બ્રેઅકીંગ સમાચાર | દિલ્હી વિધાનસભાની ચૂંટણી વધુને વધુ રસપ્રદ બનતી જાય છે. | મોરબી નજીક અજન્ટા ગ્રુપ કંપનીની બસ ટ્રક સાથે અથડાતા ૩ર મહિલા કર્મચારીઓ ઈજાગ્રસ્ત. | દિલ્હી એરપોર્ટ પર જેટ એરવેઝના વિમાના એન્જિનમાં આગ લાગી. તમામ એંસી મુસાફરોનો બચાવ. | ગૃહમંત્રી રાજનાથસિંહની તબિયત લથડતા એમ્સ હોસ્પિટલમાં દાખલ કરાયાં. | વડાપ્રધાન નરેન્દ્ર મોદી ૧૬-ઓગસ્ટે મુંબઈની મુલાકાતેઃ મુંબઈમાં હાઈએલર્ટ. | અમદાવાદમાં ચાર લાખ રૃપિયાની નકલી નોટ સાથે એક શખ્સ ઝડપાયો. | શ્રીનગરના પાસે આંતકી હુમલોઃ એક જવાન શહીદ અને બે ઘાયલઃ પૂંછના હમીરપરમાં પાક સેના તરફથી ગોળીબાર. | પંચમહાલના ઈલોલ ગામના સરપંચ વિરૃદ્ધ પૂર્વ સરપંચે અવિશ્વાસની દરખાસ્ત મુકતા સરપંચે પૂર્વ સરપંચ પર હુમલો કરીને નાક કાપી નાખ્યું. | દિલ્હીમાં મોટરમાં પસાર થતાં બે શખ્સો પાસેથી બસ્સો પચ્ચાસ પીસ્તોલ પકડાઈ. | બ્રિટનમાં માંચેસ્ટરથી લંડન મોટરમાં જતાં ભારતના પૂર્વ ક્રિકેટર અને કોમેન્ટેટર સુનિલ ગાવસ્કર અને તેના મિત્રોએ ડ્રાઈવરને ઉંઘ આવી જતાં નડેલા અકસ્માતમાં સામાન્ય ઈજાઃ મોટરમાં ભારે નુકસાન. | વિસાવદર નજીક સિંહ અને સિંહણ વચ્ચે ઝપાઝપી થતાં સિંહનું મૃત્યુ. | વડાપ્રધાન નરેન્દ્ર મોદીએ જમ્મુ-કાશ્મીર રોડ પ્રોજેક્ટ માટે આઠ હજાર કરોડનું પેકેજ જાહેર કર્યુ. | ૧પ-ઓગસ્ટે રીલીઝ થનારી અજય-કરીનાની ફિલ્મ 'સીંધમ રીટર્ન્સ' ના એક ડાયલોગમાં હિન્દુ લોકોની ભાવનાને ઠેસ પહોંચાડાઈ હોવાની અલ્હાબાદ હાઈકોર્ટમાં ફરિયાદ. | રાજસ્થાનમાં ભારે વરસાદથી ત્રીસના મૃત્યુ. | મહારાષ્ટ્રના ગઢચીરોલીમાં એક મહિલાએ નાયબ મુખ્યમંત્રી અજીત પવાર પર ચપ્પલ ફેંક્યું. | અમેરિકાના ઓસ્કાર એવોર્ડ વિજેતા ફિલ્મ અભિનેતા રોબીન્સને ડીપ્રેશનના કારણે આત્મહત્યા કરી.

ખાસ મુલાકાત

ઉમ્ર મેં સબસે મૈં છોટા હૂં ભલે, માને જાએંગે મેરે સબ ફૈસલે

ક્રિકેટના આરંભિક કાળથી જ જામનગરનો ક્રિકેટ સાથે અતૂટ નાતો રહ્યો છે. જામરણજીતસિંહજીથી લઈ રવિન્દ્ર જાડેજા સુધી ખ્યાતનામ ક્રિકેટરોએ ક્રિકેટ વિશ્વમાં જામનગરનું નામ ઝળહળતું રાખ્યું છે, પરંતુ હવે ક્રિકેટ મેચોમાં નગરનું 'નિર્ણાયક' યોગદાન પણ જોવા મળશે. નગરના રર વર્ષિય જય રાકેશભાઈ શુક્લએ સૌરાષ્ટ્ર ક્રિકેટ એસોસિએશનમાં સૌથી નાની વયે અમ્યપાર તરીકે નિમણૂક મેળવી અભૂતપૂર્વ સફળતા પ્રાપ્ત કરી છે. જય શુક્લ અને તેના પિતા રાકેશભાઈ શુક્લએ 'નોબત' કાર્યાલયની મુલાકાત લઈ પત્રકાર આદિત્ય સાથે સંવાદ કર્યો હતો.

બી.ઈ. ઈલેક્ટ્રીકલ સુધીનો અભ્યાસ કરનાર જય બાળપણથી જ ક્રિકેટ પ્રત્યે ગહન રૃચિ ધરાવે છે. આ દરમિયાન વર્ષ ર૦૧૯ માં સૌરાષ્ટ્ર ક્રિકેટ એસસિએશનમાં અમ્પાયરની જરૃર હોવાની જાહેર ખબર તેના ધ્યાનમાં આવે છે. જેના અનુસંધાને તે રાજકોટ નજીક ખંઢેરી સ્ટેડિયમમાં ત્રણ દિવસીય સેમિનારમાં ભાગ લઈ ઈન્ગરનેશનલ લેવલના અમ્પાયર અમિષ સાહેબા પાસેથી અમ્પાયરીંગનું જ્ઞાન મેળવે છે. ત્યારપછી લેખિત પરીક્ષા તથા વાઈવા પ્રેક્ટિકલમાં ઉત્તીર્ણ થાય છે. પસંદગી પામેલા ૧૪ ઉમેદવારો પૈકી જય સૌથી નાની વયનો અમ્પાયર બને છે.

અમ્પાયર તરીકે નિમણૂક પામ્યા પછી જય અન્ડર ૧૯ તથા અન્ડર ૧૬ ના ૪-૪ મેચ તથા અન્ડર ૧૩ ના ૩ મેચ અને અન્ડર ૧૪ ના ૧ મેચમાં અમ્પયાર તરીકે સેવા આપી ચૂક્યો છે.

મોટાભાગે યુવાનો ક્રિકેટર બનવા માંગતા હોય છે, પરંતુ અમ્પાયર બનવાનું કેમ નક્કી કર્યું એ સવાલના જવાબમાં જય કહે છે કે, તે કોઈપણ રીતે ક્રિકેટ સાથે જોડાયેલ રહેવા ઈચ્છતો હતો. ક્રિકેટર તરીકે કારકિર્દી બનાવવા ગળાકાપ હરિફાઈનો સામનો કરવો પડે છે, પરંતુ અમ્પયારીંગ ક્ષેત્રમાં યુવાઓની રૃચિ ઓછી જોવા મળતા આ ક્ષેત્રમાં કારકિર્દીની ઉજળી તકો છે. નિરીક્ષણ શક્તિ સારી હોવાથી જયે અમ્પાયર તરીકે કારકિર્દી બનાવવાનું પસંદ કર્યું.

જય કહે છે કે, અમ્પાયર બનવા માટે મેરીલેબોન ક્રિકેટ ક્લબ (એમસીસી) દ્વારા ક્રિકેટની લો બુક પ્રસિદ્ધ કરવામાં આવી છે. જેમાં ક્રિકેટના નિયમો નિશ્ચિત કરવામાં આવ્યા છે. આ બુકના અભ્યાસ દ્વારા જ તે અમ્પાયર બનવાની કસોટીમાં પાર થયાનું જણાવે છે. ઉપરાંત અમ્પયાર બનવા માટેની લેખિત પરીક્ષા તથા વાયવા બન્ને અંગ્રેજી ભાષામાં જ લેવાતી હોવાથી અમ્પયાર બનવા ઈચ્છુક લોકોને અંગ્રેજી ભાષા પર પ્રભૂત્વ મેળવવાની પણ સલાહ આપે છે.

જય હવે બીસીસીઆઈમાં અમ્પાયર તરીકે સિલેક્ટ થવા માટે પણ તૈયારી કરી રહ્યો છે. જો આ પરીક્ષા તે આગામી પાંચ-સાત વર્ષમાં પણ પાસ કરી લેશે તો પણ બીસીસીઆઈના સૌથી યુવા અમ્પયાર બનવાનો રેકોર્ડ જય પોતાના નામે કરી લેશે, કારણ કે અત્યાર સુધીના બીસીસીઆઈના સૌથી યુવા અમ્પાયર ૩પ વર્ષિય રહ્યા છે. જય આ રેકોર્ડ તોડશે એવી પ્રબળ સંભાવના છે. એ પછી જય રણજી ટ્રોફી અને અન્ય ડોમેસ્ટિક મેચોમાં અમ્પાયરીંગ કરી નગરનું નામ રાષ્ટ્રીય સ્તરે ઝળહતું કરશે.

જયના પિતા રાકેશભાઈ 'જુનિયર જેઠાલાલ' તરીકે આંતરરાષ્ટ્રીય ખ્યાતિ પામ્યા છે. જય પણ ક્રિએટીવ ક્ષેત્રમાં કાર્ય કરવાની ઈચ્છા ધરાવે છે, પરંતુ તેનું મુખ્ય લક્ષ્ય તો અમ્પાયર તરીકે કારકિર્દી બનાવવાનું જ છે. તેનું આ લક્ષ્ય પૂરૃં થાય અને જામનગરને ક્રિકેટ ક્ષેત્રે નવી ઓળખ મળે તેવી શુભેચ્છા સાથે વિરમીએ...

ફોટો સમાચાર

રાશી પરથી ફળ

Sagittarius (ધન: ભ-ધ-ફ-ઢ)

માનસિક પરિતાપ-દ્વિધા છ તાં તમારા રોજિંદા કામ, નોકરી-ધંધાના કામ ઉકેલવામાં સફળતા મળે. શુભ રંગઃ પિસ્તા - શુભ અંકઃ ૩-૯

Capricorn (મકર: ખ-જ)

નોકરી-ધંધાના કામમાં ધ્યાન આપી શકો. સિઝનલ ધંધામાં ફાયદો થાય. આર્થિક લાભ થાય. શુભ રંગઃ જાંબલી - શુભ અંકઃ ૫-૪

Aquarius (કુંભ: ગ-શ-સ)

નોકરી-ધંધાના જુના-નવા કામ ઉકેલાય. સંબંધો તાજા થાય ઘર-પરિવારના પ્રશ્નો ઉકેલાય. શુભ રંગઃ કેસરી - શુભ અંકઃ ર-૬

Pisces (મીન: દ-ચ-ઝ-થ)

નોકરી-ધંધાના કામમમાં ચિંતા-મુશ્કેલી અનુભવવી પડે. માનસિક થાકને કારણે કામ કરવામાં કંટાળો આવે. શુભ રંગઃ પીળો - શુભ અંકઃ ૧-૫

Aries (મેષ: અ-લ-ઈ)

પુત્ર-પૌત્રાદિકના કામમાં, નોકરી-ધંધાના કામમાં વ્યસ્તતા રહે. આકસ્મિક કોઈ કામ થઈ શકે. શુભ રંગઃ લાલ - શુભ અંકઃ ૩-૧

Taurus (વૃષભ: બ-વ-ઉ)

શારીરિક-માનસિક - ચિંતા-બેચેની છતાં તમારા કામ ઉકેલવામાં વ્યસ્ત રહો. વધારાના કામ થવા પામે. શુભ રંગઃ દુધિયા - શુભ અંકઃ ૬-૪

Gemini (મિથુન: ક-છ-ધ)

આનંદ ઉત્સાહથી તમારૃં તેમજ અન્યનું કામકાજ કરી શકો. જુના-નવા સંબંધો તાજા થાય. શુભ રંગઃ મોરપીંછ - શુભ અંકઃ ૫-૭

Cancer (કર્ક: ડ-હ)

આકસ્મિક રૃકાવટ-મુશ્કેલીના કારણે નોકરી-ધંધામાં પીછેહઠ થાય ધાર્યુ કામકાજ થાય નહીં. શુભ રંગઃ બ્લુ - શુભ અંકઃ ૨-૯

Leo (સિંહ: મ-ટ)

વિલંબમાં પડેલા રૃકાવટવાળા કામ ઉકેલવામાં સાનુકૂળતા થતી જાય. નોકરી-ધંધાના કામમાં લાભ થાય. શુભ રંગઃ ગુલાબી - શુભ અંકઃ ૮-૫

Virgo (કન્યા: પ-ઠ-ણ)

નોકરી-ધંધાના કામ અંગે કોઈને મળવાનું થાય. સામાજિક-જાહેર જીવન ક્ષેત્રે વ્યસ્ત રહો. શુભ રંગઃ લીલો - શુભ અંકઃ ૨-૬

Libra (તુલા: ર-ત)

નોકરી-ધંધાના કામની પ્રગતિથી-સફળતાથી આવકથી આપને આનંદ-હળવાશ રહે. ખર્ચ થવા પામે. શુભ રંગઃ લવંડર - શુભ અંકઃ ૩-૯

Scorpio (વૃશ્ચિક: ન-ય)

ચિંતા-ખર્ચ-દોડધામ રહે. નોકરી-ધંધાના, સગા-સંબંધી-મિત્રવર્ગના કામથી દોડધામ રહેવા પામે. શુભ રંગઃ ગ્રે - શુભ અંકઃ ૧-૮

Sagittarius (ધન: ભ-ધ-ફ-ઢ)

તમારા માટે કાર્યબોજ વધારતું સપ્તાહ થવા જાય છે. આ સપ્તાહના સમયગાળા દરમિયાન વધારે પડતી જવાબદારીઓ અને કાર્યોને કારણે આપ સતત વ્યસ્ત રહેતા જણાવ, પરંતુ આપની મહેનતનું મીઠું ફળ પણ ચાખવા મળી શકે છે. વ્યાપાર-ધંધામાં તેજીના દર્શન થાય. ગૃહસ્થ જીવનમાં વડીલ વર્ગ સાથે ઘર્ષણ ટાળવું. સંબંધોની ગરિમા જાળવશો તો ફાયદામાં રહેશો. રાજકીય પ્રવૃત્તિ સાથે સંકળાયેલા જાતકોએ શત્રુ વિરોધીઓથી સાવધાન રહેવું. સ્વાસ્થ્ય સુધરતું જણાય. તા. પ થી ૮ સ્વાસ્થ્ય સુધરે. તા. ૯ થી ૧૧ કાર્યબોજ.

Capricorn (મકર: ખ-જ)

તમારા માટે ખર્ચ-ખરીદીના યોગ સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપ આપના ઘર-પરિવાર માટે ભૌતિક સુખ-સગવડના સાધનોની ખરીદી કરવા આકર્ષાઈ શકો છો. કૌટુંબિક સંબંધોમાં કોઈ વિવાદ હશે તો સુખદ અંત આવતા માનસિક ચિંતા હળવી બને. જમીન-મકાન-રહેઠાણને લગતી બાબતોમાં પરિણામ આપના પક્ષમાં આવી શકે. નોકરિયાત વર્ગને કાર્યના બદલામાં વખાણ સાંભળવા મળે. યાત્રા-પ્રવાસ આનંદદાયક બની રહે. તા. પ થી ૮ શુભ. તા. ૯ થી ૧૧ ખર્ચ-ખરીદી.

Aquarius (કુંભ: ગ-શ-સ)

આપના માટે માન-સન્માન અપાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને સામાજિક-જાહેરજીવન ક્ષેત્રે માન-મરતબામાં વૃદ્ધિ થતી જોવા મળે. આપની નાણાકીય સ્થિતિ સદ્ધર બને. શત્રુ વિરોધીઓ ઉપર વિજય મેળવી શકશો. વ્યાપાર-ધંધામાં વૃદ્ધિ થતી જોવા મળે. નોકરિયાત વર્ગ માટે સમય લાભદાયક પૂરવાર થાય. ગૃહસ્થ જીવનમાં વાતાવરણ મધ્યમ રહે. સ્વાસ્થ્ય બાબતે આહાર-વિહારમાં તકેદારી રાખવી અનિવાર્ય બની રહે. મિત્રોનો સહકાર પ્રાપ્ત થાય. તા. પ થી ૮ સ્વાસ્થ્ય સાચવવું. તા. ૯ થી ૧૧ માન-સન્માન.

Pisces (મીન: દ-ચ-ઝ-થ)

તમારા માટે આરોગ્યની સંભાળ રાખવાની સલાહ આપતું સપ્તાહ શરૃ થવા જાય છે. આ સપ્તાહના દિવસો દરમિયાન સ્વાસ્થ્ય અંગે તકેદારી રાખવી આવશ્યક બની રહે. ખાન-પાન, આહાર-વિહારમાં સાવધાની રાખવી. વેપારી વર્ગને નવી ધંધાકીય ખરીદી શક્ય બને. સામાજિક ક્ષેત્રે ગુમાવેલી નામના-કીર્તિ પરત મેળવી શકશો. ભાઈ-બંધુ સાથે કોઈ વિવાદ હશે તો તેનો સુખદ નિકાલ આવે.મિત્રથી લાભ થાય. વિદ્યાર્થી વર્ગને કારકિર્દી બનાવવા યોગ્ય તક પ્રાપ્ત થાય. સફળતા મળે. તા. પ થી ૮ સ્વાસ્થ્ય સાચવવું. તા. ૯ થી ૧૧ માન-સન્માન.

Aries (મેષ: અ-લ-ઈ)

આપના માટે પરિવર્તનશીલ સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને વ્યાપાર-વ્યવસાયમાં વિકાસ જોવા મળે. આપ નવી પ્રવૃત્તિ કે નવી દિશામાં આગળ વધી શકો. લાંબા સમયથી ચાલી આવતી મંદીની અસરમાંથી મુક્તિ મેળવી શકશો. જાહેરજીવન ક્ષેત્રે ગુમાવેલી પ્રતિષ્ઠા પૂનઃ પ્રાપ્ત કરી શકશો. વડીલ વર્ગ, માતા-પિતા તરફથી લાભ થાય. તબિયત અંગે કાળજી રાખવી. નોકરીમાં સહકર્મચારી તરફથી સહકાર પ્રાપ્ત થાય. પડવા-વાગવાથી સાચવવું. તા. પ થી ૮ સામાન્ય. તા. ૯ થી ૧૧ લાભદાયી.

Taurus (વૃષભ: બ-વ-ઉ)

તમારા માટે નફા-નુક્સાનભર્યું સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન વ્યાપાર-ધંધા-વ્યવસાય ક્ષેત્રે આકસ્મિક ખર્ચાઓને કારણે આર્થિક સ્થિતિ મધ્યમ બની રહે. યાત્રા-પ્રવાસ બાબતે આયોજનો શક્ય બનતા જણાય. મહત્ત્વના કાર્યો બાબતે સમય સફળતાદાયક બની રહે. સામાજિક-જાહેરજીવન ક્ષેત્રે સંકળાયેલા જાતકોને કાર્ય પ્રગતિની તકો પ્રાપ્ત થાય. વડીલ વર્ગ, માતા-પિતા, સ્નેહીજનોના સ્વાસ્થ્ય બાબતે ચિંતા-ખર્ચ થાય. પારિવારિક ક્ષેત્રે સ્થિતિ સાનુકૂળ બની રહે. તા. પ થી ૮ ખર્ચ-વ્યય. તા. ૯ થી ૧૧ મધ્યમ.

Gemini (મિથુન: ક-છ-ધ)

આપના માટે વાદ-વિવાદ ટાળવાની સલાહ આપતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપના મહત્ત્વના કે અંગત સંબંધોમાં ખટરાગ થતો જણાય. નાની-નાની વાતમાં વાદ-વિવાદ મોટું સ્વરૃપ ધારણ ન કરે તેનું ધ્યાન રાખવું. ધીરજ અને સંયમથી વર્તવાથી ફાયદો થાય. નાણાકીય દૃષ્ટિએ સપ્તાહ સારૃ રહે. અપેક્ષા અનુસાર કામ મેળવી શકશો. આરોગ્ય સુખાકારી સારી રહે. વિદ્યાર્થીઓ માટે સમય આત્મમંથન કરવાવાળો બની રહે. શુભ સમાચાર સાંભળવા મળે. તા. પ થી ૮ સંભાળવું. તા. ૯ થી ૧૧ સાચવવું.

Cancer (કર્ક: ડ-હ)

તમારા માટે લાભદાયી સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપના વ્યાપાર-ધંધા-રોજગાર ક્ષેત્રે મંદીના વાદળો દૂર થતાં જણાય. આકસ્મિક લાભ થવાની પૂર્ણ શક્યતા જણાય છે. આર્થિક સ્થિતિ મજબૂત બનતી જણાય. ગૃહસ્થ જીવનમાં વાતાવરણ ડામાડોળ થતું જણાય. ભાઈ-ભાંડુ, સ્નેહીજનો સાથે વાદ-વિવાદ, મનદુઃખ થઈ શકે છે. સામાજિક જીવનમાં માન-પ્રતિષ્ઠા જળવાઈ શકે. વિરોધીઓ નબળા પડે. સ્વાસ્થ્ય બાબતે પડવા-વાગવાથી સાવધાની રાખવી. તા. પ થી ૮ સંભાળવું. તા. ૯ થી ૧૧ લાભદાયી.

Leo (સિંહ: મ-ટ)

આપના માટે સકારાત્મક કાર્યો કરાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ આપના કાર્ય ક્ષેત્રે સફળતાપૂર્વક આગળ વધતા જણાવ. આપની કાર્યશૈલીમાં સુખદ બદલાવ આવતો જણાય. સંતાન અંગે ચિંતા રહ્યા કરે. વિદ્યાર્થી વર્ગને કારકિર્દી અંગે નવી રાહ-નવી દિશા પ્રાપ્ત થાય. ક્રોધ-આવેશને કાબૂમાં રાખશો તો સમસ્યાને નિવારી શકશો. નાણાકીય સ્થિતિ મજબૂત બનતા ખર્ચાઓને પહોંચી વળવા સક્ષમ બનશો. સ્વાસ્થ્ય સામાન્ય રીતે નબળું બને. તા. પ થી ૮ સફળતા. તા. ૯ થી ૧૧ મધ્યમ.

Virgo (કન્યા: પ-ઠ-ણ)

તમારા માટે નાણાભીડનો અનુભવ કરાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપે નાણાકીય વ્યવહાર કરતી વખતે સાવધાની રાખવી. આકસ્મિક કે અણધાર્યા ખર્ચ થવાની પૂર્ણ શક્યતા જણાય છે. નિશ્ચિત આયોજન બનાવી કામ કરવાથી ફાયદામાં રહેશો. જમીન-મકાન-રહેઠાણને લગતા પ્રશ્નો હલ થતાં જણાય. સ્વાસ્થ્ય સુખાકારી એકંદરે સારી રહેવા પામે. નોકરિયાત વર્ગને કાર્યના બદલામાં પ્રશંસા સાંભળવા મળે. શત્રુ વિરોધીઓ પરાસ્ત થાય. તા. પ થી ૮ મધ્યમ. તા. ૯ થી ૧૧ નાણાભીડ.

Libra (તુલા: ર-ત)

તમારા માટે ભાવનાત્મક સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન સાંસારિક જીવનની વીટંબણાઓમાંથી બહાર આવવાનો માર્ગ શોધી શકશો. નાણાકીય સ્થિતિ ડામાડોળ થતી જણાય. સ્નેહીજનો-પરિવારજનો સાથે દિવસો વિતાવી શકશો. અંગત સંબંધો ગાઢ બનતા જણાય. જમીન-મકાન અંગેના વિવાદનો નિકાલ લાવી શકશો. સામાજિક-જાહેરજીવન ક્ષેત્રે માન-સન્માન મળે.યાત્રા-પ્રવાસનું આયોજન વિલંબમાં પડે. તા. પ થી ૮ સાનુકૂળ. તા. ૯ થી ૧૧ શુભ.

Scorpio (વૃશ્ચિક: ન-ય)

આપના માટે તડકા-છાંયા જેવી પરિસ્થિતિનો અનુભવ કરાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપની નાણાકીય સ્થિતિ તંગ બનતી જણાય. અણધાર્યા-આકસ્મિક ખર્ચને કારણે આર્થિક સ્થિતિ હાલક-ડોલક બનતી જણાય. આરોગ્ય ધીમે ધીમે સુધરતું જણાય. કૌટુંબિક સમસ્યા હશે તો તેનું નિરાકરણ લાવી શકશો. સ્નેહીજનો સાથે સમય પસાર કરવાનો અવસર પ્રાપ્ત થાય. જમીન-મકાન-રહેઠાણને લગતા પ્રશ્નોનો હલ મેળવી શકશો. તા. પ થી ૮ નાણાભીડ. તા. ૯ થી ૧૧ પારિવારિક કાર્ય.

Opinion Poll

ભારતીય ક્રિકેટમાં અત્યાર સુધીનો સર્વશ્રેષ્ઠ 'કપ્તાન' કોણ..?




કાર્ટૂન

ફોટો ગેલેરી