બ્રેઅકીંગ સમાચાર | દિલ્હી વિધાનસભાની ચૂંટણી વધુને વધુ રસપ્રદ બનતી જાય છે. | મોરબી નજીક અજન્ટા ગ્રુપ કંપનીની બસ ટ્રક સાથે અથડાતા ૩ર મહિલા કર્મચારીઓ ઈજાગ્રસ્ત. | દિલ્હી એરપોર્ટ પર જેટ એરવેઝના વિમાના એન્જિનમાં આગ લાગી. તમામ એંસી મુસાફરોનો બચાવ. | ગૃહમંત્રી રાજનાથસિંહની તબિયત લથડતા એમ્સ હોસ્પિટલમાં દાખલ કરાયાં. | વડાપ્રધાન નરેન્દ્ર મોદી ૧૬-ઓગસ્ટે મુંબઈની મુલાકાતેઃ મુંબઈમાં હાઈએલર્ટ. | અમદાવાદમાં ચાર લાખ રૃપિયાની નકલી નોટ સાથે એક શખ્સ ઝડપાયો. | શ્રીનગરના પાસે આંતકી હુમલોઃ એક જવાન શહીદ અને બે ઘાયલઃ પૂંછના હમીરપરમાં પાક સેના તરફથી ગોળીબાર. | પંચમહાલના ઈલોલ ગામના સરપંચ વિરૃદ્ધ પૂર્વ સરપંચે અવિશ્વાસની દરખાસ્ત મુકતા સરપંચે પૂર્વ સરપંચ પર હુમલો કરીને નાક કાપી નાખ્યું. | દિલ્હીમાં મોટરમાં પસાર થતાં બે શખ્સો પાસેથી બસ્સો પચ્ચાસ પીસ્તોલ પકડાઈ. | બ્રિટનમાં માંચેસ્ટરથી લંડન મોટરમાં જતાં ભારતના પૂર્વ ક્રિકેટર અને કોમેન્ટેટર સુનિલ ગાવસ્કર અને તેના મિત્રોએ ડ્રાઈવરને ઉંઘ આવી જતાં નડેલા અકસ્માતમાં સામાન્ય ઈજાઃ મોટરમાં ભારે નુકસાન. | વિસાવદર નજીક સિંહ અને સિંહણ વચ્ચે ઝપાઝપી થતાં સિંહનું મૃત્યુ. | વડાપ્રધાન નરેન્દ્ર મોદીએ જમ્મુ-કાશ્મીર રોડ પ્રોજેક્ટ માટે આઠ હજાર કરોડનું પેકેજ જાહેર કર્યુ. | ૧પ-ઓગસ્ટે રીલીઝ થનારી અજય-કરીનાની ફિલ્મ 'સીંધમ રીટર્ન્સ' ના એક ડાયલોગમાં હિન્દુ લોકોની ભાવનાને ઠેસ પહોંચાડાઈ હોવાની અલ્હાબાદ હાઈકોર્ટમાં ફરિયાદ. | રાજસ્થાનમાં ભારે વરસાદથી ત્રીસના મૃત્યુ. | મહારાષ્ટ્રના ગઢચીરોલીમાં એક મહિલાએ નાયબ મુખ્યમંત્રી અજીત પવાર પર ચપ્પલ ફેંક્યું. | અમેરિકાના ઓસ્કાર એવોર્ડ વિજેતા ફિલ્મ અભિનેતા રોબીન્સને ડીપ્રેશનના કારણે આત્મહત્યા કરી.

વાંચન વિશેષ

અજાયબી સમાન આપુલ ભારતની નવી ઓળખ બનશેઃ

દેશના ટ્રાન્સપોર્ટર તરીકેનું બિરૃદ ધરાવતા ભારતના રેલવે તંત્રએ પૃથ્વી ઉપરનું સ્વર્ગ ગણાતી કાશ્મીર ખીણને વ્યાપક ભારતીય રેલવે નેટવર્ક સાથે જોડવાનો એક મહાત્ત્વાકાંક્ષી પ્રોજેક્ટ હાથ ધર્યો છે. આ રાષ્ટ્રીય પ્રોજેક્ટના ત્રણ તબક્કા પૂરા થઈ ગયા છે અને કાર્યરત પણ થઈ ગયા છે. ૧૧૧ કિ.મી.નું કતરા-બનિહાલ સેક્શન એટલે કે આખરી તબક્કાની અત્યંત કપરી કામગીરી હાલમાં ચાલી રહી છે. આ અનોખા ચિનાબ બ્રીજને આ વિસ્તારમાં આકાર લેતા એક મેગા સ્ટ્રકચર તરીકે ઓળખવામાં આવે છે. જમ્મુના રેસી જિલ્લાથી ૧૧૦ કિ.મી.ના અંતરે આવેલ જમ્મુ અને કાશ્મીરનો આ બ્રીજ ઈજનેરીની અદ્ભુત અજાયબી સમાન છે અને તેનું બાંધકામ કાશ્મીરના લોક ગીતોમાં જેને મૂન રિવર (ચંદ્ર નદી) તરીકે ઓળખવામાં આવે છે તે અદ્ભુત 'ચેનાબ નદી' ઉપર બંધાઈ રહ્યો છે.

આ પ્રોજેક્ટ હેઠળ ઊડી ચેનાબ નદીની આરપાર આ પુલનું નિર્માણ કરવામાં આવ્યું છે. આ નદી પર પુલ બનાવવા ખૂબ જ આવશ્યક છે. આ જંગી પ્રોજેક્ટ માટે કતરા છેડે બક્કલ સાનુકૂળ સ્થળ છે અને શ્રીનગર છેે કૌરીને મેગા સ્ટ્રકચરના બાંધકામ માટે પસંદ કરવામાં આવ્યું છે. આ પુલ ચિનાબ નદીના નિચાણવાળા ભાગમાં બનાવેલા હાલના સલાલ હાઈડ્રો પાવર ડેમની નજીક આવેલો છે. ચેનાબ બ્રીજ જ્યારે પૂર્ણ થશે ત્યારે તે પૃથ્વી પરનો સૌથી ઊંચો રેલવે બ્રીજ ગણાશે. તે નદીના પટથી ૩પ૯ મીટરની ભારે ઊંચાઈ પર નિર્માણ પામી રહ્યો છે. આ પુલની તુલના કરવી હોય તો તે એફીલ ટાવર (૩ર૪ મીટર) કરતા ૩પ મીટર ઊંચો છે અને કુતુંબ મિનારની ઊંચાઈ કરતા તેની ઊંચાઈ પાંચ ગણી વધારે છે.

આ યુએસબીઆરએલ પ્રોજેક્ટ એ હિમાલયમાંથી પસાર થતી રેલવે લાઈન છે. હિમાલયમાં યુવા પર્વતમાળાઓ છે. ખૂબ જ જટિલ પ્રકારની છે અને ભારે વળાંકો ધરાવતી હોવાથી બ્રીજ બાંધવાનું કામ ખૂબ જ કપરૃ ગણાય છે.

ભારતમાં આ પ્રકારનો પુલ ક્યાંય બંધાયો હોવાનું જોવા મળ્યું નહીં હોવાથી આ પ્રકારનું જંગી માળખું ઊભું કરવા માટે કે તેની ડિઝાઈન તૈયાર કરવા માટે કોઈ સંદર્ભ કોડ પ્રાપ્ત થતો નથી. છેવટે આ પુલનું માળખું દુનિયામાં આવેલા આવા સમાન પ્રકારના પ્રોજેક્ટ્સના અનુભવને આધારે તથા કેટલા પ્રસિદ્ધ રાષ્ટ્રીય અને આંતરરાષ્ટ્રીય નિષ્ણાતો તેમજ કન્સ્ટ્રક્શન એજન્સીઓના અભિપ્રાયો લઈને તૈયાર કરવામાં આવ્યું છે. આઈઆઈટી રૃડકી અને આઈઆઈટી દિલ્હી જેવી દેશની ટોચની સંસ્થાઓ સાથે પરામર્શ કરીને સ્થળ આધારીત વિસ્તૃત સેસ્મિક (ભૂકંપલક્ષી) વિશ્લેષણ કરવામાં આવ્યું છે અને તે પછી બ્રીજનું મોડલ અને જરૃરી માપદંડ નક્કી કરી બ્રીજની ડિઝાઈન તૈયાર કરવામાં આવી છે. ડિફેન્સ રિસર્ચ ડેવલપમેન્ટ ઓર્ગેનાઈઝેશન (ડીઆરડીઓ) સાથે પરામર્શ કરીને આતંકવાદનો સામનો કરી શકાય તેવા પાસા એમાં ઉમેરવામાં અવ્યા છે. પર્વતોના ઢોળાવો મુખ્ય કમાના પાયાને ટેકો પૂરો પાડે છે અને આ ક્ષેત્રના નિષ્ણાતો સાથે ટેકનોલોજિકલ પરામર્શ કરીને પહાડના ઢોળાવોને કમાનનો પાયો રચવા માટે સ્થિરતા આપવામાં આવી છે.

આ પુલની લંબાઈ ૧૩૧પ મીટર છે. ૧૭ પાટા જોડીને આ બ્રીજ તૈયાર કરવામાં આવશે. નદી ઉપરની તેની મુખ્ય કમાન ૪૬૭ મીટરની લંબાઈ ધરાવે છે. જે કોઈપણ બ્રોડગેજ લાઈન ઉપર તૈયાર કરવામાં આવતો સૌથી મોટો વિસ્તાર છે. ભારતે સૌ પ્રથમ વખત આ બ્રીજમાં કોંક્રીટ ભરેલી પોલાદની કમાનોનો મુખ્ય આર્ચ બ્રીજમાં ઉપયોગ કર્યો છે. આના કારણે આ પુલને વધુ ઊંચાઈએ નડતરરૃપ બનતા પરિબળો સામે રક્ષણ પ્રાપ્ત થશે.

મુખ્ય કમાન ગોઠવવાની કામગીરી એક મોટા પડકાર સમાન છે. આ કામગીરીમાં જંગી સ્ટ્રક્ચર (૩ર મેટ્રિક ટન સુધીના) નું શ્રીનગર છેડેથી વિશ્વની સૌથી લાંબી કેબલ ક્રેઈન વ્યવસ્થા મારફતે વહન કરવું પડે તેમ છે. આ ઉપરાંત ખીણના બન્ને છેડે થાંભલા ઊભા કરવાની વ્યવસ્થા કરવાની છે. ક્રેઈનનો ઉપયોગ કરવામાં આવે ત્યારે ભારે પવનનો સામનો કરવો પડે છે. આ સ્થિતિમાં કમાનના આકારને અંસર થઈ શકે તેમ છે, કારણ કે કમાનો ઊંચા-નીચા વિસ્તારમાં સ્થાપિત કરવાની છે. મુખ્ય કમાન ઊભી કરવાની ૭૦ ટકા કામગીરી પૂરી થઈ ગઈ છે.

રેલવે લાઈન થાંભલાઓને આધારે તૈયાર કરેલી ડેક અને મધ્યસ્થ કમાન ઉપર બિછાવવામાં આવશે. એની ડિઝાઈન એ રીતે કરવામાં આવી છે કે તે કલાકના ૧૦૦ કિ.મી.ના ઝડપે દોડતી ટ્રેનનો પ,૦૦૦ ટનનો કુલ લોડ સહન કરી શકે. આ ડેકની તપાસ માટે સાઈડ ગેલેરીઓ તૈયાર કરવામાં આવી છે. પવનની ગતિને માપવા માટે સેન્ટર પણ સ્થાપિત કરવામાં આવ્યા છે.

યુએસબીઆરએલ બ્રોડગેજ લાઈન પ્રોજેક્ટના કારણે જમ્મુ અને કાશ્મીરના લોકો માટે એક નવા યુગનો પ્રારંભ થશે અને તેના પરિણામે માનવો અને સામગ્રીના પરિવહન માટે તમામ મોસમમાં નવા દ્વાર ખૂલી જશે. ચેનાબ બ્રીજનું બાંધકામ પૂર્ણ થયા પછી તે કાર્યરત થશે ત્યારે સ્થાનિક લોકો તેમજ નજીકના ગામોમાં વસવાટ કરતા લોકો માટે રોજગારીના નવા દ્વાર ખૂલશે. રેલવે તંત્રએ આ પ્રોજેક્ટને જોડતા એપ્રોચ રોડ બાંધ્યા હોવાના કારણે સામાન્ય રીતે દુર્ગમ ગણાતા આ વિસ્તારમાં વિકાસનો એક નવો પ્રવાહ શરૃ થયો છે. આ રેલવે લાઈનને કારણે આ વિસ્તારના આર્થિક વિકાસને તો વેગ મળશે જ, પણ સાથે સાથે પરિવહન અને પ્રવાસનમાં વધારો થવાની ગણતરી છે. આ પુલના એકંદર વિકાસની કામગીરી રેલવેએ હાથ ધરી હોવાના કારણે લોકોના સ્થળાંતર અને અજંપા જેવી કેટલીક સામાજિક સમસ્યાઓ આ વિસ્તારમાં ઊભી થઈ છે, પરંતુ તેના ઉપાયો જલદી શોધી લેવાશે તેવો વિશ્વાસ છે.

દરેક વિષમ સ્થિતિને જીરવી લે તેવો સોલિડ બ્રીજ

બ્રીજ એ પ્રકારે તૈયાર કરવામાં આવ્યો છે કે, તે ૭ રિક્ટર સ્કેલ અને તેથી વધુ તિવ્રતાના ભૂકંપ સામે પણ ટકી શકે તેમ છે. તે કલાકના ર૬૬ કિ.મી.ની ઝડપે ફૂંકાતા પવન સામે અને માઈનસ ર૦ અંશ સેન્ટીગ્રેડ જેવી થિજવી નાંખે તેવી ઠંડી સામે પણ ટક્કર લઈ શકશે.

ફોટો સમાચાર

રાશી પરથી ફળ

Sagittarius (ધન: ભ-ધ-ફ-ઢ)

આજે આપે તન-મન-ધનથી સંભાળવું હિતાવહ જણાય છે. રસ્તામાં આવતા-જતા સાવધાની રાખવી. શુભ રંગઃ કેસરી - શુભ અંકઃ ૫-૮

Capricorn (મકર: ખ-જ)

તમારા રોજિંદા કામમાં સાનુકૂળતા રહે. નોકરી-ધંધાના કામથવા પામે. પડવા-વાગવાથી સાચવવું. શુભ રંગઃ પિસ્તા - શુભ અંકઃ ૯-૪

Aquarius (કુંભ: ગ-શ-સ)

નોકરી-ધંધા-વ્યવસાય બાબતેના કામમાં હળવાશ રહે. પત્ની-સંતાન-પરિવારનું કામ કરી શકો. શુભ રંગઃ મોરપીંછ - શુભ અંકઃ ૨-૬

Pisces (મીન: દ-ચ-ઝ-થ)

નોકરી-ધંધાના કામથી બહાર કે બહારગામજવાનું થાય. વિલંબમાં પડેલા કામઉકેલાય. શુભ રંગઃ ગુલાબી - શુભ અંકઃ ૩-૭

Aries (મેષ: અ-લ-ઈ)

હ્યદય-મનની વ્યગ્રતાને કારણે કંઈ ગમે નહીં. સંતાનના કામથવા પામે. સંબંધ-વ્યવહાર સચવાય. શુભ રંગઃ જાંબલી - શુભ અંકઃ ૨-૫

Taurus (વૃષભ: બ-વ-ઉ)

નોકરી-ધંધાના કામમાં સાનુકૂળતા રહે. બહારના કામમાં અન્યના સહકારથી હળવાશ અનુભવાય. શુભ રંગઃ લીલો - શુભ અંકઃ ૧-૪

Gemini (મિથુન: ક-છ-ધ)

વાણીની મિઠાશ-વ્યવહારથી નમ્રતા રાખવાથી સફળતા મળવા પામે. કોઈ ઉતાવળીયો નિર્ણય કરવો નહીં. શુભ રંગઃ પીળો - શુભ અંકઃ ૬-૩

Cancer (કર્ક: ડ-હ)

આજનો દિવસ કામકાજ માટે સાનુકૂળતાવાળો બનીરહે. કૌટુુંબિક-પારિવારિક પ્રશ્નોથી ગુંચવણ રહે. શુભ રંગઃ દુધિયા - શુભ અંકઃ ૪-૮

Leo (સિંહ: મ-ટ)

વિલંબમાં પડેલા કામ ઉકેલવામાં વ્યસ્તતા રહેતી જણાય. નોકરી-ધંધાના કામમાં સાનુકૂળતા રહેવા પામે. શુભ રંગઃ બ્રાઉન - શુભ અંકઃ ૨-૭

Virgo (કન્યા: પ-ઠ-ણ)

ચિંતા-ખર્ચ રહે. નોકરી-ધંધાના નાણાકીય જવાબદારીવાળા કામમાં સંભાળવું પડે. ધીરજ રાખવી. શુભ રંગઃ મરૃન - શુભ અંકઃ ૩-૧

Libra (તુલા: ર-ત)

સ્વાસ્થ્ય બાબતે સંભાળવું પડે. આરામમળે નહીં. કોઈની વાતોથી દોરવાયા દોરવાઈ જવું નહીં. શુભ રંગઃ બ્લુ - શુભ અંકઃ ૪-૮

Scorpio (વૃશ્ચિક: ન-ય)

આનંદ-ઉત્સાહમાં વધારો થાય તેવા કામથવા પામે. નોકરી-ધંધાના સંબંધ-વ્યવહાર તાજા થાય. શુભ રંગઃ સફેદ - શુભ અંકઃ ૬-૯

Sagittarius (ધન: ભ-ધ-ફ-ઢ)

તમારા માટે ક્રોધ-આવેશને નિયંત્રણમાં રાખવાની સલાહ આપતું સપ્તાહ શરૃ થવા જાય છે. આ સપ્તાહના દિવસો દરમિયાન આપને આપના વાણી-વર્તન-વ્યવહારમાં સંયમ રાખવાની અંગત સલાહ છે. આપની માનસિક સ્થિતિ બેચેનીભરી રહેવા પામે. ઘર-પરિવારના સભ્યો કે મિત્રો સાથે વાદ-વિવાદ કે બોલાચાલી થઈ શકે છે. પરિસ્થિતિ વધુ વિકટ બનતી જણાય. આકસ્મિક બાબતે સમય નરમ-ગરમ બની રહે. આકસ્મિક ધનલાભની પૂર્ણ શક્યતા જણાય છે. સ્વાસ્થ્ય બાબતે સમય નરમ-ગરમ બની રહે. ઋતુગત રોગોથી સાવધાની રાખવી. તા. ૧૦ થી ૧૩ વાદ-વિવાદ ટાળવા. તા. ૧૪ થી ૧૬ મધ્યમ.

Capricorn (મકર: ખ-જ)

તમારા માટે નફો-નુક્સાનભર્યું સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપની નાણાકીય સ્થિતિ ઉતાર-ચઢાવભરી બની રહે. વ્યાપાર-વ્યવસાય ક્ષેત્રે નોંધપાત્ર પ્રગતિ સાધી શકશો. આવકના નવા સ્ત્રોત ખૂલતા જણાય. પારિવારિક ક્ષેત્રે આકસ્મિક ખર્ચાઓને કારણે નાણાકીય સ્થિતિ મધ્યમ બની રહે. વડીલ વર્ગ, માતા-પિતા, સ્નેહીજનોના સ્વાસ્થ્ય બાબતે ખર્ચ થાય. સામાજિક તથા જાહેરજીવન સાથે સંકળાયેલા જાતકોને કાર્ય પ્રગતિ થાય. તા. ૧૦ થી ૧૩ ખર્ચ-વ્યય. તા. ૧૪ થી ૧૬ મધ્યમ.

Aquarius (કુંભ: ગ-શ-સ)

આપના માટે સફળતાદાયક સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપે આપના કાર્યક્ષેત્રે મહત્ત્વની અને લાભદાયી તકો પ્રાપ્ત થશે તે ઝડપી લેજો. સફળતા અને પ્રગતિના માર્ગો ખૂલતા જણાય. ધંધાકીય ખરીદી તેમજ આર્થિક રોકાણ માટે સમય સાનુકૂળ બની રહે, જો કે કાર્યબોજને કારણે શારીરિક તથા માનસિક થાકનો અનુભવ થાય. કૌટુંબિક ક્ષેત્રે ધાર્મિક કે માંગલિક કાર્યોનું આયોજન થાય. સામાજિક-જાહેરજીવન ક્ષેત્રે યશ-કીર્તિમાં વધારો થાય. તા. ૧૦ થી ૧૩ મિશ્ર. તા. ૧૪ થી ૧૬ લાભદાયી.

Pisces (મીન: દ-ચ-ઝ-થ)

આપના માટે નવી કાર્યરચના સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન વ્યાપાર-ધંધા-વ્યવસાય ક્ષેત્રે આપ નવી દિશામાં ઝંપલાવી શકો છો. આવકવૃદ્ધિના માર્ગો ખૂલતા જણાય. આપની સુઝબુઝ દ્વારા આપ ધારી સફળતા મેળવી શકશો. સમય ઉત્સાહવર્ધક બની રહે. કૌટુંબિક ક્ષેત્રે ભાઈ-ભાંડુ સાથે તકરાર કે મતભેદ ઊભા થઈ શકે છે. આરોગ્ય બાબતે પડવા-વાગવાથી સાવધાની રાખવી. મહત્ત્વની મુલાકાત લાભદાયી સાબિત થાય. યાત્રા-પ્રવાસનું આયોજન વિલંબમાં પડે. તા. ૧૦ થી ૧૩ નવિન કાર્ય થાય. તા. ૧૪ થી ૧૬ સાનુકૂળ.

Aries (મેષ: અ-લ-ઈ)

આપના માટે તડકા-છાંયા જેવી પરિસ્થિતિ સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન પરિસ્થિતિ ઘણીવાર પ્રતિકૂળ અને સાનુકૂળ બનતી જણાય. વ્યાપાર-ધંધા-વ્યવસાય ક્ષેત્રે સમય નરમ-ગરમ સાબિત થાય. મહત્ત્વના નિર્ણયો લેતી વખતે તકેદારી દાખવવી. ગૃહસ્થજીવનમાં સંબંધો બગડેલા રહે. સ્વાસ્થ્ય સુખાકારી મધ્યમ રહેવા પામે. વડીલોપાર્જિત મિલકતો અંગેના વાદ-વિવાદનો ઉકેલ લાવી શકશો. નોકરિયાત વર્ગને સહકર્મચારી કે ઉપરી અધિકારીનો સાથ-સહકાર મળતા સફળતા પ્રાપ્ત થાય. તા. ૧૦ થી ૧૩ સંભાળવું. તા. ૧૪ થી ૧૬ સારી.

Taurus (વૃષભ: બ-વ-ઉ)

તમારા માટે આકસ્મિક લાભનો યોગ સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને આપના કાર્યક્ષેત્રે અણધાર્યો ઓચિંતો લાભ પ્રાપ્ત થવાની સંભાવના જણાય છે. વ્યાપાર-ધંધા-રોજગાર ક્ષેત્રે મંદીની અસરમાંથી બહાર આવી શકો. મહત્ત્વના કાર્યોમાં સફળતા પ્રાપ્ત થાય. ઘર-પરિવારની બાબતે સમય નબળો જણાય છે. દાંપત્યજીવનમાં નાની-મોટી વાતો મોટું સ્વરૃપ ધારણ ન કરે તેનું ધ્યાન રાખજો. નોકરિયાત વર્ગે ઉપરી અધિકારી સાથે વાદ-વિવાદ ટાળવા. તા. ૧૦ થી ૧૩ ધનલાભ. તા. ૧૪ થી ૧૬ વિવાદ ટાળવા.

Gemini (મિથુન: ક-છ-ધ)

આપના માટે આરોગ્યની કાળજી રાખવાની સલાહ આપતું સપ્તાહ શરૃ થવા જાય છે. આ સપ્તાહના દિવસો દરમિયાન આપે આપના સ્વાસ્થ્ય પ્રત્યે જાગૃત રહેવાની અંગત સલાહ છે અન્યથા બીમાર પડવાની પૂર્ણ શક્યતા છે. બહારના ખાન-પાન ઉપર નિયંત્રણ રાખવું અનિવાર્ય બની રહે. વ્યાપાર-ધંધામાં એકંદરે સમય ઉન્નતિકારક બની રહે. નવી દિશામાં આગળ વધવાની તક પ્રાપ્ત થાય. નાણાકીય પરિસ્થિતિ સુધરતા ખર્ચાઓને પહોંચી વળવા સક્ષમ બનતા જણાવ. સંતાન તરફથી શુભ સમાચાર પ્રાપ્ત થાય. તા. ૧૦ થી ૧૩ તબિયત સાચવવી. તા. ૧૪ થી ૧૬ નવિન કાર્ય થાય.

Cancer (કર્ક: ડ-હ)

તમારા માટે પરિસ્થિતિ સુધારતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપનો સમય બદલાવભર્યો બની રહે. આપ આપની કાર્યશૈલીમાં બદલાવ લાવી શકો. યોજનાઓને અમલમાં લાવવા માટે સમય યોગ્ય બની રહે. ધંધા--વ્યવસાય ક્ષેત્રે નવી કામગીરી થકી વિકાસના પંથે આગળ વધી શકો. આર્થિક સ્થિતિમાં સુખદ બદલાવ આવે, જો કે વધારે પડતી જવાબદારીઓને કારણે માનસિક થાકનો અનુભવ થાય. આરોગ્ય બાબતે સાવધાન રહેવું. પારિવારિક ક્ષેત્રે સંતાન તરફથી લાભ થાય. તા. ૧૦ થી ૧૩ નવિન કાર્ય થાય. તા. ૧૪ થી ૧૬ સાચવવું.

Leo (સિંહ: મ-ટ)

આપના માટે નાણાભીડ સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન આપે નાણાકીય બાબતે ખૂબ જ સંભાળીને રહેવું. નાના-નાના ખર્ચાઓ પ્રત્યે પણ ધ્યાન આપવું પડે અન્યથા નાણાભીડનો સામનો કરવો પડી શકે છે. ધંધા-રોજગાર ક્ષેત્રે તેજીના દર્શન થાય, પરંતુ ધાર્યો લાભ મેળવવા માટે હજુ સમયની રાહ જોવી પડે. આરોગ્ય સુખાકારી સારી રહેવા પામે. પારિવારિક જીવનનું વાતાવરણ આનંદમય રહેવા પામે. ભૌતિક સુખ-સગવડના સાધનો પાછળ નાણાનો ખર્ચ કરવા આપ આકર્ષાતા જણાવ. તા. ૧૦ થી ૧૩ નાણાભીડ. તા. ૧૪ થી ૧૬ મધ્યમ.

Virgo (કન્યા: પ-ઠ-ણ)

તમારા માટે વ્યવસાય ક્ષેત્રે લાભદાયી સમય સાથે લાવતું સપ્તાહ શરૃ થવા જાય છે. આ સપ્તાહના સમયગાળા દરમિયાન આપને આપના કાર્યક્ષેત્રે સફળતાના દ્વારો ખૂલતા જણાય. મહેનતનું મીઠું ફળ ચાખવા મળી શકે છે. કોઈ નવિન કાર્ય કે યોજનાને અમલમાં મૂકવા માટે સમય શ્રેષ્ઠ જણાય છે. પારિવારિક ક્ષેત્રે માતા-પિતા, વડીલ વર્ગનું સ્વાસ્થ્ય ચિંતાનું કારણ બની રહે. માનસિક દૃષ્ટિએ ચિંતા-ઉદ્વેગ રહે. જાહેરજીવન ક્ષેત્રે શત્રુ વિરોધીઓ નબળા પડતા જણાય. યાત્રા-પ્રવાસ અંગે સાનુકૂળતા રહે. ખર્ચ-વ્યય થાય. તા. ૧૦ થી ૧૩ મધ્યમ. તા. ૧૪ થી ૧૬ વ્યવસાયિક લાભ.

Libra (તુલા: ર-ત)

તમારા માટે આત્મચિંતન કરાવનારો સમય સાથે લાવતું સપ્તાહ શરૃ થવા જાય છે. આ સપ્તાહના દિવસો દરમિયાન મહત્ત્વના ફેરફારો થઈ શકે છે. નવા કાર્યો હાથમાં લઈ શકો છો. આપની કાર્યશૈલીમાં બદલાવ આવે. નિશ્ચિત ધ્યેયોને પામવા આપ સ્વમૂલ્યાંકન થકી આગળ વધી શકશો. વ્યવસાય ક્ષેત્રે અણધાર્યા લાભ પ્રાપ્ત થઈ શકે છે, જો કે આરોગ્ય બાબતે સાવધાની રાખવી અનિવાર્ય બને. વિદ્યાર્થી ભાઈ-બહેનોને અભ્યાસમાં રૃચિ વધે. સામાજિક ક્ષેત્રે મિલન-મુલાકાતના પ્રસંગ બને. તા. ૧૦ થી ૧૩ સામાજિક કાર્ય થાય. તા. ૧૪ થી ૧૬ મિશ્ર.

Scorpio (વૃશ્ચિક: ન-ય)

આપના માટે પારિવારિક કાર્યો કરવાનું સપ્તાહ શરૃ થવા જાય છે. આ સપ્તાહના સમયગાળા દરમિયાન આપ સ્નેહીજનો સાથે સુખમય સમય પસાર કરી શકશો. કૌટુંબિક ક્ષેત્રે આપ વધારે સક્રિય બનશો. કોઈ શુભ કે માંગલિક પ્રસંગનું આયોજન થઈ શકે છે. વ્યાપાર-વ્યવસાય ક્ષેત્રે દોડધામ રહે. મહત્ત્વના કાર્યો ધીમી ગતિએ આગળ વધતા જણાય. આર્થિક દૃષ્ટિએ સમય મધ્યમથી નબળો બની રહે. સુખ-સગવડના સાધનો પાછળ નાણાનો વ્યય કરવા આકર્ષાશો. આરોગ્ય સુખાકારી એકંદરે સારી રહેવા પામે. તા. ૧૦ થી ૧૩ ખર્ચાળ. તા. ૧૪ થી ૧૬ કૌટુંબિક કાર્ય થાય.

Opinion Poll

ભારતીય ક્રિકેટમાં અત્યાર સુધીનો સર્વશ્રેષ્ઠ 'કપ્તાન' કોણ..?




કાર્ટૂન

ફોટો ગેલેરી