્ષય (ટી.બી.) મુકત કરવાના સહિયારા પ્રયાસોમાં સક્રિય યોગદાન આપીને ૧૦૦ દિવસની ટી.બી. નિર્મૂલન ઝુંબેશને વેગવાન બનાવીએ, તે અત્યંત જરૂરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઓટો ઈમ્યુનિટી એટલે શું? નિદાન કેવી રીતે થાય? લક્ષણો શું છે?...જાણો...
એક અહેવાલમાં જણાવ્યું છે કે પૂનામાં જીયે બુરે સિન્ડ્રોમ આઉટબ્રેક જોવા મળ્યો છે અને તેના પરિણામે એક મૃત્યુ પણ નોંધવામાં આવ્યું છે. ય્ેૈઙ્મઙ્મટ્ઠૈહ-મ્ટ્ઠિિી જીઅહઙ્ઘર્દ્બિી (જીયે બુરે સિન્ડ્રોમ)માં શરીરના જ્ઞાન તંતુ (નર્વ)ને અસર કરતો રોગ છે જેનું કારણ ઓટોઇમ્યુનિટી માનવામાં આવે છે. ઓટો ઇમ્યુનનો અર્થ થાય કે શરીરનું રોગ પ્રતિરક્ષણ તંત્ર જેને ઇમ્યુનિટી કહે છે તે પોતે જ શરીરના પોતાના કોષોને બાહ્ય આક્રમણ માંની તેને નુકસાન કરે. આ રોગમાં ઇન્ફ્લેમેશન (સોજો) જ્ઞાનતંતુમાં કોઈપણ પ્રકારના બાહ્ય સંક્રમણના કારણે નહીં પણ ઓટો ઇમ્યુનિટીના પરિણામે થાય છે.
ઓટો ઈમ્યુનિટી શું છે?
ઓટો ઇમ્યુનિટી એક પ્રકારનો ઇમ્યુન સિસ્ટમનો રોગ છે જેમાં શરીરની ઇમ્યુન સિસ્ટમ શરીરના પોતાના કોષોને નુકસાન કરે છે અને તેના પરિણામે રોગ થાય છે. આયુર્વેદ ના મતે ઇમ્યુનિટી એટલે કે ઓજના વિસંસની સ્થિતિ છે અને તેના પરિણામે શરીરમાં સોજો (ઓટો ઇમ્યુન ઇન્ફ્લેમેશન આવે છે). અહી ઇમ્યુનિટીને વધારવી સામાન્ય રીતે ખરાબ પરિણામ લાવી શકે છે તેથી ઓટો ઇમ્યુન રોગોમાં આધુનિક ચિકિત્સામાં ઇમ્યુનો સપ્રેસર ઇમ્યુનિટીને ઓછી કરાતી દવાઓનો ઉપયોગ કરવામાં આવતો હોય છે.
ઇમ્યુનિટીના કારણે થનાર રોગોમાં લો-ઇમ્યુનિટી જન્ય રોગો, ઇમ્યુન ડેફિસયન્સીના કારણે થનાર રોગો, હાઇટનડ ઇમ્યુન રિસ્પોન્સ (જે કોવિડમાં જોવા મળતો હતો જેને ઓછું કરવા સ્ટીરોઇડ વાપરવામાં આવતી), ઓટો-ઇમ્યુન રોગો મુખ્ય છે. ઓટો ઇમ્યુનિટીના કારણે શરીરના દરેક અવયવના રોગો થઈ શકે છે. ઓટો ઇમ્યુન એક રોગ નથી પણ રોગ થવાની એક વિશેષ પ્રક્રિયા હોય છે. જેની ચિકિત્સા પણ વિશેષ રીતે કરવાની થતી હોય છે.
જીયે બુરે સિન્ડ્રોમને
કેવી રીતે ઓળખાવો
જીયે બુરે સિન્ડ્રોમમાં શરીરની જ્ઞાનતંતુના પડ (માયલીન શિથને નુકસાન થતું હોય છે) જેમાં શરૂઆતમાં હાથ અને પગમાં ખાલી ચડવી, કમજોરી લાગવી જેવો લક્ષણો જોવા મળે છે જે સમયાંતરે પેરાલીસીસ જેવી પરિસ્થિતિ જેમાં હાથ અને પગના કામ કરવાની શક્તિ રહેતી નથી પક્ષાઘાત થતો જોવા મળે. શરૂઆતના ઓછા લક્ષણો જોવા મળે છે જે ક્રમશઃ દરેક અવયવ ઉપર અસર જોવા મળે છે જે નીચે મુજબ હોય શકે.
૧) હાથ-પગમાં સુન્ન પડે છે. જો કોઈ ટાંકણી જેવી વસ્તુ વાગે તો તેની જાણ થતી નથી, ૨) ચાલવામાં અને દાદર ચડવામાં તકલીફ પડે પગ લડખડતા હોય તેવું લાગે, (૩) બોલવામાં, ચાવવામાં, ખોરાક-પાણી ઉતારવામાં તકલીફ થાય, (૪) જોવામાં તકલીફ પડે (બે બે વસ્તુઓ દેખાય), (૫) સ્નાયુમાં દુખાવો થવો તોડતું મરડતું હોય વિશેષ કરીને રાત્રિના સમયે વધુ જોવા મળે, (૬) પેશાબ-મળ માર્ગની તકલીફ, (૭) શ્વાસ લેવામાં તકલીફ થવી, બ્લડપ્રેશરમાં ફેરફાર થવા વિગેરે.
જીયે બુરે સિન્ડ્રોમનું નિદાન
જીયે બુરે સિન્ડ્રોમનું નિદાન રોગીને તપાસી અને હિસ્ટ્રી લીધા પછી જરૂરી રિપોર્ટ કરવાથી થઈ શકે છે. ઉપરના લક્ષણો જણાતા આયુર્વેદ ચિકિત્સકનો સંપર્ક કર્યા પછી તપાસ પછી જરૂરી રિપોર્ટ જેવા કે નર્વ કન્ડક્શન ટેસ્ટ, સ્પાઇનલ ટેપ, એલેક્ટ્રોમીઓગ્રાફી, એએનએ વિગેરેની તપાસ કર્યા પછી કરી શકાય છે.
જીયે બુરે સિન્ડ્રોમની આયુર્વેદ સારવાર
જીયે બુરે સિન્ડ્રોમની ચોક્કસ સારવાર નથી તેમ આધુનિક વિજ્ઞાન માને છે અને ચિકિત્સા માટે નયુરાઇન ટોનિક, ઇમ્યુનો-સપ્રેશન્ટ અને સપોર્ટીવ મેડિસિન આપવામાં આવે છે. સામાન્ય રીતે રોગ આગળ ના વધે તે માટે ચિકિત્સા સતત ચાલુ રાખવાની સલાહ આપવામાં આવતી હોય છે. આયુર્વેદના મતે પણ રોગમાં સારવાર અને કાળજી સતત લેવી પડે.
રોગીની પરીક્ષા કર્યા પછી અને રોગ અને રોગીની અવસ્થા જાણ્યા પછી આયુર્વેદ ચિકિત્સક તેને મેડિસિન ટ્રીટમેન્ટ દવાથી ચિકિત્સા કરે છે જેમાં અશ્વગંધા, ચોપચીની, પીપરમૂળ, દશમૂલ, પંચમૂલ, વાતવિધવાંશ, તિંદૂક, વિગેરે ઔષધિ આપી શકે છે.
આહારમાં રોગીને અનુકૂળ હોય તેવા આહાર જે શરીર માં આમ ઉત્પન્ન ન કરે તેવા એટલે કે મેંદાની બાનવટ, તેલિબિયા નટ્સ, રિફાઈન્ડ ફ્લોર, રેડી ટુ કૂક અને રેડી ટુ સર્વ ફૂડ પરિસર્વેટિવ નાખેલ ખોરાકોનો ઉપયોગ ન જ કરવો. તલનું તેલ, જવ, મગ, વરસાદનું પાણી, સીંધાલૂણ, મધ, ગાયનું ઘી જેવી વસ્તુથી બનેલા ખોરાક જ લેવા હિતાવહ છે.
રાત ઉજાગરા કરવા, અતિ શ્રમ કરવો, તડકો, પવન લાગે તેવા કામ કરવા, ચિંતા કરવી, સતત માનસિક વિચારોમાં રહેવું રોગની તકલીફમાં વધારો કરે છે. નિશ્ચિંત રહેવું, સબળા વિચારો કરવા, હળવા કામ કરવા અને પ્રવૃત્તિશીલ રહેવાથી રોગ વધવાની ઝડપને ઓછી કરી શકાય. ઉંમર વધવાની સાથે જે ન્યુરૉન્સ (જ્ઞાન તંતુ) નાશ પામે છે તે ફરી બને શક્યતા નથી તેથી રોગની ચિકિત્સામાં બેકાળજી થવું યોગ્ય નથી. સતત નિયમિત ચિકિત્સાથી રોગથી થનારા ઉપદ્રવની ઝડપ ઓછી કરી શકાય.
સલાહ
ઉપરોક્ત રોગ અને રોગ-અવસ્થા વિશે વધુ જાણવા અને ચિકિત્સકિય અભિપ્રાય માટે આયુર્વેદ ચિકિત્સકનો સંપર્ક કરવો.
ડૉ. નિશાંત શુક્લ, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રાજગીરી-બિહાર એટલે એ પુનીત અને પવિત્ર ભૂમિ છે કે જયાં પ્રભુ મહાવીર સ્વામીના પાવન પગલા પડયાં છે. અને ખરા અર્થમાં આશીર્વાદ પામી છે. આવી મહાન અને પાવન ભૂમિ ૫૨ પ્રભુ મહાવીરના ઉપદેશો, સિધ્ધાંતો અને દેષ્ણાઓને ખરા અર્થમાં ચરીતાર્થ કરતાં પ્રચાર અને પ્રસારનું ઉત્તમ માધ્યમ બનીને ઉભરી આવ્યા છે એક જૈન સાધ્વીજી, કે જેઓ આચાર્ય ચંદનાજીના નામથી ખ્યાતી પામ્યા છે. અને તાંઈ મહારાજ ના વિશીષ્ટ ઉપનામ સાથે પણ શ્રાવકોમાં ઓળખાય છે.
પૂ.આચાર્ય ચંદનાજી આગામી તા. ૨૬ મી જાન્યુઆરીના રોજ પોતાના જીવનકાળના ૮૮ વર્ષ પૂર્ણ કરીને ૮૯ માં વર્ષમાં સંપૂર્ણ સ્વસ્થતા અને ઉત્તમ સ્વાસ્થય સાથે મંગલ પ્રવેશ કરી રહૃાા છે. ત્યારે તેમનો પરિચય તાજો કરવો અસ્થાને નહીં ગણાય.
૨૬ મી જાન્યુઆરી ૧૯૩૭ ના રોજ મહારાષ્ટ્રના ચાસ્કામન મુકામે કટારીયા પરિવારના સુશ્રાવક પિતા માણેકચંદજી અને સુશ્રાવીકા માતા પ્રેમકુંવરબાના ખોરડે પુત્રી રતન તરીકે જન્મયાં શકુંતલા સાંસારીક નામ સાથે તેમનો ઉછેર થયો ફકત ૩ ધોરણ સુધી પ્રાથમિક શિક્ષણ પ્રાપ્ત કર્યુ સમય જતાં તેમના નાનાજીની સલાહને અનુસરીને જૈન પૂ. સાધ્વી સુમતીકુંવર સાથે જોડાયા કે જેથી જૈનત્વ અને જનસેવા વિષયક વધુ અભ્યાસ કરી શકે. માત્ર ચૌદ વર્ષની વયે જૈન દિક્ષા અંગીકાર કરી અમરમુની સંપ્રદાયના પૂજય ગુરૂૂદેવ ઉપાધ્યાય અમરમુનજી મહારાજે દિક્ષા આપી અને સાઘ્વી ચંદનાજી નામ આપ્યું. દિક્ષા પર્યાય દરમ્યાન જૈન સ્ક્રીત્યના અભ્યાસ અર્થે ૧૨ વર્ષ સુધી મૌન રહેવાની આકરી પ્રતિજ્ઞા લીધી. ઉપરાંત ભારતીય વિદ્યા ભવન, મુંબઈમાંથી દર્શનાચાર્યની ડીગ્રી મેળવી, પ્રયાગ ખાતેથી સાહિત્ય રત્નની ઉપાધી મેળવી બનારસ હિન્દુ યુનિવર્સિટી ખાતેથી નાવ્યન્યાય અને વ્યાકરણ વિષયોમાં શાસ્ત્રીની વિશેષ ઉપાધી મેળવી.
તેઓએ વર્ષ ૧૯૭૨ થી બિહારના ગરીબીથી પ્રભાવિત વિસ્તારોમાં માનવતાવાદી સેવાકીય કાર્યોનો શુભારંભ કર્યો ૧૯૭૪ માં વિરાયતનની સ્થાપના કરી જે હાલ વિશ્વના ૧૦ રાષ્ટ્રોમાં ફેલાયેલી છે. વિરાયતનની સંસ્થા ઃ રાજગીર (ઝારખંડ) પાવાપુરી (કચ્છ) - રૂૂદ્રાણી (કચ્છ) - પાલીતાણા - વ્યોમ આગરા - ઓસિયાજી (રાજસ્થાન) - સંચોર - ખંડોબા (પૂના) તથા ઈન્ટરનેશનલ સંસ્થા અમેરીકા - બ્રિટન - કેન્યા - નેપાલ - દુબઈ દેશ-વિદેશ દરેક જગ્યા સંસ્થા કાર્યરત છે. વિરાયતન દ્વારા શાળાઓ, કોલેજીસ ઉપરાંત હોસ્પિટલ્સનું અધતન સંચાલન ક૨વામાં આવ્યું છે. ઉપરાંત જરૂૂરતમંદો માટે વ્યવસાયીક તાલીમી કાર્યક્રમોનું પણ સંચાલન કરવામાં આવી રહૃાું છે. કુદરતી આપતીઓ બાદ પ્રભાવીત પરિસ્થિતિઓના પુનઃવસવાટ માટે પણ વ્યાપક રીતે સેવાઓ કરવામાં આવેલ છે. જૈનોની પવિત્ર તિર્થભૂમિ અને શ્રેષ્ઠ યાત્રાધામ રાજગીરી મુકામે જૈન તીર્થંકરોની દેક્ષણાઓના વ્યાપક પ્રસાર હેતુ ડીવાઈન વર્લ્ડ નામના અંતગર્ત એક યોજનાનું કામ હાથ ધર્યુ હતું, અને પુરૂૂ કરેલ છે.
તીર્થંકર મહાવીર પ્રભુનો અહિંસા, પ્રેમ અને કરૂૂણાનો સંદેશ જેમનો જીવનમંત્ર હોય, ચોવીસ કલાક, ત્રણસો પાંસઠે દિવસ જેઓ માનવ કલ્યાણની પ્રવૃતિઓમાં જ નિસ્વાર્થ ભાવે સંલગ્ન હોય, સબળ, સક્ષમ અને ગતિશીલ નેતૃત્વ જેમના ડગલે પગલે ભારોભાર અભિવ્યકત થતું અનુભવી શકાય તેમની વિદવતાપૂર્ણ, અસ્ખલિત રણકતી મધુરવાણી સાંભળતા અભિભૂત થઈ જવાય એવી કોઈ સૌમ્યતા અને શાલીનતા સભર, મમતાની મૂર્તિજોવા મળે તો તેઓ નિશ્ચિતપણે પૂ. ચંદનાજી મહારાજ તથા પૂ. સાધ્વીજી શિલાપીજી મહારાજ હશે. તેમ કહેવામાં કોઈ અતિશ્યોકિત નહી ગણાય. તેઓની સાથો સાથ સૌરાષ્ટ્રમાં કચ્છ સ્થિત વિરાયતન વિદ્યાપીઠના સાધ્વીશ્રી શિલાપીજી મહારાજ આવા બહુમુખી પ્રતિભાવંત અને અનોખા વ્યક્તિત્વનો જાતે જ અનુભવ કર્યા વિના રહી શકશે નહીં.
વિરાયતન રાજગીરીનો એક પરિચય
૫૨મ પૂજય ગુરુદેવ ઉપાધ્યાય અમરમુનિજીની પ્રેરણા અને આશીર્વાદ ૫૨મ શ્રદ્ધેય આચાર્ય ચંદનાજી દ્વારા વિરાયતનનો પ્રારંભ સન ૧૯૭૩ માં રાજગીરી - બિહારમાં થયો. સેવા, શિક્ષા અને સાધનાના હેતુઓની સાથે માનવ કલ્યાણ અને સામાજીક વિકાસના કાર્યોમાં સમર્પિત વિરાયતન, એક સોશ્યોરીલિજીયસ આંતરરાષ્ટ્રીય સંસ્થાન છે. જે સેવાના માધ્યમથી ભગવાન મહાવીરની કરૂૂણા અને અહિંસાની તેજસ્વિતાને અનેક લોકો સુધી પહોંચાડવાનો સફળ પ્રયાસ કરી રહી છે.
૫૨મ શ્રદ્ધેય આચાર્ય ચંદનાજીના નેતૃત્વમાં વિરાયતન-સમર્પિત અને કુશળ સાધ્વી સંઘ, કાર્યકારિણી સમિતિના સદસ્યને ઉત્સાહિત સ્વયંસેવકોના સંયુકત પ્રયત્નોથી ચાલતી સંસ્થા છે. સમગ્ર માનવજાતિના ઉત્કર્ષ માટે વિરાયતનનું કાર્ય કોઈ જાતિ કે પંથ, ધર્મ કે સમુદાયના ભેદભાવ વગર સંપન્ન કરવામાં આવી રહૃાું છે. વિરાયતનનો પ્રયાસ છે કે એવું વાતાવરણ બનાવવામાં આવે જેમાં બધા લોકો, લાભાર્થી, સ્વયંસેવકો અને કાર્યકતાઓનો સહયોગ અને સર્વ હિતની વાત વિચારી શકે અને બીજાના કલ્યાણની સુંદર યાત્રામાં સહભાગી બની શકે. છેલ્લા ૪૫ વર્ષોમાં વિરાયતને લાખો લોકોના જીવનને સ્પર્શ કર્યો છે અને પ્રોત્સાહન, સહયોગ અને નિસ્વાર્થ પ્રેમ દ્વારા તેમનામાં નવી આશાઓનો સંચાર કર્યો છે.
આચાર્ય ચંદનાજી જૈન ધર્મને તો વરેલા રહૃાા છે, સાથોસાથ જૈન સમાજને સંપૂર્ણ રીતે સમર્પિત રહૃાા છે. સમાજના ઉત્થાન અર્થે શિક્ષણને પ્રાધાન્ય આપ્યું. તેઓ દ્રઢતાપૂર્વક માને છે કે, જે સમાજ શિક્ષિત હોય તે સમાજ સદૈવ સુરક્ષીત હોય અને રહેશે જ. સમાજની દરેક પ્રકારની સેવાઓ પછી તે શિક્ષણ હોય કે આરોગ્ય, ધર્મ ઉપદેશની વાત હોય કે પછી ગરીબોના ઉત્થાનની બાબત હોય. પૂ. તાઈ મૉં સદાય તત્પર, અગ્રેસર અને સમર્પિત રહૃાા છે. પાંચ દાયકા ઉપરાંતની તેમની આ સેવાઓની ભારત સરકારે રાષ્ટ્રીય કક્ષાએ નોંધ લીધી અને તેને આપેલા આ ઉત્તમ યોગદાન બદલ તેમને વર્ષ ૨૦૨૨ માં *પદ્મશ્રી એવોર્ડથી વિભુષીત કરાયા અને ભારતના રાષ્ટ્રપતિ રામનાથ કોવિંદના હસ્તે પદ્મશ્રી એવોર્ડ એનાયત કરવામાં આવ્યો.
પદ્મશ્રી આચાર્ય ચંદનાજી જે જે ભૂમી પર પગરણ માંડે છે તે દરેક ભૂમીની તાસીર અને કિસ્મત બદલાઈ જાય છે.
વિરાયતન કચ્છમાં આગમન
૨૬ જાન્યુ-૨૦૦૧ માં કચ્છમાં વિનાશક ભૂકંપ ત્રાટકયો એ સમયે સાધ્વીજી પૂ. શિલાપીજી મહારાજ લંડન ખાતે જૈન ધર્મ વિશે પી.એચ.ડી. નું અધ્યયન કરી રહૃાા હતા. વિકરાળ ભૂકંપે તબાહી મચાવ્યાની જાણ થતાં જ પી.એચ.ડી. નો અભ્યાસ અધુરો છોડી પૂ. શિલાપીજી મહારાજ કચ્છ દોડી આવ્યા અને આચાર્ય ચંદનાજી મહારાજના આશીર્વાદ સાથે ભૂકંપપીડીતોના અશ્રુ લુછવાના ભગીરથ કાર્યનો પ્રારંભ કર્યો ત્યારથી આજ સુધી તેઓ કચ્છવાસીઓના કલ્યાણ માટે અવિરત સંલગ્ન છે.
૨૪ વર્ષ પૂર્વ કચ્છમાં આવેલા ભૂકંપ બાદ આપત્તિગ્રસ્ત લોકો માટે રાહત અને પુનવર્સનની બેનમુન કામગીરી કરનાર વિરાયતન સંસ્થાએ કચ્છમાં ઉચ્ચ વ્યવસાયિક શિક્ષણની વિશ્વકક્ષાની સુવિધાઓ ઉપલબ્ધ બનાવી જે આજે કચ્છની વિકાસક્રાંતિના એક સુવર્ણપુષ્ઠ બની ચૂકી છે. પરમ શ્રદ્ધેય આચાર્ય ચંદનાજી મહારાજના આશીર્વાદથી એનો પ્રારંભ કરનારા સાઘ્વી શિલાપીજી મહારાજ છે. એમની દ્રષ્ટિ, સૂઝબૂઝ, અથાક મહેનત, સબળ નેતૃત્વ અને અસરકારક દોરવણીના કા૨ણે આજે કચ્છમાં વિરાયતન શિક્ષણના મહામથક તરીકે ઉભરી આવ્યું છે. અહી આજે જિલ્લાની સર્વપ્રથમ ફાર્મસી ડિગ્રી કોલેજ, મેનેજમેન્ટ કોલેજ, વિશ્વસ્તરની ઈજનેરી કોલેજ, પ્રાથમીક અને માધ્યમિક કક્ષાની ચાર શાળાઓ તેમજ બે તબીબી કેન્દ્રો કાર્યરત છે. જેમાં હજારો વિદ્યાર્થીઓ કોઈ જાતિ, ધર્મ, સંપ્રદાયના ભેદ વગર નિશુલ્ક શિક્ષણ પણ પ્રાપ્ત કરી રહૃાા છે.
પૂ. ચંદનાજી મહારાજના આશીર્વાદથી પૂ. સાધ્વી શિલાપીજી મહારાજ દિલ્હી યુનિવર્સિટીમાંથી એમ.કોમ. અને લંડનની કિંગ્સ કોલેજમાંથી એમ.ફિલની ઉપાધિ મેળવનાર સાધ્વી શિલાપીજી સંસ્કૃત, પ્રાકૃત, મારવાડી (રાજસ્થાની), મરાઠી, ગુજરાતી, હિન્દી તેમજ અંગ્રેજી તેમ સાત ભાષાઓમાં પારંગત છે અને જૈન તત્વજ્ઞાન તેમજ માનવજીવનની સમસ્યાઓ વિશે અગાધ જ્ઞાન તથા ઉડી સમજ ધરાવે છે. ઓકસફર્ડ, હાવર્ડ તેમજ અન્ય ટોચની વિદેશી યુનિવર્સિટીઓમાં સાધ્વીજીના વ્યાખ્યાનો અવારનવાર યોજાતા રહે છે. ભારત દર્શન વિશે પશ્ચિમની યુનિવર્સિટીમાં અભ્યાર કરનાર તેઓ પહેલા જૈન સાધ્વી છે.
કચ્છ વિરાયતન ઈન્સ્ટીટયુટ ઓફ એન્જીનીયરીંગ હરિપર ગામમાં સ્થાપના કરવામાં આવેલ છે. જેમાં ઉચ્ચ શિક્ષણ સંકુલ બનાવવામાં આવેલ છે. જેમાં અનુભવી સ્ટાફ તથા પ્રધ્યાપકો શિક્ષણ આપે છે. આ ઈન્સ્ટીટયુટમાં વિદ્યાર્થીઓને શિક્ષણની સાથો સાથ ટેકનીકલી, ખેલકૂદ તેમજ સાંસ્કૃતીક કાર્યક્રમો કરવામાં આવે છે.
આ શિક્ષણ સંસ્થા ૫ લાખ ફૂટની જગ્યામાં બનાવવામાં આવેલ છે, જેમાં કેમ્પસની અંદર હોસ્ટેલ તથા કોમ્પલેક્ષ આધુનિક સુવિધાથી સજજ છે. જેમાં આઈ.ટી., ઈલેકટ્રોનીક અને કોમ્પ્યુટર, સીવીલ મીકેનીકલ, કેમીકલ, કોમ્યુપટર અને ઈલેકટ્રોનીક એન્જીનીયર ડિગ્રીના વર્ગો તથા ડીપ્લોમા પ્રોગ્રામ કરાવવામાં આવે છે તેમજ જરૂૂરીયાત મંદ વિદ્યાર્થીઓને સ્કોલરશીપ આપવામાં આવે છે. ખાસ નોંધનીય છે કે આ ઈન્સ્ટીટયુટમાંથી ડિગ્રી પ્રાપ્ત કર્યા પછી સારી કંપનીના કેમ્પ ઈન્ટરવ્યુમાં જોબ મળી જાય છે.
૫.પૂ.તાઈમાં મહારાજના માર્ગદર્શન મુજબ પ.પૂ. શિલાપીજી મહારાજની દેખરેખ હેઠળ વર્ષ ૨૦૨૨ માં અદ્યતન આધુનીક ૭૮૦ શીટનો ઓડીટોરીયમ હોલ બનાવી અને ખુલ્લો મૂકવામાં આવ્યો. જેનું નામાધિકરણ 'અદાણી ઓડીટોરીયમ હોલ' રાખવામાં આવેલ.
વર્ષ-૨૦૨૨માં પ્રરીણી મહારાજ સાહેબએ દિક્ષા અંગીકાર કરેલ. તેમની નાની બહેન માનવી બહેન જૈન તા. ૨૫-૧-૨૦૨૫ના રોજ દિક્ષા અંગીકાર કરશે તેમનો વરઘોડો શોભાયાત્રા ૭૨ જિનાલયથી સવારે ઃ ૮ વાગ્યે નીકળશે અને ૧૦વાગ્યે દિક્ષાનો પાઠ ભણાવવામાં આવશે.
સંકલનઃ- શશીકાંત ઉદાણી,
મો. ૯૪૨૭૨ ૪૦૬૭૮
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
શોષણકારી લોગિંગ ઈન્ડસ્ટ્રીઝમાંથી બચાવાયા પછી
જામનગર તા. ૨૨: વનતારા શોષણકારી લોગિંગ ઇન્ડસ્ટ્રીમાંથી બચાવેલા ૨૦ હાથીઓને બંધન મુક્ત વાતાવરણ પૂરું પાડશે. હાથીના ભૂતપૂર્વ માલિકો અને મહાવતો વનતારામાં રોજગારની તકો દ્વારા નવી આજીવિકા અપનાવશે.
દીર્ઘદૃષ્ટા પરોપકારી અનંત અંબાણીએ સ્થાપેલી અત્યાધુનિક એનિમલ રેસ્ક્યુ એન્ડ રિહેબિલિટેશન સંસ્થા, વનતારા અરુણાચલ પ્રદેશની શોષણકારી લોગિંગ ઇન્ડસ્ટ્રીમાંથી મુક્ત કરાયેલા ૨૦ હાથીઓ - ૧૦ નર, ૮ માદા, ૧ અલ્પ-પુખ્ત અને એક બાળ હાથીને આવકારવાની તૈયારી કરી રહૃાું છે. આ બચાવ કામગીરી ત્રિપુરા હાઈકોર્ટ દ્વારા રચવામાં આવેલી અને ભારતની સર્વોચ્ચ અદાલત દ્વારા અનુમોદિત હાઇ-પાવર્ડ કમિટીની મંજૂરી સાથે પ્રાણીઓના વર્તમાન માલિકોની સંપૂર્ણ સંમતિ સાથે હાથ ધરવામાં આવી છે.
આ હાથીઓને ટૂંક સમયમાં વનતારામાં તેમનું કાયમી ઘર મળશે, જે કુદરતી રીતે તેમના મૂળ નિવાસસ્થાનને પ્રતિબિંબિત કરે છે, જ્યાં તેઓ સાંકળના બંધન વિના જીવશે અને તેમને ક્યારેય મજૂરી માટે ફરજ પાડવામાં આવશે નહીં.
પીડિત હાથણીઓની
કરૂણ કહાનીઓ
બચાવી લેવાયેલા હાથીઓમાં એક લક્ષ્મીનો સમાવેશ થાય છે, જે ૧૦ વર્ષની કેદમાં જન્મેલી અલ્પ-પુખ્ત વયની છે અને તે ઊંડા, સારવાર નહીં કરાયેલા ઘાને કારણે તેના પાછળના પગ પર વજન સહન કરવા માટે સંઘર્ષ કરી રહી છે, ઉપરાંત તેના અત્યંત સંવેદનશીલ જમણા કાન પિન્નામાં એક ઇંચના વ્યાસના તાજા ઘાથી પણ પીડાઈ રહી છે. આ બંને ઘા તેના પર માનવ વર્ચસ્વ સ્થાપિત કરવા માટેની ક્રૂર ટેમિંગ પ્રોસેસ દરમિયાન કરવામાં આવ્યા હતા. બે વર્ષની અને કેદમાં જન્મેલી બાળ હાથણી માયાને તેની માતા રોંગમોતી સાથે બચાવી લેવામાં આવી હતી, જેણે લાંબા સમય સુધી લોગિંગનું કામ કરવાથી છાતી અને નિતંબ પર સતત ભારેખમ વજન ઉંચકવાથી થતાં જખમ સહન કર્યા હતા. એક સંપૂર્ણ પુખ્ત હાથી રામુ તેના ૪-૬ મહિનાના આક્રમક થવાના સમયગાળા મુસ્ટ પીરિયડ દરમિયાન તેને નિયંત્રિત કરવા માટે તેના આગળના અને પાછળના પગને સાથે સખત રીતે બાંધી રાખવામાં આવ્યા હતા અને તેના પરિણામે તે સખત શારીરિક અને માનસિક તકલીફમાં રહૃાો હતો. વધુ એક પુખ્ત હાથી બાબુલાલ ભોજન સામગ્રી શોધવા દરમિયાન જંગલી પુખ્ત હાથી સાથેના સંઘર્ષને કારણે ગંભીર રીતે તૂટેલી અને લોહી નીકળતી પૂંછડીની વેદનાથી પીડાય છે. લાંબો સમય કેદમાં રહેવાના કારણે પોતાનો બચાવ કરવા માટેની જરૂરી કુદરતી આવડતો તે ભૂલી ગયો હતો.
મહાવતો-માલિકોને રોજગારીની તક
હાથીઓ માટે આજીવન સંભાળ પૂરી પાડવા ઉપરાંત, આ પ્રોજેક્ટ વનતારામાં હાથીના માલિકો, મહાવતો અને તેમના પરિવારો માટે આજીવિકાની નવી તકો પૂરી પાડે છે. મહાવતો અને સામેલ અન્ય લોકો હાથીઓના સંચાલન માટેની માનવીય અને વૈજ્ઞાનિક રીતે સમર્થિત પદ્ધતિઓમાં સઘન તાલીમ મેળવશે, હાથીઓ માટે દયાળુ સંભાળનું ભવિષ્ય સુનિશ્ચિત કરશે અને આ અભિગમને સમર્થન આપવા માટે જ્ઞાન અને કૌશલ્યો સાથે તેમની સંભાળ રાખનારાઓને સશક્ત બનાવશે.
૨૦૦થી વધુ નિષ્ણાતોની સમર્પિત ટીમ
આ સંસ્થાએ વાઇલ્ડલાઇફ (પ્રોટેક્શન) એક્ટ, ૧૯૭૨ હેઠળ તમામ જરૂૂરી દસ્તાવેજો મેળવ્યા છે, જેમાં ગુજરાત ફોરેસ્ટ ડિપાર્ટમેન્ટ પાસેથી નો ઓબ્જેક્શન સર્ટિફિકેટ અને અરુણાચલ પ્રદેશ ફોરેસ્ટ ડિપાર્ટમેન્ટ પાસેથી ટ્રાન્સપોર્ટ પરમિટ મેળવવાનો સમાવેશ થાય છે. હાથીઓને ખાસ ડિઝાઇન કરાયેલી એલિફન્ટ એમ્બ્યુલન્સમાં લઈ જવામાં આવશે, જેમાં બચ્ચું માયા તેની માતા સાથે મુસાફરી કરશે.
હાથીના પશુ ચિકિત્સકો, પેરાવેટ્સ, સિનિયર કેરટેકર્સ અને વનતારાના એમ્બ્યુલન્સ ડ્રાઇવરોનો સમાવેશ કરતી ૨૦૦થી વધુ નિષ્ણાતોની સમર્પિત ટીમ સખત પરિવહન માર્ગદર્શિકાઓ અને પ્રાણી કલ્યાણ ધોરણોનું પાલન કરવાની સાથે પ્રાણીઓના સલામત અને અનુપાલન પરિવહનની ખાતરી કરશે.
એશિયન સંસ્થાનું સંશોધનપત્ર
આઇયુસીએન/એસએસસી એશિયન એલિફન્ટ સ્પેશિયાલિસ્ટ ગ્રૂપની દ્વિવાર્ષિક જરનલ ગજહમાં ૨૦૨૦માં પ્રકાશિત થયેલું એક સંશોધન પત્ર દર્શાવે છે કે અરુણાચલ પ્રદેશમાં નોંધપાત્ર સંખ્યામાં ખાનગી માલિકીના હાથીઓ કેદમાં ઉછેરવામાં આવે છે. આ હાથીઓને ઘણીવાર જંગલી વિસ્તારોની નજીકમાં રાખવામાં આવે છે, જ્યાં બંધક હાથીઓ જંગલી પુખ્ત હાથીઓના સંપર્કમાં આવે છે. જોકે, હાથીઓની ખાનગી માલિકી ઘટી રહી છે, કારણ કે લોગિંગ પર પ્રતિબંધને પગલે વનસંવર્ધન કામગીરીમાં તેમના ઉપયોગની માંગ પણ ઘટી છે.
વન વિભાગના
અધિકારીનું મંતવ્ય
નમસાઈના ડિવિઝનલ ફોરેસ્ટ ઓફિસર તબાંગ જામોહે પુષ્ટિ કરી હતી કે, ''અરૂણાચલ પ્રદેશમાં લગભગ ૨૦૦ બંધક હાથીઓની સક્રિય સંવર્ધન વસ્તી સાથે, તેમના આરોગ્ય અને કલ્યાણની નજીકથી દેખરેખ રાખવા માટે ડીએનએ પ્રોફાઇલિંગ હાથ ધરવામાં આવી રહૃાું છે. સુપ્રીમ કોર્ટ દ્વારા નિયુક્ત કમિટીના નિર્દેશ મુજબ વનતારા ખાતેના રાધે કૃષ્ણ ટેમ્પલ એલિફન્ટ વેલફેર ટ્રસ્ટમાં ૨૦ હાથીઓની ટ્રાન્સફર આ પ્રાણીઓના ઉજ્જવળ ભવિષ્યની ખાતરી આપે છે. આ પહેલ સ્થાનિક સમુદાયોને વૈકલ્પિક આજીવિકા પૂરી પાડવાની સાથે પ્રાણી કલ્યાણમાં વધારો કરે છે, એ સાથે સંરક્ષણ, સામુદાયિક સુખાકારી અને વન સંરક્ષણ વચ્ચે સંતુલન જાળવી રાખે છે.''
વેટરનરી ઓફિસરનો અભિપ્રાય
ઇટાનગર બાયોલોજિકલ પાર્કના વેટરનરી ઓફિસર ડો. સોરાંગ તડપે જણાવ્યું હતું કે, *બંદીવાન હાથીઓ ઘણીવાર ગંભીર સ્વાસ્થ્ય સમસ્યાઓથી પીડાય છે, જેમાં કઠોર શ્રમ, તાલીમ અને લાંબી સાંકળોને કારણે ઇજાઓ, સંધિવા અને માનસિક આઘાતનો સમાવેશ થાય છે. ઘણાં બાળ હાથી તાલીમ દરમિયાન પગની ઊંડી ઇજાઓ સહન કરે છે, જ્યારે પુખ્ત વયના હાથી જંગલી હાથીઓ સાથેના સંઘર્ષથી સતત જોખમોનો સામનો કરે છે. ચોવીસ કલાક સંભાળ અને ફિઝિયોથેરાપી પૂરી પાડતી સમર્પિત હોસ્પિટલ સુવિધાઓની તાત્કાલિક જરૂૂરિયાત છે, જેનો આપણા રાજ્યમાં હાલમાં અભાવ છે. બચાવેલા હાથીઓ માટે અદ્યતન તબીબી સારવાર અને આજીવન સંભાળ પૂરી પાડતી વનતારા જેવી સુવિધાઓ જોવી પ્રોત્સાહક છે, જે તેમના કલ્યાણ માટે એક મહત્ત્વપૂર્ણ માપદંડ સ્થાપિત કરે છે.''
હાથી માલિકની પ્રતિક્રિયા
હાથીના માલિકોમાંના એક ચૌ થામસાલા મેઇને આ પહેલની વિશિષ્ટતા પર પ્રકાશ પાડતાં જણાવ્યું કેઃ લોગિંગ પર પ્રતિબંધ હોવાથી અમે હવે અમારા હાથીઓનો ઉપયોગ આવી મજૂરી માટે કરવા ઈચ્છતા નથી. અમે ખુશ છીએ કે તેઓ હવે વનતારામાં કાળજીપૂર્વકનું જીવન વિતાવશે. આ પહેલ અમારા બાળકો માટે ઉજ્જવળ ભવિષ્યને સુરક્ષિત કરીને અમારા પરિવારો માટે સ્થિર નોકરીઓ અને સ્થિર આવક પણ પૂરી પાડે છે.''
શોષણકારી લોગિંગથી છુટકારોઃ નવજીવન
શોષણકારી લોગિંગ ઉદ્યોગમાં હાથીઓને અનેક નુકસાન થાય છે કારણ કે તેઓને ભારે લાકડાં ઉપાડવાની અને કલાકો સુધી અથાક કામ કરવાની ફરજ પાડવામાં આવે છે. તેઓ શારીરિક શોષણ, કુપોષણ, સંધિવા અને તબીબી સંભાળનો અભાવ સહન કરે છે. સતત સાંકળોથી બંધાઈ રહેવાને કારણે તેઓ મુક્ત રીતે ફરવાની અને સ્વાભાવિક કુદરતી વર્તણૂકોથી વંચિત રહે છે. આ કઠોર પરિસ્થિતિઓ ગંભીર મનોવૈજ્ઞાનિક આઘાત પણ આપે છે, જે ઘણી વખત માથુ ધુણાવવાના, હલાવવાના અને ઝુલાવવાની તેમની વર્તણૂકોમાં દેખાઈ આવે છે. તેમનામાં બુદ્ધિ અને સામાજિક પ્રકૃતિ હોવા છતાં આ હાથીઓને મશીન તરીકે ગણવામાં આવે છે, તેમની પ્રતિષ્ઠા અને સુખાકારી છીનવાઈ જાય છે. વનતારામાં તેમને નવજીવન અને હાથીઓની જેમ જીવવાની તક મળશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગુમાવેલી શકિત પાછી મેળવવા અને હુષ્ટ-પૃષ્ટ રહેવા શું કરવું ?
શિયાળાની ઋતુમાં કેટલીક સતર્કતા રાખીને શરીરને હુષ્ટ-પૃષ્ટ કેવી રીતે રાખી શકાય અને ગુમાવેલી શકિત કેવી રીતે પાછી મેળવવા વરવાળા આર્યુવેદ ઔષધાલય વૈદ્ય ડી.પી. મહેતાએ કેટલીક માર્ગદર્ક ટીપ્સ રજૂ કરી છેઃ-
માલિશ કરવું: ઠંડી ઋતુમાં સરસિયું કે તલનું તેલ માલિશ રવા માટે ઉપયોગમાં લેવું જોઈએ.
કસરત-વ્યાયામનું મહત્ત્વઃ માલિશ કરી લીધા પછી જ શરીરની શકિત અને સ્થિતિ પ્રમાણે કસરત કરવી, વ્યાયામ કરવો જરૂરી છે. યોગાસન, દંડ બેઠકનો વ્યાયામ કરી શકાય કે સવાર-સાંજ ફરવા જવું કે દોડવું પણ સારી એવી કસરત છે. શિયાળામાં ચાલવું હિતાવહ છે.
સ્નાનનું મહત્ત્વઃ માલિશ કરી, કરારત કરીને તાજા પાણીથી સ્નાન કરવું વધુ ફાયદાકારક છે, જેમને વધારે ઠંડી લાગતી હોય તેઓ ગરમ પાણીથી સ્નાન કરી શકે છે. માથા પર ગરમ પાણી ન નાખવું.
આદું-સુંઠનું સેવનઃ શિયાળામાં આદું, સંુઠ, પીપરી મૂળ, ગંઠોડા વગેરેનું સેવન હિતકારક છે.
શિયાળામાં ખાવા જેવા શાકભાજીઃ ગાજર, મેથી, રીંગણા, મૂળા વગેરે.
પૌષ્ટિક ફળઃ સફરજન, સંતરા, દ્રાક્ષ, મોસંબી, જામફળ, બોર, કેળાં, ખજૂર, આમળા જેવા પૌષ્ટિક ફળનું સેવન કરી શકાય.
શિયાળામાં આરોગ્ય ન બગડે તે માટે શું કરવું જોઈએઃ ગરમ, વિશ્વાસવાળા, પચવામાં ભારે, મીઠા, ખાટા, સહેજ ખારા રસવાળા આહાર દ્રવ્યો ખાવા જોઈએ, તેમજ વધુ જાડા તથા ગરમ કપડાં પહેરવા જોઈએ અને હુંફમાં રહેવું જોઈએ.
પોષ્ટિક ખોરાકઃ શિયાળાની ઋતુમાં પુરતા પ્રમાણમાં ચોખ્ખા દૂધ, ઘી જેવા પૌષ્ટિક પદાર્થો ખાવાનો રિવાજ આજે પણ છે. સૌએ પોતાની શકિત અનુસાર પૌષ્ટિક પદાર્થોનું સેવન કરવું જોઈએ. બદામ, કાજુ, અખરોટ, કિસમિસ, ખજૂર, કોપરૃં, અડદની દાળ, ગુંદર, ચારોળી, તલ, અડદ, શેરડી, ગોળ, કાળા તલનું કચરિયું, લસણ વગેરે પણ યથાશકિત ખાવાજોઈએ.
શકિત આપનારા ઔષધોનું સેવન પણ કરી શકાયઃ આમળાનું અશ્વગંધા, શતાવરી, રસાયણ ચૂર્ણ, સારી ફાર્મસીનો ચ્યવનપ્રાશ, જેઠીમધ વગેરે દ્રવ્યોનું સેવન શિયાળામાં બળ, આરોગ્ય, રસાયણ ગુણ આપનારા છે, ફાયદાકારક છે.
ઘરે પાક બનાવોઃ પ્રત્યેક શિયાળામાં પાક બનાવીને ખાવાની પ્રણાલી યુગોથી ચાલી આવે છે. જુદાં જુદાં વસાણાં નાખીને સુખડી બનાવવી, અડદિયા પાક, પેથીપાક, ગુંદર પાક જેવા ઘરગથ્થું પાક ઘેર ઘેર બનાવી કેટલાય કુટુંબો આખો શિયાળો ખાતા હોય છે. પાચન શકિતનો ખ્યાલ રાખી સવારે સાંજે આ પાક ખાતા રહેવાથી તેમજ આયુર્વેદના દ્રવ્યો આમળા, મૂસળી, કૌચા વગેરેથી પાક વિધિથી તૈયાર થયેલ પાક ખાવાથી સ્ત્રી-પુરૂષ-બાળકોને પણ શકિત, બળ, સ્ફૂર્તિ અને આરોગ્ય મળે છે.
શિયાળામાં હાથ-પગના વાઢિયાથી બચવા માટેઃ શિયાળામાં હાથ-પગના તળિયામાં વાઢિયા થાય છે. ચિરા પડે છે, આનાથી બચવા માટે તેમજ આગળ વધતા અટકાવવા માટે ઠંડીમાં સુતરાઉ-કોટનના ગરમ પગ મોજા પહેરવા, સાધારણ ગરમ પાણીથી સ્નાન કરવું, આખા શરીરે અને પગના તળિયે હંમેશા ખૂબ માલિશ કરવી. વાઢિયા થયા હોય તેમણે પગને ગરમ પાણીથી ધોઈ વાઢિયા-ચિરામાં દિવેલ, કોકમનું ઘી કે તૈયાર મળતા જાત્યાદિ તેલ, જાત્યાદિ મલમ નિયમિત લગાડતા રહેવું.
શિયાળામાં થતા ચામડીના રોગોઃ શિયાળામાં થતા ચામડીના રોગોમાં સંયમ ખૂબ જ હિતાવહ છે. મધુર, ખાટાં, ભારે, ચિકણા અને પૌષ્ટિક આહાર વધારે પ્રમાણમાં ખવાય તો કફજન્ય કેટલાક ચામડીના રોગો થવાની શકયતા રહે છે. શ્યિાળામાં થતા ચામડીના રોગો માટે ધમાસો અથવા લીમડાના પાનનો ઉકાળો કરી ગરમ પાણીથી સ્નાન કરવું અને રોગવાળા ભાગને સાફ કરવું. શરીરે ખંજવાળ આવે તો સરસિયું તેલ લગાડવું.
શિયાળામાં ઠંડા પીણા ન પીશોઃ ઠંડા પીણા કે બરફવાળા પીણા કારણ વિના કે સમજ વિના શિયાળામાં પીવા હિતાવહ નથી.
શિયાળામાં થતા શરદી-ઉધરસ, કફમાં ઉપયોગી ઔષધોઃ શુંઠ, મરી, પીપર, અજમો, અરડૂસી, તુલસી, હળદર અને મધ, જેઠી મધ વગેરેનું સેવન કરવું જોઈએ. સર્વે સન્તુ નિરામયાઃ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મહાવત પર એક હાથીએ હૂમલો કર્યા પછી બન્ને સંસ્થાઓ વચ્ચે નવી સમજૂતિ
જામનગર તા. ૨૧: ઈસ્કોન માયાપુરની બે બીમાર હાથણીઓને વનતારામાં આજીવન કાળજી સાથે નિભાવાશે. એક હાથીએ તેના મહાવત પર જીવલેણ હુમલો કરવાની કરૂણાંતિકાને પગલે બંને સંસ્થાઓ વચ્ચે નવી ભાગીદારી સધાઈ હતી. જેને અદાલતી અનુમોદન પણ મળી ચૂકયું છે.
દીર્ઘદૃષ્ટા પરોપકારી અનંત અંબાણીએ સ્થાપેલી અત્યાધુનિક એનિમલ રેસ્ક્યુ એન્ડ રિહેબિલિટેશન સંસ્થા, વનતારા બે માદા હાથી, ૧૮ વર્ષની વિષ્ણુપ્રિયા અને ૨૬ વર્ષની લક્ષ્મીપ્રિયાનું સ્વાગત કરવા સજ્જ થઈ રહી છે. આ બંને હાથણીને કોલકાતા પાસેના માયાપુર સ્થિત ઈન્ટરનેશનલ સોસાયટી ફોર ક્રિશ્ના કોન્શિયસનેસ (ઈસ્કોન)માંથી લાવવામાં આવી રહી છે. ગત એપ્રિલમાં વિષ્ણુપ્રિયાએ અત્યંત આક્રમક સ્વરૂપ ધારણ કરીને તેના મહાવત પર જીવલેણ હુમલો કરવાની કરૂણ ઘટનાને પગલે આ બંને હાથણીને વનતારામાં ખસેડવામાં આવી રહી છે.
આ કરૂણાંતિકા બાદ બંને હાથણીને વિશેષજ્ઞની કાળજી તેમજ તેમની સુખાકારી માટે વધુ અનુકૂળ વાતાવરણમાં ખસેડવાની જરૂરિયાત પર ભાર મૂકાયો હતો. ઈસ્કોન સાથેની ભાગીદારીમાં વનતારા દ્વારા હાથ ધરાયેલી આ ટ્રાન્સફર પ્રોજેક્ટની પહેલને ત્રિપુરા હાઈકોર્ટ દ્વારા રચાયેલી હાઈ-પાવર્ડ કમિટી તરફથી સંપૂર્ણ અનુમતિ અપાઈ હતી, જેનું ભારતની સર્વોચ્ચ અદાલતે પણ અનુમોદન કર્યું હતું, જેને તણાવગ્રસ્ત વન્ય પ્રાણીઓને રેસ્ક્યુ કરવા તથા તેમના માટે સુરક્ષિત, તણાવ-મુક્ત વાતાવરણ સુનિશ્ચિત કરવાની જવાબદારી સોંપાઈ છે. વનતારામાં, વિષ્ણુપ્રિયા તથા લક્ષ્મીપ્રિયાને હાથીઓ માટેના આબેહૂબ કુદરતી આવાસ જેવી ખાસ કાળજીપૂર્વકની ડિઝાઈન ધરાવતા કાયમી રહેઠાણમાં રાખવામાં આવશે. અહીં તેમને સાંકળોથી મુક્ત વાતાવરણમાં મનોવૈજ્ઞાનિક મૂલ્યાંકનો અને પશુચિકિત્સકો દ્વારા કાળજી ઉપરાંત હકારાત્મક સશક્તિકરણ માટેની તાલીમ અપાશે અને આ રીતે તેમની સાથે બળજબરીથી મુક્ત તેમજ ઈનામ સ્વરૂપી તાલીમ દ્વારા વિશ્વાસ સંપાદિત કરાશે. તેઓને વિવિધ પ્રફુલ્લિત કરતી પ્રવૃત્તિઓમાં જોડાવાની સાથે-સાથે, અન્ય હાથીઓ સાથે સંપર્કમાં આવી ઘેરો નાતો બનાવવાની તકો પૂરી પડાશે અને આ રીતે તેમના પરિચારકો તરફથી તેમનું કરુણાસભર ધ્યાન પણ રખાશે, જે બધું તેમને એક નવજીવનની પ્રાપ્તિ માટે અતિ આવશ્યક છે.
ઈસ્કોન માયાપુરમાં ૨૦૦૭ની સાલથી લક્ષ્મીપ્રિયા અને ૨૦૧૦ની સાલથી વિષ્ણુપ્રિયાને રાખવામાં આવી હતી અને તેમનો મંદિરની વિવિધ પરંપરાઓ તેમજ ઉત્સવોની ઉજવણીમાં ઉપયોગ કરાતો હતો. પીપલ ફોર એથિકલ ટ્રીટમેન્ટ ઓફ એનિમલ્સ (પીટા) ઈન્ડિયા અને વર્લ્ડ એનિમલ પ્રોટેક્શન સહિતની વિવિધ પ્રાણી સુરક્ષા સંસ્થાઓ ઘણા સમયથી ઈસ્કોનના હાથીઓની મુક્તિ તેમજ તેમને એક વિશ્વસનીય અને જાણીતી હાથી જાળવણી સુવિધામાં ખસેડવાની હિમાયત કરી રહૃાા હતા. પીટા ઈન્ડિયાએ તો આ હાથીઓને રેસ્ક્યુ સેન્ટરમાં ખસેડવાના બદલામાં મંદિરને તેની પરંપરાઓ નિભાવવા એક મિકેનાઈઝ હાથીની પણ ઓફર કરી હતી.
ઈસ્કોન મંદિરના વરિષ્ઠ સભ્ય તેમજ માયાપુરમાં મહાવત અને હાથીઓની બાબતોના મેનેજર હિમતીદેવી દાસીએ જણાવ્યું હતું કે, ઈસ્કોનમાં અમારી માન્યતાઓ અનુસાર, દરેકના બાહૃા શરીરની અંદરનો સૂક્ષ્મ જીવ તો સમાન આધ્યાત્મિકતા ધરાવે છે. અમે તો કોઈ પણ પ્રાણી અથવા નાત-જાતનો ભેદભાવ રાખતા જ નથી. અલગ-અલગ શરીરના ભિન્ન સ્વભાવ અને પ્રકૃતિ હોઈ શકે છે, પરંતુ, દરેક શરીરની અંદરનો આત્મા તો એકસમાન જ આધ્યાત્મિકતા ધરાવે છે જે કરુણા અને આદરને પાત્ર છે. પ્રાણીઓ સાથે કરુણા અને આદરપૂર્વક વર્તીને અમે ભગવાન શ્રીકૃષ્ણ પ્રત્યે અમારી ભક્તિની અભિવ્યક્તિ કરીએ છીએ, જેમણે આપણને સહુને શીખવ્યું છે કે તમામ જીવમાત્રની રક્ષા અને પાલનપોષણ કરીને જ ઈશ્વરની સાચી સેવા કરી શકાય છે. મેં જાતે જ આ માટે વનતારાની મુલાકાત લીધી હતી અને મેં ત્યાં જોયું હતું કે અમે જે સિદ્ધાંતોમાં માનીએ છીએ તેનું જ તો ત્યાં અનુસરણ થઈ રહૃાું છે. મને પૂર્ણ વિશ્વાસ છે કે વનતારામાં વિષ્ણુપ્રિયા અને લક્ષ્મીપ્રિયા ખૂબ સુખેથી રહેશે, બહુ ઝડપથી નવા મિત્રો બનાવશે, અને આનંદથી ભરપૂર એવું જીવન વ્યતિત કરશે, તેમજ સાથે-સાથે વનમાં હાથીઓને જે આઝાદી અને આનંદ મળે છે તેવો જ અહેસાસ માણશે.
હાથીઓને કેદ કરી રખાય તો તેનાથી તેમની માનસિક અવસ્થા પર અત્યંત વિપરીત અસર પડે છે કારણ કે જંગલમાં તેઓ આઝાદીપૂર્ણ તેમજ સામાજિક નાતો કેળવીને જીવે છે. આનાથી તેમની એકંદર સુખાકારી જળવાઈ રહે છે. પરંતુ હાથીઓને કેદ કરી રખાય તો આ બંને પાયાગત જરૂરિયાતો જળવાતી નથી, જેના કારણે તેમની મનોદશા પર અત્યંત વિપરીત અસર પડે છે અને તેમની વર્તણૂક બદલાઈ જાય છે, ડિપ્રેશનમાં આવી જાય છે અને પરિણામે આક્રમકતામાં તેઓ હુમલો કરી બેસે છે. પરંતુ વનતારામાં, રિસ્ક્યુ કરાયેલા હાથીઓને તેમની શારીરિક તંદુરસ્તીથી પણ બે ડગલાં આગળ વધીને કાળજી રખાય છે. તેમની માનસિક તથા સંવેદનાત્મક મનોદશાને સુધારવા ઉપર પણ તેટલું જ ધ્યાન અપાય છે. અહીં નિષ્ણાત પશુચિકિત્સકો તથા પશુ મનોવૈજ્ઞાનિકો હાથીઓના માનસિક આઘાતના મૂળ કારણને જાણીને તેનો ઈલાજ કરવા તેમનું મનોવૈજ્ઞાનિક મૂલ્યાંકન કરે છે.
વનતારાની અત્યાધુનિક સુવિધામાં વિશ્વની સૌથી મોટી હાથીની હોસ્પિટલનો પણ સમાવેશ થાય છે અને તેની ડિઝાઈન એ રીતે બનાવાઈ છે કે જેથી અહીં હાથીઓના હકારાત્મક પુનઃશક્તિકરણ માટે તેઓને તાલીમ આપવાની સાથે, તેમની જીવનશૈલીને સમૃદ્ધ બનાવવા તેમજ કુદરતી જેવા જ આવાસી વાતાવરણની રચના માટે તેમના સામાજિક જોડાણ પર ભાર મૂકવા જેવી બાબતોને સામેલ કરી શકાય, જેથી તેમને વ્યક્તિગત માનસિક આરોગ્ય સહાયતા મળી રહે. આ સાર્વત્રિક અભિગમ સુનિશ્ચિત કરે છે કે રેસ્ક્યુ કરાયેલા હાથીઓ માત્ર તેમની શારીરિક શક્તિ જ નહીં, પરંતુ સંવેદનાત્મક સ્થિરતા અને માનસિક સુખાકારી પણ પુનઃપ્રાપ્ત કરે. આખરે હાથીઓને સંપૂર્ણ નવપલ્લિત કરીને તેમના જીવનની ગુણવત્તાને સુધારવી એજ તો વનતારાની વચનબદ્ધતા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મેરૂ તો ડગે પણ જેના મનડાં ડગે નહિ...
કહેવાય છે કે તમે જો મન મકકમ કરો તો સફળતા ગમે તેવી મુશ્કેલ હોય મળે જ છે!! તેમ કહેવાય છે ને કે અડગ મનના માનવીને હિમાલય પણ નડતો નથી કંઈક તેવી જ અનોખી કહાણી દ્વારકા આસીસ્ટંટ કલેકટર અમોલ આવરેની છે!!
મહારાષ્ટ્રમાં જન્મેલા અમોલ આવરેના પિતા મહારાષ્ટ્ર રાજ્યમાં સ્ટેટ ટ્રાન્સપોર્ટ વિભાગમાં હતા. તેમની બે-ત્રણ વર્ષ અલગ શહેરમાં બદલી થતી છતાં પણ અમોલ આવરેએ મીલીટરની અઘરી પરીક્ષા એન.ડી.એ. પાસ કરી, એલ.એલ.બી. પાસ કરી અને છેવટે કમ્બાઈન્ડ ડિફેન્સ સર્વિસ સી.ડી.એસ. પાસ કરીને ઈન્ડીયન મીલીટરી એકેડેમી દહેરાદુનમાં ટ્રેનીંગ લેવા ગયેલા.
એન.સી.સી.માં બેસ્ટ કેડેટ ઓલ ઈન્ડિયા બનનાર અમોલ આવરે એન.સી.સી.માં વિદેશ પણ ગયા હતા તે પછી લશ્કરમાં નોકરી કરી અને વીસ વર્ષ પછી ચેન્નઈમાં નોકરીમાંથી નિવૃત્ત થયા સિવિલ સર્વિસની પરીક્ષા આપવા ત્યારે તેમની ઉંમર ૪૧ હતી!!
૨૦૨૦થી જ કોવીડના સમયથી તેમણે તૈયારીઓ શરૂ કરી દીધેલ અને સવારે ૩ાા વાગ્યાથી તૈયારી શરૂ કરતા અમોલ આવરે અર્થશાસ્ત્રના સ્નાતક તથા આઈએએસમાં ભૂગોળ વૈકલ્પિક વિષય ધરાવનારા ફાયનલ ઈન્ટરવ્યૂમાં ૨૦૧ ગુણ મેળવનાર ભાગ્યશાળી ઉમેદવાર હતા !!
આઈ.એ.એલ. જનરલ કેટેગરીમાં ઉંમર મર્યાદા ૩૨ વર્ષની છે. પણ એકસ સર્વિસ મેનને પાંચ વર્ષ તથા મિલીટરી સર્વિસમાં ગંભીર ઈજા બદલ બીજા પાંચ વર્ષ મળે તેથી અમોલ આવરે ૪૧ વર્ષે પરીક્ષા આપી પણ એક જ પ્રયત્ન પરીક્ષા આઈ.એ.એસ. માટે હતો અને તેમાં સફળ થઈ ગયા !!
એક ઈન્ટરવ્યૂમાં તેમણે જણાવેલ કે ૨૦-૨૦ વર્ષ મીલીટરીમાં કાઢયા પછી સિવિલ સર્વિસમાં જવા માંગતા તેમના વ્યવસાયના લોકો દાંત કાઢતા હતા પણ આ અડગ મનના અધિકારીએ ૨૦ વર્ષ મીલીટરી જીવન માણ્યું હવે સિવિલ સર્વિસીઝમાં લોકોની સેવા કરવી છે. ધ્યેય સાથે ઝંપલાવ્યું અને સફળ થયા ૨૦૨૧માં આઈ.એ.એસ. પાસ ૨૦૨૨માં ટ્રેનીંગ અને ૨૦૨૪માં દ્વારકા પોસ્ટીંગ થયું!!
પોલોના ખેલાડી અમોલ શાંતારામ આવરેના પત્ની પણ મીલીટરીમાં ડોકટર હતા તથા તાજેતરમાં દ્વારકા તથા બેટ દ્વારકામાં ડિમોલેશનમાં ચાવીરૂપ ભૂમિકા સાથે લશ્કરી અધિકારી સનદી અધિકારી બને તો કેવું કામ કરી શકે તેનો દાખલો તથા દ્વારકા જિલ્લામાં બેસાડનાર અમોલ આવરેની કામગીરી પ્રશંસા સાથે ૨૦ વર્ષ મીલીટરી નોકરી પછી આઈ.એ.એસ. થવાનું અનેક યુવાનો માટે ખૂબ જ પ્રેરણાત્મક રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ધીસ ડે ડુ નોટ એનીથીંગ!
તમે જાણો છો કે દર વર્ષે ૧૬ જાન્યુઆરીના દિવસે 'નેશનલ નથીંગ ડે' ક્યા દેશમાં મનાવાય છે?
'નેશનલ નથીંગ ડે'ને હિન્દી ભાષામાં 'રાષ્ટ્રીય શૂન્ય દિવસ' ગણાવાયો છે. યુએસમાં વર્ષ ૧૯૭ર માં એક કોલમિસ્ટ હેરોલ્ડ પુલ્મૈના કોફિને આ પ્રસ્તાવ મૂક્યો હતો, અને વર્ષ ૧૯૭૩ થી આ દિવસ નિયમિત રીતે મનાવાય છે, અને તેનું આયોજન હેરોલ્ડઠ પુલ્મૈન કોફિન દ્વારા કેલિફોર્નિયામાં ચાલતા નેશનલ નથીંગ ફાઉન્ડેશન દ્વારા થાય છે. આ દિવસે કોઈપણ પ્રકારના ઈવેન્ટનું આયોજન કરવામાં આવ્યું નથી, તેથી તેને 'અન-ઈવેન્ટ ડે' પણ કહેવામાં આવે છે, જો કે આ ચર્ચાસ્પદ પ્રકારની દરખાસ્ત એ પહેલા છેક વર્ષ ૧૯પ૬ માં અલબામાના મેયર જેમ્સ ડબલ્યુ મોર્ગને કરી હતી અને 'નેશનલ નથીંગ વીક'નો કોન્સેપ્ટ મૂક્યો હતો, તેવો ઉલ્લેખ પણ જોવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આપણા દેશમાં દર વર્ષે ૧પ લાખ દર્દી બને છે ભોગઃ
હમણાંથી એક ગ્લોબલ ચેલેન્જની ચર્ચા હેલ્થ સેક્ટરમાં થઈ રહી છે, અને તેમાં પણ ભારતમાં સમસ્યાનો ભોગ દર વર્ષે ૧પ લાખ દર્દીઓ બનતા હોવાનું બહાર આવ્યા પછી તેના સંદર્ભે વિવિધ પ્રત્યાઘાતો પણ સામે આવી રહ્યા છે.
મેડિકલની ભાષામાં આ સમસ્યાને એસ.એસ.આઈ. એટલે કે સર્જિકલ સાઈડ ઈફેક્ટ કહેવાય છે.
કોઈપણ પ્રકારની શસ્ત્રક્રિયા (ઓપરેશન) પછી સ્ટીચ લેવાય અને ચામડી પૂર્વવત થાય, તે દરમિયાન ચીરાઓમાં કેટલાક બેકટેરિયા ઘૂસી જતા હોય છે, અને તેનાથી દર્દીને સંક્રમણ થઈ જાય છે, જેનો પોસ્ટ ઓપરેશન એટલે કે શસ્ત્રક્રિયા પછી અલગથી ઉપચાર કરવો પડતો હોય છે. જો આ ઉપચાર સમયોચિત કે ચોક્કસ રીતે ન થાય તો તેના કારણે નવી બીમારીઓ કે ગંભીર અસરોનો ભોગ પણ દર્દીને બનવું પડતું હોય છે.
તાજેતરના આઈસીએમઆરના એક રિપોર્ટને ટાંકીને ચાલી રહેલી ગંભીર પ્રકારની ચર્ચાઓ મુજબ ભારતમાં એસએસઆઈનો દર પ.ર ટકા છે એટલે કે દર ૧૦૦ ઓપરેશન થયા પછી પાંચેક દર્દીઓને સંક્રમણ થઈ જાય છે, તેમાં પણ ઓર્થોપેડિક ઓપરેશન, સ્નાયુઓ અને હાડકાને લગતી શસ્ત્રક્રિયાઓ પછી એસએસઆઈનો દર પ૪.ર ટકા છે, જેને ચિંતાજનક ગણાવીને ઈન્ડિયન મેડિકલ કાઉન્સિલે એક સર્વેલન્સ નેટવક શરૂ કર્યું હોવાનું કહેવાય છે.
આ માટે આઈસીએસઆર દ્વારા દિલ્હીની એઈમ્સ, કસ્તુરબા હોસ્પિટલ અને મુંબઈની ટાટા મેમોરિયલ હોસ્પિટલનો અભ્યાસ કરીને ૩ હજારથી વધુ દર્દીઓને શસ્ત્રક્રિયા પછી સંક્રમણ થયું હતું કે, કેમ, તેનો અભ્યાસ કરીને જે તારણો કાઢ્યા, જણાયું કે દોઢસોથી વધુ દર્દીઓને ઓપરેશન છપી સંક્રમણનો ભોગ બનવું પડ્યું હતું. આ અભ્યાસ દરમિયાન એવું તારણ પણ નીકળ્યું ઓપરેશનો થયા પછી દર્દીઓને ડિસ્ચાર્જ કરવામાં આવે, એટલે કે રજા આપવામાં આવે, તે પછી ૬૬ ટકા દર્દીઓમાં સંક્રમણ જોવા મળ્યું હતું. આ કારણે હોસ્પિટલમાંથી રજા આપતી વખતે જ દર્દીઓ તથા તેના પરિવાર કે સગાઓને આ જોખમ ટાળવા માત્ર માર્ગદર્શન જ નહીં, પરંતુ પૂરી તાલીમ સાથે જરૂરી દવાઓ આપવા ઉપરાંત થોડા દિવસો સુધી ફોલો-અપ કરવું જોઈએ, તેવા અભિપ્રાયો પણ સામે આવ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઈન્ડિયા ગઠબંધન લોકસભાની ચૂંટણી પૂરતું જ હતું?
નવી દિલ્હી તા ૧૦: ઈન્ડિયા ગઠબંધનમાં હવે ફાટફૂટ સ્પષ્ટપણે દેખાઈ રહી છે જમ્મુ-કાશ્મીરના મુખ્યમંત્રી ઓમર અબ્દુલ્લા પણ હવે એનડએની ભાષા બોલવા લાગ્યા છે, અને કહી રહ્યા છે કે, જો લોકસભા પૂરતું જ ઈન્ડિયા ગઠબંધન રહ્યું હોય, તો તેને હવે વિખેરી નાંખો અને રાજ્યોમાં પણ આ ગઠબંધન જાળવી રાખવું હોય તો પરસ્પર લડવાનું બંધ કરો તેમણે લોકસભાની ચુંટણી પછી ઈન્ડિયા ગઠબંધનની એક પણ સર્વગ્રાહી બેઠક નહીં બોલાવાઈ તેનો ઉલ્લેખ કરીને આ ગઠબંધનનો નેતા કોણ? તેવો સણસણતો સવાલ પણ ઊઠાવ્યો છે.
દિલ્હીની ચૂંટણી
દિલ્હી વિધાનસભાની ચૂંટણીમાં કોંગ્રેસે આમ આદમી પાર્ટી સામે ચૂંટણી જંગમાં ઝંપલાવ્યા પછી કોંગ્રેસના નેતાઓએ ઈન્ડિયા ગઠબંધન મોદીને હરાવવાના ઉદ્દેશ્યથી લોકસભાની ચૂંટણી પૂરતું જ રચાયું હતું, તે પ્રકારના નિવેદનો કર્યા પછી હવે ઈન્ડિયા ગઠબંધનના અસ્તિત્વ પણ જ સવાલ ઊઠી રહ્યા છે. એક તરફ આમ આદમી પાર્ટી કોંગ્રેસ પર દિલ્હીમાં ભાજપને લાભ કરાવવાનો આક્ષેપ લગાવી રહી છે, તો કોંગ્રેસ પણ કેજરીવાલને ભ્રષ્ટ, તકવાદી અને ડ્રામેબાજ ગણાવી રહી છે કોંગ્રેસના આ વલણ પછી અખિલેશ યાદવ અને મમતા બેનર્જીએ તો 'આપ'ને ટેકો આપીને કોંગ્રેસનો સાથ છોડી જ દીધો, પરંતુ જમ્મુ-કાશ્મીરમાં ગઠબંધન ધરાવતી નેશનલ કોન્ફરન્સના નેતા ઓમર અબ્દુલ્લાના નિવેદનોએ પણ ઈન્ડિયા ગઠબંધનના અસ્તિત્વ સામે જ સવાલો ઊભા કરી દીધા છે ટૂંકમાં દિલ્હીની ચૂંટણી પછી ઈન્ડિયા ગઠબંધન હવે ધીમે ધીમે વિખેરાઈ રહ્યું છે, તેથી તેનો ફાયદો પ્રાદેશિક પક્ષોને થશે કે કોંગ્રેસને થશે, તે અંગે ચર્ચા શરૂ થઈ ગઈ છે.
કોંગ્રેસને સીધો ફાયદો
વિવિધ વિશ્લેષકો ભિન્ન ભિન્ન અભિપ્રાયો વ્યક્ત કરી રહ્યા છે, પરંતુ મોટાભાગના તારણો એવા નીકળે છે કે ઈન્ડિયા ગઠબંધનનો થોડો-ઘણો ફાયદો લોકસભાની ચૂંટણીમાં કોંગ્રેસને થયો, પરંતુ વધુ ફાયદો પ્રાદેશિક પક્ષોને થયો છે, કારણ કે પ્રાદેશિક પક્ષો સાથે સીટશેરીંગ દરમિયાન કોંગ્રેસે મોટું મન રાખ્યું હતું, અને ઓછી બેઠકો પર ચૂંટણી લડી હતી. આ કારણે જ કોંગ્રેસ લોકસભાની ચૂંટણીમાં ૯૯ પર અટકી ગઈ હતી જો કોંગ્રેસ એકલા હાથે ચૂંટણી લડે તો રાજ્યોમાં કોંગ્રેસને જ સીધો ફાયદો થાય, તેવા તારણો વિશ્લેષકો કાઢી રહ્યા છે.
બદલતા સમિકરણો
લોકસભાની ચૂંટણીઓ પછી મહારાષ્ટ્ર, હરિયાણા, ઝારખંડની વિધાનસભાની ચૂંટણીઓ થઈ, તેમાં હેમંત સોરેન તો સ્વબળે ટકી ગયા અને કોંગ્રેસ સમર્થિત સરકાર ત્યાં રચાઈ ગઈ, પરંતુ મહારાષ્ટ્ર અને હરિયાણામાં એનડીએનું પલડું ભારે રહ્યું, તેની પાછળ કોંગ્રેસે પ્રાદેશિક પક્ષો સાથે સીટશેરીંગમાં આપેલું બલિદાન જ કારણભૂત હતું અને કોંગ્રેસ એકલા હાથે લડી હોત તો કદાચ ચિત્ર જુદું જ હોત, તેમ ઘણાં રાજકીય પંડિમાને છે. હવે જાગ્યા ત્યાંથી સવારની જેમ કોંગ્રેસે એકલા ચાલવાનું નક્કી કર્યું હોય તો તે યોગ્ય છે, તેવા મંતવ્યો પણ વ્યક્ત થઈ રહ્યા છે.
બદલતા સમીકરણોના કારણે હવે ઈન્ડિયા ગઠબંધનનું કોઈ ઔચિત્ય રહી ગયું નથી. એટલું જ નહીં, આરજેડી જેવા વફાદાર સાથીદારો પણ જો ગોળ-ગોળ વાતો કરી રહ્યા હોય તો કોંગ્રેસે એક સૌથી જુના રાષ્ટ્રીય મજબૂત પક્ષની શાખ જાળવી રાખવા વધુ મજબૂત બનવું જ પડશે, અને તે માટે દિલ્હીની જેમ અન્ય રાજ્યોમાં પણ એકલા હાથે જ ચૂંટણી લડવી જોઈએ. એટલું જ નહીં, પક્ષની અંદર પણ લોકતાંત્રિક પ્રક્રિયા દ્વારા ટોપ-ટુ-બોટમ નેતાગીરી નવેસરથી નિશ્ચિત કરવી જોઈએ, તેવા અભિપ્રાયો પણ વ્યક્ત થઈ રહ્યા છે
કાંખઘોડી વધારવાની રણનીતિ?
તાજેતરમાં શરદ પવાર અને સંજય રાઉતે આરએસએસના વખાણ કર્યા પછી એવી અટકળો તેજ થઈ ગઈ છે કે આ શિવસેના અને શરદ પવારની એનસીપી હવે એનડીએમાં સામેલ થશે. જો એવું થાય તો પણ ઈન્ડિયા ગઠબંધન તો વિખેરાઈ જ જાય, અને કોંગ્રેસ એકલી પડી જાય, એવું મનાય છે કે માત્ર નીતિશકુમાર કે ચંદ્રબાબુ નાયડુના ભરોસે ન રહેવું પડે તે માટે મહારાષ્ટ્રની તર્જ પર એનડીએમાં અન્ય પ્રાદેશિક પક્ષોને (ઈન્ડિયા ગઠબંધન તૂટે તે પછી) એનડીએમાં સમાવીને મોદી સરકારને વધુ મજબૂત બનાવવાની રણનીતિ અપનાવાઈ રહી છે, જેને ટીકાકારો 'કાંખઘોડી વધારવાની રણનીતિ'ગણાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઉડે જો આભમાં પતંગ તમારી, સંભાળજો એ આભમાં છે સવારી અમારી...
આપણે સૌ ઉત્તરાયણનો તહેવાર સમગ્ર ગુજરાતમા હર્ષોલ્લાસથી દર વર્ષે ઉજવીએ છીએ. પતંગ ઉડાડવાની મજા માણતા ઘણી વખત પતંગની દોરીથી પક્ષીઓ ઇજાગ્રસ્ત થાય છે કે મૃત્યુ પામે છે. આ અબોલ અને નિર્દોષ પક્ષીઓના જીવ અમૂલ્ય છે. તેથી તેમને બચાવવા એ આપણી સૌની નૈતિક ફરજ છે.વન વિભાગ દ્વારા સ્વૈચ્છિક સંસ્થાઓ અને સ્વંયસેવકોના સાથ સહકારથી 'કરુણા અભિયાન-૨૦૨૫' અંતર્ગત ઇજાગ્રસ્ત પક્ષીની સારવાર અને બચાવની કામગીરીનું આયોજન કરવામાં આવેલ છે. આ માટે નીચે મુજબના કેન્દ્રો અને સંપર્કો નક્કી થયેલ છે. ઇજાગ્રસ્ત પક્ષીઓના જીવ બચાવવા, આ કરુણા અભિયાનમાં સહભાગી થવા વિનંતી છે. આપ સૌને આપના વિસ્તારમાં કોઇપણ ઇજાગ્રસ્ત પક્ષી ધ્યાને આવે તો તેને નીચે દર્શાવેલા તમારા નજીકના કોઇપણ એક કેન્દ્ર ઉપર પહોચાડવા વિનંતી છે, અથવા નીચે દર્શાવેલ વિસ્તાર મુજબની મદદ માટેના સંપર્ક કેન્દ્રોને જાણ કરવા વન વિભાગ દ્વારા અનુરોધ કરાયો છે.
ઉત્તરાયણ દરમિયાન આટલું કરીએ
ફક્ત ઉત્તરાયણના દિવસે પતંગ ચગાવીએ, વૃક્ષો, ઇલેક્ટ્રીક લાઇન અને ટેલિફોન લાઇનથી દૂર પતંગ ચગાવીએ, ઘાયલ પક્ષીને જોતા તરત જ નિકટના સારવાર કેન્દ્રનો સંપર્ક કરીએ, ઘાયલ પક્ષીની આંખને કપડાથી ઢાંકી હવાની અવર-જવર થઇ શકે તેવા પાત્રમાં બનતી ત્વરાએ સારવાર કેન્દ્રમાં પહોચાડીયે, ઘરના ધાબા પર કે આજુબાજુના વૃક્ષોમા ફસાયેલી દોરીનો નિકાલ કરીએ.
સવારે ૯.૦૦ વાગ્યા પહેલા કે સાંજના ૫.૦૦ વાગ્યા પછી પતંગ ન ચગાવીએ
પક્ષીઓ સુરક્ષિત રહે તે માટે સવારે ૯.૦૦ વાગ્યા પહેલા કે સાંજના ૫.૦૦ વાગ્યા પછી પતંગ ન ચગાવીએ, ક્યારેય પણ તુક્કલ ન ચગાવીએ. ચાઇનીઝ, સીંથેટીક કે કાચ પાયેલી દોરીનો પતંગ ચગાવવામા ઉપયોગ ન કરીએ, ઘાયલ પક્ષીના મોઢામાં પાણી કે ભોજન ન મુકીએ, રાત્રિના સમયે ગુબ્બારા કે ફુગ્ગા ન ચગાવીએ, ઘાયલ પક્ષીની સારવાર જાતે ન કરતા, યોગ્ય સારવાર સ્થળ સુધી પહોચાડવાની વ્યવસ્થા કરીએ.
વન વિભાગનો હેલ્પ લાઇન નંબરઃ-૧૯૨૬ અને ૮૩૨૦૦૦૨૦૦૦ અથવા વોટસઅપમા 'દ્ભટ્ઠિેહટ્ઠ' ટાઇપ કરીને મોકલવાથી ગુજરાત રાજ્યના બધા જ જિલ્લાની કરુણા અભિયાનની વિગતવાર માહિતી મળી શકશે. તેમજ એનિમલ એમ્બ્યુલન્સ હેલ્પલાઇન નંબર ::૧૯૬૨, વીજ ફરીયાદ માટે ટોલ ફ્રી નંબર : ૧૯૧૨૨ અથવા ૧૮૦૦૨૩૩૧૫૫૩૩૩ ઉપર પણ સંપર્ક કરી શકાશે.
તાલુકા વાઇઝ સંપર્ક નંબરની યાદી
જામનગર તાલુકા માટે રેન્જ ફોરેસ્ટ ઓફિસરની કચેરી, ગંજીવાડા, નાગનાથ ગેટ પાસે, જામનગર સંપર્ક નંબર ૭૯૮૪૩ ૬૦૩૦૦, ૯૦૯૯૩ ૨૪૭૪૨, ૮૨૦૦૭ ૫૬૧૧૮, ૮૭૮૦૨ ૧૬૯૨૪, અર્બન વાઇલ્ડલાઇફ ઇન્ફર્મરી પ્રાથમિક સારવાર કેન્દ્ર, ઠેબા ૯૯૭૫૮ ૫૩૭૦૨, ૯૪૦૮૧ ૬૨૧૪૩, પક્ષી અભયારણ્ય ખીજડીયા માટે ૮૮૪૯૩ ૨૧૮૯૪, ૯૬૬૨૮ ૩૦૦૧૮, સાંઇધામ બર્ડ હાઉસ, નવાગામ ઘેડ ૭૯૮૪૪ ૦૨૫૦૦, ૭૮૭૮૫ ૫૫૫૪૮, લાખોટા નેચર કલબ ૭૫૭૪૮ ૪૦૧૯૯, ૯૬૦૧૧ ૧૧૧૬૭, કુદરત ગૃપ, પટેલ કોલોની, જામનગર ૯૨૨૮૮ ૭૭૯૧૧, શિવદયા ટ્રુસ્ટ, લાલપુર ચોકડી પાસે ૯૮૭૯૯ ૯૯૫૬૭, નિસર્ગ નેચર એડવેન્ચર કલબ, રણજીતનગર ૮૩૨૦૮૫૦૩૭૧, ૮૨૦૦૭ ૯૭૬૫૬, ૯૦૩૩૫ ૫૦૩૪૧, ૯૮૯૮૭ ૦૦૬૫૭, જીવ સેવા ફાઉન્ડેશન, પ્રદર્શન ગ્રાઉન્ડ, ૭૨૦૩૦ ૩૦૨૦૮, ૯૬૩૮૭ ૬૮૪૯૮, ૯૯૦૪૯ ૪૯૩૨૮, પ્રકૃતિ મિત્ર, પવનચકી પાસે ૯૮૨૪૨ ૨૪૬૦૧, ૮૪૦૧૨ ૮૮૨૮૮, ૯૭૨૫૩ ૨૧૭૨૦, જોડીયા વિસ્તાર માટે રેન્જ ફોરેસ્ટ ઓફિસરની કચેરી ૯૦૧૬૦૨ ૧૦૦૫, ૭૩૮૩૮ ૫૯૪૪૪, ધ્રોલ માટે રેન્જ ફોરેસ્ટ ઓફિસરની કચેરી ૯૨૬૫૫ ૫૭૮૨૯, ૯૭૨૭૯ ૩૨૩૦૫, રેન્જ ફોરેસ્ટ ઓફિસરની કચેરી ૯૬૦૧૯૦૧૩૪૨, ૯૮૯૮૩૨૭૩૦૬, જામજોધપુર માટે રેન્જ ફોરેસ્ટ ઓફિસરની કચેરી ૯૭૭૩૨ ૩૪૫૮૬, ૯૫૫૮૦ ૨૪૩૭૩, ૭૬૯૮૧ ૮૧૫૧૧, લાલપુર માટે રેન્જ ફોરેસ્ટ ઓફિસરની કચેરી ૬૩૫૪૬ ૮૩૨૦૬, ૮૩૪૭૭ ૦૧૪૭૭, ૯૭૬૯૩૫૧૧૧૧, ૭૯૮૪૪૦૬૬૧૬, કાલાવડ માટે રેન્જ ફોરેસ્ટ ઓફિસરની કચેરી ૯૪૨૯૫૧૯૪૯૨, ૯૦૩૩૦૭૭૯૫૨, સિક્કા માટે રેન્જ ફોરેસ્ટ ઓફિસરની કચેરી ૯૭૧૪૧ ૭૭૯૭૨, ૯૭૭૩૨૨૬૮૨૩, અલીયાબાડા માટે ૯૫૫૮૮૮૮૬૬૦, ૯૯૨૪૧૨૫૫૭૫ પર ઘાયલ પક્ષીઓની મદદ કરવા સંપર્ક કરી શકાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
તીવ્ર અને ઝેરી જંતુનાશક દવાઓ તથા રાસાયણિક ખાતરો એટલે સ્વાસ્થ્ય પર ખતરોઃ
સામાન્ય રીતે ખેતીમાં વધુ ઉત્પાદન માટે રાસાયણિક ખાતરો વપરાય છે અને પાકને જંતુઓ કે રોગથી રક્ષણ માટે અત્યંત તીવ્ર અને ઝેરી જંતુનાશક દવાઓનો વપરાશ કરવામાં આવે છે. તેનો ગેરફાયદો એ છે કે ઉપજમાં ઝેરી જંતુનાશકો રહી જાય છે, જે સ્વાસ્થ્ય જોખમાવી શકે છે. વધુમાં જમીનની કુદરતી ઉત્પાદન ક્ષમતા લાંબા સમયે ઘટી જાય છે. આ પરિસ્થિતિમાં પ્રાકૃતિક ખેતી એ જમીન અને આરોગ્યની જાળવણી માટે એક વૈકલ્પિક કૃષિપદ્ધતિ તરીકે પ્રસ્થાપિત થઈ રહી છે. ગુજરાત રાજ્યના કૃષિ કલ્યાણ અને સહકાર વિભાગ અંતર્ગત આત્મા પ્રોજેક્ટ દ્વારા ખેડુતોને પ્રાકૃતિક ખેતી અંગેનું તાલીમ, સહાય અને માર્ગદર્શન ૫ૂરૃં પાડીને પ્રાકૃતિક ખેતી અપનાવે તે માટે પ્રોત્સાહન આપવામાં આવી રહૃાું છે. દેશી ગાય આધારિત પ્રાકૃતિક કૃષિ મોડેલ પાંચ સ્તંભનું છે. આ સ્તંભો બીજામૃત, જીવામૃત, વાપ્સા, આચ્છાદન અને મિશ્ર ખેતી છે. પ્રાકૃતિક ખેતીમાં વાવેતર પહેલાથી જ બીજ પર જીવામૃતનો પ્રયોગ કરવામાં આવે છે, જે પાકના શરૂઆતના વિકાસ માટે એક પાયા સમાન બની રહે છે. પદ્મશ્રી સુભાષ પાલેકરજીના સંશોધન અને તાંત્રિક સહયોગથી ગુજરાતના રાજ્યપાલશ્રી આચાર્ય દેવવ્રત દ્વારા વર્ણવાયેલ પ્રાકૃતિક કૃષિપદ્ધતિ અનુસાર પ્રાકૃતિક ખેતીમાં 'બીજ માવજત' વિષે આ લેખમાં જાણીએ.
'બીજ માવજત' એટલે બીજના વાવેતર પહેલા બિયારણને પટ આપવાની પ્રક્રિયા. પ્રાકૃતિક ખેતીમાં બીજામૃત વડે બીજને વાવણી માટે તૈયાર કરવામાં આવે છે. શાકભાજીના સારાં ઉત્પાદન માટે બીજામૃતથી તેની માવજત કરવી વધુ અગત્યની છે. બીજ માવજતથી બીજનું અંકુરણ સારી રીતે થાય છે, જેના પરીણામે સારું ઉત્પાદન મેળવવામાં મદદ મળે છે. બીજ માવજત કરેલ બિયારણો ઝડપથી અને વધુ પ્રમાણમાં ઉગે છે અને તેને જમીનજન્ય રોગોથી રક્ષણ પ્રાપ્ત થાય છે.
બીજ માવજત માટે બિયારણને બીજામૃતમાં નિયત સમય સુધી ડુબાડીને રાખવામાં આવે છે. સામન્ય બિયારણને ૬ થી ૭ કલાક માટે અને અમુક જાડી ચામડીવાળાં બિયારણ જેમ કે કારેલા, ટીંડોળાના બીજ વગેરેને ૧૨ થી ૧૪ કલાક સુધી ડુબાડીને રાખવાનાં હોય છે. આ બીજને ડુબાડીને બાહર કાઢ્યાં બાદ તેને છાયામાં સુકવીને પછી તેનું વાવેતર કરી શકાય છે.
બીજામૃત બનાવવા માટે દેશી ગાયનું છાણ, ગૌમૂત્ર, પલાળેલો ચુનો, પાણી અને માટીનો ઉપયોગ કરવામાં આવે છે. ૫ કિલો દેશી ગાયનું છાણ, ૫ લીટર ગૌમૂત્ર, ૫૦ ગ્રામ પલાળેલો ચુનો, ૨૦ લીટર પાણી અને સજીવ માટી ૧ મુઠ્ઠીને મિશ્ર કરવામાં આવે છે. મિશ્રણને લાકડી વડે દિવસમાં બે વાર સારી રીતે હલાવવામાં આવે છે, આ રીતે મિશ્રણ ૨૪ કલાકમાં બીજ માવજત માટે તૈયાર બીજામૃત બની જાય છે.
આલેખનઃ ભાર્ગવ કે. ભંડેરી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભારતમાં પહેલી વખત આ પ્રકારની કોમ્પિટિશન યોજાઈ હતીઃ ૧૫ દેશોના ૯૩ સ્પર્ધક હતા
પંખીની જેમ ઉડવાની ચાહ માનવીના મનમાં હંમેશાં રહી છે અને યૌવન એટલે અણદીઠેલી ભોમ પર આંખ માંડીને પાંખ વીંઝવાની તાકાત. આવી જ એક ઉડાન લઇ ચુકેલા જામનગર સિંચાઈ વિભાગમાં મદદનીશ ઈજનેર તરીકે ફરજ બજાવતા મૂળ જામનગરના જ નચિકેતા ગુપ્તાએ ઉત્તરાખંડના ટેહરીમાં ૧૯ ડિસેમ્બરથી ૨૨ ડિસેમ્બર સુધી યોજાયેલ ટેહરી ઇન્ટરનેશનલ પેરાગ્લાઈડીંગ એક્રો એન્ડ એસઆઈવી કોમ્પિટિશનમાં ભાગ લઇ જામનગરનું નામ રોશન કર્યુ છે.
ભારતમાં પહેલી વખત આ પ્રકારની ઇન્ટરનેશનલ પેરાગ્લાઈડીંગ કોમ્પિટિશન યોજવામાં આવી હતી. જેમાં ભારતના અલગ અલગ રાજ્યોથી તથા ૧૫થી વધારે દેશોના પેરાગ્લાઈડીંગ પાઈલોટ કુલ ૯૩એ ભાગ લીધો હતો .
આ કોમ્પિટિશનમાં પેરાગ્લાઈડીંગના અલગ અલગ એક્રોબેટ્સ જેવા કે સેટ રોટેશન, સ્પાઈરલ, સ્ટોલ ટુ બેક્ફ્લાઈ પોઝીસન વગેરે હવામાં કરી બતાવી પ્રતિભાગીઓએ સૌને મંત્રમુગ્ધ કરી દીધા હતા. બોડી બેલેન્સ, પેરાગ્લાઈડરની દિશા, સ્પીડ અને પાઈલોટની કુશળતા જેવા ઘટકોને ધ્યાને લઇ અલગ અલગ એક્રોબેટ્સનું બારીક અવાલોકન નિર્ણાયકો દ્વારા કરવામાં આવ્યું હતું.
આ પ્રકારની પ્રતિયોગીતા ખૂબજ જોખમી હોવાથી તેનું આયોજન ટેહરી ડેમ પર કરવામાં આવ્યું હતું જેથી જો કોઈ પ્રતિભાગી પડે તો પાણી માંથી તેને બચાવી શકાય. ભારતમાં ઘણા ઓછા પેરાગ્લાઈડીંગ પાઈલોટ એક્રોબેટ્સ કરે છે. આથી આ પ્રતિયોગીતા પેરા ગ્લાઈડીંગના એક્રોબેટીક્સને વેગવાન કરવાની દિશામાં મહત્વનો ફાળો આપે છે . ઉલ્લેખનીય છે કે તેઓએ પેરાગ્લાઈડીંગની ટ્રેનીંગ અરુણાચલ પ્રદેશના નેશનલ ઈન્સ્ટિટ્યૂટ ઓફ મોનીટરીંગ એન્ડ એડવેન્ચર સ્પોર્ટસ તથા બીર હિમાચલ પ્રદેશની એન્ટીગ્રેવિટી સંસ્થાથી મેળવેલ છે.
નચિકેતા ગુપ્તા આ પ્રતિયોગીતામાં ભાગ લેનાર ગુજરાતના એક માત્ર પેરાગ્લાઈડીંગ પાઈલોટ હતા. જેમણે ત્યાં પોતાની પેરાગ્લાઈડીંગની કુશળતા દર્શાવી સફળતાપૂર્વક બધા એક્રોબેટીક્સના ટાસ્ક પૂર્ણ કર્યા અને ઇવેન્ટમાં કવોલીફાઈ થયા હતા. જે રાજ્યોમાં બહુ ઊંચા પહાડો નથી તેવા રાજ્યોમાંથી ખૂબ જ ઓછા પ્રતિસ્પર્ધી આ કોમ્પિટિશનમાં ક્વોલીફાઈ થઇ શક્યા છે, પણ નચિકેતા ગુપ્તાએ આ સ્પર્ધામાં ખૂબજ સારૂ પ્રદર્શન કર્યું છે જે જામનગર માટે ગૌરવની વાત છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જાન્યુઆરીના પ્રારંભે જ મન-શરીર, પરિવાર કલ્યાણના દિવસોની ઉજવણી
ઈસ્વીસનનું નવું વર્ષ શરૂ થયું અને પહેલી જાન્યુઆરીના દિવસે નવા વર્ષના વધામણાં થયા, પરંતુ ઘણાં ઓછા લોકોને ખબર હશે કે જાન્યુઆરીના પ્રારંભે જ માનવીના મન, શરીર, પરિચયને સાંકળતા દિવસો વિશ્વકક્ષાએ ઉજવાય છે, અંતર્મુખી દિવસે લોકોને સમજવાનો પ્રયાસ થાય છે, જે મેં મારા માહિતી ખાતાના કાર્યકાળ દરમિયાન અનુભવ્યો છે. તે ઉપરાંત બ્રેઈલ લિપિના આવિષ્કાર અને ઉપયોગિતાનું મહિમાગાન પણ ગવાય છે.
પહેલી જાન્યુઆરીના દિવસે વિશ્વ પરિવાર દિવસ ઉજવાય છે, અને વિશ્વભરમાં શાંતિ અને સદ્ભાવનો પ્રચાર-પ્રસાર થાય છે. ભારતની તો સંસ્કૃતિ જ વસુધૈવ કુટુમ્બકમ્ની ભાવના પર આધારિત છે, જેને અનુરૂપ ઉજવણી નવા વર્ષના પ્રથમ દિવસે જ થાય છે, જે ગજબનો યોગાનુયોગ છે કે ભારતીય સંસ્કૃતિની વૈશ્વિક અસરોનું પરિણામ છે, તે વિદ્વાનો ભલે નક્કી કરે, આપણે તો પહેલેથી જ આખા વિશ્વને આપણો પરિવાર માનીએ છીએ, તે હકીકત જ છે ને?
બીજી જાન્યુઆરીના દિવસે અંતર્મુખી એટલે કે ઓછું બોલતા કે પોતાનામાં વ્યસ્ત રહેતા લોકોને યોગ્ય રીતે સમજીને તેને હૂંફ આપવાના વૈશ્વિક પ્રયાસો કરવામાં આવે છે, જ્યારે ત્રીજી જાન્યુઆરીના દિવસે આંતરરાષ્ટ્રીય કક્ષાએ 'મન અને શરીર કલ્યાણ' દિવસ મનાવાય છે.
આ દિવસે વૈશ્વિક કક્ષાએ માનવ કલ્યાણ અને વિકાસ માટે આપણા મન અને શરીરને બન્નેને પ્રેમ કરવાનો સંદેશ વહેતો કરવામાં આવે છે. આ માટે માનવમનને સમજવાની જરૂર હોય છે, જેની વાત આપણે 'મન હોય તો માળવે જવાય'ના આ લેખમાં પણ વિસ્તૃત રીતે કરી છે. આંતરરાષ્ટ્રીય ક્ષેત્રે લોકોના મન અને શરીરના કલ્યાણ માટે ત્રીજી જાન્યુઆરીના દિવસે થતી ઉજવણી વૈશ્વિક ક્ષેત્રે લોકોની તંદુરસ્તી અને મન-દુરસ્તીનો સંદેશ પણ આપે છે. વિશ્વમાં શાંતિ, સદ્ભાવ અને પરસ્પરને સમજવાની વૃત્તિ જેટલી ફેલાશે, તેટલી જ શાંતિ, સ્થિરતા અને સમૃદ્ધિ વધતી જશે, ખરૃં ને?
દર વર્ષે ચોથી જાન્યુઆરીના દિવસે ઉજવાતો વિશ્વ બ્રેઈલ દિવસ આ લિપિનો આવિષ્કાર કરનાર લૂઈ બ્રેઈલની સ્મૃતિઓ તાજી કરે છે. દૃષ્ટિહીન લોકોને પણ શિક્ષણ મળે, સમાન ધોરણે તમામ પ્રકારની તાલીમ મળે, અને સમાન ધોરણે તમામ પ્રકારના અધિકારો તેઓને મળે, તે માટે આ દિવસે વૈશ્વિક કક્ષાએ તથા દરેક દેશોમાં છેક ગ્રામ્ય કક્ષા સુધી વિવિધ જનજાગૃતિના કાર્યક્રમો યોજાય છે અને તદ્વિષયક સેમિનારો, સમારોહો, વ્યાખ્યાનો, વર્કશોપ અને સ્પર્ધાત્મક કાર્યક્રમો પણ યોજાતા હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આ પહેલા પણ પાંચ શિખર સર કર્યા છે માત્ર ર૪ કલાકમાં એવરેસ્ટ સહિત બે શિખર સર કરવાનો રેકોર્ડ
ખંભાળિયા તા. ૩૧: ખંભાળિયાની સાકેત હોસ્પિટલના જાણીતા સર્જન ડો. સોમાત ચેતરિયા કે જે દ્વારકા જિલ્લાના ખંભાળિયાના આહિર સમાજ તથા રાજ્યના ડોકટર વર્ગના ગૌરવ સમાન છે. જેમણે તાજેતરમાં દુનિયાના સૌથી ઠંડા ગણાતા ખંડના સૌથી ઊંચા શિખર માઉન્ટ વિન્સનને સર કરીને વિશેષ સિદ્ધિ સાથે દુનિયાનું ૬ઠ્ઠું શિખર સર કર્યું છે.
ર૪ કલાકમાં એવરેસ્ટ
લહોત્સે સરનો રેકોર્ડ
ર૦ર૦થી પર્વતારોહણ શરૂ કરનાર ડો. સોમાત ચેતરિયાએ ર૦રર માં માત્ર ર૪ કલાકમાં મહત્ત્વના બે શિખરો એવરેસ્ટ તથા લાહોત્સે સર કરવાનો રેકોર્ડ કર્યો હતો તથા પર્વતો પર ચઢીને ટ્રેનીંગ લઈને શરીરને ઓછા ઓક્સિજનને અનુરૂપ બનાવવાને બદલે માત્ર ર૩ દિવસમાં ઘેર રહી સંપૂર્ણ એક્સપેટીશન પૂર્ણનો પણ રેકોર્ડ બનાવ્યો હતો.
ડોક્ટરની પ્રેક્ટીશ સાથે
જ ટ્રેકીંગની પ્રેક્ટીસ
ખંભાળિયામાં સાકેત હોસ્પિટલ ચલાવતા સર્જન તબીબ સોમાત ચેતરિયા સવારે ૮-૩૦ થી રાત્રિના ૧૧ વાગ્યા સુધી હોસ્પિટલમાં સતત કામ કરતા રાત્રિના તેમના પત્ની કાજલ તથા પુત્રી હિરવા સાથે થોડો સમય વિતાવીને સવારે ૩-૪પ વાગ્યે ઊઠીને સવારના ૮ વાગ્યા સુધી રોજ ર૦ કિલો વજન સાથે ૧૦ કિલો મીટર ચાલવાનું, ૧૦ કિલોમીટર દોડવાનું તથા તે પછી કોટ એક્સરસાઈઝ કરીને ૮-૩૦ વાગ્યે હોસ્પિટલમાં જોડાઈ જતા.
એવરેસ્ટ ચડવાના અભિયાનમાં તેમણે એક વર્ષ ચાર કલાકથી ઓછી ઊંઘ કરી હતી અને નક્કી કર્યું કે એવરેસ્ટ તથા તેની નજીકના દુનિયાના પાંચમા નંબરનો લાહોત્સે એક સાથે સર કરશે જે ખૂબ જોખમી હતું, પણ ર૦ર૧ ના ૧૩ મે થી ૧૪ મે ર૪ કલાકમાં બન્ને પર્વતો સર કરી રેકોર્ડ સર્જયો.
રાજ્ય નહીં દેશ વિશ્વના આ એવા પર્વતારોહી છે કે જેમણે પર્વતોના બેઇજ કેમ્પમાં ક્યાંય ટ્રેકીંગ કે ટ્રેનીંગ પણ લીધી નથી.
ડુંગરો સર કરવાની અવિરત પ્રવૃત્તિ
ર૦૧૯ માં પર્વતારોહણની પ્રેક્ટીસ ચાલુ કરનાર ડો. સોમાત ચેતરિયાએ ર૦રર માં માઉન્ટ એવરેસ્ટ અને માઉન્ટ લાહોત્સે સર કર્યા પછી પાછું જોયા વગર જ દુનિયાના સાતેય ખંડના ઊંચા પર્વતો સર કરવાનો 'પ્રોજેક્ટ' બનાવીને તે પછી આફ્રિકા ખંડના સૌથી ઊંચા પર્વત માઉન્ટ કિલીમાંજારો ૬ર કલાકમાં સર કરવાનો રેકોર્ડ કર્યો. તે પછી યુરોપ ખંડનો સૌથી ઊંચો પર્વત માઉન્ટ એલબ્રુસ સર કર્યો અને તે પછી દક્ષિણ અમેરિકાનો દુનિયાની સૌથી ઊંચી ગીરીમાળા એન્ડીઝમાં આવેલો એકોરન્કાગુવા સર કર્યો અને તે પછી ઉત્તર અમેરિકનો માઉન્ટ ડેનાલી સર કર્યો અને તાજેતરમાં એન્ટાર્કટીકા ખંડનો માઉન્ટ વિન્સન સર કરી ત્યાં ભારતનો તિરંગો લહેરાવ્યો અને હાલ પણ તેઓ એન્ન્ટાર્કટીકા ખંડમાં જ છે.
હવે પછી તેઓ ઓસ્ટ્રેલિયાના સૌથી ઊંચા માઉન્ટ કોઝીત્સકો સર કરવાના છે. જે પછી તેઓ ભારતના એવા વિશિષ્ટ પર્વતારોહી થશે જે સાતેય ખંડના ઊંચા પર્વનો તથા દક્ષિણ ધ્રુવ તથા ઉત્તર ધ્રુવના શિખરો સર કરનાર પ્રથમ વ્યક્તિ બની જશે.
હાઈપોકિસક સિસ્ટમનો ઉપયોગ
સૌરાષ્ટ્રના અને ભારતના છેવાડાના જિલ્લા દ્વારકાના ખંભાળિયાના અને પર્વતારોહણમાં માત્ર ર૦૧૯ માં પ્રવેશ કરનાર અને ડોક્ટરી વ્યવસાય આજીવિકાને બદલે પર્વતારોહણના શોખને મુખ્ય માનીને લોઢાના ચણા ચાવવા જેવું કામ કરીને રેકોર્ડ સર્જનાર ખંભાળિયાના તથા આહિર સમાજના આંતરરાષ્ટ્રીય ગૌરવ સમાન ડો. સોમાત ચેતરિયા હાઈપોક્સિક સિસ્ટમથી પર્વતારોહણ કરે છે. જેમાં તેઓ નક્કી કરેલ પર્વતના બેઈઝ કેમ્પ જ્યાંથી ચઢાણ શરૂ થતું હોય ત્યાં ચાર્ટડ પ્લેન કે હેલિકોપ્ટરથી પહોંચીને સીધું ચઢાણ શરૂ કરી દે છે જે તેમની હિંમત બહાદુરી તથા પર્વતારોહણના શોખનું સૂચક છે.
ડો. સોમાત ચેતરિયાએ ૬ઠ્ઠા ખંડના એન્ટાર્કટીકાના માઉન્ટ વિન્સન સર કરતા સમગ્ર ખંભાળિયામાંથી તથા ગુજરાતમાંથી ડોક્ટરો, અગ્રણીઓ દ્વારા તેમના પર અભિનંદનવર્ષા થઈ રહી છે. રાજ્યના વન અને પ્રવાસન રાજ્ય મંત્રી મૂળુભાઈ બેરા, સાંસદ પૂનમબેન માડમ, ખંભાળિયાના પાલિકા પ્રમુખ રચનાબેન મોટાણી દ્વારા અભિનંદન પાઠવાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સૂરજકરાડી લોહાણા સમાજનું ગૌરવ
સૂરજકરાડી લોહાણા સમાજનું ગૌરવ વધાર્યું છે અને નિરમા યુનિ.ના ચાર વિદ્યાર્થીઓ બ્રિલિયન્ટ પ્રોજેક્ટ કર્યો છે, જે અંતર્ગત પ્રજ્ઞાચક્ષુ બાળકોના અભ્યાસ માટે સિમ્પલ મિકેનિકલ ડિવાઈસ બનાવી બેંગ્લોરમાં સીઆઈઆઈ યંગ ડિઝાઈનર એવોર્ડની સ્પર્ધામાં ડિઝાઈન ફોર સોશિયલ ઈમ્પેક્ટની કેટેગરીમાં ભાગ લેતા પ્રથમ સ્થાન મળ્યું છે.
નિરમા યુનિવર્સિટીની ડિઝાઈન ડિપાર્ટમેન્ટના બ્રિલિયન્ટ ટીમના ચાર વિદ્યાર્થીઓ રોનક સુતારિયા, આયુષ્માનસિંહ જોધા, પ્રરક માંડવિયા અને સુમુખ કુલકર્ણીએ પ્રોફેસર્સ અર્જુન સેંગર અને પ્રદીપ સાહુના માર્ગદર્શન હેઠળ પ્રજ્ઞાચક્ષુ બાળકોને શિક્ષણમાં સરળતા રહે તે માટે 'સિમ્પલ મિકેનિકલ ડિવાઈસની ડિઝાઈન બનાવી છે.' આ વિશે રોનકે કહ્યું કે, 'પ્રજ્ઞાચક્ષુ બાળકોની અભ્યાસની પદ્ધતિ એકદમ અલગ હોય છે. પ્રજ્ઞાચક્ષુ બાળકો બ્રેઈલ લિપિનો ઉપયોગ કરતા હોય છે. તેમાં પણ તેમને મૂળાક્ષરોને ઊંધા લખી, કોઈ ડિવાઈસ વિના યાદ રાખવા જેવી ઘણી સમસ્યાઓ હોય છે તેથી અમે નક્કી કર્યું કે, એક એવું ડિવાઈસ બનાવીએ જે રમકડા જેવું હોય, જેને બાળકો સરળતાથી આંકડા, અને આલ્ફાબેટનો અભ્યાસ કરીને શીખી શકે છે. આ પ્રોજેક્ટ માટે અમે ગાંધીનગરમાં આવેલી બ્લાઈન્ડ સ્કૂલમાં જઈ તેમની સાથે વાત કરી અને પડતી સમસ્યાઓ વિશે જાણીને આ ડિવાઈસ પર કામ કરવાનું શરૂ કર્યું. આ રમકડામાં કોઈ આલ્ફાબેટ સાચું આવે તો તેના માટે સાયરન સિસ્ટમ પણ સેટ કરી છે, જેનાથી બાળક એકલા પણ ડિવાઈસનો ઉપયોગ કરીને આ માધ્યમથી અભ્યાસ કરી શકે છે.'
આ ડિવાઈસ સરળતાથી ખરીદી અને ઊંચકી શકાય છે. આ ડિવાઈસનો પ્રયોગ કરવા માટે અમે આ સ્કૂલના બાળકોને અભ્યાસ માટે આપ્યું હતું. આ ઉપરાંત બેંગ્લોરમાં યોજાયેલી સીઆઈઆઈ યંગ ડિઝાઈનર એવોર્ડની સ્પર્ધામાં અમારી ટીમ બ્રિલિયન્ટ 'ડિઝાઈન ફોર સોશિયલ ઈમ્પેક્ટ'ની કેટેગરીમાં પ્રથમ સ્થાન મેળવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
"ગીત નયા ગાતા હૂં, ગીત નયા ગાતા હૂં" થી શરૂ થતી પ્રખ્યાત હિન્દી કથાના આપણા લોક લાડીલા અને ભારત રત્નથી સન્માનીત એવા સ્વ.અટલ બિહારી વાજપઈજીની છે, તેઓ કવિ હ્ય્દયના એક વિલક્ષણ પ્રતિભાશાળી અને મૃદુ સ્વભાવના રાજકીય નેતા હતાં એમ કહીએ તો સહેજ પણ અતિશ્યોકિત નથી. કોઈ રાજકીય નેતા અને ભારતના વડાપ્રધાન પદે ત્રણ-ત્રણ વખત બિરાજમાન રહ્યા હોય તેવી કોઈ વયક્તિ સરળ ભાવે કવિતાઓ પણ લખી શકતી હોય તે કદાચ પ્રથમ નજરે નવું નવું લાગે પણ આપણાં મહાન ભારત દેશમાં આવું શકય છે એની પ્રતિતિ ખુદ સ્વ.વાજપઈજી દ્વારા આપવામાં આવી છે.
તા.૨૫ મી ડીસેમ્બરના રોજ સમગ્ર દેશ અને દુનિયા જ્યારે તેઓની ૧૦૦મી જન્મ જયંતિની ભાવ વિભોર રીતે ઉજવણી કરી રહ્યું છે ત્યારે આવો આપણે સૌ તેઓને નમ આંખોએ શ્રધ્ધાંજલી અર્પણ કરી એક ભારતીય તરીકે તેઓ પ્રત્યેનું એક ઋણ અદા કરીએ...
પંડીત કૃષ્ણબિહારી વાજપઈ ઉતર પ્રદેશના આગ્રા જિલ્લાના એક પ્રાચીન સ્થળ બટેશવરના રહેવાસી હતા અને મધ્યપ્રદેશના ગ્વાલિયર રજવાડામાં શિક્ષક હતા. અટલજીનો જન્મ તા.૨૫ ડીસેમ્બર ૧૯૨૪ ના રોજ ગ્વાલિયર ખાતે થયો હતો.પિતા કૃષ્ણબિહારી વાજપેયી માત્ર ગ્વાલિયરમાં ભણાવતા ન હતા, આ ઉપરાંત તેઓ હિન્દી અને બ્રજ ભાષાના કુશળ કવિ પણ હતા. પુત્રએ વારસાગત પરંપરા દ્વારા કાવ્યાત્મક ગુણો પ્રાપ્ત કર્યા.અટલજીનું બી.એ.નું શિક્ષણ ગ્વાલિયરની વિક્ટોરિયા કોલેજમાં થયું હતું. વિદ્યાર્થીકાળથી જ તેઓ રાષ્ટ્રીય સ્વંય સેવક સંઘના સ્વયંસેવક બન્યા અને ત્યારથી તેઓ રાષ્ટ્રીય સ્તરની ચર્ચા સ્પર્ધાઓમાં ભાગ લેતા રહ્યા. કાનપુરની ડીએવી કોલેજમાંથી પોલિટ કિલ સાયન્સમાં એમ.એ.ની પરીક્ષા પ્રથમ વિભાગમાં પાસ કરી પછી તેમના પિતા સાથે, તેમણે પણ કાનપુરમાં એલએલબીનો અભ્યાસ શરૂ કર્યો પરંતુ તેમણે તે અધવચ્ચે જ છોડી દીધું અને સંપૂર્ણ સમર્પણ સાથે સંઘના કાર્યમાં લાગી ગયા.તેમણે ડૉ. શ્યામપ્રસાદ મુખર્જી અને પંડિત દીનદયાળ ઉપાધ્યાય ના માર્ગદર્શન હેઠળ રાજકારણનો અભ્યાસ કર્યો એટલું જ નહીં પંચજન્ય, રાષ્ટ્રધર્મ, દૈનિક સ્વદેશ અને વીરઅર્જુન જેવા અખબારો અને સામયિકોનું સંપાદન કાર્ય પણ કુશળતાપૂર્વક કર્યું હતું.
સ્વ.અટલજી રાજનેતા જ નહીં પરંતુ કવિ પણ હતા.મારી એકાવન કવિતાઓ અટલજીનો પ્રખ્યાત કાવ્યસંગ્રહ છે. કાવ્યાત્મક સર્જનાત્મકતા અને સ્વાદના ગુણો વાજપેયીજીને વારસામાં મળ્યા છે. સાહિત્યિક અને કાવ્યાત્મક પારિવારિક વાતાવરણને કારણે તેમની નસોમાં કાવ્યાત્મક રક્ત અવિરત વહેતું હતું. તેમની પ્રથમ કવિતા તાજમહેલ હતી. વાસ્તવમાં કોઈ કાવ્યમય હૃદય કવિતાથી ક્યારેય વંચિત રહી શકતું નથી.અટલજીએ તેમની કિશોરાવસ્થામાં એક અદ્ભુત કવિતા લખી હતી. "હિન્દુ તન-મન, હિન્દુ જીવન, રાગ-રાગ હિન્દુ મેરા પરિચય" જે તેઓના બાળપણથી જ દેશ પ્રત્યેના પ્રેમ અને ઝુકાવ દર્શાવે છે. રાજનીતિની સાથે-સાથે સમુદાય અને રાષ્ટ્ર પ્રત્યેની તેમની અંગત સંવેદના સમગ્રપણે દેખાઈ રહી છે. તેમના જીવનના અનેક પાસાઓ જેમ કે સંઘર્ષ, બદલાતા સંજોગો, દેશવ્યાપી આંદોલન જેલ જીવન વગેરેની અસર અને અનુભવો તેમની કવિતામાં હંમેશા અભિવ્યક્તિ જોવા મળે છે. પ્રખ્યાત ગઝલ ગાયક જગજીતસિંહે પણ અટલજીની પસંદગીની કવિતાઓ કમ્પોઝ કરીને એક આલ્બમ બહાર પાડ્યું હતું.
તેઓ ભારતીય જનસંઘના સંસ્થાપકો પૈકીના એક નેતા હતા અને ૧૯૬૮થી ૧૯૭૩ સુધી પ્રમુખપદે રહ્યાં હતાં, તેઓ વર્ષ-૧૯૭૭ થી ૧૯૭૯ સુધી મોરારજી દેસાઈના મંત્રીમંડળમાં વિદેશમંત્રી હતા, તેઓએ વર્ષ-૧૯૯૬, ૧૯૯૮ અને ૧૯૯૯ માં વડાપ્રધાન પદના શપથ લીધા હતાં.
તેઓએ વર્ષ-૧૯૯૮ માં પોખરણમાં કરેલા પાંચ ભૂગર્ભ પરમાણું પરીક્ષણો, ૧૩ પક્ષોની ગઠબંધી સરકારનું સફળ સંચાલન, પાકિસ્તાન સાથે સંબંધો સુધારવાની પહેલ પછી કારગીલ યુદ્ધમાં વિજય મેળવવા સાથે એમ પણ કહ્યું હતું કે, આપણે મિત્રો બદલી શકીએ, પડોશીઓ નહીં...
આજે ૧૦૦ મા જન્મદિને અટલજીને કોટિ-કોટિ વંદન...
સંકલન અને લેખનઃ કિરીટ બી. ત્રિવેદી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ડોલે ધરા નભ, ઉઠા તૂફાન વિસ્ફોટ સે પ્રગટે હનુમાનઃ
ભગવાન શ્રી રામના પરમ ભક્ત અને રૂદ્રાવતાર તથા ચિરંજીવીઓમાં સ્થાન ધરાવતા હનુમાનજી તત્કાલ સહાય કરવાવાળા દેવતા છે. સ્મરણ કરવાથી તેઓ સહાય કરે છે. દેશમાં હનુમાનજીના વિવિધ સ્થળોએ વિવિધ સ્થાનિકો-મંદિરો આવેલા છે અને દરેકના પરચાઓ તે સ્થાનકો-મંદિરોને લાખો ભક્તોની આસ્થાના કેન્દ્ર બનાવે છે. અમરેલી જિલ્લાના લાઠી પંથકનું સુપ્રસિદ્ધ શ્રી ભૂરખિયા હનુમાન મંદિર સાડા ત્રણસોવર્ષથી પણ વધુ પ્રાચીન છે અને આ મંદિરનો ઈતિહાસ ખૂબ જ રસપ્રદ છે.
ઇ. સ. ૧૬૪૨ માં દામોદરદાસ નામના અયોધ્યાના સંતને સ્વપ્નમાં હનુમાનજીએ આવી ચૈત્રી પૂર્ણિમાની રાત્રે પોતાનું પ્રગટ થવાના સ્થાનનો સંકેત આપ્યો હતો. તે સમયે તે વિસ્તાર સભાળ પ્રદેશ તરીકે ઓળખાતો હતો. સંત દામોદરદાસજી તથા અન્ય સંતો અને આસપાસના ગામ લોકો સંતને મળેલા સંકેત અનુસાર ચૈત્રી પૂનમ હનુમાન જયંતીના દિને એક ટેકરી પર એકત્ર થયા. ત્યાં એક બાવળનું ઝાડ હતું. સંતો અને ભક્તોએ ત્યાં ધૂન-ભજન આરંભ કર્યા. મધ્યરાત્રિ સુધી આ ક્રમ ચાલ્યો. મધરાત્રે અચાનક ધરતી ધ્રુજી અને વિસ્ફોટ થયો.
આ ઘટનાથી એકત્ર થયેલા લોકોમાં નાસભાગ મચી ગઇ. થોડીવાર પછી બધું શાંત થતા સંતોએ જોયુ તો બાવળનું ઝાડ ધ્વસ્ત થઈ ગયું હતું અને તેના સ્થાને હનુમાનજીની સિંદૂરયુક્ત દિવ્ય મૂર્તિ હતી.
આ ઘટનાને કારણે અહીં હનુમાનજીની મૂર્તિ સ્વયંભૂ મૂર્તિ કહેવાય છે. ભૂરખીયા હનુમાન નામ પાછળનું કારણ વિચારીએ તો ભૂ એટલે ભૂમિ અને રખિયા એટલે રક્ષક અર્થાત ભૂમિના રક્ષક હનુમાન એટલે શ્રી ભૂરખિયા હનુમાન.
અહીં ભક્તોને હનુમાનજી સાક્ષાત હોવાની અનુભૂતિ થાય છે અને તેમની પ્રાર્થનાઓ ફળે છે. જેને કારણે આ મંદિર ખૂબ જ પ્રસિદ્ધ છે. હાલ અહીં પિયૂષભાઇ નિમાવત પૂજારી તરીકે સેવારત છે. નિમાવત પરિવારના અહીં ૩૫ ખોરડાં છે. ભક્તોના ઉતારા માટે થોડા રૂમની પણ વ્યવસ્થા છે તથા છેલ્લા ૧૫ વર્ષથી નિઃશૂલ્ક ભોજન-મહાપ્રસાદનું સદાવ્રત ચાલે છે.
કળયુગમાં ભગવાન ગુરૂ દત્તાત્રેય, ભૈરવ દાદા તથા હનુમાનજી આ ત્રણેયને તત્કાલ સહાય કરવાવાળા કહેવાય છે ત્યારે અહીં તો હનુમાનજી વિસ્ફોટ સાથે સ્વયંભૂ મૂર્તિ સાથે પ્રગટ થયા છે જે ભક્તોના સંકટ દૂર કરે છે માટે જ અહીં બારે માસ ભક્તોનો પ્રવાહ અવિરત રહે છે. માગશર મહિનાના શનિવાર અને મંગળવારે ભક્તોનું ઘોડાપૂર ઉમટે છે. હનુમાન ભક્તોએ આ મંદિરની એક વખત અચૂક મુલાકાત લેવી જોઇએ. જો તમે અહીં ચરણથી ન પહોંચી શકો તો સ્મરણથી પહોંચી જજો કારણકે હનુમાનજી યાદ કરતાની સાથે જ સહાય કરે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
યુનેસ્કો દ્વારા વિશ્વ હેરીટેજ સાઈટની યાદીમાં શોર્ટલીસ્ટ કરાયેલું ગ્લોબલ ડેસ્ટિનેશન લાખો ટુરિસ્ટોની પહેલી પસંદ બન્યું છે
નાના કચ્છનું રણ અને ઈઝરાયેલના રણ વચ્ચે ઘણી સામ્યતા જોવા મળે છે. અહિ વર્ષો પહેલા દરિયો હતો તેવું ભુસ્તર શાસ્ત્રીઓનું માનવું છે. સપાટ વિશાળ મેદાન ૪૯૫૩ ચોરસ કિલોમીટરના વિસ્તાર સુધી ફેલાયેલું છે. આવા વિશાળ રણ મેદાનમાં અમુક જગ્યાએ વનસ્પતિઓ, બાવળ વિપુલ માત્રામાં જોવા મળે છે.
વન્ય પ્રણીઓના અભ્યારણ તરીકે નાના કચ્છના રણને ૧૯૭૨ માં જાહેર કરવામાં આવ્યું છે. આખા વિશ્વમાં ઘુડખર હવે માત્ર કચ્છના આ નાના રણમાં જ બચ્યા છે. જંગલખાતાની વસ્તી ગણતરીમાં ૩૦૦૦ કરતા વધુ ઘુડખર હોવાનું નોંધાયું છે. ઘુડખર ઘોડા, ગધેડા, અને ઝીબ્રાનું મિશ્રણ હોય તેવું લાગે છે. તે બે-ત્રણ ફાળ ભરતા જ કલાકના ૭૦ થી ૯૦ કિલોમીટરની ગતિ પકડી લે છે અને હાથમાં ન આવે એવું ચબરાક પ્રાણી છે. તે એટલી તાકાતથી દોડે છે કે તેની પાછળ ધસમસતી જીપમાં બેસેલાઓને પણ મેદાનમાંથી માટીના ઢેફા ઉડાવે છે.
૪૫ ડિગ્રી કે તેથી પણ વધુ ગરમીમાં તે છાંયડા વગર રણમાં કલાકો સુધી રહી શકે છે. ૪ ફુટની ઉંચાઈ અને સાત ફૂટની લંબાઈ ધરાવતા ઘુડખરનું વજન ૨૩૦ કિલો જેટલું છે. સુકુ ઘાસ, બાવળની શિંગ તેનો મુખ્ય ખોરાક છે. કુદરતે કેટલાય દુકાળો સહન કરવાની ક્ષમતા આપી હોય, જે પણ વનસ્પતિ કે પાણી મળે તેમાંથી ચલાવી શકે છે. ઓગસ્ટથી ઓકટોબર મહિનામાં માદા ઘુડખર ૧૧ મહિના ગર્ભ ધારણ કરી એક બચ્ચાને જન્મ આપે છે. ગધેડા કરતાં ઘડખરનો ભુંકવાનો અવાજ વધુ મોટો હોય છે. ઘુડખરનું આયુષ્ય ૨૦ થી ૨૫ વર્ષનું માનવામાં આવે છે.
નાના કચ્છના રણમાં માત્ર ઘુડખર જ નથી પણ વરસાદ સુકાયેલા પાણીથી બનેલ તળાવોમાં અહિં ઘણી વખત નળ સરોવરમાં જોવા ન મળે તેવા વિદેશી પક્ષીઓ આવે છે. જેમાં પેલીકન, કેસ્પીયન ટર્ન, ફલેમીંગો હોઉબાર, બસ્ટર્ડ, લેસર ફલોરિકેન જેવા ૨૦૦ જેટલા પંખીઓનો સમાવેશ થાય છે.
ઓકટોબરથી માર્ચ અહી ફરવા આવવાની સિઝન છે. અભ્યારણનો પ્રચાર, પ્રસાર નહીં થતાં અહિ પ્રવાસીઓની માત્રા જોઈએ તેવી નથી. અમદાવાદ, રાજકોટ, વડોદરાથી પણ પ્રવાસીઓ માહિતીના અભાવે અહીં જોઈએ તેટલા પ્રવાસીઓ આવતા નથી. પ્રવાસન વિભાગની ઉદાસીનતા તો એટલી હદે છે કે અભ્યારણના પ્રવેશની આજુબાજુ કોઈ ગેસ્ટ હાઉસ, દુકાનો કે માર્ગદર્શન કેન્દ્ર પણ નથી. નજીકમાં આવેલા દસાડા ગામમાં રણ રાઈડર્સ નામનો ખૂબ જ ઉત્સાહી અને પશુ, પંખી, ઝાડપાન વિશે અસાધારણ જ્ઞાનને જાગૃતિ ધરાવતા યુવાનોની સંસ્થા છે. તેમના જેવી આ વિસ્તારમાં આવે એકાદ બે સંસ્થા બાદ કરતાં પ્રવાસીઓને ફરવા માટે તો શું પણ પાયાનો પરિચય આપવા માટે પણ અહિ પ્રવાસન ખાતાનું ચકલુંય ફરકતું નથી. પરિણામે એક જ દિવસ જ પ્રવાસ માટે ફાળવવો પડે તેવી આ ઈન્ટરનેશનલ જગ્યાને અવગણીને શહેરીજનો એકના એક વોટર પાર્કો કે નદી કિનારાના સ્થળોએ ફર્યે જ રાખે છે.
માત્ર નાના કચ્છના રણમાં નહીં પણ ગીરમાં પણ વિદેશી કે બીન ગુજરાત પ્રવાસીઓની જોડે સાદી અંગ્રેજી ભાષામાં વાતચીત કરે તેવો સ્ટાફ કે કાઉન્ટર ગોત્યું જડતુ નથી.
નાના કચ્છના રણથી માત્ર ૧૪૦ કિલોમીટર દૂર પાકિસ્તાનની સરહદ આવેલ છે. આઝાદી પહેલા અહીં કરાંચી આટલા કિલોમીટર દૂર છે તેવું બોર્ડ પણ મૂકવામાં આવ્યું હતું. અહીં રણ ફરતા જ એક જુનું ખંડીયેર જેવું મકાન છે. આઝાદી પછીથી અમુક વર્ષો સુધી અહીં સરહદની બંને પાર મોકલાતી ટપાલ-પાર્સલની સત્તાવાર આપલે થતી નથી.
એવું કહેવાય છે કે, જહાંગીર બાદશાહ આ રણમાં શિકાર કરવા આવતો હતો. અહીં ખાસ પ્રકારના પક્ષીના શિકાર કરવા સ્વ. ઈન્દિરા ગાંધીના શાસન વખતે પરવાનગી માંગી ધનાઢય શેખ આરબોએ જેઓ આજ પંખીનો રમતના શોખીન હતા તેઓ આવ્યા હતા ત્યારે પર્યાવરણવાદીઓએ ભારે હોબાળો મચાવી મોટો ઈશ્યુ બનાવ્યો હતો તેથી તેઓ અહીં શિકાર કરી શકયા ન હતાં.
હજારો વર્ષ પહેલા આ રણ કચ્છના અખાત સ્વરૂપે હતો. અહીંના હજારો ચોરસ કિલોમીટરની જમીનમાંથી ખારૂ પાણી મળે છે. આ પાણીને બોર વાટે બહાર ખેંચીને ઠેર-ઠેર ઢુવા બનાવી જમીન પર પાથરી દેવામાં આવે છે. અગરીયાઓ વહેલી સવારે ઉઠી પાણીને પગ વડે કલાકો સુધી હલેલા મારતા રહે છે. અને ધીમે ધીમે પાણી મીઠાના ગાંગડા રૂપે જામી જાય છે. હાડકા ગાળી નાખે, ગાત્રો ઢીલા થઈ જાય તે રીતે મીઠું પકવામાં આવે છે આમ અગરીયાનું શોષણ કરી પાણીના ભાવે આ મીઠું ખરીદાય છે અને ૨૦ થી ૩૦ ગણા ભાવે મીઠાને શહેરમાં વેંચવામાં આવે છે.
ખુલ્લી જીપમાં રણમાં ફેરવવા નીકળેલા અને રણની રજેરજની, ઓળખાય નહીં તેવા દુર્લભ બનતા જતા પશુપંખીઓમાંથી માંડી ઝાડપાનનો પરિચય આપી શકે તેવા રણ રાઈડર્સના મુઝાહીદભાઈ મલીકે પત્રકારોને જણાવ્યું કે, આપણે હવે ઘુડખર તરફ જઈ રહ્યા છીએ. જીપનો અવાજ ઘણે દૂરથી પામી જતાં ત્યાંથી ડરથી દોડવાની શરૂઆત કરી દીધી. ઘુડખર કઈ દિશામાં ભાગશે અને કઈ રીતે શકય તેટલું નજીકથી જોઈ શકાય તે રીતે જીપને તે દિશામાં ગતિ સાથે વળાંક આપી દોડાવી વાહન દ્વારા પીછો કરવાનો પશુ પ્રેમીઓ અહીં ઈન્કાર કરે છે. તેથી જીપને ઘુડખર દોડતા ટોળાથી સલામત અંતરે રાખી. ઘુડખરે જીપને નજીક જોવાની સાથે જ જીપને પણ હંફાવે તેટલી ગતિ પકડી બીજી તરફ ફંટાઈને દૂર-દૂર ચાલ્યું ગયું. ઘુડખરોની લયબદ્ધ, તાલબદ્ધ અને જોમભર મદમસ્તી દોટને જોઈને આનંદ અનુભવાય છે. પ્રકૃતિ પ્રેમી અને ઘુડખર જેમને જાનથી પ્યારા છે. તેવા નાના કચ્છ રણના નજીક આવેલા દસાડા ગામના મુઝાહીદ મલિકે જણાવ્યું કે, જેવી રીતે જોધપુર અભ્યારણ નજીક વસ્તી બિશ્નોઈ પ્રજાને ચિંકારા પ્રત્યે અથાગ શહાદત વહોરી લેતો પ્રેમ છે તેવી જ રીતે નાના કચ્છના રણમાં આજુબાજુના જસાડા, ઝીંઝુવાડા, ખારાઘોડા, જેનાબાદ ગામોની પ્રજા ઘુડખરને વાળ પણ વાંકો થાય નહીં તેવો લગાવ ધરાવે છે.
તેમણે જણાવ્યું કે, કમનસીબી તો એ છે કે, વિદેશીઓ કે ગુજરાત બહારના પર્યટકો ઈન્ડિયન ટુરિસ્ટ ગાઈડના આધારે નાના કચ્છના રણને શોધતા અહી આવે છે. ત્યારે ગુજરાત પ્રવાસન વિભાગે નાના કચ્છના રણને રઝળતું મૂકી દીધું છે. પહેલી નજરે રણ શબ્દ અને તેમાંય કચ્છ ઉમેરાતા, આપણને એમ લાગે કે ઘુડખરના અભ્યારણ જોવા માટે આઠ-દસ કલાકનો પ્રવાસ ખેડવો પડે પણ પ્રવાસન
વિભાગની બેજવાબદારી એટલી હદે છે કે ભારતના નાગરિકની વાત છોડો પણ ગુજરાતના નાગરિકને ખબર નથી કે નાના કચ્છનું અભ્યારણ અમદાવાદથી માત્ર ૯૦ કિલોમીટર, રાજકોટથી ૨૦૦ કિલોમીટર અને વિરમગામથી માત્ર ૨૭ કિલોમીટર જ દૂર છે.
રણ એટલે આપણને બીજી કલ્પના તો ન જાય પણ રેતીની ડમરીઓ અને ઊંટોની અવરજવર જોવા મળશે પણ આવું કશું આ રણમાં નથી. કચ્છના આ નાના રણમાં જવા માટે અમદાવાદ, વિરમગામ, સુરેન્દ્રનગર, રાજકોટ, ભુજ, માલવણ, રાધનપુર અને મહેસાણાથી સીધી એસટીની બસ આવે છે. દસાડા કે વિરમગામ ઉતરી જઈ દસેક કિલોમીટર ખાનગી વાહન દ્વારા જઈ શકાય છે.
ઘુડખર પ્રવાસનની જાહેરાતમાં
ખુશ્બુુ ગુજરાત કી જાહેરાત કેમ્પેઈનમાં એક નવી ઓળખ મેળવનારૂ ઘુડખર અભિયાન હવે ટીવીમાં ખુશ્બુુુ ફેલાવશે.
૫૪ લાખ જેટલા પ્રવાસીઓ ગુજરાતની મુલાકાતે છેલ્લા એક વર્ષમાં નોંધાયા છે ત્યારે કચ્છના રણ બાદ હવે અદ્વિતીય સૌંદર્યથી ભરપૂર રણના ખાલીપદને ભરવા આગવી ઓળખ ધરાવતા પવનવેગી જાદુગર દોડવીર તરીકેના બિરૂદ પામેલા ઘોડા જેવા દેખાતા ઘુડખર વિશ્વમાં પ્રચલિત છે. તે માટે હવે નવું અભિયાન બીગ બી શરૂ કરશે. આ વખતના શેડયુલમાં બિગ બી અમિતાભ બચ્ચન રણના ઘોડા ઘુડખરનું શૂટિંગ કરશે.
વિશ્વમાં આ એકમાત્ર ઘુડખર અભ્યારણ છે. જંગલી ગધેડા અભ્યારણને યુનેસ્કો દ્વારા વિશ્વ હેરીટેજ સાઈટની યાદીમાં શોર્ટ લિસ્ટ કરવામાં આવ્યું છે. જે કચ્છના નાના રણનું ઘુડખર અભ્યારણ વિશ્વના નકશામાં શ્રેષ્ઠ સ્થાન ધરાવે છે. તેમ પ્રધાન મૂળુ બેરાએ જણાવ્યું હતું.
કોટેચા ગ્રુપનું નવું નઝરાણું
કોટેચા ગ્રુપના યુવાન રાજકોટના છે. એવા નવયુવાન તરવરીયા કિશન કોટેચાએ 'નોબત' સાથે વાત કરતાં જણાવ્યું કે, લોકોને જે સાચી વસ્તુ સાંસ્કૃતિની ખબર નથી તે મારે ઉજાગર કરવી છે. હવા ખાવા માટે પ્રવાસન માટે લોકો દોડે છે. પણ તમારી પાસે જ અણમોલ વસ્તુ છે જે જોયા પછી 'વાહ' શબ્દ નીકળી જશે જ તેથી જ પોર્ટ હોટલ ગ્રુપ સાથે જોડાઈને પાંચમુ સાહસ 'સત્વા રિસોર્ટ' બનાવ્યો છે.
આલેખનઃ
જીતેન્દ્ર ભટ્ટ, ગાંધીનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જીત કી દાસતાઁ બનાતે હૈ, ઐસે કિરદાર હમ નિભાતે હૈ
તાજેતરમાં રમત ગમત તેમજ યુવક સેવા અને સાંસ્કૃતિક પ્રવૃત્તિ વિભાગ ગુજરાત સરકાર દ્વારા આયોજિત યુવક મહોત્સવ ૨૦૨૪ માં જામનગરની થિયેટર પીપલ સંસ્થાનું નાટક 'વેશ અમારો વ્યથા તમારી' રાજ્યકક્ષાએ પ્રથમ આવ્યું છે. મુંબઇનિવાસી ખ્યાતનામ લેખક દિલીપ રાવલની કસાયેલી કલમે લખાયેલ એકાંકી નાટકનું સૌથી સબળ પાસું એનું દિગ્દર્શન છે. જેમાં ભવાઇનાં અલગ અલગ વેશની સાથે સાથે સંબંધોની આગવી રજૂઆત દિગ્દર્શક રોહિત હરીયાણી દ્વારા કરવામાં આવી છે. ઉમદા અભિનેતા અને દિગ્દર્શક તથા અનેક એવોર્ડ વિજેતા રોહિત હરિયાણીએ સચોટ દિગ્દર્શન દ્વારા પોતાની પ્રતિભા વધુ એક વખત સાબિત કરી છે એમ કહી શકાય.
નાટકમાં દર્શક સુરડીયા, નિયતિ રાજગોર, પરમ વ્યાસ, મીત ઉમરાડીયા, મિષા વોરા, પવિત્રા ખેતીયા, જિગર પાલા, સચિન ધામેચા, જહાનવી પંડ્યા, મિરા અગ્રાવત, નિકુંજ વડોલીયા, દીપેન પરમાર તથા વરૂણ સોલંકીએ અભિનયનાં ઓજસ પાથર્યા હતા. સંગીત બાલકૃષ્ણ જેઠવાએ તૈયાર કર્યુ હતું અને સંગીત સંચાલન ડો.ધૈર્ય ચોટાઈએ સંભાળ્યું હતું. લાઇટ્સ ડિઝાઈન રોહિત હરિયાણી દ્વારા કરવામાં આવી હતી. લાઇટ્સ ઓપરેશન પ્રતિક શુક્લએ કર્યુ હતું. નેપથ્ય વ્યવસ્થા રિદ્ધિ બથીયા શાહ અને સંજય પરમારે સંભાળી હતી.
ઉલ્લેખનીય છે કે અત્યાર સુધીમાં યુવક મહોત્સવમાં નાટ્ય સ્પર્ધામાં રાજ્યકક્ષાએ થિયેટર પીપલ કુલ ૧૪ વખત વિજેતા થયું છે અને રાષ્ટ્રીય કક્ષાએ ગોલ્ડ મેડલ મેળવનાર ગુજરાતની એક માત્ર સંસ્થા છે.
સંસ્થાનાં સ્થાપક ગૌરવ પુરસ્કાર વિજેતા રંગકર્મી તથા આંતરરાષ્ટ્રીય ખ્યાતિપ્રાપ્ત કલાકાર વિરલભાઇ રાચ્છએ વિજેતા નાટકની સમગ્ર ટીમને અભિનંદન પાઠવ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગૌમૂત્ર અને ગોબર એટલે ખેતી પાક માટે જરૂરી તત્ત્વોનો ભંડાર
ભારતીય સંસ્કૃતિમાં ગાય અને ધરતી બન્નેને માતાનો વિશેષ દરજ્જો આપવામા આવ્યો છે. પ્રાકૃતિક ખેતી એ ધરતીના રક્ષણ માટેની વિશેષ પહેલ છે. આ કૃષિ ગાય આધારિત હોવાથી કૃષિ સાથે ગાયનું પણ રક્ષણ અને સંવર્ધન થાય છે. પ્રાકૃતિક ખેતીની ખાસિયત એ છે કે તે નાના ખેડૂતો માટે મર્યાદિત જમીનમાં પણ ખુબ ઓછા ખર્ચે થઈ શકે છે અને ધરતીની પોષણક્ષમતાને પણ જાળવી રાખે છે. રાજ્ય સરકારના કૃષિ, ખેડૂત કલ્યાણ અને સહકારિતા વિભાગ દ્વારા આત્મા પ્રોજેક્ટ અંતર્ગત ખેડૂતોને પ્રાકૃતિક કૃષિને સતત પ્રોત્સાહન આપવામાં આવી રહ્યું છે. આ માટે ખેડૂતોને પ્રાકૃતિક કૃષિ માટે સહાયક યોજનાઓ અમલમાં મુકવામાં આવી છે અને ખેડૂતોને માર્ગદર્શન મળી રહે તે માટે ખ ેડુતોની તાલીમ પણ યોજવામાં આવી રહી છે.
પદ્મશ્રી સુભાષ પાલેકરના સંશોધન અને તાંત્રિક સહયોગથી રાજ્યપાલ આચાર્ય દેવવ્રતજીએ પ્રાકૃતિક કૃષિને વર્ણવી છે, જેને આધારે પ્રાકૃતિક ખેતીમાં ગાયનું મહત્ત્વ કેટલું છે તેનાથી માહિતગાર થઈએ.
ભાર્ગવ કેે. ભંડેરી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
'દેશ કા પ્રકૃતિ પરીક્ષણ' અંગે રસપ્રદ માહિતી
પ્રસ્તાવના
આયુર્વેદ ચિકિત્સા માટે રોગીની પ્રકૃતિ અથવા તાસીર જાણવી જરૂરી માનવામાં આવે છે કારણ કે આયુર્વેદ પર્સનલાઇઝ્ડ ચિકિત્સા આપે છે અને એકજ રોગ માટેની અલગ અલગ રોગીને અલગ દવાઓથી ચિકિત્સા કરતી હોય છે (તો જ આયુર્વેદ દવાથી લાભ જોવા મળતો હોય છે). આયુર્વેદના પ્રકૃતિ પરીક્ષણની જરૂરિયાત માત્રને માત્ર રોગીની ચિકિત્સા નો નથી પણ આયુર્વેદ નો મૂળ ઉદ્દેશ્ય સ્વસ્થના સ્વાસ્થ્યનું રક્ષણ કરવાનું છે અને પ્રકૃતિ ને જાણવાથી કેવા રોગો જે-તે વ્યક્તિને થઈ શકે છે તેની જાણકારી મળે છે જેનો ઉપયોગ કરી જો યોગ્ય ઉપાય કરવામાં આવે તો રોગ ન થાય અથવા ઓછા લક્ષણ વાળો થાય.
પ્રકૃતિ પરીક્ષણ સ્વસ્થ વ્યક્તિમાં કરવામાં આવતો હોય છે નહીં કે રોગની અવસ્થામાં. મધ્ય વય ૧૬ થી ૬૦ વર્ષની વ્યક્તિની પ્રકૃતિ પરીક્ષણ જ કરવું હિતાવહ છે કારણ કે બાળકો અને વૃદ્ધોમાં પ્રકૃતિ પરીક્ષણ બરાબર રીતે કરવામાં તકલીફ પડી શકે અને સાચી પ્રકૃતિ જાણી શકાય નહીં. વિશ્વ આરોગ્ય સંસ્થાના મતે પણ આ ઉંમરના લોકોને પ્રોડક્ટિવ હ્યુમન કહ્યા છે અને તે દરમ્યાન તેમને જો સ્વાસ્થ્યનું રક્ષણ કરવામાં આવે તો વ્યક્તિગત લાભની સાથે સમાજને પણ લાભ થાય જે સમાજ સ્વસ્થ રહી શકે છે.
પ્રકૃતિ પરીક્ષણ કેવી રીતે થાય છે?
પ્રકૃતિ પરીક્ષણ ચિકિત્સક સ્વસ્થ વ્યક્તિની શારીરિક તપાસ કરી, પ્રશ્નોતરી કરી અને અમૂક પરીક્ષણ કરીને કરતાં હોય છે. આયુર્વેદના ગ્રંથ ચરકસંહિતામાં બતાવેલ લક્ષણો ચિન્હોના આધારે તેની પ્રશ્નોતરી અને તપાસ કર્યા પછી પ્રકૃતિની પરીક્ષણ કરવામાં આવતી હોય છે. ભારત સરકારે પ્રકૃતિ પરીક્ષણ માટે એક વિશેષ એપ બનાવી છે જેમાં સ્વસ્થ વ્યક્તિની પ્રકૃતિનું પરીક્ષણ આયુર્વેદ ચિકિત્સક દ્વારા તે એપથી કરી શકાય છે. જેમાં વ્યક્તિગત ગોપનિયતાની રક્ષા માટે પૂરતું આયોજન કરવામાં આવ્યું છે. આ પરીક્ષણમાં રોગી પોતાની પ્રકૃતિને એપની મદદથી જોઈ શકે છે.
પ્રકૃતિ પરીક્ષણમાં થતી મર્યાદાઓ?
પ્રકૃતિ પરીક્ષણમાં પ્રશ્નોત્તરીના આધારે કરવામાં આવતી હોય સ્વસ્થ વ્યક્તિ દ્વારા આપવામાં આવતા જવાબોના આધાર પર હોય અમૂક સંજોગોમાં જો જવાબો-પ્રતિભાવો પૂર્વગ્રહ અથવા માન્યતાના આધારે હોય તો તેમાં પ્રકૃતિ પરીક્ષણમાં ફેર પડી શકે. તેમાંજ સામાન્ય રીતે જે લક્ષણો જેમ કે ભૂખ લાગવી, ઊંઘ વિગેરે જવાબો દિવસો મહિનાઓ અથવા વર્ષોમાં કેવી રીતે થતાં હોય તેના પર આધારિત હોય તો જ સાચી પ્રકૃતિ જાણી શકાય.
પ્રકૃતિ પરીક્ષણની સગવડતા કયા કયા છે અને કોને કરાવવું જોઈએ
પ્રકૃતિ પરીક્ષણ એપ બેઝડ (એપ આયુષ મંત્રાલય દ્વારા આપવામાં આવેલ છે) જે આયુર્વેદ ચિકિત્સક દ્વારા વ્યક્તિગત પ્રશ્નોત્તરી અને પરીક્ષણ દ્વારા કરવામાં આવે છે. ૧૬ થી ૬૦ વર્ષ ના દરેક નાગરિક કરાવી શકે છે, કરાવવું વધુ હિતાવહ છે. ભારત સરકારના આયુષ મંત્રાલય દ્વારા સંવિધાન દિવસ તા. ૨૬/૧૧/૨૪ થી ૨૫/૧૨/૨૪ સુધી ઝુંબેશ ચાલુ રહેવાની છે. આપ નજીકના આયુર્વેદ ચિકિત્સક અથવા આયુર્વેદ હોસ્પિટલનો સંપર્ક કરી શકો છે.
ડો. નિશાંત શુક્લ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કેટલાંક દેશો વચ્ચે યુદ્ધ ચાલી રહ્યું છે તો કેટલીક જગ્યાએ તૈયારીઃ
રશિયા-યુક્રેન, ઈઝરાયેલ-હમાસ, ચીન-તાઈવાન, ઉત્તર-દક્ષિણ કોરિયા અને સીરિયા જેવા વિસ્તારોમાં વિવાદ મોટા યુદ્ધમાં ફેરવાઈ શકે છે
શું ૨૦૨૫ માં વિશ્વમાં ત્રીજું વિશ્વ યુદ્ધ થશે? આ પ્રશ્ન મહત્વપૂર્ણ છે કારણ કે વર્ષ ૨૦૨૪ માં, વિશ્વના ઘણા ભાગોમાં સંઘર્ષ જોવા મળી રહ્યો છે. આવો જાણીએ દુનિયાના એવા કયા વિસ્તારો છે જ્યાં વિશ્વ યુદ્ધની સંભાવના છે.
રશિયા-યુક્રેન
રશિયા અને યુક્રેન વચ્ચેના યુદ્ધને ત્રણ વર્ષ થઈ ગયા છે. આ યુદ્ધનો પણ અંત આવે તેમ લાગતું નથી. રશિયાએ ફરી એકવાર હુમલા તેજ કર્યા છે. આ સાથે જ જો બાયડેને યુક્રેનને રશિયા પર લાંબા અંતરની મિસાઈલોથી હુમલો કરવાની પરવાનગી આપી દીધી છે. આ સિવાય નાટો પણ યુદ્ધની તૈયારી કરી રહ્યું છે.
ઇઝરાયેલ-હમાસ
૭ ઓક્ટોબર, ૨૦૨૩ ના રોજ, ઇઝરાયેલ પર હમાસ દ્વારા હુમલો કરવામાં આવ્યો હતો. આ હુમલા બાદ મધ્ય પૂર્વમાં સંઘર્ષ ચાલી રહ્યો છે. ઇઝરાયેલ અને હમાસ વચ્ચે ચાલી રહેલ યુદ્ધ લેબનોનના હિઝબુલ્લાહ સુધી વિસ્તર્યું હતું. આ સિવાય ઈરાન અને ઈઝરાયલે પણ ઘણી વખત એકબીજા પર હુમલો કર્યો. યમનના હુથી બળવાખોરોએ વૈશ્વિક જળમાર્ગમાં વિક્ષેપ પાડતા જહાજોને પણ નિશાન બનાવ્યા હતા. જોકે, હિઝબુલ્લાહ અને ઈઝરાયેલ વચ્ચે યુદ્ધવિરામ થઈ ગયો છે. પરંતુ તે ગમે ત્યારે મોટા સંઘર્ષમાં ફેરવાઈ જવાનો ભય છે.
ચીન-તાઈવાન
તાઈવાન સ્ટેટ પર પણ યુદ્ધનો ખતરો તોળાઈ રહ્યો છે. તાઈવાનને લઈને ચીન અને અમેરિકા આમને-સામને છે. ચીનનું કહેવું છે કે તાઈવાન તેનો હિસ્સો છે, જેના પર તે કબજો કરશે. એટલા માટે ચીન પોતાની નૌકાદળને સતત મજબૂત કરી રહ્યું છે. અમેરિકી રાષ્ટ્રપતિ જો બાઈડને કહ્યું હતું કે જો ચીન તાઈવાન પર હુમલો કરશે તો અમેરિકા મદદ કરશે. ટ્રમ્પના આગમન બાદ સ્થિતિ બદલાઈ શકે છે. જો કે, ૨૦૨૫માં ચીન તાઈવાન પર હુમલો કરે તેવી શક્યતા ઓછી છે.
ઉત્તર કોરિયા-દક્ષિણ કોરિયા
ઉત્તર કોરિયાએ રશિયાની મદદ માટે પોતાના સૈનિકો મોકલ્યા છે. ઉત્તર કોરિયાના સુપ્રીમ લીડર કિમ જોંગ ઉનના આ નિર્ણયથી કોરિયન દ્વીપકલ્પ હચમચી ગયો છે. રશિયાને મદદ પૂરી પાડવીઃ સ્પષ્ટપણે દર્શાવવામાં આવ્યું છે કે રશિયા યુદ્ધમાં ઉત્તર કોરિયાને સાથ આપશે. ઉત્તર અને દક્ષિણ કોરિયા વચ્ચે તાજેતરમાં તણાવ જોવા મળ્યો છે. ઉત્તર કોરિયાએ તેની બાજુના રસ્તાઓ પર બોમ્બમારો કર્યો.
સીરિયા
સીરિયાના રાષ્ટ્રપતિ બશર અલ-અસદ ઈઝરાયેલ પર ઓક્ટોબર ૭ના હુમલા બાદ યુદ્ધથી દૂર રહ્યા હતા. જ્યારે ઇઝરાયેલના જેટ અને વિમાનોએ સીરિયા પર હુમલો કરવાનું ચાલુ રાખ્યું હતું. તેનો નિર્ણય તેના શાસનની સ્થિરતા પર આધારિત હોઈ શકે છે. ગયા અઠવાડિયે જ્યારે વિદ્રોહીઓએ નાટકીય રીતે અલેપ્પો શહેર પર કબજો કર્યો ત્યારે ચિંતા વધી હતી. આ પછી હવે ઈરાન અને રશિયા સીરિયાની મદદ માટે આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
અફઘાનિસ્તાનમાં તાલીબાનો, બાંગ્લાદેશમાં અસંતુષ્ટો અને હવે સીરિયા પર આતંકીઓનો કબજો!
વિશ્વમાં અત્યારે યુદ્ધો અને અશાંતિનો માહોલ છે અને કેટલાક દેશોમાં અરાજક્તા, અનિશ્ચિતતા અને અંધાધૂંધી ફેલાયેલ છે. આ સ્થિતિમાં ત્રીજા વિશ્વયુદ્ધના ભણકારા વચ્ચે શાંતિ સ્થાપવાના પ્રયાસો પણ થઈ રાહ્યા છે. બીજી તરફ બાંગ્લાદેશ અને અફઘાનિસ્તાન જેવા લોકતાંત્રિક પદ્ધતિથી ચૂંટાયેલી સરકરો ધરાવતા દેશો પર હવે અનુક્રમે અસંતુષ્ટો તથા આતંકવાદીઓનું પ્રભુત્વ ધરાવતી સરકાર અથવા વચગાળાની સરકાર સ્થપાતા વિશ્વની ચિંતા વધી છે. હવે સીરિયામાં અસદ સરકારનું પતન થયા પછી ત્યાં ઉગ્રવાદી અને આતંકવાદી પરિબળોએ શાસન સંભાળ્યા પછી ભય, અનિશ્ચિતતા અને અરાજક્તાનો માહોલ છવાયો છે અને દમન થઈ રહ્યું છે, તેથી વિશ્વમાં ઉત્પન્ન થયેલ આ સ્થિતિ ચિંતાજનક છે, અને વિશ્વની શક્તિશાળી સત્તાઓ વચ્ચે તનાવ વધ્યા પછી હવે અન્ય દેશોએ પણ ચેતવા જેવું છે. ઈઝરાયેલે સીરિયા પર કરેલા નવા હુમલાઓ પણ ચર્ચામાં છે.
અસદ સરકારને
રૂખસદઃ જવાબદાર કોણ?
સીરિયામાં અસદ સરકારના પતન પછી આઈએસઆઈએસની વિચારધારા ધરાવતા આતંકવાદી સંગઠને સત્તા ઝુંટવી લીધી તેના કારણ સમગ્ર વિશ્વ પર તો ખતરો વધ્યો જ છે, પરંતુ ભારતની આતંકવાદ વિરોધી ઝુંબેશને પણ ફટકો પડ્યો છે, કારણ કે અસદ આઈએસઆઈએસ સહિતના આતંકવાદી સંગઠનોની વિરૂદ્ધમાં તો હતાં, જ પરંતુ ભારત વિરોધી અન્ય આતંકી સંગઠનોને પણ ધિક્કારતા રહ્યા હતાં. ભારતના પીએમ મોદી અને અસદ વચ્ચે મિત્રતા હતી.
હવે સીરિયાના રાષ્ટ્રપતિએ રશિયામાં શરણ લીધા પછી સવાલ એ ઊઠી રહ્યો છે કે સીરિયાના શાસનમાં જ અસદ સરકારને રૂખસદ આપવા પાછળ કોને જવબદાર ગણવા? રશિયા આ સ્થિતિ માટે જવાબદાર છે? આ સ્થિતિ સર્જવા પાછળ ક્યાંક અમેરિકાનો હાથ તો નથી ને? રશિયા અને અમેરિકા બન્નેને સીરિયા પર કોઈપણ આતંકી જુથનો કબજો રહે, તે મંજુર પણ નથી, પરંતુ આ પ્રકારની પ્રવાહી સ્થિતિમાં એકાદ ખોટો નિર્ણય પણ ભારે પડી જાય તેમ હોવાથી સંબંધિત તમામ દેશો ફૂંકી ફૂંકીને કદમ ઊઠાવી રહ્યા છે. હવે સીરિયાની વચગાળાની સરકારના અભિગમ પર સૌની નજર મંડાયેલી છે.
શેરબજારો પર પણ અસર
અસદ સરકારના પતનની સીધી અસરો વૈશ્વિક શેરબજારો પર પણ પડી હતી અને મધ્યપૂર્વમાં અશાંતિના કારણે શેરબજારમાં પણ સતર્કતાનો માહોલ જોવા મળ્યો હતો, અને ઈન્વર્ટરોની અનિશ્ચિતતા વચ્ચે શેરબજારમાં ગત્ અઠવાડિયામાં વેચવાલી પણ વધી ગઈ હતી. સાઉદ્દી અરેબિયાએ ક્રૂડના ભાવ ઘટાડ્યા પછી પણ માર્કેટમાં અનિશ્ચિતતાનો માહોલ જોવા મળ્યો હતો, અને વૈશ્વિક ધોરણે ક્રૂડના ભાવો ઊંચકાય હતાં. આ ઉપરાંત સોનાનો ભાવ પણ ૭૯ હજારની સપાટીને વટાવી ગયો હતો. હવે ક્રૂડના ભાવોમાં આ તેજી જોવા મળી રહી છે. આમ, વૈશ્વિક પ્રવાહોની સીધી અસરો આર્થિક અને નાણાકીય ક્ષમતાઓ પર પણ પડી હતી.
સીરિયાઃ રશિયા અને
અમેરિકા વચ્ચે ફૂટબોલ!
વર્ષોથી સીરિયા રશિયા અને અમેરિકા વચ્ચે ફૂટબોલની સ્થિતિમાં રહ્યું છે. અલ-અસદ પરિવારે સીરિયાના શાસકો તરીકે પ૪ વર્ષ કામ કર્યું છે, અને હવે અસદને રશિયા ભાગી જવું પડ્યું છે. થોડા મહિનાઓ પહેલા બાંગ્લાદેશના વડાપ્રધાન શેખ હસીનાએ પણ દેશ છોડીને ભાગવું પડ્યું હતું. અફઘાનિસ્તાનના તાલીબાનો સામે લડત આપી રહેલા ત્યાંના રાષ્ટ્રપતિ પણ ઓચિંતા વિમાનમાં ધન-સંપત્તિ ભરીને ભાગી છૂટ્યા હતાં. થોડા દાયકાઓ પહેલા સદામ હુશેન પણ સત્તાપલટા પછી છૂપાઈ ગયા હતાં, જેને શોધી કાઢીને વૈશ્વિક મહાસત્તા દ્વારા કાનૂની પ્રક્રિયા આદરી હતી અને સદામ હુસેનને ફાંસીએ ચડાવાયા હતાં.
સીરિયામાં કોની બોલબાલા?
સીરિયામાં અત્યારે હયાત તહરિર અલ શામ એટલે કે એચટીએસ નામના સંગઠનના સર્વોચ્ચ કમાન્ડર અહેમદ અલ શારાની બોલબાલા છે, જેને અબુ મોહમ્મદ અલ-જુલાની તરીકે પણ ઓળખવામાં આવે છે. આ શખ્સે રશિયા અને ઈરાનને પણ ઝટકો લાગે, તેવું પરાક્રમ કર્યું છે, જેથી ઈરાન અને રશિયાના સત્તાધિશો તમતમી ઊઠ્યા છે. એવું કહેવાય છે કે અબુ મોહમ્મદ અલ-જુલાનીને અમેરિકાનું પીઠબળ હતું અને તખ્તાપલટ પાછળ અમેરિકાનો દોરીસંચાર હતો. વૈશ્વિક દૃષ્ટિકોણથી અસદના પતન પછી આતંકી વિચારધારાને બળ મળતા ભારત સહિતના તમામ પડોશી દેશોને પણ વિપરીત અસર થઈ શકે છે, જેમાંથી પાકિસ્તાન પણ બાકાત નથી.
બાંગ્લાદેશ-ભારતના સંબંધો
બીજી તરફ ભારત અને બાંગ્લાદેશ વચ્ચે જ હાલની ત્યાંની વચગાળાની સરકારના વલણના કારણે વણસેલા સંબંધોને ઠીક કરવાના પ્રયાસો થઈ રહ્યા છે, તે દરમિયાન બાંગ્લાદેશમાં હિન્દુઓ પર થતા અત્યાચારોનો વિરોધ જમીયત-એ-ઉલ્લમાના અધ્યક્ષ તથા પૂર્વ સાંસદ મૌલાના મહેમુદ અસદ મદનીએ પણ કર્યો છે. એક તરફ દેશમાં ઠેર-ઠેર બાંગ્લાદેશની વચગાળાની સરકાર વિરોધ પ્રદર્શન થઈ રહ્યા છે, તો બીજી તરફ દેશના મૌલાનાઓ અને કેટલાક મુસ્લિમ નેતાઓએ પણ બાંગ્લાદેશને 'માપ'માં રહેવાનું ધા પછી બાંગ્લાદેશની રખેવાળ સરકાર ભારત સામેના સંબંધો પૂર્વવત ન કરે, તો પણ કુણુ વલણ દાખવશે અને વ્યવહારૂ અભિગમ દાખવશે, તેવો આશાવાદ સેવાઈ રહ્યો છે. આમ પણ ભારત સાથે સંબંધો બગાડવા એ બાંગ્લાદેશ માટે પગ પર કૂહાડો મારવા જેવા સિદ્ધ થઈ શકે છે. સીરિયામાંથે કેટલાક ભારતીયોને બચાવી લેવાયા હોવાના અહેવાલો છે.
પુતિન-રાજનાથસિંહ વચ્ચે વાટાઘાટો
રશિયાના રાષ્ટ્રપતિ વ્લાદિમીર પુતિન અને ભારતના સંરક્ષણમંત્રી રાજનાથસિંહ વચ્ચે થયેલી મુલાકાત તથા વાટાઘાટોની ભારતીય અને વૈશ્વિક મીડિયામાં વ્યાપક ચર્ચા થઈ રહી છે, અને જુદા જુદા અભિપ્રાયો વ્યક્ત થઈ રહ્યા છે.
પુતિન સાથેની મુલાકાત દરમિયાન રાજનાથસિંહે કહ્યું હતું કે, ભારત અને રશિયાની મિત્રતા આકાશ અને પાતાળ સુધી વ્યાપેલી છે, એટલે કે પર્વતથી પણ ઊંચી અને મહાસાગરથી પણ ઊંડી છે. ભારત હંમેશાં રશિયન મિત્રોની પડખે ઊભું રહેશે વિગેરે...
રશિયામાં ભારતના રક્ષામંત્રીની આ મુલાકાત દરમિયાન કેટલાક કરારો થયા અને શસ્ત્રોની ખરીદી અંગે પણ નિર્ણયો લેવાયા હશે. આ મુલાકાત અને વાટાઘાટો પછી અમેરિકાનો પ્રત્યાઘાત કેવો હશે, તે અંગે પણ અટકળો થઈ રહી છે, અને ટ્રમ્પની નવી નીતિઓ કેવી હશે, તેના અનુમાનો પણ થઈ રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
શ્વાસમાં તકલીફ પડે કે એટેક આવે અને તેમાંથી ઈમરજન્સી પણ ઊભી થાય છે
પ્રસ્તાવના
સીઓપીડી એ એક ગંભીર પ્રકારની શ્વાસ માર્ગની તકલીફ છે. જેમાં રોગીને શ્વાસ માર્ગમાં અવરોધ એરવે ઓબસ્ટ્રેક્શન જેના લક્ષણ શ્વાસ લેવામાં તકલીફ પડવી, શ્વાસનો એટેક આવવો, કફ થવો, કફ નીકળવો થાય છે અને રોગીને અમૂક સંજોગોમાં ઈમરજન્સી પણ ઊભી થતી જોવા મળે છે. ઈમેડિસિન વેબસાઇટની માહિતી અનુસાર મૃત્યુનું ત્રીજું મોટું કારણ બતાવવામાં આવ્યું છે.
સીઓપીડીમાં ફેફસાંની નળીઓમાં અટકાયત એટલે કે બ્રોનકોસ્પાસમ થાય છે અથવા રોગીને દમ જેવી તકલીફ થાય અને ફેફસાંની નળી પહોળી થવાની તકલીફ થતી હોય છે જેને એમફિઝિમા કહે છે.
આ રોગ થવાના કારણોમાં જન્મજાત કારણો છે. જેના કુટુંબમાં દમ અસ્થમા, શરદી હોય તેને સીઓપીડી થવાની શક્યતા ખૂબ વધુ રહે છે. આ રોગનું બીજું કારણ શ્વાસ માર્ગના રોગો જેવા કે ટીબી, ન્યુમોનિયા, ફ્લૂ, કોવિડ (ઇન્ફ્લુએન્ઝા) વગેરે પણ હોય છે. તે ઉપરાંત હવાનું પ્રદૂષણ, સિગારેટ, બીડીના સેવનના પરિણામે, ધુમાડાવાળા વાતાવરણમાં રહેવાથી પણ સીઓપીડી થઈ શકે છે. જે લોકોને એલર્જીની તકલીફ હોય અને વિશેષમાં શરદી, શ્વાસની એલર્જી હોય તેમાં થવાની શક્યતા ખૂબ જ વધી જતી હોય છે. જેને મેડિકલ ભાષામાં એર-વે હાયપરસેન્સીટીવીટી કહે છે.
આ રોગમાં સામાન્ય રીતે કોઈ ચોક્કસ પૂર્વરૂપ જોવા મળતા નથી અને શ્વાસ, શરદીના દરેક એટેક પછી ક્રમશઃ શ્વાસની નળીઓમાં કઠણતા આવે છે. (આયુર્વેદના ગ્રંથ ચરકસંહિતામાં કહેવામાં આવ્યું છે કે જો રોગીષ્ટ કોષને ફરી તેની સ્વાસ્થાવસ્થાની સ્થિતિમાં નથી પહોંચતા તો તેના પરિણામે સામાન્ય સોજો રહે છે જે થોડું જ કારણ મળતા ફરી રોગ કરે છે. સીઓપીડી રોગમાં આ જ પ્રમાણે થતું જોવા મળતું હોય છે. દરેક શ્વાસના એટેક પછી શ્વાસ માર્ગની નળીઓમાં થોડી અસર રહી જાય છે જેના પરિણામે શરૂઆતમાં રોગમાં દવાના ઉપયોગથી રાહત થાય છે તેના પણ ધીરે ધીરે વેગ આવવાના સમયમાં ઘટાડો થાય છે અને વેગનો સમય વધે છે અને જેમાં રાહત આપવા માટે નેબ્યુલાઇઝ કરવા પડે અથવા પંપ લેવો પડે.
આયુર્વેદ મતે સીઓપીડીની સમજણ અને સારવાર
આયુર્વેદ મતે સીઓપીડીને ચોક્કસ નામ આપવું શક્ય નથી પણ ચરકસંહિતામાં વર્ણીત તમક, શ્વાસમાં આવરી શકાય. તમક શ્વાસ રોગને આયુર્વેદના મતે યાપ્ય કહ્યો છે એટલે કે જેમાં રોગીને સતત કાળજી રાખવી પડે છે. જો કાળજી ન રાખવામાં આવે અથવા ઋતુ પ્રભાવના કારણે રોગ થઈ શકે છે.
સીઓપીડી રોગની આયુર્વેદ સારવાર રોગીની તાસીર, રોગની અવસ્થા, રોગ થવાની પ્રક્રિયા પ્રમાણે રોગીની પરીક્ષા કર્યા પછી ખાસ સારવાર આપવામાં આવે છે. સીઓપીડી રોગની બે અવસ્થામાં જોવા મળે છે. આવસ્થિક વેગ અવસ્થા જેમાં રોગનો એટેક આવે છે અને રોગીને તાત્કાલિક દવા આપવાની જરૂરિયાત રહે છે. તેમાં આયુર્વેદ ચિકિત્સક ચિકિત્સાલયમાં છાતી, વાંસામાં સૈંધવાદિ તેલ અથવા તેના જેવા અન્ય કફ શામક વાત શામક તેલનું માલિશ કરી અને ગરમ સેક નાડીથી શેક આપે જેના પરિણામે બ્રોનકો કનઝેશનમાં રાહત થાય. આ અવસ્થામાં ચિકિત્સક કનકસાવ, સોમસાવ, સોમલતા, અભ્રગર્ભ પોટલી, હેમગર્ભ પોટલી, બૃહત વસંત માલતિ, વસાવલેહ, દશમૂળ ક્વાથ, ભારંગયાદી ક્વાથ વિગેરે દવાઓનો ઉપયોગ કરી શકે છે. પોટલી રસાયણ આયુર્વેદની તાત્કાલિક મેડિસિન પૈકીની અગત્યની દવા છે જેનો ઉપયોગ તાકીદની પરિસ્થિતિમાં રોગીને લાભ આપવા માટે વાપરી શકાય છે. આ અવસ્થામાં થોડી થોડી માત્રામાં સતત આપવામાં આવી શકે છે.
જ્યારે કે બીજી અવસ્થામાં રોગીને સામાન્ય રીતે કોઈ પણ પ્રકારના લક્ષણ હોતા નથી પણ શરીર પૂર્ણ પણે સ્વસ્થ નથી હોતું અને ફેફસાંમાં રોગના લક્ષણ મળે છે. (ચિકિત્સક દ્વારા તપાસતા વીઝીંગ જોવા મળે અને લંગ કેપેસીટીમાં ઘટાડો થાતો જોવા મળી શકે છે) આ અવસ્થામાં રોગની ચિકિત્સાની જરૂરિયાત વધુ હોય છે (સામાન્ય રીતે રોગી આ અવસ્થામાં ચિકિત્સા માટે ગંભીર નથી હોતો જે યોગ્ય નથી રોગના લક્ષણ નથી તેનો મતલબ રોગ નથી તેમ માનવું યોગ્ય નથી અને આ અવસ્થામાં જો યોગ્ય ઉપચાર અને કાળજી રાખવામાં આવે તો રોગીને તાત્કાલિક એટેકની સ્થિતિ આવવાની શકયતા અને દાખલ કરવાની શક્યતા ઓછી થાય છે.
આ અવસ્થામાં રોગની ચિકિત્સા માટે આયુર્વેદ ચિકિત્સક રોગની તપાસ કરી પછી વિરેચન અથવા રસાયણ ચિકિત્સા આપી શકે છે. જેમાં આયુર્વેદ ચિકિત્સક ભારંગયાદી ક્વાથ, ગોજિહવાદિ ક્વાથ, દશમૂળ ક્વાથ, વાસા, તુલસી, લક્ષ્મી વિલાસ રસ, વસંત માલતિ રસ, અશ્વગંધા, વગેરે આપવામાં આવી શકે છે. લાંબા વખત સુધી આ અવસ્થામાં રોગીને દવા અને પરેજી રાખવી આવશ્યક માનવામાં આવે છે.
આ અવસ્થામાં રોગીને વિરેચન, બૃહણ ચિકિત્સા રસાયણ ચિકિત્સા કરવી જરૂરી માનવામાં આવે છે. ચરક સંહિતામાં બતવામાં આવ્યું છે કે રોગીનું કર્ષણ ન જ થવું જોઈએ જો કર્ષણ થાય તો રોગ ગંભીર બને છે. તેથી રસાયણ ચિકિત્સા કરવી જોઈએ. રસાયણ ચિકિત્સામાં ઔષધ, દવાઓ લાંબો સમય સુધી ચાલુ રાખવી જોઈએ જેથી ફેફસાંને તેની રોગ પહેલાની મૂળ સ્થિતિમાં લાવી શકાય. (સામાન્ય રીતે આ અવસ્થા પ્રાપ્ત કરવા માટે લઘુતમ એક વર્ષનો સમય લાગી શકે છે. તેના પરિણામે વાઈટલ કેપેસીટીમાં સુધારો જાણી શકાય. એક્સ-રે માં જરૂરી સુધારો નોર્મલ ના પણ આવે) આ અવસ્થા ને કોમ્પેશન કહેવાય પણ ચિકિત્સા વિજ્ઞાનમાં સુધારો મહત્ત્વનો લેખાય કારણ કે તેમ થતાં વારંવાર એટેકની શક્યતા ઘણી ઓછી થતી જોવા મળે છે.
પ્રસ્તુત માહિતી સામાન્ય રોગ અને તેના આયુર્વેદ ઉપચાર માટે પ્રસ્તુત કરવામાં આવી છે. દરેક રોગી અને તેને થનાર રોગ વિશેષ હોય શકે તેથી રોગ, રોગીની તપાસ અને જરૂરી પરીક્ષણ પછી નિષ્ણાત આયુર્વેદ ચિકિત્સકના દિશાનિર્દેશ મુજબ સારવાર લેવી.
વધુ માહિતી અને પરામર્શ માટે આયુર્વેદ ચિકિત્સકનો સંપર્ક કરવો.
ડૉ. નિશાંત શુક્લ, જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૫ાકિસ્તાન, બાંગ્લાદેશ, યુ.એ.ઈ., રશિયા, યુક્રેન, અમેરિકા, ચીન, ઈઝરાયેલના તાજા ઘટનાક્રમો ચર્ચામાં... યુદ્ધો અટકાશે ખરા?
દુનિયામાં અત્યારે અનિશ્ચિતતાઓ, અશાંતિ, અવિશ્વાસ અને યુદ્ધોનો માહોલ છે, તેમાં પણ આતંકીઓનો પોષક દેશોમાં જ આતંકવાદી હુમલાઓ થઈ રહ્યા હોવાથી વિશ્વમાં વિશ્વસનિયતાની કટોકટી સર્જાઈ રહેલી જણાય છે. આ બધા ઘટનાક્રમો વચ્ચે બદલાતી સરકારો, બદલાતી રણનીતિઓ તથા કેટલીક અણધારી ઉથલપાથલોના કારણે વિશ્વમાં અત્યારે દ્વિધા, દુઃખ અને દયનીય ભાવનાઓ પણ ઉભરી રહેલી જણાય છે. ભારતના પડોશી દેશોમાં પણ ઘણી જ ઉથલપાથલો થઈ રહી છે અને આંતરયુદ્ધ જેવી સ્થિતિ છે. આ દરમિયાન ઈન્ટરનેશનલ ક્રિમિનલ કોર્ટ, ઈન્ટરનેશનલ કોર્ટ ઓફ જસ્ટિસનું વોરન્ટ પણ ચર્ચાના કેન્દ્રમાં છે. ઈઝરાયેલના પીએમ સામેની આ કાર્યવાહી પણ ચર્ચામાં છે જ...
યુએઈના દબાણ હેઠળ પાકિસ્તાન?
પાકિસ્તાને યુએઈના દબાણ હેઠળ ભિખારીઓ સામે ઊઠાવેલા કદમની ચર્ચાએ આંતરરાષ્ટ્રીય કક્ષાએ ભાવનાત્મક તથા હાસ્યાસ્પદ સ્વરૂપ ધારણ કરી લીધું છે, અને પાકિસ્તાનમાં પ્રવર્તતા ભૂખમરાનો પણ પર્દાફાશ થયો છે. મીડિયા અહેવાલો મુજબ યુએઈ એ પાકિસ્તાનને એલ્ટિમેટમ આપ્યા પછી ભિક્ષાવૃત્તિ કરતા લોકો સામે પાકિસ્તાનની શાહબાઝ સરકારે કદમ ઊઠાવ્યા પછી તેના મિશ્ર પ્રત્યાઘાતો પડી રહ્યા છે, અને પાકિસ્તાનની સરકારે ભિખારીઓને દંડવાના બદલે કે પછી ભિક્ષાવૃત્તિ બંધ કરાવવા દમનકારી પગલાં લેવાના બદલે અસંખ્ય લોકોને ભિખ માંગવી પડી રહી છે અને ભિખારીઓની સંખ્યા વધવાનું કારણ શું છે, તેની શોધખોળ કરીને તેના સંદર્ભે જરૂરી કદમ ઊઠાવા જોઈએ, તેવા આંતરરાષ્ટ્રીય કક્ષાના અભિપ્રાયો વ્યક્ત થઈ રહ્યા છે.
પાકિસ્તાનમાં આતંકી હુમલો
પાકિસ્તાનમાં જે રીતે શિયાઓ પર આતંકી હુમલાઓ થઈ રહ્યા છે, તે ભયંકર ગૃહયુદ્ધને નોતરશે, કારણ કે બલુચિસ્તાનમાં રહેતા શિયાઓ પાકિસ્તાનથી અલગ થવાની બલુચિસ્તાનની માંગણીને વધુ બળ આપશે, અને શિયા-સુન્ની-મુજાહિદનો કોમી વિખવાદ વધુ વકરશે. પાકિસ્તાનમાં થયેલા તાજા આતંકી હુમલાઓમાં અસંખ્ય નિર્દોષ લોકો માર્યા ગયા પછી શાહબાઝ સરકાર આંતરરાષ્ટ્રીય સવાલો તથા પડકારોનો સામનો કરી રહી છે.
યુક્રેન પર આઈસીબીએમથી હુમલો
રશિયાએ કાસ્પિયન સી અને આસ્તાખાન સેક્ટરમાંથી મિગ-૩૧૦ કે ફાઈટર જેટ દ્વારા યુક્રેન પર આઈસીબીએમથી હુમલો કર્યા પછી છેલ્લ કેટલાક સમયથી ધીમુ પડી ગયેલું રશિયા-યુક્રેન યુદ્ધ વધુ વેગ પકડશે, તેવી આશંકાઓ ફેલાઈ રહી છે. યુક્રેને ગઈકાલે આક્ષેપ કર્યો હતો કે રશિયાએ યુક્રેન પર પહેલી વાર ઈન્ટર કોન્ટીનેન્ટલ મિસાઈલથી હુમલો કર્યો છે, જે હજારો કિલોમીટર દૂર સુધી સચોટ નિશાન લગાવીને પ્રહાર કરી શકે છે. રશિયાનું કહેવું એવું છે કે, યુક્રેને છોડેલા બ્રિટિશ સ્ટોર્મ શેડો મિસાઈલ્સને ખતમ કરી નાંખ્યા છે!
આ ઘટનાક્રમ પછી રશિયા અને યુક્રેન વચ્ચે શાંતિ સ્થાપવાની વાત તો દૂર રહી, પરંતુ યુદ્ધ વધુ વકરશે અને વાતચીતની તમામ સંભાવનાઓ ખતમ થઈ ગઈ હોવાના અભિપ્રાયો પણ આતંરરાષ્ટ્રીય કક્ષાએ વ્યક્ત થઈ રહ્યા છે.
અવામી લીગ પર પ્રતિબંધ મૂકવાની બાંગ્લાદેશમાં માંગણી
બીજી તરફ ભારતના પડોશી દેશ બાંગ્લાદેશમાં હિન્દુઓ પર હુમલાઓના વિવાદ વચ્ચે અમેરિકામાં ટ્રમ્પની સત્તાવાપસી પછી હવે શેખ હસીનાની પુનઃ એન્ટ્રી થશે, તેવા ભયના કારણે શેખહસીનાના વિરોધી પરિબળોએ બાંગ્લાદેશની વચગાળાની સરકાર સમક્ષ શેખ હસીનાની પાર્ટી અવામી લીગ પર પ્રતિબંધ મૂકવાની માંગણી કરી છે, તેથી મહમદ યુનુસની વચગાળાની સરકાર દ્વિધામાં મૂકાઈ ગઈ છે. બાંગ્લાદેશની વિદ્યાર્થીઓની નવી નેતાગીરી અવામ લીગ પર પ્રતિબંધની માંગણી કરી રહી છે, જ્યારે નેશાલિસ્ટ પાર્ટી અવામી લીગ પર પ્રતિબંધના વિરોધમાં છે. ટ્રમ્પના વિજય પછી મોહમ્મદ યુનુસ સરકાર પર ચૂંટણીઓ યોજવાનું દબાણ વધી રહ્યું છે અને હિન્દુઓ પર હુમલાઓના વિષય પર ભારતના મિત્રદેશોના પ્રેસરના કારણે યુનુસ સરકાર માટે હવે શેખહસીનાને દેશની બહાર રાખીને અને અવામી લીગ પર પ્રતિબંધ મૂકીને શાંતિ સ્થાપવી સંભવ જણાતી નથી. જોઈએ હવે શું થાય છે તે.
પાકિસ્તાનમાં પ્રપંચો
પાકિસ્તાનમાં પણ પોલિટિકલ પ્રપંચો અટકી રહ્યા નથી. પાક.ના પૂર્વ પી.એમ. ઈમરાનખાન પર એકસોથી વધારેથી વધુ કેસો ચાલી રહ્યા છે, અને આતંકવાદી અપરાધીઓને મુક્ત રાખનાર શાહબાઝ સરકાર ઈમરાનખાનને એક પછી એક કેસના સંદર્ભે જેલમાં રાખી રહી હોવાના આક્ષેપો થઈ રહ્યા છે. ઈસ્લામાબાદ કોર્ટે તોશાખાના કેસમાં જામીન આપ્યા પછી ગણતરીના કલાકોમાં જ અશાંતિ ફેલાવવાના કેસમાં ફરી જેલમાં મોકલ્યા હોવાના અહેવાલોએ પણ આંતરરાષ્ટ્રીય કક્ષાએ સારી એવી ચર્ચા જગાવી છે.
આઈસીસીના વોરન્ટ
અમેરિકાની એક અદાલતે અદાણીની સામે ધરપકડ વોરન્ટ કાઢ્યુ, તેનો સંદર્ભ, વિષિમ અને આક્ષેપો ભ્રષ્ટાચાર, લાંચ અને આર્થિક ક્ષેત્રના હોવાથી તેના વૈશ્વિક પ્રત્યાઘાતો પડ્યા અને અદાણી ગ્રુપે આક્ષેપોનો જવાબ પણ વિવિધ માધ્યમોથી રજૂ કરી દીધો, પરંતુ આઈસીસી એટલે કે ઈન્ટરનેશનલ ક્રિમિનલ કોર્ટ દ્વારા ઈઝરાયેલના વડાપ્રધાન નેતન્યાહૂ સામે વોરંટ કાઢ્યું, તેની ચર્ચા અદાણીની સરખામણીમાં ભારતમાં થોડી ઓછી થઈ હશે, પરંતુ નેતન્યાહૂ સામે ઈન્ટરનેશનલ કોર્ટના વોરન્ટને સાંકળીને રશિયાના રાષ્ટ્રપતિ વ્લાદિમીર પૂતિન વિરૂદ્ધ નીકળેલા વોરન્ટની ચર્ચા પણ નવેસરથી થઈ રહી છે.
વોરન્ટ હોય કે ધરપકડ હોય, કાનૂની પ્રક્રિયાની પેચીદગીઓ એવી હોય છે કે આંતરરાષ્ટ્રીય અદાલતોના આદેશોનો અમલ સાર્વભૌમત્વ ધરાવતા દેશોની સક્રિયતા અને સહયોગ પર આધારિત રહેતી હોય છે, જ્યારે ભારતમાં જ ઘણાં બધા રાજનેતાઓ વર્ષોના વર્ષો સુધી જામીન પર છૂટીને રાજનીતિ કરી રહ્યા હોય, ત્યારે આંતરરાષ્ટ્રીય વોરન્ટોનો અમલ થવો કેટલો મુશ્કેલ છે, તે સમજી શકાય તેવું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઘુમલીના મંદિરો એક નહીં, ૬ થી ૭ શૈલીથી બન્યા છે, જે દેશમાં અજોડ છેઃ
ખંભાળીયા તા. ૧૬: દેવભૂમિ દ્વારકા જિલ્લામાં ઘુમલી બરડા ડુંગરમાં અણમોલ ઐતિહાસિક ઘરેણા સમા સોન કંસારીના મંદિરોની અવદશાનું જવાબદાર કોણ ? તેવો પ્રશ્ન ઉઠી રહ્યો છે.
દેવભૂમિ દ્વારકા જિલ્લામાં ભાણવડ પાસે બરડા ડુંગરની ગોદમાં આવેલા ઐતિહાસિક સોન કંસારીના મંદિરો જે ઐતિહાસિક ઘરેણા છે તે સાર સંભાળના અભાવે ખંઢેર જેવી સ્થિતિમાં થઈ ગયા છે તથા લુપ્ત થઈ જવાના આરે છે.
પ્રાચીન સમયથી મંદિરોમાં વિવિધ શૈલીઓમાં મંદિરો બનાવાતા હતા પરંતુ ઘુમલી બરડા ડુંગરમાં આવેલા સોન કંસારીના મંદિર એક નથી સમૂહો છે ઢગલાબંધ મંદિરો પર્વત ઉપર આવેલા છે. જેમાં જુદી જુદી છ થી સતા શૈલીઓમાં રચનાઓ થયેલી છે જે ભારતમાં એક માત્ર ઘુમલી સોન કંસારીના મંદિરોમાં જ છે!!
સામાન્ય રીતે મંદિર એક શૈલીમાં બનતા હોય છે જેમકે આધુનિક અયોધ્યાનું રામ મંદિર નગર શૈલીમાં બનેલું છે. નાગર, રોમન, બૌદ્ધ, પેગાડા, પિરામીડ જેવી અનેક વિશેષતાઓ તથા શૈલીના પ્રાચીન મંદિરો પ્રસિદ્ધ છે પરંતુ નિષ્ણાતોના કહેવા મુજબ સોનકંસારીના મંદિરોમાં પ્રાચીન ૬ થી ૭ શૈલીના મંદિર છે જે સમગ્ર ભારતમાં કયાંય એક સ્થળે નથી!! હાલ એકવીસમી સદી ચાલે છે ત્યારે છઠ્ઠી થી ચૌદમી સદીના આ મંદિરો અદ્દભૂત પ્રાચીન ધરોહર સમાન છે પણ ઈતિહાસના પાને 'ગૂમનામ' સ્થિતિમાં છે.
ગુજરાતનું પાડોશી રાજ્ય રાજસ્થાન પાસેથી પર્યટન વિભાગે શીખવા જેવું છે. નાનકડું શિલ્પ સ્થાપત્ય હોય તો પણ તેને હેરીટેજ લૂક આપીને રાજસ્થાનમાં હજારો પ્રવાસીના આકર્ષણનું સ્થળ બની જાય છે ત્યારે ભાણવડના ઘુમલીના સોન કંસારીના મંદિરો છઠ્ઠી સદીથી ઈતિહાસનું મહત્ત્વ ધરાવતા ઐતિહાસિક અને શૈલીઓમાં વિશિષ્ટ હોવા છતાં પણ ભાગ્યે જ લોકો ત્યાં જાય છે કે પહોંચી શકે છે કેમ કે ત્યાં સુધી જવા કોઈ રસ્તો જ નથી અને જંગલની પગદંડી જેવો રસ્તો ત્યાં જાય છે. ભીમનાથ જતાં યાત્રિકો ત્યાં જતાં કયારેક આ મંદિરોમાં જાય છે. પણ અફસોસ દુઃખી થાય છે કેમ કે વર્ષો જુના ઐતિહાસિક ધરોહર સમાન આ મંદિરો હાલ જર્જરીત પડી જવા, તૂટી જવા કાટમાળમાં ફેરવાઈ જવા સતત ટાઢ ગરમી વરસાદની તિરાડો પડવી, વૃક્ષો તેમાં ઉગી જવાની સ્થિતિમાં છે!! એક સમય એવો આવશે કે કાળની થપાટોથી આ જર્જરીત મંદિરો લુપ્ત થઈ જશે જો તેની જાળવણી અને જીણોદ્ધાર નહીં થાય તો!!
તાજેતરમાં બરડા ડુંગરમાં જંગલ સફારીનું નવું આકર્ષણ શરૂ થયું છે જે ખૂબ જ પ્રચલિત થયું છે ત્યારે અહીં સુધી રસ્તા અથવા ઉંટ સવારીથી પહોંચવાની વ્યવસ્થા સાથે મંદિર જીર્ણોદ્ધાર થાય તો પ્રાચીન ધરોહર સચવાઈ અને આવતી પેઢીને તેના ગૌરવની જાણ થાય તથા લોકોને ત્યાં જવાનો મોકો મળે કેમ કે સામાન્ય રીતે કસરત કે ચાલવાનો અનુભવ હોય તે જ આ ટ્રેકીંગ જેવા રસ્તામાં જઈ સોન કંસારી પહોંચી શકે છે ત્યારે વર્ષોથી ઉપોનીત સ્થિતિના આ પ્રાચીન મંદિરોના જીર્ણોદ્ધાર સાથે લોકો ત્યાં પહોંચે તેવી વ્યવસ્થા થાય તેવી પ્રચંડ લોક માંગ ઉઠી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સારા અશ્વની કિંમત ઓડી કે મર્સિડીઝ કારથી પણ વધુ હોય છે
ઘોડેસવારી એ રાજવી શોખ છે એમ કહેવાય છે પરંતુ પહેલાનાં સમયમાં ઘોડેસવારી પરીવહનનું પણ અગત્યનું માધ્યમ હતું. આધુનિક સમય પહેલાં જંગમાં ઘોડાઓની અગત્યની ભૂમિકાઓ હતી. હાર-જીત કે જીવન-મરણ ઘોડાઓ પર આધારીત હતાં. મહારાણા પ્રતાપનાં ઘોડા ચેતકની વીરતા અને બલિદાન ઇતિહાસમાં અમર છે ત્યારે વર્તમાનમાં ઘોડાઓનો ઉપયોગ મહદ્અંશે ફક્ત ઘોડાગાડી પૂરતો સિમિત રહી ગયો છે એ ખરેખર તો વિધિની વક્રતા જ કહી શકાય.
આવા વિપરીત સંજોગોમાં જામનગરથી ૩૦-૩૫ કિ.મી. દૂર રાજકોટ હાઇ-વે પર સોયલ ટોલનાકા નજીક ખીજડીયા રવાણી ગામે આવેલ 'રાજલ સ્ટડ ફાર્મ' અશ્વ પાલનની પ્રવૃત્તિના પ્રેરક ઉદાહરણરૂપ કહી શકાય એમ છે. મિલનભાઇ કારીયા તથા ભાવનાબેન કારીયા (કારીયા દંપતી) તેમજ છત્રપાલસિંહ જાડેજાના સંયુક્ત સોપાન સમાન રાજલ સ્ટડ ફાર્મની 'નોબત'ની ટીમ દ્વારા મુલાકાત લેવામાં આવી હતી. 'નોબત' પરિવારનાં દર્પણભાઇ માધવાણી તથા પત્રકાર આદિત્ય દ્વારા ફાર્મનાં સંચાલકો સાથે સંવાદ કરવામાં આવ્યો હતો.
મિલનભાઇ કારીયા અગ્રવાલ ગ્રુપ ઓફ કંપનીઝમાં ડાયરેક્ટર છે તથા ભાવનાબેન ડિજીટલ ક્રિએટર છે. ભાવનાબેન બી.કોમ., એલ.એલ.બી., જર્નાલીઝમ તથા બી.એડ. સહિતની ડિગ્રીઓ તથા શૈક્ષણિક ક્ષેત્રનો પણ બહોળો અનુભવ ધરાવે છે. અશ્વ પાલનને તેઓ પોતાનાં પેશન તરીકે ઓળખાવે છે. જ્યારે છત્રપાલસિંહ જાડેજા એક સારા ફોટોગ્રાફર પણ છે. આ અલગ અલગ ખૂબીઓ ધરાવતા લોકોનાં અશ્વ પાલનનાં કોમન પેશને તેમને પાર્ટનર બનાવ્યા અને સાકાર થયું 'રાજલ સ્ટડ ફાર્મ'...
સંવાદ દરમ્યાન ભાવનાબેન જણાવે છે કે આરંભમાં ફાર્મની શરૂઆત ૩ અશ્વથી થઇ હતી. આજે ફાર્મમાં કુલ ૧૧ અશ્વ છે. જેમાં ઘોડા-ઘોડી તથા વછેરાઓનો પણ સમાવેશ થાય છે. મારવાડી પ્રજાતિના વખણાતા અશ્વ પણ અહીં છે.
પરમરાજ નામનો અશ્વ ગત વખતે પુષ્કર મેળામાં દાંત વગરનાં ઘોડાઓની સ્પર્ધામાં ટોપ-૧૦ માં આવ્યો હતો જ્યારે આ વખતે તે ફરી પુષ્કર મેળામાં મેદાન ફતેહ કરવા સજ્જ છે.
પરમરાજની પ્રજાતિ કે કુળ વિશે છત્રપાલસિંહ વિગતે વાત કરે છે તથા સારી પ્રજાતિનાં અને આંબો અર્થાત કોનું સંતાન છે વિગેરે માહિતીવાળા અશ્વની કિંમત ખૂબ ઉંચી હોવાનું જણાવ્યું હતું. વર્તમાનમાં પરમ રાજ જેવા સારી પ્રજાતિનાં અશ્વની કિંમત ઓડી કે મર્સિડીઝ જેવી પ્રિમીયમ કાર કરતા પણ વધુ હોય છે. ઘણાં લોકો કરોડપતિ બનવા માટે જ 'અશ્વ પાલન' કરે છે તો અમૂક લોકો પેશનને કારણે આ પ્રવૃત્તિ કરે છે.
આર્થિક પરીબળોથી આકર્ષાય અશ્વપાલન કરતા કે ઘોડાઓનો કોમર્શીયલ ઉપયોગ કરતા લોકો ઘોડા સાથે ક્રૂરતા કરતા પણ જોવા મળતા હોય છે એ અટકાવવા ભાવનાબેન ખાસ જાગૃતિ કાર્યક્રમ ચલાવે છે. કાંટાવાળી બીટનો ઉપયોગ નહીં કરવાનાં અનુરોધ સાથે ઘણી વખત ફ્રી માં બીટનું વિતરણ પણ કરે છે. ઉપરાંત 'ઇન્ડીજીનસ હોર્સ મિડીયા' નામથી યૂટ્યુબ ચેનલ પણ ચલાવે છે. જેમાં અશ્વ પાલનને લગતી તમામ માહિતી મળી રહે છે.
રાજલ સ્ટડ ફાર્મ દ્વારા બ્રીડીંગની સુવિધા પણ આપવામાં આવે છે. 'નોબત' ની ટીમ દ્વારા ફાર્મ પર વિવિધ પ્રજાતિનાં ઘોડાઓને નિહાળી તેમની વિશેષતાઓ જાણી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પક્ષીઓ દર વર્ષે હજારો કિલોમીટર અંતર કાપીને દૂર દૂર સુધી પ્રવાસ કરે છે.લાખો પક્ષીઓ આ પ્રવાસ માં જોડાય છે. આપણા દેશ માં પણ ખૂબ પ્રવાસી પક્ષીઓ આવે છે અને પોતાની સીઝન પૂરી થતાં પાછા જતા રહે છે.રશિયા, આફિકા, યુરોપ, મધ્ય એશિયા અને બીજા ઘણા સ્થાનો પરથી દર વર્ષ દરમિયાન આપણાં મહેમાન બને છે. આવી જ રીતે ગુજરાત પણ પક્ષીઓનું હોટસ્પોટ બને છે.
દરેક વર્ષે આવતા પક્ષીઓ જામનગરના આકાશ માં પણ ખૂબ મોટી રંગોળી પુરે છે. કેમ કે ખુબ બધા કલર, આકાર, અને પ્રજાતિઓ નાં પક્ષીઓ જામનગર આવે છે.
મહેમાનો જામનગરના જલપ્લાવિત વિસ્તારો જેવાકે ખીજડીયા પક્ષી અભયારણ્ય , લાખોટા તળાવ, ઢિચડા તળાવ, જામનગર માં આવેલા લાંબા અને સમૃદ્ધ દરિયા કિનારા, દરિયા ની નજીક આવેલા મીઠા નાં અગરિયા તેમજ રણજીતસાગર જેવા અનેક ડેમ વિસ્તારો માં આરામથી વિહરતા જોવા મળી જતા રહે છે. જામનગર માં ખુબ લાંબો દરિયા કિનારો આવેલો હોવાથી પક્ષીઓ સહેલાઈ થી રહે છે. આ ઉપરાંત જામનગર માં આવેલા મરીન નેશનલ પાર્ક અને ખીજડીયા અભયારણ્ય પક્ષીઓ માટે આખા દેશ માં સ્વર્ગ સમાન છે.
૩૫૦ થી વધારે પ્રજાતિઓનાં પક્ષી જામનગર માં નોંધાયેલા છે. ગ્રેટ વ્હાઇટ પેલિકન, ઇન્ડિયન સ્કિમર,ક્રેબ પ્લોવર, ગ્રેટ નોટ, રેડ નોટ, કોમન ક્રેન, આ બધાં પક્ષીઓ ખુબ આકર્ષણ જગાવે છે.
(પક્ષીઓનું માઇગ્રેસન કરવાનું કારણ...)
સામન્ય રીતે પક્ષીઓ માઇગ્રેસન પોતાનું અસ્તિત્વ ટકાવી રાખવા માટે કરતા હોઈ છે. ઉદાહરણ તરીકે કોઈ એક તાપતાંલ એટલે કે બતક ની પ્રજાતી છે કે જે રશિયા દેશ માં રહે છે ત્યાં માળાઓ બનાવે છે હવે બધા જાણતા હશે કે રશિયા માં ઠંડી ની સીઝન એટલી સખત હોઈ છે કે જે બતકો ને ભોજન માટે નદી, તળાવો જેવા વિસ્તારો માં નિર્ભર રેહવું પડે છે તે તળાવો થીજી જતા હોઈ છે. એના કારણે ત્યાં ભોજન મળવું અશક્ય જેવું બની જતું હોઈ છે. આમ ભોજન ની ઉણપ દૂર કરવા તે લાંબા પ્રવાસ કરી ભારત માં આવે છે. કેમ કે ભારત માં હજી વરસાદ ની સીઝન પૂરી થય હોઈ અને જળપ્લાવિત વિસ્તારો ભોજન થી ભરપૂર મળે છે. અને રશિયા ની સરખામણીમાં ભારત માં એટલી ઠંડી નથી પડતી. તો આમ આ પક્ષીઓ ભારત અને જામનગર માં આવે છે. આવી જ રીતે બીજા કારણો જવાબદાર હોઈ છે જેમ કે કોઈ વિસ્તારો માં શિકારી પક્ષીઓ કે શિકારી પ્રાણીઓ થી બચવા પણ ત્યાં થી ઉડી ને દૂર જતા હોઈ છે. એક પક્ષી જે જામનગર આવે છે તેનું નામ છે ૈંહઙ્ઘૈટ્ઠહ જીૌદ્બદ્બીિ કે જેને જળહળ કહેવાય છે. આ પક્ષીઓ આપણા જ દેશ માંથી એટલે કે ઉત્તર પ્રદેશ અને મધ્ય પ્રદેશ નાં ચંબલ નદી કિનારાના વિસ્તારોમાં અને નદીઓમાં પાણી જ્યારે ઓછું થાય ત્યારે નાના નાના ટાપુઓ બને છે તેમાં માળાઓ બનાવે છે. હવે માળાઓ બનાવવાની સીઝન પછી ત્યાં નદીઓમાં વરસાદ નાં લીધે પાણી ની પુષ્કળ આવક હોઈ છે તો ટાપુઓ ડૂબી જતાં હોઈ છે હવે આવી પરિસથિતિમાં પક્ષીઓ ને બેસવાનું પ ણ મૂશ્કેલ બને છે તો ત્યાં થી આ પક્ષીઓ માઇગ્રેસન કરી દેશ નાં ઘણા સ્થાનો ઉપર જતાં રહે છે અને એક બહું મોટી સંખ્યા માં જામનગર આવે છે. પાછું ફરતા જ્યારે શિયાળાની સીઝન પૂરી થતાં જ્યારે ત્યાં ચંબલ નદી માં પણ પાણી નું સ્તર નીચું આવે ત્યારે ત્યાં માળાઓ કરવા જતાં રહે છે.
આવી રીતે બધા પક્ષીઓ પાસે પોતપોતાનું કારણ હોઈ છે માઇગ્રેસન કરી પોતાનું અસ્તિત્વ ટકાવી રાખવા માટે.
(માઇગ્રેસન કઈ કઈ રીતે થાય છે?)
પક્ષીઓ માઇગ્રેસન મોટાં ભાગે ઉડીને ને જ કરે છે. પણ માઇગ્રેસન કરતા બીજા પક્ષીઓ પણ છે કે જે ચાલીને અને પાણી માં તરીને પણ કરે છે. જેમ કે સાહમુર્ગ અને ઇમુ જેવા પક્ષીઓ ચાલીને માઇગ્રેસન કરે છે. ઘણી વાર એમના વિસ્તારો માં પાણી ની અછત હોઈ છે તો ઘણા કિલોમીટર સુધીનો પ્રવાસ ચાલીને કરે છે એવી જ રીતે ઠંડા પ્રદેશો નાં પક્ષીઓ જેવા કે પેંગ્વિન કે જે અમુક સમય દરિયા માં માછલીઓ ની અછત સર્જાઈ જતા દૂર દૂર સુધી પાણી માં તરીને માઇગ્રેસન કરે છે. આમ મુખ્યત્વે ૩ પ્રકારે માઇગ્રેસન થાય છે. ઉડીને , તરીને અને ચાલીને.
(માઇગ્રેસન પાછળ નું વિજ્ઞાન)
પક્ષીઓ માઇગ્રેસન કરે તો છે પણ વેજ્ઞાનિકો માટે એના જવાબદાર કારણો હંમેશા રહસ્યમય રહ્યા છે. કેમ કે કોઈ સચોટ સિદ્ધાંત અત્યાર સુધી ઉપલબ્ધ નથી મળ્યા. તેમ છતાં પક્ષીઓ પાછળ ખૂબ સંશોધનો થયા છે તેમાંથી મુખ્યત્વે ૩ સિદ્ધાંત માનવામાં આવે છે.
*જીેહ ર્ષ્ઠદ્બૅટ્ઠજજ* એટલે કે સૂર્ય ની ગતિ, સૂર્ય નું પરિભ્રમણ અને સૂર્ય નાં આધાર અને દિશા માર્ગદર્શન થી પક્ષીઓ ને મદદ મળે છે.
*જીંટ્ઠિ ર્ઝ્રદ્બૅટ્ઠજજ* એટલે કે તારાઓ અને ગ્રહો ને જોઈ અને દિશા અનુમાનીત કરી ને રાત્રી દરમિયાન કરવામાં આવતું માઇગ્રેસન.
*સ્ીખ્તહીંૈષ્ઠ ર્ઝ્રદ્બૅટ્ઠજજ" એટલે કે પૃથ્વીના ચુંબકીય આકર્ષણ ને અનુભવ કરીને કરવામાં આવતું માઇગ્રેસન.
આમ આ ત્રણ સિદ્ધાંત માનવામાં આવે છે પણ હજી સુધી કોઈ સચોટ સિદ્ધાંત પુરવાર નથી બન્યું. વેજ્ઞાનિકો હજી સુધી આટલી ટેકનોલોજી અને સંસાધન હોવા છતાં જાણી નથી શક્યા.
(માઇગ્રેસન કઈ રીતે જાણી શકાય છે?)
પક્ષીઓ બધા જાણે છે પ્રવાસ કરે છે પણ પ્રવાસ કેટલો થાય છે? કેમ થાય છે? આ જાણવા માટે ખૂબ બધા સંશોધન થયા છે. જેમ કે પક્ષીઓ નાં પગમાં રીંગ પેરાવીને, પક્ષીઓ ને શરીર ઉપર જીપીએસ બેસાડીને તેમના પ્રવાસ જાણી શકાય છે.
પક્ષીઓ ઉપર નાના એવા જીપીએસ ટ્રેકિંગ ડીવાઈસ લગાવીને પક્ષીઓ કેટલું અંતર કાપે છે , કેટલું જીવે છે , ક્યાં ક્યાં જાય છે, ક્યા દેશો માંથી કેવા વિસ્તારો માં રોકાય છે કે માળાઓ બનાવે છે. પક્ષીઓ નાં જીવન ની કલાક કલાક નાં મોનીટરીંગ કરી એના રહસ્યો જાણવા પાછળ ખૂબ બધું વિજ્ઞાન કામ કરતું હોઈ છે.
ભારત માં મ્સ્ઁજી એટલે કે મ્ર્દ્બહ્વટ્ઠઅ દ્ગટ્ઠંેટ્ઠિઙ્મ ઁૈજંર્િઅ જીર્ષ્ઠષ્ઠૈીંઅ)/ આ રિગિંગ અને ટેગીગ નું કામ કરે છે અને બીજી સંસ્થાઓ પણ આ મહત્વપૂર્ણ કામો કરે છે.
(માઇગ્રેસન ને જાણવું જરૂરી કેમ છે?)
પક્ષીઓ માઇગ્રેસન કરે છે એને જાણવા પાછળ ખૂબ બધા હેતુ કામ કરે છે.જેમ કે પક્ષીઓ કેટલું જીવે છે, કેવી સીઝન માં કેવા ખોરાકો લે છે, કેટલો લાંબો પ્રવાસ કરે છે, પક્ષીઓ કેટલી સંખ્યા માં પ્રવાસ કરે છે, કેટલા દેશ ક્રોસ કરીને આવે છે.આ બધી અને બીજી પણ જરૂરી માહિતી એકઠી કરીને જંગલ ખાતા તેમજ અન્ય સંસ્થાઓ અને બીજા પક્ષી નિરીક્ષકો તેના સરંક્ષણ પાછળ પગલાં લેવા માટે મહેનત કરતા રહે છે.
જામનગરનું મહત્વ કેટલું છે ?
જામનગર હંમેશા થી પક્ષીઓ માટે સ્વર્ગ સમાન રહ્યું છે. જામનગર માં લોકો ખૂબ જવાબદાર અને જાગૃત છે તેમજ શિકારી પ્રવુતિઓ નથી થતી અને જંગલખાતા તેમજ સંસ્થાઓ દ્વારા લોક જાગૃતિ નાં પ્રયાસો સમયે સમયે ચાલુ રહેતા હોઈ છે. એટલા માટે પક્ષીઓ ને ખૂબ સુરક્ષિત વતાવારણ મળી રહે છે.
જામનગરમાં આવેલા મરીન નેશનલ પાર્ક માં ૪૨ થી વધારે ટાપુઓ આવેલા છે આટલો મોટો દરિયા કિનારો પક્ષીઓ ને ખૂબ અનુકૂળ આવે છે. દરેક કિલોમીટર માં માણસો ની વસ્તી પણ ઓછી છે તો પક્ષીઓ ને ખલેલ પહોંચે એવી કોઈ પ્રવૃત્તિઓ જોવા નથી મળતી.
જામનગર ૩૫૦ થી વધારે પક્ષીઓ માટે ઘર સમાન રહ્યું છે. પ્રવાસી પક્ષીઓ જામનગર સપ્ટેમ્બર મહિના નાં અંત માં આવવાનું ચાલુ કરે છે અને લગભગ માર્ચ મહિના નાં અંત સુધી જામનગર માં રહે છે. લાખોની સંખ્યામાં જામનગર પક્ષીઓ વિહરતા હોઈ છે.
આલેખનઃ જગત રાવલ, આશિષ પાણખાણીયા
તસ્વીરઃ જગત રાવલ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભવ્ય મંદિરનું નિર્માણ
હાલારની દ્વારકાનગરી એટલે ભગવાન શ્રીકૃષ્ણનું રાજ્યાસન.. અહીં ભગવાન દ્વારકાધીશજીના સ્વરૂપમાં રાજાધિરાજ તરીકે બિરાજમાન થયા હતાં. વરસો પૂર્વે શ્રીકૃષ્ણના પ્રપૌત્ર દ્વારા આ મંદિરનું ભવ્ય નિર્માણ કરવામાં આવ્યું હતું, અને મંદિરના નિર્માણમાં સાત મજલા છે. અને ૭૨ સ્તંભ છે. ચાર મજલાના કારણે ચારધામની યાત્રાનું પુણ્ય મળે અને સાત માળ થકી સપ્ત પૂજાની કામના પૂર્ણ થાય છે. મંદિરનું પરિસર કાચબા આકારનું છે અને ૭૧ પેઢી સુધી ડીએનએ જળવાઈ રહેતા હોવાની વાયકા પ્રમાણે ભગવાનના ૭૧ પેઢીના અને ત્યારપછીની વારસાગત પેઢીઓના વંશજો દ્વારા પૂજા-ભક્તિ થાય તેવા ભાવ સાથે મંદિરમાં ૭૨ સ્તંભો છે. ભવ્ય મંદિરનું શિખર શ્રીયંત્ર સ્વરૂપનું છે.
મંદિરમાં પ્રવેશ માટે છપ્પન સીડી છે જે છપ્પન કોટીની સ્તુતિ છે. શ્રદ્ધાળુ સૌ પ્રથમ ગોમતી નદીમાં સ્નાન કરી શુદ્ધ કરે, દાન-દક્ષિણા આપીને ધન પવિત્ર કરે, પિતૃઓને તર્પણ કરે, ધર્મ દ્વારથી અને ત્યાર પછી મોક્ષ દ્વારમાંથી પ્રવેશ કરે ત્યારે તમામ ભોગનો ત્યાગ કરનારને શ્રીજીના દર્શન થાય છે ભગવાન મોક્ષદ્વાર સામે બિરાજમાન છે.
દ્વારકાધીશના વિવિધ શ્રૃૃંગાર સાથે અલૌકિક સ્વરૂપના દર્શન
દ્વારકાધીશ મંદિરમાં શ્રીકૃષ્ણ ભગવાન રાજાના રૂપમાં બિરાજમાન છે. તેથી દરરોજના નિત્યક્રમમાં એક રાજાધિરાજને શોભે તેવા વસ્ત્રો-અલંકારો સાથેના શ્રૃંગાર તિથિ, ઉત્સવ અને ઋતુચક્ર પ્રમાણે કરવાની પરંપરા પૂજારી પરિવારે જાળવી રાખી છે.
ભગવાને હંમેશાં શંખ, ચક્ર, ગદા અને પદમ્ ધારણ કર્યા છે. સાચા હિરા-મોતી જડીત સુવર્ણ અલંકારો સાથે પિતાંબર સહિતના વસ્ત્રો ધારણ કરાવવામાં આવે છે. માથા ઉપર મલમલની પાધ ઉપર ફૂલે (મુગટ) તેમજ કાનમાં કુંડલ, હાથમાં સુવર્ણ વાંસળી સાથે ભગવાનના મોહિની સ્વરૂપના દર્શનનો લાભ મળે છે. જેમાં સોળેકળાના દર્શનની પ્રતીતિ થાય છે.
ભગવાન શ્રીકૃષ્ણના લલાટ પર શિવજી, બ્રહ્મા અને વિષ્ણુ એમ ત્રણે દેવોને વંદન અર્પણ કરતા હોય તેમ ત્રિપુંડ તિલક, કરવામાં આવે છે. તેમજ લલાટ મધ્યે ચંદનની બીંદી કરી સર્વે દેવોની ઝાંખી કરવાવવામાં આવે છે.
ભગવાન દ્વારકાધીશને ગ્રહો અને વાર પ્રમાણે સેવાભાવથી વાઘા, અંગિકાર કરાવવામાં આવે છે. જેમાં સોમવારે ગુલાબી, મંગળવારે પીળા, બુધવારે લીલા, ગુરૂવારે કેસરી, શુક્રવારે સફેદ, શનિવારે વાદળી અને રવિવારે લાલ રંગના વાઘા ધારણ કરાવવામાં આવે છે.
ભગવાન શ્રીકૃષ્ણએ માનવ અવતાર લીધો હોવાથી પૂજારીઓ દ્વારા શ્રીજીની મુર્તિના સજીવ સ્વરૂપે જ સેવા પૂજા કરવામાં આવે છે. જેમાં દરરોજના નિત્ય ક્રમમાં દ્વાર ખુલ્યા પહેલાં પૂજારી દ્વારા પક્ષાપાલન, દાતણ, નાના સ્વરૂપની અભિષેક સાથે પૂજા થાય છે. આ વિધિના દર્શનનો લાભ આમ જનતાને મળતો નથી. પણ ત્યારપછી ગર્ભગૃહના દ્વાર ખુલે એટલે સવારે મંગળા દર્શન થાય છે.
શરદઋતુમાં ગરમ પાણીથી જારીજળમાં ભગવાનને સ્નાન કરાવવામાં આવે છે. તેમજ ઉનના કપડામાંથી બનાવેલા વસ્ત્રો ઉપર પિતાંબર ધારણ કરાવાય છે. આ ઋતુમાં હિરાના દાગીનાનો મહત્તમ ઉપયોગ શ્રૃંગાર માટે કરવામાં આવે છે. ભગવાનને સવારે ગરમ કેસરયુકત દૂધ અને સુંઠ ધરવામાં આવે છે. થાળમાં ગરમ વાનગીઓના ભોગ પીરસવામાં આવે છે.
ગ્રીષ્મ ઋતુમાં ભગવાનને માત્ર સુતરાઉ કાપડના વસ્ત્રો જ અંગિકાર કરાય છે. હિરાના દાગીના ઓછા ચડાવાય છે. સોનામાં જડેલા મોતીના આભુષણોનો શણગાર કરવામાં આવે છે. સવારે સ્નાન પછી પિતાંબર અને ઓછા વસ્ત્રો સાથેના દર્શન થાય છે. શ્રીજીને ઠંડા ભોગ ધરાય છે. જેમાં દૂધની સામગ્રી અને શ્રીખંડ જેવી વાનગીઓ ધરવામાં આવે છે. ઋતુ પ્રમાણેના ફળનો ભોગ ધરાય છે. રાજભોગમાં પણ ઠંડો આહાર જ પીરસવામાં આવે છે. ચંદનનો લેપ કરી જુહી, ચમેલી, ડોલરની કળીઓ દ્વારા શિતળતા બક્ષે તેવો પુષ્પ શ્રૃંગાર કરાય છે. જેમાં તિથિ મુજબ મુગટ, આયુધો, આભુષણોના શણગાર કરવામાં આવે છે.
જ્યારે વર્ષા ઋતુમાં ભગવાનને ભાજી કે રીંગણાની વાનગી ધરાતી નથી. ઋતુને અનુકુળ મિષ્ઠાન સાથેના ભોગ ધરવામાં આવે છે. આ ઋતુ દરમ્યાન ભગવાનને ઓછા આભુષણો અને બરછટ કે જાડા વસ્ત્રોના બદલે આછા વસ્ત્રો સાથે શ્રૃંગાર કરવામાં આવે છે.
આમ દરેક ઋતુ અને વાતાવરણને ધ્યાને લઈને શ્રીજીને અલંકારો, વસ્ત્રો, ભોગ સાથે વિવિધ શ્રૃંગાર દર્શનનો લાભ મળતો રહે છે.
ધ્વજાજીનું માહાત્મ્ય
નવ ગ્રહ, બાર રાશિ, સત્તાવીસ નક્ષત્રો અને ચારેય દિશાને સંલગ્ન કરી લેવાય તે રીતે ધ્વજાજીનું આરોહણ મંદિરના શિખર પર થાય છે. ધ્વજાજીનું દર્શન માત્રથી તમામ પ્રકારના ગ્રહદોષમાંથી મુકત થાય છે. શ્રદ્ધાળુઓની ધ્વજાજી પ્રત્યેની અસીમ શ્રદ્ધાના કારણે દરરોજ મંદિરના શિખર ઉપર છ વખત નૂતન ધ્વજારોહણ થાય છે.
દ્વારકાધીશ મંદિરમાં ઉજવાતા મહોત્સવો
દ્વારકાધીશ મંદિરમાં વર્ષ દરમ્યાન નાના-મોટા મળી કુલ ૫૪ ઉત્સવો ઉજવવામાં આવે છે. જેમાં સૌથી મોટા ઉત્સવોમા જન્માષ્ટમી (કૃષ્ણ જન્મોત્સવ), હોળી-ફૂલડોલ ઉત્સવ, દીપોત્સવી-નૂતન વર્ષ ઉત્સવનું શ્રદ્ધાળુઓમાં વિશેષ મહત્ત્વ રહ્યું છે. આ ઉપરાંત અષાઢી બીજે રથ યાત્રા યોજાય છે. તેમજ શ્રાવણી પૂનમે શ્રીજીના યજ્ઞોપવિત સંસ્કારનો પ્રસંગ પણ ધામધૂમથી ઉજવવામાં આવે છે.
કૃષ્ણ જન્મોત્સવ જન્માષ્ટમીના દિને ઉજવાય છે. જેમાં મધ્યરાત્રિએ કૃષ્ણ જન્મોત્સવની મહાઆરતી થાય છે અને ત્યારપછી શ્રીજીના અદ્દભુત દર્શનનો લાભ મળે છે. માત્ર કેસરી રંગના પિતાંબર અને વસ્ત્રો ધારણ કરેલા હોય છે. છઠ્ઠીના દિવસે પણ કેસરી વાઘા પહેરાવાય છે. સવારે ખુલ્લા પડદે સ્નાનના દર્શન થાય છે. જયેષ્ઠ માસની પૂનમે જલયાત્રા યોજાય છે.
હોળાષ્ટકમાં શુભકાર્યોનો નિષેધ હોય છે. ત્યારપછી ભગવાનને ભગવા રંગની પોટલી દ્વારા કેસુડાના જળથી છંટકાવ કરવામાં આવે છે. આ રંગની પોટલીના રંગનો છંટકાવ હોળી-ધૂળેટીના દિને સવાર-સાંજની આરતી સમયે પ્રસાદીરૂપે દર્શનાર્થીઓ ઉપર કરવામાં આવે છે. જ્યારે પડવા (ધૂળેટી)ના દિવસે અબીલગુલાલની પ્રસાદીનો છંટકાવ કરવામાં આવે છે. શ્રીજીને ઘેરૈયા બનાવી તેમને પણ રંગવામાં આવે છે.
દ્વારકાધીશ મંદિરમાં દીપોત્સવી પર્વ તથા નૂતનવર્ષ પર્વ નિમિત્તે રાજાધિરાજ ભગવાન શ્રીકૃષ્ણને સોના-ચાંદી-હીરા-મોતીના કિંમતી આભૂષણો સાથેનો વિશિષ્ટ શ્રૃંગાર કરવામાં આવે છે.
નવરાત્રિના દિવસો દરમ્યાન શરદોઉત્સવ મનાવાય છે. વ્રજમાં રાધાકૃષ્ણ અને ગોપીઓ સાથેની રાસલીલાનું જે મહત્ત્વ છે તે પ્રણાલી મુજબ મંદિરમાં શરદોત્સવ ઉજવવામાં આવે છે. સફેદ વસ્ત્રો, સફેદ મોતી જડેલા દાગીના, મુગટથી ભગવાનને શણગાર કરવામાં આવે છે. ભગવાન શ્રીકૃષ્ણની રાધા સહિત ગોપીઓ સાથેના રાસલીલાને જીવંત રાખવા રાસ-ગરબાની રમઝટ સાથે શરદોત્સવ ઉજવવામાં આવે છે.
રાધાકૃષ્ણને ભંડાર પરિસરમાં લાવવામાં આવે અને ત્યાં પૂજારી પરિવાર રાસ-ગરબાની રમઝટ બોલાવે છે. રક્ષાબંધનના પર્વ નિમિત્તે વિશેષ કાકડા આરતી કરવામાં આવે છે ભગવાનને રાખડી બાંધવામાં આવે છે અને પૂજારી પણ રાખડી ધારણ કરી શ્રદ્ધાળુઓને પણ રક્ષાબંધન કરવામાં આવે છે.
અષાઢી બીજના દિવસે ગોપાલજીના નાના સ્વરૂપ સાથે બે ઘોડાવાળા રથમાં રથયાત્રા નીકળે છે. રથનું પૂજન અને આરતી પછી મંદિરને રથ દ્વારા ચાર પ્રદક્ષિણા કરવામાં આવે છે. ભંડારના ચોકમાં પૂજારી પરિવારની મહિલાઓ જોડાય છે અને અંતિમ રાઉન્ડમાં તો પૂજારીઓ રથ આગળ આળોટતા-આળોટતા તેમાં જોડાય છે અને ત્યારપછી રથયાત્રા વાજતે-ગાજતે પૂર્ણ થાય છે.
શ્રીજી સન્મુખ વિવિધ ભોગના મનોરથ
દ્વારકાધીશ મંદિરમાં શ્રીકૃષ્ણ ભગવાન સન્મુખ દરરોજ થાળ (ભોગ) ધરવામાં આવે છે. તેમં કોઈ યજમાન ધર્મ લાભ લ્યે કે ન લ્યે પૂજારી પરિવાર દ્વારા આ નિત્યક્રમ જાળવી રાખવામાં આવે છે. છેલ્લા ઘણાં સમયથી કૃષ્ણભકતો દ્વારા વર્ષ દરમ્યાન અનેક મનોરથના દર્શન થાય છે. જેમાં સૂકા મેવાનો મનોરથ, કુનવારા મનોરથ, કુંડલા ભોગ મનોરથ, અન્નકુટ મનોરથ, છપ્પનભોગ મનોરથનો લાભ યજમાનો લઈ તેમનમા મનોરથ સમ્પન્ન કરે છે.
અન્નકુટ અને છપ્પન ભોગમાં તો અનેક વાનગીઓનો શ્રીજી સન્મુખ ધરવામાં આવે છે જેમાં વિશાળ અને ભવ્ય દર્શન અલૌકિક બની રહે છે.
આપણાં ધર્મગ્રંથ પ્રમાણે કાનાએ જ્યારે ગોવર્ધન પર્વતને એક આંગળી ઉપર ઉંચકીને તમામ જીવોની રક્ષા કરી અને સાત દિવસ પછી કોપાયમાન ઈન્દ્રદેવ શાંત થયા ત્યારે ગામલોકોએ જોયું કે કાનાએ સાત-સાત દિવસથી અન્ન-જળ લીધા વગર સૌની રક્ષા કરી છે ત્યારે તમામ લોકો પોત-પોતાના ઘરે દોડ્યા.. અને કોઈએ ખીર, કોઈએ અન્ય મિઠાઈ, અન્ય સ્વાદિષ્ટ વાનગીઓ બનાવીને કાનાને ધરાવી, તેને ભોજન કરાવ્યું. ગૌશાળાની સવાસો ગૌશાળાની સવાસો જેટલી ગૌમાતાના દૂધમાંથી જ બનેલા શુદ્ધ ઘી, માખણ વગેરેનો ઉપયોગ કરવામાં આવે છે.
જે યજમાને કોઈપણ ભોગ મનોરથનો ધર્મલાભ લ્યે છે તેને મંદિરમાં શ્રીજી સન્મુખ સહપરિવાર દોઢ-બે કલાક પૂજા-અભિષેક-દર્શનનો વિશેષ લાભ મળે છે. કોઈપણ શ્રદ્ધાળુ મનોરથનો સંકલ્પ પૂર્ણ કરવા માંગતા હોય તેમણે પૂજારી પરિવાર અને દેવસ્થાન સમિતિનો પંદર દિવસ અગાઉ સંપર્ક કરી નોંધણી કરાવે તો નિશ્ચિત તિથિએ મનોરથ દર્શન થઈ શકે છે.
ત્યારથી શ્રીકૃષ્ણ ભગવાનને વિવિધ ભોગ ધરવાની પ્રથા ચાલી આવી છે, જો કે સમયાંતરે હવે યજમાન ઘરેથી વાનગીઓ ન લાવી શકે તેવી સ્થિતિમાં પૂજારી પરિવારના મહિલા વર્ગ દ્વારા જ ભોગ પ્રમાણેની તમામ વાનગીઓ મંદિરના ભોગ-ભંડારામાં જ બનાવવામાં આવે છે, અને તે વાનગીઓનો ભોગ જ શ્રીજી સન્મુખ ધરવામાં આવે છે.
તમામ વિધિ-વિધાન, પૂજા-મનોરથ-દર્શનનું અલગ માહાત્મ્ય
દ્વારકાધીશ મંદિરમાં વર્ષ દરમિયાન તિથિ, વાર અને તહેવારો તેમજ ઋતુચક્ર પ્રમાણે દરેક વિધિવિધાન સાથેના પ્રસંગો, ઉત્સવો, પૂજા, મનોરથ દર્શન યોજાય છે અને દરેકનું એક અલગ માહત્મ્ય છે. પૂજારી પરિવાર દ્વારા દરેક મનોરથી, યજમાન અને તમામ કૃષ્ણભક્તોને આ સેવક-પૂજાના અને દર્શનના સંકલ્પનો લાભ મળે તેવી વ્યવસ્થા નિર્ધારીત કરેલી છે અને તે પ્રમાણે ખૂબ જ ભવ્યતા સાથે ખૂબ જ શ્રદ્ધા સાથે, ખૂબ જ ધામધૂમથી શ્રીજીના ધર્મલાભનો લાભ લઈ દરરોજ અસંખ્ય કૃષ્ણભક્તો ધન્યતા અનુભવી રહ્યાં છે. સમગ્ર વર્ષ દરમિયાન ભક્તો, દર્શનાર્થીઓનો અવિરત પ્રવાહ ચાલુ જ રહે છે. તેમાંય દર મહિનાની પૂનમે તો એક-દોઢ લાખ જેટલો માનવ મહેરામણ ઉમટે છે.
હે દ્વારકાધીશ !!
ના તમારાથી વધુ કાંઈ
તલભાર જોઈએ...
ના તમારાથી ઓછું કાંઈ
લેશમાત્ર જોઈએેેે
હર એક ક્ષણ કૃષ્ણ
માત્ર એક કૃષ્ણ જોઈએ...
આલેખનઃ પી.ડી. ત્રિવેદી,
સંકલનઃ ચંદુભાઈ બારાઈ
તસ્વીરઃ રવિ બારાઈ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગર જિલ્લાના ખેડૂતોના લાભાર્થે
જામનગર જિલ્લાના તમામ ખેડૂતો માટે ખરીફ કઠોળના ઊભા પાકોમાં સંકલિત રોગ- જીવાત નિયંત્રણ માટેની માર્ગદર્શિકા અને પગલાં જિલ્લા ખેતીવાડી અધિકારીની કચેરી દ્વારા જાહેર કરવામાં આવ્યા છે. જેમાં જણાવ્યા અનુસાર,
- રોગ નિયંત્રણ : ભૂકી છારો : મગ, ચોળા અને ગુવારના પાકમાં રોગની શરૂઆત થયેથી ૩૦ ગ્રામ દ્રાવ્ય ગંધક/ ૧૦ ગ્રામ કાર્બેન્ડાઝીમ/ ૧૫ ગ્રામ થાયોફેનેટ મિથાઇલ ૧૦ લીટર પાણીમાં ભેળવીને તેનો છંટકાવ કરવો. બીજો છંટકાવ ૧૨ દિવસના અંતર બાદ કરવો.
- મગ, અડદ, તુવેર, ગુવારના પાકમાં પાનનાં ટપકાંનો રોગઃ (સરકોસ્પોરા) અથવા કાલવ્રણ રોગની શરૂઆત થયેથી ૧૦ મિ.લિ. હેકસાકોનાઝોલ/ ૧૦ ગ્રામ કાર્બેન્ડાઝીમ/ ૨૫ ગ્રામ મેન્કોઝેબ ૧૦ લીટર પાણીમાં ભેળવીને તેનો છંટકાવ કરવો. બીજો છંટકાવ ૧૨ દિવસના અંતર બાદ કરવો.
- પીળો પચરંગીયો : મગ, ચોળા અને ગુવારના પાકમાં રોગના લક્ષણ જોવા મળે ત્યારે સફેદ માખી કે મોલોમશીના નિયંત્રણ માટે શોષક પ્રકારની જંતુનાશક દવા જેવી કે ડાયમીથોએટ ૧૦ મિ.લિ. અથવા ઇમિડાક્લોપ્રિડ ૪ મિ.લિ. દવાનો ૧૦ લીટર પાણીમાં ભેળવીને તેને છાંટવી.
- જીવાણુંથી થતા રોગના નિયંત્રણ માટે સ્ટ્રેપ્ટોસાયક્લીન દવા ૧ ગ્રામ અને કોપર ઓક્સીક્લોરાઇડ ૪૦ ગ્રામ ૧૦ લીટર પાણીમાં ઓગાળીને તેનો છંટકાવ કરવો. જો જરૂર જણાય તો બીજો છંટકાવ ૧૦ થી ૧૨ દિવસ બાદ કરવો.
- સંકલિત જીવાત નિયંત્રણ : ખેતરમાં મોલોના ઉપદ્રવ સાથે જ કુદરતી રીતે તેના પરભક્ષી કીટક લેડીબર્ડ (ડાળીયાં) પણ દેખાય છે. જેનું પુખ્ત ઇયળ મોલોને ખાઇ તેનું નિયંત્રણ કરે છે. આ સમયે રાસાયણિક દવાનો છંટકાવ ટાળવો જોઈએ. અથવા જરૂર જણાય તો વનસ્પતિ આધારિત દવાનો છંટકાવ કરવો. મોલોના જૈવિક નિયંત્રણ માટે પરભક્ષી ક્રાયસોપાનાં ઇંડા અથવા ઇયળો હેક્ટર દીઠ ૫૦,૦૦૦ જેટલા છોડવા.
- સફેદમાખીના પરભક્ષી કીટક જેવા કે એન્કારસીયા નામની ભમરી છોડવી.
- મોલો મશી, થ્રિપ્સ, તડતડિયા, સફેદ માખી, રાતી કથીરી, ચીકટો, શીંગના ચૂસિયા જેવી ચૂસિયા જીવાતોનો શરૂઆતમાં ઉપદ્રવ ઓછો હોય ત્યારે ૫૦૦ ગ્રામ લીંબોળીના મીંજનો અર્ક (૫ % અર્ક) ૧૦ લીટર પાણીમાં અથવા લીંબોળીનું તેલ ૪૦ મીલી/ ૧૦ લીટરમાં ઉમેરીને તેનો છંટકાવ કરવો. જો વધુ ઉપદ્રવ જણાય અને છોડ ઉપર પરભક્ષી કીટકોની ગેરહાજરી હોય તો કોઈપણ એક શોષક દવા જેવી કે ઈમિડાક્લોપ્રિડ ૧૭.૮ એસએલ ૩ મીલી/ થાયોમિથોક્ઝામ ૨૫ ડબલ્યુડીજી ૪ ગ્રામ/ એસિફેટ ૭૫ એસપી ૧૫ ગ્રામ/ એસિટામીપ્રિડ ૨૦ એસપી ૩ ગ્રામ પ્રતિ ૧૦ લીટર પ્રમાણે ભેળવીને તેનો છંટકાવ કરવો.
- લીલી ઇયળની ફૂંદી પીળા રંગ તરફ આકર્ષતી હોઇ તુવેર જેવા પાકોમાં ખેતરો ફરતે તેમજ પાકની વચ્ચે છુટાછવાયા ગલગોટાનું વાવેતર કરવું. તેમજ ખેતરમાં હેકટર દીઠ ૪૦ ફેરોમોન ટ્રેપ ગોઠવવી.
- રાત્રીના સમયે ખેતરમાં પ્રકાશ - પિંજર ગોઠવવા. ખેતરમાં જયાં લાઈટની વ્યવસ્થા થઇ શકે ત્યાં વિદ્યુત ગોળો ગોઠવીને તેની નીચે પાણી ભરેલી ટ્રે ગોઠવીને તેમાં જંતુનાશક દવાના ૧ થી ૨ ટીપા નાખવા. જેથી રાત્રી દરમિયાન પ્રકાશ તરફ આકર્ષાયેલી ફૂંદીઓ પાણીમાં પડતા તેનો નાશ થશે.
- પક્ષીઓને બેસવા ટેકા/ બેલીખડા પ્રતિ હેક્ટરે ૫૦ ની સંખ્યામાં ગોઠવવા. જેથી પક્ષીઓ દ્વારા ઈયળો અને ફૂદીંનો નાશ થાય.
- તુવેરમાં લીલી ઇયળ તેમજ શીંગ માખીના નિયંત્રણ માટે ક્લોરોપાયરીફોસ ૨૦ ઇસી ૨૦ મી.લી/ લીંબડાની લીંબોળીના મીંજનો ભુકો ૫૦૦ ગ્રામ (૫ % અર્ક) ૧૦ લીટર પાણીમાં ભેળવીને તેનો છંટકાવ કરવો. ત્યારબાદ ૧૫ દિવસના અંતરે બીજા ૨ થી ૩ વાર છંટકાવ કરવા.
- જૈવિક નિયંત્રણ માટે બેસીલસ થુરેન્જીન્સીસ નામના જીવાણુંનો પાવડર ૧૫ ગ્રામ/ બીવેરીયા બેસીયાના નામની ફુગનો પાવડર ૪૦ ગ્રામ ૧૦ લીટર પાણીમાં ઉમેરીને તેનો છંટકાવ કરવો. અથવા ન્યુકિલયર પોલીહેડ્રોસીસ (એનપીવી) વાયરસ ૨૫૦ ઇયળ એકમ (૨૫૦ એલઇ) જરૂરી પાણીના જથ્થામાં ઉમેરીને હેકટર દીઠ વિસ્તારમાં આ મિશ્રણનો છંટકાવ કરવો જોઈએ.
- તુવેરના પાકમાં શીંગો કોરી ખાનાર ઇયળો સામે રક્ષણ મેળવવા પાકમાં ૫૦ % ફૂલ બેસવાની અવસ્થાએ એમામેકટીન બેન્ઝોએટ ૫ એસજી ૩ ગ્રામ/ ઇન્ડોકઝાકાર્બ ૧૫.૮ ઇસી ૪ મી.લી./ ક્વિનાલફોસ ૨૫ ઇસી ૨૦ મિલી અથવા ક્લોરાન્ટ્રાનિલીપ્રોલ ૧૮.૫ એસસી ૩ મિલી/ ફ્લુબેન્ડીયામાયીડ ૪૮ એસસી ૨ મિલી ૧૦ લીટર પાણીમાં ભેળવીને તેનો છંટકાવ કરવો.
આ ઉપરાંત દવાના વપરાશ વખતે દવાની બોટલ ઉપર આપવામાં આવેલ લેબલ મુજબ જે- તે પાક માટે તે ભલામણમાં જણાવ્યા મુજબની કાળજીઓ રાખવા અને તેને અનુસરવા જણાવવામાં આવે છે. આ તમામ માહિતી માટે સહયોગ સરદાર કૃષિનગર દાંતીવાડા કૃષિ યુનિવર્સીટી અને જૂનાગઢ કૃષિ યુનિવર્સીટી તરફથી મળેલો છે.
આ અંગે વધુ જાણકારી મેળવવા માટે આપના વિસ્તારના ગ્રામસેવકશ્રી, વિસ્તરણ અધિકારીશ્રી, ખેતી અધિકારીશ્રી, તાલુકા અમલીકરણ અધિકારીશ્રી, મદદનીશ ખેતી નિયામક, જિલ્લા ખેતીવાડી અધિકારીશ્રી, નાયબ ખેતી નિયામકશ્રી વિસ્તરણ, નાયબ ખેતી નિયામકશ્રી તાલીમનો સંપર્ક સાધી શકાશે. તેમ જિલ્લા ખેતીવાડી અધિકારીશ્રી, જિલ્લા પંચાયત, જામનગરની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જિલ્લામાં પ્રવાસન સુવિધાઓ વધતા યાત્રિકોને થઈ રહી છે સુખદ અનુભૂતિઃ આકર્ષક સ્થળોની હારમાળા
અયોધ્યા મથુરા માયા કાશી કાંચી અવંતિકા...!
પુરી દ્વારાવતી ચૈવ સત્પૈતા મોક્ષદાયિકાઃ...!!
પ્રાચીન કાળમાં દ્વારાવતી તરીકે ઓળખાતું દ્વારકા ભગવાન શ્રી કૃષ્ણની કર્મભૂમિ. આપણા શાસ્ત્રોમાં દ્વારકાને સાત મોક્ષદાયી નગરોમાં સમાવેશ કરાયો છે. બેટ દ્વારકા, ઘુમલી, અને હરસિદ્ધિ મંદિર જેવા પ્રાચીન સ્થળો ધરાવતો દ્વારકા જિલ્લો ધાર્મિક અને રાષ્ટ્રીય સુરક્ષાની દષ્ટિએ અનેરું મહત્વ ધરાવે છે.
વડાપ્રધાન નરેન્દ્રભાઈ મોદીએ ૨૩ વર્ષ પહેલા તા.૦૭ ઓક્ટોબર, ૨૦૦૧ના દિને ગુજરાત રાજયના તત્કાલીન મુખ્યમંત્રી તરીકે શાસન ધૂરા સંભાળી હતી. મુખ્યમંત્રીથી વડાપ્રધાન સુધીની સફરમાં ગુજરાત વિકાસનું રોલ મોડલ રહ્યું છે. વર્ષ ૨૦૧૩માં દ્વારકા, ખંભાળિયા, કલ્યાણપુર, ભાણવડ તાલુકાને સમાવીને અલગ દેવભૂમિ દ્વારકા જિલ્લાની રચનાં કરવામાં આવી. છેલ્લા એક દાયકામાં દેવભૂમિ દ્વારકા જિલ્લાએ કરેલો વિકાસ સૌ કોઈનું ધ્યાન ખેંચે છે. દેવભૂમિ દ્વારકા જિલ્લામાં આવેલા પ્રવાસન સ્થળો દેશ વિદેશના નાગરિકો માટે આકર્ષણનું કેન્દ્ર બન્યા છે. તો ચાલો આપણે જાણીએ દેવભૂમિ દ્વારકા જિલ્લાના પ્રવાસન સ્થળો વિશે.
હેરીટેજ સિટી દેવભૂમિ દ્વારકા
સાંસ્કૃતિક અને પુરાતત્વીય વારસો ધરાવતી આ ભગવાન શ્રી કૃષ્ણની ભૂમિને કેન્દ્ર સરકાર દ્વારા હેરીટેજ સિટી તરીકે જાહેર કરી વૈશ્વિક ઓળખ પ્રસ્થાપિત કરવામાં આવી છે. જ્યાં ભગવાન શ્રી દ્વારકાધીશના ચરણોમાં લાખો ભાવિકો શીશ ઝુકાવે છે.
બેટ દ્વારકા સુદર્શન સેતુ
ઓખાથી બેટ દ્વારકાને જોડતા આ સુદર્શન સેતુના નિર્માણ થકી દેવભૂમિ દ્વારકા જિલ્લાની યશકલગીમાં એક મોરપીંછ ઉમેરાયું છે. રૂ.૯૭૮.૯૩ કરોડના ખર્ચે આ વિશીષ્ટ કેબલ સ્ટેયડ બ્રીજનું ફેબ્રુઆરી, ૨૦૨૪માં વડાપ્રધાન શ્રી નરેન્દ્રભાઇ મોદી દ્વારા લોકાર્પણ કરવામાં આવ્યું છે. પ્રવાસનના વિકાસ થકી બેટ-દ્વારકા તેમજ ઓખામાં નવી રોજગારીનું સર્જન થયું છે. તેમજ બેટ દ્વારકા ખાતે દર્શનાર્થે આવતા ભકતજનો સરળતાથી દર્શન કરી શકશે.
સુદર્શન સેતુની લંબાઇ ૨.૩૨ કિલોમીટર છે, જેમા ૯૦૦ મીટર કેબલ સ્ટેયડ ભાગ છે. બ્રિજના મુખ્ય ગાળામાં બંને પાયલોન પર ૨૦ ટ ૧૨ મીટરના ૪ મોરપંખ આકારવામાં આવ્યાં છે. ઓખા તરફ ૩૭૦ મીટર લંબાઈનો એપ્રોચ બ્રિજ, બેટ તરફ ૬૫૦ મીટર એપ્રોચ બ્રિજ છે. બ્રીજના મુખ્ય ગાળામાં ૧૩૦ મીટર ઊંચાઇ ધરાવતા બે પાયલોન છે. આ ચાર માર્ગીય બ્રીજની પહોળાઈ ૨૭.૨ મીટર છે, જેમાં બન્ને બાજુ ૨.૫૦ મીટરના ફૂટપાથ છે. ફુટપાથની બાજુ પર કોતરણી કામ કરી ભગવદગીતાના શ્લોક તેમજ ભગવાન શ્રીકૃષ્ણની છબિઓ દર્શાવવામાં આવી છે. ફૂટપાથ ઉપર લગાવેલ સોલાર પેનલની ૧ મેગાવોટની વિજળી ઉત્પાદનક્ષમતા છે, જેનો ઉપયોગ બ્રીજના લાઇટીંગમાં થય છે. બ્રીજ પર કુલ ૧૨ લોકેશન પર પ્રવાસીઓ માટે વ્યુઇંગ ગેલેરીનું નિર્માણ કરવામાં આવ્યું છે.
શિવરાજપુર બીચ
દ્વારકા અને ઓખા વચ્ચે બ્લુ ફ્લેગ ધરાવતો સ્વચ્છ, સુંદર, સલામત અને મનોહર એવો શિવરાજપુર બીચ આવેલો છે. જે દેશ વિદેશના પ્રવાસીઓ માટે આકર્ષણનું કેન્દ્ર બન્યો છે. આ બીચ ઉપર હાલ પ્રવાસીઓને લગતી સુવિધાઓને વિકસાવવા માટે પ્રવાસન નિગમ દ્વારા ત્રણ ફેઝમાં કામગીરી કરવામાં આવી રહી છે. આ કામગીરી પૂર્ણ થતા પ્રવાસીઓ માટે વિવિધ સુવિધાઓ ઉપલબ્ધ થશે.
નાગેશ્વર જ્યોતિર્લિંગ
દારુકાવનમાં બિરાજતા ભગવાન શિવના જ્યોતિર્લિંગ સમા અને બારે માસ પ્રવાસીઓથી ધમધમતા નાગેશ્વરમાં મહાશિવરાત્રિના દિવસે તો અહીં ભક્તિ મેળાનું દ્રશ્ય ખડું થતું હોય છે.
નાગેશવન
સામાજિક વનીકરણ યોજના હેઠળ સને.૨૦૧૩-૧૪ માં નાગેશ્વર ખાતે રાજ્યકક્ષાના ૬૪માં વન મહોત્સવની ઉજણવી માટે ૧૦માં સાંસ્કૃતિક વન નાગેશવનનું નિમાર્ણ કરવામાં આવ્યુ છે. ગુજરાતના તત્કાલિન મુખ્યમંત્રી અને હાલના વડાપ્રધાન શ્રી નરેન્દ્રભાઇ મોદી દ્વારા પૌરાણિક તથા ધાર્મિક મહત્ત્વ ધરાવતાં શ્રી નાગેશ્વર જયોતિર્લિંગ ખાતે નાગેશ વનનું લોકાર્પણ કરેલ હતું.
આ નાગેશ વનમાં જુદા જુદા વનો જેવા કે, રાશિવન, નક્ષત્ર વન, પંચવટી વન, તુલશી વન, સપ્તરૂષિ વાવેતર, તેમજ વિવિઘ જાતના વૃક્ષોનું વનોમાં વાવેતર કરેલ છે. તેમજ આ નાગેશવનમાં કોતરણીવાળો કલાત્મક ગેઇટ, કૈલાશ પર્વતનું મોડેલ અને તેના ઉ૫ર બિરાજમાન ભગવાન શિવની સહ પરિવાર મુર્તિ, ભગવાન શ્રી કૃષ્ણજીની મૂર્તિ, દારૂકાવધ પ્રસંગની મૂર્તિ, વન કુટીર, મરીન ઇન્ટરપ્રીટીશન સેન્ટર, કેકટસ હાઉસ, ઉજાણી ગૃહ તથા બાળકોના મનોરંજન માટે જુદી જુદી રાઇડસ વગેરે આકર્ષણનું કેન્દ્ર છે. અને નાગેશ્વર ખાતે દર્શનાર્થે આવતા પ્રવાસીઓ માટે એક રમણીય સ્થળનું નિર્માણ કરવામા આવેલું છે.
કોયલા ડુંગરમાં બિરાજમાન હરસિદ્ધિ માતા
હરસિદ્ધિ માતાનું મંદિર તીર્થધામ કોયલા ડુંગરમાં આવેલું છે. કલ્યાણપુર તાલુકાના ગાંધવી ગામની હદમાં મેઢા ખાડીના કિનારે આ મંદિર આવેલુ છે. અહીં નવરાત્રી દરમિયાન રાજ્ય સરકાર દ્વારા એક દિવસીય નવરાત્રી મહોત્સવની ઉજવણી કરવામાં આવે છે.
હરસિદ્ધિ વન
કલ્યાણપુર તાલુકાના ગાંધવી (હર્ષદ) માં આવેલ પૌરાણિક તથા ઐતિહાસિક મહત્ત્વ ધરાવતાં હરસિદ્ધિ માતાના મંદીર નજીક મુખ્યમંત્રી શ્રી ભૂપેન્દ્રભાઈ પટેલ દ્વારા હરસિદ્ધિ વનનું લોકાર્પણ કરવામાં આવ્યું હતુ.
હરસિદ્ધિ વનમાં વિવિધ પ્રજાતિના અંદાજિત ૪૧૬૧૯ રોપાઓનું વાવેતર કરવામાં આવેલ છે. જેમાં સ્થાનિક પ્રજાતિના વૃક્ષો; વડ, પીપળો, પ્રાગ વડ, વગેરેનું વાવેતર કરવામાં આવેલ છે તથા દરિયાકાંઠે ઉછરી શકે તે માટે તેને અનુરૂપ રોપાઓ; પીલુ, નાળિયેર, બદામ, અરણી વગેરે વૃક્ષો પણ ઉછેરવામાં આવેલ છે. ગુગળ વન તથા કેક્ટસ વાટીકા વગેરેમાં તેના નામને અનુરૂપ પ્રજાતિઓ ઉછેરવામાં આવેલ છે.
ઉપરાંત ઉજાણી સ્થળ તરીકે પર્યટકો આકર્ષાય તે સંદર્ભમાં આ સાંસ્કૃતિક વનમાં બાળ વાટીકા, સેલ્ફી પોઇન્ટ ગાર્ડન, બીચ થીમ સીટીંગ એરીયા, મેડીટેશન,ગઝેબો, સનસેટ પોઇન્ટ વગેરે પ્રવાસીઓ માટે આકર્ષણનું કેન્દ્ર બની રહેશે.
દેવભૂમિ દ્વારકા જિલ્લામાં આવેલા અન્ય પ્રવાસન સ્થળો
દેવભૂમિ દ્વારકા જિલ્લામાં રૂક્મણી મંદિર, ગોમતી ઘાટ, ભડકેશ્વર મહાદેવ, ગોપી તળાવ, હનુમાન દાંડી, કિલેશ્વર મહાદેવ, શનિ મંદિર હાથલા, ઘુમલી, સોનકંસારી, આભાપરા હિલ સ્ટેશન, મરીન નેશનલ પાર્ક નરારા ટાપુ સહિત અનેક પ્રવાસન સ્થળો આવેલા છે કે જે દેશ વિદેશના પ્રવાસીઓ માટે આકર્ષણનું કેન્દ્ર છે.
સંકલનઃ વૈશાલી રાવલીયા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કાનૂન પણ કેટલાક કેસમાં લાગણીઓને લક્ષ્યમાં લ્યે છે...!
કોઈપણ પ્રકારના મેનેજમેન્ટમાં સૌજન્યતા, સંવેદનશીલતા અને શાણપણ જરૂરી હોય છે. ઘણાં લોકો કહેતા હોય છે કે વહીવટ કે સંચાલન (મેનેજમેન્ટ) માં લાગણીઓને સ્થાન હોતું નથી, પરંતુ મારી દૃષ્ટિએ આવો કોન્સેપ્ટ યોગ્ય નથી. કાનૂન અને અદાલતોમાં પણ કેટલાક કેસોમાં લાગણીઓને લક્ષ્યમાં રાખીને નિર્ણયો લેવાતા હોય છે. કોઈ બાળકની કસ્ટડી હોય કે સામૂહિક દુષ્કર્મનો કેસ હોય, વૃદ્ધ માતા-પિતાને તરછોડવાનો કેસ હોય કે મામુલી કારણે છૂટાછેડાનો કેસ હોય, ચાઈલ્ડ ટ્રાફિકીંગનો કેસ હોય કે પછી ખાનગી મિલકતોમાં અતિક્રમણનો કેસ હોય, ભૂલથી સરહદપારથી આવેલા કોઈ નિર્દોષ વ્યક્તિનો કેસ હોય કે વિદેશમાં ફસાયેલા કે ત્યાં ખોટા ખટલાઓમાં અટવાયેલા ભારતીય નાગરિકોનો કેસ હોય, કાનૂન, બંધારણ અને કુદરતી ન્યાયની મર્યાદામાં રહીને લાગણીશીલતા અને સંવેદનશીલતા, માનવતા અને સહિષ્ણુતા તથા દયા અને મદદરૂપ થવાની ભાવનાથી કેટલાક નિર્ણયો 'આઉટ ઓફ બોક્સ' એટલે કે અસાધારણ પ્રકારે પણ લેવાતા જ હોય છે ને?
સંચાલનમાં સંવેદનશીલતા, સૌજન્યતા અને સદ્વ્યવહારથી ઊભી થતી પ્રોફેશનલ પરિવારભાવના અંતે તો સંસ્થા, પેઢી, કંપની, કચેરી, શાસન કે સંગઠનને લાભદાયક જ નિવડતી હોય છે ને?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
દેવભૂમિ દ્વારકા જિલ્લાના ભાણવડ પંથકમાં પ્રવાસનની હરણફાળઃ
જામનગર તા. ૧૭: સોમનાથથી દ્વારકાવાળા રૂટ પર તીર્થયાત્રાની સમાંતર પ્રવાસનને વેગ આપવા સરકાર પ્રતિબદ્ધ હોય, હવે પોરબંદર નજીક બરડા ડુંગર સંલગ્ન વન વિસ્તારમાં વન્ય જીવ અભ્યારણ્યનો આરંભ થવા જઈ રહ્યો છે. બરડા વન્યજીવ અભ્યારણ્યમાં લોકોને વનમાં જંગલી પશુઓ નિહાળવાનો મોકો મળશે. ઉપરાંત ગીરની જેમ સિંહ દર્શનની પણ ઉત્કંઠા ભાવિ પ્રવાસીઓમાં જોવા મળી રહી છે, જો કે આધુનિક રીતે આ લાયન સફારી નથી, પરંતુ વાઈલ્ડ લાઈફ સફારી છે એટલે સિંહ દર્શન કેન્દ્ર સ્થાને નથી, પરંતુ મર્યાદિત ધોરણે પણ લોકોને સિંહ દર્શનની સંભાવનાઓ રોમાંચિત કરી રહી છે.
હાલ અભ્યારણ્યની તૈયારીઓ પૂરજોશમાં ચાલી રહી છે. અભ્યારણ્ય આરંભ થવાની કોઈ નિશ્ચિત તારીખની અધિકૃત ઘોષણા હજુ થઈ નથી, પરંતુ દિવાળી પહેલા અભ્યારણ્ય આરંભ થઈ જવાની પ્રબળ સંભાવના છે. વન અધિકારી દ્વારા પણ આ અંગે સહમતિ દર્શાવવામાં આવી છે.
બરડા વન્ય અભ્યારણ્યનો રૂટ રપ કિ.મી.થી વધુ લાંબો હોવાની માહિતી છે. રૂટનો આરંભ તથા ઓફલાઈન ટિકિટ બુકીંગ કપૂરડી નાકાથી થશે. સફારીમાં ચારણુઆઈ બેરીયરથી અજમાપટથી ભૂખબરા સુધીનો વિસ્તાર સમાવિષ્ટ કરવામાં આવ્યો છે.
ગીર અભ્યારણ્યની જેમ જ અહીં પણ પ્રવાસીઓને જીપ્સી અને ગાઈડ ઉપલબ્ધ કરાવવામાં આવશે. પ્રવાસીઓને ૪૦૦ રૂપિયા પરમીટ ફી, ૪૦૦ રૂપિયા ગાઈડ ફી, તથા ર૦૦૦ રૂપિયા જીપ્સી ફીપેટે કુલ ર૮૦૦ રૂપિયાનો ખર્ચ થશે. તમામ બુકીંગ આરંભમાં ઓફલાઈન રહેશે અને કપૂરડી નાકા પાસેની બુકીંગ ઓફિસથી થઈ શકશે.
અભ્યારણ્યમાં પરિભ્રમણનો સમય ઉનાળામાં સવારે ૬ થી ૯ તથા સાંજે ૩ થી ૬ નો રહેશે તેમજ શિયાળામાં સવારે ૬-૪પ થી ૯-૪પ નો અને બપોરે ૩ થી ૬ નો રહેશે.
દરેક અભ્યારણ્યની માફક બરડા અભ્યારણ્ય પણ દર વર્ષે ચોમાસાની ઋતુમાં ૧૬ જૂનથી ૧પ ઓક્ટોબર દરમિયાન પ્રવાસીઓ માટે બંધ રહેશે.
હાલ અભ્યારણ્યના હોર્ડિંગ્સ લાગી ગયા છે અને પૂરજોર તૈયારીઓ ચાલી રહી છે. તમામ વ્યવસ્થાઓની ગોઠવણ અંતિમ તબક્કામાં હોવાની માહિતી સાથે જ આ અભ્યારણ્ય દિવાળી પહેલાજ આરંભ કરી દેવાના સરકારના ધ્યેયને પગલે તહેવારો અને વેકેશનની રજામાં લોકો પ્રકૃતિની ગોદમાં નવા પ્રવાસન સ્થળનો આનંદ માણી શકશે.
બરડા અભ્યારણ્યનો આરંભ સમગ્ર હાલાર માટે લાભદાયક
બરડા અભ્યારણ્યથી પોરબંદર જિલ્લાને લાભ થશે, પરંતુ તેની જ સમાંતર દેવભૂમિ દ્વારકા જિલ્લાને પણ ફાયદો થશે, કારણ કે અભ્યારણ્યના અગત્યના લોકેશન (પ્રવાસન સ્થળો) દેવભૂમિ દ્વારકા જિલ્લામાં આવેલ છે. ઘુમલી, આભાપરા શિખર, સોનકંસારીના દેરા વિગેરે ભાણવડ પંથકમાં હોય તેમજ દ્વારકામાં જગતમંદિર આવેલ હોય, તીર્થધામ હોવાથી દ્વારકા તરફ પણ વધુ પ્રવાસીઓ ખેંચાશે જેથી અભ્યારણ્યને પગલે પ્રવાસનને મળનારા વેગનો દેવભૂમિ દ્વારકા જિલ્લાને તથા જામનગર જિલ્લાને પણ લાભ મળવાની ઉજ્જળી સંભાવનાઓને પગલે સમગ્ર હાલાર માટે પણ આ ખુશખબર છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વ્યુઈંગ ગેલેરી, ભગવદ્ગીતાના શ્લોક, મોરપંખ સહિતના અનેક આકર્ષણો
'ઓખો તો દુનિયાથી નોખો કહેવાય...' આ છેવાડાનું નગર ઓખા કે જે દેશના પશ્ચિમ ખુણે આવેલું છે, ત્યાં પ્રાથમિક સુવિધાઓ પહોંચે તે પણ ભૂતકાળમાં સિદ્ધિ મનાતી તેવા વિસ્તારમાં સમુદ્ર પર કેબલ બ્રિજ બનાવાશે એવી તો કલ્પના પણ કોને હોય? ૧૩-૧૪ વર્ષ જેટલા સમય પહેલાં દેશનું આર્થિક પાટનગર ગણાતાં અને સંસાધનયુક્ત મુંબઈમાં બાન્દ્રા-વર્લી સી લિંક કેબલ બ્રિજ ચાલુ થયો ત્યારે આવો કેબલ બ્રિજ ગુજરાતના દેવભૂમિ દ્વારકા જિલ્લામાં બને તેવો કોઈને સપને પણ વિચાર ન હોય. પરંતુ, શ્રીકૃષ્ણના સાંનિધ્યથી પાવન બનેલી આ ભૂમિ સાથે સંકળાયેલી યાત્રાળુઓની શ્રદ્ધાને વડાપ્રધાન નરેન્દ્ર મોદીએ અનુભવી અને સપનું સેવ્યું સુદર્શન બ્રિજનું, એવો બ્રિજ કે જે શ્રદ્ધાના કેન્દ્ર એવા બેટ દ્વારકા ટાપુને ઓખાની અને ગુજરાતની મુખ્ય ભૂમિ સાથે જોડે.
ચારધામમાંનું એક એવું જગત મંદિર દ્વારકામાં આવેલું છે, તેનાં દર્શને આવતાં દેશ વિદેશના શ્રદ્ધાળુઓને બેટ દ્વારકા પર આવેલા કેશવરાયજી મંદિર અને હનુમાન દંડી જેવા ઐતિહાસિક મહત્ત્વ ધરાવતા મંદિરોના દર્શન કરવા માટે બોટ/ફેરી પર નિર્ભર રહેવું પડતું હતું અને ઘણો સમય પણ લાગતો હતો. આ નિર્ભરતા દૂર થાય અને બેટ દ્વારકા ટાપુને મુખ્ય ભૂમિ સાથે જોડે તેવો બ્રિજ બને તે વડાપ્રધાનનું વિઝન હતું, આ માટે ગુજરાતના મુખ્યમંત્રી તરીકેના તેમના કાર્યકાળ દરમ્યાન તેઓએ તત્કાલીન યુ.પી.એ.ની કેન્દ્ર સરકાર પાસે પ્રસ્તાવ પણ મૂક્યો હતો.
વર્ષો પછી સુદર્શન સેતુના આ વિઝનને તેમના નેતૃત્વ હેઠળની કેન્દ્ર સરકારના સડક પરિવહન અને રાજમાર્ગ મંત્રાલયે ૨૦૧૬માં સૈદ્ધાંતિક મંજૂરી આપી. ૨૦૧૭માં ઓખાથી બેટ દ્વારકા સુધીના આ બ્રિજનું નિર્માણકાર્ય શરૂ થયું અને ૨૦૨૪માં ઓખા અને બેટ દ્વારકાને જોડતા દેશના સૌથી લાંબા કેબલ બ્રિજનું વડાપ્રધાનના હસ્તે ઉદઘાટન થયું. આ પુલ એક સુવિધામાત્ર નહિં, પરંતુ એન્જીનિયરીંગનો એક કમાલ છે, એથી વધુ ગુજરાતની ભગવાન શ્રીકૃષ્ણ પ્રત્યેની શ્રદ્ધાનું પ્રતીક છે. દ્વારકાધીશના દર્શન ને સરળ બનાવતો આ સેતુ દ્વારકા નગરીની દિવ્યતામાં ચારચાંદ લગાવે છે. ઉલ્લેખનીય છે કે બાન્દ્રા-વર્લી સી લિંક કેબલ બ્રિજથી આ બ્રિજ લાંબો છે, વળી આ બ્રિજમાં ફૂટપાથ/સાઈકલ રસ્તો/ ગોલ્ફ કારનો રસ્તો પણ છે.
સુદર્શન સેતુના નિર્માણ થકી દેવભૂમિ દ્વારકા જિલ્લાની યશકલગીમાં એક મોરપીંછ ઉમેરાયું છે. પ્રવાસનના વિકાસ થકી બેટ-દ્વારકા તેમજ ઓખામાં નવી રોજગારીનું સર્જન થતાં ગરીબ તથા મધ્યમ વર્ગ માટે આર્થિક ઉન્નતિનો માર્ગ મોકળો બન્યો છે. સુદર્શન સેતુને કારણે ભાવિકોનો સમય બચવા સાથે સુવિધાઓમાં પણ વધારો થયો છે.
સુદર્શન સેતુની લંબાઇ ૨.૩૨ કિલોમીટર છે, જેમા ૯૦૦ મીટર કેબલ સ્ટેયડ ભાગ છે. બ્રિજના મુખ્ય ગાળામાં બંને પાયલોન પર ૨૦ બાય ૧૨ મીટરના ૪ મોરપંખ આકારવામાં આવ્યાં છે. ઓખા તરફ ૩૭૦ મીટર લંબાઈનો એપ્રોચ બ્રિજ, બેટ તરફ ૬૫૦ મીટર એપ્રોચ બ્રિજ છે. બ્રિજના મુખ્ય ગાળામાં ૧૩૦ મીટર ઊંચાઇ ધરાવતા બે પાયલોન છે. આ ચાર માર્ગીય બ્રિજની પહોળાઈ ૨૭.૨ મીટર છે, જેમાં બન્ને બાજુ ૨.૫૦ મીટરના ફૂટપાથ છે. ફૂટપાથની બાજુ પર કોતરણી કામ કરી ભગવદ્ગીતાના શ્લોક તેમજ ભગવાન શ્રીકૃષ્ણની છબિઓ દર્શાવવામાં આવી છે. ફૂટપાથ ઉપર લગાવેલ સોલાર પેનલની ૧ મેગાવોટની વિજળી ઉત્પાદનક્ષમતા છે, જેનો ઉપયોગ બ્રીજના લાઇટીંગમાં થય છે. બ્રીજ પર કુલ ૧૨ લોકેશન પ ર પ્રવાસીઓ માટે વ્યુઇંગ ગેલેરીનું નિર્માણ કરવામાં આવ્યું છે.
ભાર્ગવ કે. ભંડેરી,
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ડબલ્યુ.એચ.ઓ. દ્વારા વિશ્વનું સૌપ્રથમ અને એકમાત્ર આઉટ પોસ્ટ સ્ટેશન ગ્લોબલ ટ્રેડીશનલ મેડિસિન સેન્ટર પણ જામનગરમાં
આસો વદ તેરસની ધનતેરસ તરીકે પણ સર્વત્ર ઉજવણી કરવામાં આવે છે સાથે સાથે આ દિવસે આયુર્વેદના આરાધ્ય દેવ શ્રી ભગવાન ધન્વન્તરિ દેવનો પ્રાગટ્ય દિવસ પણ છે અને આ દિવસને કેન્દ્ર સરકાર દ્વારા છેલ્લાં નવ વર્ષથી આયુર્વેદ દિવસ તરીકે પણ ઉજવવામાં આવી રહ્યો છે. અને આ વર્ષે આયુર્વેદ દિવસની ઉજવણી દેશના સિમાડાઓ વટાવી ૧૦૦ થી વધુ દેશોમાં થઇ રહી છે. ત્યારે આવો જાણીએ આ સંસ્થાનને લોકલ ટુ ગ્લોબલ બનાવવામાં વડાપ્રધાનશ્રી નરેન્દ્ર મોદીની પ્રેરણા અને ભૂમિકા કેટલી મહત્ત્વની રહી છે.અને કઈ રીતે આ સંસ્થા વૈશ્વિક સ્તરે મહત્ત્વપૂર્ણ બની છે.
રજવાડાના સમયે શરૂ
થયેલી પદ્ધતિ બની ગ્લોબલ
જામનગર એ આયુર્વેદનું કાશી અને માન્ચેસ્ટર તેમજ ઉદગમ સ્થાન તરીકે વિશ્વ વિખ્યાત બન્યું છે કારણ કે અહીં રજવાડાંના સમયથી થયેલી શરૂઆત આજે વિશ્વભરની પરંપરાગત ચિક્ત્સાનું મહત્ત્વનું કેન્દ્ર બનવા જઇ રહી છે.વર્ષ ૨૦૨૦માં ૧૫ ઓક્ટોબરના રોજ ભારત સરકારના આયુષ મંત્રાલય દ્વારા વડાપ્રધાનશ્રી નરેન્દ્રભાઇ મોદીના વરદહસ્તે આયુર્વેદ શિક્ષણ અને અનુસંધાન સંસ્થાન (ઈટ્રા) ની સ્થાપના કરવામાં આવી હતી જે સમગ્ર દેશનું સૌપ્રથમ અને એકમાત્ર રાષ્ટ્રીય મહત્વનો દરજ્જો ધરાવતું સંસ્થાન બનવા પામ્યું છે.ચિકિત્સા અને સારવાર માટે અહી ઇટ્રામાં જાણે મહા યજ્ઞ યોજાઇ રહ્યો હોય તેમ ત્રણસો પથારીની સુવિધા સાથેની અદ્યતન એન.એ.બી.એચ.પ્રમાણિત રાજ્યની એક માત્ર અને સૌપ્રથમ આયુર્વેદ ક્ષેત્રની હોસ્પિટલ કાર્યરત છે જેમાં દૈનિક સરેરાસ ૧,૫૦૦ દર્દીની ઓ.પી.ડી. ચાલે છે. વધુમાં જામનગર શહેર અને જિલ્લામાં સુરક્ષાદળો, જેલ, ગ્રામ્ય વિસ્તાર વગેરે જેવા કુલ આઠ સ્થળોએ પણ ઓ.પી.ડી. સુવિધા કાર્યરત કરવામાં આવી છે.
આઈટીઆરએ (ઈટ્રા) ની સિદ્ધિ
આયુર્વેદ અને શસ્ત્રક્રિયા એ સામાન્ય રીતે લોકો માટે થોડો આશ્ચર્ય પમાડે તેવી વાત છે ત્યારે ઇટ્રામાં ૧૦૦ દિવસના ટૂંકાગાળામાં જ શલ્ય વિભાગ દ્વારા કુલ ૫૨૨ થી વધુ શસ્ત્રક્રિયા સફળતાપૂર્વક કરવામાં આવી છે. સામાન્ય સમસ્યાથી લઇ વૈશ્વિક મહામારી અને ગંભીર પ્રકારના રોગોની સારવાર માટે અહીં સક્ષમ પ્રયાસો થકી સારા પરિણામો મેળવાઇ રહ્યાં છે. આધુનિક વિજ્ઞાનની કુલ ૬ પ્રકારની એન.એ.બી.એલ.પ્રમાણિત લેબોરેટરી અને અદ્યતન સાધનો અહીં ઉપલબ્ધ છે. યોગ અને નિસર્ગોપચાર માટે અલાયદું કેન્દ્ર અહીં શરૂ કરી લોકોની સ્વાસ્થ્ય સુખાકારી માટે કાર્યરત કરાયું છે જેનો નાગરિકો ભરપૂર લાભ લઈ રહ્યા છે. તાજેતરમાં જ યોગ નેચરોપેથી માટે ૬ ડિ પ્લોમા-પ્રમાણપત્ર કાર્યક્રમ શરૂ કરવામાં આવ્યાં છે. ઇટ્રામાં યોજવામાં આવતા આયુર્વેદ સ્વાસ્થ્ય મેળામાં લોકોનો અભૂતપૂર્વ પ્રતિસાદ મળતો હોય છે જેમાં વિનામૂલ્યે સ્વાસ્થ્ય પરિક્ષણ અને સારવાર તો આપવામાં આવે જ છે ઉપરાંત નાડિ-શ્રમ પરિક્ષણની સાથે રોજિંદા જીવનમાં આયુર્વેદ શૈલી અપનાવવાથી શું ફાયદો થાય અને સ્વાસ્થ્ય કેમ સમૃદ્ધ બનાવી શકાય તે માટે વિશાળ ડોમમાં પ્રદર્શન યોજવામાં આવે છે.ગત વર્ષે પણ અહી મિલેટ્સને અનુમોદન આપવા માટે 'સ્વાસ્થ્ય અને શ્રીધાન્ય મેળા'નું આયોજન કરવામાં આવ્યું હતું.
આયુર્વેદિક અભ્યાસક્રમો
ઇન્સ્ટિટ્યૂટ ઓફ ટીચિંગ એન્ડ રિસર્ચ ઇન આયુર્વેદ (આઇ.ટી.આર.એ.) દ્વારા સાત રાષ્ટ્રીય અને આઠ આંતરરાષ્ટ્રીય સંસ્થાઓ સાથે એમ.ઓ.યુ. કરી વિશેષ શૈક્ષણિક અને બીન શૈક્ષણિક કાર્યો હાથ ધરાયા છે. આઇ.ટી.આર.એ. ખાતે સમૃદ્ધ અને અતિ અદ્યતન લાયબ્રેરી છે જેમાં ત્રીસ હજારથી વધુ પુસ્તકો અને પાચ હજારથી વધુ હસ્તપ્રતો (મેન્યુસ્ક્રિપ્ટ) ઉપલબ્ધ છે. આ ગ્રંથાલયમાં છેલ્લા છ દાયકામાં થયેલાં તમામ શૈક્ષણિક સંશોધનોને ડિજિટલાઇઝ કરીને વિજાણું સ્વરૂપે ઉપયોગ અર્થે સાચવવામાં આવ્યાં છે.અહીં એનીમલ હાઉસ પણ છે જ્યાં નિયત માપદંડોથી તબીબી અને ઔષધિય સંશોધનો કરવામાં આવે છે.
સંસ્થામાં કુલ ૧૪ શૈક્ષણિક વિભાગોમાં સર્ટિફિકેટથી લઇ પીએચ.ડી. સુધીના કુલ દસ અભ્યાસક્રમો ચાલે છે.અહીં વિવિધ આંતરરાષ્ટ્રીય અભ્યાસક્રમમાં અત્યાર સુધીમાં પચાસથી વધુ દેશોના કુલ ચારસોથી વધુ વિદેશી વિદ્યાર્થીઓએ અભ્યાસ પૂર્ણ કર્યો છે.વિશ્વ કક્ષાએ જેનું મહત્વ છે તેવું પીઅર રીવ્યુડ જર્નલ 'આયુ'અહીંથી પ્રકાશિત થાય છે અને આયુર્વેદ તબીબો-સંશોધકો અત્યાર સુધીમાં સાડા પાચ હજારથી વધુ શોધપત્રો મહત્ત્વના અને પ્રમાણિત જર્નલોમાં પ્રકાશિત કરી ચૂક્યાં છે.
આઇ.ટી.આર.એ.માં વન નેશન-વન હેલ્થના મંત્રને ચરિતાર્થ કરવાં આયુર્વેદને આધુનિક અને અન્ય ચિકિત્સા પદ્ધતિ સાથે જોડી નવા આયામો આકાર આપવાની પ્રક્રિયા કાર્યરત છે.
આગામી ભવિષ્યમાં આયુર્વેદ ક્ષેત્રના સિમાડાંઓ વિસ્તરણ કરવાની નેમ સાથે આયુર્વેદ પદ્ધતિની સુપર સ્પેસ્યાલિટી હોસ્પિટલ, આયુર્વેદ અને આયુર્વેદ ફાર્માસિ અભ્યાસક્રમોમાં અત્યાધુનિક પદ્ધતિ અને આધુનિક વિજ્ઞાન સાથે સમન્વય કરી સંશોધન અને સારવારની પદ્ધતિ વિકસાવવા માટે કમર કસવામાં આવી રહી છે.
આયુર્વેદ ક્ષેત્ર માટે પ્રથમેશઃ જામનગર
વર્ષ ૧૯૪૪ માં રાજવી જામ પરિવાર દ્વારા આયુર્વેદ ચિકિત્સા માટે કેન્દ્ર સ્થપાયું ત્યાર બાદ વર્ષ ૧૯૪૬માં સૌપ્રથમ ગુલાબકુંવરબા આયુર્વેદ સંસ્થાની સ્થાપના થઇ અને/આઝાદી બાદ વર્ષ ૧૯૪૭માં આયુર્વેદ માટે આધુનિક સંશોધન કેન્દ્ર સ્થપાયું, વર્ષ ૧૯૫૪માં સી.આઇ.આર. આઇ.એસ.એમ. સૌપ્રથમ કેન્દ્રિય સંશોધન કેન્દ્ર પણ અહીં સ્થપાયું, વર્ષ ૧૯૫૬માં સૌપ્રથમ પોસ્ટ ગ્રેજ્યુએટ શિક્ષણ સંસ્થાન પણ જામનગરમાં સ્થપાયું, વર્ષ ૧૯૬૭માં અહીં વિશ્વની સૌપ્રથમ આયુર્વેદ વિશ્વવિદ્યાલય શરૂ કરવામાં આવી, આયુર્વેદ ક્ષેત્રનું સૌપ્રથમ ડબલ્યુ.એચ.ઓ.નું કોલોબ્રેટિવ સેન્ટર પણ અહીં જ સ્થપાયું, વર્ષ ૨૦૨૦માં દેશની સૌપ્રથમ અને એક માત્ર રાષ્ટ્રીય મહત્ત્વનો દરજ્જો ધરાવતી સંસ્થા આઇ.ટી.આર.એ. પણ અહીં સ્થપાઇ અને વડાપ્રધાનશ્રી નરેન્દ્ર મોદીની પ્રેરણાથી ડબલ્યુ.એચ.ઓ. દ્વારા વિશ્વનું સૌપ્રથમ અને એક માત્ર આઉટ પોસ્ટ સ્ટેશન 'ગ્લોબલ ટ્રેડિશલ મેડિસિન સેન્ટર' (જી.ટી.એમ.સી.) પણ જામનગરને ફાળે આવ્યું છે.
ફ્લાઈંગ વૈદ્યને આયુર્વેદના વિકાસનું સોંપાયું સુકાન
છેલ્લાં બે દાયકામાં આયુર્વેદને વિશ્વ કક્ષાએ અભૂતપૂર્વ મહત્ત્વ મળી રહ્યું છે અને કોરોના જેવી વૈશ્વિક મહામારીમાં તેને મહત્ત્વપૂર્ણ ભાગ ભજવ્યો છે. ત્યારે તેના વિકાસ માટે સરકાર સખત અને સતત પ્રયત્નો કરી રહી છે તેમાં ભારત સરકારના આયુષ વિભાગના સચિવ તરીકે પદ્મશ્રી વૈદ્ય રાજેશ કોટેચાને સુકાન સોપવામાં આવ્યું છે જેઓને વડાપ્રધાન મોદીજી 'ફ્લાઇંગ વૈદ્ય' તરીકે નવાજે છે. કારણ કે તેઓએ વિશ્વના ત્રણ ડઝનથી વધુ દેશોમાં આયુર્વેદનો પ્રચાર-પ્રસાર કરી તેનું ફલક વિસ્તાર્યું છે. તેઓ ગુજરાત આયુર્વેદ યુનિવર્સિટીના કુલપતિ તરીકે પણ કાર્ય કરી ચૂક્યાં છે. હાલ આઇ.ટી.આર.એ.ના પ્રભારી નિયામક પ્રૉ. બી.જે. પાટગીરી દ્વારા આયુર્વેદ જામનગરના આયુર્વેદ ક્ષેત્રને શિક્ષણ અને સંશોધનની બાબતમાં ઉત્તમોતમ બનાવવા માટે પ્રયત્નશીલ છે.
વિરેન્દ્રસિંહ પરમાર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રોગોને મૂળમાંથી કાઢવાની ચિકિત્સા પદ્ધતિ
જામનગર તા. ૧૦: આયુર્વેદ એ પ્રાચીન ભારતના તબીબી વિજ્ઞાનની દૂરંદેશીતાનું એક ઉત્તમ ઉદાહરણ છે. આયુર્વેદમાં જે પ્રકારની સારવાર તથા નિદાનની વાત કરવામાં આવે છે, તે શરીરના રોગોને મૂળથી દૂર કરવા માટે હોય છે. ઘણાં અસાધ્ય રોગોમાં આયુર્વેદિક સારવાર વધુ કારગત નીવડે છે.
દાંતની જ વાત કરીએ, તો દાંત એ શરીરનું અવિભાજ્ય અંગ છે. તેની સંભાળ રાખવી પણ અત્યંત જરૂરી છે. પરંતુ, જ્યારે આ દાંતમાં કોઈ પ્રકારનો રોગ ઘર કરી જાય, ત્યારે તેને કાઢવો એ મુશ્કેલીભર્યું કામ છે. હાલની ડેન્ટલ ટ્રીટમેન્ટમાં દાંત કાઢવા માટે થોડા પ્રમાણમાં એનેસ્થેસિયા આપીને દર્દીના જડબાનો ભાગ બહેરો કરવામાં આવે છે, અને તે પછી જે તે દાંત અથવા દાઢને કાઢવામાં આવે છે. આ પ્રક્રિયા ઘણી લાંબી અને પીડાદાયક હોય છે. ઉપરાંત, તેમાં એનેસ્થેસિયાનું જોખમ પણ રહેલું છે. હૃદય રોગ, ડાયાબિટીસ, હાઈ બ્લડ પ્રેશર જેવા રોગોના દર્દીઓને, કે જેમને એનેસ્થિસિયા આપવો હિતાવહ નથી હોતો, તેમના માટે ઘણીવાર દાંતના દુખાવાને સહન કરવો જ એકમાત્ર વિકલ્પ રહી જાય છે.
આયુર્વેદમાં આવી પરિસ્થિતિમાં પણ દર્દીને વધુ દુખાવો ના થયા, તે રીતે દાંતને કાઢવાનો ઉપાય છે. જાલંધર બંધ નામની પ્રાચીન આયુર્વેદિક પદ્ધતિથી હલતા તથા સડી ગયેલા દાંતને એનેસ્થેસિયા વગર કાઢવા માટે આ પદ્ધતિનો ઉપયોગ થાય છે. આ પદ્ધતિમાં ગરદનની યોગ્ય મુવમેન્ટ દ્વારા સુષુમણા નાડીના ચેતાતંત્રને બહેરું કરીને સાવ ઓછા સમયમાં, કોઈ પણ જાતના દુખાવા વિના સડી ગયેલાકે હલતાં દાંતને કાઢી શકાય છે.
આ જાલંધર બંધ નામની પદ્ધતિ પ્રમાણમાં ઓછી પ્રચલિત છે. આ પદ્ધતિને વધુ જનભોગ્ય બનાવવાના ઉદ્દેશ્યથી ગુજરાત આયુર્વેદ યુનિવર્સિટીના શાલાક્ય વિભાગ દ્વારા સાંદિપની આશ્રમ, પોરબંદરમાં જાલંધર બંધ આધારિત દંતોટપાતન વિધિથી ડેન્ટલ એકસ્ટ્રેકશન કેમ્પ અને હેન્ડ ઓન ટ્રેનિંગનું આયોજન કરવામાં આવ્યું છે. નવરાત્રિના તમામ નવ દિવસ સુધી ચાલનારા આ કેમ્પમાં ૧૭ જેટલા વિદ્યાર્થીઓએ ભાગ લીધો છે. આ ઉપરાંત, ગુજરાત આયુર્વેદ યુનિવર્સિટીની ૩ર કોલેજના ફેકલ્ટી મેમ્બર્સે પણ આ ટ્રેનિંગ કેમ્પમાં જોડાઈને જાલંધર બંધની આ પદ્ધતિથી દાંતના રોગોની સારવાર થઈ શકે તે માટે પ્રયત્નો કર્યા છે. આ પદ્ધતિનો લાભ વધુમાં વધુ લોકો લઈ શકે અને આ પદ્ધતિનો પ્રચાર-પ્રસાર થાય તે હેતુ માટે આ ટ્રેનિંગ કેમ્પનું આયોજન ગુજરાત આયુર્વેદ યુનિવર્સિટી દ્વારા કરવામાં આવ્યું છે.
મૂળ ભારતીય યોગશાસ્ત્રમાં ત્રણ પ્રકારના બંધનો ઉલ્લેખ કરવામાં આવ્યો છે. મૂળબંધ, ઉડિયાન બંધ તથા જાલંધર બંધ. યોગશાસ્ત્ર પ્રમાણે રકતાભિષણ અર્થાત બ્લડ સકર્યુલેશન ઉપર કરવાની પ્રક્રિયાને બંધ કહે છે. જાલંધર બંધમાં ગળાની ઉપરના અવયવોમાં લોહીનો પ્રવાહ કન્ટ્રોલ કરવામાં આવે છે. આયુર્વેદ અનુસાર શરીરમાં વાયુનો પ્રભઆવ અટકાવીએ તો પીડાને અટકાવી શકાય છે. આ પદ્ધતિમાં ૪ પ સેકન્ડ માટે ગળાથી ઉપરના ભાગમાં વાયુની ગતિ અટકાવીને તરત જ દાંત પાડી દેવામાં આવે છે. જેનાથી લોહી ખૂબ ઓછું વહે છે, તથા દુખાવામાં પણ રાહત રહે છે.
પોરબંદર સ્થિત સાંદિપની આશ્રમમાં આ પ્રકારનો ડેન્ટલ કેમ્પ વર્ષોથી આયોજિત કરવામાં આવે છે. આ સંસ્થાના સહયોગથી આ અદ્વિતીય પ્રાચીન ટેકિનકને હાલના સમયમાં પ્રેક્ટિસમાં મૂકીને એનેસ્થેસિયા તથા દુખાવા વગર સડેલા અને હલતા દાંતની સારવાર કરવામાં આવે તથા આ પદ્ધતિ પ્રચલિત બને તે માટે ગુજરાત આયુર્વેદ યુનિવર્સિટીના કુલપતિ ડો. મુકુલ પટેલના માર્ગદર્શનમાં વિદ્યાર્થીઓ તથા પ્રાદ્યાપકો માટે પણ આ ટ્રેનિંગ કેમ્પનું આયોજન કરવામાં આવે છે. દંત વૈદ્ય સરોજબેન જોશી, વૈદ્ય હારિન્દ્ર દવે તથા વૈદ્ય શ્રેણિક નાહતા આ કેમ્પમાં પ્રશિક્ષણ આપે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
અહીં દુર્વાષા ઋષિનો આશ્રમ, ૩૨ પ્રાચીન પૂતળાઓ-ભોયરૂ, મહાપ્રભુજીની બેઠક છે
ખંભાળીયા તા. ૨૧: દેવભૂમિ દ્વારકા જિલ્લો જુદા-જુદા ધાર્મિક સ્થાનો માટે જાણીતું છે ત્યારે કલ્યાણપુર તાલુકાનું પિંડારા ગામ અનોખું છે. જ્યાં ભીમ-પાંડવો દ્વારા તેમના પૂર્વજોના પીંડ લોખંડના તરાવીને પિતૃ મોક્ષ કરાવ્યો હતો.
પીંડતારક કૂંડ
ભાટિયા-નંદાણા કે રાણ તરફથી દ્વારકા ચરકલા જતા રોડ પર પંદરેક કિ.મી. ફૂટ પિંડારા એટલે કે, પીંડ તારક ગામ આવેલું છે. જ્યાં સમુદ્રના કાંઠા પર પીંડતારક કૂંડ આવેલો છે. જ્યાં મહાભારતના યુદ્ધ પછી પાંડવોએ આવીને લોખંડના ૧૦૮ પીંડ ઋષિમુનીઓની સલાહથી તરાવ્યા હતાં તથા પિતૃ મોક્ષ કરાવ્યો હતો.
ત્રણ શિવલીંગવાળું મહાદેવનું મંદિર
હાલ વિશાળ જગ્યામાં આવેલ પીંડતારક જગ્યામાં વિશાળ મેદાન સમુદ્રના કાંઠા પાસે પીંડતારક કૂંડ અતિ પ્રાચીન ત્રણ શિવલીંગવાળું મહાદેવનું મંદિર તથા દુર્વાસા ઋષિનો આશ્રમ આવેલો છે.
પાંચ હજાર પુરાણી જગ્યા
આ અતિ પ્રાચીન પાંડવકાલીન જગ્યા કે જ્યાં પાંડવો આવેલા તે પાંચ હજાર વર્ષ પુરાણી જગ્યા છે, પણ અહીં સગવડતા નથી. પવિત્ર કૂંડ ગંદા પાણીથી ભરેલો છે તથા દુર્વાષા આશ્રમ બાજુમાં છે, જ્યાં દુર્વાષા ઋષિ સ્થાપિત અતિ પ્રાચીન ખૂબ જ ઉંચા શિવલીંગ, દુર્વાષા ઋષિ જ્યાં બેસતા તે જગ્યા પ્રાચીન મૂર્તિઓ, બત્રીસ પ્રાચીન પૂતળીઓ જેને દરેક ગણતા જુદો આંકડો આવે, નજીકના સમુદ્રમાં ઉંડે આવેલો અન્ય કૂંડ જ્યાં શ્રાવણ-અમાસના જાણકારો જઈ શકે છે તથા દુર્વાષા આશ્રમ પાસે પ્રાચીન ભોંયરૃં તથા નજીકમાં મહાપ્રભુજીની બેઠક આવેલા છે.
રાણનું વૃક્ષ જ્યાં દુર્વાષા ઋષિ તપ કરતા
પિંડારા ગામની નજીક જ વિશાળ તળાવ જે બારે માસ પાણીથી ભરેલું હોય છે. ત્યાં તળાવના કાંઠે જમીનમાં ૩૦/૩પ ફૂટ ઉંડો અને વિશાળ થડ અને બખોલોવાળું વૃક્ષ રાણનું છે. જે હજારો વર્ષ જુનું છે. જ્યાં દુર્વાષા ઋષિ તપ કરતા હતાં, તે ભવ્ય જગ્યા પણ જોવા લાયક છે. જેનાથી ઘણાં લોકો અજાણ છે.
મલ્સકુસ્તી મેળાની વિશેષતા
પિંડારામાં દર વર્ષે યોજાતો મલ્લ કુસ્તી મેળો પણ ખૂબ જ જાણીતો છે, ત્યારે હાલ ગુજરાત સરકાર પ્રવાસન ક્ષેત્રને મહત્ત્વ આપીને વિકાસ કરી રહી છે ત્યારે ખાસ દ્વારકા જિલ્લાનો વધુ વિકાસ થાય તો અહીં દ્વારકા આવતા હજારો યાત્રિકો દુર્વાષા આશ્રમ, પીંડતારક કૂંડની મુલાકાત લઈ શકે તથા પ્રાચીન રાણ વૃક્ષ જોઈ શકે.
ચરણગંગાનો ઈતિહાસ
દુર્વાષા આશ્રમથી જ શ્રીકૃષ્ણ-રૂક્ષ્મણી રથમાં જાતે જોડાઈને ઘોડાની જગ્યાએ રથ લઈને દ્વારકા દુર્વાષા ઋષિને લઈ જતા ટુંપણી ગામ પાસે રૂક્ષ્મણીને પાણીની તરસ લાગતા ચરણગંગા શ્રીકૃષ્ણએ પ્રગટ કરેલી, જે સ્થળ પણ જાણીતું છે, ત્યારે પ્રવાસન મંત્રી મૂળુભાઈ બેરા દ્વારકા જિલ્લાના ધારાસભ્ય છે, ત્યારે લોકો આ સ્થળના વિકાસની રાહ જુએ છે. આ સ્થળે લોકો બહુ દૂરથી આવે છે, પણ તેમને રહેવાની કોઈ વ્યવસ્થા નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્રધાનમંત્રી આવાસ યોજના (ગ્રામીણ) ના લાભાર્થીઓનો પ્રતિભાવ
ખંભાળીયા તા. ૧૮: દેવભૂમિ દ્વારકા જિલ્લામાં ખંભાળિયા તાલુકામાં આવેલ કાકાભાઈ સિંહણ ગામના લાભાર્થી કમાભાઈ ગાંગાભાઈ ડોરુંનો ૧૦ વ્યક્તિનો પરિવાર. પતિ, પત્ની બે પુત્રો અને તેમના પરિવાર સાથે જુના ફળિયા વિસ્તારમાં નળિયાવાળા કાચા મકાનમાં રહેતાં. કમાભાઈ તેમજ તેમનાં પુત્રો છુટક મજુરી કામ કરે. બન્ને પુત્રોને પત્ની અને બે પુત્રોનો પરિવાર. આ કાચા મકાનનો ઘણો ભાગ વર્ષો પહેલાં વાવાઝોડામાં પડી ગયેલો, રહેવા માટે લાયક ન હોવા છતાં આ તુટેલા મકાનમાં રહેવા સિવાય કોઈ આરો નહોતો. વરસાદમાં, પવનોમાં અને ઠંડી, ગરમીમાં આધાર ન મળે, તો શૌચાલય કે બાથરૂમની તો વાત જ ક્યાંથી હોય? આવી પરિસ્થિતિમાં વર્ષો વિતતાં હતાં.
પરિવારને રહેવા માટે ઘર તો નહોતું પણ પાકું ઘર બનાવવાં માટે જમીન પણ ન હતી. છેવાડાનાં માનવીને યોજનાકીય સહાય દ્વારા પગભર કરીને તેને વિકાસયાત્રામાં જોડવાની સરકારશ્રીની નીતિ અને નિયતને લીધે તેમના પરિવારની વ્હારે સરકાર આવી. તેમને ઘરથાળ યોજના અંતર્ગત ગામનાં ભરવાડવાડા વિસ્તારમાં ૯૦૦ ચોરસ ફુટ જમીન ફાળવવામાં આવી. વધુમાં તેના પર ઘર બાંધવા માટે પ્રધાનમંત્રી આવાસ યોજના ગ્રામીણ અને અન્ય યોજનાઓ અંતર્ગત ઘર બાંધવા માટેની ૧.૫ લાખ જેટલી સહાય મંજૂર કરવામાં આવી.
લાભાર્થી કમાભાઈ ડોરું પોતાનો અનુભવ જણાવતાં કહે છે કે, અત્યાર સુધી કોઈ અમારી સંભાળ લેવા આવ્યું નહોતું. અમારી સહાય કરીને પ્લોટ આપવા અને ઘરનો આધાર બનવવા સહાય આપવા માટે સરકારનો જેટલો આભાર માનીએ તેટલો ઓછો છે.
તેમનાં પુત્ર પ્રવિણભાઈ જણાવે છે કે, આ ઘર બનાવવાં માટે પ્રધાનમંત્રી આવાસ યોજના- ગ્રામીણ, મનરેગા, શૌચાલય માટેની સહાય મળીને દોઢ લાખ જેટલી સહાય અલગ અલગ હપ્તાઓમાં મળી છે. આ સહાયથી અમે બે રૂમ, રસોડૂ અને ઓસરીનું મકાન બાંધ્યું છે. બાથરૂમ અને શૌચાલય બનાવ્યાં છે. પહેલાં વરસાદ, ઠંડી-ગરમીની ઋતુમાં તકલીફો પડતી, હવે પાકું મકાન આપીને સરકારે સુખી કરી દિધા છે. વરસાદનો અને પવનોથી ઘર પડવાની ચિંતા મટી છે. ઘરનાં મહિલાઓને વ્યવસ્થિત રસોડું તેમજ શૌચાલયની સુવિધા મળી છે. બાળકોને ભણવા માટે પણ હવે સગવડતા છે. આ ૧૦ વ્યક્તિના પરિવારને રહેવા માટે આધારરૂપ પાકું ઘરનું સ્વપ્ન પ્રધાનમંત્રી આવાસ યોજના ગ્રામીણ થકી હકીકત બન્યું. પાકાં મકાનમાં રહેવા મળતાં સમગ્ર પરિવારને જાણે એક આધાર અને આગળ વધવા નવો જુસ્સો મળ્યો.
પ્રધાનમંત્રી આવાસ યોજના- ગ્રામીણ ગ્રામ્ય વિસ્તારમાં રહેતાં પરિવારો કે જે ઘરવિહોણાં છે, અથવા કાચા ઘરમાં રહે છે, તેઓને પાકું મકાન બનાવવા માટે સહાય આપીને વિકસિત ભારત માટે "હાઊસિંગ ફોર ઓલ" ના સ્વપ્નને સાકાર કરવા માટે અમલમાં મુકવામાં આવી છે. આ યોજનાનો લાભ લેવા તેમજ વધુ માહિતી માટે ગ્રામ પંચાયતમાં તલાટી કે વી.સી.ઈ.નો સંપર્ક કરીને અરજી કરી શકાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભારતીય સંસ્કૃતિમાં ગાય અને ધરતીને માતાનો દરજ્જો અ૫ાયો છે
ભારતીય સંસ્કૃતિમાં ગાય અને ધરતી બન્નેને 'માઁ' નો દરજ્જો આપવામાં આવ્યો છે. આથી, તે બન્નેનું સંરક્ષણ કરવાની જવાબદારી પ્રત્યેક મનુષ્યની છે. પ્રાકૃતિક ખેતી એ જમીનનાં સત્ત્વનું રક્ષણ કરતી વિલક્ષણ ખેતીપદ્ધતિ છે, જેમાં ગાયનો પણ મહત્ત્વપૂર્ણ ફાળો હોય છે. પ્રાકૃતિક ખેતીમાં વિવિધ કુદરતી ચક્રો તેમજ જીવામૃત, વાપ્સા વ્યવસ્થાપન, આચ્છાદન અને સહજીવી પાક પદ્ધતિ વગેરેના સુમેળભર્યા ઉપયોગથી સફળ પાક લેવામાં આવે છે. હાલનાં સમયમાં પ્રાકૃતિક ખેતી એક વ્યવહારીક ખેતી તરીકે પ્રસ્થાપીત થઈ રહી છે. આ ઓછા ખર્ચે થતી પ્રાકૃતિક ખેતી ફક્ત નાના ખેડૂતો જ નહિં પણ, મધ્યમ અને મોટા ખેડૂતોને પણ લાભદાયી સાબિત થઈ છે. પદ્મશ્રી સુભાષ પાલેકરજી ના સંશોધન અને તાંત્રિક સહયોગથી ગુજરાતના રાજ્યપાલશ્રી આચાર્ય દેવવ્રત દ્વારા વર્ણવાયેલ પ્રાકૃતિક કૃષિપદ્ધતિ અનુસાર બાગાયતી પાકોની પ્રાકૃતિક ખેતીમાં સપ્તધાન્યાંકુર અર્કની મહત્ત્વની ભૂમિકા વિષે આ લેખમાં જાણીએ.
સપ્તર્ષિ, સપ્ત ચક્ર, સપ્તાહ વગેરે આપણી સંસ્કૃતિમાં વણાયેલું છે, તે જ રીતે બાગાયતી પાકોની પ્રાકૃતિક ખેતીમાં સાત અલગ અલગ દાણાથી બનતા સપ્તધાન્યાંકુર અર્કનું અનેરૃં મહત્વ છે. આ અર્ક બનાવવાની પદ્ધતિમાં એક વાટકીમાં ૧૦૦ ગ્રામ તલ (કાળા અથવા સફેદ) લઈને તેને પાણીમાં પૂરા ડુબે એટલું પાણી લઈને પલાળો અને કપડાંથી ઢાંકીને રાખો. બીજા દિવસે સવારે અન્ય મોટી વાટકીમાં મગ, અડદ, ચોળા, મઠ, ચણા, ઘઉં આમ છ પ્રકારના દાણા દરેક ૧૦૦ ગ્રામની માત્રામાં લઈને તેને ભેગા કરો અને તે પાણીમાં સારી રીતે પલળે તેટલું પાણી ઉમેરી વાટકી સુરક્ષિત જગ્યા ઉપર રાખો. બીજા દિવસે બધા જ પલાળેલા દાણા તલ સહિત એક ભીના કપડામાં બાંધો. તે પોટલી ઘરમાં અંકુરણ થવા માટે લટકાવીને રાખી દો. જે પાણીમાં આ સાતે પ્રકારના દાણા પલાળ્યા હતા તે પાણીને સાચવી રાખો. હવે જે દિવસે પોટલી અંદરના દાણામાં ૧ સેન્ટિમીટર જેટલા લાંબા અંકુર ફૂટે, તે દિવસે પોટલીમાંથી બધા જ દાણા કાઢીને તેની ખાંડણીયામાં ચટણી બનાવો. (મિક્સર ગ્રાઈન્ડરનો ઉપયોગ ન કરવો. તેમાં ગરમી પેદા થવાથી અંતઃસ્ત્રાવો ઊડી જાય છે.) ૨૦૦ લીટર પાણી લઈ તેમાં ૧૦ લીટર દેશી ગાયનું ગૌમૂત્ર ઉમેરો, દાણા પલાળ્યા હતા તે પાણીને પણ આમાં ઉમેરીને મિશ્રણને લાકડીથી હલાવો પછી તેની સાથે જ દાણાની ચટણી ઉમેરો. ચટણીને આ પાણીમાં આંગળીથી ચોળીને સારી રીતે ભેળવી દો. ફરી એક વખત હલાવ્યા બાદ સ્થિર થયા પછી, તેને બે કલાક કોથળાથી ઢાંકીને રાખી મૂકો. પછી દ્રાવણને કપડાથી ગાળી લો અને તરત તેનો છંટકાવ કરી દો. આ દ્રાવણ બન્યા પછી ૨૪ કલાકની અંદર તેનો ઉપયોગ થઈ જવો જરૂરી છે.
આ સ્પ્તધાન્યાંકુરના છંટકાવથી ફળ અને દાણાની સાઈઝ વધે છે, ચમક આવે છે ફળ અંદરથી પૂરી રીતે ભરાઈ જાય છે. ઉપરાંત, ફળોનાં ડિટ મજબૂત બનતાં ફળ ખરતાં અટકે છે. પરિણામે સ્વાદ, સુગંધ વધે છે તેમજ ઉત્પાદન પણ વધે છે. પાકના દાણા દુગ્ધ અવસ્થા (મીલ્કીંગ સ્ટેજ) માં હોય, તે સમયે આ સ્પ્તધાન્યાંકુરનો છંટકાવ પાક ઉપર કરવો. છંટકાવ સમયે તેમાં પાણી ભેળવવું નહિ એટલે કે જેવો છે તેવી જ સ્થિતિમાં છંટકાવ કરવો. ફળઝાડ ઉપર ફળો લાગવાની શરૂઆત થાય ત્યાર પછી ફળ ઉપર અને પાન ઉપર ૨૦૦ લીટર સપ્તધાન્યાંકૂરનો પ્રતિ એકર એક મહિનામાં ઓછામાં ઓછા એક વખત છંટકાવ કરવો. ફૂલની ખેતીમાં જ્યારે ફૂલ કળી અવસ્થામાં હોય ત્યારે પ્રતિ એકર ૨૦૦ લીટર સ્પ્તધાન્યાંકુર અર્કનો છંટકાવ કરવો. લીલાં શાકભાજી, પાલક, મેથી કાપ્યા પછી પાંચ દિવસમાં સપ્તધાન્યાંકુર ૨૦૦ લીટર પ્રતિ એકર છંટકાવ કરવો.
આમ, બાગાયતી પાકોની પ્રાકૃતિક ખેતીમાં ફળ-શાકભાજીની ચમક, વજન અને ગુણવત્તા નૈસર્ગિક રીતે વધારવા માટે તેમજ પોષક તત્વો પૂરાં પાડીને સફળ પાક ઉત્પાદન માટે સપ્તધાન્યાંકુર અર્કની અગત્યની ભૂમિકા રહેલી છે.
આલેખનઃ ભાર્ગવ કેે. ભંડેરી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રાજવીકુળના સંસ્મરણોઃ 'એક પેડ માં કે નામ'ના સંકલ્પને અનુમોદન
જામનગર તા. ૧રઃ જામનગરમાં છેલ્લે આવેલા અનરાધાર વરસાદ અને તોફાની પવન જેવી સ્થિતિમાં ઈટ્રાના ધન્વન્તરિ મેદાનમાં એક સદીથી પણ જુનો વડલો ધરાશાયી થયો હતો. આ વડલો આયુર્વેદ સંસ્થાનને જામનગરના નામદાર રાજવી પરિવાર તરફથી સાંપડેલા આયુર્વેદ પરિસરની સાથે જ મળ્યો હતો. તે વાતાવરણની તોફાની સ્થિતિમાં તા. ર૮ ઓગસ્ટના પડી ભાંગતા તેને ફરી જીવતદાન આપવાનો અભિનવ અને અભિન્ન પ્રયોગ થવા જઈ રહ્યો છે.
અત્રે ઉલ્લેખનિય છે કે, જામનગરના ઈતિહાસમાં આ ઘટના સૌ પ્રથમ વખત થવા જઈ રહી છે. એક વૃક્ષનું મહત્ત્વ જીવનમાં અનેક ગણું છે ત્યારે તેને મૂળથી ઉખડી ગયા પછી પણ ફરી સજીવન કરવાનો આ પ્રયોગ એ અનોખી અને નવી દિશા ખોલનારી ઘટના ગણાય. વડાપ્રધાન નરેન્દ્રભાઈ મોદી દ્વારા જ્યારે 'એક પડે માં કે નામ' સંકલ્પ કરાયો છે ત્યારે આ ઘટના તેનું અનુમોદન ગણાય.
મૂળથી ઉખડી ગયેલા આ વડલાને ઈટ્રા અને હાર્ટકૂલનેસ સંસ્થા દ્વારા સંયુક્ત રીતે આ કાર્ય કરશે. અઢાર કલાક સુધીની જહેમત અને આધુનિક મહાકાય સાધનોના ઉપયોગ પછી વડલાને તેના મૂળ સ્થાને ફરી રોપવામાં આવશે. સાથોસાથ તેમાં જરૂરી દવાઓ અને ખાતર પણ ઉમેરવામાં આવશે. મોટા થાંભલાઓ વડે તેને ટેકો (થોડા સમય માટે) આપવામાં આવશે અને ત્યારપછી કૂંપળ ફૂટતા તેને સ્વતંત્ર રીતે ફરી વિસ્તારવા દેવાશે.
અત્રે ઉલ્લેખનિય છે કે આ વડલો ધરાશાયી થતાની સાથે જ ઈટ્રાના એસ્ટેટ વિભાગ દ્વારા બે કલાકના ટૂંકા ગાળામાં વિવિધ સંસ્થાનો સંપર્ક કરવામાં આવ્યો હતો. ત્યારે હાર્ટફુલનેસ દ્વારા તુરંત આ પડકારરૂપ કાર્ય કરવા માટે ઉત્સુક્તા બતાવી સંમતી દાખવી હતી.
ઈટ્રાના કાર્યકારી નિયામક પ્રો. બી.જે. પાટગીરી જણાવે છે કે સંસ્થાની જગ્યા જામ રાજવી પરિવાર દ્વારા જ્યારથી અર્પણ કરવામાં આવી હતી ત્યારથી આ વડલાની હયાતી છે. એટલે તેનું મહત્ત્વ અનેકગણું છે. વડલો ફરી સજીવન પામે તે અમારા માટે ગર્વની લાગણી સમાન છે.
હાર્ટફુલનેસ સંસ્થાના સંયોજક સચિનભાઈ વ્યાસ જણાવે છે કે, વર્તમાન અનિયંત્રિત વાતાવરણની સ્થિતિએ અનેક વૃક્ષો ધરાશાયી થતા રહે છે, પણ પીઢ અને ઘેઘુર વૃક્ષોને ફરી રોપણ દ્વારા જીવતદાન એ વર્તમાન સમયની માંગ છે અને આવશ્યક બાબત છે. હાર્ટફુલનેસ સંસ્થા દ્વારા અત્યાર સુધીમાં ૪૦૦૦ થી વધુ આવા વૃક્ષોને પુનઃ સજીવન કરવામાં આવ્યા છે. એટલું જ નહીં, પરંતુ તેમાં ૦૦ ટકા સફળતા મેળવી છે. આ વડલો તો એક સદીથી પણ વધુ ઉંમર ધરાવે છે એટલે તે મહત્ત્વનો છે.
એક દિવસની સતત અને ત્રણ માસની સઘન સારસંભાળ દ્વારા નવજીવન
બે મહાકાય ક્રેઈન અને જે.સી.બી.ના ઉપયોગથી વડલાને મૂળ સ્થાને ફરી રોપવામાં આવશે. ત્રણથી ચાર મોટા થાંભલા દ્વારા વડલાને તેના મૂળ જમીનમાં ફરી પકડ ન જમાવે ત્યાં સુધી આધાર તરીકે ખોડવામાં આવશે. દસ જેટલા કારીગરો અને તજજ્ઞો દ્વારા આ સમગ્ર નૂતન ઘટનાને આકાર આપવામાં આવશે. ખાસ પ્રકારના બાયોફર્ટિલાઈઝર-સ્ટિમ્યુલન્ટ અને ખાતર દ્વારા તેના મૂળિયા જમીનમાં પુનઃ ઊંડાણપૂર્વક મજબૂતાઈ જમાવે તેવું વાતાવરણ તૈયાર કરાશે. સતત એક માસ સુધી વડલાને પાણી અને જરૂરી વાતાવરણથી નવા પ્રાણ આપવાની અભુતપૂર્વ ઘટના બની છે.
શું હોય છે વડલાની ખાસિયત?
શાસ્ત્રો અને પુરાણોમાં વડલાને પવિત્ર માનવાામં આવે છે અને તેની પૂજા થાય છે. એટલું જ નહીં, પરંતુ તેની હયાતીથી વાતાવરણમાં ઓક્સિજનની માત્રામાં વધારો થાય છે. માત્ર ધાર્મિક જ નહીં, પણ પર્યાવરણની દૃષ્ટિએ પણ તેની વડવાઈઓના આધારે વાતાવરણમાંથી પોતાની જીવનજરૂરી વાયુ અને પાણી મેળવે છે અને એક માસ સુધી તે જીવિત રહી શકે છે. આ વિશ્વમાં વડલાની ઘણી પ્રજાતિઓ છે અને તેનો જુદી જુદી રીતે ઉપયોગ થાય છે. પ્રાણવાયુ આપનાર વિરાટ વૃક્ષથી માંડી ઘરોમાં સુશોભન તરીકે પણ ઉપયોગ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગર જિલ્લાના ખેડૂતો માટે
જામનગર તા.૧૧: જામનગર જિલ્લાના ખેડૂતો માટે કપાસના ઊભા પાકમાં સંકલિત રોગ વ્યવસ્થાપન અંગેની માર્ગદર્શિકા જાહેર કરવામાં આવી છે. જે અનુસાર, (૧) કપાસમાં ખૂણિયા ટપકાં (કેમ્પેટ્રીસ) બીજજન્ય રોગ જેમ કે ધરુ મૃત્યુ, પાનના ખૂણિયા ટપકાં, કાળી નસ, જીંડવાનો કોહવારો, કાળિયો વગેરેના નિયંત્રણ માટે પ્રાથમિક આક્રમિત પાનને વીણીને નાશ કરવો. દ્વિતીય આક્રમણ વખતે તાંબાયુકત દવા બ્લ્યુ કોપર, બ્લાઈટોક્ષ પૈકી કોઈ એક દવા ૦.૨ % નું મિશ્રણ કરીને તેનો છંટકાવ કરવો.
રોગની શરૂઆત જણાય ત્યારે ૨૦ દિવસના અંતરે મેન્કોઝેબ ૦.૨ % દવાના ૩ થી ૪ વાર છંટકાવ કરવા. પાક પુર્ણ થયે રોગિષ્ટ પાન, ડાળી, જીંડવા વગેરેનો બાળીને નાશ કરવો. વાવણીના ૩૦ અને ૬૦ દિવસ બાદ સ્યુડોમોનાસ ફ્લુરોસેન્સ ૦.૫ % ડબલ્યુપી ૧૦૮ સીએક્યુ/ ગ્રામ ૨.૫ કિગ્રા/ હેકટર પ્રમાણે ૨૫૦ કિલોગ્રામ વર્મીકમ્પોસ્ટ ખાતરમાં ભેળવીને ચાસમાં આપવું અથવા સ્યુડોમોનાસ ફલુરોસેન્સ સ્ટ્રેઈન-૧ ૨૦ ગ્રામ પ્રતિ ૧૦ લિટર પાણીમાં મિશ્રણ કરીને ૧૫ દિવસના અંતરે ૩ વખત છાંટવું. મૂળખાઈ કે મૂળનો સડો રોગના નિયંત્રણ માટે ઝાયનેબ અથવા મેન્કોઝેબ દવાનું ૦.૨ % નું દ્રાવણ સુકાતા છોડની ફરતે જમીનમાં આપી ૪ થી ૫ દિવસ પછી યુરીયા કે એમોનિયમ સલ્ફેટ ખાતર આપવાથી રોગનું પ્રમાણ ઘટે છે.
મૂળખાઈ કે મૂળનો સડો તેમજ સુકારોના નિયંત્રણ માટે ખેતરમાં કાર્બન્ડાઝીમ દવાનું મિશ્રણ ૧૦ ગ્રામ પ્રતિ ૧૦ લીટર પ્રમાણે છોડની ફરતે રેડવું. બળીયા ટપકાં રોગના નિયંત્રણ માટે રોગિષ્ટ પાક અવશેષોને દૂર કરવા. રોગના પ્રાથમિક લક્ષણો દેખાય કે તરત જ મેન્કોઝેબ ૭૫ ડબ્લ્યુ પી ૦.૨ % ૧૦ લીટરમાં ૨૭ ગ્રામ અથવા કોપર ઓકઝીકલોરાઈડ ૦.૨ % ૧૦ લીટર પાણીમાં ૪૦ ગ્રામ અથવા કાર્બેન્ડાઝીમ ૧૨ % + મેન્કોઝેબ ૬૩ % ડબ્લ્યુપી ૧૦ લીટરમાં ૨૦ ગ્રામ ઓગાળીને તેનું મિશ્રણ તૈયાર કરીને ૧૫ દિવસના અંતરે ૨ થી ૩ વખત છંટકવ કરવો જોઈએ.
ફુગનાશક મિશ્રણ કેપ્ટાન- ૭૦ % + હેકઝાકોનાઝોલ ૫% ૭૫૦ ગ્રામ પ્રતિ હેકટરે, ૧૫ ગ્રામ દવા ૧૦ લીટર પાણીમાં નાંખીને તેનો ૩ વાર છંટકાવ રોગની શરૂઆત થાય કે તુરંત જ ૧૫ દિવસના અંતરે કરવો જોઈએ અને રોગિષ્ટ અવશેષો દૂર કરવા અથવા પાયરેકલોસ્ટ્રોબીન ૫ ડબ્લ્યુ જી + મેટીરામ ૫૫ ડબ્લ્યુ જી ૨૦ ગ્રામ ૧૦ લીટર પાણીમાં ૨ વખત ૧૫ દિવસના અંતરે છંટકાવ કરવો જોઈએ. અથવા ફલુકઝાપાયરેકઝોઈડ ૧૬૭ ગ્રામ.+ પાયરેકલોસ્ટ્રોબીન ૩૩૩ ગ્રામ ૨ વખત ૭.૫ ગ્રામ કે ૧૦ લીટર પાણીમાં છંટકાવ કરવો જોઈએ.
દહિંયો કે છાસિયા રોગની શરૂઆત થતા કાર્બેન્ડાઝીમ ૦.૦૫ % ૧૦ ગ્રામ કે૧૦ લીટર પાણીમાં અથવા વેટેબલ સલ્ફર ૨૦ ગ્રામ કે ૧૦ લીટર પાણીમાં છંટકાવ કરવો જોઈએ. અથવા કેસોક્સિમ મિથાઇલ ૪૪.૩ એસ.સી ૧૦ લીટર પાણીમાં ૧૦ મિ.લિ. મિશ્રણ તૈયાર કરીને તેનો છંટકાવ કરવો જોઈએ. અથવા તો કોપર ઓક્સીક્લોરાઇડ ૦.૨ % ૪૦ ગ્રામ ૧૦ લીટર પાણીમાં ઓગાળીને તેનો ૧૫ દિવસના અંતરે ૨ વાર છંટકાવ કરાવવો જોઈએ.
પેરાવિલ્ટ કે નવો સૂકારોના નિયંત્રણ માટે જમીનમાં સેંદ્રીય ખાતરસ પુરતા પ્રમાણમાં આપવા. જમીનમાં નિતાર શક્તિ વધારવી, હલકી જમીનમાં જ્યારે જીંડવાની સંખ્યા વધુ પ્રમાણમાં હોય ત્યારે ટુંકા ગાળે પિયત કરતા રહેવું. અસરગ્રસ્ત છોડને ઉપાડીને નાશ કરવો, પિયત આપ્યા બાદ કે વધુ વરસાદ બાદ ધીમો સુકારો જોવા મળે તો વરાપ પ્રમાણે આંતરખેડ કરવી. જેથી મુળ વિસ્તારમાં હવાની અવર જવર થઈ શકે.
મૂળ વિસ્તારમાં સળિયાથી હવાની અવર- જવર માટે કાણાં પાડવા, અસર પામેલ છોડની ફરતે ૩ % પોટેશિયમ નાઈટ્રેટ અથવા ૧ % યુરીયાના દ્રાવણ રેડવું જોઈએ. તેમજ ૧ ગ્રામ કોબાલ્ટ ક્લોરાઈડ ૧૦૦ લીટરમાં ઓગાળીને તેનું દ્રાવણ બનાવીને તેનો છંટકાવ કરવો જોઈએ. આ માવજત ખેતરમાં સુકારાની શરૂઆતના ૧૨ કલાકમાં જ કરવી.
છોડ ઉપર ફૂલભમરી અને જીડવાઓ બેઠા હોય ત્યારે પાણી અને પોષકતત્વોની અછત જોવા મળે ત્યારે ૧૯- ૧૯- ૧૯ (એન.પી.કે.) પાણીમાં દ્રાવ્ય ખાતર ૧૦૦ ગ્રામ + માઈકોમિક્સ ગ્રેડ- ૪, ૧૫ ગ્રામ ૧૦ લીટર પાણીમાં ઓગાળીને તેનો પાન ઉપર છંટકાવ કરવો જોઈએ. અસરગ્રસ્ત ખેતરમાં ફુગ જન્ય રોગો અટકાવવા ફુગનાશક કાર્બેન્ડાઝીમ દવાનું ૧૦ ગ્રામ પ્રતિ ૧૦ લીટર પ્રમાણે છોડની ફરતે રેડવું જોઈએ.
કપાસમાં લાલ પાન જોવા મળેથી ડી.એ.પી. ૨ % હુંફાળા પાણીમાં ભેળવીને તેનો છંટકાવ કરવો જોઈએ. મેગ્નેશિયમ સલ્ફેટ ૦.૫ % ના દ્રાવણનો છંટકાવ કરવો જોઈએ. વાવણી બાદ ૨૫ કિગ્રા. હેકટર મેગ્નેશિયમ સલ્ફટ આપવું અને ચૂસિયા પ્રકારની જીવાતોનો નિયંત્રણ કરવું.
ટોચના પાનોની વિકૃતિના નિયંત્રણ માટે ખેતરમાં શેઢા પાળા ઉપર કે પાણીની ફીલ્ડ ચેનલોમાં કે ધાસિયાં ખેતરોમાં ૨- ૪ દિવસ માટે દવાનો છંટકાવ ટાળવો જોઈએ. નિંદામણ નાશક દવાઓના છંટકાવ બાદ પંપ ૨ થી ૩ વખત ધોઈને વ્યવસ્થિત સાફ કરીને જ અન્ય દવાના વપરાશ માટે વાપરવો.
કપાસના ખેતરમાં ૨- ૪ દિવસ દવાનો ઉપયોગ ટાળવો જોઈએ. ગ્રોથ હોર્મોનનો ઉપયોગ ભલામણ મુજબ જ કરવો. ખેતરમાં આવી વિકૃતિ છોડમાં જોવા મળે કે તરત જ ખેતરમાંથી પાણી નીતારી નાંખવું અને ફરી હળવું પિયત આપવું. જમીનમાં વરાપે આંતરખેડ કરવી. ઉપદ્રવિત છોડ ઉપર ૨ % યુરિયાના દ્રાવણનો છંટકાવ કરવો.
જીડવાનો સડો, આંતરીક અને બાહ્ય જીંડવાનો સડો અટકાવવા માટે નાઈટ્રોજનયુકત ખાતરનો વધુ પડતો ઉપયોગ ટાળવો. કળી બેસવાના સમયે ચુસીયા પ્રકારના કિટકોની મોજણી કરતાં રહેવું. સાવચેતીનાં પગલાં તરીકે લીલા જીંડવા અવસ્થાએ વાદળછાયું વાતાવરણ હોય તો જીડવાનાં સડાને અટકાવવા માટે કોપર ઓકસીકલોરાઈડ ૫૦ ગ્રામ અથવા પ્રોપીકોનાઝોલ ૨૫ ઈંસી ૧૦ મીલી અથવા કાર્બન્ડાઝીમ ૫૦ વે.પા. ડબલ્યુપી ૩૦, ૧૦ ગ્રામ ફુગનાશકને ૧૦ લીટર પાણીમાં ભેળવીને તેનો છંટકાવ કરવો. બાહય જીંડવાનાં સડાને રોકવા માટે મેટીરામ ૫૫ % + પાયરાકલોસ્ટ્રોબીન ૫ % ડબલ્યુજી ૨૦ ગ્રામ ૧૦ લીટર પાણીમાં ભેળવીને તેનો છંટકાવ કરવો જોઈએ.
ઉપરાંત આ તમામ દવાના વપરાશ વખતે દવા ઉપર આપવામાં આવેલ લેબલ મુજબ જે- તે પાક માટે આપવામાં આવેલ ડોઝ અને જે તે રોગ કે જીવાત માટેની દવા છે. તેનો ભલામણ મુજબ ઉપયોગ કરવા માટે જણાવવામાં આવે છે.
આ અંગે વધુ જાણકારી મેળવવા માટે આપના વિસ્તારના ગ્રામસેવકશ્રી, વિસ્તરણ અધિકારી, ખેતી અધિકારી, તાલુકા અમલીકરણ અધિકારી, મદદનીશ ખેતી નિયામક, જિલ્લા ખેતીવાડી અધિકારી, નાયબ ખેતી નિયામક વિસ્તરણ, નાયબ ખેતી નિયામક તાલીમનો સંપર્ક સાધી શકાશે. આ અંગે સંપૂર્ણ માહિતી મુખ્ય કપાસ સંશોધન કેન્દ્ર, નવસારી કૃષિ યુનિવર્સિટી અને કપાસ સંશોધન કેન્દ્ર, જૂનાગઢ કૃષિ યુનિવર્સિટી દ્વારા તૈયાર કરવામાં આવી છે. તેમ જિલ્લા ખેતીવાડી અધિકારી, જિલ્લા પંચાયત, જામનગર દ્વારા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ધોરણ-૮ ના તબક્કે લેવાતી "સેટ" અને "મેટ" ટેસ્ટની ફળશ્રુતિ
જામનગર તા. ૧૧: રાજ્ય સરકાર વિવિધ યોજનાઓ થકી અનુસૂચિત જાતિ અને અનુસૂચિત જન જાતિના નાગરિકોનો આર્થિક, સામાજિક તેમજ શૈક્ષણિક વિકાસ થાય તે માટે સતત પ્રતિબદ્ધ છે. અનુસૂચિત જાતિ માટે ખાસ યોજનાઓ ઉપરાંત અન્ય યોજનાઓના પણ તેમની યોગ્ય ભાગીદારી સુનિશ્ચિત થાય તે માટે સરકાર ચિંતિત છે. રાજ્ય સરકાર રાજ્યની તેમજ કેન્દ્રની વિવિધ યોજનાઓના સફળ અને અસરકારક અમલીકરણ વડે અનુસૂચિત જનજાતિના વિકાસ માટે ઉદાહરણરૂપ કાર્ય કરી રહી છે. તેના પુરાવારૂપે દરિયાકાંઠાના છેવાડાના ગણાતા તેવા દેવભૂમિ દ્વારકા જિલ્લામાંથી વિદ્યાર્થિની માજીદુનની વાત જાણીએ.
દેવભૂમિ દ્વારકાનાં કલ્યાણપુર તાલુકાના વતની લાભાર્થી વિદ્યાર્થિની વજીગુડા માજીદુન ઇનુસભાઈ હાલ સરકારી વાણિજ્ય કોલેજમાં પ્રથમ સેમેસ્ટરમાં અભ્યાસ કરે છે. તેઓ પોતાનો સ્વાનુભવ કહેતા જણાવે છે કે, 'અમે માતા પિતા સાથે ૮ ભાઈ બહેનો છીએ, પિતા નોકરી કરતાં જે રીટાયર થયાં છે, અને ભાઈ બહેનોમાં હું સૌથી નાની છું. ધોરણ ૮ દરમ્યાન સરકારી કન્યા શાળા કલ્યાણપુરમાં અભ્યાસ દરમ્યાન આ યોજના વિષે જણકારી મળતા પરીક્ષા આપેલી. પરીક્ષામાં પાસ થયે મને સ્કોલરશીપ મળવાની શરૂ થઈ. આ પરીક્ષામાં સિલેક્ટ થતાં હું મારા આગળના ભણતર માટે નિશ્ચિંત થઈ ગઈ. આર્થિક આધાર મળતાં ભણવામાં પણ વધુ આત્મવિશ્વાસ સાથે જોડાઈ અને હાલ કોલેજમાં ઉત્સાહપૂર્વક અભ્યાસ કરી રહી છું.'
કલ્યાણપુરના ઇન્દિરા આવાસ- પોલીસ લાઈન પાસેના વિસ્તારમાં સહપરિવાર રહેતી વિદ્યાર્થિની માજીદુને સરકારનો આભાર માનતાં કહ્યું હતું કે, આ યોજના અમારા પરિવાર માટે આશીર્વાદરૂપ સાબિત થઈ છે. મને ધોરણ ૯ થી ૧૨ના અભ્યાસ દરમ્યાન દર વર્ષે ૧૨ હજાર લેખે કુલ રૂ. ૪૮,૦૦૦ની સહાય મળી છે. આ યોજના મારા અને મારા જેવા આદિજાતિ વિદ્યાર્થીઓ માટે ખૂબ ઉપયોગી યોજના છે, આ યોજના માત્ર આર્થિક સહાય નહિ, આર્થિક સધિયારા રૂપ નીવડે છે. હું અને મારા જેવા આદિજાતિ વિદ્યાર્થીઓને આ શિષ્યવૃત્તિઓનો લાભ આપી આગળ વધારવા માટે અમે સરકારનો ખૂબ ખૂબ આભાર વ્યક્ત કરીએ છીએ.
નબળી આર્થિક પરિસ્થિતિ ધરાવતા તેજસ્વી વિદ્યાર્થીઓનો ડ્રોપ આઉટ રેશિયો ઘટે અને તેઓ ઉચ્ચતર માધ્યમિક અભ્યાસ કરી શકે તે માટે તે માટે આર્થિક સહાય આપવા નેશનલ મેરીટ કમ મીન્સ સ્કોલરશીપ યોજના સરકારશ્રી દ્વારા અમલમાં મુકવામાં આવી છે. આ યોજના હેઠળ દર વર્ષે ૧૨ હજાર રૂપિયાની આર્થિક સહાય આપવામાં આવે છે. દેશભરમાં દર વર્ષે ૧ લાખ નવા વિદ્યાર્થીઓને આ સહાય આપવામાં આવે છે. ધોરણ ૮ માં ઓછમાં ઓછા ૫૫ ટકા માર્ક મેળવેલ હોય તેવા નવોદય અને કેન્દ્રીય વિદ્યાલયના વિદ્યાર્થીઓ તેમજ નિવાસી શાળાઓના વિદ્યાર્થીઓ સિવાયના સરકારી અને સરકાર અનુદાનિત શાળાઓના વિદ્યાર્થીઓ આ યોજનાનો લાભ લઈ શકે છે. અનુસૂચિત જાતિ અને અનુસૂચિત જનજાતિના વિદ્યાર્થીઓને ધોરણ-૮ ની ટકાવારીને આધારે પાત્રતામાં ૫% છુટછાટ આપવામાં આવે છે.
પાત્ર તેજસ્વી વિદ્યાર્થીઓનું મેરીટ લિસ્ટ તૈયાર કરવા માટે રાજ્ય સરકાર દ્વારા એન.એમ.એમ.એસ. સ્કોલરશીપ પરિક્ષા લેવામાં આવે છે. વિદ્યાર્થીઓ ધોરણ ૮ના તબક્કે આ પરિક્ષા આપી શકે છે. મેટ (મેન્ટલ એબિલીટી) અને સેટ (સ્કોલાસ્ટીક એપ્ટિટયુડ) માં ઓછામાં ઓછા ૪૦% માર્ક્સ મેળવનાર વિદ્યાર્થીઓને શિષ્યવૃત્તિ માટે પાત્ર ઠેરવવામાં આવે છે. અનુસૂચિત જાતિ અને અનુસૂચિત જનજાતિના વિદ્યાર્થીઓ માટે પાત્રતાની ટકાવારી ૩૨% રાખવામાં આવી છે.
શિષ્યવૃત્તિ મેળવનાર વિદ્યાર્થીઓને આગળની શિષ્યવૃત્તિ મેળવવા માટે દસમાં ધોરણમાંં ૬૦% માર્ક્સ લાવવા ફરજિયાત હોય છે, તેમાં અનુસૂચિત જાતિ અને અનુસૂચિત જનજાતિના વિદ્યાર્થીઓને ૫% છુટછાટ આપવામાં આવે છે. વધુમાં આગળનો લાભ મેળવવા માટે પ્રથમ પ્રયાસે ધોરણ ૧૦ અને ૧૨ પાસ કરવા જરૂરી છે. આ યોજનાનો લાભ ડી.બી.ટી. દ્વારા સીધો બેંક ખાતામાં આપવામાં આવે છે.
આમ, માજીદુન જેવાં અનુસૂચિત જનજાતિના અનેક તેજસ્વી છાત્રોને માધ્યમિક શિક્ષણ માટે પ્રેરીને ઉચ્ચ શિક્ષણના દ્વારે પહોંચાડવા માટે સરકારની બહુવિધ શિષ્યવૃત્તિ સહાય અસરકારક માધ્યમ સાબિત થઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગણપતિ બાપ્પા મોરિયા... જય ગજાનન... જય ગણેશ
ભગવાન ગણેશ-ગજાનનનું સ્વરૂપ બધા જીવો, મનુષ્ય, દેવતાઓમાં, સંસારની બધી શક્તિઓમાં બિલકુલ જુદુ પડી જાય છે. શ્રી ગણેશજીનું સ્વરૂપ જ વિશેષ અને દર્શનીય છે. આશ્ચર્યજનક, અકલ્પનીય આકૃતિવાળા ગણેશજીને સમજવા બહુ જ મુશ્કેલ છે.
ગણેશજીએ હાથી અને મનુષ્યના શરીરના ભાગને પોતાના રૂપમાં સંયોજન કરીને બન્નેને ગૌરવાન્વિત કરી એમનો મહિમા સ્થાપિત કર્યો છે.
હાથીની ગર્દનનો ઉપરનો ભાગ અત્યંત મહત્ત્વપૂર્ણ રહસ્યોને અભિવ્યક્ત કરે છે. ગણપતિને હાથીનું મૂખ છે એ તો સર્વવિદ્તિ છે. મૂખમાં જીભ, દાંત, નાક, કાન અને આંખના આ અવયવનો સમાવેશ થાય છે.
ગણેશજીના દર્શન કરતાની સાથે જ તેમના મુખ પર આંખ વિશેષ વિશેષ રૂપથી દેખાય આવે છે. શ્રી ગણેશજીના ધડ ઉપરનો ભાગ હાથીના મૂખનો છે એટલા માટે ગણેશજીની આંખો પણ હાથીની આંખો છે અને હાથીની આંખનો લેન્સ સાધારણ વ્યક્તિના લેન્સ જેવો નથી. આ લેન્સ દૂરબીન, ટેલીસ્કોપના લેન્સ જેવો છે. દૂરબીનના લેન્સથી સામેની વસ્તુ તેના કદથી કંઈ ગણી મોટી દેખાય છે. અર્થાત્ હાથીની આંખો પણ તેમની સામે આવેલ જીવોને તેમની વાસ્તવિક્તાથી કંઈ ગણો મોટો જુએ છે.
આમ ગણેશજીની આંખો એ શિક્ષા આપે છે કે ભલે આપણે ગણાધ્યક્ષ કે મહત્ત્વની પદવી પર હોય તો પણ સામે આવેલ વ્યક્તિનું સન્માન કરો અર્થાત્ માન આપો અને તેમની સમસ્યાને આત્મિયતાથી અને સહાનુભૂતિપૂર્વક સાંભળો.
આમ, પ્રત્યેક વ્યક્તિ જો પોતાના જીવનમાં, સંસારમાં મહત્ત્વપૂર્ણ ઉન્નતિ, પ્રગતિ કરવા ઈચ્છે તો તેને સામેની વ્યક્તિને ગણેશજીની આંખોથી જોવાનું રહેશે. આનાથી તેમના કાર્યો સામેની વ્યક્તિ પર તેમની સારી વર્તણૂક, વ્યવહારને લીધે ચોક્કસપૂર્વ સારી રીતે પાર પાડશે. આમ તે વ્યક્તિ ચોક્કસપણે ગજાનન, ગણાધ્યક્ષ, ગણપતિ બની શકશે. રિદ્ધિ-સિદ્ધિ, લાભ-શુભ સફળતા પ્રાપ્ત કરી શકશે.
શ્રી ગણેશજીના દર્શન કરતાની સાથે જ તેમનું વિશાળ મસ્તક જોવા મળે છે. મોટુ કાર્ય કરવા માટે મોટી જવાબદારી નિભાવવા માટે મોટા મસ્તકની જરૂર પડે છે.
જેમનું મસ્તક વિશાલ, વિચારયુક્ત, ગંભીર યોજનાવાળું હશે તે જ સરદાર અથવા ગણાધ્યક્ષ બનશે. એટલે જ સફળતાની પ્રાપ્તિ માટે પોતાના મસ્તકને ગણેશજી જેમ બનાવવું જોઈએ.
ગણેશજીના મસ્તકમાં અને તેની બુદ્ધિમાં અગણિત વિશેષતા છે એટલે જ ગણપતિનું પદ પ્રાપ્ત થયેલ છે. જે વ્યક્તિ જીવનમાં આગળ વધવાની ઈચ્છા રાખે છે, શ્રી ગણેશજીની જેમ જ પ્રથમ પૂજ્ય કે વિશેષ વ્યક્તિ બનવાની ઈચ્છા રાખે છે તેને પોતાની દૃષ્ટિ-રીતિ-નીતિ, હાવ-ભાવ, કર્, ચાલ-ચલગત, પોતાની અંદરની નીતિ કે બહારની નીતિ ગણેશજીની જેમ જ બનાવી લેવી જોઈએ. જે વ્યક્તિ પોતાનામાં શ્રી ગણેશજીના ગુણો વધુમાં વધુ અપનાવી લેશે તેને જ મોટું સન્માનિય પદ મળશે.
હાથી પોતાનું મસ્તક મૃતિકા, ચિકિત્સા અર્થાત્ પ્રાકૃતિક ચિકિત્સા અનુસાર ભીની માટીથી વારંવાર ઠંડુ રાખે છે અને ઠંડા મસ્તકવાળા જ પોતાનું ધાર્યું કામ કરાવી શકે છે. ગણશેજી પણ પ્રાકૃતિક ચિકિત્સા (પાણી-સ્નાન-શાકાહારી ખોરાક) ને મહત્ત્વ આપીને એ સંદેશ આપે છે કે શાકાહારી હોવા છતાં બધી રીતે સ્વસ્થ, તંદુરસ્ત રહી શકીએ છીએ. હાથી પણ પૂર્ણ શાકાહારી છે. તેનું શરીર પણ શાકાહારી હોવા છતાં ખૂબ જ કદાવર છે. ખાસ તો હાથી જો નદી કિનારે કે જ્યાં પાણીની સગવડ હશે ત્યાં તે ભોજન લેતા પહેલા ચોક્કસ સ્નાન કરશે અને ભોજન પહેલા સ્નાન લેવાથી પાચન શક્તિ તીવ્ર બનશે. ભૂખ પણ સારી લાગે છે અને તંદુરસ્તી સારી રહે છે. આમ ગણેશજીના અંગના દરેક સ્વરૂપથી એક નહીં, પરંતુ અનેક સંદેશ મલે છે. શરીર સ્વસ્થ હશે તો પ્રત્યેક વ્યક્તિને જીવનના કાર્યોમાં સરળતા રહેશે.
ગણેશજીના કાન પણ આપણને કંઈક વિશેષ સંદેશ આપે છે કે સંસારમાં આગળ વધવું હોય તો પોતાના કાન પણ હાથીના કાનની જેમ રાખવા જોઈએ.
ગણેશજીનું મસ્તક હાથીનું છે એટલે તેમના કાન પણ અનાજ સાફ કરવાના સુપડા જેવા મોટા છે.
સંસારમાં રિદ્ધિ-સિદ્ધિની તમન્નાવાળી વ્યક્તિ, સત્તાધીશોએ પોતાના કાન ગણેશજીના કાનની જેમ બનાવી લેવા જોઈએ. દરેકની બધી વાતો સાંભળો, સારી સારી વાતો, સૂચનો ધ્યાનમાં રાખી લો, નકામી વાતોને ગણકાર્યા વગર કાઢી નાખો અને પોતાના માર્ગ પર પોતાના જ આયોજન અનુસાર આગળ વધતા રહેવું જોઈએ.
હાથી જ્યારે આવતો હોય છે, ત્યારે કૂતરો ભસતો-ભસતો, હાથીના ભારેખમ શરીરથી ડરતો ડરતો હાથીની ખૂબ જ દૂર રહીને ચાલતો હોય છે.
પરંતુ હાથી પર કે જીવનમાં આગળ વધનાર વ્યક્તિને પોતાની આસપાસ ખોટો શોર મચાવવાવાળા કે આંદોલનકારીઓની વ્યર્થ નારેબાજી કોઈ પ્રભાવ નથી પાડતી. તે તો પોતાની યોજના અનુસાર પોતાના લક્ષ્યની આગળ વધતા જ રહે છે.
ગજકર્ણ-હાથી જેવા મોટા કાનવાળા, મદ-લોભ, કામ, ક્રોધ, ઈર્ષ્યા, દ્વેષ વગેરેથી દૂર રહીને પોતાના વિશાળ મસ્તકમાં, પોતાની યોજના અનુસાર પ્રત્યેક વ્યક્તિનું હિત ધ્યાનમાં રાખીને કામ કરતા વ્યક્તિ જ ગણતંત્રના જનતાના ગણપતિ-ગજકર્ણ કહેવાને યોગ્ય છે.
જો તમે તમારા જીવનમાં સફળતા, સિદ્ધિ, ધન-દૌલત પ્રાપ્ત કરવાનું ઈચ્છતા હો તો તમારી કાર્યશૈલી-યોજનાઓ સંસારમાં પ્રદર્શન કરવા માટે એવી રીતે રજૂ કરવી જોઈએ, જેનાથી સફળતામાં બીજા લોકો તરફથી સહાય મળી શકે અને યોજનાની કે ધંધાની પૂરેપૂરી વાત-માહિતી પણ જાહેર ન થવી જોઈએ. જેટલી નીતિ ગુપ્ત હશે તેટલી સફળતા મળશે.
શાસ્ત્રોમાં પણ સિદ્ધિની, મંત્રની, રાજનીતિની રહસ્યપૂર્ણ વાતોને ગુપ્ત રાખવાનું કહેલ છે. જે કાર્યની માહિતી ખાનગી નહીં રહે તે કાર્યમાં સફળતા મળવી મુશ્કેલ છે અને તેથી જ જે લોકો પોતાના વેપાર-ધંધામાં-રાજકારણમાં પોતાની યોજનાને ગુપ્ત રાખે છે, તેટલી વધારે સફળતા મેળવે છે.
સંસારમાં કોઈપણ જીવની જીભ ગણશેજી જેવી નથી. દરેક જીવની જીભ અંદરથી બહારની તરફ આવે છે, જ્યારે હાથીની જીભ તો દાંતના મૂળથી કંઠ તરફ એટલે કે અન્ય જીવોની જીભથી ઉલટી રીતે વિશેષ પ્રવૃત્ત જણાય છે. બહર્મૂખ જીભ જ સર્વે આપત્તિનું કારણ છે. આપણે આપણી જીભ જ બીજાની તરફ ન કરતા આપણી તરફ કરી લેવી જોઈએ એટલે કે આપણે જે વાત બીજાને કહેવાની છે, તે જ વાત આપણે પોતાને કહી, વિચારીને બોલવું જોઈએ તે વાત આપણને સારી લાગે તો બીજાન કહેવાની...
ગણેશજીની જીભ એથી વિપરિત અર્થાત્ અંતર્મૂખ હોવાથી તે નિર્વિઘ્નતાના વિધાતાછે. આથી જ ગણપતિ વિઘ્ન વિનાયક કે વિઘ્ન વિનાશક કહેવાય છે. જે વ્યક્તિ બોલવામાં ધ્યાન રાખશે તેમના કાર્યોમાં એક પણ વ્યક્તિ વિઘ્ન નહી નાખે. તેમની મીઠી બોલીને કારણે તેમના કાર્યોમાં સહભાગી બની જશે અને ફલ સ્વરૂપે તેમને સિદ્ધિ પ્રાપ્ત થશે જ.
જીવનમાં સફળતા પ્રાપ્ત કરવી હશે તો પ્રિય મધૂર, સંતુલિત, સંયમિત સભ્યવાણી જ બોલવી જોઈએ.
ગણેશજીનું મસ્તક હાથીનું છે અને હાથીની સુંઢની જેમ જ ગણેશજીનું નાક સંસારના બાકીના જીવો કરતા ખૂબ જ મોટું છે. જીવનમાં સફળ થવા માટે હાથીની જેમ શત્રુઓથી સાવધાન રહેવું જોઈએ જેમ કે હાથી સુંઢ દ્વારા ફૂંક મારતો મારતો કીડી-મકોડા જેવા જીવજંતુઓને ઊડાડતો ઊડાડતો ચાલતો જાય છે. આ જ આપણને દર્શાવે છે કે કીડી જેવા નાના નાના જંતુ પણ મોટા શત્રુની જેમ આપણને હાની પહોંચાડી શકે છે એટલે જ સાવધાનીપૂર્વક ચાલવું જોઈએ.
હાથીની સુંઢ અત્યંત દૂરના પદાર્થને ગંધ પરથી તે પારખી શકે છે. તેને માટે હાનિકારક એવા વાઘ, સિંહ, જેવા પશુઓના અસ્તિત્વનું જ્ઞાન તેને દૂરથી જ થાય છે. આ રીતે આત્મરક્ષણ માટે સુંઢ ખૂબ ઉપયોગી અંગ છે.
આમ ગણેશજીની સુંઢ સંવેદન, સંરક્ષણ અને સંવર્ધની ઘોતક છે. સુંઢ એ ગણપતિનું નાક પણ છે. નાક પ્રતિષ્ઠાનું ઘોતક છે. નાક ન હોવું, નાક કપાવું, લાંબુ નાક હોવું, નાક બચાવવું વગેરે વાક્ય પ્રયોગ આ બાબતના પ્રમાણ છે.
નાકની પ્રતિષ્ઠા માટે વ્યક્તિ અનેક ઉપાય કરે છે અને એવા કાર્યોથી બચવાનો પ્રયત્ન કરે છે જેનાથી તેની પ્રતિષ્ઠાને નુક્સાન ન પહોંચે. પોતાના લાંબા નાક દ્વારા ગણપતિ મનુષ્યને પોતાની લાંબા સમયની પ્રતિષ્ઠાનું રક્ષણ કરવાનો સંદેશ આપે છે અને પ્રતિષ્ઠા વધારે એવા કાર્યોમાં પ્રવૃત્ત થવાની પ્રેરણા આપે છે.
દિલીપ ધ્રુવ - જામનગર
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જન્માષ્ટમીના તહેવારો પછી તે જ પ્રકારની ધામધૂમથી ગણેશોત્સવની ઉજવણી થતી હોય છે. વિઘ્નહર્તા ગણપતિજીની પ્રતિમાઓનું સ્થાપન કરીને ઠેર-ઠેર પંડાલોમાં ગણેશજીના પૂજન-અર્ચન સાથે વિવિધ ધાર્મિક-આધ્યાત્મિક કાર્યક્રમો પણ યોજાતા હોય છે. ગણેશજીના જન્મને સાંકળીને વિવિધ કથાઓ ગણેશચતુર્થીને લઈને પ્રચલિત છે અને ગણેશચતુર્થીથી ગણેશોત્સવની સાર્વત્રિક ધામધૂમથી ઉજવણી થાય છે. આ વર્ષે પણ ખૂબ જ ઉત્સાહ અને ભક્તિમય માહોલમાં ગણેશોત્સવ ઉજવાઈ રહ્યો છે.
કોઈપણ શુભકાર્યની શરૂઆત ગણેશ સ્થાપનાથી જ થાય છે. ગણપતિજી વિઘ્નહર્તા છે. ગણેશજીની પૂજા-ભક્તિથી રિદ્ધિ-સિદ્ધિ પ્રસન્ન રહે છે. ગણેશજીના બુદ્ધિચાતુર્યની પણ ઘણી જ કથાઓ પ્રચલીત છે. શિવપુત્ર ગણેશજી સુંઢાળા કેવી રીતે થયા, તેની પણ પ્રચલિત કથાઓ લોકપ્રિય છે.
પર્યાવરણની સુરક્ષા અને વિસર્જન પછી ગણેશજીની પ્રતિમાઓ અપમાનજનક સ્થિતિમાં ન મૂકાય, તે માટે હવે ઈકો-ફ્રેન્ડલી એટલે કે માટીની પ્રતિમાઓ સ્થાપિત કરવાનું ચલણ વધ્યું છે, અને હવે તો પર્યાવરણને હાનિકર્તા પ્રતિમાઓના નિર્માણ, વેંચાણ અને સ્થાપન પર પણ અંકુશો મૂકાયા છે.
બોલો ગણપતિ બાપા મોર્યા...
ગણપતિ ગજાજનની જય...
ઓમ ગણપતેય નમઃ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આ વર્ષે તા. ૧ થી ૭ સપ્ટેમ્બર સુધી ઉજવાયેલા પોષણ સપ્તાહનું થીમ 'સૌ માટે પોષક આહાર' હતું. આ ઉજવણી દરમિયાન સ્વાસ્થ્ય, પોષક આહાર અને પોષણ અભિયાનના વિષયો પર કાર્યક્રમો, સેમિનારો, એક્ઝિબિશનો, સ્પર્ધાઓ અને વ્યાખ્યાનો યોજાય છે.
પોષણ સપ્તાહને જનઆંદોલનનું સ્વરૂપ અપાયું છે. પ્રસૂતા બહેનો, ગર્ભવતી મહિલાઓ અને નવજાત શિશૂઓ તથા બાળપોષણને કેન્દ્રમાં રાખીને દેશભરમાં વિવિધાસભર કાર્યક્રમો યોજાય છે.
રાષ્ટ્રીય પોષણ સપ્તાહની સૌ પ્રથમ વખત માર્ચ ૧૯૭પ માં અમેરિકન ડાયટેટિક એસોસિએશન દ્વારા ઉજવણી થઈ હતી, જે હવે એકેડમી ઓફ ન્યુટ્રિશન એન્ડ ડાયટેટિક્સના નામથી ઓળખાય છે.
પોષણ અને શિક્ષણનો વ્યાપ વધારીને ભાવિ પેઢીને સશક્ત અને શિક્ષિત બનાવવાના ઉદ્દેશ્યથી ઉજવાતું આ સપ્તાહ કુપોષિત બાળકોની સંખ્યા વિશ્વભરમાંથી ઘટાડવા અને કુપોક્ષણના કારણે મૃત્યુની સંભાવનાઓ ઘટાડવા આ વર્ષે 'સૌ કોઈ માટે પોષણની જરૂરિયાત' જેવા વિષયો પર વિવિધ કાર્યક્રમો યોજાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
માત્ર કચ્છમાં જોવા મળતું પક્ષી દેખાયુ ઘર આંગણે
પક્ષી જગત એક અલગ જ દુનિયા છે, માત્ર ભારતમાં જ ૧ર૦૦ કરતા વધુ પ્રકારના નાના-મોટા અને રંગબેરં પક્ષીઓ જોવા મળે છે, જામનગર પક્ષીઓ માટે સ્વર્ગ કહેવામાં આવે છે. અહીં આ વર્ષે પણ કાળા તેતર અહીં જોવા મળ્યા જે અનોખી ઘટના છે. જામનગરના પક્ષી પ્રેમી અને વાઈલ્ડલાઈન ફોટોગ્રાફર યશોધનભાઈ ભાટીયા, આશિષ પાણખાણીયા અને હિરેન ખંમભાયતા સમાણા વિસ્તારમાં પક્ષી નિરીક્ષણ કરવા ગયા હતા તે દરમિયાન તેઓને બ્લેક ફ્રેંકોલીન એટલે કે કાળો તેતર પક્ષીના અવાજ સાંભળવા મળ્યા સામાન્ય રીતે આ પક્ષી ગુજરાતના કચ્છ સિવાય કોઈ જગ્યાએ નોંધ થયું નથી એટલે આ કાળા તેતરનો અવાજ સાંભળી આ પક્ષીવિદે ચોંકી ઉઠ્યા હતાં.
જામનગરમાં કાળા તેતરનો અવાજ ખટિયાવિડી વિસ્તારમાં સાંભળવા મળતા કલાકો સુધી વિડી વિસ્તારમાં કેમેરા અને બાયનોક્યુલર લઈ ફરી વળ્યાં અને તેવોના આશ્ચર્ય વચ્ચે તેમને ૬ થી વધુ કાળા તેતર જોવા મળ્યા હતાં. વર્ષો પૂર્વે જામસાહેબ રણજીતસિંહજી દ્વારા આ જ વિસ્તારમાં કાળા તેતર પ૦૦ પેર બહારથી લાવી છોડવામાં આવી હતી. પરંતુ કોઈ કારણોસર પાંચ વર્ષમાં અહીં આ પ્રજાતિ ફરી લૂપત થઈ ગઈ હતી પણ..., આજે વર્ષો બાદ જામનગરમાં પ્રથમ વખત કાળો તેતર પક્ષી જોવા મળ્યું તેનો આનંદ તો આ ત્રણ પક્ષી પ્રેમીઓને હતો જ પણ એક બીજી અનોખી ઘટના એ હતી કે પચરંગી તેતર અને કાળો તેતર બંને એક જ જગ્યાએ જોવા મળ્યા જેનો હજું સુધી કોઈ સાયન્ટિફિક રેકર્ડ નથી જે જામનગરમાં બન્યો. જામનગરના ખટિયા વિડીમાં કાળા તેતર જોવા મળતા જામનગર અને સમગ્ર ગુજરાતના પક્ષી પ્રેમીઓમાં એક રોમાંચ જોવા મળી રહ્યો છે અને આ ઘટના અંગે અન્ય પક્ષી સંસ્થાઓ અને વેબસાઈડમાં પણ જાણ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઈન્ડોનેશિયામાં ચાલુ કથાએ વ્યાસપીઠ પરથી આપી શ્રદ્ધાંજલિ
જામનગર તા. રરઃ ગુજરાતી સાહિત્ય જગત તથા શિક્ષણ ક્ષેત્રે શ્રી લાભશંકર પુરોહિત (જન્મ :૨૯-૧-૧૯૩૩, ચિરવિદાય :૨૧-૦૮-૨૦૨૪)નું નામ અત્યંત ગૌરવભેર લેવામાં આવે છે. તેમણે જામનગરમાં વસવાટ કરી 'છોટીકાશી' ને પણ કાશી ની જેમ પાંડિત્યની નગરી હોવાનું ગૌરવ પ્રદાન કર્યુ હતું. તેઓ મધ્યકાલીન તથા અર્વાચીન ગુજરાતી સાહિત્ય, લોકવિદ્યા/લોકસાહિત્ય, સંતસાહિત્ય, ચારણી/બારોટીસાહિત્ય, ઈતિહાસ, પુરાણો, તત્ત્વજ્ઞાનના વિદ્વાન વિરલ અભ્યાસી તથા શાસ્ત્રીયસંગીત, લોકસંગીત, ભક્તિસંગીત અને સુગમસંગીતના તજજ્ઞ તથા અંગ્રેજી, સંસ્કૃત અને ગુજરાતી ભાષા-સાહિત્યના જાણકાર હતાં પંડિતયુગનાં વિવેચકોની પરંપરાના વર્તમાન સાક્ષરોમાં તેમનું નામ મોખરાનું હતું.
સાહિત્ય,શિક્ષણ અને ધર્મના ક્ષેત્રમાં 'લાભુદાદા' તરીકે ઓળખાતા લાભશંકર ધનજીભાઈ પુરોહિતે ગુજરાતી-હિન્દી વિષયો સાથે પ્રથમ વર્ગમાં બી.એ.ની પદવી પ્રાપ્ત કરેલી, એમ.એ.ની પદવી ગુજરાતી-સંસ્કૃત વિષયો સાથે પ્રથમ વર્ગમાં પ્રથમ સ્થાન મેળવેલ અને કવિશ્રી દલપતરામ સુવર્ણચન્દ્રકના અધિકારી બન્યા હતાં. જ્યારે સનદી અધિકારી અને શૈક્ષણિક પ્રધ્યાપકોની જીપીએસસી એક હતી ત્યારે તેઓ ડે.કલેકટર તરીકે જઈ શકે તેમ હતા પરંતુ તેઓ પ્રાધ્યાપક થયા.
ઈ.સ. ૧૯૬૨થી ૧૯૯૨ સુધી ગુજરાતી વિષયના તેજસ્વી અધ્યાપક તરીકે બહાઉદ્દીન કોલેજ જૂનાગઢમાં, અને રાજકોટ, ભાવનગર, અમદાવાદની સરકારી કોલેજો તથા ડી.કે.વી.કોલેજ જામનગરમાં આચાર્ય તરીકે પણ સેવાઓ આપી. તેમણે રાષ્ટ્રીય કક્ષાનાં અસંખ્ય પરિસંવાદો-સેમિનારમાં મુખ્ય વક્તા કે અભ્યાસી સંશોધક વિદ્વાન તરીકે વ્યાખ્યાનો આપ્યાં છે.
ગુજરાતની તમામ યુનિવર્સિટીઓમાં તથા મુંબઈ યુનિ. અને એસ.એન.ડી.ટી.યુનિ. મુંબઈમાં મુલાકાતી પ્રાધ્યાપક કે વિશિષ્ટ વક્તા તરીકે છેલ્લાં પચીસેક વર્ષથી સાહિત્ય અને સંગીત વિષયક અનેક વ્યાખ્યાનો આપેલાં છે. વિસનગરમાં યોજાયેલા ગુજરાતી સાહિત્ય પરિષદનાં ૪૦ માં અધિવેશનમાં સંશોધન-વિવેચન વિષયનાં વિભાગીય અધ્યક્ષ તરીકે તથા શ્રી ડોલરરાય માંકડ વ્યાખ્યાનમાળા (૧૯૯૫), શ્રી સોમનાથ સુવર્ણજયંતી વ્યાખ્યાનમાળા (૨૦૦૧), શ્રી વિ.મ.ભટ્ટ સ્મારક વ્યાખ્યાનમાળા (૧૯૯૭), શ્રી દર્શક વ્યાખ્યાનમાળા (૧૯૯૭)માં મુખ્ય વક્તા તરીકે અભ્યાસપૂર્ણ વ્યાખ્યાનો આપ્યાં હતાં.
ફાર્બસ ગુજરાતી સભા મુંબઈનાં ઉપક્રમે મધ્યકાલીન શબ્દસંપદા' વિષયે પાંચ દિવસની સ-ગાન વ્યાખ્યાનશ્રેણી (૨૦૦૩) માં ; પ્રસારભારતી, આકાશવાણી રાજકોટ દ્વારા 'અષ્ટછાપ કરત ગાન'શીર્ષક અંતર્ગત કીર્તનગાન પરંપરા વિશે તથા દૂરદર્શન રાજકોટ પરથી પ્રસારિત દસ્તાવેજી રૂપક 'પુષ્ટિ મહારસ દેન'માં અપાયેલાં સ-ગાન વક્તવ્યોને રાષ્ટ્રીય આર્કાઈવલ શ્રેણીઓમાં કાયમી રીતે જાળવી રાખવામાં આવ્યાં છે. વર્ષો સુધી એમણે મોરારીબાપુ પ્રેરીત ગુજરાતનાં કથાકારોનાં સંગઠન 'ત્રિવેણી'ના સંયોજક તરીકે સેવાઓ આપી.
સૌ કથાકારોને અલાહાબાદ કુંભમેળા અને થાઈલેન્ડ સુધીની યાત્રાઓ કરાવી. જોડિયામાં યોજાતા ગીતાજયંતી ઉત્સવમાં પણ સંયોજક-સંચાલક તરીકે એમનું પ્રદાન કાયમ યાદ રહેશે.
ઈ.સ.૧૯૯૯માં પ્રકાશિત થયેલ તેમનાં વિવેચન સંગ્રહ 'ફલશ્રુતિ' જેમાં સાહિત્ય, સંગીત અને લોકપરંપરાને લગતા અભ્યાસલેખો છે, તેને ગુજરાતી સાહિત્ય પરિષદ, અમદાવાદ તથા ગુજરાત સાહિત્ય અકાદમી ગાંધીનગર દ્વારા શ્રેષ્ઠ વિવેચન ગ્રંથ તરીકેનાં પ્રથમ ઈનામો પ્રાપ્ત થયા હતાં
ઈ.સ.૨૦૦૯માં પ્રાચીન મધ્યકાલીન સાહિત્યને લગતાઅભ્યાસ/વિવેચન લેખોનો સંગ્રહ 'અંતઃશ્રુતિ' પ્રકાશિત થયો.એ સિવાય કેન્દ્રીય સાહિત્ય અકાદમી ન્યૂ દિલ્હી તરફથી 'મણિલાલ નભુભાઈ દ્વિવેદી' (મૂળ અંગ્રેજીનો અનુવાદ); શ્રી ઉપેન્દ્ર પંડયા સ્મૃતિગ્રંથ 'પરથમ પરણામ' (સંપાદન) પ્રકાશિત થયા છે. અર્વાચીન/આધુનિક ગુજરાતી સાહિત્યને લગતા અભ્યાસલેખો શબ્દ પ્રત્યય'શીર્ષકથી અને લોકસાહિત્ય, લોકપરંપરાને લગતા અભ્યાસલેખો 'લોકાનુસંધાન' શીર્ષકથી પ્રકાશિત થયાં છે.
અમદાવાદનાં શાહીબાગ વિસ્તારમાં આવેલ હઠીસિંહની વાડીના પટાંગણમાં જૈનાચાર્યશ્રી આચાર્ય વિજયશીલચન્દ્રસૂરિજી મહારાજસાહેબની નિશ્રામાં તા.૦૯/૧૦/૨૦૧૦ ના રોજ ગુજરાતી ભાષા-સાહિત્યના ત્રણ તેજસ્વી વિદ્વાનો સર્વ શ્રી કનુભાઈ જાની અને ડૉ.હસુભાઈ યાજ્ઞિકની સાથે શ્રી લાભશંકર પુરોહિતને પણ મધ્યકાલીન ગુજરાતી સાહિત્ય અને લોકસાહિત્ય પરનાં વિધાકાર્યો માટે 'કલિકાલ સર્વજ્ઞ હેમચન્દ્રાચાર્ય ચંદ્રક' અર્પણ કરવામાં આવ્યો હતો. ત્યારબાદ મોરારીબાપુનાં હસ્તે શ્રી મનુભાઈ પંચોળી 'દર્શક' ફાઉન્ડેશનનો ર૦રર વર્ષનો સાહિત્ય એવોર્ડ, સાવરકુંડલાના વિદ્યાગુરુ ફાઉન્ડેશન દ્વારા 'દર્શક એવોર્ડ' જેવાં અનેક સન્માનો એમને પ્રાપ્ત થયા હતાં. મોબાઈલ/યુટયૂબ પર શોધ કરતાં એમના દ્વારા અપાયેલ મુલાકાતો, વક્તવ્ય અને ગાનની વાત કરવા જઈએ તો પુસ્તકો ભરાઈ જાય એટલું વિપુલ એમનું પ્રદાન છે. તેમની આવી જ કૌટુંબિક ઉજવળ શૈક્ષણિક પરંપરા જાળવતા તેમના પુત્ર અરવિંદભાઈ મધ્યપ્રદેશનાં રાજ્યપાલના ખાસ ફરજ પરના અધિકારી તરીકે સેવારત તે પણ દાદા ના પુણ્યનો પ્રતાપ છે એમ કહી શકાય.
લાભુદાદાનાં ગોલોકવાસી થવાથી એક પંડિત યુગ આથમી ગયો એમ કહી શકાય. જેને પગલે સમગ્ર સાહિત્ય જગતમાં શોકની લહેર છે. પ્રસિદ્ધ રામ કથાકાર પૂ. મોરારી બાપુ હાલ ઇન્ડોનેશિયામાં કથા કરી રહ્યા છે ત્યાં તેઓને લાભુ દાદાની ચિરવિદાયનાં સમાચાર પ્રાપ્ત થતા તેમણે વ્યાસ પીઠ પરથી તેઓને શ્રદ્ધાંજલિ અર્પણ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
બાગાયત યોજના હેઠળ સવા બે લાખથી વધુની સહાય સાથે નવતર પહેલ
જામનગર તા. ૨૧: જામનગર તાલુકાના ઠેબા ગામના પ્રગતિશીલ ખેડૂત અશોકભાઈ સાંઘાણી માટે બાગાયત કચેરી, જામનગરની આર્થિક સહાયએ આર્થિક સદ્ધરતાના દ્વાર ખોલ્યા છે. પરંપરાગત ખેતી કે રૂઢિગત કૃષિ પદ્ધતિ અપનાવ્યા વિના અશોકભાઈએ એક નવી જ પહેલ આરંભી છે. તેઓએ રૂ. ૨.૨૭ લાખની સહાય મળતા જ ઠેબા ગામમાં પોતાની ''જય સોમનાથ નર્સરી'' શરુ કરી છે. જ્યાં તેઓ રોપ તથા બીજનું અન્યોને નજીવા દરે વેચાણ કરી આર્થિક લાભ સાથે રૂઢિગત ખેતી કરતા ખેડૂતો માટે પણ પ્રેરણારૂપ બન્યા છે. અશોકભાઈ માત્ર રૂ. ૩ થી શરુ કરીને રૂ. ૧૦૦ સુધીમાં શાક્ભાજી અને ફળોના વિવિધ બિયારણ, ખાતર અને રોપાનું વેંચાણ કરે છે.
બાગાયત ખાતાની સહાયલક્ષી યોજના અંતર્ગત તૈયાર કરેલી સ્વરોજગરલક્ષી બાગાયત નર્સરી વિશે અશોકભાઈ જણાવતા કહે છે કે, પહેલા તેઓ પરંપરાગત પદ્ધતિથી ખેતી કરતા હતા. પછી તેઓએ જામનગરની નાયબ બાગાયત નિયામકશ્રીની કચેરીના બાગાયત અધિકારી શ્રી પ્રતિકભાઈ બારોટનો સંપર્ક કર્યો હતો. તેમેની પાસેથી નર્સરીમાં રોપ ઉછેર તૈયાર કરવાનું માર્ગદર્શન મેળવી તેમણે નવતર પ્રયોગ તરીકે શાકભાજીના રોપ અંગેની નર્સરી બનાવવાનું વિચાર્યું.
તેઓ નર્સરીમાં મરચી, રીંગણા, ટામેટા સહિત અનેક શાકભાજીના રોપ તૈયાર કરે છે. આ ઉપરાંત તેઓ નર્સરીમાં ગલગોટા, સેવંતી વગેરે ફૂલોના રોપનો પણ ઉછેર કરે છે. તેમજ નર્સરીમાં સીતાફળ, આંબા, જામફળ, નાળિયેર જેવા ફળપાકની કલમોનો પણ ઉછેર કરે છે. આમ અશોકભાઈ હર્ષની લાગણી અનુભવતાં જણાવે છે કે રોપનો પહેલા પરંપરાગત પદ્ધતિથી ઉછેર કરવામાં ઉગવાનો દર, જગ્યા, નિંદામણ, જીવાત, છોડનો વિકાસ, વરસાદ, પવન તેમજ પ્રાણીઓથી રોપને નુકસાન થતું હતું. જ્યારે નર્સરીમાં વીડ મેટ અને પ્લગ ટ્રે માં રોપ ઉછેરવાથી ઉપરોક્ત તમામ પ્રકારના નુકસાનથી બચી શકાય છે, બિયારણ ઉગવાનો દર સારો રહે છે અને ખર્ચ ખૂબ ઓછો આવે છે. આ માટે અમને બાગાયત વિભાગ તરફથી સ્વરોજગરલક્ષી બાગાયત નર્સરી માટેની રૂ. ૨,૨૭,૧૪૬ ની સહાય મળેલ છે. અમે ત્રણ મહિના પહેલા આ નર્સરીની શરૂઆત કરી હતી અને અત્યારે તેમને સારો પ્રતિસાદ મળી રહ્યો છે.
અશોકભાઈની વાર્ષિક આવક અત્યારે રૂ. ૪,૦૦,૦૦૦ થી વધુ છે. અશોકભાઈએ આગળ જણાવ્યું હતું કે, અમારી નર્સરી ખાતે બાગાયત વિભાગના અધિકારીઓ દ્વારા મુલાકાત લેવામાં આવી હતી. તેઓએ અમને માર્ગદર્શન આપ્યું હતું અને તે મુજબ અમે વાવેતર કર્યું છે. જેનાથી અમારા ઉત્પાદનમાં વધારો થયો છે. હાલમાંં સિઝનમાં વરસાદ સારો થયો છે તેથી મબલખ ઉત્પાદન મળ્યું છે. શાકભાજી અને ફ્રૂટમાં અમે રીંગણ, ટામેટાં, મરચી, જાંબુ, સ્ટારફ્રુટ, ડ્રેગનફ્રૂટ સિવાય ફૂલઝાડમાં ગલગોટા, તુલસી, મોરપંખ, કરેણ, ગુલાબ વગેરેના રોપ બનાવીએ છીએ. જેની ગ્રાહકમાં બહોળા પ્રમાણમાં માંગ જોવા મળે છે.
અશોકભાઈ અંતમાં જણાવે છે કે, હાલના વર્તમાન પરિસ્થિતિ અને વાતાવરણને જોતા દરેક વ્યક્તિ પ્રાકૃતિક કૃષિના માર્ગ તરફ વળે તે ઈચ્છનીય છે. દરેક પોતાના ઘરે કિચન ગાર્ડનનું નિર્માણ કરે, જેથી સૌને રાસાયણિક ખાતરમુકત શુદ્ધ અને સાત્ત્વિક શાકભાજી, ફળ આપણે ઘરે બેઠા મેળવી શકીએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ચારો દિશા દહાડવાલી હૈ, ગીર કી બાત હી નિરાલી હૈ
રાજ્યસભા સાંસદ તથા રિલાયન્સ ઇન્ડસ્ટ્રીઝનાં કોર્પોરેટ અફેર્સ ડિરેક્ટર પરિમલભાઇ નથવાણીનું નવું પુસ્તક 'કોલ ઓફ ધ ગીર' તાજેતરમાં પ્રકાશિત થયું છે. જે તેમણે વડાપ્રધાન નરેન્દ્ર મોદીને સમર્પિત કરી તેની પ્રથમ પ્રત વડાપ્રધાનને ભેટ કરી હતી. ગીરનાં સિંહજીવન અને વન્યજીવનને ઉજાગર કરતી તસ્વીરોથી સભર ૮૪ પેજનું આ દળદાર પુસ્તક વાઇલ્ડ લાઇફ લવર્સ અને પ્રકૃતિ પ્રેમીઓ માટે એક દસ્તાવેજ સમાન છે એમ કહી શકાય.
'કોલ ઓફ ધ ગીર' એ અંગ્રેજી ભાષમાં લખાયેલ તથા અંગ્રેજી ભાષાનાં ખ્યાતનામ પબ્લિશર 'ક્વિગનોગ' દ્વારા પ્રકાશિત લક્ઝરી કોફી ટેબલ બુક છે.હાર્ડકવર ધરાવતા પુસ્તકનાં પ્રથમ મુખપૃષ્ઠ પર સિંહની મુખાકૃતિનો ક્લોઝ અપ ફોટો અનેક અર્થો પ્રગટ કરી પુસ્તક વાંચવા પ્રેરણા આપનારો છે. મોનાલીસાનાં ચિત્ર જેવું અકળ રહસ્ય આ મુખપૃષ્ઠનાં સિંહની આંખોમાં ઝળકતું જોવા મળે છે.
પુસ્તકમાં અનુક્રમણિકાની સમાંતર લેખક પરીમલભાઈનો સંદેશ પ્રસ્તુત કરવામાં આવ્યો છે. તેમણે આ પુસ્તક દ્વારા વાચકનાં મનમાં ગીર પ્રત્યે પ્રેમ ઉદભવે એ બાબતને પોતાની શ્રેષ્ઠ સફળતા ગણાવી છે જે તેમનો ગીર અને તેનાં સિંહ જીવન પ્રત્યેનો અનહદ પ્રેમ અને સમર્પણ ઉજાગર કરે છે.
પુસ્તકનાં આરંભે જ પુસ્તક વિશે વડાપ્રધાન નરેન્દ્રભાઈ મોદીનો સંદેશ પુસ્તકની ગરિમાને ગગનચુંબી બનાવે છે.
ઉપરાંત 'વનતારા' નાં સ્વપ્નદૃષ્ટા અને વિશ્વભરમાં એનિમલ લવર તરીકે ખ્યાતિ પામેલા રિલાયન્સના અનંત અંબાણીનો સંદેશ પણ પુસ્તકનાં વિષયને તેનાં મર્મજ્ઞનાં સમર્થનરૂપ છે.અનંત અંબાણીએ આ પુસ્તકને 'માસ્ટર પીસ' સમાન ગણાવ્યું છે.
આ ઉપરાંત પુસ્તકમાં કેન્દ્રીય પર્યાવરણ અને વન મંત્રી ભૂપેન્દ્રભાઇ યાદવ તથા ગુજરાતનાં પર્યાવરણ અને વનમંત્રી મૂળુભાઇ બેરાનાં સંદેશ પણ પુસ્તકને અધિકૃતતાની મહોર લગાવે છે.
પુસ્તકને સૌથી મોટી અધિકૃતતા તો વાચકોનાં હૃદયમાં મળે છે. જે પ્રકાશિત થયાનાં ટૂંકા સમયમાં જ લોકપ્રિય થઇ ગયેલા આ પુસ્તકની સિદ્ધીનો પુરાવો છે.પુસ્તકમાં પ્રસ્તાવના અને મહાનુભાવોનાં સંદેશોને બાદ કરતા વિવિધ ૧૮ પેજ ઉપર લખાણ કે માહિતી છે. જ્યારે ૧૦૯ તસ્વીર છે. જૈ પૈકી ૫૫ તસ્વીર સિંહની છે. ૧૪ તસ્વીરમાં પરિમલભાઇ પણ દૃશ્યમાન થાય છે.પુસ્તકમાં લખાણ મર્યાદિત અને જરૂર પુરતું છે.જેનો ઉદ્દેશ્ય લખાણને ફક્ત માહિતીરૂપે પ્રસ્તુત કરી સિંહ જીવનને તસ્વીરો નાં માધ્યમથી માણવામાં રસક્ષતિ ન ઉદ્ભવે એનું ધ્યાન રાખવાનો હશે એ સહજ અનુમાન લગાવી શકાય છે.
પુસ્તક એમેઝોન સહિતની ઇ-કોમર્સ સાઇટ પર ઉપલબ્ધ છે અને તેની કિંમત ૪૯ અમેરિકન ડોલર અર્થાત ભારતીય ચલણ મુજબ રૂ.૪૦૦૦ આસપાસ છે પરંતુ એમઝોન સહિતનાં પ્લેટફોર્મ ઉપર ડિસ્કાઉન્ટ સાથે ઉપલબ્ધ છે.
પુસ્તકમાં કમલેશ્વર ડેમ, જાડા જાંબુ જેવાં કુદરતનાં ખોળે વસેલા સ્થળોનાં સૌંદર્ય તેમજ ગીરનાં અભિન્ન અંગ અને મૂળનિવાસી એવા માલધારીઓનાં જીવનને પણ દર્શાવવામાં આવ્યું છે.
હરણ, દિપડો, મગર, શિયાળ, વાનર,સાંભર સહિતનાં પશુઓ તથા વિવિધ પક્ષીઓની તસ્વીરો પણ ગીરની વાઈલ્ડ લાઈફનો ચિતાર આપે છે.
પુસ્તકમાં દર્શાવાયેલ સિંહની વિવિધ તસ્વીરો વડે સિંહ જીવનને ઉજાગર કરવાનો પુસ્તકનો મુખ્ય ઉદ્દેશ્ય સિદ્ધ થાય છે એમ કહી શકાય. આ તસ્વીરો પુસ્તકમાં મન મોહી લે છે પરંતુ એ તસ્વીરો ઝડપવા માટે પરિમલભાઈએ ગીરમાં કેટલા કલાકોની રઝળપાટ અને તસ્વીર લાયક અમૂલ્ય ક્ષણની પ્રતિક્ષા કરી હશે એ કલ્પના કરીએ તો આ પુસ્તક પ્રકાશિત થતા તેમનું એક તપ સિદ્ધ થયું છે એમ કહેવું યોગ્ય રહેશે.
પુસ્તકમાં દર્શાવેલ જોડીયા સિંહ 'જય-વીરૂ' ની જોડી સહજ ધ્યાન ખેંચે છે. ટ્વીન લાયનનું દુર્લભ આઈડેન્ટિફિકેશન અને તેની તસ્વીરો એક મોટી સફળતા કહી શકાય. ઉપરાંત સિંહ-સિંહણનાં સહવાસ અને સિંહણ દ્વારા સિંહબાળનાં ઉછેરને પણ દર્શાવતી તસ્વીરો જંગલી જીવનમાં પણ સામાજીકતાનાં અર્થો પ્રગટ કરે છે.
પુસ્તકમાં લાયન હોસ્પિટલ તથા સિંહનાં બચાવકાર્ય અને સંરક્ષણ વગેરે કાર્યોની માહિતી પણ આપવામાં આવી છે જેમાં પરીમલભાઈ સ્થાપિત એન.જી.ઓ. 'ગીત ફાઉન્ડેશન' નો ઉલ્લેખ અને કાર્યો પણ દર્શાવાયા છે. પ્રોજેક્ટ લાયનનાં મુખ્ય મુદ્દાઓ પણ રજૂ કરવામાં આવ્યા છે તેમજ ગીરમાં ૧૯૬૮ માં ૧૭૭ સિંહની સંખ્યા ક્રમશઃ ૨૦૨૧ માં ૬૭૪ સુધી કેમ પહોંચી એ આંકડાકીય માહિતી પણ રજૂ થઇ છે.
પુસ્તકમાં પાલીતણા નજીકનાં ખાંભા તથા પોરબંદર પાસેનાં બરડામાં પણ સિંહસૃષ્ટી વિકસાવવાનું અમૃતકાલનું વિઝન પ્રસ્તુત કરવામાં આવ્યું છે.
ગીરમાં આવેલ કેટલાક સૈંકડો વર્ષ જૂના દુર્લભ વૃક્ષોને પણ કેમેરામાં કંડારી પુસ્તકમાં દર્શાવાયા છે. સેંજળ પીતા સાવજડાની તસ્વીરો વાચકોનાં મનમાં નિર્ભયતાનો સંચાર કરે છે.
રાજુલાની રાણીનું બિરૂદ પામેલ સિંહણની વાત પણ પુસ્તકમાં છે. જેમાં સિંહણ પોતાનાં બચ્ચાઓનાં રક્ષણ માટે ૩૦૦ કિ.મી.નું અંતર કાપે છે અને પોરબંદર પાસે અન્ય સિંહણનાં બચ્ચાઓ ઉપર પણ હેત વરસાવે છે. આખરે રાજુલાની રાણીને શોધીને વન વિભાગ તેને વતન રાજુલાનાં જંગલમાં પુનઃ સ્થાપિત કરે છે એ પ્રેરક ઘટનાક્રમ જીવનમાં સંઘર્ષ વડે દરેક કપરી પરિસ્થિતિને મ્હાત આપી શકાય એ માટેનો સંદેશ આપે છે.
પુસ્તકમાં શબ્દો ઓછા છે પરંતુ માર્મિક તસ્વીરો મૌન કાવ્યનાં ચિત્રરૂપ સમાન છે.
પુસ્તકમાં આરંભમાં દર્શાવાયેલ ભગવદ્ ગીતાનાં શ્લોકનાં માધ્યમથી આ લેખની પૂર્ણાહુતિ કરીએ. ભગવદ્ ગીતામાં ભગવાન શ્રીકૃષ્ણે કહ્યું છે કે 'પશુઓ માં હું સિંહ છું'. ત્યારે આ શ્લોકનાં માર્મિક અર્થઘટન પર ધ્યાન આપવું જોઇએ. શ્રી કૃષ્ણ એ ભગવાન વિષ્ણુનો પૂર્ણાવતાર છે જેને આપણે પૂર્ણ પુરુષોત્તમ કહીએ છીએ અને સનાતન હિન્દુ ધર્મનાં મત અનુસાર ભગવાન વિષ્ણુ ઉપર સંસારનાં પાલન પોષણની જવાબદારી છે. ત્યારે સંસારમાં નિર્ભયતાથી જીવવું અને સફળતા માટે કર્મશીલ રહેવું એ જ સાચા સિંહપુરુષનું વ્યક્તિત્વ છે એ સંદેશ અભિવ્યક્ત થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
લોકમેળામાં ભાવ બાંધણું હોવા છતાં રાઈડ્સવાળા અને ખાણી-પીણીવાળા બેફામ ભાવ લઈ લૂંટમેળો બનાવી દ્યે છે! શા માટે પગલાં લેવાતા નથી!:
જામનગર તા. ૧૪: રાજકોટમાં ગેમઝોનમાં સર્જાયેલી અત્યંત ગમખ્વાર દુર્ઘટના તેમજ અન્ય શહેરોમાં થયેલી દુર્ઘટનાઓના પગલે ગુજરાત સરકારે ખાસકરીને મેળાઓના આયોજનોમાં અને વિવિધ રાઈડ્સ સહિતના મનોરંજન સાધનો સાથે ધંધો કરનારાઓ માટે સરકારના ચોક્કસ વિભાગોમાંથી યોગ્યતાના પ્રમાણપત્રો, એનઓસી ફરજિયાત લેવાની ગાઈડલાઈન્સ સાથેના આદેશ જારી કર્યા છે.
રાજકોટમાં યોજાનાર જન્માષ્ટમીના મેળા માટે ટેન્ડર પ્રક્રિયા સમયે જ આ એસઓપી અને વિવિધ વિભાગોના પ્રમાણપત્ર ફરજિયાત રજૂ કરવાની અમલવારી કરવામાં આવી રહી છે, ત્યારે જામનગરમાં યોજાનાર લોકમેળા માટે આયોજક જામનગર મહાનગરપાલિકા તંત્ર દ્વારા રાજ્ય સરકારની એસઓપીના અમલ અંગે હજી સુધી કોઈ સત્તાવાર જાણકારી જાહેર કરવામાં આવી નથી! જામનગરમાં પ્રદર્શન મેદાન આમે ય વસતિ અને લોકમેળામાં ઉમટી પડતી જનમેદની સામે હવે ખૂબ જ નાનું પડી રહ્યું છે. તેમ છતાં આ મેદાનમાં સાવ નજીક નજીક નાની-મોટી તેમજ જમ્બો રાઈડ્સ ખડકી દેવામાં આવે છે. મોતના કૂવાની આસપાસ જગ્યા પણ સાંકડી હોય છે. આ ઉપરાંત મેદાનમાં ખાલી દર્શાયેલી જગ્યાઓમાં મનપા તંત્રની મીઠી નજર હેઠળ નાની રાઈડ્સવાળા, અન્ય વસ્તુઓના પથારાવાળાના દબાણો સર્જાય છે. આ ગ્રાઉન્ડમાં રમકડાના સ્ટોલના વિભાગમાં સ્ટોલ વચ્ચે ખૂબ જ સાંકડી જગ્યા રાખવામાં આવે છે, જેથી ભારે ભીડ અને અવ્યવસ્થા સર્જાય છે. મોટી રાઈડ્સવાળા પોતાના પ્લોટમાં જ પેટા ભાડે અન્ય નાની રાઈડ્સવાળાને ગોઠવી દ્યે છે. વીજ કનેક્શન બાબતમાં પણ શંકા જાગે તેવી કામગીરીથી જોડાણ આપી દેવામાં આવે છે, જે જોખમી થઈ શકે છે.
લોકમેળામાં હજારોની સંખ્યામાં લોકો બાળકો, પરિવારો સાથે ઉમટી પડતા હોવા છતાં આવવા-જવાના કોઈ ઈમરજન્સીમાં બહાર નીકળવાના ગેઈટ પર્યાપ્ત સંખ્યામં જણાતા નથી. પરિણામે પીક અવર્સમાં ભીડના કારણે અફડાતફડી મચી જવાની શક્યતા રહે છે.
પીવાના પાણીના સ્ટોલ, લેડીઝ/જેન્ટ્સ યુરીનલ/ટોયલેટ બ્લોક વિગેરેની વ્યવસ્થા અપૂરતી હોવાથી ગંદકી ફેલાયેલી રહે છે. ખાણી-પીણીના સ્ટોલવાળા શુદ્ધ પાણીનો ઉપયોગ કરે, વાસી ખોરાકનું વેંચાણ ન કરે, સ્વચ્છતા જાળવે તે બાબતને મનપા તંત્રએ ટોચની પ્રાથમિક્તા આપવાની જરૂર છે.
મેળામાં દર વર્ષે રાઈડ્સવાળા અને ખાણી-પીણીના સ્ટોલવાળા બેફામ ભાવ પડાવી રીતસર લૂંટ ચલાવતા હોવા છતાં જવાબદાર તંત્રના જવાબદાર અધિકારીઓના આંખ મિચામણાથી આવી લૂંટપ્રવૃત્તિ ચાલુ રહે છે.
લોકમેળામાં ડોક્ટરની સુવિધા મળે તે માટે ટેન્ટ ઊભો કરાય છે અને તે આવકારદાયક અને જરૂરી છે, પણ આ ટેન્ટમાં મનપાના સ્ટાફના મળતિયાઓ ખૂરશીઓમાં બેસેલા જોવા મળે છે, તો વળી એક મોટો સમિયાણો વીઆઈપી માટે સોફા સાથે ઊભો કરવામાં આવે છે. લોકમેળામાં ગરીબ-તવંગર, ઊંચ-નીચ જેવા ભેદભાવ ન જ હોવા જોઈએ! તેમાં ય વળી મનપા તંત્ર કે મેળામાં જેમની વિવિધ કામગીરી માટે જવાબદારી છે તેવા અધિકરીઓ તેમના પરિવારો સાથે મેળામાં મફતની મજા માણતા જોવા મળે છે. એટલું જ નહીં, અન્ય લોકોને પણ મફત મજા કરાવવા મેળામાં ખડેપગે સેવામાં હોય છે.
લોકમેળાના સ્થળ આસપાસ પાર્કિંગની વ્યવસ્થા પણ દર વર્ષે ટૂંકી પડે છે. કેટલાક લુખ્ખા અને માથાભારે લોકો ગેરકાયદેસર રીતે પાર્કિંગના નાણા ઉઘરાવતા હોય છે, તો પાર્કિંગની જગ્યાઓ પર સેંકડો પાથરણાવાળા જગ્યા રોકીને ધંધો કરતા હોવાથી વાહનો ક્યાં રાખવા તે સમસ્યા સર્જાય છે!
જામનગરના લોકમેળામાં દર વર્ષે મનપા તંત્રને માતબર રકમની આવક થાય છે પણ તેની સામે ગંજાવર ખર્ચાઓ બતાવી દેવામાં આવે છે. મેળાના ખર્ચનો હિસાબ સંબંધિત વિભાગ દ્વારા છ-છ મહિના સુધી સત્તાવારરીતે જાહેર કરવામાં આવતો નથી.
સદ્નસીબે જામનગરના લોકમેળામાં કોઈ દુર્ઘટના થઈ નથી. નાના-નાના અકસ્માતો કે ઈજા થવાના કિસ્સા કોઈ-કોઈ વર્ષે થાય છે પણ તેમ છતાં જામનગરનો લોકમેળો મનપા તેમજ અન્ય તંત્રની શંકાસ્પદરીતે ભ્રષ્ટ કામગીરીના કારણે વિવાદાસ્પદ જ બને છે. જામનગર તેમજ દેવભૂમિ દ્વારકા જિલ્લામાંથી તેમજ અન્ય જિલ્લામાંથી પણ લોકો મોટી સંખ્યામાં જામનગરના લોકમેળામાં આનંદ માણવા આવે છે અને મેળામાં પાર્કિંગ, અસ્વચ્છતા, ભાવ વધારો, ગીચતા સહિતની તમામ અવ્યવસ્થાને કોરાણે મૂકી સ્વયંશિસ્તથી મેળાનો ભરપૂર આનંદ માણે છે. મેળા માણવા આવતા લોકોને સૂચારૂ અને સુરક્ષિત વ્યવસ્થા, નિયમોની કડક અમલવારી સાથેની સુવિધા મળે તે માટે સંબંધિત વિભાગોએ તકેદારી રાખવાની જરૂર છે... તેમાંય જરૂરી પ્રમાણપત્રો, એનઓસી વગેરેમાં લેશમાત્ર છૂટછાટ આપવામાં ન આવે તે જોવાની જવાબદારી ઉચ્ચ અધિકારીઓની છે!
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પરંપરાગત રીતે કાર્યક્રમ યોજવા સિવાય કોઈને રસ નથી?
જામનગર તા. ૧ર : તિથિની દૃષ્ટિએ શ્રાવણ સુદ-સાતમના દિવસે જામનગરનો સ્થાપનાદિન પરંપરાગત રીતે ઉજવાયો, ખાંભી પૂજન થયુ અને રાજવી પરિવાર તથા મહાનગરપાલિકાના પદાધિકારીઓએ વારાફરતી પૂજનવિધિ કરી, અને આપણા ગૌરવશાળી રજવાડી નવાનગર-જામનગરની સ્થાપનાની ખુશી મનાવાઈ. નગરમાં એવી ચર્ચા છે કે હવે આ ઉજવણી ફાર્માલિટી ખાતર પરંપરાગત રીતે મનપાનું તંત્ર ઉજવે છે, પરંતુ પહેલા જેવો ઉમંગ, ઉત્સાહ જોવા મળતો નથી, અને શાસકો-પ્રશાસકોને જાણે તેમાં રસ જ ન હોય તેવી વાતો વહેતી થઈ હતી. મહાનગરપાલિકામાં પણ ભારતીય જનતાપક્ષનું શાસન છે, અને નગરની ગરિમા સૌ કોઈને હોય તે સ્વાભાવિક ગણાય, પરંતુ રાજકીય પક્ષોને પણ આ ઉજવણીમાં બહુ રસ હોય તેમ જણાતું નથી.
ભાજપમાં તો રાજ્ય કક્ષાએ પણ સરકાર અને સંગઠન વચ્ચે બધુ સમુસુતરુ નથી, તેવી વાતો રાજકીય વર્તુળોમાં થઈ જ રહી છે, અને આંતરિક અસંતોષ ઘણાં જિલ્લાઓમાં વધી રહ્યો છે, ત્યારે જામનગરમાં પણ તેની અસરો જોવા મળી હોય તેમ શહેર કક્ષાના પાર્ટીના હોદ્દેદારોની ઉપસ્થિતિનો અભાવ પણ ચર્ચાના ચાકડે ચડ્યો છે.
બીજી તરફ એવી વાતો પણ થઈ રહી છે કે છોટીકાશી તરીકે ઓળખાતા આ દિવ્ય, રમણ્ય, રજવાડી નગરની સ્થાપના કરનાર અને તેનો પેડી-દર-પેઢી વિકાસ કરનાર વડવાઓનો આત્મા પણ દુભાતો હશે, કારણ કે આ વખતે તો વરસાદ પડ્યા પછી નગરના મોટાભાગના વિસ્તારો 'રબડીરાજ' માં ફેરવાયા છે, અને વોર્ડ નં-૬ ની સોસાયટીઓ-ટાઉનશીપોમાં રહેવું પણ દુષ્કર થઈ ગયું હોવાથી નાગરિકો લોકતાંત્રિક ઢબે 'કાંઈક નવું' કરવાની તૈયારીમાં હોવાના અહેવાલો વહેતા થયા છે.
જે હોય તે ખરું, નોબત પરિવાર અને માધવાણી પરિવાર નગરજનોને જામનગરના સ્થાપનાદિનની હાર્દિક શુભેચ્છાઓ પાઠવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરના જાણીતા બિલ્ડરના યુવા પુત્રએ
જામનગર તા. ૧૨: જામનગરના જાણિતા બિલ્ડર મેરામણ પરમારના નાના પુત્રએ પોર્ટુગલના આકાશમાં આશરે ૧૪૦૦૦ ફીટની ઉંચાઈ થી સ્કાઈ ડાઈવીંગ કરી અનોખા રોમાંચનો અનુભવ કર્યો હતો.
મુળ પોરબંદર ના વતની હાલ જામનગર માં રહેતા જાણિતા બિલ્ડર મેરામણ પરમારના પુત્ર આર્ય પરમારે તાજેતર માં પોર્ટુગલના આકાશમાં આશરે ૧૪૦૦૦ ફીટથી વધુની ઉંચાઈથી સ્કાય ડાઈવીંગનો અનોખો અનુભવ મેળવ્યો હતો. આર્ય પરમારે અમદાવાદથી બી.બી.એ.નો અભ્યાસ કરીને હાલમાં લંડનની ક્વીન મેરી યુનિવર્સિટીમાં ઇન્વેસ્ટમેન્ટ એન્ડ ફાઇનાન્સમાં માસ્ટરનો અભ્યાસ કરે છે. અભ્યાસની સાથે સાહસિક યુવાને આકાશની સફર કરવા માટે સ્કાય ડાઈવીંગનો અનુભવ મેળવ્યો.
આર્ય પરમારે સ્કાયડાઇવ પોર્ટુગલ નામની સંસ્થામાં સ્કાયડાઇવિંગના અનુભવ માટે પોર્ટુગલના ઇવોરા ગયો હતો. એક્સિલરેટેડ ફ્રીફોલ (એ. એફ. એફ.) અભ્યાસક્રમમાં પ્રવેશ મેળવ્યો, જે વિદ્યાર્થીઓને સ્વતંત્ર રીતે સ્કાયડાઇવિંગ કેવી રીતે કરવું તે શીખવવા માટે રચાયેલ છે. કોર્સ આઠ કલાકની ગ્રાઉન્ડ ટ્રેનિંગ થી શરૂ થાય છે, જ્યાં તેઓ પેરાશૂટ થિયરીથી લઈને કટોકટીની પ્રક્રિયાઓ સુધી બધું આવરી લે છે. આ કાર્યક્રમમાં આઠ ડાઇવ્સનો સમાવેશ થાય છે, જેમાં દરેકને પૂર્ણ કરવા માટે ચોક્કસ કાર્યો છે. પ્રથમ ત્રણ ડાઇવ બે પ્રશિક્ષકો સાથે હોય છે, અને પછીના પાંચ એક પ્રશિક્ષક સાથે હોય છે, જે આખરે તમને એકલા સ્કાયડાઇવ કરવા માટે છોડી દે છે. આ ડાઇ વ સફળતાપૂર્વક પૂર્ણ કર્યા પછી, તમે જાતે જ સ્કાયડાઇવ કરી શકો છો. અત્યાર સુધી, મેં ૧૨ ડાઇવ્સ પૂર્ણ કર્યા છે, જેમાંથી ચાર કોઈ પણ પ્રશિક્ષકની સહાય વિના એકલા હતા. રસપ્રદ વાત એ છે કે મારા અભ્યાસક્રમમાં કતાર સૈન્યના સહપાઠીઓ અને કેટલાક પોર્ટુગીઝ સ્થાનિક લોકો હતા, જેણે આ અનુભવને વધુ મનોરંજક અને સમૃદ્ધ બનાવ્યો.જુન માસમાં પ્રથમ ૫ સ્કાય ડાઈવીંગના જંપ કર્યા હતા. ટુંક સમયમાં સ્કાય ડાઈવીંગનુ લાઈસન્સ મેળવશે. આકાસમાં તરવાની આર્યની નાનપણથી ઈચ્છા હતી. અને તે માટે આ સ્કાય ડાઈવીંગથી શકય બને તેથી તેનો અભ્યાસ કર્યો. જેમા પ્રથમ સ્કાય ડાઈવીંગ વિષે થિયરી, માહિતી માર્ગદર્શન અને ગ્રાઉન્ડ ટ્રેનીંગ આપવામાં આવી હતી. જેમ ાં યુવાનોનુ મનોબળને વધુ મજબુત કરવાના પ્રયાસ કરવામાં આવે છે. સ્કાય ડાઈવીંગ માટે ખાસ વિમાનમાં આશરે જમીનથી ૧૪૦૦૦ ફીટ ઉંચાઈ જઈને ત્યાથી હવામાં કુદકો મારવામાં આવે છે. સ્કાય ડાઈવીંગ વિશે જાણકારી મળતા કેટલા પ્રશ્નો અને મુજવણો મનમાં રહે છે. પરંતુ બાદ અનુભવી નિષ્ણાંત ઈનસ્ટ્રકટર સાથે ખુલ્લા આકાશમાં સ્કાય ડાઈવીંગ કરતા આત્મવિશ્વાસ વધ્યો અને સાથે તે આકાશમાં ઉડવાની સફર જીવનની યાદગાર ક્ષણ અને અનુભવ અદભૂત હોવાનુ આર્ય પરમારે જણાવ્યુ હતુ. ૨૦૦ - ૨૫૦ કિમી/કલાકની ઝડપે પવન સાથે ૧૪૦૦૦ ફુટથી કૂદકો મારવોએ એક અવર્ણનીય લાગણી છે. તે શાંતિપૂર્ણ, આનંદકારક અને ખૂબ જ સંતોષકારક છે. સ્કાયડાઇવિંગ એ માત્ર એક શારીરિક પડકાર નથી ; તે એક માનસિક રમત છે જેમાં ધ્યાન અને શાંતિની જરૂર છે. જે પ્રેરણા પોતે જાતને માનસિક રીતે પડકારવાની, કંઈક નવું અને અલગ કરવાનો પ્રયાસ કરવાની ઇચ્છાથી આવી. આ માટે માતા-પિતા અને ભાઈનો ટેકો મળ્યો, જેણે આ અનુભવ શક્ય બનતા પોતાને ખૂબ જ ભાગ્યશાળી હોવાનુ જણાવ્યુ.
હજુ આવા કેટલા સ્કાય ડાઈવીંગના અનુભવ મેળવીને સ્કાય ડાઈવીંગ અંગેનુ લાયસન્સ મેળવવાની ઈચ્છા સાહસિક યુવાન આર્ય પરમારે વ્યકત કરી. જે સપનુ આશરે ૨ સપ્તાહમાં પુર્ણ કરશે. સ્કાયડાઇવિંગનો શોખને ચાલુ રાખી આગામી લક્ષ્ય સ્કાયડાઇવિંગ એ-લાઇસન્સ મેળવવા માટે ૨૫ ડાઇવ પૂર્ણ કરવાનું છે, જેનાથી વિશ્વભરમાં સ્કાયડાઇવિંગ કરવાની મંજૂરી આપશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્રાકૃતિક કૃષિ ધરતીના સ્વાસ્થ્ય માટે કરવામાં આવી રહેલો એક સામૂહિક પ્રયત્ન છે. પ્રાકૃતિક ખેતી એટલે પ્રકૃતિના મૂળભૂત સિદ્ધાંતો આધારિત દેશી ગાયના છાણ અને ગૌમૂત્ર થકી ઓછા ખર્ચે થતી ખેતી. પાકની વૃદ્ધિ માટે જરુરી ઈનપુટ (ખેત સામગ્રી) બહારથી ન લેતાં, પ્રાકૃતિક સામગ્રી દ્વારા જ જાતે ખેડૂત પોતે તે બનાવી શકે છે. પ્રાકૃતિક ખેતીના મુખ્ય પાંચ આધાર સ્થંભ છે, જેમાં જીવામૃત, બીજામૃત, આચ્છાદન, વાફસા (ભેજ) અને જંતુનાશક અસ્ત્રોનો સમાવેશ થાય છે.
પ્રાકૃતિક કૃષિ અપનાવવા માટે ખેડૂતોએ સૌ પ્રથમ પોતાની ખેતીમાં રાસાયણિક ખાતરનો ઉપયોગ બંધ કરવો જોઈએ. ત્યારબાદ દેશી ગાયના ગૌમૂત્ર અને છાણમાંથી તૈયાર કરેલા જીવામૃત/ઘન જીવામૃતનો ઉપયોગ કરી જમીન તૈયાર કરવી જોઈએ. ત્યારબાદ વાવેતર વખતે પાકના બિયારણને બીજામૃતનો પટ આપી વાવેતર કરવું જોઈએ. પ્રાકૃતિક કૃષિના પાંચ આધાર સ્થંભ મુજબ ખેતી કરવાથી સારા પરિણામો પ્રાપ્ત થાય છે.
પ્રાકૃતિક કૃષિના પાંચ આધાર સ્થંભમાંનો એક સ્થંભ છે જીવામૃત. જીવામૃત કોઇપણ વૃક્ષ કે વનસ્પતિને આપવા માટેનો ખોરાક નથી. તે તો એક અસંખ્ય જીવાણુઓનો વિશાળ ભંડાર છે. જીવામૃત આપવાથી જમીનમાં સુક્ષ્મ જીવાણુની સંખ્યામાં ઝડપથી વધારો થાય છે અને ભેજનું નિર્માણ ઝડપી બને છે. તેમજ તે સુષુપ્ત અળસિયાને સક્રિય કરી અને અલભ્ય પોષક તત્વોને લભ્ય બનાવી છોડના મૂળને પ્રાપ્ત કરાવે છે. આનાથી છોડની રોગ પ્રતિકારક શક્તિ વધે છે અને નાઈટ્રોજનની ઉપલબ્ધિ વધે છે.
જીવામૃત તૈયાર કરવાની રીત
ખેડૂતોએ પ્રાકૃતિક ખેતી કરતા સમયે રાસાયણિક ખાતરને બદલે જીવામૃત વાપરવું જોઈએ. આ જીવામૃત તૈયાર કરવા માટે ૧૦ લીટર દેશી ગાયનું ગૌમૂત્ર + ૧૦ કિ.ગ્રા દેશી ગાયનું તાજું છાણ, + ૧ મુઠી ઝાડ નીચે પડેલા શેઢા પાળા વાડની માટી + ૧ કિ.ગ્રા દેશી ગોળ + ૧ કિ.ગ્રા ચણા કે કોઈ પણ દાળના લોટનું મિશ્રણ તૈયાર કરવું. આ મિશ્રણને ૨૦૦ લીટર પાણીના ડ્રમમાં નાખી અને મિશ્રણ મિક્ષ કરવું. ત્યારબાદ ડ્રમને કંતાનના કોથળાથી ઢાંકવું અને છાંયડે રાખવું અને લાકડીથી ઘડિયાળના કાંટાની દિશામાં સવાર-સાંજ ૦૫-૦૫ મિનિટ સુધી હલાવવું. ઉનાળામાં બે-ત્રણ દિવસમાં અને શિયાળામાં એક અઠવાડિયામાં આવી રીતે જીવામૃત બની જશે. જીવામૃત તૈયાર થયા પછી ૧૫ દિવસ તે નો ઉપયોગ કરી શકાય છે.
વાપરવાની રીતઃ આ જીવામૃતને એક એકર માટે ૨૦૦ લીટર ગાળીને પિયતના પાણી સાથે અથવા ડ્રીપ સાથે મુખ્ય પાકની હારમાં આપવું અને ઉભા પાક પર તેનો છંટકાવ કરવો.
ઘન જીવામૃત તૈયાર કરવાની રીત
૨૦૦ કિ.ગ્રા સખત તાપમાં સૂકવેલ, ચાળણીથી ચાળેલા દેશ ગાયના છાણના પાવડરને ૨૦ લીટર જીવામૃત સાથે ભેળવવું. ત્યારબાદ ૪૮ કલાક માટે છાંયો હોય ત્યાં ઢગલો કરી અને ત્યારબાદ પાતળું સ્તર કરી સૂકવવું. આ સ્તરને દિવસમાં ૨-૩ વાર ઉપર નીચે કરવું. સૂકાઈ જાય ત્યારબાદ તેના ગાંગડાનો ભૂક્કો કરી એક વર્ષ સુધી તે વાપરી શકાય છે.
વાપરવાની રીતઃ ઘન જીવામૃત જમીનમાં અંતિમ ખેડાણ પહેલાં પ્રતિ એકર ૨૦૦ કિ.ગ્રા અને કુલ અવસ્થાએ પ્રતિ એકર ૧૦૦ કિ.ગ્રા આપવું.
ગુજરાતની રાજ્યની ખેતીની જમીનમાં ઓર્ગેનિક કાર્બન, નાઈટ્રોજન, ઝીંક સલ્ફર, વગેરે પોષક તત્વોની મોટી ઉણપ હોવાથી કોઈ પણ પ્રકારની ખેતી પ્રવૃત્તિમાં પ્રકૃતિક કૃષિ પદ્ધતિથી તૈયાર કરાયેલ જીવામૃત/ઘન જીવામૃતનો ઉપયોગ કરવો જોઈએ. આવું કરવાથી રાસાયણિક ખાતર અને જંતુનાશક દવાનો ખર્ચ ઘટે છે અને જમીનની ફળદ્રુપતા અને પોષક તત્ત્વોની ઉપલબ્ધિ વધે છે.
પ્રાકૃતિક ખેતી દ્વારા જમીનની ભેજ સંગ્રહની ક્ષમતા વધે છે અને ઉત્પાદનમાં વધારો થાય છે. માત્ર એક દેશી ગાયના ગોબર અને ગૌમૂત્રથી ૩૦ એકર જમીનમાં પ્રાકૃતિક ખેતી થઈ શકે છે. પાણી બચત સાથે પર્યાવરણ અને માનવીય સ્વાસ્થ્યનું રક્ષણ થાય છે.
મયંક ગોજીયા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
"લલિતકલા" ના આકા૨૫્રદ આયામને ચિત્રકલાની વ્યાખ્યામાં મૂકાય. ચિત્ર, તળ૫દી ભાષામાં "ચિત૨". અહીં ચિત + ૨ નો સમાસ જોતાં "ચિત્ત" માં '૨મણુ ક૨વું' તેવું કહી શકાય.
કોઈ૫ણ દૃશ્ય – ચક્ષુસ્થ છે. જેના ૨ંગ–રૂ૫ તથા ૨ેખા–આકા૨ વગે૨ેને ચર્મચક્ષુ વડે માનસ૫ટ ૫૨ની "ફલો૫ી" માં અવિ૨ત, અગણિત, આજીવન સંગ્રહિત થતું હોય છે. આ સંચય મગજમાં અમર્યાદિત ક્ષમતાનો છે. (એક્સા બાઈટ-૧૦૦૬)
જયા૨ે ભીત૨ીય ભાવનાઓની ભીનાશમાં "સ્મ૨ણાંકુ૨ો"નો પ્રાદુર્ભાવ થવા લાગે છે, વિલસિત થતો જાય છે ત્યા૨ે તે ઉદ્ભવતી ૫્રક્રિયા વખતે ચિત્ત શકિત ઝંકૃત બને છે. અતીતના ઓથા૨ે ચક્ષુસ્થ થયેલા ભૂતકાલીન દૃશ્યો–સ્મ૨ણોને એક નવો આયામ સાં૫ડે છે. તે ક્ષણે સ્વસંવેદના, સાંસ્કૃતિક ધ૨ોહ૨, સમયકાળના ૫િ૨વર્તનો અને વ્યકિતના સ્વાનુભવનું સુંદ૨ અલૌકિક સંમિશ્રણ પ્રયોજાય છે. તે વેળાના સ્૫ંદનોનો આવિર્ભાવ એટલે ક૨–કલમ–કાગજ જેવા માઘ્યમને સહા૨ે ચિત્તનું ૨મણ ક૨તા થવું ત્યા૨ે મન ૫્રફુલ્લિત બનતા ફળશ્રુતિએ એક સુંદ૨ ચિત્રનો ૫્રાદુર્ભાવ – સર્જન અવત૨ે છે.
"કુમા૨" સામયિક, કલાિ૫૫ાસુ, કલા સંવર્ધક તથા સાહિત્યજ્ઞો માટે ગુજ૨ાતી ભાષાનું સાક્ષ૨ોમાં એક સમયે સામ્રાજય ધ૨ાવતું હતું. એક શતાબ્દી ક૨તાં ૫ણ વધુ સમયથી કલા જગતને ૫્રાપ્ય આગવું અદકે૨ું મર્મસભ૨ આ નજ૨ાણું મળતું ૨હ્યું છે.
'કુમા૨' એક સદીની કલ્યાણયાત્રા "ભાગ–૧, ગ્રંથ–૧૯ માં લલિતકલાના ચિત્રકલા ૫૨ત્વે ગ્રંથસ્થ થયેલા અનેક સુ૨ુચિક૨, જ્ઞાનવર્ધક લેખોના સંકલનની ૫્રસ્તુતિ છે. તેમાંની સમીક્ષા, સંકલન અને ૫ુનઃ ૫્રસા૨ણનાં ઉ૫હા૨નોયશ "કલાતીર્થ ટ્રસ્ટ" ને જાય છે. જ્ઞાન િ૫૫ાસુઓ ક૨તાં કલાિ૫૫ાસુ, કલા મર્મજ્ઞો માટે આ અભૂત૫ૂર્વ–અદ્વિતીય ૨સ થાળ છે, એમ કહેવું યથોચિત લેખાશે.
૨ેખાઓ–લીટીઓએ અદીઠયું અનેક બિંદુઓ – ટ૫કાઓનું સુદૃઢ, સાયુજય છે. બિંદુઓ સૌહાર્દ સભ૨ સીધા, વક્ર, ખૂણિયા કે ચતુષ્કોણીય કે વર્તુળાકા૨ સાથેની લીટીઓ દ્વા૨ા ઉભ૨ી આવે છે. તેના અગણિત સ્વરૂ૫ોમાં ઉભ૨તા લય, લચક, નજાકતભર્યા ૨ંગોની ૨સલ્હાણ છલકાય છે. તેના હાર્દમાં કલાકા૨નું ધબકતું હ્ય્દય છે. જે તેની તે સમયની ચૈત્યશકિતના પ્રાદુર્ભાવની ૫્રસ્તુતિ કરે છે. માટે દ૨ેક વ્યકિતની આગવી અનુભૂતિનું નિરૂ૫ણ, નિસ્૫ંદન એટલે "ચિત્રજગત".
૫્રસ્તુત ગ્રંથમાં સાંપ્રત સમય ૫હેલાંના મુર્ધન્ય કલા મર્મજ્ઞ, કલાગુ૨ુ ૨વિશંક૨ ૨ાવલ કે જેઓ "કુમા૨" સામયિકનો ધબકતો આત્મા હતા તેઓના અનેક લેખોમાં ચિત્રકલાના આયામો, સિદ્ઘાંતો અને સમીક્ષા ક૨તા ઉભ૨ી આવેલ છે. અત્યા૨ની ૫ેઢીના દ૨ેક કલાિ૫૫ાસુ માટે જ્ઞાનકોશ સમાન છે. તે સાથે અનેક તજજ્ઞો, ચિત્રકા૨ો દ્વા૨ા સમૃદ્વ બનેલા લેખોનો સમાવેશ ક૨ાયો છે. સમગ્ર ગ્રંથમાં સુંદ૨ સંકલન, સમીક્ષા તથા ઊંડાણભર્યુ કલાજગત વિલસે છે. સૌ કલા ૫્રેમીઓ માટે મા સ૨સ્વતી (મા–શા૨દા) ને જાણે છપ્૫ન ભોગનો અન્નકૂટ ધ૨ાવ્યો હોય તેમ ૩૩૧ ૫ાનાનો દળદા૨ સચિત્ર ગ્રંથ લોકા૫ર્ણ થયો છે.
નિસર્ગભાઈ આહિ૨, સાહિત્ય ક્ષિતિજમાં ખૂબ જ ૫્રજવલિત ચમક–દમક ધ૨ાવતા સિતા૨ા સમાન છે. તેના નામ મુજબ "૫્રકૃતિદેવી" એ દિલ દઈને ખોબલે મોઢે ૫્રીતિ વ૨સાવી સા૨સ્વત બનાવ્યા છે. તેઓના અક્ષ૨દેહમાં ચિત્રોનું લાલિત્ય શૃંગા૨ સુ૫ે૨ે નિખ૨ી ઉઠયું છે. કલામર્મજ્ઞતાના ઊંડાણની ગહનતા તાદ્દશ્ય થાય છે. શબ્દોને મનભાવન ૨મણ ક૨તો દેહ આ૫ી અમીટ નજરે વાંચ્યા ક૨વાનું મન થાય તેવું સંકલન – સંસ્સક૨ણ બા–અદબ અતિ સ૨ાહનીય – ૫્રસંસનીય છે.
શ્રી૨મણિકભાઈ ઝા૫ડીયા કે જેઓ સુંદ૨ ચિત્રકા૨ ૫ણ છે, કલા મહાધાંતા ૫ણ ખ૨ા જ ! તેઓને "કુમા૨" માસિકના ૧૦૦ વર્ષ ના લેખોનો સંગ્રહ મંત્રમુગ્ધ ક૨ી ગયો. તેનાં ચ્યવન–૫ઠન અને વિશ્લેષણે તેમની આ ગ્રંથ બહા૨ ૫ાડવાની ઉત્કંઠા અતિ ૫્રબળ ક૨ી. આજે આવા સુંદ૨ ગ્રંથનો ત્રીજો ભાગ આ૫ણી સમક્ષ ૫્રસ્તુત ક૨ીને સાહિત્ય – લલિતકળાની ઉત્તમ સેવા ૫્રદાન ક૨વાના યશ ભાગી બન્યા. તેઓ ૫ણ હ્ય્દયની ૫્રશંસા૫ાત્ર છે જ –
જગ્યાના અભાવે ગ્રંથનું વધુ વિવ૨ણ અ૫્રસ્તુત હોવાથી ફકત અનુક્રમણિકાનો થોડો અંશ અત્રે ૨જૂ કર્યો છે. ૨વિશંક૨ ૨ાવલના "અજંતા કલામંડ૫ો", "જા૫ાનની ચિત્રકલા", "ભા૨તની ચિત્રકલાનો ક્રમ વિકાસ", "કલાકા૨ શ્યાવક્ષ ચાવડા", "૨ાજા ૨વિ વર્મા" જેવા તેઓના ઉત્તમ લેખો છે. જયા૨ે "ચિત્ર વિજ્ઞાન – ૪ લેખો" અધેન્દ્રકુમા૨ ગાંગુલીના લેખોનું અ૫ર્ણાબહેન વિવેદી દ્વા૨ા સુંદ૨ ભાષાંત૨ થયું છે. વડોદ૨ા યુનિવર્સિટીની ફાઈન આર્ટસ કોલેજના ભૂત૫ૂર્વ ૫્રોફેસ૨, ડીન, જયોતિભાઈ ભટ્ટના" કલામાં વિકૃતિક૨ણ ૧–૩" લેખોનો સમાવેશ છે. ફિ૨ોજશા ૨ુસ્તમજી મહેતાના "દશાવતા૨", "સૌંદર્ય દેવી વીનસ", "લુવ્ર જગતનું સૌથી જંગી અને સમૃદ્ઘકલા ધામ" વગે૨ે લેખો થકી એક આગવું ૫ાસું ઉભ૨ી આવ્યું છે. બીજા અનેક લેખો છે. કલા જગતના ચિત્રક્ષેત્રના વા૨સાની એક સદીની યાત્રા અહીં ગ્રંથસ્થ ક૨ીને ગુજ૨ાતી વાચકોને ઉત્તમ નજ૨ાણું ૫ી૨સવા બદલ કલા તીર્થના ૨મણીકભાઈ ઝા૫ડિયા તથા અન્ય સક્રીય સભ્યોનો હ્ય્દયસ્થ આભા૨, ધન્યવાદ.
આ ગ્રંથ વિનામૂલ્ય કિંમતનો વેચાણ હેતુસ૨ ન હોવાથી બૂક સ્ટોર્સમાં ઉ૫લબ્ધ નહીં હોય. જેની નોંધ વાચકો લેશે.
પ્રેષકઃ ડો. ૫ીયૂષ માટલિયા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કુદરતી આફતોના સમયે વ્ય્વસ્થાપન અને સુચારૂ સંકલન માટે
રાજ્યમાં આવતી કુદરતી આપદાના સમયે આપત્તિ વ્યવસ્થાપન અને સુચારૂ સંકલનનું કેન્દ્ર સ્ટેટ ઈમરજન્સી ઓપરેશન સેન્ટર આગવા મોડલના પરિણામે ગુજરાત આપત્તિ વ્યવસ્થાપન ક્ષેત્રે દેશમાં અગ્રેસર છે.
રાજ્યમાં આવતી કોઈપણ આપદા સામે મક્કમતાથી લડવા માટે ગુજરાત સરકારનું સ્ટેટ ઈમરજન્સી ઓપરેશન સેન્ટર તમામ અદ્યતન તકનિકો સાથે સુસજ્જ છે. ધરતીકંપ હોય, વાવાઝોડું હોય, પૂર હોય કે પછી હીટવેવ, નાગરિકોની સુરક્ષા માટે ગાંધીનગરમાં આવેલું સ્ટેટ ઈમરજન્સી ઓપરેશન સેન્ટર આપત્તિના સમયે ર૪ કલાક ૭ દિવસ કાર્યરત રહીને રાજ્યના દરેક નાગરિકની સલામતી સુનિશ્ચિત કરવાનું કામ છે.
ગુજરાતમાં આવતી દરેક આપદાઓથી નાગરિકો અને પશુઓની સલામતી સુનિશ્ચિત કરવા ઉપરાંત રાહત બચાવ, સ્થળાંતર અને તાત્કાલિક સહાય પહોંચાડવા જેવી અનેક બાબોતનું એક જ સ્થળેથી સંકલન થઈ શકે તે પ્રકારની વ્યવસ્થાની જરૂર વર્તાઈ હતી. આપત્તિના સમયે સમગ્ર રાજ્યની પરિસ્થિતિનો તાગ મેળવી એક જ સ્થળેથી તેની સમીક્ષા થઈ શકે તે માટે 'ગુજરાત રાજ્ય આપત્તિ વ્યવસ્થાપન મંડળ'ની રચના કરી, આપત્તિ વ્યવસ્થાપનનું સ્વતંત્ર માળખું કાર્યાન્વિત કરવામાં આવ્યું છે. ત્યારથી લઈને આજ સુધી રાજ્યમાં આવેલી તમામ આપદાઓમાં એસઈઓસી ઝડપી રિસ્પોન્સ, અસરકારક સંકલન અને બચાવ કાર્યો માટેનું કેન્દ્ર બન્યું છે.
એસઈઓસીની સ્થાપના થઈ ત્યારથી લઈને આજ સુધી રાજ્યમાં આવેલી આપદાઓ સમયે થતી કેઝ્યુઆલિટીમાં સતત ઘટાડો આવ્યો છે. ગત્ વર્ષે રાજ્ય પર બિપોરજોય વાવાઝોડાની આપત્તિ આવી ત્યારે મુખ્યમંત્રી ભૂપેન્દ્રભાઈ પટેલના માર્ગદર્શન હેઠળ એસઈઓસી એ વિવિધ વિભાગો સાથે સંકલનમાં રહીને રાહત બચાવ અને આપત્તિ વ્યસ્થાપનની તમામ કામગીરી સુનિશ્ચિત કરી હતી. આ દરમિયાન મુખ્યમંત્રી અને મુખ્ય સચિવે એસઈઓસીમાં સમયાંતરે ઉપસ્થિત રહીને અસરગ્રસ્ત વિસ્તારોમાં વહીવટી તંત્ર અને વિવિધ વિભાગો દ્વારા કરાયેલી વ્યવસ્થાની સતત સમીક્ષા કરી હતી. પરિણામે બિપોરજોય વાવાઝોડા દરમિયાન રાજ્યમાં ઝીરો કેઝ્યુઆલિટી સુનિશ્ચિત કરી શકાઈ હતી.
સચેત પહેલા અને હેલ્પલાઈન નંબરની અદ્યતન સુવિધા
રાજ્યમાં આવતી કોઈપણ આપદા અંગે નાગરિકોને સતર્ક રવા માટે કેન્દ્ર દ્વારા 'સચેત પોર્ટલ'ની અદ્યતન સુવિધા વિક્સાવવામાં આવી છે. આ પોર્ટલના માધ્યમથી એસઈઓસી દ્વારા અરસગ્રસ્ત વિસ્તારોના અથવા સમગ્ર રાજ્યના નાગરિકોને સતર્ક કરવા માટે માસ એસ.એમ.એસ. કરીને સાવચેત કરવામાં આવે છે.
આ .પરાંત આપત્તિના સમયે નાગરિકો રાહત-રચાવ માટે ઈમરજન્સી ઓપરેશન સેન્ટરને સીધો સંપર્ક કરી શકે તે માટે જિલ્લા અને ાલુકા કક્ષાએ પણ 'ઈમરજન્સી ઓપરેશન સેન્ટર' કાર્યરત કરીને હેલ્પલાઈન નંબર જાહેર કરવામાં આવ્યા છે. રાજ્યનો કોઈપણ નાગરિક રાજ્યકક્ષાએ પ૧૯૦૦/૧૦૭૦ અને જિલ્લા કક્ષાએ ૧૦૭૭ ટોલ ફ્રી હેલ્પલાઈન નંબર પર ફોન કરીને કોઈપણ આપત્તિ અંગેની માહિતી આપી શકે છે. આ હેલ્પલાઈન સેન્ટરને ર૪ કલાક ૭ દિવસ કાર્યરત કરવામાં આવ્યું છે, જેથી મુશ્કેલીના સમયે નાગરિકોને ત્વરિત સહાય પહોંચાડી શકાય.
વિવિધ વિભાગો સાથેનું સંકલન
આપદાના સમયે સૌથી મહત્ત્વની કામગીરી વિવિધ વિભાગો સાથેના સંકલનની હોય છે. એસઈઓસી સંબંધિત તમામ વિભાગો સાથે સંકલન કરવા માટેના કેન્દ્ર તરીકે કાર્ય કરે છે. ભારતીય હવામાન વિભાગ સાથે સંકલન કરીને એસઈઓસી દ્વારા વરસાદ, ભૂકંપ અને હીટવેવ જેવી આપદાઓ અંગે અન્ય વિભાગોને સાવચેત કરવામાં આવે છે. આપદાના સમયે રાહત-બચાવ કામગીરી માટે નેશનલ ડિઝાસ્ટર રિસ્પોન્સ ફોર્સ અને સ્ટેટ ડિઝાસ્ટર રિસ્પોન્સ ફોર્સ સાથે સંકલન કરીને ટીમ ડીપ્લોયમેન્ટ પ્લાન તૈયાર કરવામાં આવે છે. જરૂર પડ્યે ઈન્ડિયન કોસ્ટ ગાર્ડ, નેવી અને બોર્ડર સિક્યુરીટી ફોર્સ સાથે પણ એસઈઓસી દ્વારા સંકલન કરવામાં આવે છે.
રાજ્યમાં આપદાના સમયે અન્ન પુરવઠો, પાણી પુરવઠો, વીજ પુરવઠો અને યાતાયત સુવિધા ખોરવાય નહિં તે માટે તેમજ જો ખોરવાય તો તુરંત જ તેને પૂર્વવત કરી શકાય તે માટે એસઈઓસી દ્વારા અન્ન અને નાગરિક પુરવઠા વિભાગ, જળસંપત્તિ વિભાગ, ઊર્જા વિભાગ અને જીએસઆરટીસી સાથે સતત સંકલન કરવામાં આવે છે. આ ઉપરાંત નાગરિકો અને પશુઓની સલામતી સુનિશ્ચિત કરવા તેમજ તેમનું સ્થળાંતર કરવા માટે શહેરી વિકાસ વિભાગ, પંચાયત વિભાગ, મહેસુલ વિભાગ અને પશુપાલન વિભાગ સાથે એસઈઓસી સંકલન કરે છે.
આપદાના સમયે પ્રાથમિક સારવાર સુવિધાઓ માટે આરોગ્ય વિભાગ, ખેડૂતોના પાક સુરક્ષા માટે કૃષિ વિભાગ, કાયદો અને વ્યવસ્થા સુનિશ્ચિત કરવા ગૃહ વિભાગ, જંગલો-અભયારણ્યોમાં વસતા જાનવરોની સલામતી માટે વન વિભાગ, રોડ-રસ્તા-પુલની મરામત માટે માર્ગ અને મકાન વિભાગ તથા રાજ્યના બંદરો પર જ્હાજોની સલામતી સુનિશ્ચિત કરવા ગુજરાત મેરીટાઈમ બોર્ડ સાથે પણ એસઈઓસી સંકલન કરે છે.
આમ, રાજ્યમાં જ્યારે પણ કોઈ આપદા આવે ત્યારે એસઈઓસી વિવિધ વિભાગો સાથે સુદૃઢ સંકલન કરીને ઝીરો કેઝ્યુઆલિટી અને સૌની સલામતીનો એપ્રોચ અપનાવે છે. સ્ટેટ ફમરજન્સી ઓપરેશન સેન્ટરના આગવા મોડલ અને સુચારૂ આપત્તિ વ્યવસ્થાપનની કાર્યક્ષમતાને પરિણામે ગુજરાત આજે આપત્તિ વ્યવસ્થાપન ક્ષેત્રે દેશમાં અગ્રેસર છે. રાજ્યમાં એસઈઓસીની સ્થાપનાથી ગુજરાત આજે દરેક આપદા સામે મક્કમતા અને સુસજ્જતા સાથે લડી રહ્યું છે અને સાથે જ અન્ય રાજ્યોને પણ પ્રેરણા આપી રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ન જાણ્યુ જાનકીનાથે... સવારે શું થવાનું છે?ઃ કરવટ બદલતી રાજનીતિ
નવી દિલ્હી તા. ૧૩ઃ કેન્દ્ર સરકારે વિધિવત રીતે રપ મી જૂન-૧૯૭પને સંવિધાન હત્યા દિવસ તરીકે મનાવવાનું નક્કી કર્યું, અને ગેઝેટ નોટિફિકેશન બહાર પાડ્યું, તેના ઘેરા પ્રત્યાઘાતો પડી રહ્યા છે, અને તેની સામે તમતમી ઉઠેલી કોંગ્રેસે પણ ચોથી જૂનને 'મોદી મૂક્તિ દિવસ' તરીકે ઓળખવાની જાહેરાત કરી દીધી છે, બંધારણે પોતે જ હવે રાજકીય મુદ્દો બની ગયો છે.
હકીકતે લોકસભાની ચૂંટણીમાં ભારતીય જનતા પક્ષે અબ કી બાર, ચારસો પારનો નારો ગુંજતો કર્યો, તેને જ મુદ્દો બનાવીને રાહુલ ગાંધીએ પોતાના હાથમાં ભારતના બંધારણની ચોપડી પકડીને મતદારોને ચેતવ્યા કે મોદી સરકાર ૪૦૦ બેઠકો મેળવીને બંધારણ બદલવા માટે જરૂરી સંખ્યાબંળ સંસદમાં મેળવવા માંગે છે, અને જો એનડીએને ૪૦૦ અને ભાજપને ૩૬૦ બેઠકો મળી ગઈ તો તેઓ ભારતના બંધારણને જ બદલી નાંખશે અથવા ખતમ કરી દેશે અને આ ચૂંટણી છેલ્લી ચૂંટણી હશે તો, પછી દેશમાં તાનાશાહી સ્થપાઈ જશે. વિપક્ષી ગઠબંધન ઈન્ડિયાએ આ મુદ્દે એવો પ્રચાર કર્યો કે ૪૦૦ થી વધુ બેઠકો મેળવ્યા પછી મોદી સરકાર અનામત જ ખતમ કરી દેશે.
તે પછી ચૂંટણી થઈ અને ભાજપને અઢીસો બેઠકો પણ મળી નહીં અને ભાજપને એકલાને બહુમતી મળી નહીં, પરંતુ પ્રિ-પોલ એલાયન્સ એટલે કે ચૂંટણી પહેલાના ગઠબંધન એનડીએને બહુમતી માટે જરૂરી બેઠકો કરતા વીસેક બેઠકો વધુ મળી અને એનડીએની સરકાર રચાઈ, તથા મોદી ત્રીજી વખત વડાપ્રધાન બન્યા.
ઈન્ડિયા ગઠબંધન અને ખાસ કરીને કોંગ્રેસે આ ચૂંટણી પરિણામોને વડાપ્રધાન નરેન્દ્ર મોદીની નૈતિક અને વ્યક્તિગત હાર ગણાવીને વર્તમાન સરકાર લઘુમતી સરકાર હોવાના વ્યંગ સાથે મોદી સરકાર સામે નવેસરથી મોરચો ખોલ્યો. રાહુલ ગાંધીએ સંસદમાં બંધારણની બૂક લહેરાવીને કહ્યું કે 'અમે બંધારણ બચાવી લીધું...'
ઈન્ડિયા ગઠબંધન તથા ખાસ કરીને લોકસભામાં વિપક્ષના વડા બનેલા રાહુલ ગાંધીએ બંધારણને કેન્દ્રમાં રાખીને પ્રહારો ચૂંટણી પછી પણ ચાલુ રાખ્યા, તેથી તમતમી ઉઠેલી ભારતીય જનતા પાર્ટીએ પણ પ્રતિ આક્ષેપો કર્યા અને રપ મી જૂને કાળો દિવસ મનાવ્યો. આ કારણે બંધારણનો મુદ્દો રાજકીય બની ગયો.
ભાજપે કહ્યું કે કટોકટી લાદીને નાગરિકોના તમામ અધિકારો છીનવી લેનાર કોંગ્રેસને બંધારણના મુદ્દે બોલવાનો કોઈ અધિકાર નથી અને એનડીએ ગઠબંધને બંધારણીય રીતે જ બહુમતી મેળવી છે, અને મોદી વડાપ્રધાન બન્યા છે, તે કોંગ્રેસ સ્વીકારવા તૈયાર નથી, અને યુપીએ સરકાર કેવી રીતે રચાઈ હતી અને તે કેટલી કાંખઘોડીઓ પર નિર્ભર હતી, તે પણ કોંગ્રેસે યાદ રાખવું જોઈએ. વિગેરે...
કોંગ્રેસે સણસણતો ઉત્તર આપ્યો કે ૪૦૦ પારનો નારો આપનાર ભાજપ સ્પષ્ટ બહુમતી મેળવી શકયો નથી અને અત્યારે નાયડૂ-નીતિશ પર નિર્ભર સરકાર કાંઈ લાંબુ ચાલવાની નથી, હવે મોદી મેજીકનું સૂરસૂરિયુ જ થઈ ગયું છે વિગેરે...
આ રાજકીય પક્ષો વચ્ચેનું પ્રચાર યુદ્ધ હતું, પરંતુ હવે મોદી સરકારે વિધિવત રીતે ગેઝેટ નોટિફિકેશન બહાર પાડીને દર વર્ષે રપ જૂને 'સંવિધાન હત્યા દિવસ' ઉજવવાનું સરકારી ધોરણે નક્કી (ફરમાન) કર્યું છે, તેના કારણે વિવાદનો વંટોળિયો ઊભો થયો છે, જે સંસદના બજેટસત્રમાં પણ પડઘાશે, તે નક્કી છે.
ખુદ ગૃહમંત્રી અમિત શાહે આ જાહેરાત કરી હતી. વર્ષ-૧૯૭પ ની રપ મી જૂને કટોકટી જાહેર કરીને તે સમયની ઈંદિરા ગાંધી સરકાર દ્વારા સત્તાનો દુરૂપયોગ કરીને દેશવાસીઓ પર અત્યાચાર કર્યા હતાં, અને નાગરિકોના મૂળભૂત અધિકારો છીનવીને પ્રેસ-મીડિયા પર સેન્સરશીપ મૂકાઈ હતી, એટલું જ નહીં, દેશભરમાં વિપક્ષના ઢગલાબંધ નેતાઓ-કાર્યકર્તાઓને લાંબા સમય માટે કોઈપણ દોષ-ગૂન્હા વિના અને કોઈપણ કાનૂની કાર્યવાહી વિના જેલમાં ધકેલી દેવાયા હતાં. સંસદની ચૂંટણી કર્યા વગર તેની મુદ્દત લંબાવી દેવાઈ હતી અને ન્યાયતંત્ર પર પણ કેટલાક અંકુશો મૂકી દેવાયા હતા, તે પ્રકારના આક્ષેપોનો મારો ભાજપના નેતાઓ ચલાવી રહ્યા છે.
કોંગ્રેસ પણ આકરા શબ્દોમાં જવાબ આપી રહી છે. અતિશય ઘમંડમાં ઉડ્યા પછી મળેલો પરાજ્ય પચતો નથી તેથી ડઘાઈ ગયેલી ઓક્સિજન પર જીવતી સરકાર હવે સ્વયં સત્તાનો દુરૂપયોગ કરી રહી હોવાના આક્ષેપો વિપક્ષો કરી રહ્યા છે.
કોંગ્રેસ નેતા જયરામ રમેશે કહ્યું છે કે 'નોન-બાયોલોજિકલ વડાપ્રધાન (મોદી) ફરી એકવાર હિપોક્રેસી ભરેલી હેડલાઈન્સ બનાવવાનો પ્રયાસ કરી રહ્યા છે, પણ દેશના લોકો ચોથી જૂનને દર વર્ષે 'મોદી મૂક્તિ દિવસ' તરીકે ઓળખશે. આ દિવસે મળેલી નિર્ણાયક અને નૈતિક હાર પૂર્વે તેમણે (મોદીએ) ૧૦ વર્ષ સુધી અઘોષિત કટોકટી લગાવી રાખી હતી. તેમણે એમ પણ કહ્યું કે હવે દેશવાસીઓ દર વર્ષે ૮ મી નવેમ્બરે (નોટબંધી ઈફેકટ) 'આજીવિકા હત્યા દિવસ' મનાવશે !
બંધારણ હત્યા દિવસ વર્સિસ મોદી મૂક્તિ દિવસની સાથે સાથે 'આજીવિકા હત્યા દિવસ'ના નવા નેગેટિવ નેરેટિવ તથા આક્ષેપબાજીના દેશમાં મિશ્ર પ્રત્યાઘાતો પડી રહ્યા છે. દેશમાં અઘોષિત કટોકટીના ૧૦ વર્ષ વર્ષ-૧૯૭પ ની બે-અઢી વર્ષની કટોકટી કરતાં પણ વધુ બિહામણા હતા, અને હજુ પણ આ ઓક્સિજન પર રહેલી સરકાર સત્તામાં છે, ત્યાં સુધી ભલે અંકુશ રહે, તેમ છતાંયે તાનાશાહી વલણ તો રહેવાનું જ છે, તેથી પોતાની નૈતિક હાર માનીને ભાજપે પુનઃ જનાદેશ લેવો જોઈએ, તેવી કોમેન્ટો પણ થઈ રહી છે, અને વર્તમાન સરકાર ગમે તે કરે પણ લાંબુ નહીં ટકે તેવા અભિપ્રાયો અપાઈ રહ્યા છે, અને તેને મૂંગેરીલાલના હસીન સપના પણ ગણાવાઈ રહ્યા છે, પરંતુ 'ન જાણ્યું જાનકી નાથે... સવારે શું થવાનું છે!'
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જુલાઈમાં ડેન્ગ્યૂ વિરોધી માસ ઉજવાઈ રહ્યો છે ત્યારે
જામનગર તા. ૧૧: જામનગર મહાનગરપાલિકાની આરોગ્ય શાખા દ્વારા વરસાદી પાણીના નિકાલ અંગેની માર્ગદર્શિકા જાહેર કરાઈ છે. જુલાઈ માસમાં "ડેન્ગ્યૂ વિરોધી માસ" નિમિત્તે આરોગ્ય શાખા દ્વારા સમગ્ર શહેરમાં જાગૃતિ ઝુંબેશ હાથ ધરવામાં આવી છે.
જામનગરમાં હાલમાં વર્ષાઋતુનો સમયગાળો છે. તેથી સમગ્ર શહેરમાં નાગરિકોના ઘરની છત પર, નકામા પડી રહેલ સરસામાન, નાનામોટા ખાડા, ખાબોચીયામાં વરસાદી પાણીના ભરવાના કારણે મચ્છરની ઉત્પત્તિમાં વધારો થવાની શક્યતા રહેલી છે. જેનાથી મચ્છરજન્ય રોગો જેવા કે મેલેરિયા, ડેન્ગ્યૂ અને ચીકનગુનિયાના કેસોમાં પણ વધારો થવાની શક્યતા રહેલી છે. તેને ધ્યાનમાં રાખતા જામનગર શહેરમાં ૧ર આરોગ્ય કેન્દ્ર પર વાહકજન્ય રોગ અટકાયત અંગેની કામગીરી હાલમાં ચાલુ છે, જેમાં હાઉસ ટુ હાઉસ સર્વે, લોકોમાં વાહકજન્ય રોગ પ્રત્યે જાગૃતિ લાવવાના કાર્યો, એબેટ કામગીરી, ઈન્ટ્રા ડોમેસ્ટિક એન્ટી લાર્વલ સર્વેલન્સ કામગીરી વગેરે જેવા વિવિધ રોગ અટકાયતી કામગીરી કરવામાં આવી રહી છે.
આ ઝુંબેશમાં તમામ શહેરીજનોનો પુરતો સહકાર મળી રહે તે ખુબ જ અગત્યની બાબત છે. આવા મચ્છરજન્ય રોગોને નિયંત્રિત કરવા માટે દરેક શહેરીજનોને આરોગ્ય શાખા દ્વારા ખાસ અપીલ કરવામાં આવે છે અને ઘરમાંથી તેમજ ઘરની આસપાસ ભરાયેલા પાણીમાંથી મચ્છરોની ઉત્પત્તિ અટકાવી શકાય તે માટે માર્ગદર્શિકા જાહેર કરવામાં આવી છે.
ખુલ્લામાં પડી રહેલા ટાયર, નકામો સરસામાન વગેરેમાં વરસાદનું પાણી ભરાવાથી મચ્છરની ઉત્પત્તિ થાય છે. તેનાથી મચ્છરજન્ય રોગો જેવા કે ડેન્ગ્યુ, ચીકુનગુનિયા અને મેલેરિયાના ફેલાવાની શક્યતા વધી જાય છે. તેથી જામનગર શહેરના ટાયરના વિક્રેતાઓ, ટાયર-પંચરના ધંધાર્થીઓ, ભંગારના વેપારીઓ વગેરેએ તાત્કાલિક ધોરણે ખુલ્લામાં પડી રહેલા ટાયર, ભંગાર, જૂનો સરસામાન વગેરેનો નિકાલ કરવા કે શેડ વાળી જગ્યા પર પાણી ભરાય ન રહે તે રીતે તેને મૂકી દેવા જણાવવામાં આવે છે.
રહેણાંક મકાનો, દુકાનો, કોમર્શિયલ કોમ્પલેક્ષ, તેની આજુબાજુના વિસ્તારોમાં, સરકારી અને બિનસરકારી તમામ સંસ્થાઓને તેમના કેમ્પસ વિસ્તારો અને કોમ્પલેક્ષના છત પર પ્રિ-મોનસૂન એક્ટીવીટી સબબ વરસાદી પાણી ભરાઈ ન રહે તે માટે છત પર પડી રહેલો નકામો ભંગાર દુર કરાવી, સફાઈ કરાવી લેવા અને વરસાદી પાણીનો યોગ્ય નિકાલ થાય તેવી વ્યવસ્થા ગોઠવવી જોઈએ.
શહેરના તમામ નાગરિકોએ તેમના ઘરની અંદર કોઈપણ પાણી ભરેલા પાત્ર ખુલ્લું ન રહે તે અંગે ખાસ તકેદારી રાખવી જોઈએ.
પાણી ભરેલા તમામ વાસણો હવાચુસ્ત ઢાંકણથી ઢાંકી રાખવા જોઈએ.
પાણીની ટાંકીઓ, ફૂલદાનીઓ, પક્ષીકુંજ, કુલર, ફ્રીજની ટ્રે વગેરે અઠવાડિયામાં એક વખત અચૂક અને વ્યવસ્થિત રીતે સાફ કરવી જોઈએ.
પાણીના નાના ખાડા, ખાબોચિયામાં ભરાયેલા વરસાદી પાણીને વહેડાવી દો કે તેને માટીથી પૂરી દો.
મોટા પાણીના ભરાવામાં બળેલું ઓઈલ કે કેરોસીન નાખવું જોઈએ. જેથી મચ્છર ઉત્પતિ પર નિયંત્રણ લાવી શકાય.
અગાસી, છજ્જા, પાર્કિંગની જગ્યા, સેલરમાં ભરાઈ રહેલા પાણીનો તાત્કાલિક ધોરણે નિકાલ કરવો જોઈએ.
ચોમાસામાં નકામા ટાયરો, ખાલી વાસણો, ધાબા પરના ડબ્બા, અન્ય જુના સરસામાનમાં વરસાદી પાણી ભરાવા દેવું ના જોઈએ.
મચ્છરોના કરડવાથી બચવા માટે દિવસે અને રાત્રે મચ્છરદાનીનો ઉપયોગ કરવો જોઈએ. આખી બાંયના કપડાં પહેરો અને મચ્છર ભગાડવાની કોઈલ, ક્રીમ વગેરે મેડિકેટેડ વસ્તુઓનો ઉપયોગ કરો.
દર અઠવાડિયે એકવાર સવારે ૧૦:૦૦ કલાકે ૧૦:૦૦ મિનીટનો સમય કાઢીને ઘરમાં ઉપયોગમાં લેવાતા તમામ પાણીના પાત્રોને ખાલી કરીને તેને ઘસીને સાફ કરવા જોઈએ. તેને સુકવ્યા બાદ જ ફરીથી તે સાધનો ઉપયોગમાં લેવા જોઈએ.
જામનગર શહેરના તમામ નાગરિકોને અત્રે જણાવેલ માર્ગદર્શિકાનું ખાસ પાલન કરવા માટે મેડિકલ ઓફિસર ઓફ હેલ્થ, આરોગ્ય શાખા, જામનગર મહાનગરપાલિકાની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ગાય નિભાવ ખર્ચ સહાય યોજના હેઠળ દર વર્ષે રૂ. ૧૦,૮૦૦ ની સહાય મળે છે...
ઓનલાઈન વેબસાઇટ પરથી તમે અનેક વસ્તુઓની ઘરે બેઠા ખરીદી કરી શકો છો. પણ ગાયનું દૂધ અને ગાય આધારિત પ્રાકૃતિક ખેતી પદ્ધતિથી ખેતરમાં ઉગાડેલા શાકભાજી અને ફળોની હોમ ડિલિવરી વિષે નહિ સાંભળ્યું હોય. જામનગર તાલુકાના ચેલા ગામમાં રહેતા લખમણભાઈ નકુમ જામનગર શહેરમાં દેશી ગાયનું દૂધ તેમજ પ્રાકૃતિક ખેતી પદ્ધતિથી ઉગાડેલા ફળો અને શાકભાજીની તેમજ મગફળીનું વાવેતર કરે ત્યારે શુદ્ધ મગફળીનું તેલ લોકોના ઘર સુધી કોઈપણ ડિલિવરી ચાર્જ લીધા વગર પહોંચાડે છે.
પોતાના ૧૪ વીઘા ખેતરમાં તેઓ બારેક વર્ષથી પ્રાકૃતિક ખેતી કરી રહ્યા છે. જેમાં લખમણભાઈ શાકભાજી, ઘાસચારો, ફળોનું વાવેતર કરી સારી આવક મેળવી રહ્યા છે. તેમની પાસે અંદાજિત ૨૨ જેટલી દેશી ગાયો છે. જેનું ગૌમૂત્ર, છાણ તેમજ ખાટી છાસ એકત્ર કરી તેઓ જંતુનાશકો તરીકે જમીનમાં છંટકાવ કરે છે. જેનાથી રાસાયણિક ખાતર પાછળ પૈસા ખર્ચ થતાં નથી. તેમજ સંપૂર્ણ કુદરતી રીતે પાકનું ઉત્પાદન થયું હોવાથી વધારે ભાવ મળતા તેઓની આવક બમણી થઈ છે.
લખમણભાઈ નકુમ જણાવે છે કે, મારે ૧૪ વીઘા જમીન છે હું ૨૦૧૩થી ગાય આધારિત પ્રાકૃતિક ખેતી કરું છું. અગાઉ મારી પાસે ઓછી ગાયો હતી. પરંતુ વર્ષ ૨૦૨૦-૨૧માં પશુપાલન વિભાગ દ્વારા સ્વરોજગારી હેતુ પશુપાલન વ્યવસાય માટે ૧૨ દૂધાળા પશુના ડેરી ફાર્મની સ્થાપના માટે રૂ. ૨,૨૫,૦૦૦ની સહાય આપવામાં આવી છે. હાલમાં મારી પાસે ૨૫ ગાયો છે. આત્મા પ્રોજેક્ટ દ્વારા એક ગાયની સહાય એક મહિનાના રૂ. ૯૦૦ લેખે આપવામાં આવે છે. જે વાર્ષિક રૂ. ૫૪૦૦ ના બે હપ્તા દ્વારા ચૂકવવામાં આવે છે. હાલ બાગાયતી પાકોના બગીચામાં જામફળ, ચીકુ, સીતાફળ, ખારેક, નાળિયેર, લીંબુનું વાવેતર કર્યું છે. તેમજ મગફળી અને શાકભાજીનું પણ વાવેતર કરૃં છું.
જામનગર શહેરમાં એમ્યુઝમેન્ટ પાર્ક પાસે આત્મા પ્રોજેક્ટ દ્વારા પ્રાકૃતિક ખેતીના માધ્યમથી ઉત્પાદિત વસ્તુઓનું વેચાણ કરવા વિનામૂલ્યે સ્ટોલ ફાળવવામાં આવ્યા છે. ત્યાં શાકભાજી અને ફળોનું વેચાણ કરતાં બજાર ભાવ કરતાં એક કિલો શાકભાજીના રૂ. ૨૦ થી રૂ. ૩૦ વધારે મળવાથી આર્થિક ફાયદો થાય છે. હું મગફળીનું પણ વાવેતર કરું છું અને તેમાંથી તેલ બનાવી તેનું વેચાણ કરું છું. અમે પણ શુદ્ધ વસ્તુઓ ખાય છીએ અને ગ્રાહકને પણ શુદ્ધ વસ્તુઓ ખવડાવીએ છીએ. ગાયોનું દૂધ કાંચની બોટલમાં ભરી શહેરમાં હોમ ડિલિવરી કરું છું. જેના પ્રતિ લિટરના ૮૦ રૂપિયા મળે છે. ગાયના દૂધની સાથે હું પ્રાકૃતિક રીતે ઉત્પાદન થયેલા શાકભાજી અને ફળો પણ લોકોના ઘર સુધ ી પહોંચાડું છું. રાજ્યપાલશ્રી અને મુખ્યમંત્રીશ્રીના કાર્યક્રમો દરમિયાન પ્રાકૃતિક સ્ટોલ ઊભા કરવામાં આવે છે. ત્યાં હું મારી વસ્તુઓનું વેચાણ કરી શકું છું. સાથોસાથ વિનામૂલ્યે જાહેરાત થાય છે અને વેચાણ પણ વધે છે. પ્રાકૃતિક ખેતી કરતાં ખેડૂતોને પ્રોત્સાહિત કરવા બદલ હું સરકારનો આભાર વ્યક્ત કરું છું.
ઉલ્લેખનીય છે કે તાજેતરમાં જ રાજ્ય સરકારે પ્રાકૃતિક કૃષિને પ્રોત્સાહિત કરતી નવી યોજના અમલમાં મૂકી છે. રાજ્યના દરેક નાગરિકને રાસાયણિક ખાતર તેમજ જંતુનાશક દવાના ઉપયોગ કર્યા વિના ઉત્પાદિત કરેલા શાકભાજી પાકો સરળતાથી મળી રહે તે માટે શાકભાજી પાકોમાં પ્રાકૃતિક કૃષિને પ્રોત્સાહન આપવાની યોજના અમલમાં મૂકવામાં આવી છે.
આ યોજના હેઠળ શાકભાજીની ખેતી પ્રાકૃતિક ખેતી પદ્ધતિથી કરતા હોય તેવા ખેડૂતોને બિયારણ, પ્રાકૃતિક ઇનપુટ ખેતી ખર્ચ તથા શાકભાજીની પ્રાકૃતિક ખેતીને પ્રોત્સાહન મળે તે માટે મહત્તમ રૂ. ૨૦,૦૦૦ પ્રતિ હેકટર સહાય આપવામાં આવશે. આ યોજનાના અમલીકરણ માટે રાજ્ય સરકાર દ્વારા અંદાજપત્રમાં રૂ. ૧૦૦૦ લાખની રકમ ફાળવવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પાકને બરબાદ કરતી જીવાતોના નિયંત્રણ માટે રામબાણ ઈલાજ ક્યો ? જાણો
રાજ્યમાં પ્રાકૃતિક કૃષિ પદ્ધતિનો વ્યાપ વધી રહ્યો છે. દેશની સાથે સાથે ગુજરાત રાજ્યના અનેક ખેડૂતો રાસાયણિક ખાતર અને જંતુનાશક દવાનો ઉપયોગ ધરાવતી ખેત પદ્ધતિને છોડી વર્ષો જૂની પ્રાકૃતિક ખેતી પદ્ધતિ અપનાવી રહ્યા છે. રાસાયણિક ખેતીથી પ્રાકૃતિક ખેતીમાં આવતા ખેડૂત મિત્રોને શરૂઆતમાં થોડી તકલીફોનો સામનો કરવો પડે છે. કારણ કે, જમીનનો સેન્દ્રીય કાર્બન ઓછો થઈ ગયો હોય છે અને જમીન લગભગ બિન ફળદ્રુપ થઈ ચૂકી હોય છે. તેથી શરૂઆતમાં પાક પર વધારે રોગ, જીવાત આવે છે.
આથી આ રોગ, જીવાતોના નિયંત્રણ માટે નિમાસ્ત્ર, બ્રહ્માસ્ત્ર, અગ્નિઅસ્ત્ર વગેરે પ્રાકૃતિક જંતુરોધકોનો ઉપયોગ કરી શકાય છે. તેમાં લીમડો, ધતુરો, આંકડો, ગળો, સીતાફળ જેવી વનસ્પતિઓને ગૌમુત્રની અંદર સેડવીને તેને ૧૫ થી ૨૦ લીટર પાણીમાં ૨ લીટરના પ્રમાણમાં ઉમેરીને પાક પર છંટકાવ કરવો. જેથી રોગ જીવાતોનું નિયંત્રણ થશે. મહિના જૂની છાશ (લસ્સી)ને પાણીમાં ભેળવીને પાક ઉપર છંટકાવ કરવાથી ફૂગજન્ય રોગોનું નિયંત્રણ થઈ શકે છે. આ છંટકાવ છોડવાઓને તાકાત આપી રોગથી બચાવશે. આવા બધા જ પ્રકારના પ્રાકૃતિક છંટકાવોને ખેડૂત મિત્રો પોતાના જ ઘરે બનાવી શકે છે, તેના માટે બહુ જ ઓછો ખર્ચ કરવો પડે છે. જેનાથી જમીનનો સેન્દ્રીય કાર્બન વધી જશ ે અને પાકોમાં આવતા રોગો પણ અટકી જશે.
નિમાસ્ત્રઃ ચુસિયા પ્રકારની જીવાત તેમજ નાની ઇયળોના નિયંત્રણ માટેની પદ્ધતિ
૫ કિલો લીમડાનાં લીલા પાન અથવા લીમડાની ૫ કિલો લીંબોળી લઈ પાન અથવા લીંબોળીને ખાંડીને રાખી મૂકો. ૧૦૦ લીટર પાણી લઈ તેમાં ખાંડીને તૈયાર કરેલી ચટણીને પાણીમાં ઉમેરો. હવે તેમાં ૫ લીટર ગૌમૂત્ર અને ૧ કિલો દેશી ગાયનું ગોબર નાખી ભેળવી દો. લાકડી વડે તેને હલાવી અને ૪૮ કલાક સુધી ઢાંકીને રાખી મૂકો. યાદ રાખો કે આ તૈયાર થયેલા દ્રાવણને દિવસમાં ત્રણ વખત હલાવવાનું રહેશે. ત્યારબાદ ૪૮ કલાક પછી આ દ્રાવણને કપડાથી ગાળી લેવાનું છે. આમ આ તૈયાર થયેલા દ્રાવણનો પાક ઉપર છંટકાવ કરી શકાય છે. આ દ્રાવણમાં પાણી ઉમેર્યા વગર જ તેનો છંટકાવ કરવાનો રહેશે.
બ્રહ્માસ્ત્રઃ મોટા કીડી મંકોડાના નિયંત્રણ માટે
લીમડો (૫ કિલો ગ્રામ), સફેદ ધતૂરો (૨ કિલો ગ્રામ), સીતાફળ (૨ કિલો ગ્રામ), કરંજ (૨ કિલો ગ્રામ), જામફળ (૨ કિલો ગ્રામ), એરંડા (૨ કિલો ગ્રામ), પપૈયા (૨ કિલો ગ્રામ) પૈકીમાંથી કોઈ પણ પાંચ વનસ્પતિ લઈ તેની ચટણીને ૧૦ લીટર ગૌમુત્રમાં ભેળવી ઢાંકીને ધીમી આંચ પર ત્રણથી ચાર ઉફાણા આવે ત્યાં સુધી રાખો. નીચે ઉતારી તેને ૪૮ કલાક સુધી મૂકી રાખો. પછી કપડાં વડે ગાળીને તેનો યોગ્ય પાત્રમાં સંગ્રહ કરો. આ બ્રહ્માસ્ત્રને ૧૦૦ લીટર પાણીમાં ૨ થી ૨.૫ લીટર ભેળવીને પાક પર છંટકાવ કરો. તેને ૬ મહિના સુધી રાખી શકાય છે.
નાની મોટી ઇયળોના નિયંત્રણ માટે અગ્નિઅસ્ત્ર છે ખૂબ જ ઉપયોગી
વૃક્ષના થડ અથવા ડાળીમાં રહેતા કીડા, સિંગોમાં અને ફળોમાં રહેતી ઇયળો તેમજ કપાસના જીંડવામાં રહેતી ઇયળો અને અન્ય પ્રકારની નાની મોટી ઇયળોના નિયંત્રણ માટે અગ્નિઅસ્ત્ર ખૂબ જ ઉપયોગી છે. ૨૦ લીટર ગૌમુત્ર લઈ તેમાં ૫૦૦ ગ્રામ તીખા લીલા મરચાની ચટણી ઉમેરો. ૫૦૦ ગ્રામ લસણ વાટીને તેમાં નાખો, લીમડાના ૫ કિલો પાનની ચટણી લઈ ૧ કિલોગ્રામ તમાકુ પાવડર ઉમેર્યા પછી આ પુરા મિશ્રણને લાકડીના ડંડાથી હલાવો અને એક વાસણમાં ધીમા તાપે ઉકાળો. ૪ થી ૫ વખત ઉફાણા આવે એટલે નીચે ઉતારો. ૪૮ કલાક સુધી રાખી મૂકો ત્યારપછી તેને કપડા વડે ગાળીને વાસણમાં સંગ્રહ કરો. ૧૦૦ લીટર પાણીમાં ૨ થી ૨.૫ લીટર નાખી તેનો ખેતી પાક પર છંટકાવ કરી શકાય છે. ત્રણ માસ સુધી આ મિશ્રણને વાપરી શકાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ખેડૂતો અને ખેતી દેશના વિકાસનું ગ્રોથ એન્જિનઃ આવો, ગુજરાતને આત્મનિર્ભર કૃષિથી સમૃદ્ધ બનાવીએ...
દેશના આખા અર્થતંત્રના વિકાસ માટેનું મોટું એન્જિન ખેતી અને ખેડૂતોનો વિકાસ છે. રાજય સરકારે આ વાતને ધ્યાનમાં રાખીને વિવિધ યોજનાઓ અમલમાં મૂકી છે. આ યોજનાઓ કૃષિકારોને સમૃદ્ધિની દિશામાં તો દોરી જ જશે. જયારે પ્રાકૃતિક ખેતીને પણ મોટું પ્રોત્સાહન મળતાં આગામી દિવસોમાં ખેડૂતો મોટી સંખ્યામાં પ્રાકૃતિક ખેતી તરફ વળે તે માટેનું નક્કર આયોજન આ યોજનાઓમાં જોવા મળે છે.
નિભાવ ખર્ચમાં સહાય
સમગ્ર રાજ્યની સાથે દેવભૂમિ દ્વારકા જિલ્લાના ખેડુતો પ્રાકૃતિક ખેતી માટે પ્રોત્સાહિત થાય તેમજ ખેતરમા પ્રાકૃતિક ખાતરનો ઉપયોગ કરે તે માટે રાજ્ય સરકાર દ્વારા ગાય નિભાવ ખર્ચમા સહાય આપવાની યોજના શરૂ કરવામા આવી છે. આ યોજના અંતર્ગત દેશી ગાય આધારિત પ્રાકૃતિક ખેતી કરતા ખેડૂત કુટુંબને એક ગાય માટે નિભાવ ખર્ચમાં સહાય યોજના હેઠળ રાજ્ય સરકાર દ્વારા પ્રતિ માસ રૂપિયા ૯૦૦/- પ્રમાણે દેશી ગાય પાલક ખેડૂતને પ્રાકૃતિક કૃષિ કરવાની શરતે ગાય નિભાવ ખર્ચમાં સહાય આપવામા આવે છે.
કેટલા ખેડૂતોને કેટલી સહાય મળી?
પ્રાકૃતિક ખેતી એ આત્મનિર્ભર ભારત બનાવવાનું પ્રથમ પગલું છે. ગાય આધારિત ખેતીમાં રાસાયણિક ખાતરો અને જંતુનાશકોનો ઉપયોગ બિલકુલ થતો નથી, તેથી તે ખૂબ જ ઓછા ખર્ચે થતી ખેતી છે ત્યારે ખેડુતો પ્રાકૃતિક ખેતી કરતાં થાય તે માટે દેશી ગાયના નિભાવ માટે વર્ષ-૨૦૨૩-૨૪ દરમ્યાન દેવભૂમિ દ્વારકા જિલ્લાના ૧૧૯૧ ખેડૂત લાભાર્થીઓને રૂ.૬૪.૩૧ લાખનો પ્રથમ હપ્તો તેમજ ૧૧૪૦ ખેડૂત લાભાર્થીઓને રૂ.૬૧.૫૬ લાખના બીજા હપ્તા સહિત કુલ રૂ.૧૨૫.૭૮ લાખની સહાય ચૂકવવામાં આવી છે.
દેશી ગાય આધારિત
પ્રાકૃતિક કૃષિના ફાયદા
દેશી ગાય આધારિત પ્રાકૃતિક કૃષિના અનેક ફાયદા છે. દેશી ગાય આધારિત પ્રાકૃતિક કૃષિથી ખેત પેદાશ વધુ મળશે અને ભાવ પણ સારા મળવાથી ખેડુતની આવકમાં વધારો થશે. કુદરતી ખેતી પધ્ધતિમાં ૭૦ ટકા પાણીનો વપરાશ ઘટે છે, તેથી ઓછા પાણીમાં ખેતી કરી શકાય છે. રાસાયણિક ખાતરો અને જંતુનાશકોનો ખર્ચ બચે છે અને પાણીનો વપરાશ ઓછો થાય છે, જેથી વીજળીની બચત થાય છે. ખોરાકનું મૂલ્યાંકન તેમાં રહેલા પોષક મૂલ્યો દ્વારા નક્કી કરવામાં આવે છે, પરંતુ પોષક તત્ત્વોની અછત અને ઝેરી રાસાયણ વાળો ખોરાક ખાવાથી રોગપ્રતિકારક શક્તિ ઓછી થાય છે. જેના કારણે આપણે અનેક ગંભીર બીમારીઓનો સામનો કરવો પડે છે. મૂલ્યવાન ખોરાક પૂરો પાડવા માટે કુદરતી ખેતી જરૂરી છે. જમીન પોચી અને ભરભરી બનતા ફળદ્રુપતા અને નિતારશકિત વધે છે.
ગુણવત્તાયુકત અને ઝેરી રસાયણમુક્ત ઉત્પાદન મળે છે. જમીનમાં દેશી અળસીયાનું પ્રમાણ વધે છે. મિશ્રપાક પદ્ધતિથી એકબીજા પાકોને પૂરક પોષણ મળી રહે અને ઉત્પાદન જળવાય રહે છે. આમ પ્રાકૃતિક ખેતીથી ખેતી ખર્ચ ઘટતા, નફો વધારે મળે છે.
ઉલ્લેખનીય છે કે, પ્રાકૃતિક ખેતીનો વ્યાપ વધારવાના વડાપ્રધાન નરેન્દ્રભાઇ મોદીના વિઝનને સાકાર કરવા માટે રાજ્યપાલ આચાર્ય દેવવ્રત અને મુખ્યમંત્રી ભૂપેન્દ્રભાઇ પટેલના માર્ગદર્શન હેઠળ પ્રાકૃતિક ખેતીને પ્રોત્સાહન આપવા માટેના સમર્પિત પ્રયાસો કરવામાં આવી રહ્યાં છે ત્યારે દેશી ગાય આધારિત પ્રાકૃતિક ખેતી અપનાવીએ,ગુજરાતને આત્મનિર્ભર કૃષિથી સમૃદ્ધ બનાવીએના સૂત્રને ખરા અર્થમાં સાકાર કરવા દેવભૂમિ દ્વારકા જિલ્લાના ખેડૂતો પણ પ્રાકૃતિક ખેતી અપનાવી રહ્યાં છે.
- વૈશાલી રાવલિયા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભારતને આઝાદી અપાવવાનો વાયદો અને કાયદો લેબર પાર્ટીએ જ ઘડ્યો હતોઃ હિસ્ટ્રી
લંડન/નવી દિલ્હી તા. ૮: યુનાઈટેડ કિંગ્ડમ, જેને આપણે બ્રિટન તરીકે ઓળખીએ છીએ. તેમાં ઈંગ્લેન્ડ, વેલ્સ, ઉ. આયર્લેન્ડ અને સ્કોટલેન્ડનો સમાવેશ થાય છે. આપણે ત્યાં લોકસભા છે તેમ ત્યાં હાઉસ ઓફ કોમન્સ હોય છે. જેની ચૂંટણીમાં ૧૪ વર્ષથી સત્તારૂઢ કન્ઝર્વેટિવ પાર્ટીના સુપડા સાફ થઈ ગયા છે અને ૬પ૦ માંથી ૪૦૦ થી વધુ બેઠકો મેળવીને લેબર પાર્ટીને જનાદેશ મળ્યો છે. હવે ભારત સાથે બ્રિટન (યુ.કે.) ના સંબંધો કેવા રહેશે, તેની ચર્ચા શરૂ થઈ ગઈ છે. ઋષિ સુનકે રાજીનામું આપ્યું અને હવે કીર સ્ટાર્મર વડાપ્રધાન બન્યા પછી સંબંધો કેવા રહેશે, તેની વ્યાપક ચર્ચા થઈ રહી છે, અને ત્યાં દિગ્ગજોનો પરાજય અને ચાર ચાર પૂર્વ વડાપ્રધાનોની વ્યક્તિગત હાર પણ ચર્ચામાં છે.
ભારતને આઝાદી કોણે અપાવી?
ભારતમાં બે સદીથી ચાલતી સ્વાતંત્ર્ય ચળવળને અંતે જ્યારે બ્રિટન (યુ.કે.) ની સંસદમાં એક કાયદો પસાર કરીને ત્યાંની સરકારે ઠરાવ પસાર કર્યો ત્યારે સફળતા મળી, અને તે ઈતિહાસ સાથે લેબર પાર્ટી જોડાયેલી છે. લેબર પાર્ટી પણ ૧૦૦ વર્ષ જુની ગણાય છે, અને તેનો ઈતિહાસ અલગ છે, પરંતુ ભારતને લાગે-વળગે છે ત્યાં સુધી બ્રિટનમાં લેબર પાર્ટીએ સત્તામાં આવ્યા પછી ભારતને આઝાદ કરવાનો ઝડપભેર નિર્ણય લીધો. તેમાંથી લેબર પાર્ટીની સ્વતંત્ર ભારતની પોલિસી પ્રગટી હતી અને હવે તો ત્યાંની રાજનીતિમાં પણ મૂળ ભારતીયોનો પ્રભાવ વધી રહ્યો છે. આઝાદી પછી કાશ્મીર જેવા કેટલાક મુદ્દે લેબર પાર્ટીએ ભૂતકાળમાં ભારત વિરોધી વલણ પણ અપનાવ્યું હતું, પરંતુ હવે લેબર પાર્ટી સત્તામાં આવ્યા પછી તેની નીતિ ભારત વિરોધી તો નહીં જ હોય, તેવો મહત્તમ અભિપ્રાય પ્રગટી રહ્યો છે, અને સ્ટાર્મરે પણ જમ્મુ-કાશ્મીરના મુદ્દાને ભારતનો આંતરિક મુદ્દો ગણાવી દીધો હોવાના અહેવાલો છે.
કન્ઝર્વેટિવ પાર્ટી સાથે પણ ઋષિ સુનકના કારણે સંબંધો
કન્ઝર્વેટિવ પાર્ટી ૧૪ વર્ષ સત્તામાં રહી, અને તેના પ્રારંભિક ભારત સાથેના સંબંધોમાં ઉતાર-ચઢાવ આવ્યા હતાં, પરંતુ છેલ્લે ઋષિ સુનક ત્યાંના વડાપ્રધાન બન્યા પછી કન્ઝર્વેટિવ પાર્ટીનું વલણ પણ ભારત સાથે મિત્રતાપૂર્ણ બન્યું હતું, પરંતુ કન્ઝર્વેટિવ પાર્ટીની મૂળ નીતિ તો અવઢવવાળી જ રહી હતી. હવે જ્યારે લેબર પાર્ટી સત્તામાં આવી છે, ત્યારે તેના ભારત સાથેના સંબંધોમાં ઋષિ સુનકની વ્યક્તિગત રીતે મૂળ ભારતીય હોવાની તથા પોતે હિન્દુ હોવાની જે છાપ ઊભી થઈ છે, તે અવરોધરૂપ નહીં બને અને નવા પી.એમ. પણ બન્ને દેશો વચ્ચે સારા સંબંધો જ ઈચ્છશે, તેવા તારણો નીકળી રહ્યા છે, કેટલાક એવા નિવેદનો પણ આવી રહ્યા છે કે, ભારત સાથે નવી સરકાર પણ સ્ટ્રેટેજિક પાર્ટનર બનવાની ઈચ્છા ધરાવે છે, અને તેથી સુનક સરકાર કરતા પણ વધુ ગાઢ સંબંધો કેળવાઈ શકે છે.
પાળી પહેલા પાળ
બ્રિટનના નવા વિદેશમંત્રી ડેવિડ થૈમ્મી બનવા જઈ રહ્યા છે. ભારતની કુટનૈતિક રણનીતિ હેઠળ જ કદાચ બ્રિટનની ચૂંટણીઓ જાહેર થયા પહેલા અને પછી પણ ભારતના વિદેશમંત્રી એસ. જયશંકરે ડેવિડ થૈમ્મી સાથે મહત્ત્વપૂર્ણ મુલાકાતો કરી હતી, ત્યારે ધરોબો પણ કેળવ્યો હતો, જેને ભારતની કુટનૈતિક નિપુણતા તથા પાણી પહેલા પાળ બાંધવાની રણનીતિ તરીકે જોવામાં આવી રહ્યો છે, તે ઉપરાંત બ્રિટનના પ્રવાસ દરમિયાન પણ જયશંકર સ્ટાર્મર સહિતના નેતાઓને મળ્યા હતાં, જે પાણી પહેલા પાળ બાંધવાની કહેવતને અનુરૂપ હતાં.
લેબર્ટ પાર્ટીનું ભારત તરફી વલણ
બ્રિટનમાં વર્ષ ૧૯૦૦ માં બ્રિટનના ટ્રેડ યુનિયનો અને સમાજવાદી વિચારસરણીના પ્રભાવ હેઠળ રચાયેલી લેબર પાર્ટીએ પહેલેથી જ તે સમયે બ્રિટનની ગુલામી હેઠળ રહેલા ભારતને સ્વતંત્રતા આપવાનું વલણ દાખવ્યું હતું, અને છેક વર્ષ ૧૯૩૮ સુધી તેના નેતાઓના ભાષણોમાં પણ આ મુદ્દો અગ્રતાક્રમે રહેતો હતો.
ચૂંટણીમાં વાયદો, પછી બનાવાયો કાયદો
બીજા વિશ્વયુદ્ધ પછી વર્ષ ૧૯૪પ માં જ્યારે બ્રિટનમાં જનરલ ઈલેક્શન થયા, ત્યારે લેબર પાર્ટીએ ભારતને સ્વશાસનની તક આપવાનો વાયદો કર્યો હતો, જ્યારે તે સમયના કન્ઝર્વેટિવ પાર્ટીના વડાપ્રધાન રૂઢીવાદી તત્કાલિન પી.એમ. વિન્સ્ટન ચર્ચિલ જાહેરમાં ગોળ ગોળ વાતો કરતા રહેતા હતાં, પરંતુ વાસ્તવમાં ભારતને આઝાદી આપવાના કટ્ટર વિરોધી હતાં, તેમ કહેવાય છે.
તે સમયે ચૂંટણીઓમાં કન્ઝર્વેટિવ પાર્ટી હારી ગઈ અને લેબર પાર્ટી જીતી ગઈ, અને ક્લીમેન્ટ એ. વડાપ્રધાન બન્યા. તેમણે લેબર પાર્ટીના ચૂંટણી-ઢંઢેરામાં ભારતીયોને આપેલોવાયદો પાળ્યો અને વર્ષ ૧૯૪૬ થી ભારતને સ્વતંત્રતા આપવાની દિશામાં કામ શરૂ થયું અને તે માટે સંવિધનસભાની રચના કરવા માટે કાયદો ઘડ્યો, જે બ્રિટનની સંસદમાં પસાર થયો. વર્ષ ૧૯૪૭ ની ૧૮ મી જુલાઈના ઈન્ડિયન ઈન્ડિપેન્ડન્સ એક્ટ હેઠળ ભારતને આઝાદી આપવાની જોગવાઈઓ અમલી બની, અને ર૦ મી ફેબ્રુઆરી ૧૯૪૭ ના દિવસે બ્રિટનના હાઉસ ઓફ કોમન્સ (લોકસભા)માં ઘોષણા કરાઈ કે ૩૮ જૂન ૧૯૪૮ સુધીમાં ભારતને પૂર્ણ સ્વશાસન સોંપી દેવાશે, પરંતુ તે પહેલા જ વર્ષ ૧૯૪૭ માં ભારતને ૧પ ઓગસ્ટે આઝાદી આપી દેવાઈ હતી.
જો કે, ભારત-પાકિસ્તાનના ભાગલા પડ્યા, તેમાં લોર્ડ માઉન્ટ બેટન અને તે સમયના બ્રિટિશ બ્યુરેક્રેટ્સની ભૂંડી ભૂમિકા હોવાનો એક કલંકિત ઈતિહાસ પણ છે, પરંતુ એવું કહી શકાય કે ભારતને આઝાદી અપાવવા માટે લેબર પાર્ટી પહેલેથી જ ભારતીય સ્વાતંત્ર્ય સેનાનીઓની તરફેણમાં હતી અને સત્તામાં આવ્યા પછી વાયદો પાળ્યો પણ ખરો...
આગે આગે દેખિયે...વેઈટ એન્ડ વોચ
આમ, લેબર પાર્ટીની એક સદીથી વધુ સમયથી મુખ્યત્વે ભારત તરફી પોલિસી રહી છે, અને કેટલીક વખત માનવતાવાદ અને ભેદભાવ જેવા મુદ્દે ડિફરન્સીઝ પણ જોવા મળી રહ્યા છે, પરંતુ ભારત વિરોધી પરિબળો, ખાલિસ્તાનવાદીઓ તથા આતંકવાદીઓ-અલગતાવાદીઓ પર હવે બ્રિટનમાં વધુ સકંજો કસાશે, તેવી આશા પણ રાખવામાં આવી રહી છે.
વિદાય લઈ રહેલા વડાપ્રધાન ઋષિ સુનક પોતે જીત્યા
બ્રિટનની ચૂંટણીમાં બે ડઝનથી વધુ મૂળ ભારતીયો બન્યા ત્યાંના સંસદસભ્ય...
બ્રિટનના હાઉસ ઓફ કોમન્સની ચૂંટણીમાં વિદાય લઈ રહેલા વડાપ્રધાન ઋષિ સુનક પોતે પોતાના હરિફને હરાવીને વ્યક્તિગત રીતે પોતાની ચૂંટણી જીતીને ત્યાંના સાંસદ બની રહ્યા છે. જીતી ગયા છે, પરંતુ તેમણે વડાપ્રધાનપદેથી રાજીનામું આપી દીધું છે.
ઋષિ સુનક સહિત ભારતીય મૂળના ર૬ ઉમેદવારો જીત્યા છે, જેમાં લેબર પાર્ટીમાંથી વિજયી બનેલા કેટલાક ઉમેદવારો પૈકી કોઈને કદાચ મંત્રીપદ પણ મળી શકે છે. મૂળ ભારતીય ૯૯ જેટલા ઉમેદવારોનો પરાજય પણ થયો હોવાનું બહાર આવ્યું છે, તેમ છતાં કુલ ૧૦૭ માંથી ર૬ ઉમેદવારો બ્રિટનના સાંસદો બન્યા હોય, તો ત્યાંની સંસદમાં પણ ભારતનો અવાજ ગૂંજતો રહેશે તેમ જણાય છે. નવા સૂચિત વડાપ્રધાન સ્ટાર્મરે પણ ભારત સાથે સારા સંબંધોના સંકેતો આપ્યા છે, ત્યારે આ સત્તાપરિવર્તન ભારત માટે ફળદાયી પણ નિવડી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વર્ષાના આગમનના એંધાણ જ પૃથ્વી પરના તમામ માનવ જીવોને અલૌકિક આનંદની અનુભૂતિ કરાવી જાય છે. માનવ તો શું પશુ-પક્ષીઓ પણ વર્ષાઋતુના આગમનનો આનંદ પોતાની રીતે વ્યકત કરવા લાગે છે-એ પણ કુદરતની ખૂબજ રોમાંચક ઘટનાઓ પૈકીની એક ગણી શકાય.વરસાદના આગમનથી હર્ષ થાય એ સ્વાભાવિક છે-કારણ કે એ જ આપણાં સૌ માટે જીવન સ્ત્રોત સમાન છે, જેના કારણે જગતનો તાત આપણાં સૌ માટે સારી રીતે અને પુષ્કળ માત્રામાં અનાજ ઉત્પન્ન કરી શકે છે-કલ્પના તો કરો, વરસાદ વિના અને તેના થકીક જમીનમાં બનેલા જળસ્ત્રોતો વિના ખેતી થઈ શકે ખરી ? કુદરતની અણમોલ ભેંટ સમાન વરસાદને આપણે સૌ ખૂબજ આનંદથી વધાવીએ છીએ અને ઈશ્વરનો આભાર પણ માનીએ છીએ કે માનવ જીવન ને હર્ષ અને ઉલ્ લાસમય બનાવવા માટે.સૌ કલ્યાણમય જીવનની આશા સાથે આગળ વધશે એમાં કોઈ શંકા નહિં રહે.પણ ધારો કે કુદરત આપણાં હરખમય જીવનથી રૂઠી જાય તો? આપણાં જીવનને વધું કઠોર બનાવે તો ? આપણાં અરમાનોને સફળ ન બનાવે તો ? આપણાં સ્વપ્નાઓને વેર-વેખર કરવા લાગે તો? આપણાં પોતાના અહમ અને અભિમાનને કચડી નાખે તો ? માત્ર કલ્પના જ જો આપણને દુઃખી બનાવે છે તો પછી વાસ્તવમાં આ બધું બની જાય તો ? કાળા માથાનો માનવી હતપ્રત-નાસીપાસ થયા વિના રહી નહિં શકે.વરસાદની કમી-ઓછો વરસાદ કે પછી ભયંકર પૂરની દશા ? આ બંને પ્રસંગોએ પોતાના થકી થયેલી ભયંકર ભૂલો નહિં જુવે, માત્ર કુદરતને જ દોષ દેવા લાગશે. જ્યારે તે કદાચ નિરાંતે વિચારશે ત્યારે જ સત્ય હકીકત સમજાશે ત્યારે ખૂબજ મોડું થઈ ગયેલ હોય એવું તેને લાગશે પણ હવે ખરો સમય આવી ગયો છે જાગવાનો, વર્ષા-જળનો સંપૂર્ણ સંગ્રહ કરવાનો.
વિશ્વ માનવીઓ આવી અમૂલ્ય કુદરતી સંપત્તિનો દૂર-ઉપયોગ કરતો આવ્યો છે એમ કહીએ તો અતિશ્યોક્તિ નહીં ગણાય અને તેના ગંભીર પરિણામો જોયા બાદ છેલ્લાં ઘણાં વર્ષોથી વિશ્વમાં લગભગ તમામ દેશોના બુદ્ધિજીવીઓ-પર્યાવરણની રક્ષા કરનારાઅને કુદરતને સારી રીતે જાણનારા મહાનુભાવો પર્યાવરણ અને જળની અવહેલના નહિં કરવા સમજાવતા આવ્યા હતા અને ભવિષ્યની દુનિયાનું વરવું પણ વાસ્તવિક ચિત્ર રજુ કરતા રહ્યા હતા.જળની કિંમત લોકો સમજે એ માટે તો વિશ્વ કક્ષાએ અનેક ચિંતન શિબિરો,પરિસંવાદો,વાર્તાલાપો વિગેરેનું આયોજન છેલ્લાં થોડાંક વર્ષોથી થતું હતું.જળ-સંરક્ષણ જળનો સદ-ઉપયોગ જળની બચત,જળનું મહત્ત્વ જેવા અનેક મુદ્દાઓની ચર્ચા-વિચારણાં સમયાંતરે વિશ્વના ઘણાં દેશો દ્વારા યોજાતી રહી છે.ભારત સરકારશ્રીના જળશકિત મંત્રાલય હેઠળના નેશનલ વોટર મિશન દ્વારા લોકો સમક્ષ સરસ રીતે મૂક્યું છે, વરસાદ જયાં પડે, જ્યારે પડે ત્યાં તેના પાણીનો સંગ્રહ કરવો.પાણી બચાવો જળ-સંગ્રહ અને જળની બચત માટે લોકોને આનાથી ઘણી પ્રેરણા મળે છે એ હકીકત છે.
આ બાબત અગત્યની એટલા માટે છે કારણ કે,વ્હાલી કુદરત તો વર્ષા-જળ રૂપે વિશ્વને શુધ્ધ જળ તો અઢળખ માત્રામાં આપતી રહે છે પણ આ વરસાદી પાણી-અમૃત-નો આપણે જોઈએ તેટલી માત્રામાં સંગ્રહ કરી શકવા અસમર્થ છીએ અને કરોડો લીટર પાણી દરિયામાં વહી જાય છેઅને વરસાદી પૂરના પ્રકોપ તળે અસંખ્ય ગામડાંઓ-શહેરો લાચાર બની જાય છે-જાનમાલનું પુષ્કળ નુક્સાન થતું રહે છે જે વિશ્વ-માનવીની ક્મનસીબી નથી તો બીજું શું છે? વિશ્વસમાજે હવે જળસંચય ક્ષેત્રે આળસ-ઉદાસીનતા-ખંખેરી નાખવી જોઈએ. આજે જ્યારે કુદરત વરસાદ રૂપે અમૃત વરસાવે છે ત્યારે તેનો મહત્તમ સંગ્રહ કરવો જરૂરી છે આના માટે લોક જાગૃતિ અને જળસંગ્રહ ક્ષેત્રે મહા અભિયાન થકી અમલમાં મૂકવાનો પ્રયત્ન કરીએ તો જળ-સંચય ક્ષેત્રે સૌ પોતાનું સારૂ એવું યોગદાન આપી સમાજ સેવાનું સુંદર મજાનું કાર્ય પણ સહજ ભાવે થાય એવી આશા.
એક અંદાજ મુજબ દર વર્ષે ભારત ૪૦૦૦ બીલીયન ઘન મીટર પાણી વરસાદ રૂપે પામે છે પરંતુ તેનો માત્ર ૮% જથ્થો જ આપણે સંગ્રહ કરી શકીએ છીએ અને એટલે જ વિનાશક વરસાદી પુર આવતાં રહે છે આ માત્ર વિકાસ પામી રહેલાં દેશોની જ વાત નથી વિક્સિત દેશો પણ આવી કુદરતી હોનારતનો ભોગ બનતાં આવ્યા છે અને એટલે જ વરસાદી પાણીનો મહતમ સંગ્રહ કરવા માટે આપણે સૌ એ અથાક પ્રયત્ન કરવા જરૂરી બને છે આ અંગે વિવિધ પધ્ધ્તિઓ છે જેના મારફતે આપણે આ કાર્ય કરી શકીએ છીએ. આ પરિપ્રેક્ષ્યમાં જળના રીચાર્જીંગ કરવાની વિવિધ ટેકનીક્સ અપનાવવામાં આવતી રહે છે-ડંકી-કૂવા રીચાર્જ-ખેતરમાં પાળાઓ બાંધવા,ખેત તલાવડી બાંધવી,નદી પર ચેકડેમ બાંધવા વિગેરે. સૌરાષ્ટ્રમાં દ્વારકા-પોરબંદર જેવા દરિયા કાંઠાના અનેક વિસ્તારોમાં વર્ષોથી વરસાદના પાણીનો સંગ્રહ ઘરમાં જ બનાવેલ ટાંકાઓમાં કરવામાં આવતા રહ્યા છે. આપણે હવે રહેઠાણ માટેની દરેક મોટી સોસાયટી અને વાણિજ્ય ક્ષેત્રેની તમામ બિલ્ડીંગ્સમાં-મોલમાં, વર્ષા-ઋતુના જળના ફરજીયાત સંગ્રહ માટેના નિયમો પુનઃસં૫ૂર્ણ રીતે પાલન થાય તે બાબતે એક લોકજાગૃતિ અભિયાન શરૂ કરવાની તાતી જરૂરિયાત છે. હવે તો ઘણાં રાજ્યોમાં દરેક પ્રકારની બહુમાળી ઈમારતો માટે વરસાદી પાણીના ફરજીયાત સંગ્રહ માટે નિયમો પણ બનાવ્યા છે જેનો ચુસ્તપણે પાલન થશે તો જળસંગ્રહ ક્ષેત્રે ક્રાંતિકારી યોગદાન અપાશે એવી આશા છે જે સમયાંતરે ભારતના વિકાસમાં આગે કદમ પુરવાર થશે એમાં કોઈ શંકા નથી.
ભારત સરકાર દ્વારા વર્ષો જુની યોજનાને નવું સ્વરૂપ આપીને તેને કાર્યાંવિત કરેલ છે અને તે છે નદીઓનું જોડાણ.આ ખૂબજ મહત્વકાંક્ષી યોજના છે અને ઉતર-દક્ષિણ એમ બે વિભાગમાં ભારતની આશરે ૧૬-૧૭ નદીઓને જોડવા બાબતે પ્લાનીંગ થયેલ છે.આનાથી એક નદીના પૂરના પાણીને અન્ય નદી તરફ વાળી શકાશે જાન-માલ નું નુક્સાન તો ઓછું થશે પણ સાથો સાથ વરસાદી પાણીનું સંચય પણ વધું માત્રામાં થશે. અન્ય પણ ઘણાં લાભો છે. આવી મહત્ત્વ પૂર્ણ યોજનાઓ પણ હવે વિના વિલંબે મુર્તિમંત સ્વરૂપ પામે એવી આશા સાથે દરેક મુશ્કેલીઓનો સહાનુભૂતિ પુર્વક અને વિચારપૂર્ણ રીતે નિરાકરણ થશે તો ભારતની વિકસિત દેશ માટેની રફતાર તેજ બનશે એવી આશા.
ભારતમાં પ્રાચીનકાળમાં જળસંગ્રહ માટે વિવિધ પ્રણાલિકાઓ અસ્તિત્વમાં હતી જેમાં વાવનો પણ સમાવેશ થયેલ છે.ભારતમાં મુખ્યત્વે ગુજરાત,રાજસ્થાન, ઉત્તરપ્રદેશ, હરિયાણા અને કર્ણાટક રાજ્યોમાં અણમોલ ખજાના સમાન જોવા મળે છે.ગુજરાતના તત્કાલિન માનનીય મુખ્યમંત્રી - અને હાલ માનનીય પ્રધાનમંત્રી દ્વારા એક નવા અભિયાનની શરૂઆત કરવામાં આવી હતી.જીર્ણશીલ-ખંડેર થયેલ વાવોને શોધીને તેને પુનઃજીવિત કરેલ હતી અને તેમાં જળ-સંગ્રહ પુનઃ થયેલ.વાવને તેઓ દ્વારા જળ મંદિર નામ આપેલ.જળસંગ્રહ અને તેના આદર આપવાનો નવો જ અભિગમ-દીર્ઘ દૃષ્ટિનું પરિણામ હતું અને ત્યાર બાદ ઘણાં રાજ્યોમાં આ પ્રકારના અભિયાનો શરૂ થયેલ જેના સારા પરિણામો મળેલ છે. આજના યુગમાં પણ હવે વિસરાતી વાવોને પુનઃનવજીવન આપી જળસંગ્રહનું ઉત્તમ માધ્યમ બનાવવાની અને એ રીતે ગૌરવશાળી ઈતિહાસને પુનઃઉજાગર કરવાની તેમજ આવા સ્થળોની પ્રવાસન ક્ષેત્રેના વિકાસ પ્રોત્સાહન માટેની જરૂર છે.
આજના યુગમાં વાવ નવા સ્વરૂપે પુનઃજીવિત થયેલ છે.નવી ડિઝાઈન-પરિકલ્પના સાથે બિરખા-બાવડી-જોધપુર રાજસ્થાન-૨૧મી સદીની વાવ છે. આ વાવમાં લગભગ-૧૭.૫ મીલીયન લીટર વરસાદી પાણીનો સંગ્રહ થાય છે.નવા જમાનામાં હવે પુનાની નજીક દેહુ વિસ્તારમાં નવ નિર્માણ પામનાર પ્રકલ્પ એવો ગ્રીન સિટીમાં વિશ્વની સૌથી મોટી વાવનું બાંધકામ આ જુન મહિનામાં શરૂ કર્યાના અહેવાલ જોવા મળેલ છે.
હવે વધું જળસંગ્રહ કરવા અને અમૃત સમાન પાણીને બચાવવા માટે વિશ્વ-માનવીઓ એ હવે જળની કિંમત સમજવી ખૂબજ જરૂરી છે.આ દિશામાં વધુ જાગૃતતા લાવવાની જવાબદારી સૌ નાગરિકોની પણ છે. હવે જો જાગી ગયા છો તો પાણી બચાવવાની ઝુંબેશમાં જોડાઈ જશો. જળની સુરક્ષા કરવી અને તેનો સદ્ઉપયોગ કરવો એ દરેક વિશ્વ-માનવીની પવિત્ર ફરજ છે. અસ્તુ.
સંકલન : કિરીટ બી.ત્રિવેદી (ગાંધીનગર)
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વ્યક્તિની તંદુરસ્તીમાં યોગ્ય આહાર અગત્યનો ભાગ ભજવે છે. કેટલાક વર્ષોથી બહુમતી પ્રજામાં પરંપરાગત પોષણયુક્ત આહાર બાજરી - જુવારના રોટલા, ભાખરી, ખીચડી, ગોળ, ઘી, દૂધ, દહીં, લીલાં શાકભાજી, ઋતુજન્ય ફળો અને કુદરતી પીણાં જેવા કે નાળિયેર પાણી, લીંબુ શરબત, લસ્સી, છાસ વગેરેનું મહત્વ ઘટતું જાય છે. આ પરંપરાગત આહારમાં શરીરના આરોગ્ય માટે જરૂરી પ્રોટીન, કાર્બોહાઈડ્રેટ, ચરબી, વિટામિન્સ અને મિનરલ્સ પૂરતા પ્રમાણમાં મળી રહેતાં. પ્રચલિત કહેવતોમાં પણ પોષક આહાર અને ઘી - તેલનો મહિમા આમ પ્રગટ થતો :
ઘઉં ખાવાથી શરીર ફૂલે, ને જવ ખાવાથી ઝૂલે,
મગ ને ચોખા ના ભૂલે, તો બુદ્ધિના બારણાં ખૂલે.
ગાયના ઘીમાં રસોઈ રાંધો, તો શરીરનો મજબૂત બાંધો,
ને તલના તેલથી માલિશ કરો તો દુખે નહિ એકેય સાંધો.
વર્તમાન સમયમાં ભેળસેળવાળા તળેલાં બજારુ ફરસાણ, વેફર, નુડલ્સ, પિઝા, બર્ગર અને પેપ્સી - કોલા જેવા કોલ્ડ ડ્રીંકસનું ચલણ ચિંતાજનક હદે વધી રહ્યું છે. તેમાંય પિઝા - બર્ગર તો યુવાઓના દિલો - દિમાગમાં છવાઈ ગયા છે. આવા ટેસ્ટી આહારનો સ્વાદ મનને લલચાવે છે, પરંતુ શરીરના સ્વાસ્થ્ય માટે જોખમી મેંદા, મીઠા અને ખાંડનું પ્રમાણ તેમાં ઘણું વધારે હોય છે. ટીવી-મોબાઈલ પર આકર્ષક જાહેરાતોના પ્રભાવ હેઠળ યુવાપેઢીમાં આવો સ્વાદિષ્ટ આહાર હોટ ફેવરિટ બનતો જાય છે. પરંતુ યુવાન વયે જ હાર્ટફેઇલ, બ્રેઈનસ્ટ્રોક, ડાયાબિટીસ, ડિપ્રેશન જેવા વધી રહેલા ગંભીર રોગો પાછળના સંશોધનોમાં ઉપર જણાવેલ હાનિકારક જંક ફૂડ - ફાસ્ટ ફૂડવાળી ખાનપાનન ી શૈલીને જવાબદાર ગણાવાય છે તે કડવી વાસ્તવિકતા છે.
વિશ્વ આરોગ્ય સંસ્થા દ્વારા દર વર્ષે ૭ એપ્રિલના રોજ લોકોને સ્વાસ્થ્ય માટે જાગૃત કરવા વિશ્વ આરોગ્ય દિનની ઉજવણી કરવામાં આવે છે. હાલના વર્ષ ૨૦૨૪ માટે તેના દ્વારા નક્કી કરેલ 'મારું સ્વાસ્થ્ય, મારા અધિકાર' થીમ પર કાર્યક્રમો વિશ્વભરમાં યોજાતા રહેશે. કેટલાક આરોગ્યચિંતકો આ દિશામાં જનજાગૃતિ માટે પ્રયાસો કરતાં રહે છે. મૂળ અમરેલીના શ્રી બી.વી.ચૌહાણ દ્વારા શોધાયેલી 'નવી ભોજન પ્રથા' (ન્યુ ડાયેટ સિસ્ટમ)ને પણ કેટલાક લોકો હવે અપનાવી રહ્યાં છે. કોઈ પણ ગંભીર-અસાધ્ય બિમારીને આ નવી ભોજન પ્રથાના અમલથી દૂર અથવા હળવી કરી શકવાના તારણો આપવામાં આવે છે. યુ ટ્યુબ પર તેના ઘણાં વીડિયો ઉપલબ્ધ છે અને વિશ્વમાં ૧ ૫ કરોડ લોકો તેની સાથે જોડાયેલા છે. આયુર્વેદમાં પણ પ્રચલિત સૂત્ર છે 'આહાર એ જ ઔષધ '.
પ્રવર્તમાન ચિંતાજનક અને જીવલેણ આહારશૈલીની પરિસ્થિતિમાં, દર્દીઓની સારવાર કરતી કોઈ ડોકટર વ્યક્તિ પોતાના વ્યસ્ત કારોબારમાંથી સમય કાઢીને, લોકોને ખાનપાન બાબતે જાગૃત કરવા પ્રયાસ કરે તો જરૂર આવકારપાત્ર ગણાય. આવો જ એક ઉલ્લેખનીય પ્રયાસ કર્યો છે, એક શબ્દપ્રેમી સ્થાનિક સર્જન ડો. અમરીશ મહેતાએ. જાણીતા સાહિત્યકાર શ્રી ધ્રુવ ભટ્ટની સ્વરાંકિત ગીતરચના ' કદી તું ઘર તજીને રે ' ના લય - ઢાળ પ્રમાણે તેમની અનુમતિથી
ડૉ. અમરીશે ' કદી તું પિઝા તજીને રે ' શીર્ષક પંક્તિથી એક આધુનિક ગીતરચના કરી છે. આ ગીતરચનામાં પરંપરાગત પોષણયુક્ત આહાર - પીણાંનો મહિમા કરીને લોકોને તે અપનાવવા અનુરોધ કર્યો છે. તેમનાં કિશોર વયના સંતાનોએ મધુર કંઠે આ રચના ગાઈ પણ છે. દર્દીઓને રૂબરૂમાં પણ તેઓ આ બાબતે હંમેશા ધ્યાન દોરતાં રહે છે. હોસ્પિટલના ઓપરેશન થિયેટરમાં દર્દીઓને નવજીવન આપવા માટે ઓજાર ઉપાડતા આ સર્જન ડોકટરે સ્વસ્થ આહાર શૈલીની પ્રેરણા માટે કલમ પણ ઉપાડી છે, તે ખરેખર નોંધપાત્ર અને પ્રશંસનીય ગણાય. નિજાનંદ અને ઉમદા હેતુ સાથે લખાયેલ તેમની આ ગમ્મત ભરેલી વિનોદી ગીતરચના ભાવકોને મોજ સાથે મહત્વનો સંદેશ આપે છે. દર્દીઓની સારવાર માટે કાર્ય રત અન્ય ડોકટરવર્ગ પણ શહેરની આમજનતાની સ્વાસ્થ્ય જાગૃતિ માટે સામાજિક સંસ્થાઓના સહયોગથી વિશ્વ આરોગ્ય સંસ્થા દ્વારા ઘોષિત 'મારું સ્વાસ્થ્ય, મારો અધિકાર ' થીમ પર પ્રવચન કે પ્રશ્નોત્તરીના કાર્યક્રમો જરૂર ગોઠવી શકે.
આરોગ્યપ્રદ આહારશૈલી માટે પ્રેરણા આપતી ડો. અમરીશની કૈંક અંશે રમુજી ગીતરચના 'પિઝાનું ગીત' અત્રે માણીએ અને દૈનિક ખાનપાનની શૈલીમાં યોગ્ય ફેરફાર કરીને જીવનમાં અમૂલ્ય સ્વાસ્થ્ય લાભ મેળવવા આપણે પણ પ્રયાસ કરીએ.
આજીનો મોટો, મેગી અને ચાઇનીઝ વાનગીમાં સ્વાદ - સોડમ માટે વપરાતો અત્યંત નુકસાનકારક
પદાર્થ છે તેમાં સીસા સાથે મોનો સોડિયમ બ્યુટામેટ ભેળવેલ હોય છે.
- ચંદ્રેશ શાહ
પિઝાનું ગીત
કદિ તું પિઝા તજીને રે, કદિ તું પિઝા તજીને રે...
બાજરીના રોટલાની ભેળો રીંગણ કેરો ઓળો ખાને રે...
જવ જુવારની બદલે મેંદો, પેટમાં ચોંટી કરશે ફાંદો રે
પારકુ ધાન એની આવે શું તોલે,પાક્યું જે આ માટીને ખોળે રે...
તાજું ને ઘરનું ખાને રે......
કોળિયે ભાવે દાળ મજાની, ઠંડાપીણાંની છાપ તોફાની રે
ટંકે ટંકે એને જો પીવો, જલદી થશે છબિમાં દીવો રે
જમી લે દૂધ કટોરે રે......
સિંધાલૂણી સેવને માણો, નુડલ્સના નુકસાનને જાણો રે
જેથી ચડે પેટમા ગોટો, એવો એમાં *આજીનો મોટો રે
વાળુમાં હળવું ખાને રે......
સાચી ભાખરી, ખીચડી-ખીચી,બર્ગરની છે નિયત નીચી રે
પગે છુંદાય, લોટ બંધાય, ક્રીમરોલ ઘરેઘરે ખવાય રે
થેપલામાં છુંદો ખાને રે......
નાળિયેરી નરવી ને ન્યારી, કોલ્ડ્રિંક કેરી કેલરી કાળી રે
હોજરીમાં પાડી દે કાણાં ગવાય છતાં એના ગાણાં રે
છાશમાં અમૃત જોને રે......
- ડો.અમરીશ મહેતા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સચિન માંકડની વધુ એક પ્રેરણાત્મક દસ્તાવેજી ફિલ્મ
છેવાડાનો માણસ, કોને કહીશું આપણે? જેણે બનાવેલી રસોઈનો લોકો ધુત્તકાર કે તિરસ્કાર કરીને જમવાની ના પાડી દે ? કે જેના હાથ કોઈ કામ ધંધો કરવા અસમર્થ થઇ જાય? કે જેના પગ ખોટા થવા લાગે? હાથ પગનાં આંગળા ખરી જાય, જેના થી લોકો દૂર ભાગવા માંડે? હા, આ છે ખરેખર છેવાડાનો માણસ કે જે રક્તપિત્ત / કુષ્ઠ રોગના દર્દીઓ છે. કે જેમાંથી ઘણા લોકોએ જીવવાની મહેચ્છા જ છોડી દીધી હતી અને ઘણાએ પરિવારના સાથના લીધે ખુદને સંભાળવાની કોશિશ કરી હતી. આવા છેવાડાનાં માણસોની સેવા કરવી, તેમની સારવાર કરવી અને તેમનું સમાજમાં પુનઃસ્થાપન કરવાને ડો. કે. એમ. આચાર્યએ પોતાના જીવનનું એક લક્ષ્ય બનાવી લીધું.
ડો. કે.એમ. આચાર્ય, કે જેમણે રક્તપિત્તના દર્દીઓ ની આજીવન સેવા કરવામાં પોતાનું જીવન ખપાવી દીધું છે, ગાંધીજીના જીવનનું અધુરૂ કાર્ય આગળ ધપાવ્યું. આજે જયારે સમાજમાં સંવેદન બધિરતાનો બહુ મોટો પ્રશ્ન છે, ત્યારે આવા સંવેદનશીલ ડો. આચાર્ય જેવા લોકોનું સમાજ માં હોવું એ ગૌરવપૂર્ણ છે, સમાજની મૂડી છે. જે સમયમાં સામાન્ય લોકો તો ઠીક પરંતુ ડોક્ટર્સ પણ આવા રક્તપિત્તનાં દર્દીઓની નજીક આવવામાં ડરતા હતા, એ સમયથી ડો. આચાર્ય એ પોતે તો સેવા કરવાનું શરુ કર્યું, પણ સાથે-સાથે આ સેવા કાર્ય માટે મેડિકલનો અભ્યાસ કરતા તેમના વિદ્યાર્થીઓમાં પણ આ સેવા કાર્ય ના બીજ રોપ્યાં અને તૈયાર કર્યા, રક્તપિત્ત વિષે નો ડર જડ-મૂળ થી ભગાડ્યો.
દર્દી નારાયણ એટલે કે પેશન્ટ ઇઝ ગોડ એવું પોતાના વિદ્યાર્થીઓને શીખવનાર ડો. આચાર્ય એમના વિદ્યાર્થીઓ કે જે હાલ જાણીતાં ડોક્ટર્સ છે, તેઓમાં દર્દીઓ પ્રત્યે માનવતા અને પ્રામાણિક્તાના બીજ પણ રોપ્યા હતાં. ડો. આચાર્ય માટે રક્તપિત્ત એટલેકે કુષ્ઠરોગનું શારીરિક નિદાન કરવું એટલું અઘરૂ રહ્યું ન હતું કારણકે એના માટે દવા હાજર હતી પણ લોકોના મનમાં રહેલો કુષ્ઠરોગ એટલે કે માનસિક કુષ્ઠરોગ ને મટાડવો અને લોકોમાં રહેલી રક્તપિત્તના દર્દીઓ પ્રત્યેની સદીઓ જુની અંધશ્રદ્ધાઓ, ખોટી માન્યતાઓને કાઢવાનું કઠિન હતું. કુષ્ઠ રોગી ને શાપિત માની તેમને જીવતા સળગાવી દેવામાં આવતા કે દરિયામાં ફેંકી દેવામાં આવતા. જે તેમણે આટલા વર્ષો ન ા અથાગ પ્રયત્ન સાથે અને સમાજના અનેક મોભીઓના સહયોગ અને સંતો - મહંતોના આશીર્વાદ સાથે કર્યું.
અત્યારની યુવા પેઢી પોતાની આસ-પાસમાં માનવતાની પ્રેરણાની ખામીનો અનુભવ કરી રહી છે, આવા સમયમાં ડો. આચાર્ય જેવા, વર્ષ ૧૯૭૭ થી સતત સેવાયજ્ઞ કરતા લોકોની વાત વધુમાં વધુ લોકો સુધી પહોંચે, તે સમાજ નું દાયિત્વ બની રહે છે - એવું શ્રી તુષારભાઈ ગાંધી (મહાત્મા ગાંધીનાં પ્રપૌત્ર) એ ડો. આચાર્ય માટે કહ્યું છે. આ ઉપરાંત મહાત્મા ગાંધીના પરિવારમાંથી જ આવતા શ્રીમતી કુસુમબેન મહેન્દ્રભાઈ મણિયારે તો ત્યાં સુધી કહ્યું છે કે જો બાપુ પોતાની નજરે ડો. આચાર્યનું કાર્ય નિહાળતા હોત તો એમની ખુશીની તો કલ્પના જ કરી શકાય એમ નથી.
ભારત સરકારશ્રી તરફથી ડો. આચાર્યને પદ્મશ્રી થી ૨૦૧૪ માં સન્માનિત કરવામાં આવ્યા હતા, આ ઉપર એમ. પી. શાહ ગવર્નમેન્ટ મેડિકલ કોલેજ, જામનગર પણ ગર્વ અનુભવે છે એવું હાલ ના ડીન ડો. નંદિની દેસાઈ એ કહ્યું હતું.
હાલમાં જ રિલીઝ થયેલી ડોક્યુમેન્ટરી ફિલ્મ અ હીલિંગ હેન્ડઃ રક્તપિત્ત નાબૂદી - ગાંધીજીનો વારસો માં ડો. આચાર્યના કાર્યના સાક્ષી બનેલા સમાજના પ્રતિષ્ઠીત લોકોએ પોતાનો સહજ પ્રતિભાવ આપ્યો છે. આ ઉપરાંત આ સેવાના લાભાર્થીઓએ પણ તેઓ કઇ પરિસ્થિતિમાંથી પસાર થઇ રહ્યા હતા અને હવે કેવી રીતે પોતાની રોજી-રોટી મેળવી પોતાના પરિવાર સાથે રહી ઉપયોગી જીવન જીવે છે એના વિષેની વાતો કરી છે. આ ડોક્યુમેન્ટરી જામનગરના જાણીતા ફિલ્મ સર્જક સચીન માંકડ એ બનાવી છે. આ ફિલ્મ તેમના યુટ્યુબ પર જોઇ શકાય છે.
હાલના દેશના વડાપ્રધાન અને ગુજરાતનાં ભૂતપૂર્વ મુખ્યમંત્રી નરેન્દ્રભાઈ મોદીની સરકાર તરફથી અને વ્યકિતગત શુભેચ્છાઓ ડો. આચાર્ય ને મળતી રહી છે અને તેઓ હંમેશા રક્તપિતના દર્દીઓ પ્રત્યે પોતાની માનવતા સભર લાગણીઓ દર્શાવતા રહયા છે. આ ઉપરાંત રાજ્યસભાના સભ્ય પરિમલભાઈ નથવાણીની શુભેચ્છાઓ પણ આ ભગીરથ કાર્યમાં મળતી રહી છે,
ડો. આચાર્યએ સચિન માંકડ, કિશોરભાઈ ગાંધી, શ્રીમતી કુસુમબેન મહેન્દ્રભાઈ મણીયાર, પૂ. મોરારીબાપુ, કૌશિકભાઈ મહેતા, ડો. નંદિનીબેન દેસાઈ અને અનુસ્નાતક વિદ્યાર્થીઓના પ્રત્યે આ દસ્તાવેજી ફિલ્મ નિર્માણમાં સહયોગ અને પ્રતિભાવો બદલ અહોભાવ વ્યક્ત કર્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પાકિસ્તાનની નેશનલ એસેમ્બલીમાં સાંસદ અને સ્પીકર વચ્ચેનો એ સંવાદ 'ટોક ઓફ ધ વર્લ્ડ' કેમ બની ગયો?: વૈશ્વિક રાજનૈતિક પ્રવાહો કઈ દિશામાં?
નવી દિલ્હી તા. ૩: સંસદમાં રસાકસી અને દેશમાં રાજકીય હલચલ વચ્ચે વિદેશમંત્રી એસ. જયશંકર રવિવારે કતરના પ્રવાસે ગયા હતાં. ત્યાં તેમણે કતરના વડાપ્રધાન મોહમ્મદ-બિન-અબ્દુલ રહેમાન-બિન-જસીમ અલ થાની સાથે વાટાઘાટો કરી. ભારત અને કતર વચચે વેપાર, રોકાણો અને ઊર્જાના ક્ષેત્રે દ્વિપક્ષીય સહયોગ વધારવા પર ભાર મૂકાયો.
ઓગસ્ટ-ર૦રર માં જાસૂસીના આરોપમાં ત્યાંની અદાલતે દોષિત યરાવીને ફાંસીની સજા સંભાળવી હતી. તે ભારતીય નૌકાદળના આઠ કર્મચારીઓને ચાર-પાંચ મહિના પહેલા ત્યાંની સરકારે છોડી મૂક્યા, તે પછી ભારતીય વિદેશમંત્રીની આ પ્રથમ મુલાકાત હતી. દોહામાં ત્યાંની સરકાર સાથે દ્વિપક્ષીય વાટાઘાટો પર બન્ને દેશોના લોકોની પણ નજર હતી, કારણ કે ઘણાં ભારતીયો કતરમાં વસવાટ કરી રહ્યા છે.
બીજા કાર્યકાળમાં ત્રીજી મુલાકાત
ભારતના વિદેશમંત્રી એસ. જયશંકર પોતાના બીજા કાર્યકાળમાં વિદેશમંત્રી તરીકે યથાવત્ રહ્યા પછી તેમની આ સતત ત્રીજી વિદેશયાત્રા હતી. આ પહેલા જયશંકરે શ્રીલંકા અને યુએઈનો પ્રવાસ પણ કર્યો અને કેટલીક સમજુતિઓ પર સહમતી સધાઈ. એનડીએના ત્રીજા કાર્યકાળમાં વિદેશમંત્રીની આ પ્રારંભિક વિદેશયાત્રા અંગે વ્યૂહાત્મક અને વૈશ્વિક કુટનીતિના સંદર્ભે તો મહત્ત્વપૂર્ણ છે જ, સાથે સાથે આ ત્રણેય દેશોમાં વસવાટ કરતા કે વ્યાપાર-ઉદ્યોગ કે પારિવારિક સંબોધોની દૃષ્ટિએ સંકળાયેલા પરિવારોને સંબંધિત મુદ્દાઓ તથા ભારત સાથે આ ત્રણેય દેશોના કુટનૈતિક, વ્યાપારિક અને સાંસ્કૃતિક સંબંધો વધુ મજબૂત બનાવવાની દૃષ્ટિએ પણ ઘણાં જ મહત્ત્વપૂર્ણ ગણાય છે. એસ. જયશંકરે વિદેશ સચિવ તરીકે ભૂતકાળમાં બજાવેલી ફરજો અને મોદી સરકારના બીજા કાર્યકાળમાં પ્રથમ વખત વિદેશમંત્રી તરીકેનો અનુભવ પણ ઘણો જ ઉપયોગી બની રહ્યો છે.
વિદેશોમાં પણ મંદિરોમાં
માથુ ટેકવતા નેતાઓ
રાહુલ ગાંધી સંસદમાં ભગવાનના વિવિધ ફોટાઓ લઈને પહોંચ્યા હતાં અને તેના સંદર્ભે સંસદમાં જે ચર્ચાઓ અને હોબાળા થયા, તે આપણે જોયું. લોકસભાની ચૂંટણી પછી પણ ધર્મ અને મંદિરોનો ઉલ્લેખ રાજનેતાઓ ભારતમાં કરી રહ્યા છે, જ્યારે વિશ્વના અન્ય કેટલાક દેશોમાં પણ ચૂંટણીલક્ષી મંદિરભક્તિના અહેવાલો આવી રહ્યા છે. બ્રિટનના વડાપ્રધાન ઋષિ સુનકનો પરિવાર ભારતીય મૂળનો છે. એટલું જ નહીં, તેઓ પોતે પણ હિન્દુ સંસ્કૃતિ મુજબ મંદિરોમાં તથા ભગવાનમાં આસ્થા-શ્રદ્ધા ધરાવે છે, તેથી તેઓ મંદિરોની સ્વાભાવિક રીતે જ મુલાકાતે જાય, પરંતુ તેમની પાર્ટીના અન્ય સાંસદો પણ મંદિરોમાં જવા લાગ્યા હોવાના અહેવાલો છે, તો ઋષિ સુનકને પડકાર આપી રહેલા અને બ્રિટનના હવે પછીના વડાપ્રધાન બનવા થનગની રહેલા લેબર પાર્ટીના કીર સ્ટાર્મર પણ હિન્દુ મંદિરમાં પહોંચ્યા, તેવા અહેવાલોએ સૌનું ધ્યાન ખેંચ્યું છે. હકીકતે બ્રિટનમાં દસેક લાખ હિન્દુઓના મતો મેળવવા ઉભય પક્ષે આ કવાયત થઈ રહી હોવાનું કહેવાય છે.
અમેરિકામાં પણ ચૂંટણી આવી રહી છે અને રાષ્ટ્રપતિ પદ માટે બાઈડન અને ડોનાલ્ડ ટ્રમ્પ મેદાનમાં આવ્યા છે. જો બાઈડન સ્પર્ધામાંથી હટી જાય તો પણ ભારતીય મૂળના કમલા હેરિસ મેદાનમાં આવી શકે છે.
અમેરિકામાં વ્હાઈટ હાઉસમાં તો કટલાક ભારતીય તહેવારોની ઉજવણી થાય છે, પરંતુ કેટલાક સાંસદો-નેતાઓ ત્યાં પણ હિન્દુ મંદિરોમાં માથું ટેકવવા જઈ રહ્યા હોવાના અહેવાલો છે.
હિન્દુ ફોમિયા સામે રક્ષણ
અમેરિકામાં તો હિન્દુ ફોલિયા અને ત્યાંની હિન્દુઓ સહિતની લઘુમતીઓ પ્રત્યે ભેદભાવ વધી રહ્યો હોવાનું સંકટ વધી રહ્યું છે, ત્યારે તેની સામે રક્ષણ અપાવાના વાયદાઓ પણ ત્યાંના રાજનેતા બનેલા ધારાશાસ્ત્રીઓ કરવા લાગ્યા છે. હિન્દુફોલિયા એટલે હિન્દુઓનું અપમાન, તિરસ્કાર કે હિન્દુઓની સાથે ભેદભાવપૂર્ણ વ્યવહાર કરવો એવું અર્થઘટન થાય. આ ફોલિયા સામે કાનૂની, સામાજિક અને રાજકીય સંરક્ષણ આપવાના વાયદાઓ થઈ રહ્યા છે, જે ત્યાંની ચૂંટણીઓમાં ભારતીય પ્રજાના અમેરિકનોના મતો મેળવવાના પ્રયાસો ગણવામાં આવી રહ્યા છે. હિન્દુઓ ઉપરાંત આફ્રિકા ખંડના દેશોનું મૂળ ધરાવતા લોકો સાથે થતાં કાળા-ગોરાના ભેદભાવ (રંગભેદ) સામે રક્ષણના વાયદાઓ પણ થઈ રહ્યા છે.
પાકિસ્તાનની રસપ્રદ ઘટના
હમણાંથી હળવા અંદાજમાં ઘણી જ રસપ્રદ ચર્ચા પાકિસ્તાનની એક ઘટનાની થઈ રહી છે. પાકિસ્તાનની સંસદ ચાલી રહી હતી અને સાંસદો પોતાની રજૂઆત કરી રહ્યા હતાં, ત્યારે તેણીએ જે કાંઈ કહ્યું અને ગૃહના સ્પીકરે તેનો જે જવાબ આપ્યો, તે ઘણો જ ચર્ચામાં રહ્યો છે.
પાકિસ્તાનની નેશનલ એસેમ્બલી એટલે કે સંસદમાં ઈમરાન સરકારમાં કેબિનેટમંત્રી રહી ચૂકેલી મહિલા સાંસદ જરતાજ ગુલે પોતાના વક્તવ્ય દરમિયાન સ્પીકરને ઉદ્દેશીને કહ્યું કે 'સ્પીકર સર, મારે આપનું ધ્યાન આકર્ષિત કરવું છે', તો સ્પીકર અયાઝ સાદિકે પરવાનગી આપતા કહ્યું કે, 'પ્લીઝ, જે કહેવું હોય તે કહો'.
એ પછી જરતાજ ગુલે કહ્યું કે, 'મારા પક્ષના નેતાએ મને આંખોમાં આંખો મીલાવીને વાત કરવાનું શિખવ્યું છે અને હું પણ આઈ-ટુ-આઈ કોન્ટેક્ટ ન હોય, તો વાત કરી શકતી નથી, તેથી તમારા ચશ્મા પહેરીને મારી સાથે આંખ મિલાવીને વાત કરો. હું એક નેતા છું, અને મને દોઢ લાખ મત મળ્યા છે. જો તમે મારી વાત નહીં સાંભળો તો મારી રજૂઆત કરી શકીશ નહીં.'
આ પછી સ્પીકરે જે કાંઈ કહ્યું ત્યારે ગૃહમાં તો ખડખડાટ હાસ્ય પણ ફેલાઈ ગયું અને આ મુદ્દો 'ટોક ઓફ ધ વર્લ્ડ' પણ બની ગયો.
અયાઝ સાદિકે કહ્યું હતું કે, 'મને મહિલાની આંખોમાં જોઈને વાત કરવાનું પસંદ નથી.'
આ ઘટના પછી રાજકીય મતભેદો હોવા છતાં નેશનલ એસેમ્બલી અથવા સંસદમાં કેટલીક વખત હળવાશની પળોમાં રાજનેતાઓ વચ્ચે રહેતા મિત્રતાપૂર્ણ સંબંધો દર્શાવે છે કે પછી તેનો કોઈ અન્ય ગુપ્તાર્થ થતો હતો, કે પછી સ્પીકર શરમાઈ ગયા હતાં? તેવા સવાલો ઊઠ્યા, તો એ પણ પૂરવાર થયું કે ભારતની સંસદ જ નહીં, વિશ્વની ઘણી બધી સંસદોમાં આ પ્રકારે હળવાશભર્યા સંવાદો પણ થતા હોય છે, અને ઉગ્રતાપૂર્ણ સંવાદો પણ સંઘર્ષમાં ફેરવાતા હોય છે, જો કે ઘણાં લોકતાંત્રિક દેશોમાં પણ હવે સંસદની ગરિમા અને દેશની આબરૂના કાંકરા થાય, તેવી ઘટનાઓ પણ બનવા લાગી છે, જે વૈશ્વિક લોકતાંત્રિક વ્યવસ્થાઓ માટે શુભ સંકેત નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
માધ્યમિક-ઉચ્ચત્તર માધ્યમિક શિક્ષણના ક્ષેત્રે વિદ્યાર્થી ભાઈઓ-બહેનો માટે પ્રોત્સાહકઃ
શિક્ષણમાં ગુણવત્તાયુક્ત પરિવર્તન લાવવા મુખ્યમંત્રી ભુપેન્દ્રભાઈ પટેલના દિશાનિર્દેશમાં સમગ્ર રાજ્યમાં ખૂબ અસરકારક અને પરિણામલક્ષી કામગીરી કરવામાં આવી રહી છે. શિક્ષણને પ્રોત્સાહિત કરવા માટે આ વર્ષના બજેટમાં *નમો લક્ષ્મી યોજના* અને *નમો સરસ્વતી વિજ્ઞાન સાધના યોજના* જાહેર કરવામાં આવી છે. તો આવો જાણીએ નમો લક્ષ્મી યોજના* અને *નમો સરસ્વતી યોજના* વિશે.
નમો સરસ્વતી વિજ્ઞાન સાધના યોજના
ધોરણ ૧૧ અને ૧૨માં વિજ્ઞાન પ્રવાહને પ્રોત્સાહન આપવા માટે નમો સરસ્વતી વિજ્ઞાન સાધના યોજના અમલમાં મૂકવામાં આવી છે. ધોરણ ૧૧ અને ૧૨ માટે કુલ રૂ. ૨૫ હજારની સ્કોલરશિપ આપવામાં આવશે. જેમાં ધોરણ ૧૧ માટે રૂ. ૧૦,૦૦૦ની સહાય, ધોરણ ૧૨ માટે રૂ. ૧૦,૦૦૦ની સહાય અને બાકીના રૂ. ૫૦૦૦ની સહાય ધોરણ ૧૨ બોર્ડની પરીક્ષા પાસ કર્યા બાદ મળવાપાત્ર થશે.
નમો સરસ્વતી વિજ્ઞાન સાધના યોજનાનો લાભ કયા વિદ્યાર્થીઓને મળવાપાત્ર છે ?
જે વિદ્યાર્થીઓએ ધોરણ ૧૦ની બોર્ડ પરીક્ષામાં ૫૦ ટકા કે તેથી વધુ ગુણ મેળવી ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ અથવા કેન્દ્રીય માધ્યમિક શિક્ષણ બોર્ડ દ્વારા માન્યતા પ્રાપ્ત સરકારી, અનુદાનિત અને સ્વ નિર્ભર શાળાઓમાં ઉચ્ચતર માધ્યમિકમાં વિજ્ઞાનપ્રવાહમાં પ્રવેશ મેળવે તેવા છાત્રો કે જેમણે રાજ્યની સરકારી અથવા અનુદાનિત માધ્યમિક શાળાઓમાં ધોરણ ૯ અને ૧૦માં અભ્યાસ કર્યો હોય તેવા વિદ્યાર્થીઓ અથવા માન્ય સ્વનિર્ભર માધ્યમિક શાળાઓમાં ધોરણ ૯ અને ૧૦ પૈકી બંને કે કોઈ એક ધોરણનો અભ્યાસ કર્યો હોય અને જેઓના કુટુંબની વાર્ષિક આવક રૂ. ૬ લાખ કે તેથી ઓછી હોય તેવા વિદ્યાર્થીઓને આ સહાય મળવાપાત્ર છે.
નમો લક્ષ્મી યોજના
રાજ્યની માધ્યમિક અને ઉચ્ચતર માધ્યમિક શાળાઓમાં અભ્યાસ કરતી કન્યાઓને પોષણ, આરોગ્ય અને શિક્ષણને પ્રોત્સાહન આપવા આ યોજના જાહેર કરવામાં આવી છે. આ યોજનાનો લાભ ધોરણ ૯ થી ૧૨માં અભ્યાસ કરતી કન્યાઓને મળવાપાત્ર છે. આ યોજના હેઠળ કુલ રૂ. ૫૦ હજારની આર્થિક સહાય મળવાપાત્ર છે. ધોરણ ૯ અને ૧૦ મળીને કુલ રૂ. ૨૦,૦૦૦ની સહાય જેમાં ધોરણ ૯ અને ૧૦ માટે વાર્ષિક રૂ. ૧૦,૦૦૦ જ્યારે બાકીના રૂ. ૧૦,૦૦૦ ધોરણ ૧૦ની બોર્ડ પરીક્ષા પાસ કર્યા બાદ મળવા પાત્ર થશે. તેમજ ધોરણ ૧૧ અને ૧૨ મળીને કુલ રૂ. ૩૦,૦૦૦ની સહાય મળશે. જેમાં જોઈએ તો ધોરણ ૧૧ અને ૧૨ માટે વાર્ષિક રૂ. ૧૫,૦૦૦ની સહાય તેમજ અન્ય રૂ. ૧૫,૦૦૦ની સહાય ધોરણ ૧૨ની બોર્ડ પરીક્ષા પાસ કરાયા બાદ મળવા પાત્ર થશે. આ યોજનાથી ધોરણ ૯ થી ૧૨માં કન્યાઓના શિક્ષણને પ્રોત્સાહન મળશે તેમજ માધ્યમિક ધોરણોમાં કન્યાઓનો ડ્રોપ આઉટ રેશિયો ઘટશે.
નમો લક્ષ્મી યોજનાનો લાભ કઈ વિદ્યાર્થિનીઓને મળવા પાત્ર છે ?
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ અથવા કેન્દ્રીય માધ્યમિક શિક્ષણ બોર્ડ દ્વારા માન્યતા પ્રાપ્ત શાળાઓમાં માધ્યમિક અને ઉચ્ચતર માધ્યમિકમાં અભ્યાસ કરતી છાત્રાઓ કે જેમણે રાજ્યની સરકારી અથવા અનુદાનિત પ્રાથમિક શાળામાં ધોરણ ૮નો અભ્યાસ પૂર્ણ કરી ધોરણ ૯માં પ્રવેશ મેળવ્યો હોય અથવા રાજ્યની માન્ય ખાનગી પ્રાથમિક શાળામાં ઇ્ઈ અંતર્ગત પ્રવેશ મેળવી ધોરણ ૧ થી ૮નો અભ્યાસ પૂર્ણ કરી ધોરણ ૯માં પ્રવેશ મેળવ્યો હોય અથવા એવી વિધર્થિનીઓ કે જેમણે ધોરણ ૮ પૂર્ણ કર્યા બાદ ધોરણ ૯માં પ્રવેશ મેળવ્યો હોય અને જેઓના કુટુંબની વાર્ષિક આવક રૂ. ૬ લાખ કે તેથી ઓછી હોય તેવી કન્યાઓને આ સહાય મળવા પાત્ર રહેશે.
આ યોજનાઓનો લાભ મેળવવા માટે અરજી કેવી રીતે કરવી ?
આ યોજનાઓની અરજી કરવા માટે જરૂરી આધારો સાથે આ યોજનાના ફોર્મ સબંધિત શાળા દ્વારા ઓનલાઇન પોર્ટલ પર ભરવાના રહેશે. હાલ આ યોજનાની રજીસ્ટ્રેશનની કામગીરી શાળા દ્વારા કરવામાં આવી રહી છે. આ માટે વિદ્યાર્થિના તેમજ વાલીના આધારકાર્ડની નકલ, બેંક ખાતાની પાસબુકની નકલ, સ્વનિર્ભર શાળાના કિસ્સામાં કુટુંબની વાર્ષિક આવકનો દાખલો, જન્મનો દાખલો, શાળા છોડ્યાનું પ્રમાણપત્રની નકલ, માતા/વાલીનો મોબાઈલ નંબર, પરિણામની નકલ વગેરે આધારો સાથે અરજી કરી શકાશે તેમજ વધુ માહિતી માટે શાળાનો સંપર્ક કરી શકાશે.
દેવભૂમિ દ્વારકા જિલ્લાના લાભ મળવા પાત્ર તમામ વિદ્યાર્થીઓને શિક્ષણને પ્રોત્સાહન આપતી આ યોજનાનો લાભ મળે તે માટે યોજનાઓના પ્રચાર પ્રસાર અને યોજનાના સફળ તેમજ વ્યાપક અમલીકરણ માટે જિલ્લા તંત્ર સતત કાર્યરત છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સુપ્રિમ કોર્ટ અને દેશની હાઈકોર્ટ અવારનવાર શાસન, પ્રશાસનની ઝાટકણી કાઢે કે ટકોરો કરવી પડે તે શું સૂચવે છે?
ગુજરાત સહિતના કેટલાક રાજ્યોમાં સરકારો જાણે લાચાર હોય, તેમ ઘણી વખત ઉચ્ચ અધિકારીઓ કે મોટા માથાઓને બચાવવા કે છાવરવાના પ્રયાસો કરી રહી હોવાની ચર્ચાઓ હવે દેશવ્યાપી બની છે, તો બીજી તરફ દેશની અદાલતોને પણ હવે સરકારી કામગીરી, પ્રક્રિયાઓ તથા વ્યવસ્થાઓને લઈને હસ્તક્ષેપ કરવો પડી રહ્યો છે. ખાસ કરીને હાઈકોર્ટો તથા સુપ્રિમ કોર્ટે સરકારોને ફટકાર લગાવવી પડી રહી છે, જે એક તરફ તો રાજકીય અને શાસકીય કમજોરી દર્શાવે છે, તો બીજી તરફ શાસન-પ્રશાસન-સ્થાપિત હિતો તથા મળતિયાઓ વચ્ચેની સાઠગાંઠનું પરિણામ છે.
હમણાંથી દેશના કેટલાક મુદ્દે સુપ્રિમ કોર્ટે પણ ઘણી વખત કેન્દ્ર અને રાજ્યસરકારોને ફટકાર લગાવી છે, તો કેટલીક નીચલી અદાલતો (લેબર કોર્ટસ) તથા પ્રશાસનિક ક્ષેત્રની કોર્ટો, ટ્રિબ્યુનલો તેમજ વિશેષ અદાલતોએ પણ તંત્રોને ઝાટક્યા છે.
ગુજરાતમાં વિવિધ દુર્ઘટનાઓ જીવલેણ બન્યા પછી તથા કેટલાક અગ્નિકાંડો અને પરીક્ષાકાંડો થયા પછી અવારનવાર રાજ્યની વડી અદાલતે રાજ્ય સરકાર, સ્થાનિક સ્વરાજ્યની સંસ્થાઓ એટલે કે પાલિકા, મહાપાલિકા, પંચાયતો તથા તેના તંત્રોની આકરા શબ્દોમાં ઝાટકણીઓ કાઢી છે અને કેટલાક કડક દિશા-નિર્દેશ તથા આદેશો પણ આપ્યા છે, તેમ છતાં નિંભર તંત્રો કે સિસ્ટમને તો કોઈ અસર થતી નથી, પરંતુ શાસકો-પ્રશાસકોનું પણ રૃંવાડુ યે ફરકતું નથી, અને તેથી જ અદાલતો હવે વધી કડક અભિગમો અપનાવવા લાગી હોય તેમ જણાય છે.
વડોદરા હરણીકાંડના મુદ્દે રજૂ થયેલા રિપોર્ટ પછી લાલઘૂમ બનેલી હાઈકોર્ટે જે કડક શબ્દોમાં સરકાર તથા તંત્રોની ઝાટકણી કાઢી છે, તે આજે ચર્ચાનો મુદ્દો બન્યો છે.
વડોદરા હરણી કાંડના મુદ્દે ત્યાંના મ્યુનિસિપલ કમિશનરને છાવરવાની થયેલા પ્રયત્નોને લઈને અદાલતે ટકોર કરી છે, તે કેટલાક સનદ્ી અધિકારીઓ તથા શાસકો વચ્ચેની સાઠગાંઠને ઉજાગર કરે છે.
એ પહેલા ટીઆરપી ગેમઝનના ભયાનક જીવલેણ અગ્નિકાંડની સુનાવણી સમયે પણ રાજકોટના મ્યુનિ. કમિશનર સામે કેમ કડક કદમ ઊઠાવ્યા નથી, અને વાસ્તવિક જવાબદારોની સામે કેમ કુણું વલણ રાખવામાં આવી રહ્યું છે તેવા વેધક સવાલો ઊઠ્યા હતાં.
મોરબીના ઝુલતા પુલની દુર્ઘટના પછી પણ પ્રારંભમાં ત્યાંના નગરપાલિકાના ચીફ ઓફિસર તથા મોટા માથાઓને છાવરવાનો પ્રયત્ન સચિવાલય કક્ષા સુધી થયો, તે પછી જ કડક કાર્યવાહી થઈ હતી, તે સૌ જાણે જ છે.
અમદાવાદ સહિત રાજ્યમાં રખડતા ઢોર, માર્ગો પર પડતા ભૂવા, ટ્રાફિક સમસ્યા અને ચોમાસામાં જલભરાવના મુદ્દે તો ગુજરાત હાઈકોર્ટ અવાર-નવાર રાજ્ય સરકાર અને અમદાવાદ મ્યુનિ. કમિશનર તથા સંબંધિત ઉચ્ચ સનદ્દી અધિકારીઓ તથા પોલીસ અધિકારીઓને ઉધડો લેતી જ રહી છે.
પ. બંગાળની હાઈકોર્ટે પણ ત્યાંની રાજ્ય સરકાર તથા તેના તંત્રો સામે વારંવાર લાલઆંખ કરતી રહી છે, અને તેને તતડાવીને ગુજરાત સરકારના કેટલાક વિવાદાસ્પદ નિર્ણયો પલટાવતી પણ રહી છે.
મુંબઈના સ્થાનિક પરિવહન અને લોકલ ટ્રેનના મુદ્દે ત્યાંની હાઈકોર્ટે બીએમસી તથા મહારાષ્ટ્ર સરકારનો રિપોર્ટ માંગ્યો છે, અને વેધક ટકોર પણ કરી છે, તે પછી આ મુદ્દો રાષ્ટ્રીય કક્ષાએ પડઘાયો છે.
આ રીતે દેશની હાઈકોર્ટે અને સુપ્રિમ કોર્ટે પણ હવે સીધા ઉચ્ચ સનદી અધિકારીઓ તથા ઉચ્ચ પોલીસ અધિારીઓને પણ જવાબદાર ઠેરવવાની ટકોરો કરવા લાગી છે, કારણ કે એ હવે સર્વવિદિત થઈ ગયું છેે કે કોઈ અકળ કારણે ઉચ્ચ સનદી અધિકારીઓ પાસે સરકારો પણ કેટલીક વખત લાચાર થઈ જતી હોય તેમ જણાય છે, અને તેમાંથી જ સાઠગાંઠિયા ભ્રષ્ટાચારની બૂ આવતી હોય છે. વાસ્તવિક સત્તા જ બ્યુરોક્રેટ્સ પાસે હોવાથી તેને પણ સંબંધિત મુદ્દાઓમાં જવાબદાર ઠેરવવાની અદાલતોની આ રણનીતિ સામાન્ય જનતાને પણ ગમતી હોય તેવા પ્રતિભાવો મીડિયા-સોશ્યલ મીડિયાના માધ્યમથી બહાર આવવા લાગ્યા છે.
શું ભ્રષ્ટ 'લોબી'ને નાથવાની વર્તમાન શાસકોમાં નથી? શું નેતાઓ બ્યુરોક્રેટ્સથી કોઈ અકળ કારણે ડરે છે? શું સરકારો બદલાવા છતાં નહીં, બદલાતી ભ્રષ્ટ સિસ્ટમોનો કોઈ ઉકેલ જ નથી? તેવા સવાલો પણ જનમાનસમાં ગૂંજી રહ્યા છે, તો બીજી તરફ ઘણાં બધા પ્રામાણિક અને નિષ્ઠાવાન બ્યુરોક્રેટસ, ઉચ્ચ અધિકારીઓ, પોલીસ અમલદારોની અવગણના થઈ રહી હોવાની ગુસપુસ પણ થતી રહે છે.
હમણાંથી હાલાર સહિત રાજ્યમાં કાયદો-વ્યવસ્થાની સ્થિતિ બગડી રહી હોવાની તથા શાસન-પ્રશાસનની પકડ ગુનેગારો પર ઢીલી થઈ રહી હોવાનું ચિત્ર ઉપસી રહ્યું છે. જામનગર સહિતના શહેરોમાં હત્યાના બનાવો તથા વિવિધ કારણે આત્મહત્યાની ઘટનાઓ પણ આ સંદર્ભે ચર્ચાઈ રહી છે.
વલસાડના સનદી અધિકારી સામે પગલાં લેવાયા અને એકાદ-બે આઈએએસ કે ઉચ્ચ અધિકારીને સસ્પેન્ડ કરાયા (કે કરવા પડ્યા?) ના ગાણા ગઈને બચાવ કરવાના બદલે પારદર્શક વહીવટ માટે ભૂપેન્દ્ર પટેલ સરકાર કડક પગલાં ઊઠાવશે, તેવી આશા રાખી શકાય ખરી?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રસાયણ વિહોણી ૧૫ વિઘા જમીનમાં બારેય માસ પંખી મેળોઃ મોર, ચકલી, પોપટ જેવા પક્ષીઓનો ગુંજતો મધુર કલરવ
કુદરતે કૃષિ સંસ્કૃતિમાં એક સંકલિત શૃંખલા અને ઇકો સિસ્ટમની રચના કરી છે અને આ કુદરતી વ્યવસ્થા એટલે પ્રાકૃતિક કૃષિ. રાજ્યપાલશ્રી આચાર્ય દેવવ્રતે પોતાના પ્રાકૃતિક કૃષિ અંગેના પુસ્તકમાં જણાવ્યું છે કે, મુખ્ય પાકનો ખેતી ખર્ચ આંતરપાક કે મિશ્ર પાકના ઉત્પાદન માંથી મેળવી લેવો ને મુખ્ય પાક બોનસના રૂપમાં લેવાને જ પ્રકૃતિક કૃષિ કહેવાય છે.
ખેડૂતો પ્રાકૃતિક ખેતી તરફ વળે તે દિશામાં ગુજરાત સરકાર દ્વારા તાલીમ અને શિબિરોનું તમામ જિલ્લાઓમાં આયોજન કરવામાં આવે છે. તેમજ અનેક યોજનાઓ પણ અમલમાં છે. જામનગર જિલ્લાના ખેડૂતો પણ પ્રાકૃતિક ખેતી તરફ વળી રહ્યા છે. ત્યારે ઠેબા ગામે રહેતા દિલીપભાઈ સંઘાણી આત્મા પ્રોજેકટ અંતર્ગત આયોજિત તાલીમો અને શિબિરોમાં ભાગ લઈ તેમાંથી માર્ગદર્શન મેળવી ૭ વર્ષથી પ્રાકૃતિક ખેતી કરી રહ્યા છે. બાગાયતી પાકોનું પ્રાકૃતિક ખેતી પદ્ધતિથી વાવેતર કરી રહ્યા હોવાથી સરકાર દ્વારા સહાય પણ આપવામાં આવે છે.
પ્રાકૃતિક ખેતી પદ્ધતિથી વાવેતર કરીને તેનું સારું ઉત્પાદન મેળવી ખેડૂતો આર્થિક ફાયદો તો મેળવી રહ્યા છે. પરંતુ દરિયાદિલ દિલીપભાઈની ખાસિયત એ છે કે, પોતાના ફાર્મમાં તેઓએ અનેક ફળોનું વાવેતર કર્યું છે. અને એક પણ ફળ તેઓ ખાતા નથી કે તેનું વેચાણ પણ કરતાં નથી. માત્ર પક્ષીઓ રસાયણમુક્ત ફળો ખાઈ શકે તે માટે તેઓ ઝાડના બધા ફળો તેમના માટે મૂકી દે છે. તેમના ફાર્મમાં રસાયણમુક્ત જમીન તો છે જ સાથે સાથે મોર, ચકલી, પોપટ સહિત અનેક પક્ષીઓનો દિવસભર કલરવ પ્રદૂષણમુક્ત વાતાવરણમાંથી મનને શાંતિ આપે તેવું વાતાવરણ પણ ઊભું થયું છે.
જામનગર તાલુકાના ઠેબા ગામે રહેતા દિલીપભાઈ સંઘાણી જણાવે છે કે, તેઓએ ૧૫ વિધા જમીનમાં બાગાયતીપાકો પૈકી ફળો જેમાં ચીકુ, નાળિયેરી, ખારેક, મોસંબી, આંબો, જાંબુનું વાવેતર કર્યું છે. માત્ર ને માત્ર પશુ-પક્ષીઓ કોઈ જંતુનાશક દવાઓથી પકાવ્યા વગરના ફળો ખાઈ શકે તે હેતુથી ફળોનું વેચાણ પણ કરતાં નથી. છેલ્લા ૧૧ વર્ષથી પ્રાકૃતિક ખેતી પધ્ધતિથી ખેતી કરે છે. કોઈ પણ જાતનું રાસાયણિક ખાતર ઉપયોગ કર્યું નથી. ગાયનું છાણ અને ગૌમૂત્રનો જ ખેતીમાં ઉપયોગ કરે છે. તમામ ખેડૂતોમાં પ્રાકૃતિક ખેતી પ્રત્યે જાગૃતતા લાવવા માટે સંદેશો આપતા દિલીપભાઇ જણાવે છે કે, પ્રાકૃતિક ખેતી કરવાથી મનુષ્યનું સ્વાસ્થ્ય પણ સારું રહે છે અને જમીનની ફળદ્રુપ તા વધે અને આવક સારી મળે છે.
માતા ભૂમિ ૫ુત્રોહમ પ્રુથિવ્યાઃ એટલે કે ધરતી આપણી માતા છે અને આપણે તેમના પુત્ર છીએ. પરંતુ વધારે ઉત્પાદનની લાલચમાં માણસ કુત્રિમ ખાતર તથા જંતુનાશક દવાઓનો ઉપયોગ કરે છે. જેના લીધે જમીન અને માણસ બંને અનેક અનેક સમસ્યાઓથી હેરાન છે. રાસાયણિક ખાતરોના ઉપયોગથી ઉગાડેલા પાકથી માણસનું સ્વાસ્થ્ય પણ જોખમમાં મુકાય છે અને જમીનની ફળદ્રુપતા પણ ઘટે છે. પરંતુ જો કુદરતે આપેલી વસ્તુઓ ને કુદરતી જ રહેવા દઈએ તો લાંબાગાળે તેનો ફાયદો મનુષ્ય ને જ છે. માટે ખેડૂતો પણ રાસાયણિક ખેતી છોડીને પ્રકૃતિક ખેતી અપનાવે તે દિશામાં ગુજરાત સરકાર મક્કમ પગલાં લઈ રહી છે.
પારૂલ કાનગળ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ઉનાળામાં થતા ઝાડાનું કારણ, લક્ષણો અને ઉપાયો
પેટના રોગો ઉનાળાની ઋતુમાં વધુ પ્રમાણમાં જોવા મળતા હોય છે. આયુર્વેદ ના મતે રોગ અને તેની ચિકિત્સાની યોગ્ય માહિતી લોકો તે અગત્યની છે. સમર ડાયારીયા અથવા ઉનાળામાં ઝાડા ક્યારેક અતિ ગંભીર સ્વાસ્થ્ય સમસ્યા ના રૂપ પણ લેતી જોવા મળે છે જો યોગ્ય રીતે સમયસર ઉપચાર કરવામાં ના આવે.
અતિસાર જીવાણુ સંક્રમણ જન્ય પેટ નો રોગ છે જે અલગ અલગ પ્રકાર ના સૂક્ષ્મ જીવો ના સંક્રમણ ના પરિણામે જોવા મળે છે. સામાન્ય રીતે આ સંક્રમણ બેક્ટેરિયા, પ્રોટોજૂઆ, વાઇરસ, વિગેરે ના કારણે દૂષિત પાણી, અને ખોરાક અને/અથવા હાઈજીન ને યોગ્ય કાળજી ન લેવાના પરિણામે થતું હોય છે. આ કારણ ની સાથે વાતાવરણ નો પ્રભાવ ના પરિણામે પણ શરીર ના રોગ પણ થતાં જોવા મળે છે.
ઉનાળામાં થતાં ઝાડાનું કારણ
ઉનાળામાં જો કોઈ વ્યક્તિ જો યોગ્ય કાળજી વગર તડકામાં કામ કરવું પડતું હોય, અથવા ગરમીમાં અતિ પ્રમાણમાં ઠંડા પીણાંમાં ઉપયોગ કરવાથી થી અને ખોરાક નો અયોગ્ય રીતે ઉપયોગ કરવા, ખુલ્લો ખોરાક લેવો, હાથ પગને સાફ કર્યા વગર ખોરાક લેવો, અતિ ક્ષોભક ખોરાક લેવાથી અતિસાર ઝાડા નો રોગ થાય છે. રોગ ઉનાળાના પ્રભાવના કારણે થનાર શારીરિક ફેરફારના પરિણામે રોગ થતો હોય તેને સમર ડાયારીયા નામ આપવામાં આવે છે.
ઉનાળામાં અતિ પ્રમાણમાં ડિફાઇડ્રેશન ના પરિણામે શરીરમાં ફ્લુઇડ પાણી અને ક્ષાર ઇલેક્ટરોલાઇટ ઇમબેલેન્સના પરિણામે કોલન એટલે કે મોટા આંતરડામાં ઉદક ધાતુમાં ફેરફાર થવાથી મોટા આંતરડામાં સોજો આવી અને વારંવાર માલ પ્રવૃત્તિ થાય છે.
ઉનાળામાં થતાં ઝાડાનું લક્ષણ
રોગ સામાન્ય રીતે કોઈપણ પ્રકારના પૂર્વરૂપ વગર એકાએક પેટમાં દુખાવા સાથે અથવા દુખાવા વગર, દ્રવ રૂપ મલની પ્રવૃત્તિ થાય છે. જો રોગ ગંભીર લક્ષણ વાળો હોય, વૃદ્ધ, અન્ય રોગ ગ્રસિત, લો ઇમ્યુનિટીના લોકોમાં ગંભીર લક્ષણ જોવા મળે. જો રોગી મધ્યમ બલ ધરાવતો હોય તો સામાન્ય રીતે લક્ષણ અતિ ગંભીર જાણતા નથી. રોગી ને વારવાર પાણી જેવા ઝાડાની સાથે. પેટનો દુખાઓ, પાચ્ય વગરનો ખોરાક, મળમાં ચીકાશ આવવી, ભૂખ ના લગાવી, ટોઇલેટ વારંવાર જવા છતા પણ પેટ બરાબર રીતે સાફ નથી થતું લેવું લાગવું, શરીરા અને ગાત્રો ભારે લાગવા, ઉત્સાહ ન જણાવો, ક્યારેક તાવનું લક્ષણ પણ જોવા મળે છે.
ઉનાળામાં થતાં ઝાડાની આયુર્વેદ ચિકિત્સા
અતિ ગંભીર અવસ્થાને બાદ કરતાં રોગ બેભાન હોય, સતત પાતળો ઝાડો થતો હોય, નાડી ગતિ મંદ પડે, બ્લડપ્રેશર ઓછું થાય, હાથ પગ ઠંડા પાડવા, વિગેરે જો જાણાય તો રોગીને ઇમરજન્સી ટ્રીટમેન્ટ ની જરૂરિયાત ઊભી થઈ શકતી હોય. તે સિવાયના રોગીમાં આયુર્વેદની ટ્રીટમેન્ટથી વધુ લાભ થવાની સંભાવના રહે છે. આયુર્વેદ ચિકિત્સાક રોગી ની પરીક્ષા કરી કુટજ, હિંગવાષ્ટક, શિવાક્ષાર પાચન, સંજીવની વટી, ચિત્રકાદી ગ્રહણી કપાટ, કર્પૂર રસ, આનદભૈરવ રસ, ખસખસ, પાપાવર વિગેરે નો ઉપયોગ કરાતા હોય છે.
ઉનાળામાં થતાં ઝાડા રોકાવાના ઉપાય
રોગ ને મટાડાવા કરતાં રોગ ને ઉત્પન્ન ન થવા દેવો વધુ ઉપયોગી છે. સમાર ડાયારીયાને રોકવા પાણી ઉકાળી ને લેવું, ચાઇલ્ડ વોટર બેવરેજીસ ના લેવા, થર્મલ શોક થી બચવું, તડકા થી બચવું, પાણી વાળ ફાળો ખાવા, ગુલાબ નું પાણી, સુખડનું પાણી, મુસ્તાનું પાણી લેવું, કાળી દ્રાક્ષનું પાણી લેવું. વીગેરે ઉપાય કરી શકાય. રોગ ન થાય તેના માટે આયુર્વેદ દવા આયુર્વેદ ચિકિત્સક ની સલાફ પ્રમાણે પ્રોફાયલેટિક પ્રવેન્ટીવ દવા નો પણ ઉપયોગ કરી શકાય.
ઉનાળામાં થતાં ઝાડામાં સલાહ
જો પેટ માં દુખાવા સાથે વારંવાર મળ પ્રવૃત્તિ થાય તો આયુર્વેદ ચિકિત્સાક નો સંપર્ક કરી યોગ્ય દવા નો ઉપયોગ કરવો. ઝાડા નો યોગ્ય ઈલાજ કરવામાં ના આવે તો તેના પરિણામે ક્રોનિક કોલાઇટીસ ની તકલીફ થવાની શક્યતા વધુ રહે છે. વધુ માહિતી અને ચિકિત્સકીય અભિપ્રાય માટે આયુર્વેદ ચિકિત્સક અથવા ચિકિત્સાલયનો સંપર્ક કરી શકો.
ડો. નિશાંત શુકલ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સરકારી ડેન્ટલ કોલેજ દ્વારા ર૦મી મે થી ૬ઠ્ઠી જૂન સુધી વિવિધ કાર્યક્રમો યોજાયાઃ ઓરલ હેલ્થ ચેકઅપ સહિતના કેમ્પો યોજાયા
વિશ્વમાં દર વર્ષે ૧.૪૦ કરોડ લોકોમાં કેન્સરનું નિદાન થાય છે. દર વર્ષે ૮૮ લાખ લોકો કેન્સરથી મૃત્યુ પામે છે. વિશ્વમાં થતાં મરણોમાં કેન્સર બીજા ક્રમે છે. દર ૬ મરણમાં એક મરણ કેન્સરથી થાય છે. ત્રીજા ભાગના કેસો તમાકુની કુટેવોના કારણે થાય છે. વિશ્વભરમાં ૧૦૦ કરોડથી પણ વધુ લોકો તમાકુને લગતી અલગ-અલગ પ્રકારની પ્રોડક્ટ્સનો ઉપયોગ કરે છે. તેમાંના ૮૦ ટકાથી પણ વધારે લોકો ભારત તેમજ અન્ય વિકાસશીલ દેશોમાં રહે છે. ઘણા ખરા લોકો તમાકુના વપરાશકર્તા ખાસ કરીને ધુમ્રપાન કરતા લોકોના સતત સંપર્કમાં રહેવાના કારણે પણ મોટી બીમારીઓનો ભોગ બનતા હોય છે અને મૃત્યુ પામે છે.
ઉત્પાદન અને ઉપયોગ વિનાશકારી
તમાકુના ઉત્પાદન દેશ અને સમાજના વિકાસ માટે ખતરા સમાન છે અને સ્વાસ્થ્ય, સામાજિક અને આર્થિક રીતે પણ હાનિકારક છે. તમાકુના વ્યસનની મોટાભાગે મોજ-મજા અને ક્ષણિક આનંદ સાથે શરૂઆત થતી હોય છે. દેખા દેખી, મિત્રો અને આસપાસના લોકોના પ્રભાવના કારણે જે આગળ જતા વ્યસનમાં પરિવર્તિત થાય છે. વ્યક્તિને તમાકુ ન મળતાં બેચેની, ઉદાસી, અકળામણ, તણાવ, ઊંઘમાં ખલેલ વગેરેની ફરિયાદો શરૂ થાય છે.
યુવાનોમાં તમાકુનો ઉપયોગ બહોળા પ્રમાણમાં જોવા મળે છે. તમાકુમાં નિકોટીન નામનો નશાયુક્ત પદાર્થ હોય છે. તેનું સેવન કરતા વ્યક્તિને થોડા સમય માટે ખુબ જ આનંદ પ્રાપ્ત થાય છે પરંતુ લાંબાગાળાના સેવન બાદ તે શરીરને અસર કરે છે જેમ કે ફેફસાં, પેટ, હૃદયની તકલીફો અને આગળ જતા જ્ઞાનતંતુઓને પણ અસર કરી શકે છે.આ સાથે તમાકુ વ્યક્તિની માનસિક, સામાજિક અને આર્થિક સ્થિતિને પણ વ્યાપકપણે નુકસાન પહોંચાડે છે.
આ વર્ષની થીમ "પ્રોટેકટીંગ ચિલ્ડ્રન ફ્રોમ ટોબેકો ઈન્ડસ્ટ્રીઝ ઈન્ટરફિયર્સ"
આ થીમને ધ્યાને લઈ સરકારી ડેન્ટલ કોલેજ અને હોસ્પીટલ, જામનગરે ૨૦ મે થી ૬ જૂન ૨૦૨૪ સુધીમાં વિવિધ પ્રકારના કાર્યક્રમોનું આયોજન જનજાગૃતી માટે કર્યું છે. જેમાં હસ્તાક્ષર ઝુંબેશ, તમાકુ જાગૃતિ ચર્ચા, પેમ્પલેટ વિતરણ, તમાકુ નિષેધ શપથ, નુક્કડ નાટક, પ્રતિસાદ સ્પર્ધા, જાગૃતિ રેલી, કટપુતળી શો, બાઈક અને સાઇકલ રેલી, બાળકોની ચિત્ર સ્પર્ધા, તમાકુ શબ યાત્રા, આ વર્ષના તમાકુ નિષેધ દિનની આ થીમ ઉપર નવીન વિચાર સ્પર્ધા, મોઢાના કેન્સરની તપાસ માટેનો મફત કેમ્પ, ઓરલ હેલ્થ ચેકઅપ કેમ્પ વગેરે કરેલ છે.
કોલેજના ડીનનો સંદેશ
કોલેજના ડીન ડૉ.નયના પટેલે પોતાના સંદેશમાં કહ્યું છે કે હું દરેકને મોઢાના સ્વાસ્થ્ય અને એકંદર સુખાકારી પર તમાકુની હાનિકારક અસરોને ઓળખવા વિનંતી કરું છું. વિશ્વ તમાકુ નિષેધ દિવસ અંતર્ગત ચાલો આપણે તેજસ્વી સ્મિત અને સ્વસ્થ ભવિષ્ય માટે તમાકુ-મુક્ત જીવનશૈલી માટે પ્રતિબદ્ધ થઈએ. યાદ રાખો, તમાકુ છોડવાથી માત્ર જીવન જ બચતું નથી પણ તમારા સ્મિતની સુંદરતા પણ જળવાઈ રહે છે. તમાકુ અંગેની જાગૃતિ ફેલાવવા અને તમારી આસપાસના લોકોને પ્રોત્સાહિત કરવામાં અમારી સાથે જોડાઓ. સાથે મળીને, આપણે એક સ્વસ્થ, સુખી સમુદાય બનાવી શકીએ છીએ.
તમાકુ છોડવાના સચોટ ઉપાયો
સૌ પ્રથમ તો તમાકુ છોડવાના શારીરિક અને આર્થિક ફાયદાઓ વિશે વિચારો જેમ કે કેન્સર અને હૃદયરોગ થવાના જોખમો ઘટશે, હૃદય પરનો તણાવ અને સ્નેહીજનોને તમારા વ્યસનથી કોઈ નુકસાન નહીં થાય અને કાયમી ખાંસી કે ઉધરસની સમસ્યાઓ નહીં રહે અને દાંત વધારે સફેદ અને ચોખ્ખાં રહેશે. સાથો સાથ આર્થિક બચત પણ થશે.
તમાકુ છોડવાની પ્રક્રિયા બહુ જ જટિલ છે અને લગભગ ૮૦% લોકો તમાકુ છોડવાનો પ્રયત્ન કરતા જ હોય છે. તમાકુ છોડવાના અગત્યના અને પ્રથમ સ્ટેપમાં વ્યક્તિની ઈચ્છા અને દૃઢ મનોબળ (સંકલ્પ) જવાબદાર હોય છે. બીડી, સિગારેટ, પાન, મસાલા નજરે ન ચડે તે રીતે રાખો તમાકુ સેવન કરવાની તમારી તલપને સમજો અને તેને પહોંચી વળવાના માર્ગો શોધી કાઢો. વ્યસની લોકોથી દૂર રેહવાની કોશિશ કરો. તલપ લાગે ત્યારે બેઠા બેઠા કે ઉભા ઉભા ઊંડા શ્વાસ લેવાનો પ્રયાસ કરો. પાણીનો ગ્લાસ લઇને કસરત કરવી એ પણ તલપ ઘટાડવામાં મદદ કરે છે. ચુઇંગ ગમ, વરિયાળી, પીપરમિન્ટ, આમળા જેવું કંઇક મોઢામાં મુકવાનો પ્રયાસ કરો અને ઊંડા શ્વાસ લેવાની પ્રેક્ટિસ કરો. તમાકુ લેવાનું મન થાય ત્યારે તમારા બાળકો અંગે વિચારો અને તેમના ભવિષ્ય પર શું અસર પડશે તે અંગે વિચારો. તમાકુ છોડવાની કોઈ એક તારીખ નક્કી કરો. તમને મદદ કરી શકે તેવી કોઈ વ્યક્તિ શોધી કાઢો, આયોજન કરો, જાતને સતત હકારાત્મક પ્રતિભાવો આપો, રોજ કસરત કરો, ચાલવા જાવ, નવા શોખ વિકસાવો, સક્રિય બનો અને તંદુરસ્ત આહાર લો.
બાળકોને તમાકુ ઈન્ડસ્ટ્રીઝથી સચેત કરો
આ વર્ષની થીમ પ્રોટેકટીંગ ચીલ્ડ્ર્ન ફ્રોમ ટોબકો ઇન્ડસ્ટ્રી ઇન્ટરફિયર્સ છે એટલે કે ટોબેકો ઇન્ડસ્ટ્રીના દખલથી બાળકોને રક્ષણ આપવું તે છે. તમાકુના સેવનથી બાળકો અને યુવાનો પર કેવી અસર થાય છે તે અંગે આપણે માહિતી મેળવી આ ટોબેકો ઇન્ડસ્ટ્રીની ચાલાકી પૂર્ણ યુક્તિઓથી યુવાનોને બચાવવાની તાત્કાલિક જરૂરિયાત પર ભાર મૂકવાની જરૂર છે. આ ઇન્ડસ્ટ્રીઝનો હેતુ ધુમ્રપાન કરનારાઓ અને નિકોટીન વપરાશ કર્તાઓની નવી પેઢી બનાવવાનો છે. આપણા દેશમાં ધુમ્રપાન તથા તમાકુના સેવનને ઘટાડવામાં ઘણી પ્રગતિ થઈ હોવા છતાં સિગરેટ અને નિકોટીન પાઉચ જેવા ઉત્પાદનોની ઝપેટમાં બાળકોને યુવાનો આવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
એનડીએ ૩.૦ ની વિદેશનીતિ કસોટીની એરણે... માલદીવના બેવડા વલણો... શરીફ બ્રધર્સ સાથે પીએમના નામે સંદેશા-વ્યવહાર!
એનડીએ ૩.૦ ના શાસન કાળના પ્રારંભે જ પડોશી દેશોની પ્રતિક્રિયાઓને લઈને વિવાદ શરૃ થઈ ગયો છે. માલદીવના રાષ્ટ્રપતિ ભારતમાં શપથવિધિ સમારંભમાં હતાં, ત્યારે જ માલદીવમાં ભારત સાથે ભૂતકાળમાં થયેલા કરારોથી પુનઃ સમીક્ષા કરવાના નિર્ણયો ત્યાંની સરકાર દ્વારા લેવામાં આવી રહ્યા હતાં. આ કારણે માલદીવની ચીન તરફી નીતિ તો ઉજાગર થઈ જ હતી, પરંતુ માલદીવને લઈને ભારત સરકારના વલણ તથા વ્યૂહની ટીકાત્મક ચર્ચાઓ પણ થઈ રહી છે. ભારતે અડોશ-પડોશના દેશો પૈકી પાકિસ્તાન અને ચીનને આમંત્રણ આપ્યું નહીં હોવાથી તેના સંદર્ભે પડી રહેલા પ્રત્યાઘાતો પણ ઘણાં જ સૂચક છે.
શરીફ બ્રધર્સ સાથેનો સંદેશા વ્યવહાર
ગઈકાલથી જ શરીફ બ્રધર્સ દ્વારા વડાપ્રધાન નરેન્દ્ર મોદીને આપેલા અભિનંદન તથા તેનો વડાપ્રધાન દ્વારા અપાયેલો જવાબ ચર્ચામાં છે. શાહબાઝ શરીફે સોશ્યલ મીડિયાના માધ્યમથી પી.એમ. મોદી ત્રીજી વખત ભારતના વડાપ્રધાન બન્યા તેની એક લીટીની શુભેચ્છા અને તે પછી પાકિસ્તાનના પૂર્વ પી.એમ. તથા ત્યાંના શાસકપક્ષ પીએમએલ-એનના વડા નવાઝ શરીફે બે લીટીમાં શુભેચ્છા સંદેશ મોકલ્યો. આ બન્ને સંદેશાઓનો પી.એમ. મોદીએ જવાબ પણ આપ્યો, અને આ સંદેશાવ્યવહારમાં જ જે સૂચક રીતે ટકોરો થઈ તેની ચર્ચા ટોક ઓફ ધ ગ્લોબ બની છે.
એ બધું તો ઠીક, પરંતુ તે પછી પાકિસ્તાનના રક્ષામંત્રી ખ્વાજા શરીફે એક અન્ય કાર્યક્રમમાં કહ્યું કે પી.એમ. મોદીને જે શુભેચ્છા અપાઈ, તે માત્ર રાજદ્વારી મજબૂરી હતી. આ કોઈ પ્રેમસંદેશ નથી, વગેરે...
પાકિસ્તાનના રક્ષામંત્રીના નિવેદનથી જે કડવાશ નિતરી રહી હતી તે ભારત અને પાકિસ્તાન વચ્ચે એનડીએ ૩.૦ માં પણ તંગદિલી ઘટે તેવું લાગતું નથી, જો કે ચીને ગ્લોબલ ટાઈમ્સના માધ્યમથી ચતૂરાઈપૂર્વક પહેલેથી જ પી.એમ. મોદીને શુભેચ્છા પાઠવીને પાણી પહેલા પાળ બાંધી લીધી હતી, કારણ કે પાક. અને ચીનને શપથવિધિથી દૂર રાખીને ભારતે પહેલેથી જ મૂક સંદેશ તો આપી જ દીધો હતો!
ચીનને તેની જ ભાષામાં જવાબ
ચીને અરૃણાચલ પ્રદેશના ૩૦ સ્થળોના નામ બદલાવ્યા, તેનો ભારતે વિરોધ તો નોંધાવ્યો જ હતો અને અરૃણાચલ પ્રદેશ ભારતનું અભિન્ન અંગ છે, તેમ જણાવી દીધું અને તાજેતરમાં ત્યાં ચૂંટણીઓ પણ સંપન્ન થઈ ગઈ. હવે ભારતે ઈંટનો જવાબ પથ્થરથી આપીને તિબેટના ૩૦ સ્થળોના નામો બદલાવવાની જાહેરાત કરી છે, જેના સંદર્ભે ભારતની આઝાદીકાળથી આજ પર્યંતની વિદેશનીતિની સાતત્યતાની પણ અલગથી ચર્ચા થઈ રહી છે.
વડાપ્રધાન શેખ હસીનાનો
ગાંધી પરિવાર સાથે ધરોબો
બાંગલાદેશના વડાપ્રધાન શેખ હસીના વડાપ્રધાન નરેન્દ્ર મોદીની શપથવિધિ માટે ભારતના પ્રવાસે આવ્યા હતાં તે દરમિયાન તેઓની સોનિયા ગાંધી, રાહુલ ગાંધી અને પ્રિયંકા ગાંધી સાથે થયેલી મુલાકાતના અહેવાલો પણ મુખ્ય હરોળમાં હતાં. તેઓ વર્ષ ર૦૧૯ માં જ્યારે પી.એમ. મોદીની શપથવિધિ થઈ ત્યારે પણ ગાંધી પરિવારને મળ્યા હતાં. શેખ હસીનાનો ગાંધી ફેમિલી સાથે ઈન્દિરા ગાંધી અને શેખ મુજીબુર રહેમાનના સમયથી નાતો રહ્યો છે, અને તે હજુ સુધી જળવાઈ રહ્યો છે.
આમ પણ જ્યારે કોઈપણ દેશના વડાઓ સત્તાવાર પ્રવાસે અન્ય દેશોમાં જાય, ત્યારે લોકતાંત્રિક દેશોના વિપક્ષી નેતાઓની મુલાકાત પણ લેતા હોય છે, પરંતુ શેખ હસીના સાથે ગાંધી પરિવારના વિશેષ સંબંધો દાયકાઓથી જળવાઈ રહ્યા છે, જે બન્ને દેશોની લોકતાંત્રિક વ્યવસ્થાઓ માટે ગૌરવપ્રદ પણ છે, ખરૃ ને?
આતંકવાદ-ડ્રગ્સ-સ્મગલીંગનું ષડ્યંત્ર
જમ્મુ-કાશ્મીરમાં ફરીથી આતંકી હુમલાઓ થઈ રહ્યા છે, અને દરિયાઈ સરહદેથી સ્મગલીંગ તથા ડ્રગ્સની હેરાફેરી વધી રહી છે, ત્યારે પડોશી દેશોમાંથી દોરીસંચાર કરીને એક તરફ તો આતંકી હુમલાઓ કરાવાઈ રહ્યા છે, તો બીજી તરફ ડ્રગ્સ ઘૂસાડીને ભારતની યુવાપેઢીને બરબાદ કરવાના કાવતરા ચાલી રહ્યા છે. તાજેતરમાં જ દ્વારકા મંડળના દરિયાકાંઠેથી ડ્રગ્સનો જુદી જુદી જગ્યાએથી ઝડપાયેલો જથ્થો એક રીતે ખતરાની ઘંટડી સમાન છે, અને ગુજરાત ડ્રગ્સની હેરાફેરીનું જંકશન બની રહ્યું નથી ને? તેવા સવાલો ઊઠ્યા છે. એટલું જ નહીં, અનુ આ પ્રવૃત્તિને નાર્કોટિક્સ કે પ્રોહિબિશન સુધી મર્યાદિત રાખવાના બદલે દેશવિરોધી કાવતરાના એન્ગલથી મુલવીને પણ દરિયાકાંઠાને સુરક્ષિત અને સ્મગલીંગ જેવી પ્રવૃત્તિઓથી મુક્ત બનાવવા વધુને વધુ કડક અને વ્યૂહાત્મક કદમ ઊઠાવવાની જરૃર છે, તેમ નથી લાગતું? માત્ર ડ્રગ્સ નહીં, હવે ડીઝલ પણ સ્મગલીંગથી આવી રહ્યું હોવાની વાતો પણ ત૫ાસ માગે છે.
વિદેશમંત્રીનું સૂચક નિવેદન
વિદેશમંત્રી એસ. જયંશકરે ગઈકાલે ચીન, પાકિસ્તાન અને ભારતની રક્ષણ અને સાતત્યપૂર્ણ વિદેશનીતિ અંગે જે કાંઈ કહ્યું તે નવી સરકારના વલણો તથા પડોશી દેશો સાથેના સંબંધોને લઈને મહત્ત્વપૂર્ણ છે. મોદી સરકાર નબળી પડી નથી, અને એનડીએની સરકાર સ્થિર રહેવાની છે, તેવા ગર્ભિત ઈશારાના પણ વિવિધ અર્થઘટનો થઈ રહ્યા છે.
જેલમાં બેઠા બેઠા જીત!
ભારતના લોકતંત્રની ખૂબી છે કે જ્યાં સુધી આરોપ પૂરવાર ન થઈ જાય, ત્યાં સુધી આરોપીને અપરાધી ગણવામાં આવતો નથી. આપણા દેશમાં તો જેલમાં બેઠા બેઠા સરકાર પણ ચલાવી શકાય છે અને ચૂંટણી પણ લડી શકાય છે. આનું તાજુ દૃષ્ટાંત અમૃતપાલ સિંહ છે.
એનએસએ હેઠળ જેની સામે કેસ નોંધાયો હતો, તે અમૃતપાલ સિંહ એક વર્ષ સુધી ફરાર રહ્યા અને પછી પંજાબના મોંગામાં આત્મસમર્પણ કર્યું હતું. તેના પર ખાલિસ્તાની સમર્થક હોવાનો આરોપ છે. તેથી લોકસભાની ચૂંટણીમાં જંગી સરસાઈથી જીત થયા પછી અમેરિકા સહિતના દેશોમાંથી તેને જેલમાંથી છોડાવવાની હિલચાલ શરૃ થઈ છે અને એક અમેરિકન એડવોકેટે અમેરિકાના ઉપરાષ્ટ્રપતિ કમલા હેરિસ સાથે વાત કરી હોવાનું બહાર આવ્યું છે. હવે જોવાનું એ રહે છે કે આ મુદ્દે મોદી સરકારનું વલણ કેવું રહે છે.
કોંગી નેતા રાહુલ ગાંધી અને વિપક્ષો હંમેશાં મોદી સરકાર પર એવો આરોપ કરતા રહે છે કે, ચીન ભારતની જમીન દબાવીને બેઠું છે, અને પીઓકે પાછું મેળવવાના મુદ્દે પણ હવે વિપક્ષો મોદી સરકારને ઘેરી રહ્યા છે. બીજી તરફ 'નકલી'ના માધ્યમથી દેશને ખોખલો કરવાના તથા ડ્રગ્સની સરવાણી વહાવીને દેશના યુવાધનને બરબાદ કરવાના કાવતરા ચાલી રહ્યા છે, જ્યારે કેન્દ્ર સરકાર મક્કમ અને મજબૂત હોય તે જરૃરી છે. આ સંજોગોમાં કોઈપણ એક પક્ષની બહુમતી નહીં ધરાવાતી ગઠબંધન સરકાર કેટલી કારગર નિવડશે, તે સવાલોના ઘેરામાં છે. જોઈએ, આગળ આગળ શું થાય છે તે...
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ભાજપ અને એનડીએના જુના ચહેરાઓના ખાતા યથાવત્: કેટલાકના ખાતાઓ આશ્ચર્યજનક રીતે બદલાયા
લોકસભાની ચૂંટણી સંપન્ન થઈ ગઈ. પરિણામો આવી ગયા. એનડીએ ૩.૦ ની સરકારે શપથ લઈ લીધા. વડાપ્રધાન નરેન્દ્ર મોદી સહિત ૭ર મંત્રીઓનું મંત્રીમંડળ રચાયું. હવે ગઈકાલે મંત્રીમંડળના સભ્યને ખાતાઓની ફાળવણી પણ થઈ ગઈ. વડાપ્રધાને પહેલા જ દિવસે પહેલી ફાઈલ કિસાન સમ્માન નિધિની ક્લિયર કરી, જેથી નવ કરોડથી વધુ કિસાનોના ખાતામં રૂ. ર૦૦૦ જમા થઈ ગયા. વર્ષ ર૦૧૪ ના પ્રથમ દિવસે અને વર્ષ ર૦૧૯ ના પ્રથમ દિવસે વડાપ્રધાન નરેન્દ્ર મોદીએ જે રીતે કામકાજનો પ્રારંભ કર્યો હતો, તેની અલગથી ચર્ચા થઈ રહી છે.
ગઈકાલે મોડી સરકારની ત્રીજી ઈનિંગ શરૂ થઈ અને પહેલી કેબિનેટમાં જ ત્રણ કરોડ ઘરોનું જરૂરી ઈન્ફ્રાસ્ટ્રક્ચર સાથે નિર્માણ કરીને ઘરવિહોણાને ઘરનું ઘર આપવાની જાહેરાત કરી.
વડાપ્રધાને ચૂંટણી પ્રચાર દરમિયાન ખેડૂત, ગરીબ, યુવાવર્ગ અને મહિલાઓને દેશની મુખ્ય જાતિઓ માની હતી. તે પૈકી ખેડૂતોને સાંકળીને કિસાન સમ્માન નિધિનું પ્રથમ એક્શન કામકાજ સંભાળવાના પહેલા જ દિવસે લીધુું અને સાંજે કેબિનેટમાં ગરીબોને ઘરનું ઘર આપવાનું એલાન કર્યું. હવે પછી વડાપ્રધાન જે લાંબાગાળાના રોડમેપ પૈકી જે જાહેરાતો કરશે તેમાં મહિલા કલ્યાણ-વિકાસ અને યુવાવર્ગ વિકાસ તથા રોજગારીને લગતા વિષયો અગ્રીમ હશે, તેમ મનાય છે.
લિટમસ ટેસ્ટ
વડાપ્રધાન નરેન્દ્ર મોદી માટે આ વખતે લીટમસ ટેસ્ટ છે, કારણ કે આ વખતે ભારતીય જનતા પક્ષને બહુમતીની જરૂરી બેઠકો મળી નથી, પરંતુ પ્રિ-પોલ એલાયન્સ હોવાથી ભાજપે તમામ પ૪૩ બેઠકો પર ઉમેદવારો ઊભા રાખ્યા નહીં હોવાથી એનડીએ ગઠબંધનને જનાદેશ મળ્યો છે, ત્યારે સાથીદાર પક્ષોને પણ સાથે લઈને વડાપ્રધાને ચાલવું પડશે. તો બીજી તરફ વિપક્ષી ગઠબંધન પણ મજબૂત થયું છે, જો કે સાથીદાર પક્ષોએ જે મક્કમતાથી સમર્થન જાહેર કર્યું છે અને તે પછી વડાપ્રધાને પણ સાથીદાર પક્ષો સાથે પરામર્શ કરીને તેઓને મંત્રીમંડળમાં યોગ્ય સ્થાન આપીને મહત્ત્વના વિભાગો પણ ફાળવ્યા છે, અને પહેલા જ દિવસથી જે સક્રિયતા દર્શાવી છે, તે મહત્ત્વપૂર્ણ છે.
નવા પ્રયોગો કરવાનું ટાળ્યુ!
નવા મંત્રીમંડળની રચનામાં વડાપ્રધાને નવા પ્રયોગો કરવાનું ટાળ્યું, અને જુના, પીઢ, અનુભવી ચહેરાઓને તેના વિભાગો સાથે રિપિટ કર્યા, અને સાથીદાર પક્ષોને પણ મહત્ત્વના ખાતાઓ ફાળવાયા. એટલું જ નહીં, મીનીમમ ગવર્નમેન્ટ, મેક્ઝીમમ ગવર્નન્સના બદલે ૭૧ સભ્યોનું મંત્રીમંડળ રચ્યું, તે જોતા વડાપ્રધાન મોદી હવે એનડીએની સહિયારી સરકારના વડા હોય તે રીતે નિર્ણયો લઈ રહેલા જણાય છે.
વડાપ્રધાને સાથીદાર પક્ષો સાથે જરૂરી પરામર્શ કરીને જ મંત્રીઓની પસંદગી કરીને તેઓને વિભાગોની ફાળવણી કરી હશે, અને હજુ પણ તેમાં ફેરફારને અવકાશ રહેશે, તેવું મનાય છે.
વર્ષ ર૦૧૪ નું મંત્રીમંડળ કેવું હતું
વર્ષ ર૦૧૪ માં જ્યારે ગુજરાતના મુખ્યમંત્રી નરેન્દ્ર મોદી દેશના વડાપ્રધાન બન્યા ત્યારે માહોલ અલગ જ હતો અને વડાપ્રધાને પણ સમયને અનુકૂળ મંત્રીમંડળની રચના કરીને વિભાગો ફાળવ્યા હતાં. તે ચૂંટણીમાં પણ એનડીએનું પ્રિ-પોલ એલાયન્સ હતું, અને ભાજપને સ્પષ્ટ બહુમતી મળી હતી, પરંતુ મંત્રીમંડળમાં એનડીએના સાથી પક્ષોને પણ સ્થાન આપ્યું હતું.
વર્ષ ર૦૧૪ ની ર૬ મી મે ના વડાપ્રધાન તરીકે નરેન્દ્ર મોદીએ ૪પ મંત્રીઓ સાથે શપથ લીધા હતાં, જેમાં ર૩ કેબિનેટ અને ૧૦ સ્વતંત્ર પ્રભાર રાજ્યમંત્રી તથા ૧ર રાજ્યમંત્રી હતાં.
તે પછી તબક્કાવાર મંત્રીમંડળના વિસ્તરણો થયા, પરંતુ વર્ષ ર૦૧૪ માં માત્ર ૪પ મંત્રીઓ સાથે વડાપ્રધાન મોદીએ સત્તા સંભાળી હતી.
વર્ષ ર૦૧૯ નું મંત્રીમંડળ કેવું હતું?
નરેન્દ્ર મોદી વર્ષ ર૦૧૯ માં વધુ મજબૂત બહુમતી સાથે વડાપ્રધાન બન્યા અને ભાજપને ૩૦૩ બેઠકો મળી, જ્યારે એનડીએને ૩પ૦ થી વધુ બેઠકો મળી. વર્ષ ર૦૧૯ માં પણ વડાપ્રધાને ૩૦ થી મે ના દિવસે શપથ લીધા ત્યારે તેની સાથે પ૭ અન્ય મંત્રીઓએ શપથ લીધા હતાં, જેમાં બે રાજ્યસભાના સભ્યો હતાં. વર્ષ ર૦૧૯ ના મોદી મંત્રીમંડળમાં વડાપ્રધાન સહિત રપ કેબિનેટ કક્ષાના,૯ રાજ્ય કક્ષાના સ્વતંત્ર પ્રભાર સાથેના મંત્રીઓ તથા ર૪ રાજ્યમંત્રી હતાં.
વર્ષ ર૦૧૪ અને વર્ષ ર૦૧૯ માં પ્રથમ મંત્રીમંડળ માન્ય માપદંડો કરતા નાનું રાખવામાં આવ્યું હતું, અને સંજોગો તથા જરૂર મુજબ પાંચ-પાંચ વર્ષના સમયગાળા દરમિયાન તેમાં ફેરફાર પણ કરાયા હતાં.
વર્ષ ર૦૧૪ થી દબદબો
મોદી સરકારની આ ત્રીજી ટર્મ છે. આ પહેલાની બન્ને ટર્મમાં ગૃહમંત્રી અમિત શાહ, સંરક્ષણ મંત્રી રાજનાથસિંહ ઉપરાંત પિયુષ ગોયલ, નિર્મલા સિતારમણ, નીતિન ગડકરી, સદાનંદ ગૌડા, રાવ ઈન્દ્રજીતસિંહ, રાધામોહનસિંહ, થાવરચંદ ગેહલોત, ધર્મેન્દ્ર પ્રધાન, સર્વાનંદ સોનોવાલ, ગિરિરાજસિંહ, અર્જુન મેઘવાલ, મનસુખ માંડવિયા સહિતના કેટલાક મંત્રીઓનો વર્ષ ર૦૧૪ થી દબદબો રહ્યો છે. ભાજપના રાષ્ટ્રીય પ્રમુખ જે.પી. નડ્ડા પણ વર્ષ ર૦૧૪ થી મોદી મંત્રીમંડળ સાથે સંકળાયેલા છે, પરંતુ જ્યારથી ભાજપના રાષ્ટ્રીય પ્રમુખ બન્યા, ત્યારથી મંત્રીમંડળની જવાબદારીમાંથી મુક્ત કરાયા હતાં. હવે ફરીથી તેઓને મંત્રીમંડળમાં સમાવાયા છે.
વર્ષ ર૦૧૪ માં પક્ષવાર સ્થિતિ
લોકસભાની વર્ષ ર૦૧૪ ની ચૂંટણીમાં ભાજપને ર૮ર, શિવસેનાને ૧૮, ટીડીપીને ૧૬, એલજેપીને ૬, અકાલી દળને ૪, આરએસએલપીને ૩, એસડબલ્યુડીને ૧, એઆઈએનઆરબીને ૧, એનપીપીને ૧, કોંગ્રેસને ૪૪, એનસીપીને ૬, આરજેડીને ૪, આઈયુએનએલને ૧, અન્યને ૩, એનપીપીને ૧, એનપીએફને ૧, એઆઈએ ડીએમકેને ૩૭, એઆઈટીએમસીને ૩૪, બીજેડીને ર૦, ટીઆરએસને ૧૧, આઈએનએલડીને ર, એઆઈયુડીએફને ર, આમ આદમી પાર્ટીને ૪, પીડીપીને ૩, જેડીએસને ર, જેડીયુને ર, સમાજવાદી પાર્ટીને પ, એલડીએફને ર, એઆઈએમઆઈએમને ૧, સીપીઆઈને ૧, આઈએનડીને ૦૩, વાયએસઆરને ૯ અને સીપીઆઈએમને ૯ બેઠકો મળી હતી. આમ એનડીએને કુલ ૩૩૬, યુપીએને ૬૦ અને અન્ય પક્ષોને ૧૪૭ બેઠકો મળી હતી.
વર્ષ ર૦૧૪ ની સાથે વર્ષ ર૦ર૪ ની ચૂંટણીની સરખામણી કરીએ તો આસમાન જમીનનો તફાવત જણાય છે. વર્ષ ર૦૧૪ માં મંત્રીમંડળમાં હતાં, તેવા ઘણાં ચહેરા હાંસિયામાં ધકેલાઈ ગયા છે, તો કેટલાક દિગ્ગજોનું નિધન થઈ ચૂક્યું છે. આંકડાકીય માહિતીમાં પણ દસ વર્ષમાં આવેલા તફાવતના આંકડા ઘણાં જ રસપ્રદ અને સાંકેતિક છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મૂળ જામનગરના ચિત્રકારની સિદ્ધિ
મૂળ જામનગરના વતની મનિષભાઈ ચાવડાએ કેન્વાસ પેઈન્ટીંગના કલાક્ષેત્રે અદ્ભુત સિદ્ધિઓ પ્રાપ્ત કરી છે. ૧૧રમાં ઓલ ઈન્ડિયા આર્ટ એકઝીબીશનમાં મોબ્બે આર્ટ સોસાયટી તરફથી ર૦૦૪ માં એવોર્ડ એનાયત થયો હતો. ગુજરાત સ્ટેટ લલીતકલા અકાદમીનો એવોર્ડ તથા શ્રી માણેકબા સીલ્વર મેડલ અમદાવાદના સીએન શેઠ વિદ્યાલય તરફથી એવોર્ડથી તેમનું સન્માન કરાયું હતું.
મનિષભાઈ ચાવડાના જણાવ્યા પ્રમાણે તેઓ ૧૪ વર્ષના હતા ત્યારથી જ પેઈન્ટીંગનો ખૂબ જ શોખ હતો અને એક ઉચ્ચ દરજજાના ચિત્રકાર બનવાનું સ્વપ્ન સેવ્યું હતું.
તેમણે અમદાવાદની ફાઈન આર્ટસ, કોલેજમાં અભ્યાસ કર્યો હતો. તેમની ચિત્રકલાને પ્રદર્શિત કરવા અભ્યાસકાળ દરમ્યાન સારૃં પ્લેટફોર્મ મળ્યું હતું. તેઓ મુંબઈની એક આર્ટ ગેલેરી સાથે જોડાયા અને ર૦૦પ માં તેમના મિત્રોને શો-કેસ કરવાની તક ર૦૦પ માં મળી હતી. તેમના ચિત્રોનું સૌપ્રથમ સોલો એકઝીબીશન જહાંગીર આર્ટ ગેલેરીમાં યોજાયું હતું. આ પ્રદર્શનના કારણે તેમની એક અલગ ઓળખ પ્રસ્થાપિત થઈ અને ત્યારપછી દર વરસે તેમના ચિત્રોનું પ્રદર્શન યોજાતું હતું.
તેમના કેન્વાસ ઓઈલ પેઈન્ટીંગમાં મુખ્યત્વે પક્ષીઓ અને રંગસભર કુદરતિ દૃશ્યોને કંડારવામાં આવ્યા હતાં. જેના માધ્યમથી તેઓ શાંતિ, વિશાળતા અને શુભ ધારણો વ્યકત કરતા રહ્યા હતાં.
જો કે, તેમણે અનેક કોલેજના છેલ્લા વર્ષમાં અનેક પોર્ટઈટસ્ પણ બનાવ્યા હતાં. જેમાં વાસ્તવિકતા, અલગ અલગ મૂડ, ટ્રાફિક સીગ્નલ પાસે ટ્રાફિકમાં પ્રજા, શેરી-ગલીઓમાં જીવન વગેરેને ચિત્રાંકિત કર્યા હતાં.
જ્યારે તેમણે માસ્ટર ડિગ્રી માટે કરેલી બાબતે વખત અરજી નામંજુર થઈ ત્યારે ખૂબ નિરાશ થયા હતાં. જો કે આ સમયગાળામાં બગીચાઓમાં બેસીને વૃક્ષો, વૃક્ષોના પાંદડા, ફૂલઝાડ, પક્ષીઓ, ખીસકોલી વગેરેના કેન્વાસ પેઈન્ટીંગ કરવાની પ્રેરણા મળી.. અને બસ ત્યારપછી તેમણે તેમના પેઈન્ટીંગમાં અદ્દભુત કલાદર્શન કરાવ્યા... માનવી કોઈપણ રીતે કુદરતથી દૂર રહી શકે નહીં, અલગ થઈ શકે નહીં તેવો સંદેશો તેમના ચિત્રોમાં જોવા મળ્યો...
તેમણે ખાસ ભારપૂર્વક જણાવ્યું કે દરેક વાલીઓએ તેમના સંતાનોમાં ચિત્રકલાની શક્તિ છુપાયેલી હોય તો તેમની આ સર્જન શક્તિને પૂરેપૂરૃં પ્રોત્સાહન આપવું જોઈએ મને પણ મારા પેરેન્ટસ અને નેચરે ખૂબ જ પ્રોત્સાહન આપ્યું છે જેના પરિણામ સ્વરૂપે જ આજે મને સન્માન અને પ્રોત્સાહન મળ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
'નોટા'માં રેકોર્ડબ્રેક મતો પડ્યા પછી મતદારોની નાપસંદગીનો મુદ્દો ફરી દેશભરમાં ચર્ચાઈ રહયો રહ્યો છેઃ
વર્ષ ર૦ર૪ ની લોકસભાની ચૂંટણીના પરિણામો આવી ગયા છે અને આજે કન્ફર્મ ફાયનલ ડેટા પ્રગટ થવા જઈ રહ્યો છે, ત્યારે મોડી રાત્રે લીડ તથા વિજયના આંકડાઓના આધારે કોને કેટલી બેઠકો મળી છે, તેની વિગતોની સાથે સાથે વર્ષ ર૦૧૪ અને વર્ષ ર૦૧૯ ના તદ્વિષયક આંકડાઓની ચર્ચા પણ થઈ રહી છે. ઈન્દોરમાં 'નોટા'માં પડેલા રેકોર્ડબ્રેકના જુદા જુદા આંકડા સામે આવી રહ્યા છે, તો હવે આત્મમંથન અને વિશ્લેષણોનો દોર શરૂ થઈ ગયો છે. ઘણાં લોકો કહે છે કે સરકાર જીતીને પણ હારી ગઈ છે, અને વિપક્ષો હારવા છતાં જીતી ગયા છે!
એક્ઝિટ પોલ્સની ચર્ચા
વર્ષ ર૦૧૪ ની લોકસભાની ચૂંટણીઓ પછી જે પરિણામો આવ્યા છે, તેના નવેસરથી વિશ્લેષણો થઈ રહ્યા છે. બીજી તરફ આ વખતે એક્ઝિટ પોલ્સમાં ભાજપને રપ૦ થી ઓછી અને એનડીએને ૩૦૦ થી ઓછી બેઠકો મળશે, તેવું બતાવાયું નહોતું, જ્યારે ભાવપ અઢીસોથી પણ પાછળ રહી ગયું છે, તેવા ગઈકાલે અહેવાલો આવ્યા પછી પ્રારંભમાં તો હવે મોદી સરકારની વિદાય નિશ્ચિત છે, તેવા દાવાઓ પણ થવા લાગ્યા હતાં, પરંતુ સાંજ થતાં થતાં ભાજપ અને મોદીના ટ્વિટ્સ અને તે પછી દિલ્હીમાં ભાજપના કાર્યકરોના સંબોધન સાથે સમગ્ર દેશને વડાપ્રધાને કરેલા સંબોધન પછી તેઓ ત્રીજી વખત વડાપ્રધાન થવા જઈ રહ્યા છે, તેવો દાવો કર્યો, તે પહેલા ઈન્ડિયા ગઠબંધન પણ સરકાર રચવા માટે તડજોડ કરી રહી હોવાના અહેવાલો હતાં.
જો કે, એક્ઝિટ પોલ્સ દ્વારા ફરીથી મોદી સરકાર સત્તામાં આવશે, તેવી જે સંભાવનાઓ દર્શાવાઈ રહી હતી, તે તો ખરી ઠરશે, તેમ લાગે છે, પરંતુ બેઠકોની સંખ્યામાં એક્ઝિટ પોલ્સ અને એક્ઝેટ રિઝલ્ટ્સ વચ્ચે ઘણો તફાવત દેખાઈ રહ્યો છે, અને બીજી તરફ ઈન્ડિયા ગઠબંધન પણ બહમુતીથી નજીક નથી, તેથી એક્ઝિટ પોલ્સનો દિશા નિર્દેશ ઠીક હતો, પરંતુ સચોટ અનુમાનો નહોતા, તે પૂરવાર થયું હતું.
ઘણાં લોકોએ એવી ટકોર પણ કરી હતી કે એનડીએ જીત્યુ, તેમ છતાં વિજયનો આનંદ મળવો જોઈએ, તેટલો જણાતો નથી, જો કે ગઈકાલે સાંજે જુસ્સેદાર ભાષણ કરીને વડાપ્રધાને ફરી એકવાર બાજી સંભાળી લીધી હતી, તેવી વાતો પણ થઈ હતી.
વર્ષ ર૦૧૪ માં કોને કેટલી બેઠકો?
વર્ષ ર૦૧૪ માં એનડીએને મળેલી ૩પ૩ બેઠકોમાં ભાજપને ર૮ર, શિવસેનાને ૧૮, ટીડીપીને ૧૬, એલજેપીને ૬, અકાલીદળને ૪, આરએસએસપીને ૩, એડીએસને ર, પીએમકેને ૧, એલડબલ્યુપીને ૧, એઆઈએનઆરસીને ૧ અને એનપીપીને ૧ તથા એમપીએફને ૧ બેઠકો મળી હતી.
વર્ષ ર૦૧૪ માં યુપીએને મળેલી બેઠકોમાં કોંગ્રેસને ૪૪, એનસીપીને ૬, આરજેડીને ૪, આઈયુ-એનએસને ર, જેએમએમને ર, કેસી-એમ) ને ૧ અને આરએસપીને ૧ બેઠક મળી હતી.
વર્ષ ર૦૧૪ ના અન્ય પક્ષોને મળેલી બેઠકોમાં એઆઈએડીએમકેને ૩૭, એવાઈટીસીને ૩૪, બીજેડીને ર૦, ટીઆરએસને ૧૧, આઈએનએલડીને ર, યુડીએફને ૩, 'આપ'ને ૪, પીડીપીને ૩, જેડીએસને ર, જેડીયુને ર, એસ.પી.ને પ, એસડીએફને ૧, એઆઈએમઆઈએમને ૧, વાયઆરએસપીને ૯, આઈએનડીને ૩, સીપીઆઈએમને ૯ અને સીપીઆઈને ૧ બેઠક મળી હતી.
ર૦૧૯ ના પરિણામઃ પાર્ટીવાર બેઠક
વર્ષ ર૦૧૯ માં ભાજપને ૩૦૦, ઈન્ડિયા નેશનલ કોંગ્રેસને પર, તૃણમુલ કોંગ્રેસને રર, બીએસપીને ૧૦, સમાજવાદી પાર્ટીને પ, વાયએસઆર કોંગ્રેસને રર, ડીએમકેને ર૪, શિવસેનાને ૧૮, ટીડીપીને ૩, માર્કસવાદી સામ્યવાદી પક્ષને ૩, બીજેડીને ૧ર, જેડીયુને ૧૬, એનસીપીને પ, એઆઈએડીએમકેને ૧, તેલંગાણા રાષ્ટ્ર સમિતિને ૯, આરજેડીને શૂન્ય, અકાલીદળને ર, વંચિત બહુજન અઘાડીને શૂન્ય, સામ્યવાદી પાર્ટીને ર, જે.ડી.એસ.ને ૧, 'આપ'ને ૧, ઝારખંડ મુક્તિ મોરચાને ૧, મુસ્લિમ લીગને ૩, એઆઈયુડીએફને ર, અપના દલ-સોનેવાલને ર, આરએસપીને ૧, એજેએસયુને ૧, વિદુકલાઈ સિરૂપાઈગલ કચ્છીને ૧, નેશનલ ડેમોક્રેટિક પ્રોગ્રેસિવ પાર્ટીને ૧, નેશનલ પીપલ્સ પાર્ટીને ૧, કેરલ કોંગ્રેસ(એમ) ને ૧, નાગા પિપલ્સ ફ્રન્ટને ૧, નેશનલ કોન્ફરન્સને ૩, મિઝો નેશનલ ફ્રન્ટને ૧, એસ.કે.એમ.ને ૧ અને ૪ અપક્ષોનો વિજય થયો હતો.
વર્ષ ર૦ર૪માં કોને કેટલી બેઠક મળી?
વર્ષ ર૦ર૪ માં ભાજપને પ૯ જેટલી બેઠકોના નુક્સાન સાથે કુલ ર૪૦ બેઠકો મળી છે, અને તેના સહિત એનડીએને ર૯ર બેઠકો મળી છે. ઈન્ડિયા ગઠબંધનને મળી ર૩૧ બેઠકોમાં કોંગ્રેસને મળેલી ૯૯ બેઠકોનો સમાવેશ થાય છે. મોડી રાત્રિના જાહેર થયેલા આંકડાઓ મુજબ વિજય તથા લીડ બન્ને મળીને ભાજપ, કોંગ્રેસ ઉપરાંત અન્ય પક્ષોના પરિણામો જોઈએ તો ક્રાંતિકારી સમાજવાદીને ર, જેડીએસને ર, સમાજવાદી પાર્ટી ૩૭, ટીડીપીને ૧૬, શિવસેના (ઉદ્ધવ) ને ૯, સીપીઆઈએમને ૪, આમ આદમી પાર્ટીને ૩, હમને ૧, એનસીપીને ર, વોઈસ ઓફ ધ પિપલ્સ પાર્ટીને ૧, આઝાદ સમાજ પાર્ટી (કાંશીરામ) ને ૧, તૃણમુલ કોંગ્રેસને ર૯, ડીએમકેને રર, જનતા દળ (યુ) ને ૧ર, એનસીપી (શરદચંદ્ર પવાર) ને ૭, શિવસેના (શિંદે) ને ૭, એલ.જે.પી.ને પ, વાયએસઆરસીપીને ૪, આરજેડીને ૪, મુસ્લિમ લીગને ૩, જનસેના પાર્ટીને ર, સી.પી.આઈ.એમ.એલને બે, વીસીકેને ર, સીપીઆઈને ર, જેએમએસને ૩, આરએલડીને ર, નેશનલ કોન્ફરન્સને ર, અકાલી દળને ૧, રાષ્ટ્રીય લોકતાંત્રિક પાર્ટીને ૧, યુ.પી.એલ.ને ૧, જે.કે.એમ.ને ર, એજીપીને ૧, કેરાલા કોંગ્રેસને ૧, આરએસપીને ૧, ઝેડપીએમને ૧, બીજેડીને ૧, આરએલટીપીને ૧, બીએપીને ૧, એમડીએમકેને ૧, અપના દળ (સોનિયાલ) ને ૧, એજેએસયુ પાર્ટીને ૧, એઆઈએમઆઈએમને ૧ અને અપક્ષોને ૭ બેઠકોમાં સરસાઈ અથવા જીત મળી છે. આ આંકડાઓમાં મામુલી ફેરફાર થઈ શકે છે, અને આજે અંતિમ આંકડાઓ ફાયનલ થઈ જશે.
વર્ષ ર૦૧૪ અને વર્ષ ર૦૧૯ માં ભાજપને સ્પષ્ટ બહુમતી મળી હતી, પરંતુ સત્તામાં એનડીએના અન્ય પક્ષો પણ ભાગીદાર હતાં, એ જ રીતે આ વખતે પણ અન્ય પક્ષો સત્તામાં ભાગીદારી કરશે, પરંતુ ભાજપને સ્પષ્ટ બહુમતી નહીં હોવાથી એનડીએના અન્ય સાથીદાર પક્ષોનું મહત્ત્વ થોડું વધ્યું છે.
નોટામાં કેટલા મત પડ્યા?
કોઈપણ પાર્ટી કે ઉમેદવાર પસંદ નથી, તે દર્શાવવા માટે ચૂંટણી પંચ દ્વારા ઈવીએમમાં 'નોટા'નું બટન રાખવામાં આવે છે. વર્ષ ર૦ર૪ ની લોકસભાની ચૂંટણીમાં તો ઈન્દોરના લોકોએ રેકોર્ડબ્રેક મતદાન નોટા માટે કર્યું હોવાના અહેવાલોને સૌનું ધ્યાન ખેંચ્યું છે, જ્યારે ઉપલબ્ધ ડેટા મુજબ પોણાસાત લાખ મતદારોએ આ વખતે લોકસભાની ચૂંટણીમાં 'નોટા'માં મતદાન કર્યું હતું.
ચૂંટણી પંચે મતદાન વધારવા માટે તથા મતદારોનો વાસ્તવિક અભિપ્રાય જાણવાના હેતુથી વર્ષ ર૦૧૩ થી ઈવીએમમાં નોટાનું બટન રાખીને 'ઉપરોક્તમાંથી કોઈ નહીં' એટલે કે 'નોટા'નો વિકલ્પ આપતું બટન રાખ્યું હતું.
જો કે, આ રીતે મતદારોના અભિપ્રાયની પરિણામો પર અસર પડતી નથી. એટલે કે નોટામાં પડેલા મતો કોઈ રાજકીય પક્ષ કે ઉમેદવારને સીધી અસર તો કરતા નથી, પરંતુ તેના કારણે ઉમેદવારોને મળનારા સંભવિત મતોને અસર થતી હશે, તેમ ઘણાં માને છે.
વર્ષ ર૦૧૪ ની લોકસભાની ચૂંટણીમાં નોટાને ૧.૯૦ લાખથી વધુ મત મળ્યા હતાં. વર્ષ ર૦૧૯ માં ૧.૮૯ લાખ જેટલા મતદારોએ નોટાનો વિકલ્પ પસંદ કર્યો હતો, જ્યારે આ વખતે વર્ષ ર૦ર૪ ની લોકસભાની ચૂંટણીમાં તો પોણાસાત લાખ જેટલા મતદારોએ આ વિકલ્પ પસંદ કર્યો છે, જે પ્રવર્તમાન સરકાર અને વિપક્ષ સહિતના સંબંધિત વિસ્તારોના ઉમેદવારો પ્રત્યેની નારાજગી પ્રગટ કરે છે.
જો તમામ ઉમેદવારોને મળેલા મતો કરતા પણ નોટાને મત વધી જાય, તો ફેરચૂંટણી કરવાની માંગી ઊઠી રહી છે, કારણે મહત્તમ મતદારોની નારાજગી વ્યક્ત થયેલી હોય છે, જ્યારે કેટલાક અભિપ્રાયો મુજબ તમામ ઉમેદવારોને મળેલા મતો કરતા પણ 'નોટા'ને વધુ મતો મળે, તો ફેરચૂંટણી કરાવવી જોઈએ, જો કે તેવું બનવું કઠીન છે. આ મુદ્દો હજુ ચર્ચા અને સંશોધનનો વિષય છે.
વિશ્લેષણોનો દોર
એનડીએને બહુમતી મળી, પરંતુ ભાજપની બેઠકો રપ૦ થી પણ ઓછી રહી તે અંગે એક તરફ વિશ્લેષણોનો દોર ચાલી રહ્યો છે, તો બીજી તરફ વિપક્ષી ગઠબંધન દ્વારા વર્તમાન એનડીએમાં તોડફોડ કરીને એટલે કે નાયદુ, નીતિશ કુમારને પોતાની તરફ ખેંચીને સરકાર બનાવવાના પ્રયાસોની ચર્ચા થઈ રહી છે, જો કે જેડીયુ અને ટીડીપી તરફથી એ પ્રકારના કોઈ સંકેતો હજુ અપાયા નથી. આ ચૂંટણીના એવા પરિણામો આવ્યા છે કે એનડીએની સરકાર રચાવા જઈ રહી હોવા છતાં જીતવાની ખુશી ઓલી દેખાય છે અને ધાર્યા મુજબના પરિણામો આવ્યા નહીં, તેનો વસવસો દેખાય છે, તો બીજી તરફ વિપક્ષમાં જ બેસવાનો જનાદેશ મળ્યો હોવા છતાં વિપક્ષી ગઠબંધન પોતાની મજબૂતી વધી હોવાની ખુશી મનાવી રહ્યું છે. આ જ છે લોકતંત્રની ખૂબસુરતી...
ઈવીએમ-વીવીપેટ પર પ્રહારો ઘટ્યા
વર્ષ ર૦૦૯ ની ચૂંટણી પછી ઊઠેલો ઈવીએમનો મુદ્દો વર્ષ ર૦૧૪ અને તે પછીની ચૂંટણીઓમાં પણ ગૂંજતો રહ્યો હતો અને જે પાર્ટી ગઠબંધન કે ઉમેદવારનો પરાજય થાય, તે હારની પાછળ ઈવીએમનો વાંક કાઢતા હતાં. શંકાના સમાધાન માટે પાછળથી જોડાયેલા વીવીપેટ મશીનોની વિશ્વસનિયતા પર પણ સવાલો ઊઠતા રહ્યા છે, પરંતુ વર્ષ ર૦૧૪ ની ચૂંટણીના ગઈકાલે પરિણામો આવ્યા પછી પરાજય માટે કોઈ પક્ષ ઈવીએમ જવાબદાર હોવાનું બહાનુ કાઢી રહ્યો છે કે આ અંગે બહુ ચર્ચા પણ થઈ રહી નથી. આ કારણે આ મુદ્દો પણ વિશ્લેષકો માટે સંશોધનનો વિષય બન્યો છે. એકંદરે ઈવીએમ અને વીવીપેટ પર દર વખતે થતા પ્રહારો ઘટી જતા ચૂંટણી પંચને પણ આ વખતે રાહત થઈ હશે!
:: આલેખન ::વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
દર વર્ષે ૧પ લાખ મુલાકાતીઓ મુલાકાત લ્યે છેઃ ભાગ-ર/૩ ના વિકાસ પછી જળક્ષમતા વધશેઃ
જામનગર તા. ૪: રણમલ તળાવ ભાગ-૧ જ્યારે ડેવલોપ કરવામાં આવ્યું અને સમગ્ર પ્રોજેક્ટ પૂર્ણ થયા પછી હાલે અંદાજીત ૧પ લાખ મુલાકાતીઓ રણમલ તળાવની મુલાકાત દર વર્ષે લે છે. આ સમગ્ર પ્રોજેક્ટને રાજ્ય/કેન્દ્ર સરકારના વિવિધ વિભાગો દ્વારા પ્રથમ ક્રમાંકનો એવોર્ડ મળેલ છે. કેન્દ્ર સરકારના હાઉસીંગ એન્ડ અર્બન ડેવલોપમેન્ટ કોર્પોરેશન (હૂડકો-ન્યુ દિલ્હી) દ્વારા પ્રથમ નંબરનું પ્રાઈસ પ્રાપ્ત થયેલ છે.
આ તળાવના ભાગ-ર અને ભાગ-૩ ની કાયાકલ્પ થવાથી શહેરીજનોને એક તદ્ન નવા પ્રકારની નેચરલ હેરીટેજ થીમ આધારીત હરવા-ફરવાની જગ્યા મળશે. આ ભાગમાં દેશ અને વિદેશથી આવતા પક્ષીઓ તથા જળચર પ્રાણીઓ માટે નેસ્ટીંગ આયર્લેન્ડ, રૃસ્ટીંગ વૃક્ષો મોટા પ્રમાણમાં આપવામાં આવશે. આ રીઝયુમેનેશનની પ્રક્રિયામાં એન્ટ્રન્સ પ્લાઝા, વોકીંગ ટ્રેક, સાયકલ ટ્રેક, બેઠક વ્યવસ્થા, બર્ડ ઈન્ટિક્રિટીશન સેન્ટર, પક્ષીઓને નિહાળવાનું વોચ ટાવર, પેડેસ્ટ્રીયન બીજ, બાળકો માટે ગજેબો, જરૃરિયાત મુજબના ફૂડ કોર્ટ, કીયોસ્ક, એમ્ફી થિયેટર અને કેંજન વોટર એ.ટી.એમ. જેવી સગવડતાઓ લોકોને મળશે. તદ્ઉપરાંત લાઈટીંગ, સાઉન્ડ સિસ્ટમ, લેન્ડ સ્કેપીંગ, હરબલ ગાર્ડન, એરોમેટિક ગાર્ડન, બટરફ્લાય ગાર્ડન, યોગા અને મેડીટેશન માટેની લોનનો પણ સમગ્ર પ્રોજેક્ટના કાયાકલ્પમાં સમાવેશ કરવામાં આવેલ છે.
આ કામનો જ બીજો ભાગ એટલે કે રણમલ તળાવ ભાગ-ર હવે પર્યાવરણીય થીમ ઉપર વિક્સાવવાનો પ્રોજેક્ટ જામનગર મહાનગરપાલિકા દ્વારા શરૃ કરવામાં આવેલ છે. સદરહુ કામ પર્યાવરણના તમામ નિયમોનુસાર થાય તે માટે રાજ્ય સરકારની ઈનવાયરમેન્ટ ઈમ્પેક્ટ ઓથોરીટીની મંજુરી મેળવવામાં આવેલ છે. જામનગર મહાનગરપાલિકાની ચૂંટાયેલી તથા વહીવટી પાંખ સમક્ષ પ્રોજેક્ટના પ્રેઝન્ટેશન થયા પછ સર્વસંમિતથી આ પ્રોજેક્ટ શરૃ કરવામાં આવેલ છે.
આ રણમલ તળાવ ભાગ-ર તથા ભાગ-૩ મા પાણીની સંગ્રહ ક્ષમતા બાબતે જણાવવાનું કે, આ કામ પૂર્ણ થયા પછી તેની પાણી સંગ્રહ ક્ષમતામાં વધારો થશે તે પ્રકારનું આયોજન કરેલ છે. પાણીની સંગ્રહ ક્ષમતા હયાત ક્ષમતા કરતા વધે તેના તમામ પ્રકારના ટેકનિકલ પાસાઓ ચકાસવામાં આવેલ છે. જેના ભાગરૃપે ભાગ-ર અને ભાગ-૩ મા તળાવ ખોદીને ઊંડુ ઉતારવાનું પણ આયોજન કરેલ છે. રણમલ તળાવ ભાગ-ર નો વિસ્તાર ર૬ હેક્ટર છે. ભાગ-૩ નો વિસ્તાર ૩ હેક્ટર છે. આ બન્ને ભાગની પાણીની ઊંડાઈને ધ્યાને લેતા પાણી સંગ્રહ કરવાની ક્ષમતા કુલ ૧૩૯.૯૩ કરોડ લીટર થાય છે. જેની સામે તળાવના પાથ-વે માટે જગ્યામાં માટી ફીલીંગનો જથ્થો ૧૪,૯૬૦ ઘનમીટર મુજબ ૧.૪૯ કરોડ લીટરનો બાદ કરતા નેટ સંગ્રહ ૧૩૮.૪૪ કરોડ લીટર થાય છે. આ માટી ફીલીંગથી જે પાણીની જગ્યા પાથ-વે માં જાય છે તેની સામે તળાવના બન્ને ભાગ-ર અને ભાગ-૩ ને ઊંડુ ઉતારી કુલ સંગ્રહ ક્ષમતા અગાઉ જે હતી તેના કરતા પણ ૧ કરોડ લીટર વધશે તે પ્રકારનું આયોજન કરવામાં આવેલ છે અને તે મુજબ જ કામગીરી થશે.
કેન્દ્ર/રાજ્ય સરકારના તળાવો જેવા જળાશયોનો પાણી સંગ્રહ તથા તેની જાળવણી કરવાના કામોને અગ્રીમતા આપવી તે જામનગર મહાનગર મહાનગરપાલિકાના મુખ્ય કાર્યોમાં પણ આવે છે. હાલે કેન્દ્ર સરકાર તથા રાજ્ય સરકારો દ્વારા તમામ જળાશયોની નવીનિકરણ વરસાદી પાણીની સંગ્રહ ક્ષમતાથી વોટર માર્વેસ્ટીંગ કરવાના કામોને પ્રાથમિક્તા આપવાના અભિગમને ધ્યાને લઈ આ એવોર્ડ વીનીંગ પ્રોજેક્ટનું ભાગ-ર નું કામ કરાવવામાં આવે છે. સદરહુ કામમાં પર્યાવરણના તમામ પાસાઓને આવરી લઈ અને પક્ષીઓના કાયમી વસવાટ, જળચર જીવોના વસવાટ વિગેરે તમામ બાબોતને ધ્યાને લઈ જામનગર શહેરમાં તમામ નગરજનોને એક ઉત્તમ પ્રકારની સુવિધા મળી રહે તે હેતુથી આ કામ કરવામાં આવી રહ્યું છે. તદ્ઉપરાંત કેન્દ્ર સરકાર અને રાજ્ય સરકારના અર્બન ડેવલોપમેન્ટ ડિપાર્ટમેન્ટ દ્વારા પણ સમગ્ર પ્રોજેક્ટની દર ત્રણ મહિને સ્થળ વિઝીટ કરવામાં આવે છે અને તમામ ડેટાનું વેરીફિકેશન પણ કરવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વર્ષ ર૦૦૯ થી વર્ષ ર૦ર૪ સુધીના એક્ઝિટ પોલ્સનું સરવૈયું: મોદી સરકાર રિટર્ન્સ? વિપક્ષી ગઠબંધનનો બહુમતીનો દાવો
દેશમાં અત્યારે અજીબોગરીબ માહોલ છે. એક તરફ કેરળના કાંઠેથી ચોમાસું કદમ આગળ વધારી રહ્યું છે, તો બીજી તરફ આવતીકાલે ઈવીએમના ખૂલતા જ તેમાંથી દેશની નવી સરકાર પ્રગટ થવાની છે.
વર્ષ ર૦૧૪ માં પરિવર્તતનો પવન ફૂંકાયો અને એનડીએની સરકાર સત્તામાં આવી, તે પહેલા ર૦૦૪ માં પણ પરિવર્તનનો પવન ફૂંકાયા પછી યુપીએની સરકાર સત્તામાં આવી હતી. આ દૃષ્ટિએ બન્ને ગઠબંધનોના નવા સ્વરૂપો આ વખતે વધુ અક્રમક્તાથી ચૂંટણી લડ્યા છે. આ વખતે પરિવર્તન કે પૂનરાવર્તન, તેનો ખ્યાલ આવતીકાલે આવી જશે.
શનિવારે મતદાનનો સમય પૂરો થવાના નિયત સમય પછી જે કાંઈ એક્ઝિટપોલ્સ આવ્યા તે આપણે સૌએ જોયા અને જાણ્યા, તે પૈકી ઘણાં સર્વેક્ષણો વર્ષ ર૦૧૯ ના એક્ઝિટ પોલ્સ સાથે તો મળતા આવ્યા, પરંતુ વર્ષ ર૦૧૪ માં શું થયું હતું તેની ચર્ચા પણ થઈ રહી છે, અને છેલ્લા દસ વર્ષમાં શું બદલ્યું અને હવે શું બદલાશે, તેની ચર્ચા થવા જઈ રહી છે, જેના આંકલનો અને તર્કો-દલીલોનું મિશ્રણ ઘણું જ મજેદાર બની રહ્યું છે.
ઓપિનિયન પોલ
એપ્રિલ મહિનામાં ન્યૂઝ ચેનલ દ્વારા રપ લાખ લોકોના સેમ્પલ સાઈઝના દાવા સાથે ઓપિનિયન પોલ્સના આંકડા આપ્યા હતાં અને પહેલી એપ્રિલથી ૧૩ મી એપ્રિલ વચ્ચે ચાર હજારથી વધુ વિધાનસભા મત વિસ્તારોને આવરી લઈને દેશની કુલ પ૪૩ લોકસભા સીટો માટે એવું અનુમાન કર્યું હતું કે, મોદી સરકારને પૂનઃ જનાદેશ મળવા જઈ રહ્યો છે. તે ઓપિનિયન પોલમાં પણ ૩૬ર બેઠકો પર એનડીએને વિજય મળવાની સંભાવના દર્શાવી હતી, જેમાં ભાજપની ૩૧૯ અને સહયોગી પક્ષોની ૪૯ બેઠકોનો સમાવેશ કરાયો હતો.
એ સર્વેમાં ઈન્ડિયા ગઠબંધનને ૧૪૯ બેઠકો મળવાની શક્યતા દર્શાવાઈ હતી, જેમાં ૪૯ બેઠકો કોંગ્રેસને મળશે, તેવો અંદાજ કરાયો હતો, જ્યારે ૧૦૦ બેઠકો ઈન્ડિયા ગઠબંધન સિવાયની અન્ય પક્ષોને જશે, તેવી આગાહી કરાઈ હતી. તે સમયે કદાચ તૃણમુલ કોંગ્રેસની પણ વિપક્ષી ગઠબંધનમાં ગણાત્રી કરાઈ હતી.
આ ન્યૂઝ ચેનલની જેમ જ અન્ય કેટલીક ન્યૂઝ ચેનલોએ આ વ્યાપક ઓપિનિયન પોલ્સ રજૂ કર્યા હતાં અને તેના અભિપ્રાયો પણ મોટાભાગે મોદી સરકારની હેટ્રિક લાગશે, તેવા સંકેતો આપતા હતાં.
એક્ઝિટ પોલ્સ
શનિવારે મતદાન પૂરૂ થયા પછી ઘણાં બધા એક્ઝિટ પોલ્સના આંકડા રજૂ થયા, જેમાં એકાદ અપવાદ સિવાય મોટાભાગના એક્ઝિટ પોલ્સમાં એનડીએની સરકાર પુનઃ રચાય, અને વડાપ્રધાન નરેન્દ્ર મોદી હેટ્રીક લગાવશે તેવા આંકડાઓ રજૂ થયા હતાં.
આ તમામ એક્ઝિટ પોલ્સની સરેરાશ કાઢીને પોલ ઓફ ધી પોલ્સ કાઢવામાં આવ્યો હતો. આ મુજબ એનડીએને ૩૬પ, ઈન્ડિયા ગઠબંધનને ૧૪૬ અને અન્યોને માત્ર ૩ર બેઠક મળવા જઈ રહી હોવાના તારણો કાઢવામાં આવી રહ્યા છે.
તફવાત શું છે?
ઓપિનિયન પોલ્સ અને એક્ઝિટ પોલ્સમાં તફાવત એ છે કે ચૂંટણીની જાહેરાત થયા પછી વિવિધ તબક્કે ઓપિનિયન પોલ્સ યોજાય છે, જેમાં ચોક્કસ વિસ્તારો તથા સામાન્ય જનતાના જુદા જુદા વર્ગોને સાંકળીને વિવિધ માધ્યમથી કે પ્રત્યક્ષ પ્રશ્નોત્તરી કરીને મુદ્દા, માહોલ અને સંભાવનાઓના જવાબો પર આધારિત તારણો કાઢવામાં આવે છે, તેને ઓપિનિયન પોલ્સ કહેવામાં આવે છે, જ્યારે મતદાન દરમિયાન આ જ પ્રકારે વોટીંગ કરવા જતા-આવતા લોકોને વિવિધ મુદ્દાઓ, માહોલ અને ચૂંટણી સંબંધિત મુદ્દાઓ અંગે પ્રશ્નોત્તરી કરીને તેના આધારે જે તારણો કાઢવામાં આવે છે, તેને એક્ઝિટ પોલ્સ કહેવામાં આવે છે.
ઓપિનિયન પોલ્સ ચૂંટણીની તારીખે જાહેર થાય પહેલા, પછી, ઉમેદવારની જાહેરાત થતા અને પછી તથા ઘણી વખત કેટલાક મહિનાઓ પહેલા પણ કરવામાં આવતા હોય છે, અને તેવો પોલ્સ એકથી વધુ વખત અને એકથી વધુ તબક્કાઓમાં થતા હોય છે, જ્યારે એક્ઝિટ પોલ્સ મતદાન થતી વખતે જ કરવામાં આવે છે.
આદર્શ આચારસંહિતા
ચૂંટણીની આદર્શ આચારસંહિતા મુજબ લોકસભાની ચૂંટણીની જાહેરાત થયા પછી પહેલા તબક્કાના મતદાનના નિર્ધારિત સમય પહેલાથી છેલ્લા તબક્કાના મતદાનના લગભગ અડધા કલાક પછી સુધીના સમયગાળા દરમિયાન ઓપિનિયન પોલ્સ કે એક્ઝિટ પોલ્સ રજૂ કરી શકાતા હોતા નથી, તેથી મતદાન પહેલા જુદા જુદા સમયે ઓપિનિયન પોલ્સ રજૂ થાય છે, જ્યારે મતદાન સંપન્ન થયા પછીના અડધા કલાક જેટલા સમય પછી એક્ઝિટ પોલ્સ રજૂ થવા લાગે છે. આ પછી મતગણતરીના દિવસની વાટ જોવાની રહે છે, તે પછી કેટલા ઓપિનિયન/એક્ઝિટ પોલ્સ મહદ્અંશે સાચા પડ્યા કે મહદ્અંશે ખોટા પડ્યા તે જાણી શકાતું હોય છે.
વર્ષ ર૦૧૪ની લોકસભાની ચૂંટણી
વર્ષ ર૦૧૪ માં આઠ એક્ઝિટ પોલ્સ દ્વારા એવું અનુમાન લગાવાયું હતુંકે, ભાજપના નતૃત્વવાળા એનડીએ ગઠબંધનને ર૮૩ બેઠકો મળશે અને કોંગ્રેસના નેતૃત્વમાં યુપીએ ગઠબંધનને ૧૦પ બેઠકો મળી શકે છે. આ અનુમાનો ખોટા પડ્યા અને એનડીએને ૩૩૬ બેકઠો મળી હતી અને કોંગ્રેસના નેતૃત્વમાં યુપીએને માત્ર ૬૦ બેઠકો જ મળી હતી. તે પછી ભાજપને ર૮ર બેઠકો મળી હતી અને કોંગ્રેસને માત્ર ૪૪ બેઠકો મળી હતી, જો કે ખોટા પડવા હતાં. કોને જનાદેશ મળશે તેના અનુમાનો સાચા ઠર્યા હતાં.
વર્ષ ર૦૧૯ લોકસભાની ચૂંટણી
વર્ષ ર૦૧૯ માં લોકસભાની ચૂંટણીમાં પણ એક ડઝનથી વધુ એજન્સીઓ-ચેનલોએ એક્ઝિટ પોલ્સ રજૂ કર્યા હતાં, તે મુજબ ગત્ ચૂંટણીમાં એનડીએને ૩૦૬ અને યુપીએને ૧ર૦ બેઠકોનું અનુમાન કરાયું હતું, પરંતુ એનડીએને ૩પ૩ અને યુપીએને ૯૩ બેઠકો મળી હતી. આ બેઠકોમાં ભાજપને ૩૦૩ અને કોંગ્રેસને પર (બાવન) બેઠકો જ મળી હતી.
વર્ષ ર૦૦૯ ની લોકસભાની ચૂંટણી
તે પહેલા ર૦૦૯ ની લોકસભાની ચૂંટણીની વાત કરીએ ઓ એક્ઝિટ પોલ્સમાં યુપીએને ૧૯પ અને એનડીએને ૧૮પ બેઠકોનું અનુમાન કરાયું હતું, પરંતુ યુપીએને ર૬ર અને એનડીએને ૧પ૮ બેઠકો જ મળી હતી. તે ચૂંટણીમાં કોંગ્રેસે ર૦૬ અને ભારતીય જનતા પક્ષે ૧૧૬ બેઠકો જીતી હતી.
કેટલાક એક્ઝીટ પોલ્સ લોકસભા ચૂંટણી-૨૦૨૪
સોર્સ એનડીએ ઈન્ડિયા અન્ય
એબીપી ન્યૂઝ સી-વોટર ૩૫૩-૩૮૩ ૧૫૨-૧૮૨ ૪-૧૨
દૈનિક ભાસ્કર ૨૮૧-૩૫૦ ૧૪૫-૨૦૧ ૩૩-૪૯
ઈન્ડિયા ન્યૂઝ ડાયનેમિક્સ ૩૭૧ ૧૨૫ ૪૭
ઈન્ડિયા ટૂડે ૩૭૧-૪૦૧ ૧૩૧-૧૬૬ ૮-૨૦
એક્સિસ માય ઈન્ડિયા
ન્યૂઝ-૨૪ ચાણક્ય ૪૦૦ ૧૦૭ ૩૬
ન્યૂઝ નેશન ૩૪૨-૩૭૮ ૧૫૩-૧૬૯ ૨૧-૨૩
રિપબ્લિક ભારત માર્ટીઝ ૩૫૩-૩૬૮ ૧૧૮-૧૩૩ ૪૩-૪૮
રિપબ્લિક ટીવી પી માર્ક ૩૫૯ ૧૫૪ ૩૦
ટાઈમ્સ નાઉ-ઈટીજી ૩૫૮ ૧૫૨ ૩૩
ટીવી ૯-ભારતવર્ષ પોલીસ્ટ્રેટ ૩૪૨ ૧૬૬ ૩૫
પોલ ઓફ પોલ્સ ૩૬૫ ૧૪૬ ૩૨
:: આલેખન ::
વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આવતીકાલે સાતમા તબક્કા સાથે મતદાન સંપન્ન થશેઃ ચોથી જૂને થશે મતગણતરીઃ અટકળોની આંધી... એક્ઝિટ પોલ્સનું કાઉન્ટડાઉન શરૂ...
આવતીકાલે પહેલી જૂન-ર૦ર૪ ના દિવસે લોકસભા જનરલ ઈલેક્શન્સ-ર૦ર૪ ના છેલ્લા અને સાતમા તબક્કાનું મતદાન થવાનું છે, ત્યારે થોડો દૃષ્ટિપાત છેલ્લી ત્રણ લોકસભા સામાન્ય ચૂંટણીઓ પર કરીએ અને આવતીકાલના તબક્કા પછી દરેક ચૂંટણીમાં થતો ફેરફાર અને સુધારા-વધારા સમજવાનો પ્રયાસ કરીએ.
લોકસભા સામાન્ય ચૂંટણી-ર૦૦૯
વર્ષ ર૦૦૯ માં ઈ.વી.એમ. દ્વારા મતદાનનો સફળ પ્રયોગ દેશભરમાં થયો હતો. વર્ષ ર૦૦૯ માં પાંચ તબક્કામાં લોકસભાની ચૂંટણી માટે મતદાન થયું હતું. તે પછી આ મુદ્દે પંચ દ્વારા ડેમોસ્ટ્રેશનો પણ થતા રહ્યા છે.
પ્રથમ તબક્કામાં તા. ૧૬ મી એપ્રિલ-ર૦૦૯ નો ગુરુવારે ૧૦ રાજ્યો/યુ.ટી.ની ૧ર૪ લોકસભા બેઠકો માટે મતદાન થયું હતું. છેલ્લા તબક્કા સિવાય તમામ તબક્કામાં ગુરુવારે મતદાન યોજાયું હતું, જો કે એકાદ-બે અપવાદરૂપ સ્થળે સ્થાનિક કારણો કે અન્ય કારણોસર અન્ય દિવસે મતદાન કરાવાયું હતું, તો કેટલાક સ્થળે ફેર મતદાન થયું હતું. આવું દરેક તબક્કામાં અપવાદરૂપ થયું હતું. છેલ્લા તબક્કાનું મતદાન બુધવારના દિવસે થયું હતું.
બીજા તબક્કાનું મતદાન રર એપ્રિલે ૧૩ રાજ્યો/યુ.ટી.ની ૧૪૧ બેઠકો માટે થયું હતું, જ્યારે ત્રીજા તબક્કાનું મતદાન ૩૦ મી એપ્રિલે ૧૦૭ બેઠકો માટે થયું હતું. ચોથા તબક્કાનું મતદાન ૭ મી મે ના દિવસે આઠ રાજ્યો/યુ.ટી.ની ૮પ બેઠકો માટે થયું હતું, જ્યારે છેલ્લા અને પાંચમા તબક્કા માટે ૧૩ મી મે ના નવ રાજ્યો/યુ.ટી.ની ૮૬ બેઠકો માટે થયું હતું. આમ વર્ષ ર૦૦૯ ની લોકસભાની ચૂંટણી કુલ પાંચ તબક્કામાં સંપન્ન થઈ હતી.
પાંચ તબક્કા પૈકી એક જ તબક્કામાં મતદાન સંપન્ન કરાયું હોય તેવા ૧પ રાજ્યો/યુ.ટી. હતાં, જ્યારે ૯ રાજ્યો/યુ.ટી.માં બે તબક્કામાં, એક રાજ્યમાં ચાર તબક્કામાં અને બે રાજ્યોમાં પાંચ તબક્કામાં મતદાન થયું હતું.
દેશના ૩પ રાજ્યો/યુ.ટી.માં ર૦૦૯ ની લોકસભાની ચૂંટણી ૩૭.૩૯ કરોડ પુરુષ અને ૩૪.૧૮ થી વધુ મહિલા મતદારો મળીને કુલ ૭૧.પ૮ કરોડથી વધુ સામાન્ય મતદારો તથા આઠ લાખ જેટલા પુરુષ અને ૩ લાખથી વધુ મહિલા એવા મતદારો મળીને કુલ ૧૧ લાખથી વધુ અન્ય વોટર્સ સહિત કુલ ૭૧.૬૮ કરોડથી વધુ મતદારો નોંધાયા હતાં. એ પછી ચૂંટણી પંચની વિવિધ વેબસાઈટો દ્વારા તથા જિલ્લા કક્ષા સુધી માહિતી અને માર્ગદર્શન અપાતા રહ્યા છે.
લોકસભા સામાન્ય ચૂંટણી-ર૦૧૪
વર્ષ-ર૦૧૪ માં લોકસભાની સામાન્ય ચૂંટણી દસ તબક્કામાં યોજાઈ હતી. તે પૈકી ૧૮ રાજ્યો/યુ.ટી.માં એક જ તબક્કામાં મતદાન થયું હતું, જ્યારે બે તબક્કામાં પાંચ, ત્રણ તબક્કામાં પાંચ, પાંચ તબક્કામાં બે અને ૬ તબક્કામાં બે રાજ્યોમાં ચૂંટણી યોજાઈ હતી.
પ્રથમ તબક્કામાં બે રાજ્યોની ૬ બેઠકો માટે સાતમી એપ્રિલે, બીજા તબક્કામાં ૯ મી એપ્રિલે ચાર રાજ્યોની ૬ બેઠકો માટે, ત્રીજા તબક્કામાં ૧૦ મે એપ્રિલે ૧૪ રાજ્યોની ૯૧ બેઠકો માટે, ૧૧ મી એપ્રિલે એક રાજ્યની એક બેઠક માટે, ૧ર મી એપ્રિલે ચાર રાજ્યોની ૧ર૧ બેઠકો માટે, ર૪ મી એપ્રિલે નવ રાજ્યોની ૮૯ બેઠકો માટે, ૭ મી મે ના દિવસે ૭ રાજ્યો/યુ.ટી.ની ૬પ બેઠકો માટે અને ૧ર મી મે ના દિવસે ૩ રાજ્યોની ૪૧ બેઠકો માટે મતદાન થયું હતું.
વર્ષ ર૦૧૪ માં ૪૩.૬૦ કરોડ જનરલ અને ૯,૮૬,૩૮૪ એવા મતદારો મળીને કુલ ૪૩.૭૦ કરોડથી વધુ પુરુષ મતદારો, ૩૯.૬૬ કરોડથી વધુ જનરલ અનુ ૩.૭૯ લાખથી વધુ સેવા મતદારો મળીને કુલ ૩૯.૭૦ કરોડથી વધુ મહિલ મતદારો અને ર૮,પર૭ અન્ય મતદારો મળીને કુલ ૮૩ કરોડથી વધુ મતદારો નોંધાયા હતાં. ૧ર,ર૩૪ પુરુષ અને ૮૦૪ મહિલા મળીને કુલ ૧૩,૦૩૯ એનઆરઆઈ મતદારો પણ અલગથી નોંધાયા હતાં.
વર્ષ ર૦૧૪ માં ૧૦ તબક્કામાં મતદાન થયું હતું અને દેશમાં પરિવર્તનનો પવન ફૂંકાયો હતો. વર્ષ ર૦૧૪ મી ચૂંટણીએ સમગ્ર વિશ્વનું ધ્યાન ખેંચ્યું હતું.
લોકસભા સામાન્ય ચૂંટણી-ર૦૧૯
વર્ષ ર૦૧૯ ની ચૂંટણી પણ ભારે ઉતાર-ચઢાવ, જિજ્ઞાસા અને અટકળોની આંધી વચ્ચે સંપન્ન થઈ હતી. વર્ષ ર૦૧૯ માં લોકસભાની ચૂંટણી સાત તબક્કામાં યોજાઈ હતી, જેમાં એક તબક્કામાં ર૦ રાજ્યો/ય.ટી., બે તબક્કામાં ૪, ત્રણ તબક્કામાં બે, ચાર તબક્કામાં ત્રણ, પાંચ તબક્કામાં બે અને સાત તબક્કામાં ત્રણ રાજ્યમાં લોકસભાની ચૂંટણી યોજાઈ હતી.
વર્ષ ર૦૧૯ ની ચૂંટણીમાં ૧૧ મી એપ્રિલે પ્રથમ તબક્કામાં ર૦ રાજ્યો/યુ.ટી.ની ૯૧, ૧૮ મી એપ્રિલે ૧૩ રાજ્યો/યુ.ટી.ની ૯પ, ર૩ મી એપ્રિલે ૧પ રાજ્યો/યુ.ટી.ની ૧૧૭, ર૯ મી એપ્રિલે નવ રાજ્યોની ૭૧, ૬ઠ્ઠી મે ના દિવસે ૭ રાજ્યો/યુ.ટી.ની પ૧, તા. ૧ર મી મે ના ૭ રાજ્યો/યુ.ટી.ની પ૯ બેઠકો માટે અને ૧૯ મી મે ના દિવસે ૮ રાજ્યોની પ૯ બેઠકો માટે મતદાન થયું હતું, અને ર૩ મી મે ના દિવસે મતગણતરી થઈ હતી.
વર્ષ ર૦૧૯ માં ૯૧.૧૯ કરોડથી વધુ કુલ મતદારો નોંધાયા હતાં, જેમાં ૪૭ કરોડ જેટલા પુરુષ, ૪૩ કરોડ જેટલા મહિલા અને ૭૧ હજારથી વધુ થર્ડ જેન્ડરના મતદારો હતાં.
લોકસભા સામાન્ય ચૂંટણી ર૦ર૪
વર્ષ ર૦ર૪ માં ૪૯ કરોડથી વધુ પુરુષ અને ૪૭ કરોડથી વધુ મહિલા સહિત ૯૭ કરોડથી વધુ મતદારો છે. વર્ષ ર૦ર૪માં પણ લોકસભાની ચૂંટણીઓ સાત તબક્કામાં યોજાઈ છે, જેમાં આવતીકાલે છેલ્લા તબક્કાનું મતદાન છે. પહેલા તબક્કામાં ૧૯ એપ્રિલે ર૧ રાજ્યો/યુ.ટી.ની ૧૦ર બેઠકો માટે, બીજા તબક્કામાં ર૬ એપ્રિલે ૧૩ રાજ્યો/યુ.ટી.ની ૮૮ બેઠકો માટે, ત્રીજા તબક્કા માટે ૭ મી મે ના દિવસે ૧૧ રાજ્યો/યુ.ટી.ની ૯૪ બેઠકો માટે, ૧૩ મી મે ના દિવસે ૧૦ રાજ્યો/યુ.ટી.ની ૯૬ બેઠકો માટે, રપ મી મે ના ૬ઠ્ઠા તબક્કામાં આઠ રાજ્યો/યુ.ટી.ની પ૮ બેઠકો માટે મતદાન થઈ ચૂક્યું છે અને આવતીકાલે છેલ્લા અને સાતમા તબક્કામાં આઠ રાજ્યો/યુ.ટી.ની પ૭ બેઠકો માટે આવતીકાલ પહેલી જૂને મતદાન થવા જઈ રહ્યું છે, અને આ વખતે લોકસભા સામાન્ય ચૂંટણીઓ માટે આવતીકાલના તબક્કા પછી મતદાન પ્રક્રિયા સંપન્ન થશે અને ચોથી જૂને મતગણતરી પછી નવી સરકાર રચાશે.
:: આલેખન ::
વિનોદકુમાર કોટેચા, એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સાતમા તબક્કામાં કેવું મતદાન રહેશે? કોનું ભવિષ્ય દાવ પર? ટર્નઆઉટ વધશે? દેશવ્યાપી કુતૂહલ...
અત્યારે વેબસિરીઝો અને ફિલ્મોનો યુગ છે, પરંતુ જુના જમાનામાં નાટકો, ભવાઈ, કઠપૂતળીના ખેલ, ઢાઢીલીલા, રામલીલા, મદારીના ખેલ, સરકસ અને રાસ-ગરબા વિગેરે ટ્રેડિશન્સ મીડિયાનો યુગ હતો અને તેમાં પણ રંગભૂમિની બોલબાલા સૌથી વધુ હતી. તે નાટકોમાં એકપાત્રિય અભિનય, શેરી નાટકો, ગ્રાઉન્ડ નાટકોથી લઈને પદ્યસંવાદો સાથે ગદ્યસંવાદોનું સંયોજન કરવા બે થી ત્રણ કલાકના નાકટો ખૂબ જ લોકપ્રિય બન્યા હતાં, અને આ નાટકોમાં પણ ઐતિહાસિક, ધાર્મિક, મનોરંજક અને જે તે સમયના સામાજિક જીવનના મિશ્રણ સાથેના વિષયોને આવરી લેતા નાટકો સૌથી વધુ પ્રચલિત બનતા હતાં.
અત્યારે ચાલી રહેલી લોકસભાની ચૂંટણીઓનો પ્રચાર પણ જુના જમાનાના નાટકોની જેમ જ્ઞાન, માહિતી, મનોરંજન અને પ્રહસન પીરસી રહ્યા છે. નાટકોમાં મૂળ કથાપટનો એક અંક પૂરો થાય, તે પછી એક અંક પ્રહસનનો હોય એટલે કે હાસ્યરસનો હોય, તે પછી ફરી બીજો અંક મૂળ કથાપટનો આવે અને તે પછીના અંકમાં ગીત-સંગીત, કથાનૃત્ય સાથે હાસ્યરસનું મિશ્રણ હોય, તેવો આવે, તેવી જ રીતે વર્તમાન ચૂંટણી પ્રચારના પૂરા થયેલા છ તબક્કામાં થયેલા ચૂંટણીઓમાં વાદાઓ, દાવાઓ, પડકારો, આક્ષેપો, પ્રતિઆક્ષેપો, આંકડાઓ અને શાબ્દિક પ્રહારોની સાથે સાથે કેટલાક વિવાદાસ્પદ નિવેદનો તથા ઘટનાક્રમો છતાં એકંદરે (થોડા અપવાદો બાદ કરતા) શાંતિપૂર્વક અને રોચક બનેલી છ તબક્કાની ચૂંટણી પછી હવે છેલ્લા અને સાતમા તબક્કા માટે તા. પહેલી જૂને મતદાન થવાનું છે.
૬ઠ્ઠા તબક્કાનું મતદાન
શનિવારે લોકસભાની ચૂંટણીના ૬ઠ્ઠા તબક્કાનું મતદાન સંપન્ન થઈ ગયું છે. શનિવારની રાત્રે આવેલા આંકડાઓ મુજબ આઠ રાજ્યોની પ૮ બેઠકો માટે એકંદરે ૬૧.ર ટકા મતદાન થયું છે. બિહારમાં પપ.ર૪ ટકા, હરિયાણામાં ૬૦.૪ ટકા, જમ્મુ એન્ડ કાશ્મીરમાં પ૪.૩૦ ટકા, એનસીટી ઓફ દિલ્હી પ૭.૬૭ ટકા, ઓડિસા ૬૯.પ૬ ટકા, ઉત્તરપ્રદેશમાં પ૪.૦૩ ટકા અને પ. બંગાળમાં ૭૯.૪૭ ટકા મતદાન થયું છે, જ્યારે ઝારખંડમાં ૬૩.૭૬ ટકા મતદાન થયું છે. છઠ્ઠા તબક્કામાં બિહારની ૮, હરિયાણાની ૧૦, જમ્મુ-કાશ્મીરની ૧, એનસીટી ઓફ દિલ્હીની ૭, ઓડિસાની ૬, ઉત્તરપ્રદેશની ૧૪, પ. બંગાળની ૮ અને ઝારખંડની ૪ બેઠકો પર મતદાન થયું હતું. પ. બંગાળમાં થયેલા જંગી મતદાનની ચર્ચા ચોતરફ થઈ રહી છે, તો ઉત્તરપ્રદેશમાં માત્ર પ૪.૦૩ ટકા જ રહ્યું, તેથી તેની પણ વિશેષ ચર્ચા થઈ રહી છે.
અનંતનાગનું રેકોર્ડબ્રેક મતદાન
લોકસભાની ચૂંટણીના છઠ્ઠા તબક્કામાં છેલ્લા ૩પ વર્ષનું રેકોર્ડબ્રેક પ૧ ટકાથી વધુ મતદાન થયું, તેના તરફ સમગ્ર દેશનું ધ્યાન ખેંચાયું છે, કારણ કે આ પહેલા માત્ર વર્ષ ૧૯૯૬ માં પ૦ ટકાથી વધુ મતદાન થયું હતું, જ્યારે વર્ષ ર૦૧૯ માં માત્ર ૮.૯૮ ટકા જ મતદાન થયું હતું. વર્ષ ૧૯૮૯ માં પ.૦૭ ટકા, વર્ષ ૧૯૯૬ માં પ૦.ર૦ ટકા, વર્ષ ૧૯૯૮ માં ર૮.૧પ ટકા, વર્ષ ૧૯૯૯ માં ૧૪.૩ર ટકા, વર્ષ ર૦૦૪ માં ૧પ.૦૪ ટકા, વર્ષ ર૦૦૯ માં ર૭.૧૭ ટકા, વર્ષ ર૦૧૪ માં ર૮.૮૪ થકા અને વર્ષ ર૦૧૯ માં માત્ર ૮.૯૮ ટકા મતદાન થયું હતું. જમ્મુ-કાશ્મીરમાંથી કલમ ૩૭૦ હટાવાયા પછી જમ્મુ-કાશ્મીરની કેટલીક બેઠકો તથા લદ્દાખમાં થયેલા મતદાનને ઘણું જ સાંકેતિક ગણાવાઈ રહ્યું છે.
સાતમા અને છેલ્લા તબક્કામાં
૯૦૪ ઉમેદવાર મેદાનમાં
લોકસભાની ચૂંટણીના ૭ મા અને છેલ્લા તબક્કામાં પહેલી જૂને મતદાન થવાનું છે, તે નિર્ણાયક બની શકે છે. ચંદીગઢની કેન્દ્ર શાસિત પ્રદેશની એક બેઠક તથા અન્ય ૭ રાજ્યોની પ૬ બેઠકો મળીને કુલ પ૮ બેઠકો પર પહેલી જૂને મતદાન થયા પછી સાત તબક્કાનું મતદાન સંપન્ન થઈ જશે, અને કોઈ મતદાન મથક પર કોઈ કારણોસર ફેરમતદાનની જરૂર નહિં પડે તો મતદાનની પ્રક્રિયા પહેલી જૂને જ સંપન્ન થઈ જશે. તે પછી બે દિવસ સુધી એક્ઝીટ પોલ્સનો સીલસીલો શરૂ થશે અને તા. ૪ જૂને મતગણતરી પછી વાસ્તવિક પરિણામો જાહેર થશે. તે પછી નવી સરકાર રચાવાના ચક્રો ગતિમાન થશે.
સાતમા તબક્કામાં ચંદીગઢની ૧, બિહારની ૮, હિમાલચપ્રદેશની ૪, ઝારખંડની ૩, ઓડિસાની ૬, પંજાબની ૧૩, ઉત્તરપ્રદેશની ૧૩ અને પ. બંગાળની ૯ બેઠકો પર મતદાન થવાનું છે. આ પ૭ બેઠકો માટે પહેલા ર૧૦પ ઉમેદવારી ફોર્મ ભરાયા હતાં, તેમાંથી તપાસણી અને ફોર્મ પાછા ખેંચવાની તારીખ પછી કુલ ૯૦૪ ઉમેદવારો મેદાનમાં રહ્યા છે.
બિહારમાં ૧૩૪, ચંદીગઢમાં ૧૯, હિમાચલપ્રદેશમાં ૩૭, ઝારખંડમાં પર, ઓડિસામાં ૬૬, પંજાબમાં ૩ર૮, ઉત્તરપ્રદેશમાં ૧૪૪ અને પ. બંગાળમાં ૧ર૪ ઉમેદવારો મેદાનમાં રહ્યા છે. આમ કુલ ૯૦૪ ઉમેદવારોના ભાવિનો ફેંસલો સાતમા તબક્કામાં થવાનો છે.
સાતમા તબક્કામાં કેટલા
ઉમેદવારો દાગી? કેટલા કરોડપતિ?
એડીઆરને ટાંકીને આવી રહેલા આંકડાઓ મુજબ લોકસભાની ચૂંટણીના ૭ મા અને અંતિમ તબક્કામાં ચૂંટણી લડી રહેલા ૯૦૪ ઉમેદવારોમાં માત્ર ૧૧ ટકા જ મહિલા ઉમેદવારો છે. રર ટકા ઉમેદવારો સામે અપરાધિક કેસો ચાલી રહ્યા છે, જ્યારે ત્રીજા ભાગના એટલે કે ૩૩ ટકા ઉમેદવારો કરોડપતિ છે.
એડીઆર અને નેશનલ ઈલેક્શન વોચના સહિયારા આંકડાઓ મુજબ ૯૦૪ માંથી ૧૯૦ ઉમેદવારો સામે અપરાધિક કેસો ચાલી રહ્યા છે, જેમાંથી ચાર સામે તો હત્યાના કેસો ચાલી રહ્યા છે, તો બીજા ર૭ પર હત્યાના પ્રયાસનો આરોપ છે.
ડિટેઈલ રિપોર્ટ મુજબ ૧૩ ઉમેદવારો સામે તો મહિલાવિષયક આક્ષેપો છે, જેમાંથી બે ઉમેદવારો પર રેપનો આક્ષેપ છે. નફરત ફેલાય તેવી ભાષણબાજી અંગે પણ રપ ઉમેદવારો સામે કેસો નોંધાયા છે.
ગંભીર કેસો હોય તેવા ઉમેદવારોમાં સમાજવાદી પાર્ટીના ૬૭ ટકા, સીપીઆઈ(એમ) ના પ૦ ટકા, ભાજપના ૩પ ટકા, તૃણમુલ કોંગ્રેસના ૩૩ ટકા, બીજેડીના ૩૩ ટકા, આમ આદમી પાર્ટીના ૩૧ ટકા, અકાલી દળના ૩૧ ટકા, કોંગ્રેસના ર૩ ટકા, બીએસપીના ૧૮ ટકા, અને સામ્યવાદી પક્ષના ૧૪ ટકા ઉમેદવારો આ તબક્કામાં ચૂંટણી લડી રહ્યા છે.
સુપ્રિમ કોર્ટે રાજકીય પક્ષોને પણ ભૂતકાળમાં એવી સલાહ આપી હતી કે દાગી ઉમેદવારોને ટિકિટ આપવાનું ટાળવું, આમ છતાં એકંદરે રર ટકા જેટલા દાગી ઉમેદવારોને વિવિધ રાજકીય પક્ષોએ ટિકિટ આપી છે, તેવી ચર્ચા છે.
રિપોર્ટ મુજબ સાતમા તબક્કાના ૯૦૪ ઉમેદવારોમાંથી ૩૩ ટકા એટલે કે ર૯૯ ઉમેદવારો કરોડપતિ છે, જે પૈકી ૧૧૧ ઉમેદવારોની સંપત્તિ પાંચ કરોડથી વધુ છે, જ્યારે ૮૪ ઉમેદવારોની સંપત્તિ ર થી પ કરોડ રૂપિયા છે. તે ઉપરાંત રર૪ ઉમેદવારોની સંપત્તિ પ૦ લાખથી બે કરોડ રૂપિયાની વચ્ચે છે. બીજા રપ૭ ઉમેદવારોની સંપત્તિ ૧૦ લાખથી પ૦ લાખની વચ્ચે છે. માત્ર રર૮ ઉમેદવારો જ એવા છે, જેની સંપત્તિ ૧૦ લાખ રૂપિયાથી ઓછી છે.
બઠિંડા બેઠક પરથી ચૂંટણી લડી રહેલા અકાલી દળના હરસિમરત કૌર બાદલની સંપત્તિ ૧૯૮ કરોડ રૂપિયા છે. ભાજપના ઓડિશાના ઉમેદવાર બૈજયંત પાંડા અને ચંદીગઢના ઉમેદવાર સંજય ટંડનની સંપત્તિ અનુક્રમે ૧૪૮ કરોડ અને ૧૧૧ કરોડ રૂપિયા નોંધાવાઈ છે.
અકાલી દળના હરસિમરત બાદલ કૌર સાતમા તબક્કાના ઉમેદવારોમાં સૌથી વધુ સંપત્તિ ધરાવતા હોવાનું તારણ નીકળે છે.
આ રિપોર્ટ મુજબ સાતમા તબક્કામાં ૪૦ર ઉમેદવારો પાંચથી બાર ધોરણ પાસ છે, જો કે ૪૩૦ ઉમેદવારો ગ્રેજ્યુએટ કે તેથી વધુ ભણેલા છે. ર૪ ઉમેવારો એવા છે, જેઓએ પોતે નિરક્ષર (અભણ) હોવાનું જાહેર કર્યું છે, જ્યારે ર૬ ઉમેદવારો એવા છે, જેઓ બહુ ભણ્યા નથી, પણ લખતા-વચાતા આવડે છે. બે ઉમેદવારો એવા પણ નોંધાયા છે, જેઓએ પોતાની શૈક્ષણિક લાયકાત જાહેર કરવાનું જ ટાળ્યું છે!
સાતમા તબક્કાના ૯૦૪ ઉમેદવારોમાંથી ર૪૩ ઉમેદવારો રપ થી ૪૦ વર્ષની ઉંમરના છે, જે લગભગ ર૭ ટકા થાય છે, જ્યારે લગભગ પ૩ ટકા એટલે કે ૪૮૧ ઉમેદવારો એવા છે, જેઓએ પોતાની ઉંમર ૪૧ થી ૬૦ ટકા વચ્ચે બતાવી છે. કુલ ઉમેદવારોના પાંચમા ભાગના ૧૭૭ ઉમેદવારો ૬૧ થી ૮૦ વર્ષના છે, જ્યારે ૮૦ વર્ષથી વધુ ઉંમર ધરાવતા ૩ ઉમેદવાર પણ આ તબક્કામાં પોતાનું ભાગ્ય અજમાવી રહ્યા છે.
શનિવારે સાતમો તબક્કોઃ
કોનું ભાવિ થશે ઈવીએમમાં કેદ?
આવતા શનિવારે પહેલી જૂને ૬ઠ્ઠા તબક્કાનું મતદાન થશે. આ તબક્કામાં વડાપ્રધાન નરેન્દ્ર મોદી સહિત ઘણાં દિગ્ગજ નેતાઓનું ભાવિ પણ ઈવીએમમાં કેદ થઈ જવાનું છે.
સાતમા તબક્કામાં વારાણસીથી વડાપ્રધાન નરેન્દ્ર મોદી, ગોરખપુરથી રવિકિશન, મંડી (હિમાચલપ્રદેશ) થી કંગના રનૌત, વિક્રમાદિત્યસિંહ, હમીરપુરથી કેન્દ્રિય મંત્રી અનુરાગસિંહ ઠાકુર, બિહારની પટણાસાહેબ બેઠક પરથી ભાજપના રવિશંકરપ્રસાદ સહિત વિવિધ રાજકીય પક્ષોના અનેક દિગ્ગજો મેદાનમાં છે. આ તબક્કો દેશની નવી સરકારની રચના કરવામાં ઘણાં જ મહત્ત્વપૂર્ણ રહેશે, તેવા અનુમાનો પણ થઈ રહ્યા છે.
અધિકત્તમ ઉમેદવારો ક્યાંના?
સાતમા તબક્કામાં સૌથી વધુ ૩ર૮ ઉમેદવારો પંજાબની ૧૩ બેઠકો પરથી મેદાનમાં છે, તદુપરાંત ઉત્તરપ્રદેશની ૧૩ બેઠકો માટે ૧૪૪ ઉમેદવારો, બિહારની ૮ બેઠકો માટે ૧૩૪ ઉમેદવારો, ઓડિસાની ૬ બેઠકો માટે ૬૬ ઉમેદવારો, ઝારખંડની ૩ બેઠકો માટે પર ઉમેદવારો, હિમાચલ પ્રદેશની ૪ બેઠકો માટે ૩૭ ઉમેદવારો, પ. બંગાળની ૯ બેઠકો માટે ૧ર૪ ઉમેદવારો, અને ચંદીગઢની ૧ બેઠક માટે ૧૯ ઉમેદવારો ચૂંટણી લડી રહ્યા છે.
૭ મા તબક્કામાં બિહારની નાલંદા, પટણાસાહેબે, પાટલીપુત્ર, આરા, બક્સર, સાસારમ, કારાકાટ અને જહાનાબાદ, ઝારખંડની રાજમહલ, દુમકા અને ગદ્દા, હિમાચલપ્રદેશની કાંગડા, મંડી, હમીરપુર અને શીમલા, ઓડિસાની મયુરગંજ, બાલાસોર, ભદ્રક, જાજપુર, કેન્દ્રખાડા, જગતસિંહપુર અને પંજાબની ગુરદાસપુર, અમૃતસર, ખડૂરસાહિબ, જલંધર, હોશિયારપુર, આમેદપુર સાહિબ, લુધિયાણા, ફતેહગઢ સાહિબ, ફરીદાકોટ, ફિરોઝપુર, બઠિંડા, સાંગટુર અને પટિયાણા બેઠક પર મતદાન થવાનું છે.
ઉત્તરપ્રદેશની મહારાજગંજ, ગોરખપુર, કુશીનગર, દેવરિયા, બાંસગાંવ, ધોસી, સલેમપુર, બલિયા, ગાજીપુર, ચંદ્રોલી, વારાણસી, મિર્જાપુર, રોબર્ટસ ગંજ, તથા પ. બંગાળની કોલકાતા ઉત્તર, કોલકાતા દક્ષિણ, ડમડમ, બારાસાત, બસીરહાર, જયનગર, મથુરાપુર, ડાયમંડ હાર્બર, જાદવપુર પર અંતિમ તબક્કામાં પહેલી જૂને મતદાન થવાનું છે.
ચોથી જૂને મતગણતરી
ચોથી જૂને મતગણતરી થશે, ત્યારે જ વાસ્તવિક પરિણામ આવશે, પરંતુ તે પહેલા અંતિમ તબક્કાના મતદાન પછી નિર્ધારિત સમય પછી એક્ઝિટ પોલ્સનો રસપ્રદ રાઉન્ડ પણ આવશે. જોઈએ કોના નસીબ ચમકે છે તે...
લોકસભાની સાથે સાથે
વિધાનસભાની ચૂંટણીઓ
લોકસભાની ચૂંટણીની સાથે સાથે જે ચાર વિધાનસભાની ચૂંટણીઓ પણ વિવિધ તબક્કાઓમાં થઈ રહી છે, જેમાં અરૂણાચલપ્રદેશ, ઓડિસા, સિક્કિમ અને આંધ્રપ્રદેશનો સમાવેશ થાય છે. ઓડિસા વિધાનસભા માટે પણ છેલ્લા તબક્કાનું મતદાન પહેલી જૂને થવાનું છે, જ્યારે અન્ય ત્રણ રાજ્યોની વિધાનસભાની ચૂંટણીઓ માટે એક તબક્કામાં મતદાન લોકસભાની વિવિધ તબક્કાઓ સાથે યોજાયું હતું. અરૂણાચલ પ્રદેશ માટે ૧૯ એપ્રિલ, સિક્કિમ વિધાનસભા માટે ૧૯ એપ્રિલ, અને આંધ્રપ્રદેશની વિધાનસભા માટે ૧૩ મે ના મતદાન યોજાયું હતું, જ્યારે ઓડિસાના તમમ તબક્કા પહેલી જૂને સંપન્ન થશે.
ઓડિશા વિધાનસભા માટે ચાર તબક્કામાં મતદાનની જાહેરાત થઈ હતી, જેમાં ૧૩ મે, ર૦ મે અને રપ મે ના દિવસે ત્રણ તબક્કાનું મતદાન સંપન્ન થઈ ગયું છે, જ્યારે ચોથા તબક્કાનું મતદાન પહેલી જૂને થવાનું છે.
વર્ષ ર૦૧૯ માં ઓડિસા વિધાનસભામાં ભાજપને ર૩, કોંગ્રેસને ૯, સીપીઆઈએમને ૧, અપક્ષને ૧ અને બીજેડી (બીજુ જનતાદળ) ને ૧રર બેઠકો મળી હતી અને બીજેડીના નવીન પટનાયકની સરકાર બની હતી.
આંધ્રપ્રદેશની વિધાનસભામાં વાયએસઆર કોંગ્રેસ પાસે ૧પ૧, ટીડીપીએ ર૩, જેએનપીને ૧ બેઠક મળી હતી અને જગનમોહન રેડ્ડીની સરકાર રચાઈ હતી.
સિક્કિમમાં સિક્કિમ ક્રાંતિકારી મોરચાને ૧૭, સિક્કિમ ડિમોક્રેટિક ફ્રન્ટને રપ બેઠકો મળી હતી અને પ્રમસિંહ તમાંગની સરકાર બની હતી.
અરૂણાચલ પ્રદેશમાં ભાજપને ૪૧, જેડીયુને ૭, એનપીને પ, કોંગ્રેસને ૪, અપક્ષને ર અને અન્યને ૧ બેઠક મળી હતી અને પ્રેમા ખાંહુની સરકાર રચાઈ હતી. આ વખતે શું થશે... થોભો અને રાહ જુઓ...
:: આલેખન ::
વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરની જી.જી. હોસ્પિટલમાં સંખ્યાબંધ થેલેસેમિયાગ્રસ્ત બાળકોને બ્લડબેંક દ્વારા નિયમિત સમયાંતરે લોહી ચડાવવામાં આવે છે. આ કમભાગી બાળકોનું જીવન લંબાવવા માટે બોર્નમેરોનું જટિલ ઓપરેશન કરાવવાનો એક વિકલ્પ રહેતો હોય છે. ઘણાં માતા-પિતા પ્રવર્તમાન સરકારી કે આયુષ્માન કાર્ડ ધરાવતી હોસ્પિટલોમાં એટલા માટે આ પ્રકારનું ઓપરેશન કરાવતા અચકાતા હોય છે, કે જે-તે હોસ્પિટલમાં આ પ્રકારના ઓપરેશનોમાં સફળતાનું પ્રમાણ અન્ય કેટલીક હોસ્પિટલો કરતા ઓછું હોય છે. આ પ્રકારના કેસોમાં સમાજ અને સેવાભાવી સંસ્થાઓ મદદરૂપ થતી જ હોય છે, પરંતુ તેની પ્રક્રિયા સરળ અને ઝડપી થવી જોઈએ. આ પ્રકારના ઓપરેશનો કરતી તમામ હોસ્પિટલો આયુષ્માન કાર્ડ હેઠળ આવળી લેવાય તે જરૂરી છે. તદુપરાંત આ પ્રકારના બાળકોને બોર્નમેરો ડોનેટ કરવા પરિવારજનોને સમજાવવા અને ઓપરેશનો માટે પણ જો કેમ્પો યોજી શકાય, તો તે સમયોચિત સેવા ગણાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વર્તમાન સમયમાં પંખીઓનું સંરક્ષણ-સંવર્ધન અત્યંત જરૂરી
પંખી બિચારાં માળો તૂટવાથી ત્રસ્ત છે
માળી ફૂલોના મોંઘા જલસામાં વ્યસ્ત છે
ગઝલના આ શેરમાં પ્રસિદ્ધ કવિ શ્રી અનિલ ચાવડાએ પંખીની વેદના ચોટદાર રીતે વ્યક્ત કરી છે. શહેરોમાં અનેક બહુમાળી બિલ્ડિંગોના ચણતરના કારણે પંખીઓના બાંધેલા માળા તૂટીને વેરવિખેર થઈ જાય છે. એક નાનકડો માળો બનાવવા માટે પંખીને સુરક્ષિત જગ્યા મળતી નથી. ઘટાદાર વૃક્ષો કે વિશાળ બગીચાઓના અભાવે શહેરોમાં ચકલી, પોપટ, કોયલ કે મોર જેવા સુંદર પંખીઓ ભાગ્યે જ નિહાળવા મળે છે. ફકત કબૂતર અને શ્રાદ્ધ પક્ષમાં ચતુર કાગડા નજરે ચડે છે. અલબત્ત, ચકલીના ઉછેર માટે વિનામૂલ્યે માળાનું વિતરણ કરતા લોકોમાં સંવેદના પ્રકટ થતી જરૂર જોવા મળે છે. મકર સંક્રાંતિ પર્વમાં ઘાયલ પંખીની ઝડપી સારવાર માટે પણ વ્યવસ્થા કરવામાં આવે છે. જામનગર જિલ્લામાં ખીજડીયામાં ૬૫૦ હેકટર વિસ્તારમાં આવેલ પક્ષી અભ્યારણ્ય પ્રવાસીઓ માટે આકર્ષણનું કેન્દ્ર છે. ગુજરાત સરકારના વન વિભાગ દ્વારા આ અભયારણ્ય સંચાલિત છે. સપ્ટેમ્બરથી એપ્રિલ માસ દરમ્યાન પંખીઓની આશરે ૧૫૦ જાત શિયાળામાં અહીં આવે છે. જમીન, ઝાડ અને પાણીમાં તરતા ત્રણ પ્રકારના માળા અહીં જોવા મળે છે. પંખી ચાહકો પંખીના ઉછેર -સંરક્ષણ માટે કોઈ વિશેષ આયોજન પણ કરી શકે. માળીને પણ હવે પંખીને ગમતા ફૂલ, ઝાડ કે બાગનું જતન કરવાને બદલે શ્રીમંતોના જલસાઓ માટે તૈયાર ફૂલોનો વેપાર કરીને રૂપિયા કમાઈ લેવામાં વધારે રસ હોય છે. પંખીને ચણ માટેના ચબૂતરા પણ હવે ઓછા જોવા મળે છે. તેમાં મોટેભાગે માત્ર કબૂતર આવતા હોય છે. આવી દુઃખદ સ્થિતિમાં, પંખી- પ્રેમીઓને શક્ય હોય ત્યાં ચણ કે કુંડામાં પાણી નાખીને, પંખીઓની ભૂખ - તરસ ભાંગીને પુણ્યકાર્ય કરવાનું મન થાય છે, કારણ કે હિન્દુ સંસ્કૃતિ પંખી જેવી કોઈ પણ જીવસૃષ્ટિ સાથે લાગણી - કરુણાના તારથી જોડાયેલી છે. તેઓ પ્રેમથી ચણ - પાણી નાખે અને ભૂખ્યા - તરસ્યા પંખીઓ આવીને ફટાફટ ચણવા માંડે કે તરસ છિપાવે ત્યારે તેમને અનેરો રોમાંચ અને આનંદ થાય છે. આશા રાખીએ કે પરગજુ લોકોની આવી કરુણાસભર પ્રવૃત્તિથી આપણી આસપાસ પંખી જગતનું સંરક્ષણ થયા કરે અને તેનાથી વાતાવરણ જીવંત બની રહે. સંભવ છે કે કોઈ પંખી પ્રેમી પોતાની આગવી સંવેદનાને આમ પણ વાચા આપે :
હું યજમાન અને પંખી મહેમાન,
આમ વિચારે એક ભલો ઇન્સાન
જે કરી જાણે જીવ માત્રને પ્રેમ,
આ જગતમાં તે જ ખરો ધનવાન.
--ચંદ્રેશ શાહ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ચકા-બકાની પંચાતનું ઉજ્જવળ નિષ્કર્ષ!
ચકોઃ હેં બકા! આ વરસે જામનગર શહેરમાં પીવાના પાીણીની શું પરિસ્થિતિ છે?
બકોઃ તું તો મને એવી રીતે પ્રશ્ન કરે છે, જાણે હું કેમ પાણી પુરવઠા બોર્ડમાં કે મહાનગરપાલિકામાં અધિકારી હોઉં?
ખેર! તે પૂછ્યું જ છે તો મને જણાવતા આનંદ થાય છે કે જે રીતે કોઈ અહેવાલ આવ્યો છે તે પ્રમાણે જુલાઈ ર૦ર૪ સુધી તો જામનગરમાં એકાંતરે પાણી મળશે જ!
ચકોઃ પણ... ભાઈ, ગયા વરસે ચોમાસામાં તો જામનગરને પાણી પૂરૂ પાડતા જળાશયો ઓવરફ્લો થયા હતાં... જેમાંથી મહાનગરપાલિકા પાણીનો મોટો જથ્થો ઉપાડે છે તે ડેમ પણ છકલાયા હતાં... નર્મદાનું પાણી પણ મળે જ છે... તો પછી જુલાઈ માસ સુધી તકલીફ નહીં પડે તેવો ખુલાસો આમ જુવો તો ચિંતાજનક ન ગણાય?
બકોઃ તારી વાતમાં દમ તો છે જ! કારણ કે ડેમ છલકાયા ત્યારે આપણાં રાજકીય નેતાઓએ નવા નીરના વધામણા કર્યા, ફોટા પડાવ્યા... અને તેમાં વળી કોઈએ વધુ પડતા ઉત્સાહમાં કહ્યું પણ ખરૂ કે જામનગર શહેરને બે, યસ રીપીટ બે વરસ સુધી ચાલે તેટલું પાણી આવી ગયું છે!
ચકોઃ ભાઈ... વસતિ વધી છે, વિસ્તારો વધ્યા છે, પાણીની જરૂરિયાત વધી છે તેથી એક વરસમાં ડેમ ખાલી થઈ જ જાય ને? દર વરસે ઉનાળામાં બાષ્પીભવનના કારણે પણ પાણીનો જથ્થો ઘટે તે સ્વાભાવિક છે. તેથી જ કદાચ જુલાઈ મહિના સુધી તકલીફ નહીં પડે તેવો જવાબ પ્રશંસનીય છે.
બકોઃ અરે ભાઈ... કેવડિયા કોલોનીથી કચ્છના ખાવડા, દેવભૂમિ દ્વારકા વિસ્તારના ઓખા સુધી નર્મદાનું પાણી પહોંચે છે, નલ સે જલ યોજનાથી ગામડાઓમાં પણ ઘરે ઘરે નળ મારફતે પાણી મળે છે, સૌની યોજનાના પાઈપ તો એવડા મોટા છે કે અંદરથી મોટરકાર પસાર થઈ જાય... રૂ. ર૦ હજાર કરોડ ખર્ચ્યા પછી પણ હજી જે યોજના પૂરી થઈ નથી તે સૌની યોજનાથી ડેમો ભરી દેવાશે... જેમાં જામનગર જિલ્લાના ૧૯ ડેમોનો પણ ઉલ્લેખ થયો... દેવભૂમિ દ્વારકા જિલ્લામાં તો ક્યાંક નર્મદાના નીર આવ્યા તો ત્યાંના રાજકીય નેતાઓ તો જાણે મોટો જંગ જીત્યો હોય તેમ ઉત્સવ મનાવ્યો! આ બધા કારણો હોવા છતાં જામનગર જિલ્લામાં અને દેવભૂમિ દ્વારકા જિલ્લામાં અનેક સ્થળે પાણીની તંગીની બૂમરાહ મચી જવા પામી છે. જો બકા... પાણી વ્યવસ્થામાં પણ રાજકારણ છે. તેથી પ્રચાર વધુ અને કામ ઓછું થાય તેમાં નવાઈ પામવા જેવું નથી.
બકોઃ ભાઈ... એ બધું તો બરાબર પણ પાણીની સમસ્યા સર્જાશે તેવી અમંગળ ધારણા ન કરીએ તો પણ સરકાર કે મનપાએ કોઈ આગોતરૃં આયોજન કર્યું હોય તેવું જણાતું નથી!
ચકોઃ આ રીતે બેબાકળા થવાની જરૂર નથી... અંબાલાલ પટેલની આગાહી પ્રમાણે સારો વરસાદ પડશે... ડેમો ભરાઈ જશે... તેથી સારા ભવિષ્યની આશા રાખ... બાકી તો તરસ લાગે ત્યારે જ કૂવો ખોદવાનું ચાલુ કરવું તેવી સત્તાધિશોની વિચારધારા હોય ત્યાં આગોતરા આયોજનની આશા ન રખાય.
ચકોઃ મને તો એ વાતની નવાઈ લાગે છે કે કેટલાક શહેરોમાં તો પાણીની સમસ્યા થઈ એટલે નર્મદાનું વધારે પાણી માંગવામાં આવ્યું... તેમાં આ રજૂઆત કોણે કરી તેમના નામનું મહત્ત્વ વધારે અને માંગણીમાં વજન ઓછું હોય તેવી રીતે પ્રસિદ્ધિ થઈ...
બકોઃ જો મેં જણાવ્યું તેમ રાજકીય નેતાઓ અને ચૂંટાયેલા પ્રતિનિધિઓ માટે પાણીની વ્યવસ્થા, તંગી કે ઉપાય પ્રસિદ્ધિ માટેનું સૌથી મોટું માધ્યમ છે.
ચકોઃ અત્યારે તો કાળઝાળ ગરમી પડી રહી છે! લોકો ત્રાહિમામ્ પોકારી ગયા છે ત્યારે... જવાબદાર તંત્રો દ્વારા લોકોને પાણીની તંગી ન પડે અને નિયમિતરીતે પર્યાપ્ત જથ્થો મળતો રહે તે બાબતને ટોચની પ્રાથમિક્તા આપવી જોઈએ...
બકોઃ આપણે ભલે આવી પંચાત કે ચિંતા કરીએ... બાકી ધાર્યું તો અંતે ધણી (કુદરત) નું જ થવાનું છે તેથી ભરોસો રાખ્યા વગર આપણે કશું કરી શકીએ તેમ નથી! જોઈએ લોકસભાની ચૂંટણીના પરિણામો પછી પરિસ્થિતિ કેેવો ટર્ન લ્યે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
છઠ્ઠા તબક્કામાં દિલ્હીની ચૂંટણી કેજરીવાલ કેન્દ્રિત?: વધતું સસ્પેન્સ...
રાજકારણમાં કોઈ કાયમી મિત્ર કે દુશ્મન હોતું નથી, અને ઉચ્ચ રાજનેતાઓ રાજકીય પ્રતિસ્પર્ધાને સામાન્ય રીતે અંગત દુશ્મનાવટમાં બદલતા હોતા નથી, તેના ઘણાં દૃષ્ટાંતો આપણા દેશના રાજકીય ઈતિહાસમાં પણ મળી રહે છે અને પ્રવર્તમાન સમયમાં પણ રાજનૈતિક ખેલદિલીની ભાવના તદ્ન મરી પરવાની નથી, તેવું રાજનેતાઓના પરસ્પરના વ્યક્તિગત રીતે હુંફાળા સંબંધો પરથી પૂરવાર પણ થતું હોય છે.
પાંચમા તબક્કાના મતદાનનો સંકેત
ગઈકાલે પાંચમા તબક્કાનું એકંદરે ૬૦ ટકા જેટલું મતદાન નોંધાયું અને સૌથી વધુ મતદાન ભલે પ. બંગાળમાં નોંધાયું હોય, પરંતુ જમ્મુ-કાશ્મીરમાં થયેલા પ૬ ટકા જેવા મતદાને સૌ કોઈનું ધ્યાન ખેંચ્યું છે. જમ્મુ-કાશ્મીરમાં થયેલા મતદાનનો સંકેત પડોશી દેશ પાકિસ્તા સુધી પહોંચ્યો છે.
મહારાષ્ટ્રમાં એનસીપી-શિવસેનાના ભંગાણ પછી એનડીએ અને વિપક્ષી ગઠબંધન વચ્ચે થયેલી તેની સમજુતિઓના કારણે મહારાષ્ટ્રમાં કદાચ મતદારો ગુંચવાયેલા હશે, કે પછી કન્ફ્યૂઝડ વોટર ઉપરાંત ગરમી, શહેરી મતદારોની ઉદાસિનતા અને રાજકીય પક્ષોની આંતરિક ખેંચતાણના કારણે કાર્યકરોની ઉદાસિનતાના કારણે ત્યાં ઓછું મતદાન નોંધાયું હશે, તેવી ધારણા છે, અને તેના આધારે કેટલાક સંકેતો પણ દર્શાવાઈ રહ્યા છે.
મતદારોનો ટ્રેન્ડ
ગઈકાલે સાંજે આવેલા આંકડાઓમાં સવારે થોડો ફેરફાર થયો, અને હજુ ચૂંટણીપંચ દ્વારા ફાયનલ આંકડા જાહેર થાય, ત્યાં સુધી થોડો વધુ ફેરફાર થવાની શક્યતા રહે છે, તેમ છતાં મતદારોનો ટ્રેન્ડ તો આ આંકડાઓ પરથી જોવા મળી રહ્યો છે, અને કેટલાક રાજ્યોમાં થયેલા બમ્પર મતદાન અને કેટલાક રાજ્યોમાં થયેલા પાંખા ટર્નઆઉટના આધારે જુદી જુદી અટકળો પણ થઈ રહી છે, જો કે આજે પાંચમા તબક્કામાં થયેલા મતદાનમાં જુદા જુદા રાજ્યોના અગાઉના તબક્કાઓમાં થયેલા મતદાનના આંકડાઓને જોડીને તેના આધારે અલગથી અનુમાનો તથા વિશ્લેષણો પણ થઈ રહ્યા છે.
ગઈકાલે જે ૪૯ બેઠકો પર મતદાન થયું છે, તેમાં રાયબેલી અને અમેઠી જેવી હાઈ-પ્રોફાઈલ બેઠકોનો પણ સમાવેશ થાય છે. આ તબક્કામાં ૮.૯પ કરોડ મતદારોમાં સવાચાર કરોડ જેટલી મહિલા મતદારો ઉપરાંત સાડાપાંચ હજાર જેટલા ત્રીજા લીંગના મતદારોનો સમાવેશ થાય છે. નવ કરોડ જેટલા મતદારોમાંથી ૪૦ ટકાથી વધુ મતદારોએ મતદાન કર્યું નથી, તેના વિવિધ કારણો બતાવાઈ રહ્યા છે અને તારણો નીકળી રહ્યા છે, પરંતુ જમ્મ-કાશ્મીર, પ. બંગાળ, ઝારખંડ જેવા રાજ્યોના ઊંચા મતદાન તથા યુ.પી., બિહાર, મહારાષ્ટ્ર જેવા રાજ્યોમાં થયેલા ઓછા મતદાનને લઈને મત-મતાંતરો છે.
સેલિબ્રિટીઝનું મતદાન
ગઈકાલે મુંબઈમાં ફિલ્હી અદાકારો તથા બોલિવૂડ સાથે સંકળાયેલા દિગ્ગજો, ઉદ્યોગ ક્ષેત્રના અગ્રણીઓ તથા વિવિધ કક્ષાના મહાનુભાવોએ મતદાન કર્યું હતું અને બહોળા પ્રમાણમાં મતદાનની અપીલો કરી. તેથી બપોર પછી કેટલાક વિસ્તારોમાં મતદારોની સંખ્યા વધી હોવાનો દાવો પણ થઈ રહ્યો છે, જો કે સેલિબ્રિટીઝ તથા લબ્ધ પ્રતિષ્ઠિત મહાનુભાવોનું મતદાન તો દર વખતે થતું હોય છે, પરંતુ આ વખતે તેઓએ કરેલી અપીલોને મીડિયા-અખબારો તથા સોશ્યલ મીડિયાના માધ્યમથી છેલ્લા બે દિવસમાં કરેલી અપીલોએ કેટલી અસર કરી છે, તે સંશોધનનો વિષય છે.
પાંચમા તબક્કાના મતદાન પછી વિજયના દાવા-પ્રતિદાવા
લોકસભાની ચૂંટણીના પાંચમા તબક્કા પછી એનડીએ અને વિપક્ષી ગઠબંધન દ્વારા વિજયના દાવાઓ થઈ રહ્યા છે, અને જુદી બેઠકો પર થયેલા ઓછા કે વધુ મતદાનને સાંકળીને તયાં ક્યા ઉમેદવાર અને પાર્ટીના વિઝયની શક્યતાઓ છે, તેની ગણતરીઓ પણ મંડાઈ રહી છે, જો કે હજુ બે તબક્કાનું મતદાન બાકી છે, ત્યારે કોઈપણ અટકળ, અંદાજ કે વિશ્લેષણ સંપૂર્ણપણે સાચું ઠરે તેમ કહી શકાય નહીં. આમ પણ છેલ્લા તબક્કાના મતદાન સુધી એક્ઝિટ પોલના પરિણામો બતાવી શકાતા નથી.
બારામુલામાં રેકોર્ડબ્રેક મતદાન
સમગ્ર દેશનું ધ્યાન આ વખતે જમ્મુ-કાશ્મીરમાં લોકસભાની ચૂંટણીઓ પર હતું. કલમ-૩૭૦ હટાવાયા પછીની લોકસભાની આ પ્રથમ ચૂંટણીમાં પહેલાની સરખામણીમાં ઘણું વધુ મતદાન થયું છે, અને ચાર દાયકાનો રેકોર્ડ તૂટી ગયો છે. બારામુલામાં તો વર્ષ ર૦૧૯ માં જેટલું કુલ મતદાન થયું હતું, તેટલું મતદાન તો ગઈકાલે બપોર સુધીમાં જ થઈ ગયું હતું. લોકોએ લોકતાંત્રિક વ્યવસ્થાઓ પર ભરોસો વધારીને મતદાન કર્યું હોવાના પ્રતિભાવો પણ આવ્યા હતાં, અને હવે લોકોની સમસ્યાઓ ઝડપભેર ઉકેલાશે, તેવી આશા પણ વ્યક્ત કરવામાં આવી રહી છે. બીજી તરફ ઊંચા મતદાન બદલ પી.એમ. મોદીએ મતદારોને ધન્યવાદ આપયા છે.
છઠ્ઠા તબક્કા માટે ઝંઝાવાતી પ્રચાર
છઠ્ઠા તબક્કાનું મતદાન રપ મી મે ના થવાનું છે, જેમાં દિલ્હીનો વિસ્તાર પણ સામેલ હોવાથી કેજરીવાલ કેન્દ્રિત મુદ્દાઓ વધુ ચર્ચાઈ રહ્યા છે, તો તમામ પક્ષોએ ઝંઝાવાતી ચૂંટણી પ્રચાર વધુ વેગીલો બનાવ્યો છે, તો વડાપ્રધાન મોદી અને કોંગી નેતા રાહુલ ગાંધી પણ સતત પ્રચાર કરી રહ્યા છે.
છઠ્ઠા તબક્કામાં આઠ રાજ્યો/કેન્દ્રશાસિત પ્રદેશોના ૮૮૯ ઉમેદવારોનું ભાવિ ઘડાશે. કુલ પ૮ બેઠકો માટે આ તબક્કામાં થનારા મતદાન પર આમ આદમી પાર્ટીના ભવિષ્યનો પણ ફેંસલો થવાનો છે, કારણ કે ન્યાયતંત્રની અદાલતોમાં કાનૂની કાર્યવાહીનો સામનો કરી રહેલી આ પાર્ટીને જનતાની અદાલત કેવો ચૂકાદો આપે છે, તે જોવાનું રહ્યું.
:: આલેખન :: વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આજથી બરાબર પચાસ વર્ષ પહેલાં ભારતે તા.૧૮ મે,૧૯૭૪ ના શાંતિમય હેતુસર રાજસ્થાન ના એક દુર્ગમ સ્થળ સમાન પોખરણ વિસ્તારમાં પ્રથમ પરમાણુ પરીક્ષણ કરેલ તેની જે અતિહાસિક સિદ્ધિ મેળવી હતી તેની ભવ્ય ઉજવણી કરવાનો રુડો અવસર આવ્યો છે એમ કહીએ તો અતિશ્યોકિત નથી. આ સિદ્ધિ કંઈ જેવી તેવી સિદ્ધિ નહોતી, કદાચ જે તે સમયે માત્ર પાંચ દેશ જ અગાઉ આવા પરમાણુ પરીક્ષણ કરી ચૂક્યા હતા અને ત્યારના ભારત જેવા અલ્પ વિકસિત કે વિકાસ પામનારા દેશે આ જવલંત પરાક્રમ કરીને અનેક દેશોને ચિંતામાં મૂકી દીધા હશે,પણ ભારતે હંમેશાં શાંતિની કામના કરી છે અને આ પરમાણુ પરીક્ષણ પણ શાંતિમય હેતુસર કરવામાં આવેલ એવું આ પરીક્ષણ બાદ જણાવેલ જ હતું. આપણે એક ભારતીય તરીક આને ભારતના સાર્વભોમત્ત્વની રક્ષા કાજે કરવામાં આવેલ પરીક્ષણ માનીએ છીએ જ. આજે જ્યારે ભારતના પ્રથમ પરમાણુ પરીક્ષણના પચાસ વર્ષ પુર્ણ થઈ રહ્યા છે ત્યારે એની જુની અને મનને આનંદ આપનારી યાદો પણ રોમાંચિત કરવા સક્ષમ છે.
ભારતના આ પ્રથમ પરમાણુ પરીક્ષણને *સ્માઈલિંગ બુદ્ધ* એવું કોડનેમ (ખાનગી નામ) આપવામાં આવ્યું હતું, કારણ કે, તા. ૧૮ મે-૧૯૭૪ના *બુદ્ધ પૂર્ણિમા* હતી. આ શાંતિમય પરમાણુ પરીક્ષણ પોખરણ-૧ તરીકે પણ ઓળખાય છે. આ સીમાચિહ્નરૂપ ઘટનાએ વૈશ્વિક પરમાણુ રાજકારણની ગતિશીલતાને પુનઃ આકાર આપતા ભારતની સુરક્ષા અને આંતરરાષ્ટ્રીય સંબંધો માટે ઊંડી અસર કરી હતી. ભારતે શાંતિમય હેતુસર પણ જે તે સમયે પરમાણુ પરીક્ષણ કરવાના કારણો અનેક હતાં. ભારતના પરમાણુ વૈજ્ઞાનિકો અને ઇજનેરો, પ્રસિદ્ધ પરમાણુ ભૌતિકશાસ્ત્રી ડૉ. રાજા રામન્નાની આગેવાની હેઠળ, સફળતાપૂર્વક વિસ્ફોટ કરવામાં સક્ષમ પરમાણુ ઉપકરણની ડિઝાઇન અને નિર્માણ માટે અવિરતપણે કામ કર્યું. ભારતના પૂર્વ રાષ્ટ્રપતિ ડૉ. એ.પી.જે. અબ્દુલ કલામ સહિત લગભગ ૭૫ વૈજ્ઞાનિકો અને ઇજનેરોની અથાક મહેનત બાદ તા. ૧૮ મે, ૧૯૭૪ના ભારતે તેનું પ્રથમ શાંતિમય ભૂગર્ભ પરમાણુ પરીક્ષણ કર્યું. આ ઐતિહાસિક સિદ્ધિએ યુનાઇટેડ સ્ટેટ્સ, સોવિયેત યુનિયન (હવે રશિયા), યુનાઇટેડ કિંગડમ, ફ્રાન્સ અને ચીન પછી ભારત વિશ્વનું છઠ્ઠું રાષ્ટ્ર પરમાણુ શક્તિ બન્યું હતું. ભારત પોતાના સાર્વભૌમત્ત્વની રક્ષા કાજે યોગ્ય અને ઉચિત પગલાં લેવા સક્ષમ છે એની પ્રતિતી વિશ્વના દેશોને ત્યારે થઈ ચૂકી હતી.
પ્રથમ પરીક્ષણના ઈતિહાસની વાતો ટૂંકમાં જોઈએ તો સ્વ. ઈન્દિરા ગાંધી વડાપ્રધાન બન્યા બાદ ભારતના પરમાણુ કાર્યક્રમ પર પુનઃનવેસરથી નવા જોમ સાથે કામ શરૂ થયું. તા. ૭ સપ્ટેમ્બર-૧૯૭૨ પછી ઈન્દિરા ગાંધીએ ભાભા એટોમિક રીસર્ચ સેન્ટરને પરમાણુ ઉપકરણ બનાવવા અને તેને પરીક્ષણ માટે તૈયાર કરવા માટે અધિકૃત કર્યા. ભારતીય સેના પરમાણુ પરીક્ષણમાં સંપૂર્ણ રીતે સામેલ ન હોવા છતાં સૈન્યના સર્વોચ્ચ કમાન્ડને પરીક્ષણની તૈયારીઓ વિશે સંપૂર્ણ માહિતી આપવામાં આવી હતી. ભારતીય રાજકીય નેતૃત્વની સતર્ક નજર હેઠળ તૈયારીઓ હાથ ધરવામાં આવી હતી.
ભારતએ પોતાની શાંતિમય પરમાણુ પરીક્ષણ અને પરમાણુ શક્તિનો દૂર ઉપયોગ નહિં કરવાની પ્રતિબદ્ધતા કાયમ રાખી હતી અને અત્યારે પણ એક શાંતિપ્રિય દેશ તરીકે વિશ્વમાં પોતાનું આગવું સ્થાન ધરાવે છે અને એટલે જ ૧૯૭૪ના પ્રથમ પરમાણુ પરીક્ષણ બાદ લગભગ ૨૪ વર્ષો સુધી કોઈ પણ અન્ય પરમાણુ પરીક્ષણ નહોતાં કરેલ અને છેક ૧૯૯૮મા જ્યારે સ્વ.અટલ બિહારી વાજપાયીજી બીજી વખત ભારતના વડાપ્રધાન બન્યા ત્યારે પોખરણ-૨ અને *ઓપરેશન શક્તિ* તરીકે ઓળખવામાં આવેલ કોડનેમથી ભારતે તા. ૧૧ અને ૧૩ મે ના બીજી વખત પરમાણુ પરીક્ષણ કરેલ. ભારતની આ બીજી વખતની ગૌરવમય ઘટનાને તેમજ ભારતના વૈજ્ઞાનિકો અને ટેકનોક્રેટસની અવિસ્મરિણ સિદ્ધિઓને ઈતિહાસમાં હંમેશાં યાદગાર બનાવવા દર વર્ષે ૧૧-મે ના દિવસે ભારતમાં નેશનલ ટેકનોલોજી દિવસની ઉજવણી વિવિધ થીમને ધ્યાને લઈ કરવામાં આવે છે જેની શરુઆત તત્કાલિન વડાપ્રધાન સ્વ. અટલ બિહારી વાજપાયી દ્વારા જ કરવામાં આવેલ,જે હકીકત સમગ્ર ભારત માટે આજે ગૌરવશાળી છે.
ભારતની પરમાણુ ઉર્જા અંગેની નીતિ ખુબજ સ્પષ્ટ જોવા મળેલ છે, ભલે કોઈ પણ પક્ષની સરકાર હોય, ભારતે હંમેશાં પોતાના સાર્વભૌમત્ત્વની રક્ષા સામે ક્યારેય કોઈ બાંધછોડ કરેલ નથી.આજે જ્યારે ભારતના પ્રથમ શાંતિમય પરમાણુ પરીક્ષણના પચાસ વર્ષ પુર્ણ થવા જઈ રહ્યા છે ત્યારે ભારતના તમામ વૈજ્ઞાનિકો અને ટેકનોક્રેટસને અભિનંદન અને સદગત વૈજ્ઞાનિકો તેમજ ટેકનોક્રેટસને પ્રણામ કે જેઓની અથાક મહેનત દ્વારા ભારત શાંતિમય પરમાણુ પરીક્ષણો કરી શક્યું અને ભારત વિશ્વમાં એક અલગ પહેચાન ઊભી કરી શકયું. જય હિંદ.
:: સંકલન :: કિરીટ બી.ત્રિવેદી,
ગાંધીનગર, મો.૯૯૯૮૮-૭૯૬૧૯
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ફાઇબ્રોમાયેલજીયા એક અતિ સામાન્ય જણાતો રોગ છે પણ તે અતિ લાંબા સમય સુધી રોગી ને હેરાન પરેશાન કરી શકે છે. ફાઇબ્રોમાયેલજીયા માં રોગી ને અતિ લાંબા સમય સુધી પીડા નો અનુભવ થતો હોય છે આ એક પ્રકાર નો ક્રોનિક રોગ છે, તે ઉપરાંત રોગી ને કોઈ પણ કામ કરતાં થાક જણાય, સવાર ના ઉઠતાં ઉત્સાહ ના જણાય, અને સ્નાયુ સાંધા, પેટ ની તકલીફ, માથા નો દુખાવો વિગેરે લક્ષણ પણ જોવા મળતા હોય છે.
ફાઇબ્રોમાયેલજીયા કોઈ એક ચોક્કસ કારણ થી નહીં પણ એક કરતાં વધુ કારણે થતો જોવા મળે છે. જેમાં ઓટો-ઇમ્યુન ઇન્ફ્લેમેશન, સાઇકોલોજીકલ ફેકટર, જીનેટિક આનુવાંસીક, સ્મોકીંગ, તમાકુ, વાતાવરણ ના ફેરફાર, ઘર અને કામ કરવાની જગ્યા પર તાણ ભર્યું માહોલ કારણ રૃપ માનવામાં આવે છે.
આ રોગ સામાન્ય રીતે સ્નાયુ તંત્ર મસલ્સ મસલ્સ ફાઈબર ને અસર કરતો હોય તેનું નામ ફાઇબ્રોમાયેલજીયા આપવામાં આવ્યું છે. આયુર્વેદ માં આ રોગ ની સામ્યતા ચરક સંહિતા માં વર્ણવેલ છે.
શું ફાઇબ્રોમાયેલજીયા ગંભીર વિકાર છે?
ફાઇબ્રોમાયેલજીયા રોગ ગંભીર વિકાર ના રૃપ માં પણ જોવા મળે છે અને રોગ ની અસર લાંબા સામે સુધી રહે છે. રોગી રાસાયણિક પીડાશામકનો ઉપયોગ સતત કરે છે જેના પરિણામે અન્ય રોગ થવાની શક્યતા ને નકારી શકાય નહીં. રોગ માં સતત દુખાવો જણાતો હોવાથી કામ પર બરાબર રીતે ધ્યાન આપી શકાતું નથી, સ્વભાવ ચીડ-ચીડયો થઈ જતો હોય છે, વ્યક્તિ સતત તાણ નો અનુભવ કરતો રહે છે અને જો છાતી ના સ્નાયુ માં અસર થાય તો હાર્ટ એટેક જેવા લક્ષણ પણ જોવા મળી શકે છે. જો રોગી બેકાળજી દાખવે તો રોગ લગભગ જીવનભર પીડાકર બની રહે અને તેના પરિણામે માનસિક વિકાર અથવા અન્ય મનોશારીરિક રોગ પણ થઈ શકે છે.
શું ફાઇબ્રોમાયેલજીયાની આયુર્વેદમાં દવા છે?
ફાઇબ્રોમાયેલજીયા રોગ ચરક સંહિતા માં વર્ણીત રોગ માંસગત વાત સાથે સામ્ય ધરાવે છે અને તેના આધારે કહી શકાય કે આયુર્વેદ માં રોગ ની સારવાર ઉપલબ્ધ છે. કોઈ પણ વાત વ્યાધિ સામાન્ય રીતે કષ્ટ સાધ્ય માંનવામાં આવે છે. આયુર્વેદ માં રોગી ના તાસીર, રોગ ની અવસ્થા, પાચનક્ષમતા, ડ્રગ ટોલરન્સ ને ચિકિત્સક તપાસ કરી દવા આપે છે. સામાન્ય રીતે આ રોગ માં વપરાતી દવાઓ માં મુખ્ય દવા અશ્વગંધા, શતાવરી, જેઠીમધ, બ્રાહ્મી, શંખાહુલી, બાલા, ચોપચીની, ત્રિકટું, મધ, દૂધ, ગાય નું ઘી, મહાનારાયણ તેલ પીવા તથા માલીસ માટે, ચંદ્રપ્રભા, વસંતકુસુમાકર વિગેરે.
શું ફાઇબ્રોમાયેલજીયાની આયુર્વેદમાં દવા સેફ છે?
આયુર્વેદ દવાઓ સામાન્ય રીતે સેફ માનવામાં આવે છે તેમાં તાત્કાલિક અથવા લાંબા સમય ની ટોકસીસીટી જોવા મળતી નથી. જો ડ્રગ ટોલરન્સની વાત કરવામાં આવે તો આયુર્વેદ દવાનું ટોલરન્સ ખૂબ સારૃ જોવા મળે છે. આજે આયુર્વેદની દવાઓના પ્રયોગ થી લીવર કિડની ને નુકસાનની માહિતી અધૂરી અને અયોગ્ય રીતે આપવામાં આવે છે. સામાન્ય રીતે આ કોમ્પલીકેશન સેલ્ફ મેડિકેશન કરે છે ચિકિત્સક ની સલાફ વગર જ દવા કરે છે અથવા તેનો ડોઝ ને ચિકિત્સકીય અભિપ્રાય વગર જ ફેરફાર કરે છે તેવા કિસ્સા માં લીવર કિડની ને નુકસાન થતું નકારી શકાય નહીં.
વધુ માહિતી અને ચિકિત્સકીય અભિપ્રાય માટે આયુર્વેદ ચિકિત્સક અથવા ચિકિત્સાલય નો સંપર્ક કરી શકાય છે.
ડો. નિશાંત શુકલ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
'છોટી' કાશી, 'છોટા' કાશી અને 'વારાણસી' કાશી તરીકે ક્યા સ્થળો ઓળખાય છે? જાણો...
જામનગર સહિત લોકસભાની જે બેઠકો પર ચાર તબક્કામાં મતદાન સંપન્ન થઈ ગયું છે, ત્યાં કોનો વિજય કેટલા મતે થશે, તેના અંદાજો લગાવાઈ રહ્યા છે અને દાવાઓ રજૂ થઈ રહ્યા છે, તો બીજી તરફ હવે બાકી રહેલા ત્રણ તબક્કા માટે રાજકીય પક્ષો એડીચોટીનું જોર લગાવીને પ્રચંડ પ્રચાર પણ કરી રહ્યા છે. ગઈકાલે વડાપ્રધાન નરેન્દ્ર મોદીએ વારાણસીથી પોતાનું ઉમેદવારીપત્ર ભર્યું, ત્યારે મળેલી એનડીએના નેતાઓની અનૌપચારિક બેઠકની ચર્ચા પણ વિવિધ એંગલથી થઈ રહી છે.
હવે પાંચમા તબક્કાનું મતદાન
લોકસભા ચૂંટણીના ૭ તબક્કા પૈકી ચાર તબક્કા પૂરા થયા છે, અને હવે પાંચમા તબક્કાનું મતદાન થવાનું છે. આઠ રાજ્યોની ૪૯ બેઠકો માટે ર૦ મી મે ના દિવસે મતદાન થવાનું છે. બેઠકોમાં બિહારની પ, ઉત્તરપ્રદેશની ૧૪, પ. બંગાળની ૭ અને જમ્મુ-કાશ્મીરની ૧, લદ્દાખની ૧ બેઠકોનો સમાવેશ થાય છે.
'છોટા' કાશીમાંથી કોણે કરી ઉમેદવારી
આપણે છોટીકાશી તરીકે જેવી રીતે ગુજરાતમાં જામનગરને ઓળખીએ છીએ અને આ બેઠક પરથી પૂનમબેન માડમ ભાજપના ઉમેદવાર છે, પરંતુ કંગના રનૌતે હિમાચલ પ્રદેશના મંડી લોકસભા મત ક્ષેત્રમાંથી ભાજપના ઉમેદવાર તરીકે ઉમેદવારી નોંધાવતી વખતે કહ્યું કે, મેં 'છોટા' કાશીમાંથી ઉમેદવારી નોંધાવી છે, અને મંડીમાંથી ચૂંટણી લડવી એ ગૌરવની વાત છે. મંડીમાં કોંગ્રેસના ઉમેદવાર તરીકે રાજ્ય પરિવારના સભ્ય વિક્રમાદિત્યસિહ છે.
જામનગરને 'છોટી' કાશી કહેવાય છે, તેવી જ રીતે હિમાચલ પ્રદેશની 'છોટા' કાશી તરીકે ઓળખ કંગના રનૌતે આપી છે, અને તેમણે બનરાસ-કાશીથી વડાપ્રધાન નરેન્દ્ર મોદીની ઉમેદવારીનો ઉલ્લેખ પણ કર્યો છે, જેથી એમ કહી શકાય કે બનારસ-કાશીથી પી.એમ. મોદી, 'છોટા' કાશી તરીકે ઓળખાતા હિમાચલની મંડીથી કંગના રનૌત અને 'છોટી' કાશી તરીકે ઓળખાતા આપણા જામનગરથી પૂનમબેન માડમ લોકસભાની ચૂંટણી લડી રહ્યા છે.
વારાણસીના પ્રચારમાં ગુજરાતી નેતાઓ
વડાપ્રધાન નરેન્દ્ર મોદીના વારાણસીના ચૂંટણી પ્રચાર માટે ગુજરાતમાંથી ઘણાં નેતાઓ ગયા છે, જઈ રહ્યા છે, અવિરત જવાના છે, તેમાં સી.આર. પાટીલ, ગૃહ રાજ્યમંત્રી હર્ષ સંઘવી, સાંસદો, ધારાસભ્યો, પાર્ટીના હોદ્દેદારો ઉપરાંત ત્રીજા તબક્કામાં ચૂંટણી લડી ચૂકેલા ઉમેદવારોનો પણ સમાવેશ થાય છે. એવું કહેવાય છે કે ર૦૦ જેટલા ગુજરાતી નેતાઓ વારાણસીમાં ભાજપના ઉમેદવાર નરેન્દ્ર મોંદીનો પ્રચાર કરવાના છે.
અન્ય રાજ્યોના પ્રચારમાં પણ ગુજરાતીઓનો દબદબો
ભારતીય જનતા પક્ષે હવે પછીના તબક્કાઓની ચૂંટણીના પ્રચાર માટે પણ વિવિધ રાજ્યોના, ભાજપના દિગ્ગજો, મુખ્યમંત્રીઓ, સાંસદો, હોદ્દેદારો તથા મંત્રીઓને મોકલ્યા છે, અથવા હવે મોકલવાના છે, તેમાં પણ ઘણાં બધા ગુજરાતીઓનો સમાવેશ થાય છે. ઘણી વ્યૂહાત્મક બેઠકો માટે ચૂંટણી પ્રચાર માટે ગુજરાતીઓ ગયા છે. એ જ રીતે કોંગ્રેસના પ્રચાર માટે પણ ગુજરાતના નેતાઓને મોકલવામાં આવી રહ્યા હોવાના અહેવાલો જોતા એમ જણાય છે કે હવે પછીના તબક્કાઓના ચૂંટણી પ્રચારમાં અન્ય રાજ્યોમાં પણ ગુજરાતીઓનો દબદબો રહેવાનો છે.
પ્રસ્તાપક એટલે શું?
ચૂંટણીઓમાં ઉમેદવારી પત્ર ભરવા માટે જતા ઉમેદવારો સાથે નિયમ મુજબના પ્રસ્તાવકો સાથે રાખવામાં આવતા હોય છે, જે મોટાભાગે જે-તે પાર્ટીના દિગ્ગજો કે ઉમેદવારના વડીલો, મિત્રો વગેરે હોય છે, તો ઘણી વખત સેલિબ્રિટીઝ પણ હોય છે. ત્યારે પ્રસ્તાવકની ભૂમિકા અંગે કુતૂહલ થાય તે સ્વ્ભાવિક છે.
પ્રસ્તાવકને સમર્થક કે ટેકેદાર પણ કહી શકાય, જે-તે મત વિસ્તારના રહીશ હોય અને ત્યાંની મતદારયાદીમાં નામ હોય, તેવા પ્રસ્તાવકોને ઉમેદવારીપત્ર ભરતી વખતે ચૂંટણીપંચના નિયમોને અનુરૂપ રહીંને ઉમેદવાર પોતાની સાથે લઈ જતા હોય છે. તેના અલગથી નિયમો છે.
સાત તબક્કાની ચૂંટણી પ્રક્રિયા
આ વખતે ૭ તબક્કાની ચૂંટણી પ્રક્રિયા ચાલી રહી છે અને દરેક તબક્કાના નોટીફિકેશન અલગ-અલગ પ્રસિદ્ધ થતા હોય છે. ઉમેદવારી પત્રક ભરાય, ત્યારથી ઉમેદવારના પ્રચારના ખર્ચનો હિસાબ ચૂંટણીપંચ સમક્ષ રજૂ કરવો પડતો હોય છે અને નિયત કરેલી મર્યાદાઓમાં જ ઉમેદવાર ખર્ચ કરી શકતો હોય છે, જ્યારે સંબંધિત પક્ષ સમર્યાદ ખર્ચ કરી શકે છે, જો કે ચૂંટણી પંચ રાજકીય પક્ષોને શક્ય તેટલો અંકુશન રાખતું હોય છે.
વર્ષ ર૦૧૯ ની લોકસભાની ચૂંટણી સાથે સરખામણી
વર્ષ ર૦ર૪ની ચૂંટણીની વર્ષ ર૦૧૯ ની લોકસભા ચૂંટણીમાં મતદાનની ટકાવારી અને પરિણામો સાથે સરખામણી થઈ રહી છે, અને અત્યાર સુધીના ચાર તબક્કામાં મતદાનની ઘટેલી ટકાવારીની પણ અલગથી વિશ્લેષણો થઈ રહ્યા છે.
આ વખતે ચોથી જૂને મતગણતરી થશે, ત્યાં સુધીમાં ચૂંટણી પ્રચાર પરાકાષ્ટાએ હશે. અત્યાર સુધી એકંદરે (કેટલાક અપવાદો સિવાય) ચૂંટણી શાંતિપૂર્ણ થઈ રહી છે, ત્યારે સમગ્ર ચૂંટણી પ્રક્રિયા શાંતિપૂર્વક સંપન્ન થઈ જાય તેવું ઈચ્છીએ.
:: આલેખન :: વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ત્રીજા તબક્કામાં થયેલા મતદાન પછી હવે પછીના તબક્કાઓ માટે રાજકીય પક્ષો અને ઉમેદવારો એડી ચોટીનું જોર લગાવશે
લોકસભાની ચૂંટણીનું ત્રીજા તબક્કાનું મતદાન સંપન્ન થયું. આ મતદાન વર્ષ ર૦૧૯ ની લોકસભાની સરખામણીમાં પાંચેક ટકા જેટલું ઓછું થયું હોવાનું તારણ નીકળ્યું છે. કેટલાક અપવાદો સિવાય એકંદરે શાંતિપૂર્ણ મતદાન થયું છે, અને પ્રવર્તમાન સંજોગો તથા ઘટનાક્રમોને લઈને ગુજરાતમાં શાંતિ ડહોળાઈ શકે છે, તેવી આશંકાઓ ખોટી ઠરી છે. ગુજરાતમાં આ વખતે ૬૦ ટકાની આજુબાજુ મતદાન થયું છે, જો કે ટ્રાયબલ એરિયાઝમાં નોંધપાત્ર મતદાન થયું છે, પરંતુ તે પણ વર્ષ ર૦૧૯ કરતા ઓછું થયું હોય તો તે રાજકીય પક્ષો માટે સંશોધનનો વિષય છે.
રાષ્ટ્રીય કક્ષાએ જોઈએ તો ગુજરાત સહિત ૧૩ રાજ્યો/કેન્દ્ર શાસિત પ્રદેશોની ૯૩ લોકસભા બેઠકો માટે ૬ર થી ૬૩ ટકા જેટલું મતદાન થયું છે.
આંકડાઓના આધારે
અટકળો અને અનુમાનો
ગુજરાતમાં તો ચૂંટણીના પ્રચારનો કોલાહલ શાંત થઈ ગયો, પરંતુ હજુ ચાર તબક્કાનું મતદાન દેશના અન્ય રાજ્યો/વિસ્તારોમાં બાકી છે. આસામમાં સાર્વાધિક ૭પ ટકા જેવું મતદાન થયું હોવાનું જાણવા મળે છે, તો મહારાષ્ટ્રમાં સૌથી ઓછું પ૪ ટકા જેવું મતદાન થયું છે, જો કે ચૂંટણી પંચે ગત્ મોડી રાત્રે ગઈકાલના મતદાનના આંકડા જાહેર કરવાની જાહેરાત કરી હતી, તેથી આજે તેના આધારે જ રાજકીય વિશ્લેષણો થઈ રહ્યા છે, તો બીજી તરફ ગુજરાતના કેટલાક નેતાઓ અન્ય રાજ્યોમાં પ્રચારાર્થે જશે, તો ઉમેદવારો ચોથી જૂન સુધી રિલેક્ષ રહેશે તેમ કહી શકાય. ચૂંટણીપંચના આંકડાઓ મુજબ ત્રીજા તબક્કામાં ૧૧ રાજ્યો અને બે કેન્દ્ર શાસિત પ્રદેશોમાં એકંદરે અંદાજે ૬૧ ટકા જેવું મતદાન થયું છે. આ આંકડાઓમાં નજીવો ફેરફાર થઈ શકે છે, પરંતુ એકંદરે બિહારમાં ગઈકાલે પ૬.પપ ટકા, છત્તીસગઢમાં ૬૬.૯૪ ટકા, ગોવામાં ૭૪ ટકા, ગુજરાતમાં પ૬.ર૧ ટકા, કર્ણાટકમાં ૬૬.૮ ટકા, મધ્યપ્રદેશમાં ૬ર.૭૯ ટકા, ઉત્તરપ્રદેશમાં પ૭.૦૪ ટકા અને પ. બંગાળમાં ૭૩.૯૩ ટકા મતદાન નોંધાયું હતું. દીવ-દમણ અને દાદરાનગર હવેલીમાં ૬પ.ર૩ ટકા મતદાન નોંધાયું છે. અગાઉ જણાવ્યા મુજબ આસામમાં સૌથી ઊંચુ અને મહારાષ્ટ્રમાં આ તબક્કામાં સૌથી નીચું મતદાન થયું છે.
આ વખતે મતદારોની સંખ્યા ૧૭ કરોડથી વધુ હતી, જેમાંથી ૬૧ ટકા આજુબાજુ મતદાન થયું છે. આ તબક્કામાં ૧ર૦ મહિલા ઉમદવારો સહિત ૧૩૦૦ થી વધુ ઉમેદવારો ૯૩ બેઠકો માટે ચૂંટણી લડ્યા છે, જ્યારે સુરતની બેઠક બિનહરિફ જાહેર થઈ છે.
રાજકોટના વોટીંગે સર્જ્યુ સસ્પેન્સ
રૂપાલા પ્રકરણના કારણે સમગ્ર રાજ્યમાં બહુચર્ચિત બનેલી રાજકોટ લોકસભા બેઠક માટે ગઈકાલે લગભગ ૬૦ ટકા જેટલું મતદાન થતા સસ્પેન્સ સર્જાયું છે. સ્થાનિક વિશ્લેષકો અને મીડિયામેનના તારણો મુજબ સાડાત્રણ ટકાથી વધુ ઘટાડો નોંધાતા અને મહિલાઓ તથા શહેરી વિસ્તારોમાં ધાર્યા કરતા ઓછું મતદાન થતા તેના ફાયદા-ગેરફાયદાના ગણિત મંડાઈ રહ્યા છે. કેટલાક વિસ્તારોમાં થયેલા જંગી મતદાનને પ્રવર્તમાન ઘટનાક્રમો સાથે સાંકળીને નવેસરથી અનુમાનો લગાવાઈ રહ્યા છે, તો ઘણાં આને ભરેલા નાળિયેર જેવી સ્થિતિ પણ ગણાવી રહ્યા છે.
ઓછા મતદાનના કારણો અને તારણો
હીટવેવ વચ્ચે મતદાનમાં કેટલાક સ્થળે ટાઢોળું રહ્યું, તેના સંદર્ભે ઘણાં લોકો બળબળતા ઉનાળાને પણ કારણભૂત માની રહ્યા છે, તો કેટલીક બેઠકો માટે ઉમેદવારોની રાજકીય પક્ષો દ્વારા થયેલી પસંદગી, આંતરિક અસંતોષ અને પ્રવર્તમાન ઘનાક્રમોના કારણે પણ ઓછું મતદાન થયું હોવાના તારણો નીકળી રહ્યા છે. આ સ્થિતિ કોને ફાયદો કરશે અને કોને નુક્સાન કરશે, તેનું અનુમાન રાજકીય પક્ષો તથા ઉમેદવારો તો સ્વાભાવિક રીતે જ પોતાને અનુકૂળ હોય તે રીતે કરી રહ્યા હશે, પરંતુ આ વખતે તો તટસ્થ વિશ્લેષકો પણ દ્વિધામાં હોય તેમ આને ભરેલા નાળિયેર જેવી સ્થિતિ બતાવી રહ્યા છે.
હવે જુદી જુદી બેઠકો પર ઓછું મતદાન થવાના કારણે તથા પ્રવર્તમાન ઘટનાક્રમોની કેટલી અસરો પડી તેની ચર્ચાઓ થઈ રહી છે. સૌરાષ્ટ્રમાં ધારીમાં થયેલું ઓછું મતદાન તથા ગીર સોમનાથ બેઠક માટે થયેલા જંગી મતદાને પણ સૌનું ધ્યાન ખેંચ્યું છે. અમરેલી બેઠક પર તો ગત્ ચૂંટણીની સરખામણીમાં સાતેક ટકા જેટલું ઓછું મતદાન થતા ભાજપ અને કોંગ્રેસમાં દ્વિધા જોવા મળી રહી છે. મૂળ અમરેલીના બન્ને પક્ષના દિગ્ગજો પરસોત્તમ રૂપાલા અને પરેશ ધાનાણી રાજકોટથી ચૂંટણી લડ્યા, અને બન્ને મુખ્ય પક્ષોએ પણ આ દાવ ખેલ્યો, તેની અસરો રાજકોટ અને અમરેલીની બેઠકો પર કેવી અને કેટલી થઈ હશે, તેની ખબર તો ૪ થી જૂને જ પડશે. અત્યારે તો અટકળો જ કરવી રહી...
જામનગર સહિત રાજ્યની કેટલીક બેઠકો પર સૌની નજર
જામનગર સંસદીય મતક્ષેત્ર પર પણ સૌની નજર છે, કારણ કે તાજેતરની બહુચર્ચિત ઘટનક્રમોના કેન્દ્રમાં રાજકોટ પછી જામનગર જ રહ્યું છે. ગુજરાતમાં સૌથી વધુ અટકળો, દાવાઓ અને પ્રતિદાવાઓ તથા ચર્ચાઓ રાજકોટ ઉપરાંત જામનગરની બેઠક માટે પણ થઈ રહી છે, તે હકીકત છે. અમદાવાદની મહત્તમ બેઠકો પર પણ વર્ષ ર૦૧૯ ની સરખામણીમાં થયેલું ઓછું મતદાન ચર્ચાસ્પદ બન્યું છે, જો કે ગુજરાતના કેટલાક વિસ્તારોમાં ધીંગુ મતદાન પણ થયું છે. જામનગર બેઠક માટે સવારે સવારે પહેલા ચાર કલાકમાં જ ૩૦% જેટલું મતદાન થયું હતું, જે પછીથી વધવા લાગ્યું હતું, પરંતુ સાંજ સુધીમાં પ૭ થી પ૮ % વચ્ચે પહોંચ્યું હતું. આ મતદાનના વિધાનસભા મત-વિસ્તાર વાઈસ, જિલ્લાવાઈસ અને ક્ષેત્રવાઈસ આંકડાઓનું આજે વિશ્લેષણ થઈ રહ્યું છે.
ગુજરાત વિધાનસભાની પેટાચૂંટણી
ગુજરાતની વિધાનસભાની ખાલી પડેલી પાંચ બેઠકો પર ગઈકાલે થયેલા મતદાનમાં કંયાંક ધીમુ વોટીંગ રહ્યું છે, તો ક્યાંક નિરાશાજનક ઘણું જ ઓછું મતદાન થયું હોવાથી ઉમેદવારો પણ દ્વિધામાં જોવા મળી રહ્યા છે. દૃષ્ટાંત તરીકે પોરબંદર વિધાનસભાની બેઠક પર ગત્ ચૂંટણીની સરખામણીએ સાડાચાર ટકા જેટલું ઓછું મતદાન થયું છે, અને પ૭ થી પ૮ ટકા જેટલું મતદાન થયું છે. અહીં કોંગ્રેસમાંથી રાજીનામું આપીને ભાજપની ટિકિટ પર અર્જુનભાઈ મોઢવાડિયા ચૂંટણી લડ્યા છે, જ્યારે તેની સામે કોંગ્રેસ સહિત ૬ ઉમેદવારો ફાઈટમાં છે. તે ઉપરાંત માણાવદર વિધાનસભાની બેઠકની પેટાચૂંટણીમાં પણ ગત્ ચૂંટણી કરતા ઓછું મતદાન થયું છે. વર્ષ ૨૦૨૨ માં અહીં ૬૧ ટકાથી વધુ મતદાન થયું હતું, જે આ વખતે પ૯ ટકા સુધી પણ પહોંચી શક્યું નથી.
બહુચર્ચિત ચહેરાઓ
ત્રીજા તબક્કામાં કેટલાક બહુચર્ચિત ચહેરાઓનું ભવિષ્ય દાવ પર છે, જેમાં કેન્દ્રિય મંત્રીઓ, કેટલાક પક્ષોના પ્રમુખો તથા ઉદ્યોગ-વ્યાપાર સહિત વિવિધ ક્ષેત્રના ચૂંટણી લડી રહેલા દિગ્ગજોનો સમાવેશ થાય છે. તે ઉપરાંત દેશના વડાપ્રધાન અને ગૃહમંત્રીનું ભવિષ્ય પણ ઈ.વી.એમ.માં કેદ થઈ ગયું છે. આ ચૂંટણીમાં કેટલાક બહુચર્ચિત ચહેરાઓનું ભવિષ્ય પણ દાવ પર લાગ્યું છે. જેમાં શિવરાજસિંહ ચૌહાણ, પરસોત્તમ રૂપાલા, પરેશ ધાનાણી, ગનીબેન ચૌધરી, સી. આર. પાટીલ, વગેરેનો સમાવેશ થાય છે. જામનગરમાં વર્તમાન સાંસદ ભાજપના પૂનમબેન માડમ તથા કોંગ્રેસના ઉમેદવાર જે.પી. મારવિયા સહિતના ઉમેદવારોનું ભાવિ પણ ઈવીએમમાં કેદ થઈ ગયું છે.
વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વર્ષ ર૦૧૪ માં ગુજરાત મોડલની ચર્ચા હતી, અને વર્ષ ર૦ર૪ માં દસ વર્ષની સિદ્ધિઓ વર્ણાવાઈ રહી છે
જામનગરમાં વડાપ્રધાન નરેન્દ્ર મોદીની ગઈકાલે ચૂંટણી સભા યોજાઈ, અને તે પછીની રાજકીય ચર્ચા આપણી સામે જ છે, ત્યારે દસ વર્ષ પહેલાની ચૂંટણીની યાદ પણ તાજી થાય છે, વર્ષ ર૦૧૪ ની ચુંટણી અને વર્ષ ર૦ર૪ ની લોકસભાની ચૂંટણીઓમાં ઘણી જ સામ્યતાઓ છે અને કેટલાક મૂળભૂત તફાવતો પણ છે. વર્ષ ર૦૧૪ માં જ્યારે ગુજરાતના તત્કાલિન મુખ્યમંત્રી નરેન્દ્રભાઈ મોદીને વડાપ્રધાનપદ માટે ભાજપના ઉમેદવાર જાહેર કરાયા, ત્યારે ઘણાં જ અનુમાનો થયા, આશંકાઓની આંધી ઊઠી, ભાજપના અગ્રીમ હરોળની નેતાગીરીમાં પણ આ મુદ્દો ચર્ચામાં હતો અને સમગ્ર દેશ અને દુનિયામાં પણ ગુજરાતના વિકાસ મોડેલની ચર્ચા થવા લાગી હતી, તેમ જ તેની ફેવર તથા વિરૂદ્ધમાં મંતવ્યોની જાણે અતિવૃષ્ટિ થવા લાગી હતી. તે સમયે પણ નવા અનુમાનો, વિશ્લેષણો અને ટેલિવિઝન ચેનલો પર ડિબેટીંગ તથા અખબારોમાં વિશેષ અહેવાલોના કેન્દ્રમાં નરેન્દ્ર મોદી જ હતાં, અને આ વખતે વર્ષ ર૦ર૪ માં પણ નેશનલ અને ઈન્ટરનેશનલ ચર્ચાના કેન્દ્રમાં નરેન્દ્ર મોદી જ છે, તેથી આ ચૂંટણી વર્ષ ર૦૧૪ ના જનરલ ઈલેક્શનના રિપ્લે જેવી જ લાગે છે ને?
ગુજરાતની ર૬ બેઠકો પર વિજય
ગુજરાતની કુલ ર૬ બેઠકો પર ચૂંટણીના ભાગરૂપે વર્ષ ર૦૧૪ માં સૌરાષ્ટ્ર-કચ્છની આઠ બેઠકો પર મુખ્ય જંગ ભાજપ અને કોંગ્રેસના ઉમેદવારો વચ્ચે જ હતો, કારણ કે વર્ષ ર૦૧૪ માં કોંગ્રેસનું આમ આદમી પાર્ટી સાથે ગઠબંધન નહોતું. સૌરાષ્ટ્ર-કચ્છમાં મુખ્ય ઉમેદવારો વચ્ચે ખેલાયેલા ચૂંટણી જંગની રૂપરેખા અને પરિણામોની ટૂંકી ચર્ચા કરીએ, એ સર્વવિદિત છે કે સૌરાષ્ટ્ર-કચ્છની તમામ આઠ બેઠકો જીતી હતી, અને રાજ્યની તમામ ર૬ બેઠકો પર પણ ભાજપનો વિજય થયો હતો.
વર્ષ ર૦૧૪ માં ભારતીય જનતા પક્ષે ગુજરાતના મુખ્યમંત્રી નરેન્દ્ર મોદીને વડાપ્રધાનપદના ઉમેદવાર બનાવ્યા હતાં. તે પછી આખા દેશની નજર ગુજરાત પર હતી, અને ગુજરાતના વિકાસ મોડેલને આગળ ધરીને ભારતીય જનતા પક્ષે પ્રચાર પણ કર્યો હતો. ભારતીય જનતા પક્ષે તે સમયે લોકસભામાં બહુમતી મેળવવાનું લક્ષ્ય રાખ્યું હતું અને ચૂંટણીમાં ર૭ર (પ્લસ) બેઠકો પર વિજય મેળવવાનો નારો ગૂંજતો કર્યો હતો.
સૌરાષ્ટ્ર-કચ્છની કેટલીક બેઠકો પર રસપ્રદ જંગ
વર્ષ ર૦૧૪ માં સૌરાષ્ટ્ર-કચ્છની તમામ બેઠકો ભારતીય જનતા પક્ષે જીતી હતી, અમરેલીમાં કોંગ્રેસના વિરજીભાઈ ઠુમ્મર સામે ભાજપના નારણભાઈ કાછડિયાનો વિજય થયો હતો. હાલમાં ભાજપના ધારાસભ્ય અને રાજ્ય સરકારના મંત્રી છે, તે કુંવરજીભાઈ બાવળિયા વર્ષ ર૦૧૪ માં કોંગ્રેસના ઉમેદવાર હતાં, તેની સામે રાજકોટ બેઠક પર ભાજપના મોહનભાઈ કુંડારિયાનો વિજય થયો હતો. આ બેઠક પર આ વખતે તેઓએ ડમી તરીકે ફોર્મ ભર્યું હતું, કારણ કે આ વખતે ભાજપે પરસોત્તમ રૂપાલાને ટિકિટ આપી છે.
ભાવનગરની બેઠક પરથી કોંગ્રેસના ઉમેદવાર પ્રવિણભાઈ રાઠોડ સામે ભાજપના ડો. ભારતીબેન શિયાળ ચૂંટણી જીતી ગયા હતાં, તો કચ્છમાં કોંગ્રેસે મૂળ જામનગરના નેતા દિનેશભાઈ પરમારને મેદાનમાં ઉતાર્યા હતાં, જેઓ ભાજપના વિનોદભાઈ ચાવડા સામે ચૂંટણીમાં હારી ગયા હતાં.
સુરેન્દ્રનગરમાં કોંગ્રેસે વર્ષ ર૦૧૪ માં સોમા ગાંડા પટેલને ટિકિટ આપી હતી, જેની સામે ભાજપના દેવજી ફતેપુરા જીતી ગયા હતાં. જામનગરમાં ભાજપના પૂનમબેન માડમ કોંગ્રેસના વિક્રમભાઈ માડમને હરાવીને લોકસભાના પ્રથમ વખત સભ્ય બન્યા હતાં. તેવી જ રીતે જૂનાગઢમાં ભાજપના રાજેશ ચુડાસમા, પોરબંદરની બેઠક પરથી વિઠ્ઠલભાઈ રાદડિયાએ ભાજપના ઉમેદવાર તરીકે વિજય મેળવ્યો હતો.
વર્ષ ર૦ર૪ અને વર્ષ ર૦૧૪ ની લોકસભામાં મહત્ત્વપૂર્ણ તફવાત એટલો જ છે કે નરેન્દ્ર મોદી તે સમયે ગુજરાતના મુખ્યમંત્રી હતાં અને ગુજરાતના મુખ્યમંત્રી તરીકે ૧ર વર્ષ પૂરા કર્યા હતાં. આ વખતે તેઓ દેશના વડાપ્રધાન છે અને વડાપ્રધાન તરીકે ૧૦ વર્ષ પૂરા થયા છે, તે સમયે તેઓ જીતે તો વડાપ્રધાન તરીકે સફળ થશે કે કેમ? તેની ચર્ચા હતી, તો અત્યારે તેઓ ત્રીજી વખત વડાપ્રધાન બનશે કે કેમ? તેની ચર્ચા થઈ રહી છે.
પક્ષાંતરનો પ્રવાહ
વર્ષ ર૦૧૪ માં પણ દેશના જુદા જુદા સભ્યો અને કેન્દ્રશાસિત પ્રદેશોમાં કોંગ્રેસમાંથી પક્ષાંતર કરીને નેતાઓ ભાજપમાં જવા લાગ્યા હતાં, અને કેટલાક ક્ષેત્રિય પક્ષોમાંથી પણ કેટલાક નેતાઓ પણ ભાજપમાં સામેલ થવા લાગ્યા હતાં. તે સમયે પણ પક્ષાંતર કરીને આવેલા કેટલાક નેતાઓને ભાજપ દ્વારા ટિકિટ અપાઈ હતી અને આ વખતે પણ ભાજપમાં કેટલાક પક્ષાંતર કરીને આવેલા નેતાઓને લોકસભાની ચૂંટણીની ટિકિટ અપાઈ છે. પ્રારંભમાં વર્ષ ર૦૧૪ માં પણ કોંગ્રેસ પર ભ્રષ્ટાચાર અને તુષ્ટિકરણના આક્ષેપો ભાજપે કર્યા હતાં, જ્યારે કોંગ્રેસે ભાજપ પર સાંપ્રદાયિક હોવાના આક્ષેપો કરીને વિકાસ મોડલને ખોખલું ગણાવ્યું હતું. વર્ષ ર૦૧૪ માં ભાજપ અને કોંગ્રેસ એ બન્ને પક્ષોમાં આંતરિક મતભેદો હોવાના તથા નેતાઓ વચ્ચે ગજગ્રાહ હોવાના અહેવાલોની સ્ટોરીઓ રોજેરોજ ચર્ચાતી હતી, તો આ વર્ષ ર૦ર૪ ની ચૂંટણીમાં પણ લગભગ તેવી જ ચર્ચાઓ થઈ રહી છે, તે સમયે ભાજપના લાલકૃષ્ણ અડવાણી અને મુરલી મનોહર જોષી જેવા વરિષ્ઠ નેતાઓને પણ મનાવી લેવાય, પરંતુ વાજપેયી સરકારમાં મંત્રી રહી ચૂકેલા રાજસ્થાનના દિગ્ગજ અને પીઢ નેતા જશવંતસિંઘે બગાવત કરી હતી અને અપક્ષ તરીકે ચૂંટણી લડ્યા હતાં.
એનડીએનો મુખ્ય ચહેરો પી.એમ. મોદી
વર્ષ ર૦૧૪ માં પણ ભાજપના સ્ટાર પ્રચારકોએ દેશભમાં જે પ્રચાર-પ્રસાર કર્યો, તેનું નેતૃત્વ નરેન્દ્રભાઈએ લીધું હતું, અને આ વખતે પણ તેમણે જ એનડીએની દેશવ્યાપી પ્રચારની મુખ્ય કમાન્ડ સંભાળી છે. તે સમયે ભાજપનો ર૭ર પ્લસ બેઠકોનો લક્ષ્યાંક જાહેર કરાયો હતો, જ્યારે વર્ષ ર૦ર૪ ની ચૂંટણીમાં આ વખતે ભાજપને ૩૬૦ પ્લસ અને એનડીએનો ૪૦૦ ને પારનો લક્ષ્યાંક જાહેર કરાયો છે. વિપક્ષના મુખ્ય ચહેરામાં આ વખતે સોનિયા ગાંધી ગત્ ચૂંટણી જેટલા સક્રિય નથી, પરંતુ પ્રિયંકા ગાંધી વધુ સક્રિય છે. ઉપરાંત કેજરીવાલના સ્થાને તેમના પત્ની પ્રચાર કરે છે.
લક્ષ્યાંક બન્યો કોયડો
વર્ષ ર૦૧૪ માં ર૭ર પ્લસનો ટાર્ગેટ રાજકીય પંડિતો માટે કોયડો બની ગયો હતો, તેવી જ રીતે વર્ષ ર૦ર૪ માં ભાજપને ૩૬૦ પ્લસ અને એનડીએનો ૪૦૦ પ્લસનો ટાર્ગેટ પણ કોયડા જેવો જ છે. વર્ષ ર૦૧૪ માં વડાપ્રધાન નરેન્દ્ર મોદી વડોદરા અને વારાણસીની બે બેઠકો પરથી ચૂંટણી લડ્યા હતાં, જ્યારે આ વખતે વારાણસી બેઠક માટે ૧૩ મી મે ના ફોર્મ ભરવાના હોવાના અહેવાલો છે.
ભાજપનું કોંગ્રેસીકરણ થવાની આલોચના
વર્ષ ર૦૧૪ માં પણ જ્યારે કોંગ્રેસ તથા અન્ય પક્ષોમાંથી પક્ષાંતર કરીને નેતાઓ ભાજપમાં સામેલ થવા લાગ્યા, ત્યારે ભાજપનું કોંગ્રેસીકરણ થઈ રહ્યું હોવાની ટીકાઓ થઈ હતી. વર્ષ ર૦ર૪ માં પણ લગભગ આ જ પ્રકારની આલોચના થઈ રહી છે.
મુદ્દાઓની સામ્યતા અને તફાવત
વર્ષ ર૦૧૪ માં ઘણાં સંતો-મહંતોએ તથા અન્ય ધાર્મિક ક્ષેત્રના અગ્રણીઓએ પ્રત્યક્ષ કે પરોક્ષ રીતે લોકસભાની ચૂંટણી માટે પોતાના અભિપ્રાયો આપ્યા હતાં, જેનું પ્રમાણ આ વખતે ઓછું રહ્યું છે. વર્ષ ર૦૧૪ માં ચૂંટણીના એનડીએ અને યુપીએના મુદ્દાઓ હતાં, લગભગ તે જ મુદ્દાઓ અલગ સ્વરૂપે આ વખતે 'એનડી' એલાયન્સ અને 'ઈન્ડી' એલાયન્સના છે. વર્ષ ર૦૧૪ ની ચૂંટણીમાં તે સમયની કેન્દ્ર સરકાર વિરૂદ્ધ વિપક્ષી યુપીએ ગઠબંધને તડાપીટ બોલાવી હતી, તો આ વખતે કેન્દ્ર સરકાર વિરૂદ્ધ ઈન્ડિયા ગઠબંધન તડાપીટ બોલાવી રહ્યું છે. વિપક્ષના રાહુલ ગાંધી અને મલ્લિકાર્જુન ખડગે રાષ્ટ્રીય કક્ષાનો પ્રચાર સંભાળી રહ્યા છે.
એનડીએનું વિસ્તૃતિકરણ
વર્ષ ર૦૧૪ ની ચૂુંટણી પહેલા પણ એનડીએનો વિસ્તાર વધારવાના પ્રયાસો થયા હતાં. ભાજપનું મુખ્યત્વે શિવસેના, અસ્કાલીદળ, જેડીયુ, એઆઈએડીએમકે, વગેરે રાજકીય પક્ષો સાથે જોડાણ હતું, અને તેમાં કેટલાક વધુ પ્રાદેશિક પક્ષોને સમાવીને એનડીએનું ગઠબંધન રચાયું હતું, જેની સામે કોંગ્રેસના નેતૃત્વમાં યુપીએનો મજબૂત પડકાર હતો, જ્યારે આ વખતે સ્થિતિ બદલાઈ ગઈ છે.
'એનડી' વિરૂદ્ધ 'ઈન્ડી'
વર્ષ ર૦૧૯ ની લોકસભાની ચૂંટણી પહેલા મૂળ એનડીએના કેટલાક મુખ્ય સાથીદાર પક્ષો વિખૂટા પડી ગયા હતાં, અને એનડીએ જાણે સંકોચાઈ ગયું હતું, પરંતુ તે પછી ભાજપે કેટલાક નવા પક્ષોને સામેલ કર્યા. મહરાષ્ટ્રમાં એનસીપી અને શિવસેનાના ભાગલા પડ્યા પછી તેના બળવાખોર જુથો એનડીએમાં આવ્યા, અને વર્ષ ર૦ર૪ ની ચૂંટણીમાં નાના-મોટા સંખ્યાબંધ રાજકીય પક્ષોને સમાવીને એનડીએ ફરીથી વિસ્તૃત ગઠબંધન બન્યું, તેવી જ રીતે વિપક્ષોએ એકજુથ થઈને 'ઈન્ડિયા' નામનું ગઠબંધન રચ્યું, જેને 'એનડી' એલાયન્સ અને 'ઈન્ડી' એલાયન્સ વચ્ચે ફાઈટ છે. હવે જોઈએ, તેમાં જનાદેશ કોને મળે છે તે...
વર્ષ ર૦ર૪ ની ચૂંટણીમાં ગુજરાતના મતદારો
લોકસભાની વર્ષ ર૦ર૪ ની ચૂંટણીમાં કુલ ૪,૯૭,૬૮,૬૭૭ મતદારો નોંધાયા છે, તેમાંથી ૧ર,ર૦,૪૩૮ મતદારો પ્રથમ વખત મતદાન કરશે. ગુજરાતના કુલ મતદારોમાં ર,પ૬,૧૬,પ૪૦ પુરુષ મતદારો, ર,૪૧,પ૦,૬૦૩ મહિલા મતદારો અને ત્રીજી જાતિ (ટ્રાન્સજેન્ડર) ૧પ૩૪ મતદારોનો સમાવેશ થાય છે.
આ મતદારોમાં ૧૮ થી ર૯ વર્ષની વયજુથમાં ૧,૧૬,૦૬,૧૮૮ મતદારો, ૮પ વર્ષથી ઉપરની વયજુથના ૪,૧૯,પ૮૪ મતદારો છે, જ્યારે ૧૦,૦૩૬ ૧૦૦ વર્ષ કે તેથી વધુ ઉંમરના છે અને ૩,પ૭,૬૭૩ દિવ્યાંગ મતદારો છે. સૌથી વધુ મતદારો નવસારી બેઠક પર છે, જ્યાં રર,ર૩,પપ૦ મતદારો છે અને સૌથી ઓછા ભરૂચ બેઠક પર છે. ભરૂચમાં ૧૭,ર૩,૩પ૩ મતદારો નોંધાયા છે.
ગુજરાતમાં કુલ ર૭,પપપ એનઆરઆઈ મતદારો મતાધિકારનો ઉપયોગ કરી શકશે. અંતિમ મતદાર યાદીમાં વિદેશમાં વસવાટ કરતા ૯૦૦ મતદારો નોંધાયેલા છે.
ગુજરાતના મતદારો પૈકી સુરતના મતદારોને મતદાન કરવાનું રહેશે નહીં, કારણ કે ત્યાંની બેઠક બિનહરિફ થઈ છે. આ કારણે રાજ્યના કુલ મતદારો પૈકી સુરતના મતદારોનું મતદાન થઈ ગયેલું ગણાશે, પરંતુ મતદાનના ડેટા ટેબલમાં તેને કેવી રીતે સમાવેશ થાય, તે અંગે ભિન્ન ભિન્ન મંતવ્યો પ્રવર્તે છે, જો કે ચૂંટણી પ્રક્રિયા સંપન્ન થઈ જશે, તે પછીના ડેટા ટેબલમાં નોંધાયેલા મતદારો અને મતદાન કર્યું હોય તેવા મતદારોના કોલમ પાસે બિનહરિફ થયેલા વિસ્તારોના મતદારોની અલગ નોંધ થાય છે કે પછી સુરત બેઠબ પર ૧૦૦ ટકા મતદાન ગણી લેવામાં આવે છે, તે જોવાનું રહે છે, ખરૂ ને?
વર્ષ ર૦૧૪ની ચૂંટણીમાં ર૬ બેઠકો પર વિજયી થયેલા ઉમેદવારોની યાદી
ગુજરાતમાં વર્ષ ર૦૧૪ ની ચૂંટણીમાં વિજેતા થયેલા અને લોકસભાના સભ્યો તરીકે સેવા આપનાર ઉમેદવારોમાં અમદાવાદ (પૂર્વ) માંથી પરેશ રાવલ, અમદાવાદ (પશ્ચિમ) ની બેઠક પરથી ડો. કિરીટ સોલંકી, અમરેલીથી નારણભાઈ કાછડિયા, આણંદથી દિલીપ પટેલ, બનાસકાંઠાથી હરિભાઈ ચૌધરી, બારડોલીથી પ્રભુભાઈ વસાવા, ભરૂચથી મનસુખભાઈ વસાવા, ભાવનગરથી ડો. ભારતીબેન શિયાળ, છોટાઉદેપુરથી રામસિંહ રાઠવા, દાહોદથી જશવંતસિંહ ભાભોર, ગાંધીનગરથી એલ.કે. અડવાણી, જામનગરથી પૂનમબેન માડમ, જૂનાગઢથી રાજેશભાઈ ચુડાસમા, કચ્છથી વિનોદભાઈ ચાવડા, ખેડાથી દેવુસિંહ ચૌહાણ, મહેસાણાથી જયશ્રીબેન પટેલ, નવસારીથી સી.આર. પાટીલ, પંચમહાલથી પ્રભાતસિંહ ચૌહાણ, પાટણથી લિલાધરભાઈ વાઘેલા, પોરબંદરથી વિઠ્ઠલભાઈ રાદડિયા, સાબરકાંઠાથી દિપસિંહ રાઠોડ, સુરતથી દર્શનાબેન જરદોશ, સુરેન્દ્રનગરથી દેવજીભાઈ ફતેપરા, વડોદરાથી નરેન્દ્ર મોદી અને વલસાડથી ડો. કે.સી. પટેલ ચૂંટાયા હતાં. બધા જીતેલા ઉમેદવારો ભાજપના હતાં.
:: આલેખન ::
વિનોદકુમાર કોટેચા, એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
નવા મતદારો કોના તરફ ઢળશે, મતદારોનો મૂડ કેવો રહેશે અને હવે પછીના તબક્કાઓમાં ટકાવારી કેટલી રહેશે તેની ચર્ચા
આવતીકાલે વડાપ્રધાન નરેન્દ્ર મોદી ભાજપના સ્ટાર પ્રચારક તરીકે જામનગરમાં પ્રચારાર્થે આવી રહ્યા છે, ત્યારે હાલારમાં રાજકીય માહોલમાં સ્વાભાવિક રીતે જ ગરમાવો આવ્યો છે અને જામનગરમાં ધમધમાટ વધ્યો છે.
લોકસભાની ચૂંટણીમાં ત્રીજા તબક્કામાં ગુજરાત સહિતની ૯૪ બેઠકો પર ૭ મી મે ના મતદાન થનાર છે, અને તેની ચૂંટણીપંચે પણ તમામ તૈયારીઓ કરી લીધી છે. ચૂંટણીના આ ચક્રવ્યૂહ વચ્ચે કેટલાક વિશ્લેષણો પણ થઈ રહ્યા છે અને લોકસભાની ગત્ ચૂંટણીના કેટલાક રસપ્રદ આંકડાઓ તથા નોંધપાત્ર ઘટનાઓની ચર્ચાઓ પણ થઈ રહી છે, તયારે આપણે પણ બહેતી ગંગામાં થોડા હાથ ધોઈ લઈએ ને? તો ચાલો... થોડું જાણીએ, વિચારીએ અને ૭ મી મે ના દિવસે સૌ પ્રથમ મતદાન કરીને પછી જ બીજુ કામ કરવાનો સંકલ્પ લઈએ.
વર્ષ ર૦ર૪ ની લોકસભાની ચૂંટણીમાં વધુમાં વધુ મતદાન થાય, તે માટે રાજકીય પક્ષો અને ઉમદવારો જ નહીં, પરંતુ ચૂંટણીપંચ પણ મતદાર જાગૃતિના વિવિધાસભર કાર્યક્રમો યોજી રહ્યું છે, અને પ્રિન્ટ અને ઈલેક્ટ્રોનિમ મીડિયા ઉપરાંત સોશ્યલ મીડિયાના વિવિધ પ્રકારો તથા ઈન્ટરનેટ આધારિત વેબસાઈટ્સ તેમજ ટેલિફોનિક મેસેજીસનો પણ ભરપૂર ઉપયોગ થઈ રહ્યો છે. પ્રથમ બે તબક્કામાં ધાર્યા કરતા ઓછું મતદાન થતા મતદાન જાગૃતિના કાર્યક્રમો વધુ તેજ થયા છે.
ગત્ ચૂંટણીમાં રાષ્ટ્રીય સરેરાશ (નેશનલ એવરેજ) થી ઓછું મતદાન નોંધાયું હોય, તેવા રાજ્યોમાં ગુજરાતનો પણ સમાવેશ થાય છે. વર્ષ ર૦૧૯ માં રાષ્ટ્રીય સરેરાશ મતદાન ૬૭.૪૦ ટકા હતું, તેનાથી ઓછું ૬૪.પ ટકા મતદાન ગુજરાતમાં નોંધાયું હતું. તે ઉપરાંત અન્ય ૧૦ રાજ્યોમાં પણ સરેરાશથી ઓછું મતદાન થયું હતું. ચૂંટણીપંચ આ તમામ રાજ્યો પર આ વખતે વિશેષ ધ્યાન રાખીને મતદાન રાષ્ટ્રીય સરેરાશને આંબી જાય કે તેથી ઊંચુ રહે તેવા પ્રયાસો કરી રહ્યું છે.
રાષ્ટ્રીય સરેરાશ કરતા ઓછું મતદાન
ચર્ચિત આંકડાઓ મુજબ વર્ષ ર૦૧૯ માં રાજસ્થાનમાં ૬૬.૩ ટકા, ઝારખંડમાં ૬૬.૮ ટકા, પંજાબમાં ૬પ.૯ ટકા, તેલંગણામાં ૬ર.૮ ટકા, ગુજરાતમાં ૬૪.પ ટકા, ઉત્તરાખંડમાં ૬૧.૯ ટકા, મહારાષ્ટ્રમાં ૬૧ ટકા, દિલ્હી (એનસીઆર) માં ૬૦.૬ ટકા, ઉત્તરપ્રદેશમાં પ૯.ર ટકા, બિહારમાં પ૭.૩ ટકા અને જમ્મુ-કાશ્મીરમાં ૪પ ટકા મતદાન રહ્યું હતું. જે ગત્ ચૂંટણીના વર્ષ ર૦૧૯ ના મતદાનની રાષ્ટ્રીય સરેરાશ ૬૭.૪૦ ટકા કરતાયે ઓછું રહ્યું હતું.
મતદાન જાગૃતિ કાર્યક્રમોમાં તેજીની ચર્ચા
ચૂંટણીપંચની દિલ્હીની એક ઉચ્ચસ્તરીય બેઠકમાં પણ આ મુદ્દો ચર્ચાયો હતો અને જે રાજ્યોમાં રાષ્ટ્રીય સરેરાશ કરતા પણ વર્ષ ર૦૧૯ ની ચૂંટણીમાં મતદાન ઓછું રહ્યું હતું, તે તમામ રાજ્યોમાં આ વખતે વિશેષ મતદાર જાગૃતિના કાર્યક્રમો યોજવાની ચર્ચા પણ થઈ હોવાનું કહેવાય છે. આ ઉપરાંત સમગ્ર દેશમાં 'સ્વીપ' જેવા કાર્યક્રમો દ્વારા મતદારજાગૃતિના કાર્યક્રમો વધારવામાં આવી રહ્યા છે.
એ પછી પ્રથમ બે તબક્કામાં થયેલા મતદાનની સમીક્ષા કરીને અને તેના કારણોની જાણકારી મેળવીને ત્રીજા તબક્કામાં અધિકત્તમ મતદાનના પ્રયાસો થઈ રહ્યા છે.
પ્રત્યેક રાજકય પક્ષનો ઉદ્દેશ્ય આમ તો તમામ મતદારોને આકર્ષવાનો હોય છે, પરંતુ નવા નોંધાયેલા મતદારોમાં સ્થળાંતર કરીને આવેલા મતદારો સિવાયના યુવા મતદારો પણ ઘણાં વધ્યા હોવાથી તેના પર રાજકીય પક્ષો તથા ઉમેદવારોની વિશેષ નજર રહેવાની છે.
સૌરાષ્ટ્રમાં કેટલા નવા મતદારો?
આંકડાઓ મુજબ વર્ષ ર૦૧૯ ની સરખામણીમાં આ વખતે વર્ષ ર૦૧૪ માં રાજકોટ બેઠક પર થતા ર.ર૦ લાખથી વધુ મતદારોની સંખ્યા વધી છે. કચ્છમાં તેવી જ રીતે આ વખતે વર્ષ ર૦ર૪ ની લોકસભાની ચૂંટણી માટે વર્ષ ર૦૧૯ કરતા અન્ય બેઠકો પર પણ નોંધપાત્ર વધારો થયો છે. સૌરાષ્ટ્રના તમામ જિલ્લાઓમાં નવા ઉમેરાયેલા મતદારોની સંખ્યા સાડાબાર લાખ જેટલી થાય છે.
કચ્છ બેઠકમાં ૧.૯૧ લાખ, ભાવનગરની બેઠક પર ૧.૪ર લાખ, સુરેન્દ્રનગરની બેઠક પર ૧.૭૮ લાખ, અમરેલીની બેઠક પર ૧.૦૩ લાખ, પોરબંદરની બેઠક પર ૧.૦૧ લાખ, જામનગરની બેઠક પર ૧.પ૭ લાખ અને રાજકોટ બેઠક પર ર.ર૦ લાખથી વધુ નવા મતદારો ઉમેરાયા છે.
સૌરાષ્ટ્ર-કચ્છમાં કુલ ૧ર.૪ર લાખથી વધુ નવા ઉમેરાયેલા મતદારો સૌરાષ્ટ્રની તમામ બેઠકો પર મહત્ત્વપૂર્ણ ભૂમિકા ભજવી શકે છે, અને કોઈપણ ઉમેદવારની હાર-જીત કે લીડ વધારવા-ઘટાડવા માટે નિમિત્ત પણ બની શકે છે. ટૂંકમાં નવા મતદારો પણ ઉમેદવારો અને રાજકીય પક્ષોના ધ્યાનમાં જ હશે, અને તેનું મહત્તમ મતદાન કરાવવાના હકારાત્મક પ્રયાસો પણ થઈ રહ્યા જ હશે.
જામનગરમાં મુખ્ય ફાઈટ ભાજપ-કોંગ્રેસ વચ્ચે
ટૂંકમાં, જામનગરમાં મુખ્ય ફાઈટ ભાજપ અને કોંગ્રેસ વચ્ચે છે, અને હવે પ્રચાર વેગીલો બની રહ્યો છે, ત્યારે નવા નોંધાયેલા યુવા મતદારો કોના તરફ ઢળશે અને ગત્ ચૂંટણીની સરખામણીએ આ ચૂંટણીમાં મુદ્દાઓ તથા સાંપ્રત જન-અપેક્ષાઓમાં ક્યા ક્યા અને કેવા કેવા ફેરફારો થયા છે, તેનું હવે પોસ્ટમોર્ટમ શરૂ થયું છે.
સૌરાષ્ટ્ર-કચ્છમાં મુખ્ય બન્ને પક્ષોના ઉમેદવારોની સંપત્તિ
લોકસભાની ચૂંટણી માટે ઉમેદવારોએ રજૂ કરેલા સોગંદનામાઓના આધારે બહાર આવેલા આંકડાઓ મુજબ સૌરાષ્ટ્ર-કચ્છમાં ચૂંટણીમાં ઝંપલાવનાર મુખ્ય બન્ને રાજકીય પક્ષોની ત્રણેય સત્તાવાર મહિલા ઉમેદવારો કરોડપતિ છે. જેમાં જામનગરના ભાજપના ઉમેદવાર પૂનમબેન માડમની સ્થાવર અને જંગમ મળીને કુલ ૧૪૭ કરોડ સંપત્તિ, ભાવનગરના ભાજપના ઉમેદવાર નીમુબેન બાંભણિયાની સંપત્તિ ર.૮૯ કરોડ અને અમરેલીના કોંગ્રેસના ઉમેદવાર જેનીબેન ઠુમરની સંપત્તિ ૮.૪૭ કરોડ છે. આ આંકડાઓ મીડિયાના માધ્યમથી પ્રશારિત થઈ રહ્યા છે.
સૌરાષ્ટ્ર-કચ્છ રિઝિયનના ભારતીય જનતા પક્ષ તથા કોંગ્રેસના ૮ બેઠકો પર નસીબ અજમાવી રહેલા ૧૬ ઉમેદવારોમાંથી ૧ર ઉમેદવારો તો કરોડપતિ છે. કોંગ્રેસના કચ્છના ઉમેદવાર નિતેશ લાલણ પાસે સૌથી ઓછી સંપત્તિ ૧ર લાખ નોંધાવાઈ છે, ભાજપ અને કોંગ્રેસના જૂનાગઢ, રાજકોટ અને પોરબંદરના ઉમેદવાર કરોડપતિ છે, એટલે કે મુખ્ય બન્ને પક્ષોના ઉમેદવારો કરોડપતિ છે.
એ.ડી.આર.ને ટાંકીને આવેલા અહેવાલ મુખ્ય ઉમેદવારોની સંપત્તિ જોઈએ તો કચ્છમાં ભાજપના ઉમેદવાર વિનોદભાઈ ચાવડાની સંપત્તિ ૬.૩૦ કરોડ જાહેર કરવામાં આવી છે, જ્યારે કોંગ્રેસના નિતેશ લાલણની સંપત્તિ ૧ર.૦ર લાખ નોંધાવાઈ છે. ભાવનગરમાં આમ આદમી પાર્ટીના ઉમેદવાર ઉમેશ મકવાણાની સંપત્તિ ૬૭.૯૭ લાખ અને ભાજપના ઉમેદવાર નીમુબેન બાંભણિયાની સંપત્તિ ર.૮૯ કરોડ નોંધાવાઈ છે.
રાજકોટની બેઠક પર ચર્ચાસ્પદ બનેલા ભાજપના ઉમેદવાર અને કેન્દ્રિય મંત્રી પરસોત્તમ રૂપાલાની સંપત્તિ ૧૭.૪૩ કરોડ અને પરેશ ધાનાણીની સંપત્તિ ૧.૬૬ કરોડ, જામનગરમાં ભાજપના પૂનમબેન માડમની સંપત્તિ એકંદરે ૧૪૭ કરોડ અને કોંગ્રેસના જયંત પી. મારવિયાની સંપત્તિ ૯૯.૯ લાખ, અમરેલીમાં ભાજપના ભરત સુતરિયાની સંપત્તિ ૮૩.૭૮ લાખ અને જેનીબેન ઠુમર (કોંગ્રેસ) ની સંપત્તિ ૮.૪૭ કરોડ, જૂનાગઢમાં ભાજપના રાજેશ ચુડાસમાની સંપત્તિ ર.૯૯ કરોડ અને હીરાભાઈ જોટવા (કોંગ્રેસ) ની સંપત્તિ ૬.૬પ કરોડ, પોરબંદરમાં કેન્દ્રિય મંત્રી અને ભાજપના ઉમેદવાર મનસુખ માંડવિયાની સંપત્તિ પ.૯૬ કરોડ અને કોંગ્રેસના લલિત વસોયાની સંપત્તિ ર.૪ર કરોડ, જ્યારે ચંદુલાલ શિહોરા-સુરેન્દ્રનગર (ભાજપ) ના ઉમેદવારની સંપત્તિ પ૩.૮૪ લાખ અને કોંગ્રેસના સુરેન્દ્રનગરના ઉમેદવાર ઋત્વિક મકવાણાની સંપત્તિ ૧.૦૮ કરોડ નોંધાવાઈ છે.
જો કે, એવા આંકડાઓ પણ બહાર આવ્યા છે કે ગુજરાતમાં બસપાના ઉમેદવાર રેખાબેન ચૌધરીએ સૌથી ઓછી સંપત્તિ માત્ર રૂ. બે હજાર નોંધાવી છે.
જામનગરમાં દ્વિપક્ષિય મુકાબલો
જામનગરમાં દ્વિપક્ષિય મુકાબલો છે. ભારતીય જનતા પક્ષના પૂનમબેન માડમ સામે કોંગ્રેસના જયંત પી. મારવિયા વચ્ચે મુખ્ય ચૂંટણી જંગ છે. આ દ્વિપક્ષિય મુકાબલો ધીમે ધીમે પ્રચંડ પ્રચાર તરફ આગળ વધી રહ્યો છે, અને ભાજપના સર્વોચ્ચ સ્ટાર પ્રચારક ઉપરાંત વિપક્ષી ગઠબંધનના રાષ્ટ્રીય કક્ષાના નેતાઓના પ્રવાસના કારણે ચૂંટણીનો માહોલ હવે જામવા લાગ્યો હોય તેમ જણાય છે.
જામનગરમાં 'નોટા'માં મતદાન
જામનગરની લોકસભા બેઠક પર વર્ષ ર૦૧૪ માં કાલાવડ મતવિસ્તારમાં ૯ર૩, જામનગર (ગ્રામ્ય) માં ૧૦૦૦, જામનગર (ઉત્તર) માં ૧૧૯૪, જામનગર (દક્ષિણ) માં ૧૧૩૪, જામજોધપુરમાં ૭૬૧, ખંભાળિયામાં ૭૬૧ અને દ્વારકા મતવિસ્તારમાં નોટામાં ૭૪ર મતો પડ્યા હતાં. તે પછી વર્ષ ર૦૧૯ ની લોકસભાની ચૂંટણીમાં કાલાવડ મતવિસ્તારમાં ૮૭પ, જામનગર (ગ્રામ્ય) માં ૧ર૮પ, જામનગર (ઉત્તર) માં ૧૪૧૧, જામનગર (દક્ષિણ) માં ૧૦૯ર, જામજોધપુરમાં ૮૭૧, ખંભાળિયા મત વિસ્તારમાં ૧૦૭૮ અને દ્વારકા વિસ્તારમાં ૧૦૪૭ મતો નોટામાં પડ્યા હતાં. કુલ વર્ષ ર૦૧૪ માં ૬પ૪૬ અને વર્ષ ર૦૧૯ માં ૭૭૯૭ મતો નોટામાં પડ્યા હતાં.
:: આલેખન ::
વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પ્રથમ લોકસભામાં ૪૦૧ લોકસભા મતવિસ્તારો હતાં અને ૪૮૯ સાંસદો ચૂંટાયા હતાં:
આઝાદી પછી કેટલીક લોકસભાની બેઠક પર અત્યારે મહાનગરપાલિકામાં એક વોર્ડમાંથી ચાર કોર્પોરેટર ચૂંટાય છે, તેવી રીતે એકથી વધુ સાંસદો ચૂંટાતા હતાં. ગુજરાતમાં વર્ષ ૧૯૬ર થી સંખ્યાબંધ અપક્ષ ઉમેદવારોએ ચૂંટણીમાં ઝંપલાવ્યું, પરંતુ લોકસભામાં અપવાદ સિવાય અપક્ષોને સફળતા મળી નથી અને ઘણાંની ડિપોઝિટ જપ્ત થઈ હતી.
વર્ષ ર૦ર૪ માં પ્રથમ બે તબક્કાના મતદાનના વિશ્લેષણો થઈ રહ્યા છે, અને સંખ્યાબંધ કરોડપતિ ઉમેદવારોએ ચૂંટણીમાં ઝંપલાવ્યું છે, તેની રસપ્રદ વિગતોની સાથે સાથે હવે પછીના તબક્કામાં ક્યા મુદ્દાઓ હશે, તેની ચર્ચા પણ થઈ રહી છે.
આઝાદીથી અત્યાર સુધીની કેટલીક જાણવા જેવી અને ઓછી ચર્ચાયેલી વિગતો પ્રસ્તુત કરી છે અને રેઈન-બોની જેમ વિવિધ આંકડાકીય ગુંથણી કરીને સરળ ભાષામાં રજૂ કરવાનો પ્રયત્ન કર્યો છે, જે કદાચ વાચકોને અવશ્ય ગમશે.
કરોડપતિ ઉમેદવારો
પ્રથમ તબક્કાના મતદાનમાં ગત્ ચૂંટણી કરતા ઓછું મતદાન થતા બીજા તબક્કામાં વધુ મતદાન કરાવવાના પ્રયાસો થયા હતાં... લોકસભાની ચૂંટણીના પહેલા તબક્કાનું મતદાન પૂર્ણ થયું, તેમાં ૧૬રપ ઉમેદવારો મેદાનમાં હતાં, તેમાંથી ૪પ૦ ઉમેદવારો કરોડપતિ છે. ૧૯૩ ઉમેદવારો પાસે પાંચ કરોડથી વધુ, ૧ર૯ ઉમેદવારો પાસે ર કરોડથી વધુ, ર૭૬ ઉમેદવારો પાસે પ૦ લાખથી વધુ, ૪૩૬ ઉમેદવારો પાસે ૧૦ લાખથી વધુ અને પ૭૩ ઉમેદવારો પાસે છ લાખથી ઓછી સંપત્તિ છે. પક્ષવાર સૌથી વધુ ડીએમકેના ૩૬ ઉમેવારો પાસે ૩પ કરોડથી વધુની સરેરાશ સંપત્તિ છે, જ્યારે સૌથી ઓછી તુણમુલ કોંગ્રેસના પાંચ ઉમેદવારો પાસે માત્ર ૩.૭ર કરોડની સરેરાશ સંપત્તિ છે. ભાજપના ૭૭ અને કોંગ્રેસના પ૬ ઉમેદવારો એવરેજ રર થી ર૮ કરોડની સંપત્તિ ધરાવતા હવાના તારણો નીકળ્યા છે... પહેલા તબક્કામાં ચૂંટણી લડી ચૂકેલા મધ્યપ્રદેશના પૂર્વ મુખ્યમંત્રી કમલનાથના પુત્ર નકુલનાથ પાસે ૭૧૬ કરોડની સંપત્તિ જાહેર કરાઈ છે જે સૌથી વધુ ધનિક ઉમેદવાર છે. દસ ઉમેદવારોએ પોતાની સંપત્તિ શૂન્ય જાહેર કરી છે, જ્યારે ત્રણ ઉમેદવારો પોતાની સંપત્તિ માત્ર ૩૦૦ થી પ૦૦ રૂપિયાની વચ્ચે બતાવી છે.
બીજા તબક્કામાં જ્યાં ચૂંટણી સંપન્ન થઈ છે, તે વિસ્તારોમાં પ્રચાર પરાકાષ્ટાએ પહોંચ્યો હતો. બીજા તબક્કાનું મતદાન ર૬ એપ્રિલે થયું છે. આ ચૂંટણી કેટલાક સ્થળે એકપક્ષીય હોય કે કોઈ સ્થળે તદ્ન નિરસતા હોય, તેવું લાગતું હોવાના કારણો અને તારણો પણ નીકળી રહ્યા છે, જો કે ટકાવારીની દૃષ્ટિએ કેટલાક રાજ્યોમાં બીજા તબક્કામાં ઉત્સાહ તો કેટલાક રાજ્યોમાં ઉદાસિનતા જોવા મળી હતી.
એ.ડી.આર.ના રિપોર્ટ મુજબ બીજા તબક્કામાં ચૂંટણી લડી ચૂકેલા ઉમેદવારોમાંથી ૩૯૦ ઉમેદવારો તો કરોડપતિ છે, જેમાં ભાજપના ૬૮ અને કોંગ્રેસના ૬ર કરોડપતિ ઉમેદવારોનો સમાવેશ થાય છે. તે ઉપરાંત સી.પી.આઈ.ઓમ.ના ૧ર, જનતાદળ (યુ)ના પ, શિવસેના (યુબીટી) તથા સમાજવાદી પાર્ટીના ચાર-પાંચ, અને ટીએમસીના પણ ચાર ઉમેદવારો કરોડપતિ છે. કોંગ્રેસના માંડ્યાના ઉમેદવાર સ્ટાર ચંદુ પાસે સૌથી વધુ ૬ર૩ કરોડ અને ડી.કે. સુરેશ પાસે પ૯૩ કરોડની સંપત્તિ છે. હેમામાલિની પાસે ર૭૯ કરોડની સંપત્તિ છે, ત્યારે નાંદેડના એક અપક્ષ ઉમેવવારે તો માત્ર પાંચસો રૂપિયાની સંપત્તિ નોંધાવી છે.
તબક્કાવાર મતદાન અને ટ્રેન્ડ
પ્રથમ તબક્કામાં ઓછું મતદાન થયા પછી બીજા તબક્કામાં પ્રયાસો વધારવાથી થોડો તફાવત જણાયો, પણ રાજ્યવાર ટ્રેન્ડ એવો જ રહ્યો છે. બીજા તબક્કામાં ત્રિપુરા, મણિપુરમાં ૭પ ટકાથી વધુ, પં. બંગાળ, આસામ, છત્તીસગઢમાં ૭૦ ટકાથી વધુ મતદાન થયું, અને કેરળ, કર્ણાટક, જમ્મુ અને કાશ્મીર, રાજસ્થાન જેવા રાજ્યોમાં ૬૦ ટકાની આસપાસ કે તેથી વધુ મતદાન થયું, જ્યારે બિહાર, ઉત્તરપ્રદેશ, મધ્યપ્રદેશ અને મહારાષ્ટ્રમાં પ૦ થી પ૬ ટકા જેટલું મતદાન થયું, તેવા પ્રારંભિક આંકડા જોતા હવે ત્રીજા તબક્કામાં આથી પણ વધુ મતદાન થાય, તે માટે ચૂંટણીપંચ તો પ્રયાસો કરશે જ, પરંતુ રાજકીય પક્ષો અને ઉમેદવારો પણ વધુમાં વધુ મતદાન કરાવવા માટે નવી રણનીતિ ઘડશે અને એડીચોટીનું જોર લગાવશે તે નક્કી છે. બીજા તબક્કામાં મતદાનો ટ્રેન્ડ લગભગ પહેલા તબક્કા જેવો જ રહ્યો હોવાથી તેના રાજકીય સંદર્ભો પણ નીકળવા લાગ્યા છે.
ત્રીજા તબક્કામાં ઝંઝાવાતી પ્રચાર
ત્રીજા તબક્કામાં ગુજરાતમાં લોકસભાની ચૂંટણી માટે નોંધાયેલા ૧૬૭ ઉમેદવારોમાંથી હવે સુરતના ઉમેદવારોની બાદબાકી થઈ ગઈ છે, કારણ કે હવે ત્યાં ચૂંટણી જેવું કાંઈ રહ્યું જ નથી, કારણ કે ત્યાંની બેઠક ભાજપે નિર્વિરોધ જીતી લીધી છે, તેથી હવે ૭ મે ના દિવસે રપ બેઠકોની ચૂંટણી થવાની છે. ગુજરાત રાજ્ય સ્થાપના દિનના અઠવાડિયામાં જ રાજ્યમાં લોકસભાની ચૂંટણી યોજાવા જઈ રહી છે, તે પણ યોગાયોગ જ છે ને?
હવે વડાપ્રધાન નરેન્દ્ર મોદી ભાજપના સ્ટાર પ્રચારક તરીકે ગુજરાતની મુલાકાતે આવી રહ્યા છે, અને કોંગ્રેસ તથા આમ આદમી પાર્ટીના નેતાઓ રાહુલ ગાંધી, પ્રિયંકા ગાંધી, મલ્લિકાર્જુન ખડગે, ભગવંત માન, સંજયસિંહ વગેરે પણ ઝંઝાવતી પ્રચાર માટે ગુજરાતની મુલાકાતે આવી રહ્યા હોવાનું કહેવાય છે.
ભૂતકાળમાં કેટલીક બેઠકો પર બે થી ત્રણ સાંસદો ચૂંટાયા હતાં
અત્યારે મહાનગરપાલિકાઓમાં જેમ એક વોર્ડમાંથી ચાર કર્પોરેટરો ચૂંટાય છે, તેમ વર્ષ ૧૯૬૧ પહેલા દેશમાં કેટલાક લોકસભા મતવિસ્તારો એવા પણ હતાં કે જ્યાંથી બે કે ત્રણ સાંસદો ચૂંટાતા હતાં.
ભારત આઝાદ થયું તે પછીની લોકસભાની પ્રથમ બે ચૂંટણીઓમાં ૯૦ ની આસપાસ લોકસભાની બેઠકો પરથી બે કે ત્રણ સભ્યો ચૂંટાયા હતાં. પ્રથમ ચૂંટણીમાં ૮૬ અને બીજી ચૂંટણીમાં ૯૧ બેઠકો પરથી બે કે ત્રણ સભ્યો ચૂંટાયા હતાં. આ વ્યવસ્થા અનુસૂચિત જાતિ અને જનજાતિના પ્રતિનિધિત્વ આપવા માટે કરાઈ હતી.
વર્ષ ૧૯પ૦ માં ર૬ જાન્યુઆરીથી ભારતમાં બંધારણ લાગુ કરાયું, તે પછી થોડા સમયમાં સંસદમાં લોકસભા, વિધાનસભાઓની ચૂંટણીઓને લઈને કાયદો પસાર કરાયો હતો. આઝાદી પછી પ્રથમ ચૂંટણીમાં ૩૧૪ બેઠકો પરથી એક-એક સાંસદ ચૂંટાયા હતાં, જ્યારે ૮૬ બેઠકો પરથી બબ્બે સાંસદો ચૂંટાયા હતાં, જેમાં એક સાંસદ સામાન્ય વર્ગના જ્યારે બીજા સાંસદ અનુસૂચિત જાતિ અથવા જનજાતિના ચૂંટાયા હતાં. વર્ષ ૧૯પ૧ માં બબ્બે સાંસદો ધરાવતી ૧૭ બેઠકો ઉત્તરપ્રદેશ રાજ્યમાં, ત્રણ બેઠકો મદ્રાસમાં, બિહારમાં ૧૧, બોમ્બે (ગુજરાત સહિત) માં ૮ ઉપરાંત પં. બંગાળ અને મધ્યપ્રદેશમાં ૬-૬ બેઠકો હતી, તે પૈકી પ. બંગાળની એક બેઠક પરથી તો ત્રણ સાંસદો ચૂંટાયા હતાં.
સમાજના વંચિત-પછાત વર્ગોને યોગ્ય પ્રતિનિધિત્વ આપવા માટે કરાયેલી આ વ્યવસ્થાથી કેટલુક કન્ફ્યુઝન પણ સર્જાતું હતું, તેથી તે પછી એવું સૂચન થયું કે તમામ બેઠકો પરથી એક-એક જ સાંસદ ચૂંટાય અને વસતિની ટકાવારી મુજબ કેટલીક બેઠકો અનુસૂચિત જાતિ અને જનજાતિ માટે રિઝર્વ રાખવામાં આવે.
આ સૂચન સ્વીકાર્યા પછી વર્ષ ૧૯૬૧ માં સંસદે એક કાયદો પસાર કર્યો અને બે સભ્ય ચૂંટણીક્ષેત્ર (ઉન્મુલન) અધિનિયમ હેઠળ બે કે ત્રણ સંસદસભ્યો ચૂંટવાની વ્યવસ્થા ખતમ કરી દેવામાં આવી હતી, અને તેના વિકલ્પે અનામત સીટોની વ્યવસ્થાપકની દિશામાં આગેકૂચ થઈ હતી. આઝાદી પછી દેશના પ્રથમ ચૂંટણી કમિશનર તરીકે સુકુમાર સેન નિમાયા હતાં. તે પછી સંસદે જનપ્રતિનિધિત્વ અધિનિયમ પસાર કર્યો હતો. આ વ્યવસ્થા હેઠળ કેટલીક બેઠકો પરથી બબ્બે અને અકોદ બેઠક પરથી ત્રણ સંસદસભ્યો લોકસભાથી ચૂંટાતા હતાં, અને વર્ષ ૧૯૭૧ ના નવા કાયદાથી એ વ્યવસ્થા ખતમ થઈ હતી. અત્યારે લોકસભાની પ૪ર બેઠકો છે અને તમામ લોકસભાના મતવિસ્તારોમાંથી એક-એક સંસદસભ્ય ચૂંટાય છે.
ગુજરાતમાં લોકસભાની ચૂંટણીમાં અપક્ષ ઉમેદવારો
ગુજરાતમાં વર્ષ ૧૯૬ર થી ર૦૧૯ સુધીની લોકસભાની ચૂંટણીઓમાં ૧૯૦૦ થી વધુ અપક્ષ ઉમેદવારોએ ઝંપલાવ્યું હતું, જેમાં સૌથી વધુ અપક્ષ ઉમેદવારો ૧૯૯૧ માં નોંધાયા હતાં. વર્ષ ૧૯૬ર માં માત્ર ૧૪ અપક્ષ ઉમેદવાર હતાં. ઘણાંબધા અપક્ષ ઉમેદવારો ડિપોઝિટ ગુમાવતા હતાં.
વર્ષ ૧૯૬૭ માં અમદાવાદની લોકસભાની બેઠક પરથી ઈન્દુલાલ યાજ્ઞિક અપક્ષ ઉમેદવાર તરીકે જીત્યા હતાં, પરંતુ તે અપવાદ સિવાય અપક્ષ ઉમેદવારોને ગુજરાતની લોકસભાની ચૂંટણીમાં સફળતા મળી નથી, અને તેનું કારણ પણ રાજ્યમાં મોટાભાગે સીધી સ્પર્ધા રહી હોવાનું પણ છે.
રાજ્યમાં વર્ષ ર૦૧૯ માં પણ ૧૯૭ અપક્ષ ઉમેદવારોએ ઝંપલાવ્યું હતું, પરંતુ કોઈનો વિજય થયો નહીં. ગુજરાત રાજ્ય સ્થપાયા પછીની પ્રથમ લોકસભાની ચૂંટણીમાં રાજ્યમાં માત્ર ૧૪ ઉમેદવારોએ જ અપક્ષ ઉમેદારી નોંધાવી હતી, પરંતુ તે પછી તેમાં ક્રમશઃ વધારો થતો રહ્યો હતો. વર્ષ ૧૯૬ર થી અત્યાર સુધીમાં ગુજરાતમાં ૧૯રપ જેટલા અપક્ષોએ ગુજરાતમાંથી લોકસભામાં જવા માટે નસીબ અજમાવ્યું હતું, પરંતુ એક અપવાદ સિવાય કોઈ સફળ થયું નથી. મહદ્અંશે અપક્ષ ઉમેદવારો પોતાની ડિપોઝિટ પણ બચાવી શક્યા નથી, જો કે તેથી નિરાશ થયા સિવાય કેટલાક ઉમેદવારો સતત પ્રયાસ કરતા રહ્યા છે, તે પણ નોંધનીય છે.
વર્ષ ર૦૧૪ ની લોકસભાની ચૂંટણીમાં પણ ૩૩૪ ઉમેદવારોમાંથી ૧પ૬ તો અપક્ષ હતાં. વર્ષ ૧૯૬૭ માં ૮૦ માંથી ર૮, વર્ષ ૧૯૭૧ માં ૧૧૮ માંથી પ૮, વર્ષ ૧૯૭૭ માં ૧૧ર માંથી ૬૦, વર્ષ ૧૯૮૦ માં ૧૬૯ માંથી ૯૪, વર્ષ ૧૯૮૪ માં રર૯ માંથી ૧પર, વર્ષ ૧૯૮૯ માં ર૬૧ માંથી ૧૬૧, વર્ષ ૧૯૯૧ માં ૪ર૦ માંથી રપ૮, વર્ષ ૧૯૯૬ માં પ૭૭ માંથી ૪૧૪, વર્ષ ૧૯૯૮ માં ૧૩૯ માંથી ૩૦, વર્ષ ૧૯૯૯ માં ૧પ૯ માંથી ૬ર, વર્ષ ર૦૦૪ માં ૧૬ર માંથી ૬પ, અને વર્ષ ર૦૦૯ માં ૩પ૯ માંથી ૧૭૬ અપક્ષ ઉમેદવારોએ ચુંટણીમાં ઝંપલાવ્યું હતું, પરંતુ સફળતા મળી નહોતી.
આ તમામ અપક્ષ ઉમેદવારોમાંથી જે ઉમેદવારોએ નોંધપાત્ર મતો મેળવ્યા હશે, અને ડિપોઝિટ બચાવી લીધી હશે, તેઓ ચોક્કસપણે કોઈ ઉમેદવારની જીતનું અથવા પરાજયનું કારણ પણ બન્યા જ હશે, તેમ માની શકાય. દેશમાં કેટલાક અપક્ષ ઉમેદવારોએ દિગ્ગજોને ટક્કર આપી હોય તેવા ઘણાં દૃષ્ટાંતો છે.
અપક્ષ ઉમેદવારોનો મોટાભાગે પરાજય નિશ્ચિત હોવા છતાં તેઓ મેદાનમાં ઉતરે છે, અને નસીબ અજમાવે છે, જેથી ઈન્દુલાલ યાજ્ઞિકનો રેકોર્ડ તૂટી શકે અને તેનાથી પણ વધુ સરસાઈથી વિજય મેળવી શકે. આ પ્રકારના સ્વપ્ન રાખવા કોઈ અયોગ્ય નથી, અને કાંઈ નહીં તોયે ચૂંટણી લડવાનો અનુભવ તો મળે જ ને?
એ પણ ઓપન સિક્રેટ છે કે કેટલાક અપક્ષ ઉમેદવારો પ્રાયોજીત રીતે પણ મેદાનમાં ઉતરતા હોય છે, અને કોઈના 'વોટકટર' બનીને અન્ય કોઈના વિજયનું નિમિત્ત બનતા હોય છે. આ વખતે હવે કેટલા અપક્ષ ઉમેદવારો ડિપોઝિટ બચાવે છે, કેટલા હારે છ ે અને કેટલા જીતીને નવો વિક્રમ નોંધાવે છે, તે જોવાનું રહ્યું.
વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પહેલી મે ૧૯૬૦ ના ગુજરાત રાજ્યની સ્થાપના થઈ, તે પછી ગુજરાત વિધાનસભાની ચૂંટણીઓમાં પણ ઘણાં ઉતારચઢાવ આવ્યા
ગુજરાત રાજ્યની સ્થાપના વર્ષ ૧૯૬૦ ના મે મહિનામાં થઈ હતી અને તેથી જ દર વર્ષે પહેલી મે ના દિવસે ગુજરાત રજ્ય સ્થાપના દિન ઉજવાય છે. ગુજરાત રાજ્યની સ્થાપના થઈ તે સમયે ગુજરાતમાં લોકસભાની રર બેઠકો હતી અને લોકસભાની ચૂંટણી ૧૯૬ર માં થઈ, ત્યારે ૬૮ ઉમેદવારો મેદાનમાં હતાં. એ સમયે પ૭.૯૬ ટકા મતદાન થયું હતું.
મતદારોની સંખ્યામાં ક્રમશઃ વધારો
વર્ષ ૧૯૬ર માં ગુજરાતમાં મતદારોની સંખ્યા ૯પ લાખ જેવી હતી, જે વર્ષ ૧૯૬૭ ની ચૂંટણીમાં એક કરોડનો આંકડો વટાવી ગઈ હતી. વર્ષ ૧૯૭૧ અને ૧૯૭૭ માં મતદારોની સંખ્યા એક કરોડથી દોઢ કરોડની વચ્ચે હતી, અને ૧૦૦ થી વધુ ઉમેદવારી માટે પપ થી ૬૦ ટકાની વચ્ચે મતદાન થયું હતું.
વર્ષ ૧૯૬ર થી વર્ષ ર૦૧૯ લોકસભાની ૧પ ચૂંટણીઓ થઈ, તેમાં સૌથી વધુ ૬૪.૧૧ ટકા મતદાન વર્ષ ર૦૧૯ માં નોંધાયું હતું, જ્યારે વર્ષ ૧૯૯૬ માં સૌથી ઓછું ૩પ.૯ર ટકા મતદાન થયું હતું.
જો કે, વર્ષ ૧૯૯૬ માં સૌથી વધુ પોણાછસ્સો જેટલા ઉમેદવારો હતાં, છતાં સૌથી ઓછું મતદાન થયું, તેની પાછળના કારણો અંગે તે સમયે પણ અખબારો, મીડિયાના માધ્યમથી લાંબા સમય સુધી ચર્ચાઓ ચાલી હતી.
વર્ષ ૧૯૭૧ માં ગુજરાતની બેઠકો વધીને ર૪ થઈ હતી, અને ૧૯૭૭ પછી ર૬ બેઠકો માટે ચૂંટણીઓ યોજાઈ હતી. જેના મતદાનના આંકડાઓમાં સતત વધઘટ થતી રહી હતી. એકાદ-બે અપવાદો બાદ કરતા વર્ષ ર૦૧૪ પહેલા મોટાભાગે લોકસભાની ચૂંટણીઓનું મતદાન પ૦ ટકાથી ૬૦ ટકાની વચ્ચે જ રહ્યું હતું. વર્ષ ર૦૧૪ પહેલા માત્ર ૧૯૬૭ માં જ ૬૩ ટકાથી વધુ મતદાન નોંધાયું હતું. વર્ષ ર૦૧૪ માં ૬૩ ટકા અને વર્ષબ ર૦૧૯ માં ૬૪ ટકાથી વધુ સરેરાશ મતદાન ગુજરાતમાં નોંધાયું હતું. વર્ષ ર૦ર૪ ની ચૂંટણીમાં તેનાથી પણ વધુ મતદાન કરાવવા માટે ચૂંટણીપંચ, પક્ષો તથા ઉમેદવારો પ્રયાસો કરશે, તેથી વર્ષ ર૦ર૪ ની ચૂંટણીમાં કેટલું મતદાન થશે, તે જોવાનું રહેશે.
ર૦ર૪ માં ટકાવારીનો રેકોર્ડ તૂટશે?
જો કે, આ વખતે ગરમી, વેકેશન, લગ્નગાળો અને કેટલાક કુદરતી પરિબળોના કારણે મતદાન પર વિપરિત અસરો થવાની સંભાવનાઓ અને પ્રથમ તબક્કામાં ગત્ ચૂંટણીથી ઓછું મતદાન થવા છતાં મતદાનના અગાઉના રેકોર્ડ તોડવાના પ્રયાસો પણ થઈ રહ્યા છે, તેથી આ વખતે મતદાન વધી પણ શકે છે. જોઈએ, શું થાય છે તે...
ઉમેદારોની સંખ્યા
વર્ષ ર૦૧૯ માં તો ૩૭૧ ઉમેદવારો મેદાનમાં હતાં, પરંતુ વર્ષ ૧૯૬ર અને ૧૯૬૭ માં ડબલ ડિઝિટમાં અનુક્રમે ૬૮ અને ૮૦ ઉમેદવારો મેદાનમાં હતાં. તે પછી ત્રણ આંકડામાં ઉમેદવારો નોંધાવા શરૂ થયા અને વર્ષ ૧૯૭૧ માં ૧૧૮, વર્ષ ૧૯૭૭ માં ૧૧ર, વર્ષ ૧૯૮૦ માં ૧૬૯, વર્ષ ૧૯૮૪ માં રર૯, વર્ષ ૧૯૮૯ માં ર૬૧, વર્ષ ૧૯૯૧ માં ૪ર૦, વર્ષ ૧૯૯૬ માં પ૭૭, વર્ષ ૧૯૯૮ માં ૧૩૯, વર્ષ ૧૯૯૯ માં ૧પ૯, વર્ષ ર૦૦૪ માં ૧૬ર, વર્ષ ર૦૦૯ માં ૩પ૯, વર્ષ ર૦૧૪ માં ૩૩૪ અને વર્ષ ર૦૧૯ માં ૩પ૯ ગુજરાતમાં ૩૭૧ ઉમેદવારો ર૬ બેઠકો પરથી ચુંટણી લડ્યા હતાં. સૌથી ઓછા ઉમેદવારો વર્ષ ૧૯૬ર માં ૬૮ હતાં, જ્યારે સૌથી વધુ ઉમેદવારો વર્ષ ર૦૧૯ માં ૩૭૧ નોંધાયા હતાં. આ તમામ આંકડા ગુજરાતની લોકસભાની બેઠકોના છે.
નોંધાયેલા મતદારોના આંકડા
લોકસભાની વર્ષ ર૦ર૪ ની ચૂંટણીમાં ગુજરાતના ૪.૯પ કરોડ જેટલા મતદારો નોંધાયા છે, જે વર્ષ ર૦૧૯ માં ૪.પ૧ કરોડ જેટલા હતાં. તે પહેલા ઉતરતાક્રમે જોઈએ તો, વર્ષ ર૦૧૪ માં ૪.૦૬ કરોડ, વર્ષ ર૦૦૯ માં ૩.૬૪ કરોડ, વર્ષ ર૦૦૪ માં ૩.૩૬ કરોડ, વર્ષ ૧૯૯૯ માં ર.૯પ કરોડ, વર્ષ ૧૯૯૮ માં ર.૮૭ કરોડ, વર્ષ ૧૯૯૬ માં ર.૮પ કરોડ, વર્ષ ૧૯૯૧ માં ર.૪૮ કરોડ, વર્ષ ૧૯૮૯ માં ર.૪૩ કરોડ, વર્ષ ૧૯૮૪ માં ૧.૮૮ કરોડ, વર્ષ ૧૯૮૦ માં ૧.૬૪ કરોડ, વર્ષ ૧૯૭૭ માં ૧.૪૧ કરોડ, વર્ષ ૧૯૭૧ માં ૧.૧પ કરોડ, વર્ષ ૧૯૬૭ માં ૧.૦૬ કરોડ અને વર્ષ ૧૯૬ર માં ૯પ લાખથી વધુ મતદારો ગુજરાતમાં નોંધાયા હતાં.
ગુજરાતમાં લોકસભાની ૧૬મી ચૂંટણી
ગુજરાત રાજ્ય મુંબઈ સ્ટેટમાંથી છૂટુ પડ્યું તે પછી વર્ષ ર૦ર૪ માં ૧૬ મી ચૂંટણી થવા જઈ રહી છે. વર્ષ ૧૯૭૧ પછી વર્ષ ૧૯૭૭ માં લોકસભાની ચૂંટણી યોજાઈ હતી, અને સંસદનો તે સમયગાળો ૬ વર્ષનો રહ્યો હતો, કારણ કે કટોકટીમાં એક વર્ષ માટે સંસદનો સમયગાળો વધારી દેવામાં આવ્યો હતો.
ગુજરાત એટલે રાજનીતિની પ્રયોગશાળા
ગુજરાત આમ તો રાજકીય ક્ષેત્રની પ્રયોગશાળા જેવું જ રહ્યું છે. વર્ષ ૧૯૭૦ પછી કોંગ્રેસના વિરોધમાં વિરોધપક્ષોએ 'જનતા મોરચો' રચીને વિધાનસભાની ચૂંટણી લડી હતી અને તે સમયે ગુજરાતમાં આ પ્રથમ ગઢબંધન બિનકોંગ્રેસી સરકાર રચાઈ હતી. આ પ્રયોગ સફળ થયા પછી કટોકટી પછી વર્ષ ૧૯૭૭ માં આ જ પ્રકારનો પ્રયોગ રાષ્ટ્રીય કક્ષાએ થયો અને ઘણાં બધા વિરોધપક્ષો 'જનતા પાર્ટી'માં વિલીન થઈ ગયા હતાં અને એક જ ચૂંટણી ચિન્હ અને સમાન ચૂંટણી ઢંઢેરો પ્રસિદ્ધ કરીને દેશમાં પ્રથમ બિનકોંગ્રેસી સરકાર રચાઈ હતી. મોરારજી દેસાઈના નેતૃત્વમાં રચાયેલી સરકારમાં મતભેદો ઊભા થતા જનતા પાર્ટી વિખેરાઈ ગઈ હતી અને વર્ષ ૧૯૮૦ માં પુનઃ કોંગ્રેસની સરકાર રચાઈ હતી અને ઈન્દિરા ગાંધી ફરી વડાપ્રધાન બન્યા હતાં. આમ, ગુજરાતે દેશને ગઠબંધન સરકારોનો રાહ ચિંધ્યો હતો.
ગુજરાત વિધાનસભા અને
રાજ્ય સરકારોની રચના
ગુજરાત વિધાનસભાની તવારીખનું વિહંગાલોકન કરીએ, તો વર્ષ ૧૯૬ર માં ગુજરાત વિધાન સભાની દ્વિતીય એસેમ્બલીની ચૂંટણીમાં કોંગ્રેસે ૧પ૪ માંથી ૧૧૩ બેઠકો મળી હતી, અને પ્રથમ મુખ્યમંત્રી જીવરાજ નારાયણ મહેતા પછી બળવંતરાય મહેતા અને તે પછી હિતેન્દ્ર દેસાઈ મુખ્યમંત્રી બન્યા હતાં. તે પછીની ગુજરાત વિધાનસભાની ચૂંટણીમાં કોંગ્રેસને ૧૬૮ માંથી ૯૩ બેઠકો વર્ષ ૧૯૬૭ માં મળી હતી, અને હિતેન્દ્ર દેસાઈએ રાજ્ય સરકાર રચી હતી. વર્ષ ૧૯૭ર માં કોંગ્રેસને ૧૬૮ માંથી ૧૪૦ બેઠકો મળી હતી અને ઘનશ્યામ ઓઝા અને પછી ચિમનભાઈ પટેલ મુખ્યમંત્રી બન્યા હતાં. વર્ષ ૧૯૭પ માં વિપક્ષોએ જનતા મોરચો રચ્યો અને કોંગ્રેસને ૧૮ર માંથી માત્ર ૭પ બેઠકો મળી બાબુભાઈ જશાભાઈ પટેલે રાજ્યની પ્રથમ બિનકોંગ્રેસી સરકાર રચી. વર્ષ ૧૯૮૦ માં ફરીથી કોંગ્રેસે ૧૮ર માં ૧૪૧ બેઠકો મેળવી અને માધવસિંહ સોલંકી મુખ્યમંત્રી બન્યા. વર્ષ ૧૯૮પ માં કોંગ્રેસને ૧૪૯ બેઠકો મળી અને માધવસિંહ સોલંકી મુખ્યમંત્રી બન્યા. અનામત વિરોધી આંદોલનના કારણે અમરસિંહ ચૌધરીને કોંગ્રેસે સૂકાન સોંપ્યું, પરંતુ એ જ સમયગાળામાં ફરીથી માધવસિંહ સોલંકી મુખ્યમંત્રી બન્યા.
વર્ષ ૧૯૯૦ માં ૧૮ર માંથી કોંગ્રેસને માત્ર ૩૩ બેઠકો મળી. જનતા દળને ૭૦ અને ભાજપને ૬૭ બેઠકો મળતા તેની સંયુક્ત સરકાર રચાઈ, પરંતુ પાંચ વર્ષ પૂરા થતા પહેલા જ આ ગઠબંધન તૂટ્યું અને છબિલદાસ મહેતા મુખ્યમંત્રી બન્યા. તે પછી જનતાદળ (ગુ) સહિત ચિમનભાઈ પટેલ ફરી કોંગ્રેસમાં જોડાઈ ગયા.
વર્ષ ૧૯૯ર પછી રાષ્ટ્રીય રાજનીતિમાં બદલેલા માહોલ અને રામમંદિર આંદોલનમાં પણ ગુજરાતના કારસેવકો આંદોલકારીઓએ મહત્તમ ભૂમિકા અદા કરી હતી. તેથી વર્ષ ૧૯૯પ માં ભાજપને ૧૮ર માંથી ૧ર૧ બેઠકો મળી અને કેશુબાપાની સરકાર બની. એ દરમિયાન શંકરસિંહ વાઘેલાએ 'ખજૂરાહો' કર્યા પછી કેશુભાઈની સરકાર તૂટી તે પછી શંકરસિંહ વાઘેલા, દિલીપભાઈ પરીખ, સુરેશ મહેતા વગેરે એ જ સમયગાળામાં ટૂંકા ટૂંકા સમય માટે મુખ્યમંત્રી બન્યા. તે પછી વર્ષ ૧૯૯૮ માં ફરી ભાજપને ૧૧૭ બેઠકો મળી અને ફરી કેશુબાપા મુખ્યમંત્રી બન્યા, પરંતુ વર્ષ ર૦૦૦ ના ભૂકંપ પછી વર્ષ ર૦૦૧ માં ભાજપે કેશુબાપાને હટાવીને નરેન્દ્ર મોદીને મુખ્યમંત્રી બનાવ્યા. વર્ષ ર૦૦ર ના ગોધરા પ્રકરણ પછી વર્ષ ર૦૦ર ની વિધાનસભાની ચૂંટણીમાં ભાજપને ૧ર૭ બેઠકો મળી, તે પછી વર્ષ ર૦૦૭ માં ભાજપને ૧૧૭ બેઠકો મળી. વર્ષ ર૦૧ર માં ૧૧પ બેઠક મળી અને સતત મુખ્યમંત્રી પદે નરેન્દ્ર મોદી રહ્યા.
વર્ષ ર૦૧૪ ની લોકસભાની ચૂંટણી પછી વડાપ્રધાન નરેન્દ્ર મોદી બન્યા, અને ગુજરાતનું સૂકાન આનંદીબેન પટેલને સોંપ્યું. તે દરમિયાન પાટીદાર આંદોલનના કારણે આનંદીબેનના સ્થાને વિજયભાઈ રૂપાણીને મુખ્યમંત્રી બનાવાયા. વર્ષ ર૦૧૭ માં પાટીદાર આંદોલનના કારણે ભાજપને ફટકો પડ્યો છતાં ૯૯ બેઠકો મેળવીને વિજયભાઈ રૂપાણીએ સરકાર રચી. ભાજપના હાઈકમાન્ડે તે પછી અચાનક જ વિજયભાઈ રૂપાણી અને નીતિનભાઈ પટેલ સહિતના સિનિયરોને હટાવીને મોટાભાગના જુનિયર નેતાઓને ચાન્સ આપ્યો અને ભૂપેન્દ્રભાઈ પટેલની સરકાર રચાઈ. વર્ષ ર૦રર ની ચૂંટણીમાં તો મોદી વેઈવ એવું ચાલ્યું કે ગુજરાતમાં ૧૮ર માંથી ૧પ૬ બેઠકો ભાજપને મળી અને અત્યારે ભુપેન્દ્રભાઈ પટેલ રાજ્યની સરકાર ચલાવી રહ્યા છે.
વિનોદકુમાર કોટેચા – એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૨૨૭૦૦ મતદારો કરશે હોમ વોટીંગઃ એપિક કાર્ડના વિકલ્પે ઈ-એપિકની પ્રિન્ટ પણ માન્ય ગણાશે
અમદાવાદ તા. ર૪: લોકસભાની સામાન્ય ચૂંટણી તેમજ વિધાનસભાની પેટા ચૂંટણી માટે ગુજરાતમાં ૭ મેના રોજ મતદાન યોજવા માટે તૈયારીઓ પૂરજોશમાં ચાલી રહી છે. ચૂંટણી તંત્ર દ્વારા કરવામાં આવેલી તૈયારીઓની વિગતો આપતા મુખ્ય નિર્વાચન અધિકારી શ્રીમતી પી. ભારતીએ જણાવ્યું હતું કે ૧૫ માર્ચ ૨૦૨૪ સુધીમાં અરજી કરનાર તમામ નાગરિકોને એપીક કાર્ડનું વિતરણ કરી દેવામાં આવ્યું છે. જો એપીક કાર્ડ ન હોય તો ઈ-એપીક ની પ્રિન્ટને પણ ઓળખના પુરાવા તરીકે માન્ય ગણવામાં આવશે. બુથ લેવલ ઓફિસર દ્વારા વોટર ઇન્ફોર્મેશન સ્લીપ લોકોના ઘરે પહોંચાડવાનું શરૂ કરી દેવામાં આવ્યું છે. ૨૭ એપ્રિલના રોજ અમદાવાદ ખાતે બીજો સ્ટેટ લેવલ પોસ્ટલ બેલેટ એક્સચેન્જ ફેર યોજાશે. ચૂંટણી પંચ દ્વારા નિમવામાં આવેલા જનરલ ઓબ્ઝર્વરની હાજરીમાં ૨૭ એપ્રિલ સુધીમાં ઈવીએમનું બીજું રેન્ડમાઇઝેશન, જ્યારે ૫ મે ૨૦૨૪ ના રોજ પોલિંગ સ્ટાફના ત્રીજા રેન્ડમાઇઝેશનની કામગીરી હાથ ધરવામાં આવશે.
લોકસભાની સામાન્ય ચૂંટણી તેમજ વિધાનસભાની પેટા ચૂંટણી માટે પાત્ર એવા તમામ નાગરિકો પોતાનું નામ મતદાર યાદીમાં નોંધાવી લે તે માટે સઘન મતદાર જાગૃતિ કાર્યક્રમો યોજવામાં આવ્યા હતા, જેના ભાગરૂપે જાન્યુઆરી-૨૦૨૪માં પ્રસિદ્ધ થયેલી મતદાર યાદીની સાપેક્ષે કુલ ૩ લાખ કરતાં વધુ મતદારો નોંધાયા છે. તા.૨૨ એપ્રિલના રોજ પ્રસિદ્ધ થયેલી હરિફ ઉમેદવારોની યાદી પ્રમાણે લોકસભાની ચૂંટણી માટે કુલ ૨૬૬ ઉમેદવારો તેમજ વિધાનસભા પેટાચૂંટણી માટે કુલ ૨૪ ઉમેદવારો વચ્ચે ચૂંટણી યોજાશે. સુરત લોકસભા બેઠક પર માત્ર ભાજપના ૧ ઉમેદવાર વધતાં તે ઉમેદવારને બિનહરીફ વિજેતા જાહેર કરવામાં આવ્યા છે.
મતદાર યાદી
લોકસભાની સામાન્ય ચૂંટણી-૨૦૨૪ તથા વિધાનસભાની ૦૫ બેઠકોની પેટાચૂંટણી માટે મતદાન તા.૦૭ મે, ૨૦૨૪ ના રોજ યોજાનાર છે. જેમાં રાજ્યના ૪,૯૭,૬૮,૬૭૭ મતદારો મતદાન કરી શકશે. આખરી મતદાર યાદીમાં ૧૮ થી ૧૯ વર્ષની ધરાવતા ૧૨,૨૦,૪૩૮ મતદારો પ્રથમ વખત મતદાન કરી શકશે.
મુખ્ય નિર્વાચન અધિકારીની કચેરી દ્વારા હાથ ધરવામાં આવેલા મતદાર યાદીની ખાસ સંક્ષિપ્ત સુધારણા-૨૦૨૪ અંતર્ગત તા.૦૫ જાન્યુઆરી, ૨૦૨૪ ના રોજ પ્રસિદ્ધ કરવામાં આવેલી મતદાર યાદી મુજબ રાજ્યમાં કુલ ૪,૯૪,૪૯,૪૬૯ મતદારો નોંધાયેલા હતા. ત્યાર બાદ તા.૦૯ એપ્રિલ, ૨૦૨૪ સુધી મતદાર તરીકે નોંધણી માટે મળેલી અરજીઓ પૈકી ૩,૧૯,૨૦૯ મતદારોનો પુરવણી મતદાર યાદીમાં સમાવેશ કરવામાં આવ્યો છે. આખરી મતદાર યાદી મુજબ રાજ્યમાં ૨,૫૬,૧૬,૫૪૦ પુરૂષ, ૨,૪૧,૫૦,૬૦૩ સ્ત્રી અને ત્રીજી જાતિના ૧,૫૩૪ મળી કુલ ૪,૯૭,૬૮,૬૭૭ મતદારોનો સમાવેશ થાય છે.
રાજ્યમાં યોજાનાર ચૂંટણીમાં યુવાઓ મોટા પ્રમાણમાં મતદાનમાં ભાગ લેશે. આ વર્ષે ગુજરાતમાં ૧૮થી ૨૯ વય જૂથનાં કુલ ૧,૧૬,૦૬,૧૮૮ યુવા મતદારો પોતાના મતાધિકારનો ઉપયોગ કરશે. ૮૫ વર્ષથી વધુ વય ધરાવતાં વરિષ્ઠ મતદારોની કુલ સંખ્યા ૪,૧૯,૫૮૪ છે. રાજ્યમાં ૧૦,૦૩૬ મતદારો શતાયુ એટલે કે ૧૦૦ વર્ષ કે તેનાથી વધુ વયના છે. ૩,૭૫,૬૭૩ મતદારોને દિવ્યાંગ મતદાર તરીકે ચિન્હિત કરવામાં આવ્યા છે. રાજ્યમાં મતદાતાની સંખ્યાના આધારે સૌથી મોટી લોકસભા બેઠક નવસારી છે; જેમાં ૨૨,૨૩,૫૫૦ મતદારો છે, જ્યારે ભરૂચ લોકસભા બેઠકમાં સૌથી ઓછા ૧૭,૨૩,૩૫૩ મતદારો છે.
રાજ્યમાં કુલ ૨૭,૫૫૫ સેવા મતદારો પોતાના મતાધિકારનો ઉપયોગ કરી શકશે. સાથે જ વિદેશમાં વસતા ભારતીય મતદારો પણ ગુજરાતમાં પોતાના રહેઠાણના વિસ્તાર સંબંધિત મતદાન મથક ખાતે મત આપી શકે છે. અંતિમ મતદાર યાદીમાં વિદેશમાં વસતા ૯૦૦ મતદારો નોંધાયા છે.
મતદાર ફોટો ઓળખકાર્ડ (એપીક) તથા મતદાર કાપલીનું વિતરણ
તા. ૭ મે, ૨૦૨૪ ના રોજ યોજાનાર મતદાન માટે ગત તા.૧૫ માર્ચ, ૨૦૨૪ સુધી અરજી કરનાર નાગરિકોને મતદાર ફોટો ઓળખકાર્ડ (એપીક) નું વિતરણ પૂર્ણ કરી દેવામાં આવ્યું છે. ત્યારબાદ અરજી કરનાર નાગરિકોને એપીક કાર્ડ ઝડપથી પહોંચાડી દેવામાં આવશે. જો કે એપીક કાર્ડ ન મળ્યું હોય પણ મતદાર નોંધણીની અરજી સાથે મોબાઈલ નંબર આપેલ હોય તો ઈ-એપીક ડાઉનલોડ કરી શકાય છે અને ઈ-એપીકની પ્રિન્ટને ઓળખના પુરાવા તરીકે માન્ય ગણવામાં આવશે.
મતદારોને મતદાર યાદીમાં પોતાનો ક્રમ, મતદાન મથક, મતદાનની તારીખ અને સમય સહિતની વિગતો મળી રહે તે માટે ચૂંટણી પંચના આમંત્રણ સ્વરૂપે બુથ લેવલ ઑફિસર દ્વારા મતદાર માહિતી કાપલી લોકોના ઘેર પહોંચાડવામાં આવી રહી છે. મતદાર માહિતી કાપલીની સાથે કુટુંબદીઠ એક વોટર ગાઈડનું વિતરણ કરવામાં આવશે. વધુમાં પ્રજ્ઞાપક્ષુ મતદારો માટે બ્રેઈલ લિપિમાં મતદાર કાપલી તેમજ વોટર ગાઈડનું પણ વિતરણ કરવામાં આવશે. આ કામગીરી તા. ૦૨ મે, ૨૦૨૪ સુધીમાં પૂર્ણ કરી લેવામાં આવશે.
ઉમેદવારી પત્રો
લોકસભા સામાન્ય ચૂંટણી માટે કુલ ૪૩૩ ઉમેદવારોએ નામાંકનપત્રો ભર્યા હતાં. તા.૨૦ એપ્રિલના રોજ ચકાસણી દરમ્યાન કુલ નામાંકનપત્રો પૈકી કુલ ૧૦૫ નામાંકનપત્રો રદ્દ કરવામાં આવ્યા હતા. ઉમેદવારી પરત ખેંચવાની આખરી તા. ૨૨ એપ્રિલ સુધીમાં કુલ ૬૨ ઉમેદવારો દ્વારા ઉમેદવારી પરત ખેંચવામાં આવી હતી. આમ, હવે લોકસભા સામાન્ય ચૂંટણી, ૨૦૨૪ માં હરીફ ઉમેદવારની કુલ સંખ્યા ૨૬૬ થઈ છે. જે પૈકી ૨૪૭ પુરુષ ઉમેદવારો, ૧૯ સ્ત્રી ઉમેદવારોએ ઉમેદવારી નોંધાવી છે. ઉક્ત પૈકી ૨૪-સુરત લોકસભા મતવિભાગના ઉમેદવાર બિન હરીફ જાહેર થયા છે.
જ્યારે પાંચ વિધાનસભા મતવિભાગની પેટા ચૂંટણીઓ-૨૦૨૪ માટે કુલ ૩૭ ઉમેદવારોએ નામાંકનપત્રો ભર્યા હતાં. જે પૈકી ચકાસણી દરમિયાન કુલ ૧૦ નામાંકનપત્રો રદ્દ કરવામાં આવ્યા હતા. તેમજ ૩ ઉમેદવારો દ્વારા ઉમેદવારી પરત ખેંચવામાં આવી હતી. આમ, હવે વિધાનસભા પેટા ચૂંટણી માટે હરીફ ઉમેદવારની કુલ સંખ્યા ૨૪ થઈ છે.
ઈવીએમ
રાજ્યના તમામ લોકસભા મતવિભાગમાં અને ૫ વિધાનસભા મતવિભાગમાં પેટા ચૂંટણીઓ સંદર્ભે હરીફ ઉમેદવારો/તેઓના પ્રતિનિધિઓ અને ભારતના ચૂંટણી પંચ દ્વારા નીમવામાં આવેલ જનરલ ઓબ્ઝર્વરની હાજરીમાં તા.૨૭ એપ્રિલ સુધીમાં ઈવીએમના બીજા રેન્ડમાઇઝેશનની કામગીરી હાથ ધરવામાં આવશે.
ભારત ઇલેક્ટ્રોનિક્સ લિ.(બીઈએલ) દ્વારા ઈવીએમના કમિશનિંગ (મતદાન માટે ઈવીએમને તૈયાર કરવા) ની પ્રક્રિયા માટે એન્જિનિયર્સની ફાળવણી કરી દેવામાં આવી છે. જે અનુસાર તા.૨૫-૦૪-૨૦૨૪ થી વિધાનસભા પેટા ચૂંટણી માટે અને તા.૨૭-૦૪-૨૦૨૪ થી લોકસભા સામાન્ય ચૂંટણી માટે ઈવીએમના કમિશનિંગની કામગીરી હરીફ ઉમેદવારો/તેઓના પ્રતિનિધિઓની હાજરીમાં શરૂ કરવામાં આવશે.
કુલ ૨૫ સંસદીય મતવિભાગો (પીસી) માં કુલ ૪૯,૧૪૦ મતદાન મથકોમાં મતદાન થનાર છે. આ પૈકી ૭-અમદાવાદ પૂર્વ સંસદીય મત વિભાગના ૧,૮૨૦ મતદાન મથકોમાં ૨ બીયુનો વપરાશ થશે. આમ કુલ ૫૦,૯૬૦-બીયુ, ૪૯,૧૪૦-સીયુ અને ૪૯,૧૪૦-વીવીપેટનો ઉપયોગ થશે. તે ઉપરાંત પાંચ વિધાનસભા મતવિભાગો (એસી) ની પેટા ચૂંટણીઓમાં ૧,૨૮૨ મતદાન મથકોમાં મતદાન થશે, જેમાં કુલ ૧,૨૮૨-સીયુ, ૧,૨૮૨-બીયુ અને ૧,૨૮૨-વીવીપેટનો ઉપયોગ થનાર છે.
એબ્સેન્ટી વોટર્સ
તા.૧૧/૦૪/૨૦૨૪ સુધીમાં એબ્સેન્ટી વોટર્સ કેટેગરીમાં ૮૫ વર્ષ કે તેથી વધુ વય ધરાવતા ૧૮,૪૯૦ વરિષ્ઠ મતદારો તેમજ ૪૦ ટકા કે તેથી વધુ દિવ્યાંગતા ધરાવતા ૪,૨૧૧ દિવ્યાંગ મતદારો મળી કુલ ૨૨,૭૦૧ મતદારોએ હોમ વોટીંગ માટે અરજી કરી છે. મતપત્રો તૈયાર થતાંની સાથે આવતીકાલથી હોમ વોટીંગની પ્રક્રિયા શરૂ કરી દેવામાં આવશે. આ ઉપરાંત આવશ્યક સેવાઓમાં રોકાયેલા ૫,૫૧૮ મળી એબ્સેન્ટી વોટર્સના કુલ ૨૮,૨૧૯ ફોર્મ-૧૨ડી મળ્યા છે.
મતદાન જાગૃતિ
લોકસભાની સામાન્ય ચૂંટણીમાં તમામ વર્ગના મતદારોની સહભાગિતા વધે અને વધુમાં વધુ મતદારો મતદાન કરે તે માટે જાગૃતિ કેળવવા રાજ્યભરમાં વિવિધ કાર્યક્રમો યોજવામાં આવી રહ્યા છે. જે અંતર્ગત ફર્સ્ટ ટાઈમ વોટર્સ માટે કોલેજમાં મતદાન જાગૃતિના કેમ્પ તથા કેમ્પસ ઍમ્બેસેડર્સની નિમણૂક, મહિલા મતદાન જાગૃતિ માટે આંગણવાડીમાં બેઠક, ઇન્ડસ્ટ્રીઝમાં વોટર અવેરનેસ ફોરમ દ્વારા મતદાર જાગૃતિ અને સવેતન રજા અંગેની બેઠક, જિલ્લા અને રાજ્ય કક્ષાએ મતદાન જાગૃતિ માટે એમઓયુ તથા સોશિયલ મીડિયા દ્વારા મતદાન જાગૃતિ માટે ઇન્ફ્લુઅન્સર્સ તેમજ આઈકન્સ સાથે સહભાગિતા, સોસાયટી મિટિંગ્સ સહિતની પ્રવૃત્તિઓ કરવામાં આવી છે.
વધુમાં, સમગ્ર રાજયમાં યુવા મતદારો, મહિલા મતદારો, ઇન્ડસ્ટ્રીમાં કામ કરતા લોકો માટે તા.૨૨-૦૪-૨૪ થી તા.૦૬-૦૫-૨૦૨૪ દરમિયાનના ૧૫ દિવસો માટે સમગ્ર રાજ્યમાં મતદાન જાગૃતિના ખાસ પ્રયત્નો હાથ ધરવા આયોજન કરવામાં આવ્યું છે. જે અંતર્ગત મતદાન માટે લોકોને પ્રોત્સાહિત કરવા જિલ્લાકક્ષાએથી જ્યાં મોટી સંખ્યામાં નાગરિકો એકત્ર થતા હોય તેવા મોલ્સ, ફુડ-કોર્ટ અને બગીચાઓ જેવા સ્થળો ઉપર મતદાન જાગૃતિ માટે ફ્લેશ મોબનું આયોજન કરવામાં આવી રહ્યું છે. તા.૦૫/૦૫/૨૦૨૪ ના રોજ મતદાન જાગૃતિના ભાગરૂપે સમગ્ર રાજ્યમાં 'રન ફોર વોટ'નું પણ આયોજન થવા જઇ રહ્યું છે.
પખવાડિક મતદાન જાગૃતિ અભિયાનમાં મતદારોને જાગૃત કરવામાં આવશે
(૧) જો મતદાર યાદીમાં નામ નોંધાયેલ હોય તો એપીક કાર્ડ અથવા ઈ-એપીક ની પ્રિન્ટ દ્વારા મતદાન કરી શકાશે. જો તે પણ પ્રાપ્ય ન હોય તો અન્ય વૈકલ્પિક ૧૨ પૈકીના કોઈ પણ પુરાવાથી મતદાન કરી શકાશે, (૨) મતદાનનો સમય, સવારે ૭ વાગ્યાથી સાંજે ૬ વાગ્યા સુધીનો રહેશે. (૩) મતદાનના દિવસે, મતદાન માટે સવેતન રજા મળે છે. જો ન મળે તો ૧૯૫૦ પર ફરીયાદ કરી શકાય છે. (૪) મતદાન મથકે મોબાઈલ લઈ જઈ શકાશે નહીં. (પ) વોટર ઈન્ફોર્મેશન સ્લીપ કે જે બીએલઓ દ્વારા આપવામાં આવે છે તે માત્ર જાણકારી માટે છે. તે મતદાન માટેનો માન્ય પુરાવો નથી. (૬) મતદાનના દિવસે હિટ વેવથી બચવા માટે કાળજી રાખવા સહિતની બાબતોનો સમાવેશ કરવામાં આવશે.
નો યોર પોલીંગ સ્ટેશન અભિયાન
મતદાન મથકનું સ્થળ ખબર ન હોવાના કારણે, મતદાન માટેના આવશ્યક દસ્તાવેજો વિષે જાણ ન હોવાના કારણે અથવા તો એક કરતા વધુ પોલિંગ સ્ટેશન ધરાવતા પોલિંગ સ્ટેશન લોકેશન પર ક્યાં મતદાન મથકમાં મતદાન માટે જવાનું છે તે અંગે મતદારો મુંઝવણ અનુભવતા હોય છે. આથી તા.૨૮ એપ્રિલ, ૨૦૨૪ ના રોજ સમગ્ર રાજ્યમાં નો યોર પોલીંગ સ્ટેશન અભિયાનનું આયોજન કરવામાં આવશે. જેમાં બૂથ લેવલ ઓફિસર સવારે ૯ થી ૧૨:૩૦ સુધી મતદાર યાદી સાથે મતદાન મથક પર હાજર રહેશે અને મતદારોને મતદાન મથકે પ્રાપ્ય સુવિધા અને વ્યવસ્થા વિષે માહિતગાર કરશે. આ અભિયાનની સાથોસાથ ચુનાવ પાઠશાલાનું પણ આયોજન કરવામાં આવશે; જેમાં તમામ ગ્રાસ રૂટ લેવલના કર્મચારીઓ ઘરે ઘરે જઈને લોકોને સહપરિવાર મતદાન માટે આમંત્રણ આપશે.
ચૂંટણી ખર્ચ દેખરેખ અને નિયંત્રણ
ચૂંટણી ખર્ચ દેખરેખ અને નિયંત્રણ માટે રાજ્યમાં કાર્યરત ૭૫૬ ફ્લાઈંગ સ્કવોર્ડ્સ તથા ૧,૨૦૩ સ્ટેટીક સર્વેલન્સ ટીમ્સ દ્વારા અત્યાર સુધીમાં રૂ.૭.૮૯ કરોડ રોકડ, રૂ.૧૪.૬૯ કરોડની કિંમતનો ૫.૦૪ લાખ લીટર જેટલો દારૂ, રૂ.૩૬.૬૩ કરોડની કિંમતનું ૬૯.૮૦ કિલો સોનું અને ચાંદી, રૂ.૩.૫૭ કરોડની કિંમતના ૭૭૭.૪૧ કિલો પ્રતિબંધિત નશાકારક પદાર્થો તથા મોટરકાર, મોટર સાઈકલ, સિગારેટ, લાઈટર અને અખાદ્ય ગોળ સહિતની રૂ.૫૮.૮૫ કરોડની અન્ય વસ્તુઓ મળી કુલ રૂ.૧૨૧.૬૫ કરોડની વસ્તુઓ જપ્ત કરવામાં આવી છે.
ફરિયાદ નિવારણ
(સી-વીજીલ) મોબાઈલ ઍપ પર તા.૧૬/૦૩/૨૦૨૪ થી તા.૨૧/૦૪/૨૦૨૪ સુધી આદર્શ આચારસંહિતાના ભંગ અંગે કુલ ૨,૮૩૮ ફરિયાદો મળી છે. ભારતના ચૂંટણી પંચની માર્ગદર્શિકા અનુસાર આ તમામ ફરિયાદોનો તાત્કાલિક યોગ્ય નિકાલ કરવામાં આવ્યો છે.
નેશનલ ગ્રિવાન્સ સર્વિસ પોર્ટલ પર તા.૧૬-૩-૨૦૨૪ થી તા.૨૧-૪-૨૦૨૪ સુધી મતદાર ઓળખપત્ર (એપીક) અંગેની ૮,૧૪૨, મતદાર યાદી સંબંધી ૭૬૦, મતદાર કાપલી સંબંધી ૨૦૦ તથા અન્ય ૧,૯૦૦ મળી કુલ ૧૧,૦૦૨ ફરિયાદો મળી છે. આ ઉપરાંત, મુખ્ય નિર્વાચન અધિકારીની કચેરીમાં કાર્યરત કંટ્રોલ રૂમના હેલ્પલાઈન નંબર ઉપર તા.૧૬-૩-૨૦૨૪ થી તા.૨૧-૪-૨૦૨૪ સુધીમાં કુલ ૧૯૮ ફરિયાદો મળી છે, જે તમામનો પણ ચૂંટણી પંચની માર્ગદર્શિકા અનુસાર યોગ્ય નિકાલ કરવામાં આવ્યો છે. સાથે સાથે કચેરીમાં મીડિયા મારફતે ૧૮ તથા ટપાલ અને ઈ-મેઇલ દ્વારા રાજકીય પક્ષો મારફતે ૩૯, ભારતના ચૂંટણી પંચ મારફતે ૪૫ તથા અન્ય ૪૦૬ મળી કુલ ૫૦૮ ફરિયાદો મળી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
વર્ષ ર૦૧૪ માં ભાજપ અને કોંગ્રેસ વચ્ચે બન્ને ચૂંટણીમાં રસપ્રદ જંગ જામ્યો હતો... દસ વર્ષમાં ઘણાં સમીકરણો બદલી ગયા છે...
લોકસભાની ચૂંટણીના પ્રચારનો રંગ જામ્યો છે અને હવે આ ચૂંટણી જંગ મેઘધનુષ્ય જેવો સપ્તરંગી બની રહ્યો છે, ત્યારે દેશમાં વર્ષ ર૦૧૪ માં જ્યારે પરિવર્તનનો પવન ફૂંકાયો હતો, તે સમયે આજથી એક દાયકા પહેલાની ચૂંટણીઓ સહિત ચૂંટણીઓના રસપ્રદ વિશ્લેષણો તથા આંકડાઓને સાંકળીને માત્ર લોકોની જાણકારીના હેતુથી અહીં તટસ્થ રીતે પ્રસ્તુત કરાશે, અને તેના સંદર્ભે મીડિયામાં મોકળા મને થતી ચર્ચાઓ અને અભિપ્રાયોનો સમાવેશ પણ કરાશે. આ રસપ્રદ માહિતીના માધ્યમથી આપણે ભૂતકાળમાં ડૂબકી મારીને અને વર્તમાનને સાંકળીને ભવિષ્યની રૂપરેખા પણ દોરી શકીએ, કમ-સે-કમ જ્ઞાનવર્ધન સાથે ત્રણેય કાળનું વિહંગાવલોકન કરી શકીએ. આ પ્રસ્તુતિમાં માનવસહેજ ક્ષતિઓને અવકાશ તો રહે જ છે, પરંતુ જેટલી શક્ય તેટલી વધુ સચોટ માહિતી પીરસવાનો પ્રયાસ કરીશું.
વર્ષ ર૦૧૪ ની લોકસભાની ચૂંટણી
વર્ષ ર૦૧૪ માં લોકસભની ચૂંટણી ૭ મી એપ્રિલની ૧ર મી મે દરમિયાન ૯ તબક્કામાં યોજાઈ હતી. લોકસભાની પ૪પ માંથી પ૪૩ બેઠકો માટે મતદાન થયું હતું અને એકંદરે ૬૬.૪૪ ટકા મતદાન નોંધાયું હતું. તે સમયે ૮૩.૪૦ કરોડ મતદારો નોંધાયા હતાં. તે ચૂંટણીમાં ભાજપની ર૮ર સહિત એનડીએને ૩૩૬ બેઠકો મળી હતી. ભાજપના ૩૧ ટકા સહિત એનડીએને ૩૮.પ ટકા મતો મળ્યા હતાં. એનડીએ ગઠબંધનને સ્પષ્ટ બહુમતી મળી હતી અને તે પછી પૂર્વઘોષિત નરેન્દ્ર મોદીના વડપણમાં કેન્દ્રમાં એનડીએની સરકાર રચાઈ હતી. એ ચૂંટણીમાં કોંગ્રેસે ૧૯.૩ ટકા મતો અને ૪૪ બેઠકો મળી હતી. જ્યારે યુપીએને પ૯ અને કેટલીક બેઠકો અન્ય પક્ષોને મળી હતી. વિકીપીડિયા મુજબ વર્ષ ૧૯૮૪ પછી સ્પષ્ટ જંગી બહુમતી પ્રથમ વખત ભાજપને મળી હતી.
વર્ષ ર૦૧૯ ની લોકસભાની ચૂંટણી
લોકસભાની વર્ષ ર૦૧૯ ની ચૂંટણીઓ ૧૧ મી એપ્રિલથી ૧૯ મી મે ર૦૧૯ દરમિયાન યોજાઈ હતી, અને ર૩ મી મે ના દિવસે પરિણામો આવ્યા હતાં. આ વખતે પ૪૩ બેઠકો માટે લોકસભાની સામાન્ય ચૂંટણી યોજાઈ હતી. આ વખતે મતદારો ૯૧.૧૯ કરોડથી વધુ નોંધાયા હતાં અને ૬૭.૪૦ ટકા મતદાન નોંધાયું હતું. આમ, વર્ષ ર૦૧૪ ની સરખામણીમાં મતદાન અને મતદારો-બન્નેમાં વધારો થયો હતો. આ વખતે ભાજપને ૩૦૩ અને કોંગ્રેસને પર બેઠકો મળી હતી. ભાજપને ૩૭.૩૬ ટકા અને કોંગ્રેસને ૧૯.૪૯ ટકા મતો મળ્યા હતાં. એનડીએની કુલ ૩પ૩ બેઠકો અને યુપીએને ૯૧ બેઠકો મળી હતી, જો કે એનડીએ અને યુપીએ સિવાયના અન્ય પક્ષોને કુલ ૯૮ બેઠકો મળી હતી.
જામનગર સંસદીય મતવિસ્તાર-ર૦૧૪
જામનગરમાં વર્ષ ર૦૧૪ ની લોકસભાની ચૂંટણીમાં કોંગ્રેસ છોડીને ભાજપમાં ગયેલા પૂનમબેન માડમને ભાજપે મેદાનમાં ઉતાર્યા હતાં, તો કોંગ્રેસે તેના કાકા વિક્રમભાઈ માડમને ફરીથી અજમાવ્યા હતાં. કાકા-ભત્રીજી વચ્ચે થયેલા રસપ્રદ જંગમાં પૂનમબેન માડમ વિજયી બન્યા હતાં. પૂનમબેનને ૪.૮૪ લાખ થી વધુ મતો મળ્યા હતાં, અને વિક્રમભાઈ માડમને ૩.૦૯ લાખ જેટલા મતો મળ્યા હતાં. આ ચૂંટણીમાં નોટામાં ૬પ૮૮ મતો ગયા હતાં. બસપાના યુસુફ સમાને ૮ર૩૪, રા. કોળી એક્તા પાર્ટીના કાસમભાઈને ૧રપ૪, આમ આદમી પાર્ટીના રાજેન્દ્રસિંહ ઝાલાને ૪૯૧૧, એસ.પી.ના અબુબકર ઈબ્રાહીમ સૈયદને ૯૪૦, અપક્ષ ચંદ્રવિજયસિંહ રાણાને ૮૭૬, અપક્ષ અશોક ચાવડાને ૭૪૪, અપક્ષ જીતેશ રાઠોડને ૭૦૬, અપક્ષ ધનજી રાણેવાડિયાને ૭૭૦, અપક્ષ વલ્લભભાઈ ધારવિયાને ૧૦૪૩, અપક્ષ પ્રવિણ નારિયાને ૧૮૧૧, રિપ. પાર્ટી (ગવાઈ) ના લાલજી પઢિયાર (અપક્ષ) ને ૧૧૮૮, અપક્ષ ચિરાગ પંડ્યાને ૧પ૪૧, અપક્ષ નાનજી બથવારને ૩૬૬૭, અપક્ષ મમદ હાજી બેલિમને ૮પ૯૬, અપક્ષ રફીક મેમણને પ૮૧૧, અપક્ષ અલી ઈશાક પાલાણીને ૩૯૪૬, અપક્ષ જાવીદભાઈ ઓસમાનભાઈ વાઘેરને ૧ર૪૭, અપક્ષ ગાંગજી વાણિયાને ૭૯પ, અપક્ષ હબીબ સચડાને ૮૧૯, અપક્ષ આમદ સુમરાને ૭૯૦, અપક્ષ સલીમ સોઢાને ૮૮પ અને અપક્ષ મામદ સફિયાને ૧૩૭૭ મતો મળ્યા હતાં. કુલ ૮,પર,૯૮૯ માન્ય મતોમાંથી ૩પ૮૮ પોસ્ટલ બેલેટ હતાં. આમ, વર્ષ ર૦૧૪ માં જામનગરની બેઠક પરથી બે ડઝન જેટલા ઉમેદવારોએ નસીબ અજમાવ્યું હતું, પરંતુ મુખ્ય ફાઈટ ભાજપ અને કોંગ્રેસના ઉમેદવારો વચ્ચે જ રહી હતી.
વર્ષ ર૦૧૯ ની ચૂંટણી
જામનગર મતવિસ્તારમાં વર્ષ ર૦૧૯ ની ચૂંટણીમાં ભાજપના પૂનમબેન માડમને પ.૯૧ લાખથી વધુ મતો મળ્યા હતાં અને કોંગ્રેસના મૂળુભાઈ કંડોરિયાને ૩.પ૪ લાખથી વધુ મતો મળ્યા હતાં. ભાજપને પ૮.પર ટકા અને કોંગ્રેસને ૩પ.૦૯ ટકા મતો મળ્યા હતાં. બસપાના સુનિલ જેઠાલાલ વાઘેલાને ૮૭૯પ, દલવાડી નકુમ રસિક લાલજીને ૧૦,૦૬૦, અપક્ષ પોપટપુત્રા રફિક અબુબકરને ૮ર૧૬, અપક્ષ બથવાર નાનજી અમરશીને પર૪૯, અપક્ષ બક્ષી મૃદુલ અશ્વિનકુમારને ૩૧૦૬ અપક્ષ ડોંગા જયંતિલાલ અર્જનભાઈને ર૪૮૯, અપક્ષ નકુમ નર્મદાબેન ખોડાલાલને ર૧૧૩, અપક્ષ સુભાણિયા અમિન અબ્બાસભાઈને ૧૯૪૬, અપક્ષ રબારી કરશનભાઈ જેસાભાઈને ૧૪૩૬, અપક્ષ સહદેવસિંહ દિલીપસિંહ ચુડાસમાને ૧ર૯પ, અપક્ષ જાહિદ આવાદ જામીને ૧ર૪૬, અપક્ષ ભરત રામજીભાઈને ૯ર૧, અપક્ષ કચ્છી દાઉદનાથા સુમરાને ૯૧૯, અપક્ષ ભાવનાબા જાડેજાને ૮૬૪, અપક્ષ અલીમામદ ઈશાકભાઈને ૮પ૦, અને અપક્ષ ચૌહાણ ધીરજ કાંતિલાલને ૭૭૪ મતો મળ્યા હતાં, જ્યારે નોટામાં ૭૭૯૯ મતો મળ્યા હતાં.
વર્ષ ર૦ર૪ નો ચૂંટણી જંગ
આ વખતે ભારતીય જનતા પક્ષે ત્રીજી ટર્મ મો પૂનમબેન માડમને ટિકિટ આપી છે, તો કોંગ્રેસે જે.પી. મારવિયાને મેદાનમાં ઉતાર્યા છે. પૂનમબેન માડમ સામે કોંગ્રેસમાંથી ગત્ ચૂંટણીમાં ફાઈટ આપનાર મૂળુભાઈ કંડોરિયા થોડા સમય પહેલા ભાજપમાં જોડાયા છે અને હવે પૂનમબેન માડમ માટે પ્રચાર કરી રહ્યા છે. આ વખતે ભાજપમાંથી પૂનમબેન માડમ અને કોંગ્રેસમાંથી મારવિયા વચ્ચે મુખ્ય ફાઈટ છે. ગુજરાતમાં આમ આદમી પાર્ટી અને કોંગ્રેસ વચ્ચે ચૂંટણી સમજુતિ થઈ હોવાથી 'આપ'ના ઉમેદવારો ભરૂચ અને ભાવનગરમાંથી લડી રહ્યા છે. જ્યારે જામનગરમાં અન્ય ઉમેદવારો પણ ચૂંટણીના મેદાનમાં છે.
સોમવારે ફોર્મ પરત ખેંચવાના છેલ્લા દિવસે ૭ ઉમેદવારોએ ઉમેદવારી પાછી ખેંચી લીધા પછી હવે ભાજપ, કોંગ્રેસ, બસપા, વીરો કે વીર ઈન્ડિયા પાર્ટી, રાષ્ટ્રીય મહાસ્વરાજ ભૂમિ પાર્ટી તથા ૯ અપક્ષ ઉમેદવારો સહિત ૧૪ ઉમેદવારો મેદાનમાં રહ્યા છે. હવે ધીમે ધીમે પ્રચારનો જંગ વધુને વધુ જામી રહ્યો હોય તેમ જણાય છે.
વર્ષ ર૦૧૯ ની લોકસભાની ચૂંટણી કરતા જામનગર બેઠક પર આ વખતે અડધા ઉમેદવારો મેદાનમાં રહ્યા છે, અને એક જ મતપત્રકનું બેલેટ યુનિટ મૂકાશે, કારણ કે એક યુનિટમાં ૧૬ ઉમેદવારોના નામનો સમાવેશ થઈ શકે છે.
જામનગરની બેઠક પર ફોર્મ પાછા ખેંચાઈ ગયા પછીની સ્થિતિએ ૧૪ ઉમેદવારો મેદાનમાં રહ્યા છે, જેમાં ભાજપના પૂનમબેન હેમતભાઈ માડમ અને કોંગ્રેસના જયંતિલાલ પરસોત્તમભાઈ મારવિયા વચ્ચે મુખ્ય મુકાબલો ગણાય, જો કે તે ઉપરાંત બીજા ૧ર ઉમેદવારો પણ જીતવાનો પ્રયાસ કરશે, જેમાં બસપાના જયસુખ નથુભાઈ પીંગલસુર, વીરો કે વીરો ઈન્ડિયન પાર્ટીના રણછોડ નારણભાઈ કણઝારિયા, રાષ્ટ્રીય મહાસ્વરાજ ભૂમિ પાર્ટીના પરેશભાઈ પરસોત્તમભાઈ મુંગરા, ઉપરાંત અપક્ષ ઉમેદવારો પોપટપુત્રા રફીક અબુબકર, નાનજીભાઈ અમરશીભાઈ બથવાર, નદીમભાઈ મહમદભાઈ હાલા, અનવર નુરમામદ સંઘાર, અલ્લારખા ઈશાકભાઈ ધુંધા, ખીરા યુસુફભાઈ સીદીકભાઈ, વિજયસિંહ પ્રવિણસિંહ જાડેજા, રાઠોડ પૂંજાભાઈ પાલાભાઈનો સમાવેશ થાય છે. આ વખતે આમ આદમી પાર્ટીના ઉમેદવાર જામનગરની બેઠક પરથી ચૂંટણી લડી રહ્યા નથી.
વિનોદકુમાર કોટેચા એડવોકેટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
૧૦ મે ના સંતવાણી, ૧૧ મે ના ભંડારો-પ્રસાદઃ પહેલી એપ્રિલથી ૪૧ દિવસની સાધના અવિરત
મનની ગતિને મજબૂત સંકલ્પ શક્તિની એક નિશ્ચિત દિશામાં વાળવાનો અખંડ પ્રયાસ એટલે હઠયોગ.
જોડિયા તાલુકાના બાદનપરમાં ઉદાસીન અખાડા શ્રી જીતેશ્વરાનંદજી મહારાજ દ્વારા સુપ્રસિદ્ધ-સ્વયંભૂ શ્રી કનકેશ્વર મહાદેવ મંદિરના સાનિધ્યમાં વિશ્વ કલ્યાણ અર્થે હઠયોગની સાધના કરવામાં આવી રહી છે. તેઓ આ અગાઉ ભારતમાં રાજસ્થાન તથા મહારાષ્ટ્રમાં પણ હઠયોગની સાધના કરી ચૂક્યા છે. જેમાં ૧૮ (અઢાર) વખત સૂર્યતપ તેમજ પંચધૂણીની કઠિન સાધનાનો સમાવેશ થયેલો છે. ઉદાસીન સંપ્રદાયના સ્વામી બ્રહ્મલીન વ્રજાનંદજી મહારાજ અવધૂત કોદરિયા સરકાર એવા સદ્ગુરુની પ્રેરણાથી તેઓ હઠયોગની સાધના કરી રહ્યા છે.
૧ એપ્રિલ ર૦ર૪ ની ૧૧ મે ર૦ર૪ કુલ ૪૧ દિવસની પંચધૂણી સાધનામાં તેઓ અન્ન લીધા વિના અખંડ ધૂણાથી સાધના તેમજ બપોરે ૧ર થી ૩ કલાક દરમિયાન ધોમધખતા તાપમાં પાંચ ધૂણી પ્રગટાવી વચ્ચે બેસી તપ કરી રહ્યા છે. આ પાંચ ધૂણીમાં પહેલા દિવસે એક ધૂણીમાં ર૧ છાણા તેવી પાંચ અલગ ધૂણી પ્રગટાવી તેની વચ્ચે બેસી સાધના કરવામાં આવે છે. ત્યારપછી તે તમામ ધૂણીમાં રોજ એક છાણું ઉમેરી તાપ વધારવામાં આવે છે.
હઠયોગ સાધનામાં શિયાળામાં કડકડતી ઠંડીમાં માટલામાં પાણી ભરી રાખી તેનાથી સ્નાન, ઉનાળાની ગરમીમાં સૂર્ય સામે બેસીને ધૂણી પ્રગટાવી તેની વચ્ચે બેસી સાધના અથવા તો સૂર્ય સામે બેસી તપ તેમજ ચોમાસામાં એક પગે ઊભા રહીને સાધના કરવામાં આવે છે.
હઠયોગી ઉદાસીન સંત શ્રી જીતેશ્વરાનંદજી જણાવે છે કે, 'ભગવાન શ્રી રામ પણ ૧૪ વર્ષ ઉદાસીન વેશમાં રહેલા ઉદાસીનનો અર્થ છે ઈર્ષ્યાથી દૂર તેથી જ ઉદાસીન માટે કોઈ શત્રુ નથી. શરીર અને મનની તાકાત જ્યારે ક્ષીણ થવા લાગે ત્યારે ઈશ્વરની કૃપા અને પ્રેરણાથી જ હઠયોગ થાય છે. ઈશ્વરની ઈચ્છાથી જ હઠયોગની સિદ્ધિ મળે છે. મેં બાળપણથી જ શ્રી હનુમાનજીની સાધના કરી છે અને આ વાતને અનુભવી છે. હાલમાં દેશની યુવાપેઢી આપણા ઋષિ-મુનિઓના આચરણ અને સંદેશને અનુસરશે તો જરૂર શરીર અને મન નિરોગી રહેશે તથા જીવનને સાચી દિશા મળશે.'
૪૧ દિવસની આ સાધનાના સંકલ્પ અંતર્ગત તા. ૧૦ મે ના બાદનપરમાં રાત્રે ૯ વાગ્યે સંતવાણી-ભજન તથા તા. ૧૧ મે ના સાંજે ૪ કલાકે ભંડારાનો પ્રસાદ પીરસાશે.
બાદનપરમાં શ્રી કનકેશ્વર મહાદેવ મંદિરના પૂજારીઓ શ્રી વલ્લભગીરી ગોસાઈ, શ્રી સુરેશગીરી, શ્રી સંજયગીરી, શ્રી હિતેષગીરી, શ્રી ધર્મેશગીરી દ્વારા શિવમંદિરમાં અવિરત સેવા કરવામાં આવી રહી છે. બાદનપરની આ પવિત્ર ભૂમિમાં હઠયોગી સંતની તપસ્યાના દર્શનાર્થે હાલમાં રોજ અનેક ભક્તો પધારી રહ્યા છે.
:: ખાસ મુલાકાત :: તોરલ ઝવેરી
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગર જિલ્લા ડિઝાસ્ટર મેનેજમેન્ટ સેન્ટરની ગાઈડલાઈન્સઃ
જામનગર તા. ૧૮ : હીટવેવ દરમિયાન રક્ષણ મેળવવા લોકોએ શું કરવું અને શું ન કરવું જોઈએ. તે અંગેની જિલ્લા ડિઝાસ્ટર મેનેજમેન્ટની ગાઈડલાઈન્સ પ્રસ્તૂત છે.
હીટવેવ દરમિયાન શું કરવું જોઈએ?
સ્થાનિક હવામાનની આગાહી માટે રેડિયો સાંભળો, ટીવી જુઓ તથા અખબાર વાંચો.
પૂરતું પાણી પીવું જોઈએ. તેમજ ઓઆરએસ લિકવીડ, ઘરે બનાવેલ શુદ્ધ પાણી જેવા કે લસ્સી, પાકી કેરીનો રસ, કાચી કેરી, લીંબુપાણી, છાશ વગેરેનો પૂરતા પ્રમાણમાં ઉપયોગ કરવો જોઈએ. જે શરીરને ફરીથી હાયડ્રેટ કરવામાં મદદ કરે છે.
હળવા વજનના, હળવા રંગના, ઢીલા અને છિદ્રાળુ સુતરાઉ કપડાં પહેરવા જોઈએ.
શકય હોય તેટલું ઘરની અંદર રહેવું. તેમજ તડકામાં બહાર જતી વખતે ગોગલ્સ, શુઝ કે ચપ્પલનો ઉપયોગ કરવો. તમારા માથાને ઢાંકવા માટે કાપડ, ટોપી, કે છત્રીનો ઉપયોગ કરવો.
તમારા ઘરને ઠંડુ રાખો. ઘરમાં પડદા, શટર કે સનશેડનો ઉપયોગ કરો અને રાત્રિના સમય દરમિયાન બારીઓ ખુલ્લી રાખવી જોઈએ.
હીટ સ્ટ્રોક, હીટ રેશ અથવા હીટ કેમ્પ જેમ કે નબળાઈ, ચક્કર આવવા જેવા સંકેતોને તાત્કાલિક ઓળખો અને તેની તુરંત જ સારવાર કરાવવી જોઈએ.
માથાનો દુખાવો થવો, ઉબકા, ઉલટી, પરસેવો થવો, બેભાન થઈ જવું અથવા તમે બીમાર છો, તો તુરંત જ ડોકટરનો સંપર્ક સાધવો જોઈએ.
પ્રાણીઓને છાંયડામાં રાખો અને તેને પીવા માટે પુષ્કળ પાણી આપો.
સગર્ભા કામદારો અને નબળું સ્વાસ્થ્ય ધરાવતા કામદારો પર વધારે ધ્યાન આપવું જોઈએ.
હીટવેવ દરમિયાન શું ન કરવું જોઈએ?
તડકામાં બહાર જવાનું ટાળવું જોઈએ. ખાસ કરીને બપોરના ૧ર કલાકથી ૩ કલાકની વચ્ચે બહારના નીકળવું જોઈએ.
ઘાટા રંગના, ભારે અથવા ચુસ્ત કપડાં પહેરવાનું ટાળો.
જ્યાર બહારનું તાપમાન વધારે હોય ત્યારે ભારે પરિશ્રમવાળી પ્રવૃત્તિઓ ટાળવી જોઈએ.
બપોર દરમિયાન ૧ર કલાકથી ૩ કલાકની વચ્ચે બહાર કામ કરવાનું ટાળો.
ખુલ્લા પગે બહાર અવર જવર ના કરવી જોઈએ.
પીક અવર્સ દરમિયાન રસોઈ કરવાનું ટાળો. રસોડામાં પૂરતા પ્રમાણમાં હવાની અવર-જવર માટે દરવાજા અને બારીઓ ખુલ્લી રાખવી જોઈએ.
બાળકો અથવા પાલતુ પાણીઓને પાર્ક કરેલા વાહનોમાં છોડશો નહીં, કારણ કે તેઓ હીટવેવથી પ્રભાવિત થઈ શકે છે.
આલ્કોહોલ, ચા, કોફી અને કાર્બોરેટેડ સોફટ ડ્રીંક્સ પીવાનું ટાળવું જોઈએ. આ પ્રકારના પીણા શરીરને ડિહાયડ્રેટ કરે છે.
ઉચ્ચ પ્રોટીન ધરાવતો ખોરાક ટાળો અને વાસી ખોરાકનું સેવન ના કરવું જોઈએ.
હાલમાં ઉનાળાની ઋતુમાં હીટવેવથી બચવા માટે સમગ્ર જામનગર જિલ્લાના નાગરિકોને અત્રે જણાવ્યા અનુસાર જાગૃતિના પગલાં લઈ પોતાનું જીવન સુરક્ષિત બનાવવા માટે જિલ્લા વહીવટી તંત્ર તરફથી ખાસ અનુરોધ કરવામાં આવ્યો છે.
તદ્દપરાંત આ બાબતે કોઈપણ મુશ્કેલી જણાય તો ડિસ્ટ્રીકટ ઈમરજન્સી ઓપરેશન સેન્ટર, જામનગરના સંપર્ક નં. ૦ર૮૮ રપપ૩૪૦૪ અને ટોલ ફ્રી હેલ્પલાઈન નંબર ૧૦૭૭ પર સંપર્ક કરવો. સર્વે નાગરિકોને આ માર્ગદર્શિકાનું પાલન કરવા માટે નિવાસી અધિક કલેકટર બી.એન.ખેર, જામનગરની યાદીમાં જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આપણે સૌ જાણીએ જ છીએ, દાંત એ આપણા શરીરનું કેટલું મહત્ત્વનું અંગ છે, એટલે જ તો કુદરતે બીજા બધા અંગો એક કે બે, જેમ કિડની બે, જઠર એક, હૃદય એક, એમ આપ્યા છે. ત્યારે ૩ર આપ્યા છે. પણ દુર્ભાગ્યે આપણી પાસે આટલા બધા દાંત હોવાથી આપણે ઘણી વખત તેમની જાળવણીમાં દુર્લક્ષતા સેવીએ છીએ. આપણા શરીરની તંદુરસ્તીની શરૃઆત સારી પાચનક્રિયાથી થાય છે અને પાચન ક્રિયાની શરૃઆત દાંતથી થાય છે તો દાંત તો અત્યંત મહત્ત્વપૂર્ણ અંગ છે.
આવા મહત્ત્વપૂર્ણ અંગની જાળવણી માટે આપણે નીચે મુજબના સાવ સરળ ઉપાયો અજમાવીશું તો ઘણો લાભ થશે.
રાત્રિના બ્રશઃ આપણને મોટાભાગનાને રાત્રે સુતા પહેલાં બ્રશ કરવાની આદત નથી હોતી અને તેને કારણે જે કંઈ ખોરાક દાંત પર ચોટેલો હોય તે આખી રાત ત્યાંને ત્યાં જ રહે છે. ઉપરથી આપણું મોઢું બંધ રહે તેથી જંતુઓને કામ કરવાનું (દાંતને સડાવવાનું) મોકળું મેદાન મળી જાય છે. એટલે રાત્રે સુતા પહેલાં બ્રશ કરવું ખાસ અગત્યનું છે.
મીઠાના પાણીના કોગળાઃ મીઠું એ કુદરતી જંતુનાશક છે પરંતુ તેને સીધું દાંત પર ઘસવું નહીં કારણ કે તેમ કરવાથી દાંતની ઉપરનું પડ-ઇનેમલ કે જે કયારેય નવું નથી બનતું તે ઘસાઈ જાય છે. માટે મીઠાના કોગળા અને જો પાણી નવશેકુ ગરમ હોય તો તેની અસરકારકતા વધી જાય છે. નવશેકા પાણીમાં એક ચમચી મીઠુ નાંખી તેના કોગળા દિવસમાં ત્રણ વખત કરવાની ચેઢાના રોગોમાં ઘણી રાહત થાય છે.
ગળ્યા અને ચીકણા ખોરાક ટાળોઃ ગળપણ ખાધા બાદ જે દાંત પર ચોંટી રહે છે તે જંતુઓને સૌથી વધુ પોષણકર્તા હોય છે માટે ગળપણવાળી વસ્તુઓ તેમજ ચીકણી વસ્તુઓ જેવી કે ચોકલેટ્સ શકય તેટલું ઓછું લેવું પણ છતાં જો ખાઈએ તો ખાધા બાદ તરત બ્રશ (સાફ) કરી લેવું એ ખૂબ જ અગત્યનું છે.
ફાઈબરયુકત અને વધુ પાણી વાળા ફળો ખાવાઃ જમ્યા બાદ કાકડી (મરચું મીઠું નાંખ્યા વગરની) ચાવી જવાથી દાંત જાતે જ ચોખ્ખા થઈ જશે ફળો શકય તેટલા કુદરતી રૃપમાં એટલે કે જયુસ બનાવ્યા વગર ચાવીને ખાવાથી દાંતને ફાયદો થાય છે.
દાંતના ડોકટરની મુલાકાત સામાન્ય પણે મોટાભાગના લોકો એવું માનતા હોય છે કે દાંત દુઃખે અથવા કંઈ બહુ વધુ તકલીફ પડે તો દાંતના ડોકટર પાસે જવું પરંતુ આ માન્યતા ભુલ ભરેલી છે. દાંતની રચના જોઈએ તો દાંતમાં ત્રણ પડ હોય છે. સૌથી ઉપરનું સફેદ પડ-ઈનેમલ, ત્યારબાદ બીજું પડ ડેન્ટીન અને ત્રીજું પડ પલ્પ સડો, જ્યારે પહેલાં બે પડમાં હોય ત્યારે ખાસ કંઈ તકલીફ જ નથી પડતી ખાલી ગળ્યુ અથવા એકદમ ઠંડુ કે એકદમ ગરમ ખાવાથી કયારેક ઝણઝણાટી લાગે છે પરંતુ એટલી બધી નહીં કે ડોકટર પાસે દોડવું પડે. આ સ્ટેજમાં સડો હોય ત્યારે જો તેનું નિદાન થાય તો ફકત ફીલીંગ એટલે કે સડેલો ભાગ કાઢી ત્યાં બીજું મટીરીયલ ભરવાથી કામ પતી જાય છે. પરંતુ આ સ્ટેજમાં જો ખ્યાલ ન આવે તો સડો ત્રીજા પડમાં (પલ્પમાં) પહોંચે છે. અને સખત દુખાવો થાય છે તથા મૂળની સારવાર કરવી પડે છે અને તેના માટે સમય અને ખર્ચ બંને વધુ લાગે છે તો જો દાંતના ડોકટરને દર છ મહિને નિયમિત બતાવીએ તો આ રીતની લાંબી વિધિથી તથા ખર્ચથી બચી શકાય.
ડો. બ્રિજેશ રૃપારેલીયા
એમ.ડી.એસ. કોર કમિટી,મેમ્બર,
જામનગર ડેન્ટલ એસોસિએશન
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
વિવિધ કારણે થતી આત્મહત્યાઓ અટકાવવા સમાજે પણ જાગૃત બનવું પડેઃ
ગંભીર પ્રકારની બીમારીઓમાં ઝડપભેર થઈ રહેલો વધારો અને અસાધ્ય તથા અસહ્ય માંદગીના કેસોની વૃદ્ધિ સામે સરકારે અમલી બનાવેલા શાળા આરોગ્ય તપાસણી કાર્યક્રમ, કુપોષણ નિવારણ કાર્યક્રમ, ઈમ્યુનાઈઝેશન પ્રોગ્રામ્સ, આરોગ્ય અને તબીબી ક્ષેત્રની અનેક યોજનાઓ તથા 'આભા' કાર્ડ એટલે કે આયુષ્માન ભારત યોજના હેઠળ ગંભીર પ્રકારની ચોક્કસ બીમારીઓમાં મળતી નિઃશુલ્ક સારવારની યોજના પણ જાણે ટૂંકી પડી રહી હોય તેમ ગ્રામ્ય, શહેરી અને પહાડી વિસ્તારો સહિત દેશભરમાં દવાખાના-હોસ્પિટલો દર્દીઓથી ઉભરાઈ રહ્યા છે, અને હવે તો શરીરના અંગો, બીમારીઓના પ્રકારો તથા તેની વિવિધ ઉપચાર પદ્ધતિઓ માટેના અલગ-અલગ નિષ્ણાત તબીબો, લેબોરેટરીઓ, બ્લડબેન્કો અને તબીબી પરીક્ષણો માટેના અદ્યતન મશીનોની ભરમાર વચ્ચે ઘણાં દર્દીઓ તથા તેના પરિવારજનો અથવા કેરટેકરો હડિયાપટ્ટી કરી રહેલા જોવા મળે છે.
હવે તો બીમારી કે દર્દ સહન નહીં થવાના કારણે આત્મહત્યા કરવાના કિસ્સાઓ પણ ઝડપભેર વધી રહ્યા છે. દેશભરમાં આમ તો, વિવિધ કારણોસર આત્મહત્યા કરવાના કેસોમાં પણ વધારો થઈ રહ્યો છે, અને બેકારી (બેરોજગારી), પાક નિષ્ફળ જવો, વેપાર-ધંધો બરાબર નહીં ચાલવો, ક્વોલિફિકેશન હોવા છતાં ઈચ્છિત નોકરી નહીં મળવી, પારિવારિક તકરારો અને કોઈએ ઠપકો આપ્યો હોય, પરીક્ષાનું પરિણામ નબળું આવ્યું હોય, પરીક્ષામાં નાપાસ થવાનો ડર હોય કે પેપર નબળા ગયા હોય, તેવા કિસ્સામાં આત્મહત્યા કરવાની ઘટનાઓ વધી રહી છે. અત્યારે અદ્યતન અને ઝડપી યુગમાં સહનશક્તિ પણ ખતમ થઈ રહી છે, અને જીદ્દીપણું વધી રહ્યું હોવાથી ઘણી વખત બાળકો, કિશોર-કિશોરીઓ કે યુવાવર્ગને મોબાઈલ લઈ દેવાની ના પાડી હોય, હોટલો-ક્લબ કે પિકનિકમાં જવાની મનાઈ કરી હોય કે પછી પસંદગીના યુવક-યુવતી સાથે લગ્ન કરવાની ના પાડી હોય, તેવા કારણાસર આત્મહત્યાના કિસ્સાઓ પણ નોંધાવા લાગ્યા છે, જે ચિંતાજનક છે અને આ તમામ પ્રકારની આત્મહત્યાઓ થતી અટકાવવા સરકારે જ નહીં, સ્વયં સમાજે પણ જાગૃત થવું જ પડશે. ચૂંટાયેલા જનપ્રતિનિધિઓએ પણ પંચાયતોથી પાર્લામેન્ટ સુધી ખેડૂતોની આત્મહત્યાઓ માટે જેવી રીતે અવાજ ઊઠાવાઈ રહ્યો છે, તેવી જ રીતે આ તમામ પ્રકારની આત્મહત્યાઓ માટે પણ જોરદાર અવાજ ઊઠાવવો જ જોઈએ, તેમ નથી લાગતું?
ગુજરાતમાં પણ ગંભીર અને પીડાદાયક બીમારીઓના કારણે થતી આત્મહત્યાઓની ચર્ચા દરમિયાન કેટલાક આંકડાઓ સામે આવી રહ્યા છે, જે કષ્ટદાયક છે. બહાર આવેલી વાસ્તવિક્તા મુજબ ગુજરાતમાં કેન્સર, એઈડ્સ, ટીબી, માનસિક રોગો વગેરેની પીડાથી કંટાળીને દરરોજ સરેરાશ ચારથી પાંચ લોકો પોતાની જિંદગી ટૂંકાવી લેતા હોવાના ચોંકાવનારા આંકડા બહાર આવ્યા હતાં.
વર્ષ ર૦રર માં આ પ્રકારે વિવિધ પ્રકારની બીમારીઓ અને પીડાથી કંટાળીને ૧૧૭ર પુરુષ અને પ૭૪ મહિલાઓ અને ૧ ટ્રાન્સજેન્ડર સહિત ૧૭૪૭ દર્દીઓએ આત્મહત્યા કરી હોવાના આંકડા બહાર આવ્યા છે. તેની આગળના વર્ષે પણ આ આંકડો લગભગ આટલો જ હતો.
આ આંકડાઓમાં સૌથી ચોંકાવનારી અને વધુ ચિંતાજનક બાબત એવી છે કે બીમારીથી કંટાળીને આત્મહત્યા કરનાર વ્યક્તિઓમાં ગુજરાતમાં સૌથી વધુ દર્દીઓ માનસિક બીમાર હતાં. બીજા શબ્દોમાં કહીએ તો રાજ્યમાં માનસિક બીમારીથી કંટાળીને કે બીમારીની અસર હેઠળ ભાન ભૂલી જવાથી એક વર્ષમાં ૮૦૦ થી ૯૦૦ મેન્ટલ પેશન્ટ્સ આત્મહત્યા કરે છે, વર્ષ ર૦રર ના આંકડાઓને કેન્દ્રમાં રાખીને આ મુદ્દે તબીબી સંસ્થાઓ, રાજ્ય-કેન્દ્રના સ્વાસ્થ્ય વિભાગો તથા માનવતાવાદી સંસ્થાઓએ ગહન ચિંતન કરવું જરૂરી છે, અને વર્ષ ર૦ર૩ ના આંકડાઓ સામે આવ્યા પછી તેની સરખામણી કરીને આ પ્રકારે થતી આત્મહત્યાઓ ઘટાડવા સરકારી અને સામાજિક ક્ષેત્રોએ સહિયારા પ્રયાસ કરવા જોઈએ, ખરૂ ને?
એક વર્ષમાં ૮૮૦ માનસિક રીતે બીમાર, કેન્સરથી પીડિત ૧૦૭, પેરાલિસિસથી પરેશાન ૭૦, એઈડ્સના કારણે રપ દર્દીઓએ આત્મહત્યા કરી લીધી હોવાના આ આંકડાઓ રાજ્યમાં વર્તમાન તબીબી સુવિધાઓ, સરકારી યોજનાઓ અને સામાજિક સૌહાર્દ અને પારિવારિક હૂંફના સંદર્ભે પણ અંગૂલીનિર્દેશ કરે છે, તેમ જણાય છે, અને આ સંવેદનશીલ મુદ્દે ટોપ ટુ બોટમ અને સર્વક્ષેત્રિય સહિયારા પ્રયાસો કરીને આ રીતે થતી આત્મહત્યાઓ અટકાવવા આગળ આવવું જોઈએ, તેમ નથી લાગતું?
આ ઉપરાંત ઘણી વખત લાંબા સમયથી પથારીવસ કે પરાવલંબી રહેવું પડતું હોય, લાંબી માંદગી અને ઉપચારથી કંટાળી ગયા હોય કે કેટલાક કિસ્સાઓમાં દેખભાળ કે સેવા કરનારૂ કોઈ ન હોય, તેવા કારણોથી આત્મહત્યા કરી લેનારા દર્દીઓની સંખ્યા પણ નાની નથી. આ તમામ પ્રકારની આત્મહત્યાઓ આપણાં માટે એક એવા દર્પણ જેવી છે, જેની સામે આપણે આંખ આડા કાન કરતા રહીએ છીએ, અને તેથી જ કદાચ આ માનવતાલક્ષી તથા સંવેદનશીલ મુદ્દે કોઈપણ ક્ષેત્રે અવાજ ઊઠાવાઈ રહ્યો નથી.
આત્મહત્યા કોઈપણ સમસ્યાનો ઉકેલ નથી, અને શેરસટ્ટામાં હારી જવાથી, ગુન્હો કર્યા પછી પકડાઈ જવાની બીકે કે આબરૂ જવાના ડરથી કે પછી અનૈતિક કૃત્ય કર્યા પછી અફસોસ થવાથી થતી આત્મત્યાઓ જેવા બીજા ઘણાં કારણો આત્મહત્યા માટે કારણભૂત હોઈ શકે છે, પરંતુ કોઈપણ પ્રકારની આત્મહત્યાને યોગ્ય ઠેરવી શકાય જ નહીં, તેમાં પણ જો બીમારીથી કંટાળીને કે સારવાર, સેવા, હૂંફ, મદદ કે દકારના અભાવે થતી દર્દીઓની આત્મહત્યાઓ તો આપણા બધા માટે કલંકરૂપ જ ગણાય.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
યુપીએના શાસનગાળામાં પણ અદાલતની અટારીએથી સીબીઆઈને સરકારનો પોપટ કહેવાયો હતો, તે જાણીતી વાત છે
એક તરફ દિલ્હીના મુખ્યમંત્રી જેલમાં છે અને કાનૂની સકંજો કસાયો છે, તો બીજી તરફ આ મુદ્દે આક્ષેપો-પ્રતિઆક્ષેપો થઈ રહ્યા છે. લોકસભાની ચૂંટણી નજીક આવતી જાય છે, તેમ તેમ રાજકીય આરોપો-પ્રતિઆરોપોનો દોર વધી રહ્યો છે. ભાજપ પર વિપક્ષો મોંઘવારી અને બેરોજગારીના મુદ્દે તડાપીટ બોલાવી રહ્યા છે, તો ભાજપ તથા એનડીએ ભ્રષ્ટાચાર અને પરિવારવાદના આક્ષેપો કરીને વિપક્ષોને તકવાદી ગણાવી રહ્યા છે. ભાજપમાં સામેલ થયેલા અજીત પવાર, છગન ભૂજબળ વગેરે સામે ભ્રષ્ટાચારના આરોપો છતાં કેન્દ્રિય એજન્સીઓ તેને ત્યાં દરોડો કેમ પાડતી નથી, તેવા આક્ષેપો થઈ રહ્યા છે, તો થોડા મહિના પહેલા કોંગ્રેસના એક સાંસદને ત્યાંથી પકડાયેલી જંગી રોકડ રકમની ઘટના પછી એન.ડી.એ. દ્વારા તેના પર તડાપીટ બોલાવાઈ હતી અને આ રેડ સફળ થયા પછી રાજકીય ક્ષેત્રે અથવા રાજનીતિની આડમાં ચાલી રહેલા ભ્રષ્ટાચારની વાતો થવા લાગી હતી, તો ભાજપના પ્રવક્તાઓ પણ ધીરજ સાહુની સાથે સાથે આ જંગી રકમ સાથે કોંગ્રેસ પાર્ટીને પણ સાંકળવા લાગ્યા હતાં. આ મુદ્દે તે પછી જે કાંઈ બન્યું હતું, તે આપણે જોયું હતું, પરંતુ આ પછી કેન્દ્રિય એજન્સીઓ માત્ર વિપક્ષના નેતાઓને જ કેમ ઝપટમાં લ્યે છે? શું એનડીએમાં કોઈ નેતા-નેતીને ત્યાં આ પ્રકારે રેડ પાડવાની હિંમત કેન્દ્રિય એજન્સીઓની થતી નથી? શું આઈટી વિભાગ કેન્દ્રના ઈશારે એકને ગોળ અને બીજાને ખોળ જેવી પક્ષપાતી નીતિ અપનાવી રહ્યું છે? શું વિરોધીઓનો અવાજ દબાવવા કેન્દ્રિય એજન્સીઓ તથા બંધારણિય સંસ્થાઓનો દુરૂપયોગ વધી રહ્યો છે? તેવા પ્રશ્નો જોરશોરથી ચર્ચાવા લાગ્યા છે. ધીરજ સાહુ જેવા અપવાદોને બાદ કરીએ તો કેન્દ્રિય એજન્સીઓ જે વિપક્ષી નેતાઓની સામે કાર્યવાહી કરે છે કે દરોડા પાડે છે, તેમાંથી મોટાભાગના કેસોમાં એજન્સીઓ પાસે પૂરતા પુરાવા કે સાક્ષી પણ હોતા નથી, તેવા દાવા સાથે વિપક્ષો કેન્દ્ર સરકાર પર બદલાની રાજનીતિ અને વિપક્ષના અવાજને દબાવવાના પ્રયાસ તરીકે કેન્દ્રિય એજન્સીઓની શંકાસ્પદ ભૂમિકાના સણસણતા આક્ષેપો કરતા રહે છે. તેની સામે એનડીએ અને ખાસ કરીને ભાજપના પ્રવક્તાઓ પ્રતિઆક્ષેપો કરીને ભ્રષ્ટાચારીઓ તથા દેશવિરોધીઓને છાવરવાનો વિપક્ષો અને ખાસ કરીને આક્ષેપો કરતા રહે છે, તેમાં પણ કેજરીવાલને દિલ્હી હાઈકોર્ટે ઝટકો આપીને તેને પણ લીકર કૌભાંડના પ્રથમ દૃષ્ટિએ આરોપી ગણાવ્યા પછી એનડીએ ઈન્ડિયા ગઠબંધન સામે તૂટી પડ્યું છે. આ આક્ષેપો-પ્રતિઆક્ષેપો વચ્ચે તાજેતરમાં આ મુદ્દે અખબારો-મીડિયા અને સોશ્યલ મીડિયામાં કેટલાક તારણો અને કારણો સહિતના વિશ્લેષણો પણ પ્રસ્તુત થયા હતાં. આ 'લાઈવ' મુદ્દે આમ તો હંમેશાં ચર્ચા થતી જ રહે છે, પરંતુ કેટલાક તારણો એવા આવ્યા છ ે, જેમાંથી આ મુદ્દાનું તાર્કિક અને વાસ્તવિક ચિત્ર પ્રસ્તુત થઈ રહેલું જણાય છે.
અત્રે ઉલ્લેખનિય છે કે, કેન્દ્રિય એજન્સીઓના દુરૂપયોગનો મુદ્દો યુપીએ સરકારના શાસન વખતે પણ ઉછળ્યો હતો, અને કોઈ મહત્ત્વપૂર્ણ કેસની સુનાવણી દરમિયાન સુપ્રિમ કોર્ટે પણ સીબીઆઈને 'સરકાર કા તોતા' એટલે કે સરકારે પઢાવેલા પોપટની ઉપમા આપીને ટકોર કરી હતી. સરકાર બદલાયા પછી પણ સ્થિતિ બહું બદલાઈ નથી, પરંતુ કેન્દ્રિય એજન્સીઓની સક્રિયતા અનેકગણી વધી ગઈ હોવાના તારણો નીકળી રહ્યા છે.
કેન્દ્રિય એજન્સીઓ વધુને વધુ સક્રિય રહે અને ભ્રષ્ટાચારીઓ, આતંકવાદીઓ, ષડ્યંત્રકારીઓ અને અર્થતંત્રને ખોખલું કરવાના કાવતરાઓ માટે રચ્યાપચ્યા રહેતા ગદ્દારો સામે કડકમાં કડક વલણ રાખે, તે આવકાર્ય અને અનિવાર્ય જ ગણાય, પરંતુ જ્યારે આ પ્રકારની કાર્યવાહી પક્ષપાતી જણાય કે વિપક્ષના જુદા જુદા નેતાઓને ટાર્ગેટ કરીને વધુ થવા લાગે, ત્યારે તે સત્તાનો દુરૂપયોગ અને લોકતાંત્રિક ભાવનાઓની અવહેલના જ ગણાય ને?
આ જ રીતે કેટલીક બંધારણીય સંસ્થાઓ પણ જો સરકારના દબાણ હેઠળ કામ કરે અને પોતાની પાસે બંધારણીય સ્વાયત્તતા હોવા છતાં શાસકોની કઠપૂતળી બની જાય તો તે પણ તાનાશાહીનું સ્વરૂપ જ ગણાય ને?
જો કે, આપણે પણ પક્ષપાત કર્યા વગર તદ્ન તટસ્થ રીતે આ ચર્ચાનો સારાંશ કાઢીએ તો તપાસ એજન્સીઓ જ્યાં સુધી પોતાની ફરજો સ્વતંત્ર રીતે બજાવતી હોય, અને 'પક્ષપાત' જોયા વગર ભ્રષ્ટ નેતાઓ પર ત્રાટકતી હોય, ત્યાં સુધી તેને બીરદાવવી જ જોઈએ, અને એ પણ હકીકત છે કે આ પહેલા પુરોગામી સરકારોના સમયગાળામાં પણ જે રાજનેતાઓને ત્યાં દરોડા પડતા હતાં, તે મહત્તમ વિપક્ષી નેતાઓ જ હતાં, જો કે એવું કહેવાય છે કે, વર્તમાન સરકારના સમયગાળામાં આ 'સક્રિયતા' અનેકગણી વધી ગઈ છે?!
વર્ષ ર૦૧૪ માં મોદી સરકાર સત્તામાં આવી, ત્યારે ચૂંટણી પ્રચાર દરમિયાન કરેલા વાયદાઓ મુજબ કાળુ નાણું બહાર લાવવાનું સરકાર પર દબાણ હતું, તેવા સમયે પ્રથમ કેબિનેટમાં જ મોદી સરકારે એક એસઆઈટીની રચના કરી હતી. એ પછીથી કેન્દ્રિય એજન્સીઓ તથા કેટલીક બંધારણીય સંસ્થાઓ કેન્દ્ર સરકારની પપેટ (કઠપૂતળી) બનીને કામ કરી રહી હોવાના અને માત્ર વિપક્ષી નેતાઓને જ નિશાન બનાવાઈ રહ્યા હોવાના આક્ષેપો વિપક્ષો કરતા જ રહ્યા છે, અને શાસક પક્ષો તેને નકારતા રહ્યા છે.
કેન્દ્રિય એજન્સીઓ સીબીઆઈ, આઈટી, ઈન્કમટેક્સ વગેરે દ્વારા થતી કાર્યવાહી તથા દરોડાની સરખામણી થવા લાગી છે, તે મુજબ યુપીએની સરકારના શાસનકાળમાં પણ આ કેન્દ્રિય એજન્સીઓએ જે રાજનેતાઓને ત્યાં દરોડા પાડ્યા, તેમાં મહત્તમ રાજનેતાઓ તે સમયના વિરોધ પક્ષના નેતાઓ જ હતાં.
જો કે, યુપીએના સમયગાળા કરતા એનડીએના સમયગાળામાં ઈડી વધુ સક્રિય બની ગઈ છે. યુપીએના સમયગાળામાં ઈડીની રડારમાં બે પૂર્વ મુખ્યમંત્રી, ૩ મંત્રીઓ, ૩ સાંસદો આવ્યા હતાં, જ્યારે એનડીએના વર્તમાન બે ટર્મના સમયગાળામાં બે મુખ્યમંત્રી, ૧૪ પૂર્વ મુખ્યમંત્રી, ૧૯ મંત્રીઓ, ૭ પૂર્વ સાંસદો સામે તપાસના આંકડા ચર્ચાઈ રહ્યા છે. આ આંકડાઓ 'અડધો ગ્લાસ ખાલી કે ભરેલો'ની કહેવત જેવા છે, એમ પણ કહી શકાય કે એજન્સીઓ પક્ષપાતી છે, અને એમ પણ કહી શકાય કે અગાઉના વિપક્ષ કરતા વર્તમાન વિપક્ષના નેતાઓ વધુ ભ્રષ્ટ છે!
આજે જ અહેવાલો આવ્યા છે કે ઈડીએ કરેલી તપાસ પછી થયેલા કેસના ત્રણ ટકા કેસ જ રાજદ્રારીઓ સામે થયા છે, અને રૂ. ૨૨૦૦ કરોડની સંપત્તિ જપ્ત કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
માન્ય ૫ક્ષોની હાજરીમાં ફર્સ્ટ રેન્ડમાઈઝેશનઃ આદર્શ આચારસંહિતા અંતર્ગત લેવાઈ રહેલા પગલાઃ ચૂસ્ત અમલ
જામનગર તા. ૫: લોકસભા સામાન્ય ચૂંટણી-ર૦ર૪ અંતર્ગત જરૂરી તૈયારીઓ થઈ રહી છે, અને રાષ્ટ્રીય માન્યતા પ્રાપ્ત રાજકીય પક્ષોની હાજરીમાં ઈવીએમ ફર્સ્ટ રેન્ડમાઈઝેશન હાથ ધરવામાં આવશે, તેમ ચૂંટણી પંચની યાદી જણાવે છે.
ગુજરાતમાં લોકસભાની સામાન્ય ચૂંટણી તથા વિધાનસભાની ૦૫ બેઠકો પર પેટાચૂંટણી સંદર્ભે મુખ્ય નિર્વાચન અધિકારીની કચેરી દ્વારા આખરી તૈયારીઓ ચાલી રહી છે. રાજ્યભરમાં નિયુક્ત કરવામાં આવેલા પોલીંગ સ્ટાફના ફર્સ્ટ રેન્ડમાઈઝેશનની કામગીરી પૂર્ણ કરી દેવામાં આવી છે. રાજ્યભરના તમામ પ્રિસાઈડીંગ ઑફિસર્સ અને પોલીંગ ઑફિસર્સની તાલીમ પણ પૂર્ણ કરી દેવામાં આવી છે. મતદાર યાદીની ખાસ સંક્ષિપ્ત સુધારણા-૨૦૨૪ તેમજ ત્યારબાદ આવેલી અરજીઓ પૈકી ૧૪ લાખથી વધુ ફોટો ઓળખકાર્ડ (ઈપીઆઈસી) નું વિતરણ પૂર્ણ કરી દેવામાં આવ્યું છે.
દેશના ગર્વ સમાન ચૂંટણીના આ પર્વમાં મહત્તમ મતદારો સહભાગી થાય તે હેતુથી મતદાન જાગૃતિ માટે કરવામાં આવેલી પ્રવૃત્તિઓ અંગે વાત કરતાં મુખ્ય નિર્વાચન અધિકારી શ્રીમતી પી. ભારતીએ જણાવ્યું હતું કે, મહિલાઓની મતદાનની સહભાગિતા વધારવા રાજ્યભરમાં બુથ લેવલે બેઠકો યોજી તેમને મતદાન માટેની આમંત્રણ પત્રિકા આપવામાં આવશે. યુવા મતદારોને પ્રોત્સાહિત કરવા કેમ્પસ એમ્બેસેડર્સ સાથે ઑનલાઈન મીટ યોજવામાં આવી હતી. સાથે જ અમદાવાદના મોટેરા સ્ટેડિયમ આયોજિત થનાર આઈપીએલ મેચ દરમિયાન વિવિધ માધ્યમોથી મતદાન જાગૃતિની બહુવિધ પ્રવૃત્તિઓ પણ કરવામાં આવી રહી છે.
ઈવીએમનું રેન્ડમાઈઝેશન
તા. ૪-૪-૨૦૨૪ થી તા. ૮-૪-૨૦૨૪ દરમિયાન રાજ્યના તમામ જિલ્લાના જિલ્લા ચૂંટણી અધિકારીશ્રીઓ દ્વારા રાષ્ટ્રીય માન્યતા પ્રાપ્ત રાજકીય પક્ષોની હાજરીમાં ઈવીએમનું ફર્સ્ટ રેન્ડમાઈઝેશન હાથ ધરવામાં આવશે. ફર્સ્ટ રેન્ડમાઇઝેશન બાદ રેન્ડમાઇઝ્ડ ઈવીએમ ની યાદી માન્યતા પ્રાપ્ત રાજકીય પક્ષોને પૂરી પાડવામાં આવશે. સાથે જ રેન્ડમાઇઝ્ડ ઈવીએમ જિલ્લા ચૂંટણી અધિકારીઓ દ્વારા તેઓના જિલ્લાના તમામ વિધાનસભા મતવિભાગના મદદનીશ ચૂંટણી અધિકારીઓને સોંપવામાં આવશે. જ્યાં સંબંધિત મદદનીશ ચૂંટણી અધિકારી દ્વારા ઈવીએમ નો વિધાનસભા મતવિભાગ કક્ષાના સ્ટ્રોંગરૂમમાં માન્યતા પ્રાપ્ત રાજકીય પક્ષોની હાજરીમાં નિયત પ્રોટોકૉલ મુજબ સંગ્રહ કરવામાં આવશે.
ચૂંટણી ખર્ચ દેખરેખ અને નિયંત્રણ
ચૂંટણી ખર્ચ દેખરેખ અને નિયંત્રણ માટે રાજ્યમાં કાર્યરત ૭૫૬ ફ્લાઈંગ સ્કવોર્ડ્સ દ્વારા અત્યાર સુધીમાં રૂ.૫.૭૨ કરોડ રોકડ, રૂ. ૯.૨૬ કરોડની કિંમતનો ૨.૯૭ લાખ લીટર કરતાં વધુ દારૂ, રૂ. ૨૦.૧૩ કરોડની કિંમતનું ૩૪.૫૯ કિલો સોનું અને ચાંદી, રૂ.૫૦ લાખની કિંમતના ૪૩૬.૯૮ કિલો પ્રતિબંધિત નશાકારક પદાર્થો તથા મોટરકાર, મોટર સાઈકલ, સિગારેટ, લાઈટર, અખાદ્ય ગોળ અને અરિકા નટ્સ સહિતની રૂ.૩૦.૪૭ કરોડની અન્ય વસ્તુઓ મળી કુલ રૂ.૬૬.૦૯ કરોડની વસ્તુઓ જપ્ત કરવામાં આવી છે.
કાયદો અને વ્યવસ્થા
લોકસભા સામાન્ય ચૂંટણી-૨૦૨૪ ની જાહેરાતથી આજદિન સુધીમાં રાજ્યભરમાંથી લાયસન્સ વાળા કુલ ૪૭,૯૦૦ થી વધુ હથિયારો જમા કરવામાં આવ્યા છે. આ ઉપરાંત ૨૭,૩૦૦ થી વધુ બિન જામીનપાત્ર વોરંટની બજવણી કરવામાં આવી છે.
ફરિયાદ નિવારણ
સી-વીજીલ મોબાઈલ એપ પર તા.૧૬/૦૩/૨૦૨૪ થી તા.૦૧/૦૪/૨૦૨૪ સુધી આદર્શ આચારસંહિતાના ભંગ અંગે કુલ ૮૧૬ ફરિયાદો મળી છે. ભારતના ચૂંટણી પંચની માર્ગદર્શિકા અનુસાર આ તમામ ફરિયાદોનો તાત્કાલિક યોગ્ય નિકાલ કરવામાં આવ્યો છે.
નેશનલ ગ્રીવન્સ સર્વિસ પોર્ટલ પર તા.૧૬/૦૩/૨૦૨૪ થી તા.૦૧/૦૪/૨૦૨૪ સુધી મતદાર ઓળખપત્ર (ઈપીઆઈસી) અંગેની ૪,૧૭૦, મતદાર યાદી સંબંધી ૪૨૫, મતદાર કાપલી સંબંધી ૯૨ તથા અન્ય ૧,૧૩૮ મળી કુલ ૫,૮૨૫ ફરિયાદો મળી છે. આ ઉપરાંત, મુખ્ય નિર્વાચન અધિકારીની કચેરી ખાતે કાર્યરત કંટ્રોલ રૂમના હેલ્પલાઈન નંબર ઉપર તા.૧૬/૦૩/૨૦૨૪થી આજદિન સુધીમાં કુલ ૫૦ ફરિયાદો મળી છે, જે તમામનો પણ ચૂંટણી પંચની માર્ગદર્શિકા અનુસાર યોગ્ય નિકાલ કરવામાં આવ્યો છે. સાથે સાથે કચેરીમાં ટપાલ અને ઈ-મેઇલ મારફતે મીડિયા સંબંધી ૧૪, રાજકીય પક્ષો લગત ૦૩, ચૂંટણી પંચ સંબંધી ૧૪ તથા અન્ય ૨૨૯ મળી કુલ ૨૬૦ ફરિયાદો મળી છે.
મતદાર ફોટો ઓળખકાર્ડ (ઈપીઆઈસી) નું વિતરણ
મતદાર યાદીની ખાસ સંક્ષિપ્ત સુધારણા-૨૦૨૪ અંતર્ગત સપ્ટેમ્બર-૨૦૨૩ ના ત્રીજા અઠવાડિયાથી ડિસેમ્બર-૨૦૨૩ ના બીજા અઠવાડિયા દરમિયાન મતદારયાદીમાં સુધારણા માટે મળેલી અરજીઓ પૈકી મંજુર થયેલા ૧૩ લાખથી વધુ મતદાર ફોટો ઓળખકાર્ડ તથા ગત ડિસેમ્બર-૨૦૨૩ ના ત્રીજા અઠવાડિયાથી ફેબ્રુઆરી-૨૦૨૪ ના ત્રીજા અઠવાડિયા દરમિયાન મતદાર યાદીમાં સુધારણા માટે મળેલી અરજીઓ સંદર્ભે મંજુર થયેલી કુલ ૪.૪ લાખ અરજીઓ પૈકી ૧.૪ લાખ મતદાર ફોટો ઓળખકાર્ડ (ઈપીઆઈસી) નું વિતરણ પૂર્ણ કરી દેવામાં આવ્યું છે. જ્યારે બાકી રહેલા ૨.૯ લાખ મતદાર ફોટો ઓળખકાર્ડ (ઈપીઆઈસી) નું વિતરણ તા. ૨૦ એપ્રિલ, ૨૦૨૪ સુધીમાં પૂર્ણ કરવાનું આયોજન કરવામાં આવ્યું છે.
પોલીંગ સ્ટાફ
મતદાન સ્ટાફનું પ્રથમ રેન્ડમાઈઝેશન તા.૨૧/૦૩/૨૦૨૪ ના રોજ પૂર્ણ કરી દેવામાં આવ્યું છે. સાથે જ રાજ્યભરના તમામ પ્રિસાઇડિંગ ઓફીસર્સ અને પોલીંગ ઓફીસર્સની તાલીમ પણ પૂર્ણ કરી દેવામાં આવી છે.
મતદાર જાગૃતિ કાર્યક્રમો
લોકસભાની સામાન્ય ચૂંટણીમાં તમામ વર્ગના મતદારોની સહભાગિતા વધે અને વધુમાં વધુ મતદારો મતદાન કરે તે માટે જાગૃતિ કેળવવા રાજ્યભરમાં વિવિધ કાર્યક્રમો યોજવામાં આવે છે. આગામી ચૂંટણીમાં બૂથ લેવલે મીટીંગનું આયોજન કરી મહિલા મતદારોને મતદાન માટે પ્રોત્સાહિત કરવા મુખ્ય નિર્વાચન અધિકારી વતી સહકુટુમ્બ મતદાન માટે આમંત્રણ પત્રિકા આપવામાં આવશે. યુવા મતદારોને મતદાન માટે પ્રેરિત કરવા કેમ્પસ એમ્બેસેડર્સ સાથે ફેસબુક લાઇવના માધ્યમથી ઑનલાઇન મીટનું આયોજન કરવામાં આવ્યું હતું. જેમાં લગભગ ૧,૨૦૦ કેમ્પસ ઍમ્બેસેડર્સે ભાગ લીધો હતો. આ ઉપરાંત સોશ્યલ મીડિયા ઈન્ફલુઅર્ન્સ, એમઓયુ પાર્ટનર અને ડિસ્ટ્રીક્ટ આઈકોન સાથે વર્કશોપ યોજી મહત્તમ સંખ ્યામાં મતદારો મતદાન પ્રક્રિયામાં ભાગ લે તે બાબતે પ્રોત્સાહિત કરવામાં આવ્યા હતા. સાથે જ મતદાર જાગૃતિ સંદર્ભે એઓયુ પાર્ટનર્સ સાથે રાજ્ય કક્ષાએ મીટીંગનું પણ આયોજન કરવામાં આવ્યું હતું. અમદાવાદના મોટેરા સ્ટેડિયમ આયોજિત થનાર આઈપીએલ મેચ દરમિયાન ભારતના ચૂંટણી પંચ તથા મુખ્ય નિર્વાચન અધિકારીની કચેરી દ્વારા તૈયાર કરવામાં આવેલા વીડિયો, હોર્ડિંગ્સ તથા બેનર્સના માધ્યમથી મતદાન જાગૃતિની બહુવિધ પ્રવૃત્તિઓ પણ કરવામાં આવશે. વધુમાં, મતદારોને મતદાન પ્રક્રિયાથી અવગત કરાવવાના હેતુથી અંદાજે ૧.૩૦ કરોડ ઘરોમાં મતદારો માટેની માર્ગદર્શિકા (વોટર ગાઈડ) ઘરે ઘરે પહોંચાડવામાં આવશે.
દિવ્યાંગ અને વરિષ્ઠ મતદારોને સુગમતા
દિવ્યાંગ અને વરિષ્ઠ મતદારોને ભારતના ચૂંટણી પંચની સૂચના અનુસાર મતદાનમાં સુગમતા રહે તે માટે વિશેષ સવલતો આપવામાં આવે છે. જે અંતર્ગત દરેક જિલ્લામાં તાલીમબદ્ધ પીડબલ્યુડીએસ ડિસ્ટ્રીક્ટ નોડલ ઓફિસર્સની નિમણૂક કરવામાં આવી છે. દિવ્યાંગજનો માટે મતદાન મથક ખાતે આવશ્યક સુવિધાઓની ચકાસણી હેતુ ૦૭ જેટલા આઈએએસ અધિકારીઓની પણ નિમણૂક કરવામાં આવી છે.
મતદાનના દિવસે મતદાન મથકમાં દિવ્યાંગ અને વરિષ્ઠ મતદારો માટે આવશ્યક રેમ્પ, વ્હીલ ચેર્સ અને સ્વયં સેવકોની વ્યવસ્થા કરવા માટે સર્વે જિલ્લા ચૂંટણી અધિકારીઓને જણાવવામાં આવ્યું છે. સાથે જ દરેક જિલ્લામાં, દિવ્યાંગજનો માટે કાર્યરત સંસ્થાઓની નોડલ સંસ્થા તરીકે નિમણૂંક પણ કરવામાં આવી છે. દિવ્યાંગ મતદારોને મતદાન માટે પ્રોત્સાહિત કરવાના હેતુથી રાજ્યમાં ર-પીડબલ્યુડી સ્ટેટ આઈકોન અને ૩ પીડબલ્યુડી ડિસ્ટ્રીક્ટ આઈકોનની નિમણૂંક કરવામાં આવી છે.
રાજ્યમાં શહેરી અને ગ્રામીણ વિસ્તારના ૪૦ ટકાથી વધુ દિવ્યાંગતા ધરાવતા દિવ્યાંગ મતદારો અને ૮૫ વર્ષથી વધુ વય ધરાવતા વરિષ્ઠ મતદારો માટે મતદાનના દિવસ માટે શહેરી વિકાસ અને શહેરી ગૃહ નિર્માણ વિભાગ તથા બંદરો અને વાહન વ્યવહાર વિભાગના સંકલનમાં મફત ટ્રાન્સપોર્ટેશનની સુવિધા ઉપલબ્ધ કરાવવા બાબતે સર્વે જિલ્લા ચૂંટણી અધિકારીઓને જણાવવામાં આવ્યું છે.
દૃષ્ટીહિન દિવ્યાંગ મતદારો માટે બ્રેઈલ લિપિમાં મતદાનનું સ્થળ, ભાગ નંબર તથા મતદારના ક્રમ નંબર દર્શાવતી એક્સેસીબલ વોટર ઈન્ફોર્મેશન સ્લીપ તૈયાર કરવામાં આવી રહી છે. સાથે જ મતદાન પ્રક્રિયા અંગે માર્ગદર્શન આપતી વોટર ગાઈડ પણ બ્રેઈલ લિપિમાં તૈયાર કરવામાં આવી રહી છે. દૃષ્ટીહિન દિવ્યાંગ મતદારોને મતદાન કરવામાં સરળતા રહે તે માટે મતદાન મથક પર બ્રેઈલ લિપિમાં ડમી બૅલેટ પેપર ઉપલબ્ધ કરાવવામાં આવશે.
અત્રે ઉલ્લેખનીય છે કે, મતદાર યાદી અદ્યતન કરવાના ભાગરૂપે રાજ્યભરમાં દિવ્યાંગ મતદારો માટે ૫૧, ત્રીજી જાતિના મતદારો માટે ૨૫, ૮૫ વર્ષથી વધુ વય ધરાવતા વરિષ્ઠ મતદારો માટે ૯૩ તથા સ્પેશ્યલ ગૃપના મતદારો માટે ૪૨ જેટલા વિશેષ કેમ્પનું આયોજન પણ કરવામાં આવ્યું હતું.
મીડિયાકર્મીઓને ઑથોરિટી લેટર્સ માટે આઈટી પહેલ
મુક્ત, ન્યાયી અને પારદર્શી ચૂંટણીઓ યોજવા માટે મીડિયાની ભૂમિકા મહત્ત્વની છે ત્યારે ભારતના ચૂંટણી પંચ દ્વારા મતદાનના દિવસે કવરેજ અર્થે મતદાન મથકો પર તથા મતગણતરીના દિવસે મતગણતરી કેન્દ્રમાં પ્રવેશ માટે મીડિયાકર્મીઓને ઑથોરિટી લેટર્સ આપવામાં આવે છે. ઑથોરિટી લેટર્સ માટેની ઓફલાઈન પ્રક્રિયામાં મીડિયા કર્મીઓએ મલ્ટીપલ નકલમાં ફોર્મ ભરી જરૂરી પુરાવા સાથે સંબંધિત જિલ્લા કચેરીમાં જમા કરાવવા જવું પડતું હતું. આ સમસ્યાના નિવારણ માટે મુખ્ય નિર્વાચન અધિકારીના માર્ગદર્શનમાં મીડિયાકર્મીઓને ઑથોરિટી લેટર્સ આપવા માટેની પ્રક્રિયાને ઑનલાઈન કરવામાં આવી છે. આઈટી પહેલના ભાગરૂપે વિકસાવવામાં આવેલા ઓનલાઈન મોડ્યુલને કારણે હવે મીડિયા કર્મીઓ કોઈપણ જગ્યાએથી ઓનલાઇન અરજી કરી શકશે, સમગ્ર પ્રક્રિયા સરળ, ઝડપી તેમજ પેપરલેસ બનશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
તેરી ખાતિર ઝમાનેભર કે દિલમેં પ્યાર ઝિંદા હૈ, કહાની સે નિકલકર ભી તેરા કિરદાર ઝિંદા હૈઃ
શરીર નાશવંત છે એટલે માણસ પોતાનાં યશ વડે જ અમર થઇ શકે છે. જિંદગીનાં વર્ષો ભલે ઓછા હોય પરંતુ તમારો યશ ભરપૂર હોય તો તમે ન હોવા છતાં તમે ચિરંજીવી જ રહો છો. એમાં ય કલાકારનો યશ તો વધુ આગવો કહેવાય. જામનગરનાં આવા જ એક આગવા કલાકાર જય વિઠ્ઠલાણીએ અકાળે આપણી વચ્ચેથી વિદાય લેતા કલા જગત આઘાતમાં સરી પડ્યું હતું. જીવનમાં શારીરિક સમસ્યાઓ અને સંઘર્ષોની સમાંતર થિયેટર પીપલ સાથેની તેમની નાટ્ય સફર પુરસ્કારોથી ઝળહળતી અને પ્રેરક રહી છે. અડધી જિંદગીમાં કલાનાં પ્રતાપે સવાયું જીવન જીવી ગયેલ જય વિઠ્ઠલાણીને સ્મરણાંજલિ અર્પણ કરવા માટે જામનગરનાં ધન્વન્તરિ ઓડીટોરીયમમાં 'જયોત્સવ' નામનો અનોખો કાર્યક્રમ ઉજવાયો હતો.
કાર્યક્રમમાં અતિથિ તરીકે મેયર વિનોદભાઈ ખીમસૂર્યા, કલેકટર ભાવિક પંડ્યા, સ્ટે.કમિટી ચેરમેન નિલેશભાઇ કગથરા, ડે.મેયર ક્રિષ્નાબેન સોઢા, શહેર ભાજપ પ્રમુખ ડો.વિમલભાઇ કગથરા, ગોવા શીપ યાર્ડનાં ચેરમેન હસમુખભાઇ હિંડોચા સહિતનાં સત્તાધીશો-પદાધિકારીઓ, 'નોબત' પરિવારનાં ચેતનભાઇ માધવાણી, શિલ્પાબેન માધવાણી, જ્યોતિબેન માધવાણી, કિર્તિબેન માધવાણી, નિરવભાઇ માધવાણી, 'અકિલા' નાં નેમિષભાઇ ગણાત્રા, હિરેનભાઇ સૂબા ઉપરાંત બહારગામથી મિલન ત્રિવેદી, ગુણવંત ચુડાસમા, અનિષ કચ્છી, ભરત ત્રિવેદી વગેરે કલાકારો સહિતનાં અગ્રણીઓ ઉપસ્થિત રહ્યા હતાં. બહોળી સંખ્યામાં કલાપ્રેમીઓ કાર્યક્રમમાં ઉમટતા ઓડીટોરીયમ કાર્યક્રમનાં આરંભ પહેલા જ હાઉસફુલ થઇ ગયું હતું. જે કાર્યક્રમનાં અંત સુધી હાઉસફુલ જ રહ્યું હતું.
થિયેટર પીપલનાં સ્થાપક અને ગૌરવ પુરસ્કારથી સન્માનીત રંગકર્મી વિરલ રાચ્છની પરિકલ્પના અને સાહિત્યકાર ડો.મનોજ જોશી 'મન' નાં સંકલનથી સાકાર થયેલ કાર્યક્રમમાં જય વિઠ્ઠલાણીની નાટ્ય સફરને થિયેટર પીપલનાં ૪ પેઢીનાં કલાકારો સાથે સ્મૃતિ સંવાદરૃપે જીવંત કરવામાં આવી હતી. ડો. રઇશ મનિઆર આ સફરનાં સારથી ( સંચાલક) રહ્યા હતાં. થિયેટર પીપલનાં કલાકારો સર્વશ્રી નિક્કીબેન, પાર્થ સારથી વૈદ્ય, ડો. પશ્મીનાબેન જોશી, રોહિત હરીયાણી, દેવેન રાઠોડ, આરતી મલ્કાન વાકાણી, નેહા ગુસાણી, પ્રતિક શુક્લ, રીવા રાચ્છ અને રાજલ પૂજારા સહિતનાં વરીષ્ઠથી લઇ યુવા કલાકારોએ પોતપોતાની જયગાથા કહી હતી. દરમ્યાન ઘણી વખત વિરલ રાચ્છ સહિતનાં કલાકારોની આંખો ભીંજાઈ ગઇ હતી.
જય વિઠ્ઠલાણીના ગુરૃ - મેન્ટોર કે જીગરજાન મિત્ર બધું કહી શકાય એવા વિરલ રાચ્છે જય વિઠ્ઠલાણીની પ્રતિભાને બાળ કલાકાર તરીકે જ ઓળખી કાઢી હતી જેને પરિણામે ચાર દાયકા જેવી ટૂંકી જિંદગીમાં પણ જય વિઠ્ઠલાણી ૩ દાયકા જેવી અભિનય સફર કરી ગયા છે. સુમેર સ્પોર્ટ્સ ક્લબમાં એક સ્પર્ધામાં ૧૨-૨૩ વર્ષનાં જય વિઠ્ઠલાણીમાં આગવી પ્રતિભાની ઝાંખી નિહાળી વિરલ રાચ્છે તેમને થિયેટર પીપલમાં સામેલ કર્યા હતાં અને ટીનેજર જય ને મોટી વયનાં વ્યક્તિની ભૂમિકા સોંપી હતી. 'ગૂંજ' નામનાં પ્રથમ નાટક પછી જય વિઠ્ઠલાણીની કલાયાત્રા એવી રહી કે તેની ગૂંજ કલા જગતમાં સદાય રહેશે.
થિયેટર પીપલની ઐતિહાસિક સફળતામાં પણ જય વિઠ્ઠલાણીનો કિરદાર અગત્યનો છે. વર્ષ ૨૦૦૦ ની સાલમાં થિયેટર પીપલનું નાટક અગ્નિશિખા રાજ્યમાં પ્રથમ ક્રમે વિજેતા થયું હતું જે જામનગરનાં નાટ્ય જગત માટે અભૂતપૂર્વ સન્માન હતું. એ વખતે આ નાટકમાં બ્રાહ્મણનું પાત્ર દિગ્દર્શક વિરલ રાચ્છે ભજવ્યું હતુ અને જય વિઠ્ઠલાણીએ શૂદ્રનું પાત્ર ભજવ્યું હતું. સંજોગવશાત એ વર્ષે રાષ્ટ્રીય સ્પર્ધા ન યોજાતા નેશનલ લેવલે વિજેતા થવાની યોગ્યતા ધરાવતું એ નાટક રાજ્યકક્ષાએ જ વિજેતા રહી ગયું હતું જેનો અફસોસ સૌ કલાકારોનાં મનમાં રહી ગયેલો. પરંતુ એક વખત ભજવાઇ ગયેલ નાટક સ્પર્ધામાં રીપીટ ન કરવાની થિયેટર પીપલની નીતિ અનુસાર એ પછીનાં વર્ષે એ નાટક રજૂ કરવામાં ન આવ્યું પરંતુ લગભગ એક દાયકા પછી જય વિઠ્ઠલાણીનાં સ્નેહાગ્રહને પગલે ફરી એ નાટક રજૂ કરવામાં આવ્યું અને આ વખતે બ્રાહ્મણનું પાત્ર જય વિઠ્ઠલાણીએ નિભાવ્યું હતું. આ નાટકને નેશનલ ગોલ્ડ મેડલ એનાયત થતા થિયેટર પીપલે ઇતિહાસ રચી દિધો હતો. દિગ્દર્શક વિરલ રાચ્છ આ સફળતામાં જય વિઠ્ઠલાણીનાં અભિનેતા ઉપરાંત દિગ્દર્શક સમકક્ષનાં પ્રયાસોને મહત્વનાં ગણાવે છે અને તેનો મોટો શ્રેય પણ તેઓને અર્પણ કરે છે.
જય વિઠ્ઠલાણીએ અનેક પાત્રોમાં જીવ રેડી દઇ તેમને યાદગાર બનાવ્યા છે પરંતુ વ્યક્તિગત રીતે તેઓ 'સમયનાં ભીનાં વન' ને પોતાનું શ્રેષ્ઠ નાટક માનતા હતાં.
થિયેટર પીપલ, વિરલ રાચ્છ અને જય વિઠ્ઠલાણી આ ત્રણેય એકબીજાનાં પર્યાય સમાન જ કહી શકાય. કારણકે જય વિઠ્ઠલાણીએ ત્રણ દાયકાની કલા સફરમાં માત્ર અને માત્ર થિયેટર પીપલનાં જ નાટકો કર્યા છે. મુંબઈની ફિલ્મ ઇન્ડસ્ટ્રી સુધી જે કલાકારની પ્રતિભાને બિરદાવાતી હોય એ કલાકાર છેલ્લા શ્વાસ સુધી તેની માતૃસંસ્થાને જ સમર્પિત રહે એ વફાદારી પણ એક અલગ પ્રશંસા ને કાબિલ છે.
તાજેતરમાં સુપરહિટ થયેલ 'શૈતાન' ફિલ્મ જેની રીમેક છે એ ગુજરાતી ફિલ્મ 'વશ' નાં લેખક જય ભટ્ટ એ પણ જય વિઠ્ઠલાણી સાથેનાં પોતાનાં સંસ્મરણો વાગોળ્યા હતાં.
જય વિઠ્ઠલાણીની ફિલ્મી સફરનાં અંશો પણ સ્ક્રીન ઉપર રજૂ કરી રંગમંચથી લઇ મોટા પડદા સુધી વિસ્તારેલી તેની દિર્ધ કલાયાત્રાનો ચિતાર રજૂ કરવામાં આવ્યો હતો.
કાર્યક્રમનાં આ પ્રથમ ચરણ પછી દ્વિતીય ચરણમાં પ્રસિદ્ધ લેખક અને પ્રખર વક્તા જય વસાવડા તથા ખ્યાતનામ હાસ્કાર અને શિક્ષણવિદ્ સાંઇરામ દવેએ પોતપોતાનાં આગવા અંદાજમાં જય વિઠ્ઠલાણીની યાત્રાને પારીભાષિત કરી ચાહકોનાં હ્યદયમાં તેની ચિરંજીવીતાનો જયઘોષ કર્યો હતો.
જય વસાવડાએ 'દોસ્તીનું દંગલ' શીર્ષક હેઠળ પોતાનાં વક્તવ્યમાં એક મિત્ર તરીકે જયનાં વ્યક્તિત્વની ખૂબીઓ અને વર્ણવી તેની પ્રતિભાને બિરદાવવા સાથે તેની અંગત અનુભવોનાં ઉદાહરણ સાથે તેની પ્રામાણિકતા પણ ઉજાગર કરી હતી.
સાંઇરામ દવેએ 'જિંદગી એક જુગાડ' શીર્ષક અંતર્ગત પોતાનાં ચિરપરિચિત અંદાજમાં હાસ્ય સાથે જય વિઠ્ઠલાણીનાં સંઘર્ષ અને સફળતાને પ્રેરક સ્વરૃપે પ્રસ્તુત કર્યા હતાં. આ તકે સાંઇરામ દવે એ થિયેટર પીપલ અને તેનાં કલાકારોને શહેરની સાચી સંપત્તિ ગણાવ્યા હતાં. તેમણે તેમનાં દ્વારા લિખિત અને વિરલ રાચ્છ દિગ્દર્શિત મેગા મલ્ટી મીડીયા શો 'વીરાંજલિ' માં ફાંસિયો વડનાં મંચનમાં જય વિઠ્ઠલાણીનાં અભિનયને યાદ કરી અંજલિ અર્પણ કરી હતી.
કાર્યક્રમમાં વક્તાઓનાં સંવાદને અનુરૃપ વિડીયો ક્લિપ તથા ફોટોગ્રાફ્સ વડે જય વિઠ્ઠલાણીની સ્મૃતિઓને સ્ક્રીન ઉપર જીવંત કરવામાં આવી હતી. સમગ્ર કાર્યક્રમ દરમ્યાન જય વિઠ્ઠલાણીનું મંચ પર લાઇવ પેઇન્ટીંગ થયું હતું. જયનાં કોસ્ચ્યુમ, તેનાં ચશ્મા સહિતની વસ્તુઓથી જ મંચ સજ્જા કરવામાં આવતા જય આસપાસ જ હોવાની અનુભૂતિ દરેકને થઇ હતી. વિરલ રાચ્છ માટે આ કાર્યક્રમમાં આંસુઓને રોકી જય વિઠ્ઠલાણીનાં અંતિમ શો ને પોતાની પરીકલ્પના અનુસાર સાકાર કરવાનું કાર્ય લાગણીઓનાં પૂરમાં સંયમિત અને સ્થિર રહેવાનાં પડકાર સમાન હતું. જે પડકાર તેમણે ધ્રુજતા હૈયે પાર પાડી 'જય' નાં અર્થને આત્મસાત કર્યો હતો એમ કહી શકાય.
કાર્યક્રમનાં અંતિમ ચરણમાં જય વિઠ્ઠલાણીનાં નજીકનાં મિત્ર તથા નગરને સાહિત્ય ક્ષેત્રે ગૌરવમય ઓળખ અપાવનાર કવિ ડો.મનોજ જોશી 'મન' દ્વારા લખાયેલ જય વિઠ્ઠલાણીને શબ્દાંજલિ રૃપ ગીત 'ફરીથી નવો જય જનમશે' ને ડો. આકાશ તકવાણીએ પોતાનાં મેઘાવી સ્વરમાં રજૂ કર્યું હતું.
કાર્યક્રમમાં ઉપસ્થિત મહાનુભાવો અને અનેક કલાકારો સાહિત્યકારો સહિત વિરાટ જનમેદનીએ પણ ભીની આંખે જય વિઠ્ઠલાણીને સ્મરાંજલિ અર્પણ કરી ખરા અર્થમાં એક ઉત્તમ કલાકારની પ્રતિભાને બિરદાવી હતી. નગરનાં કલારત્નની કલાને અંતિમ નમન કરવા સ્વૈચ્છાએ ઉમટી પડેલ અને હાઉસફુલ ઓડીટોરીયમમાં ઊભા ઊભા આખો શો નિહળનાર કલાપ્રેમીઓ પણ એક સ્ટેન્ડીંગ ઓવેશન સમાન શાબાશીને લાયક છે. આ ઘટનાએ નગરની સાંસ્કૃતિક ગરિમાને નવી ઊંચાઇ બક્ષી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગર મહાનગરપાલિકાના હેલ્થ ઓફિસરની ગાઈડલાઈન
જામનગર તા. ર૮ઃ જામનગર મહાનગરપાલિકાની આરોગ્ય શાખાની યાદી જણાવે છે કે હાલ આઈએમડી (ભારતીય હવામાન વિભાગ) મુજબ ગુજરાતમાં આગામી દિવસો દરમ્યાન તાપમાન વધુ રહેવાની શકયતા છે. જેથી જામનગર શહેરમાંમ પણ સામાન્ય કરતા વધારે તાપમાનની શકયતા છે. માટે આવા સંજોગોમાં લૂ લાગવાની શકયતાઓ વધુ હોઈ. જરૂરી તકેદારી રાખવા શહેરના દરેક નાગરિકોને અનુરોધ કરવામાં આવ્યે છે કે લૂ લાગવાના લક્ષણો જણાય તો સરકારી આરોગ્ય કેન્દ્ર તથા ફેમીલી ડોકટરનો તાત્કાલિક સારવાર લેવી અને લૂ થી બચવા માટે જરૂરી કદમ તત્કાળ ઉઠાવવા જરૂરી છે.
લૂ લાગવાના લક્ષણો જોઈએ તો માથું દુઃખવું, પગની પીંડીઓમાં દુખાવો થવો, શરીરનું તાપમાન વધી જવું, ખૂબ તરસ લાગવી, શરીરમાંથી પાણી ઓછું થઈ જવું., આંખે અંધારા આવવા, બેભાન થઈ જવુું, સુધ-બુધ ગુમાવી દેવી અને અતિ ગંભીર કિસ્સામાં ખેંચ આવે તેને ગણી શકાય.
લૂ લાગવાથી બચવાના ઉપાયો જોઈએ તો ગરમીમાં શકય હોય ત્યાં સુધી બહાર નીકળવાનું ટાળવું, આખું શરીર અને માથું ઢંકાય તે રીતે સફેદ સુતરાઉ કપડાં પહેરવા, ટોપી, ચશ્મા, છત્રીનો ઉપયોગ, ભીના કપડાંથી માથું ઢાંકી રાખો, વારંવાર ઠંડુ પાણી પીવું, લીંબુ શરબત, મોળી છાશ, તાડફળી અને નાળિયેરનું પાણી, ખાંડ, મીઠાનું દ્રાવણ, ઓ.આર.એસ. વગેરે પુષ્કળ પ્રમાણમાં પીવા, ગરમીમાં બહારથી ઘરે આવ્યા બાદ શરીરનું તાપમાન નીચે આવે ત્યારબાદ જ નહાવું, દિવસ દરમ્યાન ઝાડ નીચે ઠંડક અને છાંયામાં રહેવું અને નાના બાળકો, સગર્ભા માતાઓ, વૃદ્ધો તથા અશકત અને બીમાર વ્યક્તિઓએ તડકામાં વિશેષ કાળજી લેવી.
તે ઉપરાંત બજારમાં મળતો ખુલ્લો, વાસી ખોરાક, બરફ ખાવાનું ટાળો, લગ્ન પ્રસંગે દૂધ-માવાના આઈટમ ખાવી નહીં. ચા-કોફી અને દારૂના સેવનથી લુ લાગવાની શકયતા વધે છે. તેથી તેનું સેવન ટાળવું. તાજા ફળોના રસનું સેવન કરવું તેમ મેડિકલ ઓફિસર ઓફ હેલ્થ જામનગર મહાનગરપાલિકાએ જણાવેલ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સિંદોરિયો પથ્થર, છાણાંની ચોરી કરીને હોળી પ્રાગટ્ય, હોળીના ફાગની સ્મૃતિઓ વાગોળવી ગમે
આજની આધુનિક પેઢી રંગોના તહેવાર હોળી-ધૂળેટીને નાચગાન કે રંગ ઉડાડીને ઉજવે છે ત્યારે ખંભાળીયામાં પ૦/૬૦ વર્ષની ઉંમરના લોકો જુની પેઢીની ખંભાળીયાની હોળીના સંસ્મરણો યાદ કરીને આનંદની અનોખી અનુભૂતિ કરે છે.
ખંભાળીયાના અગ્રણી પત્રકાર બ્રહ્મસમાજ આગેવાન હિતેન્દ્રભાઈ આચાર્યએ જણાવેલ કે ૧૯૭૦-૭પ ના વર્ષમાં હોળીનો તહેવારએ અનોખો તથા નાના બાળકોમાં ખૂબ જ પ્રિય તહેવાર ગણાતો નાના બાળકો ટોળી બનાવીને રોજ સાંજે દુકાને દુકાને અગરત્તી લેવા નીકળતા જે ભેગી કરીને હનુમાન પાસે પ્રગટાવતા. દરેક શેરીમાં ચોકમાં જ્યાં હોળી થાય ત્યાં હનુમાનજીનો સિંદોરીયો પથ્થર રહેતો જ અને ચોરીને છાણા હોળી માટે લેવાનો ખાસ આગ્રહ રખાતો.
અગ્રણી નીતિનભાઈ ગણાત્રાએ જણાવેલ કે કોની હોળી ઉંચી થાય તે માટે હરીફાઈ થતી તથા મોટી સંખ્યામાં છાતા લાકડા ચોરવા માટે ર-૩ નાના ટાબરીયાની ચાર-પાંચ ટોળી બનાવીને 'ગેંગ' છાણા ચોરવા જતી તો વિશેષ એકસપર્ટ અને થોડા મોટા બાળકો જુના સમયમાં ગાડામાં ચાલકના બેસવાના આડા ના લાકડા ચોરતા અને કયાંક છાણા ચોરતા પકડાય તો માર પણ પડતો !!
ગગવાણી ફળીના હસમુખ પરમાર તથા નરેશ પરમારે જણાવેલ કે હોળી પ્રગટે તે પછી હોળીમાં નીચે મુકેલી ઘુઘરી પાકે તેની રાહ જોવા માટે તાપણા કર્યા પછી હોળીના ખેલૈયા બીજાની હોળી જોવા જતાં તથા એ સમયમાં પોસ્ટ ઓફિસ રોડ પર પ-૧૦ પૈસામાં આઝાદ આઈસ કેન્ડીના ગુલ્ફીના કારખાનામાં ગુલ્ફી ખાવા પડાપડી થતી તો ખંભાળીયામાં લોહાણા મહાજન પાસે રાવડી હોળી, સતવારા ચોરા પાસે હોળી જોવા લોકો ઉમટતા હતાં.
જુની પેઢીના સંસ્મરણો યાદ કરતા નીતિનભાઈ આચાર્ય તથા યોગેશભાઈ આચાર્યએ જણાવેલ કે હોળીના ફાગ બોલવાનો એ સમયે વિશિષ્ટ રીવાજ હતો. સતવારાના ચોરા પાસે સામ સામા બે ચોરા ઓટલા હતા જ્યાં બે પાર્ટી બનીને સામ સામા દુહા બોલીને ફાગના પ્રયોગો કરતા જે સાંભળવા માટે લોકો રાત્રે મોડે સુધી ઉમટતા હતા તો હોળીના દિવસે પહેતા શરત રમવાની રમતો પ્રચલીત થતી નાળિયેર કેટલા ઘા માં નગર ગેઈટ પહોંચાડવું, આંધળો પાડો બનીને શહેરમાં ચોક્કસ વિસ્તાર સુધી પહોંચાડવાની રમતો જેમાં ખેલાડી પડે આખડે તે રમત મજેદાર બનતી તો એ સમયે પોસઈ પોતે પણ આ રમતમાં કાંયક આંધળોપાડો બનીને મોજ માણતા હતાં.
દિલીપભાઈ કછટીયા, સુરેશભાઈ દત્તાણી, નવીનભાઈ, કેતનભાઈ તથા હિતેશ હર્ષ, બંટી હર્ષ પણ જુની હોળીની યાદો તાઝી કરીને એ વખતે અગાઉ વાડીઓમાં કેશુડાના ફૂલ લાવીને તેને ગરમ કરીને થતો કલર લગાડવા, હોળીના બીજા દિવસે ઘુઘરીનો પ્રસાદ વહેંચવો, હોળીના દિવસો પહેલા દુકાનોમાં અગરબત્તી માંગવી નજીકના દિવસોમાં હોળી ઉજવણીના પૈસા માંગવા સવારે વહેલા ઉઠીને રંગો ઉડાવવા, હોળીની ગાઠની ઉજવણીમાં મિષ્ટાન ભોજન સાથે ઉજવણી કરવી. ટોળી બનાવીને બીજા ના એરીયામાં રંગો ઉડાડવા વિગેરે બાબતો યાદ કરી હતી મઅને હોળી ધૂળેટીનો તહેવર પંદર-વીસ દિવસ આનંદથી ઉજવાતો તેની યાદ કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ડેન્ટલ ઈમ્પ્લાન્ટ કુદરતી દાંત જેવું જ લાગે છે, કુદરતી દાંતની જેમ જ કામ આપે છે, કુદરતી દાંત જેવું જ મહેસુસ કરાવે છે. ડેન્ટલ ઈમ્પ્લાન્ટની સારવારમાં જડબાના હાડકામાં ટાઇટેનીયમ ધાતુનું મૂળિયું બેસાડવામાં આવે છે. ટાઇટેનીયમ એક જ એવી ધાતુ છે જેનો આપણું શરીર સ્વીકાર કરે છે. ઓર્થોપેડિક સર્જન જે ગોઠણમાં ધાતુના સાંધા ફીટ કરે છે, ફ્રેકચર થઇ ગયેલા હાડકા સાંધવા માટે ધાતુના સળિયા નાખે છે, તે ટાઇટેનીયમ ધાતુના જ હોય છે.
દાંતના ડોક્ટર આ ટાઇટેનીયમ ધાતુના સ્ક્રુ ઉપર ક્રાઉન, બ્રીજ કે ચોકઠું બેસાડી આપે છે, જે એકદમ કુદરતી દાંત જેવું જ મહેસુસ કરાવે છે, અને જો તેની યોગ્ય સંભાળ લેવામાં આવે તો જિંદગીભર સાથ આપે છે અને દરેક પ્રકારના ખોરાકનો આનંદ માણવાની મજા આપે છે.
દાંતનો સડો, પાયોરીયા કે ઈજાના કારણે ગુમાવેલા દાંતને ફરીથી બેસાડવાની ટેકનોલોજીમાં ડેન્ટલ ઈમ્પ્લાન્ટ અત્યારે ઘણું જ અગ્રેસર છે અને જો સારવાર માટે યોગ્ય પદ્ધતિ અને નિયમો અનુસરવામાં આવે તો તેના સફળતાનો આંક પણ ઘણો ઊંચો છે.
ગુમાવેલા દાંત ફરીથી બેસાડવા માટે પહેલાના સમયમાં જે પદ્ધતિઓનો ઉપયોગ કરવામાં આવતો હતો તેના કરતા આ આધુનિક સંશોધન થયેલ ઈમ્પ્લાન્ટના ઘણાં વધારે ફાયદાઓ હોવાથી મોટા ભાગના દર્દીઓ તેનો લાભ લઇ શકે છે.
ડેન્ટલ ઈમ્પ્લાન્ટની સારવારનો લાભ કોણ લઇ શકે ?
જે લોકોના એક અથવા એક કરતા વધારે દાંત ના હોય, દાંત એટલા વધારે તૂટી કે સડી ગયેલા હોય કે તે રૂટ કેનાલ ટ્રીટમેન્ટથી બચી શકે તેમ ન હોય, તો તે લોકો ઈમ્પ્લાન્ટ કરાવી શકે. જે લોકો ઢીલા ચોકઠાં, ખાસ કરીને નીચેના ચોકઠાથી પરેશાન હોય, અડધિયા ચોકઠાં ફાવતા ના હોય તે લોકો પણ આ આધુનિક ટેકનોલોજીનો લાભ લઇ શકે છે.
ડેન્ટલ ઈમ્પ્લાન્ટના ફાયદાઓ
ડેન્ટલ ઈમ્પ્લાન્ટ કુદરતી દાંતની જેમ જ કામ આપે છે. ડેન્ટલ ઈમ્પ્લાન્ટ કુદરતી દાંતની જેમ જ અને એટલું જ ચાવવામાં કામ આપે છે. મોટા ભાગના દર્દીઓ ઈમ્પ્લાન્ટ દાંત તેમજ જ કુદરતી દાંત વચ્ચેનો ભેદ પારખી શકતા નથી. ઈમ્પ્લાન્ટ દાંતથી સરળતાથી ચાવી શકાય છે તેમજ તેને કુદરતી દાંતની જેમ જ બ્રશથી સાફ કરી શકાય છે.
ડેન્ટલ ઈમ્પ્લાન્ટ લાંબો સમય કામ આપે છે. ચોકઠું ૫ થી ૭ વર્ષ કામ આપે છે. ડેન્ટલ ઈમ્પ્લાન્ટ ટાઇટેનીયમમાંથી બનાવેલ હોય છે અને તે જડબાના હાડકા જોડે સજ્જડ રીતે જોડાયેલું હોય છે. આપણું શરીર તેને સહજતાથી સ્વીકારે છે. ગુમાવેલા દાંત ફરીથી બેસાડવા માટે ડેન્ટલ ઈમ્પ્લાન્ટ એક સચોટ ઉપાય છે.
ડેન્ટલ ઈમ્પ્લાન્ટથી હાડકાના ઘસારાને અટકાવી શકાય છે. જડબામાં જે જગ્યાએથી દાંત નીકળી જાય છે, તે જગ્યાનું હાડકું દાંત નીકળી જવાથી નિષ્ક્રિય થઇ જાય છે અને નિયમ પ્રમાણે શરીરનો જે ભાગ નિષ્ક્રિય હોય, કોઈ કામ ન કરતો હોય તેનો કાળક્રમે ધીમે ધીમે નાશ થાય છે. દાંત કઢાવ્યા પછી જો ઈમ્પ્લાન્ટ બેસાડવામાં ન આવે તો પ્રથમ વર્ષે જ આશરે ૨૫% હાડકું સંકોચાઈ જાય છે, અને ત્યારબાદ પણ દર વર્ષે ધીમા દરે હાડકાનું સંકોચન ચાલુ જ રહે છે. ચોકઠાથી પણ હાડકાના ઘસારાને વેગ મળે છે, ઘણી વખત ચોકઠું ઢીલું પડી જવાને કારણે તે હાડકા સાથે ઘસાય છે અને ધીમેધીમે હાડકાનો નાશ કરે છે. ઈમ્પ્લાન્ટથી દાંત અને મુળિયા બંને મુકવાના હોવાથી ચાવવાની કાર્યક્ષમતા ફરીથી મેળવી શકાય છે અને હાડકાના ઘસારાને અટકાવે છે.
દાંત પડી જવાથી જડબામાં તે જગ્યા ખાલી થાય છે, આ ખાલી જગ્યાની આજુબાજુના દાંત ખાલી જગ્યા તરફ ઢળે છે અને દાંત તેની મૂળ જગ્યાથી ખસી જાય છે, આ કારણે દાંતની બત્રીસીનું સંતુલન ખોરવાય છે અને તેથી જડબાની ચાવવાની કાર્ય ક્ષમતામાં ઘટાડો થાય છે ચહેરાનો દેખાવ પણ બગાડે છે. બત્રીસીનું સંતુલન ખોરવાઈ જતા જડબાના સાંધામાં પણ તકલીફ થઇ શકે છે. ડેન્ટલ ઈમ્પ્લાન્ટથી આ બધી થતી સમસ્યાઓ અટકાવી શકાય છે.
ડેન્ટલ ઈમ્પ્લાન્ટથી ચહેરાના સ્નાયુઓને લબડી પડતા અટકાવી શકાય છે અને અકાળે દેખાતા વૃદ્વત્વને અટકાવી શકાય છે. દાંત પડી જવાથી દાંતને કારણે ચહેરાના સ્નાયુઓને મળતો આધાર જતો રહે છે અને જડબાના હાડકાનું સંકોચન થઇ જાય છે. નાક અને હડપચી વચ્ચેનું અંતર ઘટી જાય છે. તેના કારણે મોઢાની આજુબાજુની ચામડીમાં ઊંડી કરચલીઓ પડે છે. હોઠ પાતળા અને હડપચી થોડી બહાર દેખાય છે. આ બધા કારણોસર વ્યક્તિનો દેખાવ તેની ઉંમર કરતા વધારે દેખાવા લાગે છે.
ડેન્ટલ ઈમ્પ્લાન્ટના આટલા બધા ફાયદાઓને કારણે તે કૃત્રિમ દાંત બેસાડવાની પદ્ધતિ તરીકે અત્યારે ખૂબ જ લોકપ્રિય થઇ રહ્યું છે અને વધારેને વધારે લોકો ઈમ્પ્લાન્ટને પસંદ કરી રહ્યા છે.
ડૉ. ભરત કટારમલ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
રિલાયન્સ ઈન્ડસ્ટ્રીઝ અને રિલાયન્સ ફાઉન્ડેશન તરફથી અનંત અંબાણી દ્વારા
ફાઉન્ડેશન બોર્ડના ડાયરેક્ટર અનંત અંબાણીએ વિસ્તૃત માહિતી આપતા કહ્યું કે વનતારાનો હેતુ ભારતના તમામ ૧૫૦થી વધુ પ્રાણી સંગ્રહાલયોને તાલીમ, ક્ષમતા નિર્માણ અને કાળજી માટે ઓથોરિટી સાથે ભાગીદારી કરવાનો છે
જામનગર તા. ૨૭ઃ રિલાયન્સ ફાઉન્ડેશને ભારતના એકમાત્ર સર્વસમાવેશી એનિમલ રેસ્ક્યુ, કેર, કન્ઝર્વેશન એન્ડ રીહેબિલિટેશન પ્રોગ્રામ વનતારાની જાહેરાત કરી હતી. અનંત અંબાણીએ જણાવ્યું હતું કે વનતારા વૈશ્વિક સંવર્ધન પ્રયાસોમાં અગ્રણી પ્રદાનકર્તા બનવાનો ઉદ્દેશ્ય ધરાવે છે. રિલાયન્સ ઇન્ડસ્ટ્રીઝ અને રિલાયન્સ ફાઉન્ડેશને આજે ભારત અને સમગ્ર વિશ્વના ઇજાગ્રસ્ત, પ્રતાડિત અને ભયગ્રસ્ત પ્રાણીઓના બચાવ, સારવાર, સંભાળ અને પુનર્વસન પર ધ્યાન કેન્દ્રિત કરવા માટેની એકછત્ર પહેલ વનતારા કાર્યક્રમની જાહેરાત કરી છે. ગુજરાતમાં રિલાયન્સના જામનગર રિફાઈનરી સંકુલમાં આવેલા ગ્રીનબેલ્ટની અંદર ૩૦૦૦ એકરમાં ફેલાયેલા, વનતારાનો ઉદ્દેશ્ય વૈશ્વિક સ્તરે સંરક્ષણ પ્રયાસોમાં અગ્રણી પ્રદાનકર્તાઓમાં સ્થાન મેળવવાનો છે. પ્રાણીસંભાળ અને કલ્યાણના અગ્રણી નિષ્ણાતો સાથે કામ કરીને, વનતારાએ બચાવ કરેલા પ્રાણીઓ સુખેથી રહી શકે તે માટે ૩૦૦૦-એકરની વિશાળ જગ્યાને જંગલ સાથે સામ્યતા ધરાવતા કુદરતી, સમૃદ્ધ, હરીયાળા અને લીલાછમ રહેઠાણમાં રૃપાંતરિત કરી છે.
ભારતની અનન્ય વનતારા પહેલ, આરઆઈએલ અને રિલાયન્સ ફાઉન્ડેશનના બોર્ડના ડાયરેક્ટર શ્રી અનંત અંબાણીના પ્રખર નેતૃત્વ હેઠળ પરિકલ્પિત થઈ છે અને અસ્તિત્વમાં આવી છે. શ્રી અંબાણી જામનગરમાં રિલાયન્સના મહત્ત્વાકાંક્ષી રિન્યુએબલ એનર્જી બિઝનેસનું પણ નેતૃત્વ કરી રહ્યા છે, અને તે ક્ષમતામાં, ૨૦૩૫ સુધીમાં નેટ કાર્બન ઝીરો કંપની બનવાની રિલાયન્સની યાત્રાનું નેતૃત્વ કરે છે.
વનતારા અત્યાધુનિક આરોગ્ય સંભાળ, હોસ્પિટલો, સંશોધન અને શૈક્ષણિક કેન્દ્રોના સમાવેશ સહિત પોતાની શ્રેણીમાં શ્રેષ્ઠતમ પ્રાણી સંરક્ષણ અને સંભાળ પ્રથાઓ નિર્ધારીત કરવા પર ધ્યાન કેન્દ્રિત કરે છે. તેના કાર્યક્રમોમાં, વનતારા અદ્યતન સંશોધન અને પ્રતિષ્ઠિત આંતરરાષ્ટ્રીય યુનિવર્સિટીઓ અને સંસ્થાઓ જેમ કે ઇન્ટરનેશનલ યુનિયન ફોર કન્ઝર્વેશન ઓફ નેચર અને વર્લ્ડ વાઇલ્ડલાઇફ ફંડ ફોર નેચર સાથે અદ્યતન સંશોધન અને સહયોગને એકીકૃત કરવા પર પણ ધ્યાન કેન્દ્રિત કરે છે.
છેલ્લા કેટલાક વર્ષોમાં, પ્રોગ્રામમાં ૨૦૦ થી વધુ હાથીઓ અને હજારો અન્ય પ્રાણીઓ, સરિસૃપો અને પક્ષીઓને અસુરક્ષિત પરિસ્થિતિઓમાંથી બહાર કાઢીને બચાવ્યા છે. આ પહેલમાં ગેંડા, ચિત્તા અને મગર સહિતની મુખ્ય પ્રજાતિઓના પુનર્વસનની કામગીરી પણ કરવામાં આવી છે.
તાજેતરમાં, વનતારાએ મેક્સિકો, વેનેઝુએલા વગેરે દેશોમાં વિદેશી બચાવ મિશનમાં પણ ભાગ લીધો છે. તાજેતરમાં મધ્ય અમેરિકન ઝૂ ઓથોરીટીના મદદના સાદને પ્રતિભાવ આપતાં ત્યાંથી ઘણાં મોટા પ્રાણીઓ લાવવામાં આવ્યા છે. આ પ્રકારના તમામ બચાવ અને પુનર્વસન મિશન ભારતમાં અને આંતરરાષ્ટ્રીય સ્તરે કડક કાયદાકીય અને નિયમનકારી માળખા હેઠળ હાથ ધરવામાં આવે છે.
આ પ્રસંગે અનંત અંબાણીએ જણાવ્યું હતું કે, ખૂબ જ નાની ઉંમરે મારા માટે પેશન તરીકે જે કાર્ય શરૃ થયું હતું તે હવે વનતારા અને અમારી તેજસ્વી અને પ્રતિબદ્ધ ટીમ સાથે એક મિશન બની ગયું છે. અમે ભારતીય મૂળની ગંભીરરીતે લુપ્તપ્રાય પ્રજાતિઓના રક્ષણ પર ધ્યાન કેન્દ્રિત કર્યું છે. અમે મહત્ત્વપૂર્ણ રહેઠાણોને પુનઃસ્થાપિત કરવા અને પ્રજાતિઓ માટેના તાત્કાલિક જોખમોને સંબોધવા અને વનતરાને અગ્રણી સંરક્ષણ કાર્યક્રમ તરીકે સ્થાપિત કરવા માંગીએ છીએ. અમને આનંદ છે કે અમારા પ્રયાસોને ભારતમાં અને આંતરરાષ્ટ્રીય સ્તરે માન્યતા મળી છે. ભારતના અને વિશ્વના કેટલાક ટોચના પ્રાણીશાસ્ત્રી અને તબીબી નિષ્ણાતો અમારા મિશનમાં જોડાયા છે અને અમે ભાગ્યશાળી છીએ કે અમને સરકારી સંસ્થાઓ, સંશોધન અને શૈક્ષણિક સંસ્થાઓના સક્રિય સહયોગ અને માર્ગદર્શન પ્રાપ્ત થયા છે. વનતારાનો હેતુ ભારતના તમામ ૧૫૦-થી વધુ પ્રાણીસંગ્રહાલયોને તાલીમ, ક્ષમતાનિર્માણ અને પ્રાણીઓની સંભાળના માળખાના સંદર્ભમાં સુધાર લાવવા માટે ઝૂ ઓથોરિટી ઓફ ઈન્ડિયા અને અન્ય સંબંધિત સરકારી સંસ્થાઓ સાથે ભાગીદારી કરવાનો છે. અમે આશા રાખીએ છીએ કે વનતારા વૈશ્વિક સ્તરે આશાનું કિરણ બની રહે અને દર્શાવે કે કેવી રીતે ઉદ્દાત વિચારો ધરાવતી સંસ્થા વૈશ્વિક જૈવવિવિધતા (ગ્લોબલ બાયોડાઇવર્સિટી) સંરક્ષણ પહેલને મદદ કરી શકે છે.
વનતારાની સ્થાપના માટે તેમને પ્રેરણા આપનાર ફિલસૂફી અંગે સમજાવતા શ્રી અંબાણીએ જણાવ્યું કે, વનતારા એ આધુનિક વૈજ્ઞાનિક અને તકનીકી વ્યાવસાયિકતાની શ્રેષ્ઠતા સાથે કરુણાના વર્ષો જૂના નૈતિક મૂલ્યનું સંયોજન છે. હું જીવ સેવા (પ્રાણીઓની સંભાળ) ને ભગવાન અને માનવતાની સેવા તરીકે જોઉં છું.
વનતારામાં હાથીઓ માટેનું કેન્દ્ર અને સિંહ અને વાઘ, મગર, દિપડા વગેરે સહિત અન્ય મોટી-નાની પ્રજાતિઓ માટેની સુવિધાઓ છે.
એલિફન્ટ સેન્ટર
વનતારામાં હાથીઓ માટેનું સેન્ટર ૩૦૦૦ એકરના પરિસરમાં અત્યાધુનિક શેલ્ટર્સ, વૈજ્ઞાનિક રીતે ડિઝાઇન કરાયેલા દિવસ અને રાત્રિના એન્ક્લોઝર્સ, હાઇડ્રોથેરાપી પૂલ્સ, જળાશયો અને હાથીઓના આર્થરાઇટિસની સારવાર માટેના એક વિશાળ એલિફન્ટ જકુઝી સાથે ફેલાયેલું છે. આ સેન્ટર ૨૦૦થી વધુ હાથીઓનું ઘર બન્યું છે જ્યાં તેમની પશુચિકિત્સકો, જીવવિજ્ઞાનીઓ, રોગવિજ્ઞાનીઓ, પોષણશાસ્ત્રીઓ અને પ્રકૃતિશાસ્ત્રીઓ સહિત ૫૦૦થી વધુ લોકોના વિશિષ્ટ અને પ્રશિક્ષિત સ્ટાફ દ્વારા ચોવીસ કલાક સંભાળ રાખવામાં આવે છે.
આ સેન્ટર પાસે ૨૫,૦૦૦ ચોરસ ફૂટની વિશ્વની સૌથી મોટી એલિફન્ટ હોસ્પિટલ છે, જે પોર્ટેબલ એક્સ-રે મશીનો, વિવિધ સારવાર માટેના લેસર મશીનો, સંપૂર્ણ સજ્જ ફાર્મસી, તમામ ડાયગ્નોસ્ટિક ટેસ્ટ માટે પેથોલોજી, નિદાન માટે આયાતી એલિફન્ટ રિસ્ટ્રેઇનિંગ ડિવાઇસ, હાઇડ્રોલિક પુલી અને ક્રેન્સ, હાઇડ્રોલિક સર્જિકલ ટેબલ અને હાથીઓ માટે હાઇપરબેરિક ઓક્સિજન ચેમ્બર સાથે સજ્જ છે. આ હોસ્પિટલ કેટરેક અને એન્ડોસ્કોપિક ગાઇડેડ સર્જરીઝ કરે છે (તેના પ્રકારના પ્રથમ ખાસ ડિઝાઇન કરાયેલા એન્ડોસ્કોપી સાધન સાથે) અને જરૃરી કોઈપણ શસ્ત્રક્રિયા કરવા સક્ષમ છે.
આ સેન્ટર પાસે ૧૪૦૦૦ ચોરસ ફૂટથી વધુનું વિશેષ રસોડું છે જે દરેક હાથી માટે તેમના ઓરલ હેલ્થ સહિત તેમની અત્યંત આવશ્યક શારીરિક જરૃરિયાતોને ધ્યાનમાં રાખીને ખાસ પસંદ કરવામાં આવેલો આહાર તૈયાર કરવા માટે સમર્પિત છે.
આ સેન્ટર હાથીઓની સંભાળ માટે આયુર્વેદ તકનીકો પણ અજમાવે છે, ગરમ તેલના મસાજથી લઈને મુલતાની માટી સુધીના ઉપચારો સાથે આયુર્વેદ પ્રેક્ટિશનરો હાથીઓ માટે ચોવીસ કલાક કામ કરે છે.
રેસ્ક્યૂ એન્ડ રેહાબિલિટેશન સેન્ટર
સર્કસ અથવા ગીચ પ્રાણી સંગ્રહાલયમાં તૈનાત કરાયેલા જંગલી પ્રાણીઓ માટે ૩૦૦૦ એકર પરિસરમાં ૬૫૦ એકરથી વધુનું એક રેસ્ક્યૂ એન્ડ રીહેબિલિટેશન સેન્ટર વિકસાવવામાં આવ્યું છે જ્યાં ભારત અને સમગ્ર વિશ્વમાંથી યાતનાદાયક અને ખતરનાક વાતાવરણમાંથી બચાવવામાં આવેલા પ્રાણીઓને અત્યાધુનિક વિશાળ એન્ક્લોઝર્સ અને આશ્રયસ્થાનોમાં રાખવામાં આવે છે.
આશરે ૨૧૦૦થી વધુ કર્મચારીઓના સંખ્યાબળ સાથે રેસ્ક્યૂ એન્ડ રીહેબિલિટેશન સેન્ટરે સમગ્ર ભારતમાંથી માર્ગ અકસ્માતો અથવા માનવ-જંગલી પ્રાણી વચ્ચેના સંઘર્ષમાં ઇજાગ્રસ્ત થયેલા લગભગ ૨૦૦ દીપડાઓને બચાવ્યા છે. આ સેન્ટર દ્વારા તમિલનાડુમાં ખીચોખીચ અને ભીડભાડવાળી ફેસિલિટીમાંથી ૧૦૦૦થી વધુ મગરોને બચાવાયા છે. આ કેન્દ્રે આફ્રિકામાં શિકારની જગ્યાઓમાંથી, સ્લોવાકિયામાં અસાધ્ય રોગના ભય હેઠળ પીડાતા, મેક્સિકોની ફેસિલિટીઝમાં ગંભીર રીતે પીડિત પ્રાણીઓને બચાવ્યા છે.
આ સેન્ટર પાસે એક લાખ ચોરસ ફૂટની હોસ્પિટલ અને તબીબી સંશોધન કેન્દ્ર છે. આઇ.સી.યુ., એમ.આર.આઇ., સીટી સ્કેન, એક્સ-રે, અલ્ટ્રાસાઉન્ડ, એન્ડોસ્કોપી, ડેન્ટલ સ્કેલર, લિથોટ્રિપ્સી, ડાયાલિસિસ, સર્જરીઓ અને બ્લડ પ્લાઝ્મા સેપરેટર માટે લાઇવ વીડિયો કોન્ફરન્સીસ માટેની ઓઆરવન ટેક્નોલોજી આ હોસ્પિટલ અને રિસર્ચ સેન્ટર પાસે છે. ૪૩ પ્રજાતિઓના ૨૦૦૦થી વધુ પ્રાણીઓ રેસ્ક્યુ એન્ડ રિહેબિલિટેશન સેન્ટરની દેખરેખ હેઠળ છે. આ સેન્ટરે લુપ્તપ્રાય પ્રજાતિના સાત ભારતીય અને વિદેશી પ્રાણીઓનો કન્ઝર્વેશન બ્રીડિંગ પ્રોગ્રામ શરૃ કર્યો છે, તેનો ઉદ્દેશ આ લુપ્તપ્રાય પ્રાણીઓને તેમના મૂળ નિવાસસ્થાનોમાં પુનઃસ્થાપિત કરી શકાય તેટલી સંખ્યામાં તેમની અનામત સંખ્યા ઊભી કરવાનો છે જેનાથી તેમને લુપ્ત થતાં બચાવી શકાય.
આજે વનતારા ઇકોસિસ્ટમે ૨૦૦ હાથીઓ, ૩૦૦થી વધુ ચિત્તા, વાઘ, સિંહ, જગુઆર વગેરે, ૩૦૦થી વધુ શાકાહારી પ્રાણીઓ જેમ કે હરણ અને ૧૨૦૦થી વધુ સરિસૃપ જેમ કે મગર, સાપ અને કાચબા માટે જીવન અને આશાનો સંચાર કર્યો છે.
રેસ્ક્યુ અને એક્સચેન્જમાં કાયદાનું અનુસરણ
બચાવાયેલાં તમામ પ્રાણીઓને ઝૂ રૃલ્સ, ૨૦૦૯ની માન્યતાઓ મુજબ તેમજ વાઈલ્ડલાઈફ પ્રોટેક્શન એક્ટ, ૧૯૭૨ હેઠળ સ્થાપિત જોગવાઈઓ અનુસાર સેન્ટ્રલ ઝૂ ઓથોરિટી ઉપરાંત જે-તે રાજ્યના ચીફ વાઈલ્ડલાઈફ વોર્ડનની આગોતરી મંજૂરીઓ મેળવ્યા બાદ વનતારા ખાતે લાવવામાં આવે છે. સેન્ટ્રલ ઝૂ ઓથોરિટી તરફથી અનુમતિ /મંજૂરી મળે તે પછી તમામ પ્રાણીઓના એક્સચેન્જને હાથ ધરવામાં આવે છે. ભારતમાંની તેમજ વિદેશની અન્ય સંસ્થાઓ તરફથી મળતી એક્સચેન્જની વિનંતીઓને પણ વનતારાએ પ્રત્યુત્તર આપ્યા છે. સેન્ટ્રલ ઝૂ ઓથોરિટી, વન-પર્યાવરણ અને જલવાયુ પરિવર્તન મંત્રાલય, વિદેશ વ્યાપાર મહાનિદેશક, પશુ સંવર્ધન અને ડેરી વિભાગ તથા વન્યજીવ ગુના નિયંત્રણ બ્યૂરો પાસેથી જરૃરી મંજૂરીઓ મેળવ્યા પછી આવાં પ્રાણીઓને લાવવામાં આવે છે.
રાષ્ટ્રીય અને આંતરરાષ્ટ્રીય સહયોગ
વેનેઝુએલન નેશનલ ફાઉન્ડેશન ઓફ ઝૂસ જેવી આંતરરાષ્ટ્રીય સંસ્થાઓ સાથે નિકટતાથી કામ કરીને તેમજ સ્મીથસોનિયન અને વર્લ્ડ એસોસિએશન ઓફ ઝૂસ એન્ડ એક્વારિયમ્સ જેવી પ્રતિષ્ઠિત સંસ્થાઓ સાથે જોડાઈને વનતારા પ્રોગ્રામને અપ્રતિમ લાભ મળ્યો છે. ભારતમાં, તે નેશનલ ઝૂઓલોજીકલ પાર્ક, આસામ સ્ટેટ ઝૂ, નાગાલેન્ડ ઝૂઓલોજીકલ પાર્ક, સરદાર પટેલ ઝૂઓલોજીકલ પાર્ક વગેરે સંસ્થાઓ સાથે સહયોગથી કામ કરે છે.
શિક્ષણ અને જાગૃતિ
લોકોમાં, ખાસ કરીને યુવાઓ અને બાળકોમાં પશુ સંવર્ધનના મુદ્દે જાગૃતિ વધે તે માટે, વનતારા પહેલ હેઠળ જ્ઞાન અને સંસાધનોના એક્સચેન્જ સહિત શૈક્ષણિક સંસ્થાઓ સાથે નિકટતાથી સહકાર સાધવા ઉપર પણ મહત્તમ ભાર મૂકાય છે. તેના હેઠળ આધુનિક અને ફ્યુચરિસ્ટિક, હવામાન નિયંત્રિત બંધ ભાગમાં અમુક પ્રાણીઓ માટે જોવાના સ્થળની રચના કરાઈ છે, જેના પગલે કરુણા અને કાળજીના કાર્યમાં નવા માપદંડો સ્થાપિત કરાયા છે.
ગ્રીન એરિયા
વનતારા પ્રાણીઓનું રેસ્ક્યુ (ઉગારવા) અને કન્ઝર્વેશન (સંવર્ધન) એ એકબીજાનાં પૂરક બને તે રીતે આગળ વધવામાં દૃઢપણે માને છે અને વનતારા પ્રોગ્રામ હેઠળ રિલાયન્સ રિફાઈનરીના વિસ્તારોને હરિયાળા બનાવવાનું કાર્ય આગળ ધપાવવાની પરિકલ્પનાને સાકાર કરાઈ રહી છે, તે મુજબ અત્યાર સુધીમાં હજારો એકર જમીનને હરિયાળી બનાવી દીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
હાલારના ઈતિહાસવિદ્ - સંશોધકનું રસપ્રદ તારણ
ભગવાન દ્વારકાધિશ જ્યારે દ્વારકામાં રાજ કરતા હતા ત્યારે હાલનું દ્વારકા તેમના રાજ વહિવટ માટેની રાજધાની એટલે કે કર્મભૂમિ હતી જ્યારે તેમનું નિવાસ્થાન અને પરિવારજનો બેટ દ્વારકામાં રહેતા હતા. તેથી ભગવાન દ્વારકાધિશ બેટ દ્વારકા (ખરૂ નામ બેટ શંખોદ્વાર છે) થી આજના દ્વારકામાં આવેલી વહીવટીભવન (કચેરીઓ)માં રાજવહિવટ માટે દરરોજ આવ-જા (અપડાઉન) કરતા હોવાનું સ્વભાવિક અનુમાન થઈ શકે.
તેમના સમયમાં પણ બેટ દ્વારકા અને હાલના ઓખા-આરંભડા વચ્ચે સમુદ્ર આવેલો હતો. તેથી બેટ દ્વારકાને તળભૂમિ સાથે જોડતો એક વિશાળ બ્રિજ-પુલ તે સમયે પણ બાંધવામાં આવેલ હતો. જે 'સમુદ્રસેતુ' તરીકે ઓળખાતો હતો. જેનો ઉપયોગ તે સમયમાં પણ વાહન-વ્યવહાર અને પગપાળા જતા રાહદારીઓ માટે જવા-આવવા માટે થતો હતો.
આ સમુદ્ર સેતુ બ્રિજ સદીઓ પુર્વે જ નષ્ટ થઈ ગયો હતો. હાલ તળભૂમિમાં આવેલા આરંભડા (જયાંથી તળભૂમિ)નો આરંભ થાય તેવું સ્થળ એટલે આરંભડા) ના કિનારા અને બેટ દ્વારકાના કિનારા વચ્ચે આવેલા સમુદ્રમાં આ સમુદ્ર સેતુ બ્રિજના પીલરના અવશેષો રૂપે ટેકરાઓ આજે પણ જોવા મળે છે. જે લાઈનબદ્ધ એક બીજાને સમાંતર અને ચોક્કસ અંતરો વચ્ચે આવેલા હોવાનું જણાય છે.
ભગવાન દ્વારકાધિશના શાસનકાળ બાદ કોઈ ભયાનક સુનામી કુદરતી આફત આ વિસ્તારમાં આવતા તે સમયની પ્રાચિન દ્વારકાનગરી જે હાલની દ્વારકાના દરિયા કિનારાથી અંદાજે ૯ થી ૧૦ કિલોમીટર દૂર હતી તે દરિયામાં અંદાજે ૯૦ ફૂટ જેટલી ઉંડાઈ ધરાવતા દરીયામાં ડૂબી ગયેલ છે. તેથી આજ કુદરતી હોનારતની લપેટ બેટ દ્વારકા સુધી પહોંચતા આ સમુદ્ર સેતુ બ્રિજ-પુલ પણ તે આફતો ભોગ બની નાશ પામ્યો હશે તેમ જણાય છે.
ખરેખર તો આ બાબત ઉડા ઐતિહાસિક સંશોધનનો વિષય છે. જે બાબતે હાલના અદ્યતન વૈજ્ઞાનિક સાધનો દ્વારા સંશોધન અને પરિક્ષણો કરવામાં આવે તો આપણે દ્વારકા તથા બેટ દ્વારકા અંગેની ઘણી બધી ઐતિહાસિક હકિકતો જાણી શકીએ તેમ છીએ.
આલેખન-રજુઆત
ભૂપતસિંહ કે. ચૌહાણ
પ્રમુખ સૌરાષ્ટ્ર કલ્ચર એન્ડ હેરીટેજ કેર ટ્રસ્ટ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
ચાર-ચાર પેઢીઓથી પેટ્રોલીયમ પ્રોડકટસના બિઝનેશ સાથે સંકળાયેલા
જામનગર સ્ટેટના સમયથી છેલ્લા એકસો વર્ષથી જામનગરના તંબોલી પરિવારની ચાર-ચાર પેઢીઓએ પેટ્રોલીયમ પ્રોડકટસના બિઝનેસમાં સન્માનજનક સ્થાન અને પ્રતિષ્ઠા પ્રાપ્ત કર્યા છે.
ઇ.સ. ૧૯૨૫ થી ઇ.સ. ૨૦૨૪ સુધી તંબોલી પેટ્રોલીયમનું નામ સમગ્ર હાલાર તથા મોરબીમાં સુવિખ્યાત છે, તંબોલી પરિવારે લોકોમાં સુદ્રઢ વિશ્વાસ સંપાદન કરી આ પ્રતિષ્ઠાને આજપર્યંત જાળવી રાખી છે.
તંબોલી પરીવારના મોભીઓ છગનભાઇ તંબોલી તથા ત્રિભોવનભાઇ તંબોલીએ તેમની યુવા વયે તેમના બિઝનેસની કારકિર્દી નવાનગર સ્ટેટ (જામનગર)માં સૌપ્રથમ પેટ્રોલ પંપ અને પેટ્રોલીયમ પ્રોડકટસના ડીસ્ટ્રીબ્યુશન સાથે શરુ કરી હતી, તેઓએ તે સમયે એક્સપ્લોઝીવ લાયસન્સ નંબર જીજે/એચએએલ/૧ મેળવી આ બિઝનેસ યાત્રા યુએસ બેઇઝ્ડ કંપની સોકોનીની ફ્રેન્ચાઇઝી સાથે શરૃ કરી હતી.
તે સમય ગાળામાં બળદ ગાડામાં પેટ્રોલના બેરલથી પેટ્રોલ પંપ સુધી પેટ્રોલ લાવવામાં આવતું હતું અને પેટ્રોલ લીટરમાં નહીં પણ ગેલનના માપથી મળતું તેમજ ગેલનના માપીયાથી મોટરકારમાં ભરવામાં આવતું હતું. આ ઉપરાંત તંબોલી પરીવાર દ્વારા કેરોસીનની ટીનમાં આયાત કરી તેનું નવાનગર સ્ટેટમાં વેંચાણ કરવામાં આવતું હતું.
મુરબ્બી છગનભાઇ તંબોલીની અચાનક વિદાય પછી તેઓના ભાઇ ત્રિભોવનભાઇએ વર્ષ-૧૯૪૦માં સ્ટાન્ડર્ડ વેક્યુમ ઓઇલ કંપની સાથે જોડાણ કરી જામનગરમાં વધુ એક પેટ્રોલ પંપ શરૃ કર્યો હતો.
ત્રિભોવનદાસ તંબોલીના સુપુત્રો હિમતલાલ ત્રિભોવનદાસ તંબોલી અને સુભાષચંદ્ર ત્રિભોવનદાસ તંબોલી આ બિઝનેસમાં સક્રિય થયા અને મોરબીમાં ઇ.સ. ૧૯૫૬માં પેટ્રોલ પંપ શરૃ કર્યો હતો.
એચપીસીએલ કંપનીના કસ્ટમર સર્વિસના સંદર્ભમાં તંબોલી બ્રધર્સ (તંબોલી ગ્રુપ)ને ડીલર તરીકે ૫૦ વર્ષ સુધી ઉત્તમ પ્રદર્શન કરવા બદલ સન્માન પત્ર એનાયત કરવામાં આવ્યું હતું. ત્રિભોવનદાસ તંબોલીના સુપુત્રો અરવિંદભાઇ, અનિલભાઇ, મુકુન્દભાઇ તથા તરૃણભાઇ પણ બિઝનેસ જોડાયા હતા. આ સમયે તંબોલી ગ્રુપ દ્વારા જામનગર અને મોરબીમાં ત્રણ પેટ્રોલ પંપ અને એસકેઓની એજન્સી કાર્યરત હતા.
૧૯૭૦માં ત્રિભોવનદાસ તંબોલીના નિધન પછી તેમની આ પ્રતિષ્ઠાસભર યાત્રાને તેમના યુવાન પુત્રોએ અન્ય ધંધા શરૃ કર્યા અને તેનું વિસ્તૃતિકરણ કર્યુ હતું.
ત્રિભોવનદાસ તંબોલીએ સોકોની, સ્ટાન્ડર્ડ વેક્યુમ ઓઇલ કંપની, એસ્સો અને ત્યારપછી હિન્દુસ્તાન પેટ્રોલીયમ કોર્પોરેશન લિમિટેડ સાથે બિઝનેસ શરૃ કર્યો હતો. તંબોલી ફેમીલી આજે પણ ત્રિભોવનદાસ તેજપાલ તંબોલીના આદર્શો અને ચોક્કસ નીતિમત્તા સાથે કાર્યરત છે.
આજે ત્રિભોવનદાસ તંબોલીના પૌત્રો દ્વારા જામનગરમાં ખંભાળીયા જતાં માર્ગે (તંબોલી પેટ્રોલીયમ) તથા મોરબી શહેરમાં (હિમ્મતલાલ એન્ડ બ્રધર્સ)અને એસકેઓ ડીલરશીપ (તંબોલી બ્રધર્સ) અને વડોદરા જિલ્લાના પાદરામાં અમી તંબોલી ફયુઅલ્સના નામે બિઝનેસ કાર્યરત છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
કુદરતે આપણને બત્રીસ દાંતની ભેટ આપી છે. વર્ષોના વર્ષો સુધી આ દાંત આપણને સાથ આપે છે. જેમ સારસંભાળી સારી એમ દાંત વધુમાં વધુ વર્ષો સુધી ટકે છે.
આજે આપણે વાત કરવાની છે, જયારે એક પણ દાંત ન રહે ત્યારે સારવારની પસંદગી કેવી રીતે કરવી. એ માટે પહેલા એ સમજીએ કે દરેક દાંતના બહાર દેખાતા ભાગને (મુગટ) અને અંદર પેઢા-હાંડકામાં રહેતા ભાગને રૃટ (મૂળ) કહેવામાં આવે છે.
ઈમ્પ્લાન્ટ એક માત્ર એવી સારવાર છે કે, જેમાં કુદરતી દાંતની રચના મુજબ કામ કરી શકાય. માટે સૌથી પહેલો વિકલ્પ એ પસંદ કરી શકાય જેમાં ઈમ્પ્લાન્ટના આધારે ફિકસ દાંત આપવામાં આવે. કુદરતી દાંત જેવો જ દેખાવ અને ચાવવાની સગવડ હોવાને લીધે આ વિકલ્પ ઉત્તમ ગણી શકાય. શરીરની તંદુરસ્તી માટે શકય હોય ત્યાં સુધી આ વિકલ્પ જ પસંદ કરવો.
બીજો વિકલ્પ છે, ઈમ્પ્લાન્ટનો આધાર લઈ ચોકઠું બેસાડવું, આ વિકલ્પમાં ફિકસ દાંત જેટલી સગવડ ન હોવા છતાં ચોકઠું હલનચલન ન કરે એટલી સગવડ મળતી હોવાથી ફાવટ આવતા વધુ સમય નથી લાગતો. ફિકસ દાંતના પ્રમાણમાં ઓછો ખર્ચ હોવા સામે આ પ્રકારનું ચોકઠું સાફ કરી બહાર કાઢવાની જરૃર રહે છે.
ત્રીજો વિકલ્પ છે કાઢી અને પહેરી શકાય એવું ચોકઠું. સૌથી ઓછા ખર્ચ વાળો વિકલ્પ હોવાથી અહીં બાકીના બે પ્રકાર જેટલી સગવડ નથી મળતી. ઉપરનું ચોકઠું સામાન્ય રીતે જલદી ફાવી જાય છે. નીચેનું ચોકઠું મોઢામાં હલતું રહે છે. ફાવતા સમય લાગે છે. દેખાવ અને ચાવવાની પ્રક્રિયામાં ઉપરના બે વિકલ્પો જેટલું અસરકારક ન હોવાથી ચોકઠું પસંદગીમાં સૌથી છેલ્લે આવે છે.
દરેક વિકલ્પો જ્યારે એક પણ દાંત ન હોય ત્યારે સારવાર નક્કી કરવા માટે છે. કુદરતી દાંતની સારસંભાળ સૌથી સારો વિકલ્પ છે અને હંમેશાં રહેશે. વધુમાં વધુ વર્ષો સુધી કુદરતી દાંત સાથે જીવી શકાય એ માટે વર્ષે એકવખત રેગ્યુલર ચેકઅપ કરાવતા રહેવું સલાહભર્યું છે.
આલેખન: ડો. કેતન કારિયા
ચેરમેનઃ કમ્યુનિટી હેલ્થ કમિટીઃ જામનગર ડેન્ટલ એસોસિએશન
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
આયુષ્માન ભારત હેલ્થ કાર્ડ વિષે જાણો...
ભારત સરકારના આરોગ્ય વિભાગ દ્વારા આરોગ્યવિષયક સેવાઓને વધુ સુદૃઢ, તાત્કાલિક અને અસરકારક બનાવવા માટે આભા કાર્ડ લોન્ચ કરવામાં આવ્યું છે. જેમાં વ્યક્તિના આરોગ્ય સંબંધિત રેકોર્ડનો ડિજિટલ રીતે સંગ્રહ કરવામાં આવે છે. આ એકાઉન્ટમાં વ્યક્તિના રોગ, લીધેલ સારવાર, તબીબી રિપોર્ટ વગેરેનો સંગ્રહ કરવામાં આવે છે. વ્યક્તિની આ તમામ માહિતીઓ સંપૂર્ણ ખાનગી અને સુરક્ષિત રાખવામાં આવે છે.
'આભા' કાર્ડ એટલે 'આયુષ્માન ભારત હેલ્થ એકાઉન્ટ'. ભારત સરકારના ડિજિટલ મિશનના ભાગ રૃપે આયુષમાન ભારત ડિજિટલ હેલ્થ મિશન આભા અંતર્ગત ભારતના તમામ નાગરિકોને આભા આઈડી પ્રદાન કરવાનું છે. આયુષ્માન ભારત હેલ્થ એકાઉન્ટ એ ૧૪ આંકડાનો યુનિક હેલ્થ આઈડેન્ટીફાયર નંબર છે, જેમાં વ્યક્તિના તમામ મેડિકલ રેકોર્ડસ સરળતાથી સાચવી તેમજ શેર કરી શકાય છે. દેવભૂમિ દ્વારકા જિલ્લાની તમામ હોસ્પિટલો, સામૂહિક આરોગ્ય કેન્દ્ર, પ્રાથમિક આરોગ્ય કેન્દ્ર, સબસેન્ટરો , હેલ્થ એન્ડ વેલનેશ સેન્ટર ઉપર 'આભા' કાર્ડ કાઢવાની કામગીરી કરવામાં આવી રહી છે.
દેવભૂમિ દ્વારકા જિલ્લામાં ૪,૪પ,૪૧૩ આભા કાર્ડ ઈશ્યુ કરવામાં આવ્યા છેઃ આરોગ્યની વધુમાં વધુ યોજનાઓના લાભ પહોંચાડવાના આરોગ્યતંત્ર દ્વારા અથાગ પ્રયત્નો કરવામાં આવી રહ્યા છે
આભાથી થતા ફાયદા
(૧) તમામ હેલ્થ રેકોર્ડ આંગડીના ટેરવે ઉપલબ્ધઃ તમારા હેલ્થ રેકોર્ડને ડિજિટલી સ્ટોર કરો જેથી તમે કોઈપણ સમયે, કોઈપણ જગ્યાએ જરૃરિયાત સમયે એક્સેસ કરી શકો.
(ર) સરળતાથી એક્સેસઃ આભા સાથે સંલગ્ન આરોગ્ય સેવાઓ સરળતાથી મેળવી શકો.
(૩) પેપરલેસ માહિતીઃ તમારા આરોગ્યને લગત તમામ માહિતી જેમ કે, રિપોર્ટસ, ડોક્ટર, પ્રિસ્ક્રિપ્શન બધુ જ ડિજિટલ.
(૪) ટેલિકન્સલટેશનઃ નિષ્ણાત ડોક્ટર્સ પાસેથી ટેલિકન્સલટેશન મેળવો.
(પ) લાઈનોમાંથી મુક્તિઃ ઓપીડી માટે ઓનલાઈન એપોઈન્ટમેન્ટ સુવિધા, હોસ્પિટલોની લાંબી લાઈનમાંથી મુક્તિ.
ઉલ્લેખનિય છે કે, આભા એ ડિજિટલ મિશન સાથે નાગરિકોને જોડવાનું પ્રથમ પગલું છે. આયુષ્માન ભારત હેલ્થ મિશનનો ઉદ્દેશ્ય સમગ્ર દેશમાં એક અદ્યતન આરોગ્ય ઈકો સિસ્ટમ બનાવવાનો છે. જિલ્લા આરોગ્યતંત્ર દ્વારા નાગરિકોને આભા કાર્ડ કઢાવવા માટે અનુરોધ કરવામાં આવ્યો છે.
વૈશાલી રાવલીયા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
એલર્જી એટલે શું? ક્યા કારણે થાય?
'મને ડસ્ટની એલર્જી છે, મને નટ્સ માફક નથી આવતું, મને બારેમાસ શરદીનો કોઠો રહે છે અને વારંવાર છીંકો આવે છે. આંખમાંથી અને નાકમાંથી પાણી આવે છે. થોડું પણ ઠંડુ પાણી પીવું એટલે ગળું પકડાઈ જાય છે', આ બધા શબ્દો આપણે રોજબરોજની વાતોમાં સાંભળ્યા હશે.
એલર્જી શું છે?
એલર્જી એટલે અતિ સંવેદનશીલતા. કેટલીવાર ચોક્કસ પદાર્થના સંપર્કમાં આવવાથી શરીરનું સંવેદનશીલ રોગ પ્રતિકારક તંત્ર ઉત્તેજનના અનુભવે છે. જે આપણા શરીરને માફક આવતું નથી. જે વસ્તુ કે પદાર્થની એલર્જી થાય તેને સાદી ભાષામાં 'એલર્જન' કહે છે. દરેક દર્દી માટે એલર્જન અલગ અલગ હોય છે જેમ કે ડસ્ટ અને ડસ્ટની જીવાત, પરાગરજ, ડૉડકૂટ કે કેટલીક જાતની કૂગ વગેરે... એલર્જિક શરદીમાં નાક આ એલર્જનને છીંક વડે બહાર કાઢવાનો પ્રયાસ કરે છે. એલર્જી મુખ્યત્વે અલગ અલગ સ્વરૂપે જોવા મળે છે. શરીરના જુદા જુદા ભાગો પર એલર્જીની અસર પણ જુદી જુદી થાય છે જેમ કે એલર્જિક શરદી, એલર્જિક ખાંસી, આંખની એલર્જી, ચામડીની એલર્જી અને ફૂડ એલર્જી... અને આ એલર્જીના લક્ષણો બધા દર્દીઓમાં અલગ અલગ હોય છે. હાલ વાતાવરણમાં વ્હીકલના કારણે થતા ધૂમાડા અને ગેસ પદાર્થોને શ્વાસમાં જવાથી એલર્જિક અસ્થમા વધુ જોવા મળે છે. ઘણીવાર વાતાવરણમાં ભેજનું પ્રમાણ વધારે થવાથી પણ નાકની અંદર આવેલા પટલમાં સોજો આવી જતો હોય છે, જેને એલર્જિક શરદી કહેવામાં આવે છે.
નિદાન
એલર્જીનું નિદાન નિદાન બે પ્રકારે થઈ શકે છે. (૧) સ્કીન પ્રિક્ટ્સ્ટ અને (ર) લોહીની તપાસ જેના દ્વારા ક્યા પ્રકારના ખોરાક કે દવાની એલર્જી છે એ જાણી શકાય છે.
હોમિયોપથીમાં એલર્જીની સારવાર
હોમિયોપેથિક સારવાર બિનહાનિકારક અને ખૂબ જ અસરકારક છે અને વપરાતી દવાઓ શરીરને કુદરતી રીતે મટાડે છે અને દવાઓની કોઈ આડઅસર પણ હોતી નથી. હોમિયોપેથી ચિકિત્સામાં માનસિક લક્ષણોને પણ ધ્યાનમાં લઈને સારવાર આપવામાં આવે છે અને દરેક એલર્જી માટે અલગ અલગ દવાઓ હોય છે.
ડુંગળીના વપરાશથી આંખ અને નાકમાંથી પાણી આવે છે અને આંખો લાલ થઈ જાય છે. જેનું કારણ કાચી ડુંટળીના રસમાં રહેલા એલીસીન, ફીસેટીન અને બીજા સલફ્રસ કમ્પાઉન્ડસ છે. જેનો ઉપયોગ હોમિયોપેથીમાં એલર્જીની દવા બનાવા માટે થાય છે અને એટલે જ એલર્જી જેવા જટિલ રોગોને જડમૂળથી કાઢવા માટે હોમિયોપેથીમાં અસરકારક અને ઉત્તમ સારવાર છે. આવા રોગોથી મુક્તિ અપાવવામાં હોમિયોપેથી સક્ષમ છે.
એક વખત એલર્જીની ટ્રીટમેન્ટ શરૂ કર્યા પછી ડોક્ટરની સલાહ મુજબ દવા લેવી અને કહ્યા વગર દવા બંધ કરવી હિતાવહ નથી.
ડો. ડિમ્પી ગાંધી મો. ૯૯૮૦૮ ૯૧૨૫૨
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
પરમ પૂજ્ય આચાર્ય ચંદનાજી (તાઈર્માં) ૨૬ જાન્યુ.ના ૮૮ વર્ષમાં પ્રવેશસેઃ
રાજગીરી–બિહાર એટલે એ પુનીત અને પવિત્ર ભૂમિ છે કે જયાં પ્રભુ મહાવીર સ્વામીના પાવન પગલા પડયાં છે. અને ખરા અર્થમાં આશીર્વાદ પામી છે. આવી મહાન અને પાવન ભૂમિ પર પ્રભુ મહાવીરના ઉપદેશો, સિદ્ધાંતો અને દેષ્ણાઓને ખરા અર્થમાં ચરીતાર્થ કરતાં પ્રચાર અને પ્રસારનું ઉત્તમ માઘ્યમ બનીને ઉભરી આવ્યા છે એક જૈન સાઘ્વીજી, કે જેઓ આચાર્ય ચંદનાજીના નામથી ખ્યાતી પામ્યા છે. અને તાંઈ મહારાજ ના વિશીષ્ટ ઉપનામથી પણ શ્રાવકોમાં ઓળખાય છે. તેમજ વખણાયા છે.
પૂ.આચાર્ય ચંદનાજી તા. ર૬ જાન્યુઆરીના પોતાના જીવનકાળના ૮૭ વર્ષ પૂર્ણ કરીને ૮૮ માં વર્ષમાં સંપૂર્ણ સ્વસ્થતા અને ઉત્તમ સ્વાસ્થય સાથે મંગલ પ્રવેશ કરી રહ્યા છે. ત્યારે તેમનો પરિચય આપવો અસ્થાને નહીં ગણાય.
ર૬ જાન્યુઆરી ૧૯૩૭ ના મહારાષ્ટ્રના ચાસ્કામનમાં કટારીયા પરિવારના સુશ્રાવક પિતા માણેકચંદજી અને સુશ્રાવિકા માતા પ્રેમકુંવરબાના ખોરડે પુત્રી રતન તરીકે જન્મયાં શકુંતલા સાંસારીક નામ સાથે તેમનો ઉછેર થયો ફકત ૩ ધોરણ સુધી પ્રાથમિક શિક્ષણ પ્રાપ્ત કર્યુ, સમય જતાં તેમના નાનાજીની સલાહને અનુસરીને જૈન પૂ. સાઘ્વી સુમતીકુંવર સાથે જોડાયા કે જેથી જૈનત્વ અને જનસેવા વિષયક વધુ અભ્યાસ કરી શકે. માત્ર ચૌદ વર્ષની વયે જૈન દીક્ષા અંગીકાર કરી અમરમુની સંપ્રદાયના પૂજય ગુરૃદેવ ઉપાઘ્યાય અમરમુનિજી મહારાજે દિક્ષા આપી અને સાઘ્વી ચંદનાજી નામ આપ્યું. દીક્ષા પર્યાય દરમ્યાન જૈન સ્ક્રીત્પરના અભ્યાસ અર્થે ૧ર વર્ષ સુધી મૌન રહેવાની આકરી પ્રતિજ્ઞા લીધી. ઉપરાંત ભારતીય વિદ્યા ભવન, મુંબઈમાંથી દર્શનાચાર્યની ડીગ્રી મેળવી, પ્રયાગ સાહિત્ય રત્નની ઉપાધી મેળવી બનારસ હિન્દુ યુનિવર્સિટીમાંથી નાવ્યન્યાય અને વ્યાકરણ વિષયોમાં શાસ્ત્રીની વિશેષ ઉપાધી મેળવી.
તેઓએ વર્ષ ૧૯૭ર થી બિહારના ગરીબીથી પ્રભાવિત વિસ્તારોમાં માનવતાવાદી સેવાકીય કાર્યોનો શુભારંભ કર્યો ૧૯૭૪ માં વિરાયતનની સ્થાપના કરી જે હાલ વિશ્વના ૧૦ રાષ્ટ્રોમાં ફેલાયેલી છે. વિરાયતનની સંસ્થા ઃ– રાજગૃહી (ઝારખંડ) – પાવાપુરી – લછુઆર – જખનિયા (કચ્છ) – રૃદ્રાણી (કચ્છ) – પાલીતાણા – વ્યોમ આગરા – ઓશીયાજી (રાજસ્થાન) – સંચોર – ખંડોબા (પૂના) – તથા ઈન્ટરનેશનલ સંસ્થા અમેરિકા – બ્રિટન – કેન્યા – નેપાલ – દુબઈ દેશ–વિદેશ દરેક જગ્યાએ સંસ્થાઓ કાર્યરત છે. વિરાયતન દ્વારા શાળાઓ, કોલેજીસ ઉપરાંત હોસ્પિટલ્સનું અદ્યતન સંચાલન કરવામાં આવ્યું છે. ઉપરાંત જરૃરતમંદો માટે વ્યવસાયિક તાલીમી કાર્યક્રમોનું પણ સંચાલન કરવામાં આવી રહ્યું છે. કુદરતી આપ્ત્તિઓ બાદ પ્રભાવીત પરિસ્થિતિઓના પુનઃવસવાટ માટે પણ વ્યાપક રીતે સેવાઓ કરવામાં આવેલ છે. જૈનોની પવિત્ર તીર્થભૂમિ અને શ્રેષ્ઠ યાત્રાધામ રાજગીરીમાં જૈન તીર્થકંરો યોજનાનું કામ કરવામાં આવેલ છે.
પરમ પૂજય ગુરૃદેવ ઉપાઘ્યાય શ્રી અમરમુનિજીની પ્રેરણા અને આશીર્વાદ પરમ શ્રદ્ઘેય આચાર્યશ્રી ચંદનાજી દ્વારા વિરાયતનનો પ્રારંભ સન ૧૯૭૩ માં રાજગીરી – બિહારમાં થયો. સેવા, શિક્ષા અને સાધનાના હેતુઓની સાથે માનવ કલ્યાણ અને સામાજિક વિકાસના કાર્યોમાં સમર્પિત વિરાયતન, એક સોશ્યોરીલિજીયસ આંતરરાષ્ટ્રીય સંસ્થાન છે. જે સેવાના માઘ્યમથી ભગવાન મહાવીરની કરૃણા અને અહિંસાની તેજસ્વિતાને અનેક લોકો સુધી પહોંચાડવાનો સફળ પ્રયાસ કરી રહી છે.
પરમ શ્રદ્ઘેય આચાર્ય શ્રી ચંદનાજીના નેતૃત્વમાં વિરાયતન–સમર્પિત અને કુશળ સાઘ્વી સંઘ, કાર્યકારિણી સમિતિના સદસ્ય અને ઉત્સાહિત સ્વયંસેવકોના સંયુકત પ્રયત્નોથી ચાલતી સંસ્થા છે. સમગ્ર માનવજાતિના ઉત્કર્ષ માટે વિરાયતનનું કાર્ય કોઈ જાતિ કે પંથ, ધર્મ કે સમુદાયના ભેદભાવ વગર સંપન્ન કરવામાં આવી રહ્યું છે. વિરાયતનનો પ્રયાસ છે કે એવું વાતાવરણ બનાવવામાં આવે જેમાં બધા લોકો, લાભાર્થી, સ્વયંસેવકો અને કાર્યકતાઓનો સહયોગ અને સર્વ હિતની વાત વિચારી શકે અને બીજાના કલ્યાણની સુંદર યાત્રામાં સહભાગી બની શકે. છેલ્લા ૪પ વર્ષોમાં વિરાયતને લાખો લોકોના જીવનને સ્પર્શ કર્યો છે અને પ્રોત્સાહન, સહયોગ અને નિસ્વાર્થ પ્રેમ દ્વારા તેમનામાં નવી આશાઓનો સંચાર કર્યો છે. આચાર્ય ચંદનાશ્રીજી જૈન ધર્મને તો વરેલા રહ્યા છે, સાથોસાથ જૈન સમાજને સંપૂર્ણ રીતે સમર્પિત રહ્યા છે. સમાજના ઉત્થાન અર્થે શિક્ષણને પ્રાધાન્ય આપ્યું. તેઓશ્રી દૃઢતાપૂર્વક માને છે કે, ''જે સમાજ શિક્ષિત હોય તે સમાજ સદૈવ સુરક્ષીત હોય અને રહેશે જ. સમાજની દરેક પ્રકારની સેવાઓ પછી તે શિક્ષણ હોય કે આરોગ્ય, ધર્મ ઉપદેશની વાત હોય કે પછી ગરીબોના ઉત્થાનની બાબત હોય. પૂ. તાઈ ર્માં સદાય તત્પર, અગ્રેસર અને સમર્પિત રહ્યા છે. પાંચ દાયકા ઉપરાંતની તેમની આ સેવાઓની ભારત સરકારે રાષ્ટ્રીય કક્ષાએ નોંધ લીધી અને તેને આપેલા આ ઉત્તમ યોગદાન બદલ તેમને વર્ષ–ર૦રર માં ''પદ્મશ્રી'' એવોર્ડથી વિભુષિત કરાયા અને ભારતના પૂર્વ રાષ્ટ્રપતિશ્રી રામનાથ કોવિંદના વરદ્ હસ્તે પદ્મશ્રી એવોર્ડ એનાયત કરવામાં આવ્યો.
શશીકાંત ઉદાણી મોે. ૯૪૨૭૨ ૪૦૬૭૮
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
સ્વાતંત્ર્ય ચળવળમાં ગાંધીજીને અનુસરીને ઘણી ચળવળોમાં ભાગ લીધો અને જેલ સજા પણ ભોગવી હતી
ગુજરાત રાજ્યનો સ્વતંત્રતા સંગ્રામમાં અવિસ્મરણીય ફાળો રહ્યો છે. ત્યારે હાલાર પંથકના કણ-કણમાં શૂરવીરતા અને વીરરસ રહેલો છે. આ વાત છે જોડીયા ગામના 'ફઈબા' ની, જેમનું સમગ્ર જીવન દેશદાઝ અને માનવસેવાનો ઉત્તમ ઉદાહરણ સાબિત થયું છે.
જામનગર જિલ્લામાં સ્થિત જોડીયા ગામનું ગૌરવ ગણાતા અને ગાંધીવાદી વિચારસરણી ધરાવતા મહાન સ્ત્રી સ્વાતંત્ર્ય સેનાની એવા રંભાબેન માધવજીભાઈ સુખપરીયા (ગણાત્રા) કે જેઓ 'ફઈબા' ના હુલામણા નામથી ઓળખાય છે. જોડિયાના નિવાસી નારાયણજી ગણાત્રાના પરિવારમાં રંભાબેનનો જન્મ ૨૨ સપ્ટેમ્બર ૧૮૯૩ ના રોજ થયો હતો. તેમના માતાનું નામ પાનબાઈ હતું. રંભાબેનમાં નાનપણથી જ આધ્યાત્મિકતા અને સાદગી પૂર્ણ જીવન જીવવાના સદગુણ જોવા મળતા હતા.
વર્ષ ૧૯૦૮ માં રંભાબેનના જોડિયા નિવાસી માધવજીભાઈ નકારામભાઈ સુખપરીયા સાથે લગ્ન થયા હતા. લગ્ન બાદ માત્ર ૧૯ વર્ષની યુવા વયે તેમને વૈધવ્ય પ્રાપ્ત થતા તેઓ પિતૃગૃહે પરત ફર્યા હતા. રંભાબેનના મોટાભાઈ કરાંચીમાં વ્યવસાય કરતા હોય રંભાબેન કુટુંબ સાથે કરાંચીમાં સ્થાયી થયા હતા. કરાંચીમાં વસવાટ દરમિયાન તેમણે સ્વતંત્રતા સંગ્રામમાં જોડાવાનું પ્રથમ પગથિયું સર કર્યું હતું. રંભાબેને એ જમાનામાં કે જ્યાં સ્ત્રીઓ માટે કોઈ અવકાશ ના હતો, ત્યારે ભાઈ હીરાલાલ સાથે તેઓએ જ્ઞાતિ સુધારણાની કામગીરી હાથ ધરી હતી. સમય જતા ભાઈ હીરાલાલ કરાંચીના નાયબ મેયર બન્યા. ત્યારબાદ તેઓ હીરાલાલભાઈના દરેક કાર્યમાં કદમથી કદમ મિલાવ્યા હતા.
હીરાલાલભાઈ સાથે કાર્ય કરવાથી તેઓ અનેક મહાનુભાવોના પરિચયમાં આવતા ગયા. સમય જતા રંભાબેન ગાંધીવાદી વિચારસરણીથી રંગાયા અને દેશને આઝાદી અપાવનારી પ્રવૃત્તિઓમાં સક્રિયપણે ઝંપલાવ્યું. વર્ષ ૧૯૩૦ માં કોંગ્રેસનું અધિવેશન કરાંચીમાં ભરાયું હતું. મહાત્મા ગાંધીજીએ આ અધિવેશનમાં હાજરી આપી હતી અને રંભાબેન પોતાના ભાઈ હીરાલાલ સાથે આ અધિવેશનમાં ભાગ લેવા માટે ગયા. ગાંધીજીએ સભા પૂરી થયા બાદ ત્યાં હાજર બહેનોને સ્વાતંત્ર્ય સંગ્રામની પ્રવૃત્તિઓમાં જોડાવા માટે આહવાન કર્યું અને ત્યાં રહેલી બહેનોમાંથી સૌથી પહેલું નામ રંભાબેને લખાવ્યું હતું. બસ, આ ક્ષણ તેમના જીવનની એક મહત્વપૂર્ણ ક્ષણ બની ગઈ. આ ક્ષણથી રંભાબેને પોતાના સમગ્ર જીવનને ગાંધીવાદી વિચારસરણીને રંગે રંગીને સમાજ અને રાષ્ટ્રના ચરણોમાં અર્પિત કરી દીધું હતું.
ગાંધીજીના આદેશ અને માર્ગદર્શન હેઠળ વર્ષ ૧૯૩૨ માં રંભાબેને કરાંચીમાં દારૂ, વિદેશી માલના પેકેટિંગ તેમજ બહિષ્કારની પ્રવૃત્તિઓમાં મહિલા ટુકડીની આગેવાની લીધી હતી. પરિણામે બ્રિટિશ સરકારે તેમની ધરપકડ કરી અને તેઓને છ માસની જેલની સજા ફટકારી. જેલવાસમાં તેઓને ઘણા કષ્ટો સહન કરવા પડ્યા હતા. જેલમાં થતા અન્યાયો સામે રંભાબેને જેલના સતાધીશો સામે ભૂખ હડતાલ ચલાવી હતી.
આ વર્ષો દરમિયાન તેઓએ ખાદી અપનાવી સ્વદેશી ભાવનાને આત્મસાત કરી હતી અને કરાંચીમાં મહિલા ઉત્કર્ષ પ્રવૃત્તિઓ, રાજકીય, સામાજિક, શૈક્ષણિક, સાંસ્કૃતિક એમ અનેકવિધ ક્ષેત્રોમાં સેવાકીય પ્રવૃત્તિઓમાં રંભાબેન અગ્રેસર રહ્યા હતા. ૧૫ મી ઓગસ્ટ, વર્ષ ૧૯૪૭ ના રોજ ભારત આઝાદ થતાં ભારત- પાકિસ્તાનના ભાગલા પડ્યા હતા. ત્યારે રંભાબેન પોતાના પરિવાર સાથે માદરે વતન જોડિયા પરત ફર્યા અને ત્યાં સ્થાયી બન્યા. પોતાના ગામમાં પરત આવીને વતનનું ઋણ અદા કરવા અને સ્ત્રીઓની પરિસ્થિતિ સુધારવાના આશયથી સ્ત્રી ઉત્કર્ષ માટે ૮૭૫ રૃપિયાનો ફાળો ગામમાંથી એકત્ર કર્યો હતો. જેની મદદથી તેમણે જોડિયા ગામે 'સ્ત્રી હુન્નર ઉદ્યોગ શાળા' ની વર્ષ ૧૯૫૦ મ ાં સ્થાપના કરી હતી.
સ્ત્રીઓના જીવનમાં શિક્ષણ, સંસ્કાર, સેવા, સ્વાવલંબન અને પવિત્રતાનું અજવાળું પાથરતી આ સંસ્થા બાલવાડી માધ્યમિક-ઉચ્ચ માધ્યમિક શાળા, કન્યા છાત્રાલય, મહિલા તાલીમ વિકાસ કેન્દ્ર, કમ્પ્યુટર તાલીમ વર્ગો, વ્યવસાયલક્ષી તાલીમ વર્ગો, સર્વ રોગ નિદાન કેમ્પો, મહિલા ઉત્કર્ષ શિબિર જેવી અનેકવિધ સેવાકીય પ્રવૃત્તિઓ ચલાવતી વટવૃક્ષ સમાન બની ચૂકી છે.
ઉલ્લેખનીય છે કે, તાજેતરમાં સમગ્ર દેશમાં 'આઝાદી કા અમૃત મહોત્સવ' ની ભવ્ય ઉજવણી કરવામાં આવી હતી. આ ઉજવણીના ભાગરૂપે, 'મેરી મિટ્ટી મેરા દેશ' કાર્યક્રમ અન્વયે જોડિયાની પ્રખ્યાત ગાંધીવાદી સંસ્થા હુન્નરશાળામાં પૂજ્ય ફઈબાના નામની સ્વાતંત્ર સેનાની તરીકે એક તકતી રાજ્ય સરકાર દ્વારા મૂકવામાં આવી હતી.
આ ઉપરાંત, હડિયાણા પ્રાથમિક કન્યાશાળાના શિક્ષિકા સુશ્રી બારૈયા દેવાંગીબેન અને રંભાબેનના પરિવારજનો દ્વારા રંભાબેન જેવા મહાન સ્વાતંત્ર્ય સેનાનીના ઇતિહાસને જાહેર જનતા સમક્ષ ઉજાગર કરવા માટે નિસ્વાર્થ ભાવે પ્રયત્નો કરવામાં આવ્યા છે. જોડીયા હુન્નરશાળાએ અનેકવિધ સેવાકીય પ્રવૃત્તિઓ થકી સમાજમાં સેવાની સુગંધ મહેકાવી છે. દેવાંગીબેન અને સુખપરીયા પરિવાર એ બાબતનું શ્રેષ્ઠ ઉદાહરણ છે કે, દેશસેવા અને ઈતિહાસની ધરોહરને ઉજાગર કરવા માટે દેશનો એક-એક નાગરિક આગળ આવી શકે છે.
ભારતના સ્વાતંત્ર્ય સંગ્રામમાં અગ્રેસર ભાગીદારી બદલ સ્વતંત્રતાના ૨૫ માં વર્ષે તત્કાલીન વડાપ્રધાનશ્રીએ તારીખ ૧૫ મી ઓગસ્ટ ૧૯૭૨ના રોજ શ્રીમતી રંભાબેન માધવજીભાઈ સુખપરીયાને તામ્રપત્ર ભેટ અર્પણ કરીને તેમને સન્માનિત કર્યા હતા. તારીખ ૨૨ ડિસેમ્બર ૧૯૮૯ ના ૯૬ વર્ષની વયે પોતાની માતૃસંસ્થા હુન્નર શાળામાં શ્રીજી ચરણ પામ્યા હતા. પરંતુ તેઓએ પ્રજ્વલિત કરેલા સેવા અને દેશપ્રેમના દીપકની જ્યોત તેઓના મહાન કાર્યોની સાક્ષી પૂરી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
જામનગરમાં તા. ૨૫ થી ૩૦ જાન્યુઆરી દરમ્યાન બાબુભાઈ લાલ ટ્રસ્ટ દ્વારા મહાસોમયાગ મહોત્સવ યોજાનાર છે
''છોટી કાશી'' જામનગરના આંગણે શ્રી હરિદાસ જીવણદાસ લાલ (બાબુભાઇ લાલ) પરિવાર દ્વારા આગામી તા.૨૫ થી ૩૦ દરમીયાન વિરાટ વાજપેય બૃહસ્પતિ મહાસોમયાગ મહોત્સવનું આયોજન લાલ પરિવારની વાડી (ખંભાળીયા રોડ-જુની આર.ટી.ઓ. ચેક પોસ્ટ પાસે)માં કરવામાં આવ્યું છે. આ માટે પૂરજોશમાં તૈયારીઓ ચાલી રહી છે.
જામનગરના આંગણે આ ઐતિહાસિક આયોજન થયું છે ત્યારે સોમયજ્ઞનું શાસ્ત્રોની દૃષ્ટીએ જે મહત્ત્વ છે તેનો પરિચય આપવામાં આવ્યો છે.
સોમયજ્ઞ એ પરબ્રહ્મ પરમાત્માના ભજનનો યજ્ઞીય પ્રકાર છે. સોમ યજ્ઞમાં વપરાતી સોમવલ્વી/ સોમલતા એ પરબ્રહ્મનું સ્વરૃપ માનવામાં આવે છે. સોમયજ્ઞમાં થતી વિધિ ભક્તિમાર્ગીય સેવાનું કર્મમાર્ગીય પ્રતિરૃપ છે. જેમ ભગવદર્શનનો મહિમા છે તેમ સોમયજ્ઞના દર્શનનો પણ મહિમા છે. સોમયજ્ઞના મંડપને સમગ્ર બ્રહ્માંડનું કેન્દ્ર માનવામાં આવે છે. સોમયજ્ઞની પરિક્રમા એ સમગ્ર બ્રહ્માંડની પરિક્રમાનું ફળ આપે છે.
સોમયજ્ઞ શુદ્ધ વૈદિક વિષ્ણુયાગ છે. આ યજ્ઞમાં સાધારણ યજ્ઞોની જેમ 'સ્વાહા' નહીં પણ 'વષ્ટ' નું ઉચ્ચારણ કરીને વૈશ્વાનર અગ્નિમાં આહૂતિ અપાતી હોય છે. આ સોમયજ્ઞ આપણી પ્રાચીન વૈદિક સંસ્કૃતિનો એવો સર્વાતૂષ્ટ યજ્ઞ છે કે જેના ગૌરવ અને સર્વતોમુખી મહત્ત્વની બીજા કોઈ યજ્ઞ સાથે સરખામણી ન થઈ શકે. જીવનતત્ત્વઃ સોમ વિષ્ણુનું નામ છે. સોમ ચંદ્રમાનું નામ છે. સોમ એક એવું જીવનતત્ત છે. જેને જીવનનાં પ્રત્યેક બિંદુમાં સમુદ્રની જેમ લહેરાતું જોઈ શકાય છે. તેવું સૂત્ર આપણને વૈદિક સિદ્ધાંતથી શાસ્ત્રોમાં પ્રાપ્ત થાય છે. સોમ સંગઠન, સભ્યતા, સફળતા, સંપન્નતા, સુખ, સમન્વય તથા સામાજિકતાનું સૂત્ર છે. પ્રાણીમાત્રના કલ્યાણ માટેઃ જગતગુરુ શ્રીમદ્ વલ્લભાચાર્ય મહાપ્રભુજીના પૂર્વજ શ્રી યજ્ઞનારાયણ ભટ્ટજી, જેઓ સાક્ષાત્ વેદમૂર્તિ હતા, તેમને શ્રીયજ્ઞ નારાયણ ભગવાને પ્રસન્ન થઈને આજ્ઞા આપી હતી કે તમારા કુળમાં જ્યારે ૧૦૦ સોમયજ પૂર્ણ થશે ત્યારે હું સ્વયં આપના કુળમાં પ્રગટ થઈને સનાતન તેમજ વૈષ્ણ ધર્મની રક્ષા કરી પ્રાણી માત્રના કલ્યાણ માટેનો માર્ગ બતાવીશ.
અક્ષય ફળનું સૌભાગ્ય
સોમયજ્ઞમાં વેદોનો સમસ્ત વૈજ્ઞાનિક ક્રમ યજ્ઞદર્શન તથા વેદની ઋચાઓનાં શ્રવણનું અદ્ભુત મહત્વક છે. પીળા અક્ષત દ્વારા આશીર્વાદ લેનારને અક્ષય ફળ પ્રાપ્ત કરવાનું સૌભાગ્ય મળે છે. શાસ્ત્રમાં કહ્યું છે કે અનાહુડઘ્વરંગચ્છેત્ લોકોએ યજ્ઞમાં આમંત્રણ વિના દર્શન કરવાં જવું જોઈએ. સૌમયજ્ઞનો હેતુઃ આ સોમયજ્ઞ સનાતન વૈદિક સંસ્કૃતિની રક્ષા માટે, વિશ્વકલ્યાણ માટે, વૈશ્ર્વિક શાંતિ માટે, પર્યાવરણની શુદ્ધિ માટે, શક્તિનાં સૂત્ર સાથે સંબંધ જોડવા માટે કરવામાં આવે છે. વૈજ્ઞાનિક દ્રષ્ટિએ યજ્ઞય પરંપરાનું અન્વેષણ- પરીક્ષણ કરતાં જોવા મળ્યું છે કે યજ્ઞનો પ્રભાવ, શુદ્ધ અને સાત્ત્વિક હોય છે. માનવ સમાજના હિત માટે સોમયજ્ઞથી વિશેષ એવો કોઈ પ્રકાર નથી કે જે સ્વાસ્થ્ય, શક્તિ, આત્મતેજ, બળ, આયુ, સંપન્નતા તથા સમૃદ્ધિના માધ્યમથી જીવનનો વિકાસ કરે.
આપણે ભારતીય છીએ. આપણને ભારતીયતાનું ગૌરવ છે. આપણે વૈદિક સનાતન ધર્માવલંબી છીએ, આપણને ભારતીય વૈદિક સંસ્કૃતિમાં આસ્થા, શ્રદ્ધા અને પ્રેમ હોવો જોઈએ. તો આવો... આપણું સૌભાગ્ય માનીને તેમજ પવિત્ર કર્તવ્ય સમજીને આપણે આ ભવ્ય અગ્નિષ્ટોમ મહાસોમયજ્ઞના મંગલ મહોત્સવમાં સેવા-દર્શનના સૌ ભાગ્યશાળી બનીએ.
રાષ્ટ્રની ઉન્નતિની ભાવના
યજ્ઞમાં રાષ્ટ્રોન્નતિની ઉદાત્ત ભાવના હૃદયમાં ધારણ કરી, યજ્ઞભૂમિનું માતૃભૂમિના સ્વરૃપે પૂજન કરી, ત્યાર પછી યજન કરવામાં આવે છે. ગીતાજી અનુસાર યજ્ઞ કરવાથી વરસાદ આવે છે. વરસાદ થવાથી અનાજ ઉત્પન્ન થાય છે. આ રીતે ધન- ધાન્યથી હરીભરી બનેલી માતૃભૂમિ પ્રસન્ન થાય છે. સમગ્ર જન સમાજમાં આનંદની લહેર ફેલાઈ જાય છે. યજ્ઞ માત્ર માનવી નહીં પ્રાણીમાત્રના કલ્યાણની ભાવનાથી સભર એવું વિશ્વકલ્યાણમય દિવ્ય અનુષ્ઠાન છે.
યજ્ઞ સ્વાસ્થ્યની ઉન્નતિ
યજ્ઞના અગ્નિમાં વનસ્પતિના સ્થૂળરૃપમાં વિનિયોગ થાય છે. સૂક્ષ્મ રૃપે વનસ્પતિ (ઔષધિઓનો) પ્રભાવ યજ્ઞના ધુમાડા દ્વારા સમગ્ર વાયુમંડળમાં ફેલાઈ જાય છે. તેનાથી પૃથ્વી, જળ, પ્રકાશ, વાયુ અને આકાશમાં રહેલા કીટાણુઓ નિષ્ક્રિય થઈ જાય છે. યજ્ઞ પર્યાવરણ પ્રદૂષણને દૂર કરી, વાયુમંડળને શુદ્ધ કરે છે. પરિણામે પ્રાકૃતિક પર્યાવરણ અને વાયુમંડળની શુદ્ધિ થાય છે. માનવશરીરની સૂક્ષ્મ કોશિકાઓ તેમજ મન અને મસ્તકમાં યજ્ઞનો ધુમાડો સુક્ષ્મરૃપે પોતાનો પ્રભાવ પાડે છે. જેનાથી માનવનો સ્વભાવ બદલાઈ જાય છે. કામ, ક્રોધ, લોભ, મોહ, ઈર્ષા, ભય, દ્વેષ જેવા શત્રુ (શરીરરૃપી ઘરમાંથી) ભાગી જાય છે. વનસ્પતિ ઔષધિઓના ધુમાડાથી માનસિક તનાવ દૂર થાય છે.
શ્રી વલ્લભકુળ પરંપરામાં સોમયજ્ઞનું મહત્ત્વ
યજ્ઞશૃંખલાનો પ્રારંભ શ્રી યજ્ઞનારાયણ ભટ્ટજીએ ૩૨ સોમયજ્ઞ કરીને ભગવદ્ આજ્ઞાનું પાલન કર્યું. તેમના પુત્ર શ્રી ગંગાધરજીએ ૨૮ સોમ યજ્ઞો કર્યા. તેમના પુત્રશ્રી ગણપતિ ભટ્ટે ૩૦ સોમયજ્ઞ પૂરા કર્યા હતા તેમને ત્યાં શ્રીવલ્લભ ભટ્ટજી નામે પુત્ર થયા જે સંપૂર્ણ ગુણવાન સૂર્ય જેવા તેજસ્વી હતા સ્વહસ્તે ૫ સોમયજ્ઞો કર્યા, તેમના પુત્ર શ્રી લક્ષ્મણ ભટ્ટજીએ ૫ સોમયજ્ઞો કર્યા. આ પ્રકારે સોમયજ્ઞોનાં ફળસ્વરૃપે મહાપ્રભુ શ્રીમદ્ વલ્લભાચાર્યનો પ્રાદુભાવ થયો. ત્યારથી શ્રી વલ્લભ કુળ પરંપરામાં સોમયજ્ઞનું અનેરૃ મહત્ત્વ છે.
સોમયજ્ઞમાં ભિક્ષાનું મહત્ત્વ
આ યજ્ઞમાં ભિક્ષાને સનિહાર કહેવામાં આવે છે. નિયમ અનુસાર રાજા પણ અશ્વમેઘ યજ્ઞ કે રાજસૂય યજ્ઞ કરે ત્યારે તેમને પણ ભિક્ષા માગવી જોઈએ. આ વિધિ દરેક યજ્ઞમાં ત્રણથી પાંચ વાર કરવામાં આવે છે. યજમાન મૃગચર્મમાં ભિક્ષાગ્રહણ કરે છે. બલિરાજાના યજ્ઞમાં વામન ભગવાને ભિક્ષા માંગી હતી, તેનું રહસ્ય આ પ્રમાણે છે. બલિરાજા અસુર હતા, યજ્ઞ કરાવનાર શુક્રાચાર્ય અસુર હતા.
બલિરાજા પાસે મુદ્રારાક્ષસ (ધનસંપત્તિ) પણ આસુરી હતી. તેથી તેમના દ્વારા કરવામાં આવતો યજ્ઞ પણ આસુરી થઈ જાય. એટલે તે અસુર યજ્ઞને સુર (દૈવ) મય બનાવવા માટે વામન ભગવાને મુદ્રારાક્ષસનો-આસુરી સંપત્તિનો ભિક્ષા લઈને ઉદ્ધાર કર્યો. આ મુદ્રાને દૈવી સંપત્તિ (લક્ષ્મીદેવી) નું સ્વરૃપ પ્રદાન કરી બલિરાજાનો યજ્ઞ સંપન્ન કરાવ્યો હતો. પ્રત્યેક સોમયજ્ઞ પછી એક હજાર બ્રાહ્મણોને ભોજન કરાવવાનું વિધાન છે. યજમાન તેની અનુકૂળતા પ્રમાણે કૃષ્ણાર્પણ કરે છે.
જયદીપ ગઢીઆ બોરીવલી-મુંબઈ
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
મૃત્યુ પછી નેત્રદાન માટે આહ્વાન
નેત્રદાન મૃત્યુ પછીના ૬ કલાક સુધીમાં કરવાનું હોય છે. ત્યારપછી આંખો નકામી બની જાય છે. જામનગરના ગ્રામ્ય વિસ્તારમાંથી લઈને દેવભૂમિ દ્વારકા જિલ્લાના ખંભાળિયા, ભાણવડ અને ઓખાથી પણ દર્દીઓ સારવાર અર્થે જી.જી. હોસ્પિટલમાં આવે છે. ગ્રામ્ય વિસ્તારોમાં ખેતરમાં કામ કરતી વખતે તેમજ ખેતરનો કચરો ઊડવાથી બાળકોમાં આંખનું ઈન્ફેક્શન વધુ જોવા મળે છે. તેથી આંખમાં નાનકડું ઈન્ફેક્શન પણ હોય, તો તુરંત જ નજીકના આરોગ્ય કેન્દ્રનો સંપર્ક કરવો જોઈએ. આઈ ડોનેશનના મોટાભાગના કિસ્સામાં વ્યક્તિનું શરીર નવી આંખોનો સ્વીકાર કરી લે છે. નેત્રદાનની વિગતો ગુપ્ત રાખવામાં આવે છે. બજારમાં રૃા. ર૦૦૦ ની કિંમત ધરાવતા આંખના ટીપાં, ક્રીમ અને ટ્યુબ દર્દીઓને વિનામૂલ્યે આપવામાં આવે છે.
અત્યારે નેત્ર વિભાગના વડા ડો. ગોહિલના માર્ગદર્શન હેઠળ ડો. વૈભવ પવાર, ડો. અદીબા હુસૈન, ડો. પૂર્વા ત્રિવેદી, પાયલ સહિત ૩૦ ડોક્ટર્સ દિવસ-રાત લોકોની સારવાર અર્થે કટિબદ્ધ છે.
અત્રે ઉલ્લેખનિય છે કે, વિશ્વપ્રસિદ્ધ અભિનેત્રી ઐશ્વર્યા રાય બચ્ચન અને પ્રિયંકા ચોપરાએ નેત્રદાન કરવા માટેનો સંકલ્પ કર્યો છે. નેત્રદાન ઝુંબેશમાં અન્ય જાણીતા કલાકારો અમિતાભ બચ્ચન, આમિર ખાન, સલમાન ખાન, રાણી મુખર્જી અને આલિયા ભટ્ટે પણ અંગદાનના મહત્ત્વ અને પ્રચાર-પ્રસારમાં અગત્યની ભૂમિકા ભજવી છે.
નેત્રદાન કરવા માટે ઉંમર, જાતિ, ધર્મ કે અન્ય કોઈ બાધ નથી. નેત્રદાન એ સંપૂર્ણપણે તમારી ઈચ્છા પર આધાર રાખે છે. ચશ્મા પહેરવાથી, મોતિયો થવો કે તમારૃ બ્લડગ્રુપ અલગ હોય, આ સમસ્યાઓથી નેત્રદાનમાં કોઈ મુશ્કેલી થતી નથી. વ્યક્તિના મૃત્યુ પછી તરત જ નજીકની હોસ્પિટલ કે આઈ બેંકને જાણ કરવાની હોય છે.
નેત્રદાન મૃત્યુ પછીના ૬ કલાકની અંદર જ હોવું જોઈએ. આપણે સોશિયલ મીડિયાના માધ્યમથી નેત્રદાનનો સંદેશો જરૃરથી ફેલાવવો જોઈએ. નેત્રદાન કરવા માટે કોઈ મહત્તમ વયમર્યાદા નથી. અત્યારે વિશ્વભરમાં ઓછામાં ઓછા ર.ર બિલિયન લોકો દૃષ્ટિની ક્ષતિ ધરાવે છે. જેમાંથી ઓછામાં ઓછા ૧ બિલિયન લોકોની દૃષ્ટિની ક્ષતિ એવી રીતે બની હતી કે, જેને અટકાવી શકાઈ હોત, આ માટે જ વ્યક્તિ ચક્ષુદાન કરે તે અતિ આવશ્યક છે.
આઈ બેંક, કે જે કોર્નિયા ટ્રાન્સપ્લાન્ટ અને સંશોધન માટે દાન કરેલી આંખોની જાળવણી કરે છે, અને જરૃરિયાત ધરાવતા વ્યક્તિઓ સુધી પહોંચાડે છે. વિશ્વમાં સૌ પ્રથમવાર વર્ષ ૧૯૦પ માં સફળ કોર્નિયા ટ્રાન્સપ્લાન્ટ કરવામાં આવ્યું હતું. વર્ષ ૧૯૪૪ માં સૌ પ્રથમ આંખ/આઈ બેંકની સ્થાપના કરવામાં આવી હતી. ગુજરાતમાં ગત્ વર્ષમાં પ૪૦૦ જેટલા ચક્ષુદાન કરવામાં આવ્યા છે. અત્યારે રાજ્યમાં અંધત્વ દર ૦.૯ ટકા થી ઘટીને ઉ.૩ ટકા થયો છે. રાજ્યમાં ચક્ષુદાનનું પ્રમાણ પપ ટકા જેટલું જોવા મળ્યું છે. વર્ષ ર૦રર-ર૩ માં કેન્દ્ર સરકારના 'રાષ્ટ્રીય નેત્ર જ્યોતિ અભિયાન' અંતર્ગત ગુજરાત રાજ્યએ સમગ્ર દેશમાં ચક્ષુદાનની બાબતમાં અને આંખના રોગોની સારવાર કરવાની બાબતમાં પ્રથમ સ્થાન પ્રાપ્ત કર્યું છે.
જલકૃતિ કે. મહેતા
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
અફસોસ એ રહ્યો કે બાળકી બચાવી શકાઈ નહીં ઃ સેવાભાવિ યુવાનનો વસવસોઃ
જામનગર તા. ૩ઃ દ્વારકા જીલ્લાના કલ્યાણપુર તાલુકાના રાણ ગામે ખુલ્લા બોરમાં પડી ગયેલ બાળકીને તમામ તંત્રએ અથાક પ્રયાસો બાદ સલામત રીતે બહાર કાઢી લીધી હતી, પણ નસીબ જોગે બાળકીને બચાવી ન શકાઈ, આઠ કલાક ઉપરાંત ચાલેલા રેસ્ક્યુ ઓપરેશનમાં ફાયર, આર્મી, પોલીસ, વહીવટી પ્રસાસન અને અંતિમ ઘડીઓમાં પહોચેલ એનડીઆરએફની ટીમ સહિતનાઓની સયુંકત મહેનતના પરિણામે બાળકીને બોરની બહાર કાઢી લેવામાં આવી, પરંતુ આ તમામ તંત્રની હાજરીમાં જો કોઈ ખાનગી વ્યક્તિ અતિ મહત્ત્વની સાબિત થઇ હોય તો તે છે 'ગોવિંદ નંદાણીયા'
બોર અંદરની સચોટ સ્થિતિ સંદર્ભે પ્રોફેસનલ કામ કરતા આ યુવાને એન્ડોસ્કોપ કેમેરા ટેકનોલોજીની કીટ ઉઠાવી સ્થળે પહોચી, એક પણ મિનિટનો વિલંબ કર્યા વગર અન્ય તંત્રની સાથે ખંભેથી ખંભો મિલાવી રેસ્ક્યુ ઓપરેશનમાં ગોવિંદભાઈ જોડાઈ ગયા હતાં.
પોતાના જ આંગણામાં માતાની નજર સામે રમતી અઢી વર્ષની બાળા એન્જલ રમતા રમતા ખુલ્લા બોર પર ઉપર રાખેલ ડોલ પર બેસે છે અને ડોલનું તળિયું તૂટી જતા બાળકી બોર અંદર ૩૦ ફૂટ નીચે સરકી જાય છે, પછી શરુ થયું બાળકીને ઉગારી લેવા ઓપરેશન એન્જલ, પ્રથમ પહોચી ૧૦૮ની ટીમ, બોર અંદર જીવણ મરણ વચ્ચે જોલા ખાતી બાળકીને આરોગ્યની ટીમ દ્વારા ઓક્સીજન આપવાનું કાર્ય શરુ કર્યું, ત્યારબાદ ખાનગી કંપનીઓ અને દ્વારકા-જામનગરની ફાયરની ટીમ પહોચી, પોલીસે પણ શરૂઆતથી મોરચો સંભાળ્યો, જીલ્લા સમાહર્તા ખુદ સ્થળે પહોચ્યા અને બચાવ કાર્યની ટીમોને માર્ગદર્શન આપવામાં છેક સુધી સાથે રહ્યા.
આ સમગ્ર ઓપરેશનમાં મહત્ત્વનું અને અભિન્ન અંગ કહી શકાય એવું કાર્ય રહ્યું હોય તો તે છે સીસીટીવી કેમેરા ઓપરેટર ગોવિંદભાઈ નંદાણીયા, પોતાની આધુનિક એન્ડોસ્કોપ કેમેરા કીટ સાથે તાત્કાલિક સ્થળ પર પહોચી રેસ્ક્યુ કાર્યમાં જોતરાયા, પોતાની કેમેરાની મદદ થી તાત્કાલિક બાળકીની સ્થિતિ અંગેનો તાગ મેળવ્યો, ફાયર, આર્મી, પોલીસ, એનડીઆરએફ સહિતની અન્ય બચાવ ટુકડીઓ સાથે સમન્વય સાધી ગોવિંદભાઈ ઓપરેશનનો મુખ્ય હિસ્સો બન્યા.
ત્રીસ ફૂટ ઊંડે બોરમાં ફસાયેલ બાળકીને ઉગારી લેવા આ યુવાને સખ્ત પ્રયાસો કર્યા, બાળકીના બંને હાથમાં રસ્સીના ફાસલા નાખવાથી માંડી બાળકીને ઉંચે ખેચવા સહિતની તમામ સ્થિત પર સચોટ રીતે કામ આવ્યા ગોવિંદભાઈના કેમેરા અને તેની નિસ્વાર્થ સેવા, સમગ્ર ગ્રામજનોની સાથે ન્યુજ ચેનલમાં ચાલતા લાઈવ ઓપરેશન નિહાળતા લોકો પણ આ ઓપરેશનની એક એક ક્ષણ નિહાળી એન્જલ સલામત રીતે બહાર આવે તેવી પ્રાર્થનાઓ કરતા જોવા મળ્યા હતા.
કલાકોની જહેમત બાદ બાળકીને બહાર કાઢી લેવાઈ પરંતુ જીવ ન બચાવી શકાયો પરંતુ તમામ બચાવ કાર્યમાં જોડાયેલ તમામ તંત્રની મહેનત કાબેલેદાદ હતી. રેસ્ક્યુમાં સૌથી અગત્યની ભૂમિકા ગોવિંદભાઈની રહી હોવાનું ખુદ કલેકટર શર્માએ જણાવ્યું હતું. પોતાની આધુનિક કીટ સાથે નિશ્વાર્થ ભાવે રેસ્ક્યુમાં જોડાયેલ ગોવિંદભાઈની કામગીરીના કલેકટરે વખાણ કરી બિરદાવી હતી. ગોવિંદભાઈએ આધુનિક એન્ડોસ્કોપ કેમેરા કીટ વસાવી છે અને દ્વારકા જીલ્લાના બોરના તળિયા સુધીની સચોટ સ્થિતિનું અવલોકન કરવાનું કાર્ય કરે છે.
પોતાની કીટ લઇ ઓપરેશન એન્જલમાં જોડાયેલ ગોવિંદભાઈએ પોતાની સેવા અંગે જણાવતા કહ્યું કે, કેમેરાને બોરમાં ઉતારી તાત્કાલિક બાળકીની કરંટ સ્થિતિનો તાગ મેળવ્યો, જો કે એક સમય એવો આવ્યો જયારે બોર સુધી પહોચતી ઈલેક્ટ્રીસીટી ખોરવાઇ ગઈ, પરંતુ દેશી જુગાડથી તાત્કાલિક વાયર અને સ્વીચબોર્ડ વચ્ચેનો વીજ પુરવઠો જીવંત કરી ફરી રેસ્ક્યુ ઓપરેશનમાં જોડાઈ ગયો હતો. બાળકીને બચાવવા નિસ્વાર્થ ભાવે સેવા કરવાનો મોકો મળ્યો એ મારા જીવનનો મહત્ત્વનું કાર્ય છે પરંતુ બાળકીને બચાવી ન શકાય તે અફ્સોસજનક છે, જેનો વસવસો કાયમ રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
